ວັນທີ 4 ເມສາ 2023 ກະຊວງ ປກສ ຈັດພິທີປະກາດແຕ່ງຕັ້ງ ແລະ ເລື່ອນຊັ້ນໃຫ້ນາຍຕໍາຫຼວດຂັ້ນສູງ ໃຫ້ກຽດເປັນປະທານ ແລະ ປະດັບຊັ້ນໂດຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງ ປກສ, ມີບັນດາຮອງລັດຖະມົນຕີ, ຫົວໜ້າກົມໃຫຍ່, ຄະນະຈັດຕັ້ງສູນກາງພັກ, ກົມກອງອ້ອມຂ້າງກະຊວງ, ຕະຫຼອດຮອດພະນັກງານຜູ້ທີ່ໄດ້ຮັບການແຕ່ງຕັ້ງ ແລະ ເລື່ອນຊັ້ນເຂົ້າຮ່ວມ.

ທ່ານ ດອນ ໄພວົງ ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ຜ່ານມະຕິຕົກລົງເລກທີ 326, 327, 328/ຄລສພ, ລົງວັນທີ 29 ມີນາ 2023 ວ່າດ້ວຍການບົ່ງຕົວແຕ່ງຕັ້ງ ກໍາມະການປະຈໍາພັກ, ກໍາມະການຄະນະພັກກະຊວງປ້ອງກັນຄວາມສະຫງົບ; ໃນນີ້, ບົ່ງຕົວແຕ່ງຕັ້ງ ສະຫາຍ ພົຈວ ທອງສຸກ ຍ່າເອີລາວລີ ເປັນກຳມະການປະຈຳພັກ ກະຊວງປ້ອງ ກັນຄວາມສະຫງົບ, ສະຫາຍ ພົຈວ ໜູຈອນ ກ້ອນທອງດໍາ ເປັນກຳມະການຄະນະພັກ ກະຊວງປ້ອງກັນຄວາມສະຫງົບ, ສະຫາຍ ພົຈວ ແອນ ອຸ່ນອານົງນຸດ ເປັນກຳມະການຄະນະພັກ ກະຊວງປ້ອງກັນຄວາມສະຫງົບ; ດໍາລັດ ສະບັບເລກທີ 151, 152, 153/ນຍ, ລົງວັນທີ 30 ມີນາ 2023 ວ່າດ້ວຍການແຕ່ງຕັ້ງນາຍຕຳຫຼວດ ກະຊວງປ້ອງກັນຄວາມສະຫງົບ; ໃນນີ້, ແຕ່ງຕັ້ງ ພົຈວ ທອງສຸກ ຍ່າເອີລາວລີ ເປັນຫົວໜ້າກົມໃຫຍ່ພະລາທິການ ປກສ, ພັອ ເຄນທະວີໄຊ ເພັດພະນາ ເປັນຮອງຫົວໜ້າຫ້ອງວ່າການ ກະຊວງ ປກສ, ພັອ ບຸນລຽນ ສະອາດສີ ເປັນຫົວໜ້າກົມກວດກາ-ກວດການ ກະຊວງ ປກສ.

ໃນພິທີ, ທ່ານ ດອນ ໄພວົງ ຍັງໄດ້ຜ່ານລັດຖະດຳລັດ ສະບັບເລກທີ 039-042/ປປທ, ລົງວັນທີ 4 ເສມາ 2023 ວ່າດ້ວຍການເລື່ອນຊັ້ນພັນເອກ ຂຶ້ນ ຊັ້ນພົນຈັດຕະວາ ໃຫ້ນາຍຕຳຫຼວດ ຈໍານວນ 5 ສະຫາຍ ປະກອບມີ: ສະຫາຍ ສີສຸວັນ ທອງປະເສີດ ຮອງຫົວໜ້າກົມໃຫຍ່ພະລາທິການ ປກສ, ສະຫາຍ ທອງບຸນ ຂຸນລະພິດ ຮອງຫົວໜ້າຫ້ອງການຄະນະກໍາມະການ ປກຊ-ປກສ ສູນກາງ, ສະຫາຍ ຄຳຈັນ ແສງລາວົງ ຫົວໜ້າກອງບັນຊາການ ປກສ ແຂວງຜົ້ງສາລີ, ສະຫາຍ ຕູ່ຊົ່ງ ປັດໃຈ ຫົວໜ້າກອງບັນຊາການ ປກສ ແຂວງຫຼວງພະບາງ, ສະຫາຍ ຄຳແພງ ເພັດ ຫົວໜ້າກອງບັນຊາການ ປກສ ແຂວງໄຊຍະບູລີ; ຜ່ານດໍາລັດຂອງນາຍົກລັດຖະມົນຕີ ສະບັບເລກທີ 154-187/ນຍ, ລົງວັນທີ 30 ມີນາ 2023 ວ່າດ້ວຍການເລື່ອນຊັ້ນ ພັນໂທ ຂຶ້ນຊັ້ນ ພັນເອກ ໃຫ້ນາຍຕໍາຫຼວດ ຈໍານວນ 34 ສະຫາຍ ຍິງ 4 ສະຫາຍ.

