ເມືອງວິລະບູລີ ອອກແຈ້ງການເພີ່ມທະວີປ້ອງກັນໂຄວິດ-19 ຫຼ້າສຸດ

By

-

March 20, 2022

ອີງຕາມຄະນະສະເພາະກິດເມືອງວິລະບູລີ ແຂວງສະຫວັນນະເຂດ ອອກແຈ້ງການເລກທີ 84, ລົງວັນທີ 18 ມີນາ 2022 ໃຫ້ເພີ່ມທະວີຈັດຕັ້ງປະຕິບັດມາດຕະການປ້ອງກັນໂຄວິດ-19 ຢ່າງເຂັ້ມງວດ.

ປັດຈຸບັນ ສະພາບການແຜ່ລະບາດ ຂອງພະຍາດ Covid-19 ຢູ່ຊຸມຊົນພາຍໃນເມືອງວິລະບູລີ ເຫັນວ່າມີທ່າ ອ່ຽງເພີ່ມຂຶ້ນ, ເຊິ່ງສາເຫດຫຼັກຂອງການແຜ່ລະບາດໃນຄັ້ງນີ້ ກໍ່ຍ້ອນພາກສ່ວນສັງຄົມ, ຜູ້ປະກອບການ ຕະຫຼອດເຖິງ ພໍ່ແມ່ປະຊາຊົນຈໍານວນບໍ່ຫນ້ອຍ ຍັງຖືເບົາໃນການປ້ອງກັນຕົວເອງ ແລະຍັງມີການຝ່າຝືນມາດຕະການປ້ອງກັນ ລວມໄປ ເຖິງການສັກຢາວັກຊິນປ້ອງກັນ ຍັງບໍ່ບັນລຸຕາມເປົ້າຫມາຍທີ່ວາງໄວ້. ສະນັ້ນ, ເພື່ອສະກັດກັ້ນ, ຄວບຄຸມ ແລະແກ້ໄຂການ ແຜ່ລະບາດ ຂອງພະຍາດ Covid-19 ບໍ່ໃຫ້ມີການແຜ່ລະບາດໃນຊຸມຊົນເປັນວົງກວ້າງ.

ເຈົ້າເມືອງໆວິລະບູລີ ອອກແຈ້ງການ ດັ່ງນີ້:

ຫ້າມຈັດງານລ້ຽງ, ງານສ້າງສັນຕ່າງໆ, ກໍລະນີງານດອງ, ງານຜູກແຂນ,ງານບຸນແມ່ນໃຫ້ເຮັດຕາມຮີດຄອງ, ຈໍາກັດຄົນເຂົ້າຮ່ວມ

ໃຫ້ປິດຮ້ານບັນເທີງຕ່າງໆໃນທົ່ວເມືອງ

ຖ້າຜູ້ໃດຝ່າຝືນຈະຖືກປັບໄໝ ແລະຮັບໂທດຕາມລະບຽບການວາງອອກ.ອ່ານລະອຽດ ຕາມແຈ້ງການ

ລາຍລະອຽດເພີ່ມເຕີມຕາມແຈ້ງການ

ກອງປະຊຸມ ສປຊ ວ່າດ້ວຍປະເທດດ້ອຍພັດທະນາ ຄັ້ງທີ 5 ພາກທີໜຶ່ງ (LDC5 Part 1)

By

ໂທລະໂຄ່ງ THOLAKHONG

-

March 18, 2022

0

ໃນວັນທີ 17 ມີນາ 2022, ສະມັດຊາໃຫຍ່ ສປຊ ໄດ້ຈັດກອງປະຊຸມ ສປຊ ວ່າດ້ວຍປະເທດດ້ອຍພັດທະນາ ຄັ້ງທີ 5 ພາກທີໜຶ່ງ (LDC5 Part 1) ຂຶ້ນທີ່ ສໍານັກງານໃຫຍ່ອົງການ ສປຊ ທີ່ ນິວຢອກ ໂດຍການເປັນປະທານຂອງ ທ່ານ ຮອງນາຍົກລັດຖະມົນຕີ ແລະ ລັດຖະມົນຕີການຕ່າງປະເທດ ຂອງ ກາຕາ ໂດຍມີ ທ່ານ ເລຂາທິການໃຫຍ່ອົງການ ສປຊ ແລະ ທ່ານ ປະທານາທິບໍດີ ມາລາວີ, ປະທານກຸ່ມປະເທດດ້ອຍພັດທະນາ ເຂົ້າຮ່ວມກ່າວເປີດກອງປະຊຸມ. ກອງປະຊຸມພາກທີໜຶ່ງນີ້ ໄດ້ຮັບຮອງເອົາ ແຜນປະຕິບັດງານ ໂດຮາ ສຳລັບປະເທດດ້ອຍພັດທະນາ (Doha Programme of Action for LDCs) ສໍາລັບ 1 ທົດສະວັດ ໃນຕໍ່ຫນ້າ (2022-2031) ແລະ ເປັນເອກະສານພື້ນຖານ ທີ່ມີເນື້ອໃນຄົບຖ້ວນກວມເອົາ 6 ຂົງເຂດວຽກງານບຸລິມະສິດ ຄື:

ການລົງທຶນສໍາລັບປະຊາຊົນຢູ່ໃນປະເທດ LDCs: ການລຶບລ້າງຄວາມທຸກຍາກ ແລະ ການສ້າງຂີດຄວາມສາມາດ ເພື່ອພ້ອມກັນກ້າວໄປ;
ຍົກລະດັບວຽກງານວິທະຍາສາດ, ເຕັກໂນໂລຊີ ແລະ ນະວັດຕະກຳ ເພື່ອຮັບມືກັບຄວາມບອບບາງໃນຫຼາຍມິຕິ ແລະ ບັນລຸເປົ້າໝາຍການພັດທະນາແບບຍືນຍົງ;
ສະໜັບສະໜູນການປັບໂຄງສ້າງດ້ານເສດຖະກິດ ເພື່ອຂັບເຄື່ອນໃຫ້ເກີດຄວາມຈະເລີນຮຸ່ງເຮືອງ;
ເພີ່ມທະວີການຄ້າສາກົນ ແລະ ການເຊື່ອມໂຍງກັບພາກພື້ນ;
ແກ້ໄຂບັນຫາການປ່ຽນແປງຂອງດິນຟ້າອາກາດ, ການຟື້ນຟູຈາກການລະບາດຂອງພະຍາດໂຄວິດ-19 ແລະ ການສ້າງຄວາມເຂັ້ມແຂງ ເພື່ອສາມາດຮັບມືກັບຜົນກະທົບຈາກພາຍນອກ ໃນອະນາຄົດ;
ລະດົມຄວາມສາມັກຄີສາກົນ, ການເປັນຄູ່ຮ່ວມມືສາກົນທີ່ເຂັ້ມແຂງ, ເຄື່ອງມື ແລະ ກົນໄກທີ່ປະດິດສ້າງ ເພື່ອການພັດທະນາແບບຍືນຍົງ ໂດຍຄຳນຶງເຖິງຄວາມສ່ຽງ ເພື່ອກ້າວໄປສູ່ການຫຼຸດພົ້ນອອກຈາກສະຖານະພາບ ດ້ອຍພັດທະນາ ຢ່າງຍືນຍົງ.