ແຫຼ່ງຂ່າວ ຄວາມສະຫງົບ

ຕາມການລາຍງານຂອງຜູ້ໃຊ້ເຟສບຸກຊື່ວ່າ: Anousone Phanpaseuth ໄດ້ໂພສຄລິບວີດີໂອ ເດັກນ້ອຍຄົນໜິ່ງ ເລະຂໍເງິນປະຊາຊົນຢູ່ປໍ້ານໍ້າມັນບ້ານນາເມືອງ ເມືອງນານ ແຂວງຫຼວງພະບາງ.

ເຊິ່ງຜູ້ກ່ຽວໄດ້ລະບຸວ່າ: ເຄີຍນັ່ງລົດລົງໄປວຽງຈັນຫຼາຍເທື່ອແລ້ວ ແລະ ມັກແວ່ເຂົ້າຫ້ອງນໍ້າ ປໍ້ານໍ້າມັນແຫ່ງນີ້ ແລະ ຈະມັກເຫັນເດັກນ້ອຍຜູ້ນີ້ມາຂໍເງີນຕະຫຼອດ ແຕ່ມາວັນທີ່ 3 ເມສາ(4) 2023 ເວລາ 13ໂມງ25 ນາທີ ເທື່ອນີ້ມາເຫັນໃນສະພາບທີ່ນະມອມແມ໋ມ ແລະ ມີບາດແຜເຕັມໂຕເລີຍຖາມກົກປາຍສາຍເຫດ ຈຶ່ງໄດ້ຮູ້ວ່າທີ່ບາດເຈັບມາ ລາວໄດ້ບອກວ່າຖຶກພໍ່ຕີ ຍ້ອນມາຂໍເງີນໄປໃຫ້ພໍ່ບໍ່ໄດ້ ພໍ່ແມ່ນກິນຢາ ແມ່ໜີປະ ເພີ່ນກໍເລີຍໄປຖາມຄົນອ້ອມແອມແຖວນັ້ນວ່າເເມ່ນຄວາມຈິ່ງແທ້ບໍ ເຂົາເຈົ້າກະຕອບເປັນສຽງດຽວກັນວ່າຖຶກພໍ່ຕີຕະຫຼອດຖ້າຫາກມາຂໍເງີນນຳລົດທີ່ພາແຂກມາແວ່ເຂົ້າຫ້ອງນໍ້າຢູ່ທີ່ນີ້ບໍ່ໄດ້

ສະນັ້ນຈຶ່ງຮຽກຮ້ອງໃຫ້ອົງການຈັດຕັ້ງບ້ານ ແລະ ພາກສ່ວນທີ່ກ່ຽວຂ້ອງລົງໄປຊ່ອຍເຫຼືອແກ້ໄຂບັນຫາເດັກນ້ອຍຜູ້ນີ້ແດ່ທ້ອນ.

ຊ່ວງລະດູແລ້ງມານີ້ ສັງເກດເຫັນວ່າມີເຫດອັກຄີໄພ ແລະ ໄຟໄໝ້ລາມປ່່າເກີດຂຶ້ນທຸກມື້,

ຂໍໃຫ້ທຸກຄົນມີສະຕິລະວັງໂຕຕໍ່ອັກຄີໄພທີ່ອາດຈະເກີດຂຶ້ນໄດ້ຕະຫຼອດເວລາ,

ຫົວໜ້າໂຄງການກໍ່ສ້າງເສັ້ນທາງ 18 A ໄລຍະ 1 ພະແນກ ຍທຂ ຊີ້ແຈງກໍລະນີຂົວຫ້ວຍກັນຈານ ເມືອງສະໜາມໄຊ ‘’ຫັກ’’

ທ່ານ. ບົວໄຂ ຊາວພູທອນ ຫົວໜ້າໂຄງການ ກໍ່ສ້າງເສັ້ນທາງ 18 A ໄລຍະ 1 ພະແນກ ຍທຂ ແຂວງ ອັດຕະປື ໄດ້ໃຫ້ສໍາພາດຕໍ່ສື່ມວນຊົນແຂວງໃນຄັ້ງວັນທີ 22 ມີນາ 2023 ນີ້ວ່າ: ໂດຍອີງໃສ່ບົດບັນທຶກລະຫວ່າງພະແນກ ໂຍທາທິການແລະ ຂົນສົ່ງແຂວງ ຮ່ວມກັບ ພະແນກກະສິກໍາ ແລະ ປ່າໄມ້ແຂວງ ໄດ້ບັນທຶກລົງໃນວັນທີ 10 ມີນາ 2023​ ເລື່ອງການຄົ້ນຄວ້າປຶກສາຫາລືກ່ຽວກັບການຂົນສົ່ງໄມ້ທ່ອນອອກຈາກສະໜາມ 2 ເຂົ້າໂຮງງານ ໂດຍແມ່ນໄມ້ທ່ອນທີ່ຮັບການອະນຸຍາດຂຸດຄົ້ນຈາກເຂດແລ້ວນໍ້າທີ່ຮັບຜົນກະທົບຈາກເຂືອນເຊປຽນ-ເຊນໍ້ານ້ອຍແຕກໃນຄັ້ງວັນທີ 23 ເດືອນ ກໍລະກົດ ປີ 2018 ຜ່ານມາ, ເຊິ່ງມີບໍລິມາດຂົນສົ່ງໄມ້ທ່ອນທັງໝົດ 94 ພັນແມັດກ້ອນ, ໃນນັ້ນ, ມີໄມ້ເຂດເມືອງສະະໜາມໄຊ 79 ພັນເມັດກ້ອນ ແລະ ເຫັນດີຂົນສົ່ງຜ່ານເສັ້ນທາງດິນແດງທາງຫລວງທ້ອງຖິ່ນ 9004 ແລະ ທາງຫລວງ 18 A .ໃນເວລາຂົນສົ່ງຫາກກໍລະນີມີຂົວຫັກ, ເສັ້ນທາງເປ້ເພເສຍຫາຍ ບໍ່ສາມາດສັນຈອນໄດ້ແມ່ນມອບໃຫ້ບໍລິສັດຂົນສົ່ງເປັນຜູ້ຮັບຜິດຊອບສ້ອມແປງທັງໝົດ ແລະ ມອບໃຫ້ຂະແໜງການກະສິກໍາ ແລະ ປ່າໄມ້ ຂຶ້ນໄມ້ທ່ອນແຕ່ລະຄັນບໍ່ໃຫ້ເກີນ 25 ແມັດກ້ອນຕໍ່ຄັນ, ສໍາລັບລົດປະເພດ 22 ລໍ້, ໃນເວລາອອກຂົນສົ່ງໃຫ້ຫຸ້ມຫໍດ້ວຍຜ້າບັດ, ສ່ວນລົດປະເພດ ຫົວລາກ 10,12, ແລະ 14 ລໍ້ ແມ່ນບໍ່ອະນຸຍາດຂົນສົ່ງຢ່າງເດັດຂາດ, ສ່ວນຂົວເຫຼັກແຕ່ລະຈຸດຮັບນໍ້າໜັກໄດ້ພຽງ 30 ໂຕນ. ມອບໃຫ້ຂະແໜງຂົນສົ່ງ ຮ່ວມກັບຫ້ອງການ ຍທຂ ເມືອງ ສະໜາມໄຊ ລົງກວດກາໃນການຂົນສົ່ງໄມ້ທ່ອນ ໃຫ້ຖືກຕ້ອງຕາມການອະນຸຍາດ ແລະ ການຂົນສົ່ງໄມ້ທ່ອນແມ່ນໃຫ້ຢຸດເຊົາໃນວັນທີ 30 ພຶດສະພາ ປີ 2023.