ໃນໂອກາດນີ້, ທ່ານ ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ ໄດ້ກ່າວຕໍ່ທີ່ປະຊຸມວ່າ “ການຮັບຮອງເອົາແຜນປະຕິບັດງານ ໂດຮາ ໃນມື້ນີ້ ເປັນຂີດຫມາຍສໍາຄັນສໍາລັບວົງຄະນາຍາດສາກົນ, ທັງເປັນການຢໍ້າຄືນເຖິງຄວາມຫມາຍຫມັ້ນ ໃນການບໍ່ປ່ອຍປະຜູ້ໃດໄວ້ຢູ່ເບື້ອງຫລັງ”, ພ້ອມທັງ ສະແດງຄວາມໝາຍໝັ້ນຂອງ ສປປ ລາວ ໃນການກະ ກຽມຄວາມພ້ອມຮອບດ້ານເພື່ອຫຼຸດພົ້ນອອກຈາກສະຖານະພາບດ້ອຍພັດທະນາ ໃນຊຸມປີຕໍ່ໜ້າ ເຊິ່ງປັດຈຸບັນ ແມ່ນພວມຢູ່ໃນຂັ້ນຕອນ ຂອງການສ້າງແຜນຍຸດທະສາດເພື່ອຂ້າມຜ່ານກະກຽມໃຫ້ແກ່ການຫຼຸດພົ້ນ ເຊິ່ງຈະສືບຕໍ່ສຸມໃສ່ວຽກງານຫຼຸດຜ່ອນຄວາມທຸກຍາກ ເປັນບູລິມະສິດ ໂດຍສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດ ແລະ ເປົ້າໝາຍການພັດທະນາແບບຍືນຍົງຂອງສາກົນ. ພ້ອມກັນນັ້ນ, ທ່ານໄດ້ສະແດງຄວາມຂອບໃຈມາຍັງທຸກພາກສ່ວນທີ່ໄດ້ປະກອບສ່ວນຢ່າງຫ້າວຫັນ ໃນຂະບວນການກະກຽມ ຈົນສາມາດຮັບຮອງເອົາແຜນປະຕິບັດງານທີ່ມີຄວາມຫມາຍສໍາຄັນນີ້.

ທ່ານ ຍັງໄດ້ເນັ້ນຕື່ມວ່າ ການຫຼຸດພົ້້ນອອກຈາກສະຖານະພາບປະເທດດ້ອຍພັດທະນາ ບໍ່ແມ່ນເປົ້າຫມາຍສຸດທ້າຍ ເພາະຕ້ອງໄດ້ຄໍານຶງເຖິງ ຄຸນນະພາບ ແລະ ຄວາມຢືນຍົງ ດ້ານການພັດທະນາ ເພ່ືອຮັບປະກັນວ່າ ບັນດາປະເທດທີ່ສາມາດຫລຸດພົ້ນແລ້ວນັ້ນ ຈະບໍ່ກັບຄືນໄປຢູ່ໃນສະຖານະພາບດ້ອຍພັດທະນາຄືເກົ່າ. ດັ່ງນັ້ນ, ການສືບຕໍ່ໄດ້ຮັບການສະຫນັບສະຫນູນຈາກວົງຄະນາຍາດສາກົນ, ລວມທັງ ອົງການເຄືອຂ່າຍ ສປຊ, ສະຖາບັນການເງິນສາກົນ, ອົງການຈັດຕັ້ງທາງສັງຄົມ ແລະ ພາກເອກະຊົນ ແມ່ນມີຄວາມຈໍາເປັນຍິ່ງ.

ຂໍ້ມູນຈາກ: Permanent Mission of the Lao PDR to the United Nations

ລາຍງານໂຄວິດ-19 ປະຈຳວັນທີ 18 ມີນາ 2022

By

ໂທລະໂຄ່ງ THOLAKHONG

-

March 18, 2022

0

ຕາມການລາຍງານຈາກການຖະແຫຼງຂ່າວປະຈຳວັນສຳລັບ ສປປ ລາວ ຕາມຕົວເລກການລາຍງານປະຈຳວັນ ວັນສຸກ, ວັນທີ 18 ມີນາ 2022 ໂດຍ ທ່ານ ດຣ. ສະໜອງ ທອງຊະນະ ຮອງລັດຖະມົນຕີ, ກະຊວງສາທາລະນະເຫັນວ່າ ສະພາບຕົວເລກການຕິດເຊື້ອໃໝ່ ໃນປະເທດແມ່ນມີທ່າອຽງເພື້ມຂີ້ນຫຼາຍແຂວງມີການລາຍງານກໍລະນີເພີ້ມຂຶ້ນ ທຽບໃສ່ເດືອນຜ່ານມາ (ເດືອນ ກຸມພາ 2022 ມີຜູ້ຕີດເຊື້ອທັງໝົດ 8,305) , ຕົ້ນເດືອນ ມີນາ ຮອດມື້ນີ້ ມີຜູ້ຕິດເຊື້ອ 7, 672 ແລະ ເຊີ່ງໃນຈຳນວນດັ່ງກ່າວ ແມ່ນສະເພາະໃນມື້ວານນີີ້ວັນທີ 17 ມື້ດຽວ ແມ່ນມີເຖີງ 1,508( ນະຕອນຫຼວງ 902) ເຊີ່ງແມ່ນມື້ທີ່ຕົວເລກ ເປັນຫຼັກພັນຫຼັງຈາກຈົວເລກຫຼູດລົງ ໄລຍະນຶ່ງ.