ສາເຫດທີ່ພາໃຫ້ຂົວຫັກ ແມ່ນຍ້ອນການຂົນສົ່ງໄມ້ເກີນບໍລິມາດຕາມທີ່ໄດ້ກໍານົດໄວ້ໃນບົດບັນທຶກສະບັບນີ້, ສ່ວນຂົວຫ້ວຍກັນຈານດັ່ງກ່າວແມ່ນເປັນຂົວເຫຼັກທີ່ໄດ້ຮັບການສະໜູນຊ່ວຍເຫລືອກໍ່ສ້າງຈາກໂຄງການທາງລົດໄຟລາວ-ຈີນ, ໃນປີ 2018 ມີລວງຍາວ 30 ແມັດ ແລະ ລວງກວ້າງ 6 ແມັດ ມາຮອດວັນທີ 20 ມີນາ 2023 ແມ່ນໄດ້ຫັກ ແລະ ໄດ້ຮັບຄວາມເສຍຫລາຍສົມຄວນ.

ປັດຈຸບັນທາງບໍລິສັດກໍໄດ້ມີຄວາມຮັບຜິດຊອບ ແລະ ມີຄວາມພ້ອມໃນການກໍ່ສ້າງສ້ອມແປງຄືນເປັນຕົ້ນ: ປັດຈຸບັນໄດ້ຮີບຮ້ອນເລັ່ງມືກໍ່ສ້າງຖົມທາງເວັ້ນ ເພື່ອເອື້ອອໍານວຍຄວາມສະດວກໃຫ້ແກ່ການຂົນສົ່ງ ແລະ ການສັນຈອນໄປມາຂອງປະຊາຊົນໄດ້ສໍາເລັດ ແລະ ພ້ອມທີ່ຈະປັງປຸງກໍ່ສ້າງຄືນໃໝ່ຂົວເຫຼັກທີ່ຫັກນັ້ນໃຫ້ທັນຮັບໃຊ້ປະຊາຊົນກ່ອນຊ້ວງລະດູຝົນປີ 2023 ນີ້.

ສະນັ້ນ, ຂໍຮຽກຮ້ອງ ແລະ ຝາກເຖິງພໍ່ແມ່ປະຊາຊົນ ແລະ ສັງຄົມທຸກທົ່ວໜ້າທັງພາຍໃນ ແລະ ຕ່າງປະເທດ ຈົ່ງມີຄວາມເຂົ້າໃຈ ແລະ ມີສະຕິໃນການຕິດຕາມ, ຮັບຟັງຂໍ້ມູນຂ່າວສານທີ່ມີຈິງ ໂດຍສະເພາະແມ່ນສື່ສັງຄົມອອນລາຍ ທີ່ບໍ່ເປັນທາງການຂໍໃຫ້ການບໍລິໂພກຢ່າງມີສະຕິ ແລະ ໃຫ້ກຽດເຊິ່ງກັນ ແລະ ກັນ.

ແຫຼ່ງຂ່າວ: ຂ່າວສານອອນລາຍ ອັດຕະປື

ວັນທີ 22 ມີນາ 2023 ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນ ໂດຍໃຫ້ການຕ້ອນຮັບຈາກທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ພ້ອມດ້ວຍບັນດາການນໍາຂອງແຂວງ, ການນໍາຂອງເມືອງເຂົ້າຮ່ວມ.