ອີງໃສ່ສະພາບການລະບາດຂອງພະຍາດສາຍພັນໂອໄມຄຣອນ ຢູ່ບັນດາປະເທດໃນທົ່ວໂລກ ແລະ ໃນປະເທດໃກ້ຄຽງສົມທົບກັບໄລຍະນີ້ ສປປ ລາວເຮົາ ກໍ່ມີລາຍງານຈຳນວນຜູ້ຕິດເຊື້ອຈາກສາຍພັນດັ່ງກ່າວພາຍໃນປະເທດ , ຈາການສຸ່ມຕົວຢ່າງກວດຊອກຫາສາຍພັນໂອໄມຄຣອນ ປັດຈຸບັນ ກວດພົບສາຍພັນດັ່ງກ່າວທັງໝົດ 43 ກໍລະນີ, ໃນນັ້ນ ແມ່ນຈາກກໍລະນີເດີນທາງເຂົ້າປະເທດແມ່ນ 38 ກໍລະນີ ແລະ 5 ກໍລະນີແມ່ນເກີດໃນປະເທດ ແລະ ບໍ່ຮູ້ແຫຼ່ງທີ່ມາຂອງການຕິດເຊື້ອ ເຊິງຕາມບົດຮຽນຂອງຫຼຍປະເທດຫາກມີການກວດພົບ ກໍລະນີໂອໄມຄອນໃນຊຸມຊົນແມ່ນໂດຍບໍ່ຮູ້ທີ່ມາແມ່ນຖືວ່າມີການລະບາດຂອງພະຍາດດັ່ງກ່າວໃນຊູມຊົນ, ດັ່ງນັ້ນ ການຕິດເຊື້ອ ໂຄວີດເພີ້ມຂຶ້ນໃນຮອບໃໝ່ໃນປະເທດ ນີ້ ເຊື້ອສາຍເຫດສ່ວນໃຫ່ຍກໍຈະແມ່ນມີສາຍເຫດຈາກສາຍພັນໂອໄມຄອນເຊິ່ງເປັນເຊື້ອທີ່ມີການຕິດເຊື້້ອໄດ້ງາຍທີ່ສູດ

ໃນສະພາບປະຈຸບັນ ເຫັນວ່າການເຄື່ອນໄຫວໃນສັງຄົມຂອງບາງກຸ່ມຄົນ ແມ່ນມີການລະເຫຼີງມາດຕະການ ທາງສັງຄົມ ການໄປງານສັງຄົມຕ່າງໆ ແມ່ນບໍ່ມີການປະຕິບັດມາດຕະການປ້ອງກັນໂຕເອງ (ບໍ່ໃສ່ໃສ່ຜ້າອັດປາກອັດດັງ ) ແລະ ບໍ່ມີການຮັກສາໄລຍະຫ່າງທາງສັງຄົມ ເຮັດໃຫ້ມີຄວາມສ່ຽງສູງທີ່ຈະມີການສົ່ງເຊື້ອພະຍາດຈາກຜູ້ນີ້ຫາຜູ້ອື່ນ ໂດຍສະເພາະ ຖ້າແມ່ນ ສາຍພັນໂອໄມຄຣອນແມ່ນສາມາດຕິດເຊື້ອໄດ້ໄວແລະ ແຜ່ຂະຫຍາຍເປັນວົງກ້ວາງ ໄດ້ໄວທີ່ສຸດ

ກ້າວກະໂດດ! ມື້ນີ້ +1,508 ຄົນ ນະຄອນຫຼວງຫຼາຍສຸດ

By

ໂທລະໂຄ່ງ THOLAKHONG

-

March 18, 2022

0

ຕາມການລາຍງານຂອງສູນຂ່າວສານການແພດສຸຂະສຶກສາ

ເຜີຍແຜ່ ຍຸດທະສາດຂອງອີຢູ ຕໍ່ການຮ່ວມມືໃນພາກພື້ນ ອິນໂດ-ປາຊີຟິກ

By

ໂທລະໂຄ່ງ THOLAKHONG

-

March 17, 2022

0

ໃນວັນທີ 17 ມີນາ 2022 ນີ້, ສະຖາບັນການຕ່າງປະເທດ ກະຊວງການຕ່າງປະເທດ ແລະ ສໍານັກງານສະຫະພາບເອີຣົບ ປະຈໍາ ສປປ ລາວ ຈັດສໍາມະນາ ໃນຮູບແບບເຊິ່ງໜ້າ ແລະ ທາງໄກ ພາຍໃຕ້ຫົວຂໍ້: “ຍຸດທະສາດຂອງອີຢູ ຕໍ່ການຮ່ວມມືໃນພາກພື້ນ ອິນໂດ-ປາຊີຟິກ” ຫລື “EU Strategy for Cooperation in the Indo-Pacific” ໂດຍມີ ທ່ານ ບຸນເຫລືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ, ທ່ານ ນາງ Ina MARCIULIONYTE, ເອກອັກຄະລັດຖະທູດແຫ່ງສະຫະພາບ ເອີຣົບ ປະຈໍາ ສປປ ລາວ, ພ້ອມດ້ວຍຜູ້ຕາງໜ້າຈາກຂະແໜງການ ກ່ຽວຂ້ອງ ເຂົ້າຮ່ວມ.

ການຈັດສຳມະນາຄັ້ງນີ້ ເພື່ອເຜີຍແຜ່ ແລະ ສ້າງຄວາມເຂົ້າອົກເຂົ້າໃຈ ໃຫ້ແກ່ ສປປ ລາວ ໃນການກໍານົດຍຸດທະສາດຂອງ ອີຢູ ຕໍ່ ພາກພື້ນ ອິນໂດ-ປາຊີຟິກ ເຊິ່ງຍຸດທະສາດດັ່ງກ່າວ ໄດ້ເນັ້ນໜັກໃສ່ການສົ່ງເສີມການລົງທຶນລະຫວ່າງ ອີຢູ ກັບບັນດາປະເທດໃນພາກພື້ນ ອິນໂດ-ປາຊີຟິກ, ການເຊື່ອມໂຍງເຊື່ອມຈອດ, ການຮັກສາສັນຕິພາບ, ສະຖຽນລະພາບ ແລະ ການຮ່ວມມືໃນການແກ້ໄຂບັນຫາທີ່ມີຜົນກະທົບຕໍ່ສິ່ງແວດລ້ອມ ໂດຍສະເພາະ ການປ່ຽນແປງຂອງສະພາບດິນຟ້າອາກາດ, ນອກຈາກນີ້, ກໍເພື່ອເປີດໂອກາດໃຫ້ຝ່າຍ ລາວ ແລະ ອີຢູ ໄດ້ແລກປ່ຽນຄໍາຄິດເຫັນ ໃນການຊຸກຍູ້ ແລະ ສົ່ງເສີມການຮ່ວມມື ລະຫວ່າງ ສປປ ລາວ ແລະ ອີຢູ ໃຫ້ມີຄວາມແໜ້ນແຟ້ນຂຶ້ນກວ່າເກົ່າ, ທັງເປັນການສືບຕໍ່ສົ່ງເສີມ ການຮ່ວມມືໃນດ້ານຕ່າງໆ ລະຫວ່າງ ສປປ ລາວ ແລະ ອີຢູ ໃຫ້ປະກົດຜົນເປັນຈິງ ແລະ ນໍາເອົາຜົນປະໂຫຍດສູງສຸດມາໃຫ້ແກ່ປະຊາຊົນລາວ ແລະ ອີຢູ.