ພ້ອມນີ້ຄະນະທ່ານປະທານປະເທດໄດ້ເດີນທາງໄປຢ້ຽມຢາມ ແລະ ພົບປະພໍ່ແມ່ປະຊາຊົນບ້ານຜັກອີ່ຕູ່ ເມືອງ ໜອງບົກ ເຊິ່ງໄດ້ຮັບຟັງການລາຍງານສະພາບການພັດທະນາ ແລະ ບາງວຽກງານທີ່ໄດ້ຮັບການຈັດຕັ້ງປະຕິບັດຢູ່ໃນເມືອງໜອງບົກ ໃນໄລຍະຜ່ານມາ ແລະ ສະພາບການພັດທະນາບ້ານຜັກອີ່ຕູ່. ເຊິ່ງຄະພັກ, ຄະນະການຈັດຕັ້ງບ້ານ ໄດ້ສຸມໃສ່ນໍາພາປະຊາຊົນພັດທະນາພື້ນຖານໂຄງລ່າງ ໂດຍສະເພາະເສັ້ນທາງເຊື່ອມຕໍ່ລະຫວ່າງບ້ານ, ເສັ້ນທາງໄປສູ່ພື້ນທີ່ການຜະລິດຂອງປະຊາຊົນ ໃຫ້ສາມາດທຽວໄດ້ທັງສອງລະດູ. ບ້ານຜັກອີ່ຕູ່ ມີເນື້ອທີ່ທັງໝົດ 190 ເຮັກຕາ, ໃນນີ້ເນື້ອທີ່ການຜະລິດ 187 ເຮັກຕາ, ມີ 81 ຄອບຄົວ, ພົນລະເມືອງ 409 ຄົນ. ໃນປີ 2022 ປະຊາຊົນພາຍໃນບ້ານໄດ້ສຸມໃສ່ຜະລິດເຂົ້ານາປີໄດ້ 149 ເຮັກຕາ, ນາແຊງ 139 ເຮັກຕາ, ຜົນຜະລິດລວມໄດ້ 1.152 ໂຕ່ນ, ສະເລ່ຍໄດ້ 1.816 ກິໂລຕໍ່ຄົນຕໍ່ປີ ແລະ ໄດ້ຂາຍເປັນສິນຄ້າ 868 ໂຕ່ນ ລວມມູນຄ່າ 5,4 ຕື້ກວ່າກີບ ພ້ອມນີ້ຍັງໄດ້ປູກສາລີ ແລະ ພືດຜັກອື່ນໆຢ່າງເປັນຂະບວນຟົດຟື້ນ. ຈາກນັ້ນຄະນະຂອງທ່ານປະທານປະເທດກໍ່ໄດ້ເດີນທາງຢ້ຽມຢາມການລ້ຽງປາໃສ່ກະຊັງ ທີ່ບ້ານຈອມແຈ້ງ ເມືອງທ່າແຂກ ແລະ ເຂົ້າກາບໄຫວ້ຫໍຈາລຶກປະຫວັດສາດ ບັ້ນຮົບປ້ອງກັນຕົວເມືອງທ່າແຂກ 21 ມີນາ 1946 ພ້ອມຊົມງານວາງສະແດງ ແລະ ຈໍາໜ່າຍສິນຄ້າຢູ່ບໍລິເວນຫໍຈາລຶກດັ່ງກ່າວ.

ໂອກາດດຽວກັນທ່ານປະທານປະເທດ ກໍ່ໄດ້ໂອ້ລົມ ແລະ ໃຫ້ທິດຊີ້ນຳແກ່ພາກສ່ວນກ່ຽວຂ້ອງ ໃຫ້ເພີ່ມທະວີຄວາມເອົາໃຈໃສ່ບາງດ້ານເປັນຕົ້ນ: ເອົາໃຈໃສ່ຊຸກຍູ້ສົ່ງເສີມໃຫ້ພໍ່ແມ່ປະຊາຊົນບ້ານຜັກອີ່ຕູ່ ປູກພືດຜັກປອດສານຜິດ ເພື່ອສົ່ງຂາຍຕະຫຼາດທີ່ເຫັນວ່າສັງຄົມມີຄວາມຕ້ອງການສູງ ແລະ ໄດ້ລາຄາດີກວ່າ, ຫຼຸດຜ່ອນການນຳເຂົ້າພືດຜັກຈາກບ່ອນອື່ນ ຫຼື ຈາກປະເທດໃກ້ຄຽງ ພ້ອມທັງມີການຄົ້ນຄວ້າປູກພືດຜັກທີ່ໃຊ້ນໍ້າໜ້ອຍ ແຕ່ໄດ້ຜົນຕອບຮັບທີ່ສູງ ເພື່ອປະຢັດຕົ້ນທຶນການຜະລິດລົງ, ມອບໃຫ້ກະຊວງກ່ຽວຂ້ອງສຶກສາຄົ້ນຄວ້າ ເພື່ອເຮັດແນວໃດໃຫ້ພໍ່ແມ່ປະຊາຊົນໄດ້ເຂົ້າເຖິງສິ່ງອຳນວຍຄວາມສະດວກໃນການຜະລິດ ທີ່ມີຕົ້ນທຶນທີ່ຕໍ່າ ໂດຍສະເພາະເຄື່ອງກົນຈັກ, ລາຄາປຸ໋ຍ ແລະ ອື່ນໆ, ຄະນະນຳຂອງເມືອງ, ບ້ານ ໃຫ້ເອົາໃຈໃສ່ຮັກສາມູນເຊື້ອວິລະຊົນ, ມູນເຊື້ອປະຕິວັດ, ເຮັດໃຫ້ປະຊາຊົນມີຢູ່ມີກິນ ແລະ ເປັນເຈົ້າການປົກປ້ອງເຂດນໍ້າແດນດິນຂອງຕົນຢ່າງເປັນເຈົ້າການ, ເຮັດໃຫ້ປະຊາຊົນໄດ້ຮັບຮູ້, ເຂົ້າຮ່ວມ ແລະ ປະກອບສ່ວນຢ່າງຕັ້ງໜ້າຕໍ່ແນວທາງນະໂຍບາຍຂອງພັກ-ລັດ ແລະ ຮັກສາໄດ້ຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ, ຕໍ່ຕ້ານບັນດາປະກົດການຫຍໍ້ທໍ້ ແລະ ກຸ່ມຄົນທີ່ບໍ່ດີ ທີ່ຫວັງມ້າງເພທຳລາຍ ສ້າງຄວາມແຕກແຍກໃນລະບົບການຈັດຕັ້ງຕ່າງໆ, ສຶກສາອົບຮົມລູກຫຼານ-ເຍົາວະຊົນ ຢ່າໃຫ້ຫຼົງມົວເມົານຳຢາເສບຕິດ ແລະ ສຶກສາອົບຮົມໃຫ້ເຂົາເຈົ້າເສບຂໍ້ມມູນຂ່າວສານຈາກສື່ອອນລາຍທີ່ມີຜົນປະໂຫຍດ, ມີການແຂ່ງຂັນພັດທະນາທາງດ້ານການຜະລິດໃຫ້ມີຄວາມແຂງແຮງ ແລະ ສ້າງໃຫ້ເປັນແບບຢ່າງໃຫ້ແກ່ບັນດາເມືອງ ແລະ ແຂວງອື່ນໆ, ມອບໃຫ້ກະຊວງ ແລະ ຂະແໜງການທີ່ກ່ຽວຂ້ອງ ສົມທົບກັບຜູ້ປະກອບການ ສຶກສາຄົ້ນຄວ້າ ໃນການເພາະພັນລູກປາ ເພື່ອລ້ຽງຕອບສະໜອງໃຫ້ແກ່ຕະຫຼາດພາຍໃນ ແລະ ຫຼີກລ້ຽງການນຳເຂົ້າລູກປາຈາກບ່ອນອື່ນ ທັງເປັນການປະຢັດຕົ້ນທຶນ ແລະ ເພີ່ມກຳໄລໃຫ້ແກ່ຜູ້ປະກອບການ.

ໂອກາດດຽວກັນທ່ານປະທານປະເທດ ກໍ່ຍັງໄດ້ໂອ້ລົມໃຫ້ທິດຊີ້ນຳແກ່ການນຳຂອງແຂວງ ຢູ່ທີ່ເຮືອນຮັບແຂກ ເລກ 1 ເພື່ອເຮັດໃຫ້ການບໍລິຫານວຽກງານຕ່າງໆຢູ່ພາຍໃນແຂວງຄຳມ່ວນ ໄດ້ຮັບການພັດທະນາ ແລະ ມີບາດກ້າວຂະຫຍາຍຕົວສູງຂຶ້ນກວ່າເກົ່າ.

ແຫຼ່ງຂ່າວ-ພາບ: Media Laos

ຕາມການລາຍງານຈາກ ໜ່ວຍກູ້ໄພຊ່ວຍເຫຼືອຜູ້ດ້ອຍໂອກາດ ຈຸດບ້ານຫ້ອມ ໃຫ້ຮູ້ວ່າ: ໃນເວລາ 20:28 ນາທີ ຂອງວັນອາທິດ ໄດ້ຮັບແຈ້ງເຫດຈາກປະຊາຊົນ ຜ່ານເບີ 020 22985558 ວ່າມີລົດລົ້ມຢູ່ທາງໂຄ້ງ ບ້ານຈຽມປາງ​ ເມືອງຫາດຊາຍຟອງ​ ນະຄອນຫຼວງວຽວຈັນ ເມື່ອກູ້ໄພໄປເຖິງຈຸດເກີດເຫດກໍພົບລົດຈັກ 1 ຄັນ ແລະ ພົບຄົນເສຍຊີິວິດຄາທີ່ ຜ່ານການກວດສອບຮ່າງກາຍ ແມ່ນຄົນເຈັບຖືກກະທົບໜ້າ ແລະ ຫົວເບື້ອງຂວາຢ່າງຮຸນແຮງ.

ສຳລັບສົບຜູ້ເສຍຊີວິດແມ່ນທາງຍາດພີ່ນ້ອງໄດ້ມາຮັບເອົາທີ່ຈຸດເກີດເຫດ ພ້ອມນຳໄປປະຕິບັດພິທີທາງສາສະໜາຕໍ່ໄປ.

ຂໍສະແດງຄວາມເສຍໃຈກັບເຫດການຄັ້ງນີ້.