ໃນໄລຍະຜ່ານມາ, ສະຫະພາບເອີຣົບ ເປັນອົງການໜຶ່ງທີ່ມີບົດບາດສໍາຄັນ ໃນການສະໜອງດ້ານທຶນຮອນ ເພື່ອຊ່ວຍເຫລືອແກ່ ສປປ ລາວ ໃນການປັບປຸງຄຸນນະພາບ ແລະ ຊີວິດການເປັນຢູ່ຂອງປະຊາຊົນ, ສ້າງຄວາມອາດສາມາດ ແລະ ໃຫ້ ການຊ່ວຍເຫລືອ ສປປ ລາວ ໃນການຮັບມືກັບການແພ່ລະບາດຂອງເຊື້ອພະຍາດ ໂຄວິດ-19.

ແຫຼ່ງຂ່າວ: ຂປລ

ຄຳແນະນຳກ່ຽວກັບຂັ້ນຕອນປະກອບເອກະສານຂໍອະນຸຍາດ ເຂົ້າ-ອອກ ສປປ ລາວ

By

ໂທລະໂຄ່ງ THOLAKHONG

-

March 17, 2022

0

ກະຊວງການຕ່າງປະເທດ ແຫ່ງ ສປປ ລາວ ແນະນຳ ວ່າດ້ວຍການ ເຂົ້າ-ອອກ ສປປ ລາວ ໃນໄລຍະການລະບາດຂອງພະຍາດໂຄວິດ-19;

ເຊິ່ງລະອຽດກະລຸນາອ່ານຄຳແນະນຳດ້ານລຸ່ມນີ້

.

.

.

.

ປຸຍຊີວະພາບ ທີ່ເປັນມິດກັບ ສິ່ງແວດລ້ອມ ແລະ ສິ່ງທີ່ມີຊີວີດຊຶ່ງນຳໃຊ້ວັດຖຸດິບຈາກທຳມະຊາດ 100%

By

ໂທລະໂຄ່ງ THOLAKHONG

-

March 17, 2022

0

ປຸຍຊີວະພາບ ທີ່ເປັນມິດກັບ ສິ່ງແວດລ້ອມ ແລະ ສິ່ງທີ່ມີຊີວີດຊຶ່ງນຳໃຊ້ວັດຖຸດິບຈາກທຳມະຊາດ 100% ເຊິ່ງກຸ່ມຜະລິດກະສິກຳ ບ້ານໃຫຍ່ນ້ຳປຸກ ເມືອງຫ້ວຍຊາຍ ແຂວງບໍ່ແກ້ວ ແລະ ຂະແຫນງສົ່ງເສີມSME ແລະ ການຄ້າ ຂອງພະແນກອຸດສາຫະກຳ ແລະການຄ້າແຂວງບໍ່ແກ້ວ ແລະ ຫ້ອງການ ອຄ ເມືອງຫ້ວຍຊາຍ ເປັນຜູ້ຮິບຜິດຊອບ.

ສຳລັບຄຸນປະໂຫຍດຂອງປຸຍຊີວະພາບ ມີດັ່ງນີ້:

ສຳລັບບຳລຸງເຂົ້ານາປີ-ນາແຊງ,
ເພີ່ມປະສີດທິຜົນໃນການປູກໄມ້ອຸດສາຫະກຳ,
ເພີ່ມຄວາມອຸດົມສົມບຸນໃຫ້ຕົ້ນໄມ້ກິນຫມາກ, ຫລໍ່ລ້ຽງພືດຜັກທັນຍາຫານທຸກລະດູການ
ເພີ່ມຄວາມງົດງາມໃຫ້ຕົ້ນໄມ້ປະດັບ,
ຍົກສູງຄຸນນະພາບຂອງ ການກະເສດທຸກປະເພດ….

ສຳລັບໃຜທີ່ສົນໃຈແມ່ນສາມາດຕິດຕໍ່ ສອບຖາມ ເພື່ອລອງໄປນຳໃຊ້ ນຳກຸ່ມຜະລິດກະສິກຳ ບ້ານໃຫຍ່ນ້ຳປຸກ ເມືອງຫ້ວຍຊາຍ ແຂວງບໍ່ແກ້ວ ຫລື ສອບຖາມຂໍ້ມູນກັບ ຂະແຫນງສົ່ງເສີມSME ແລະ ການຄ້າ ຂອງພະແນກອຸດສາຫະກຳ ແລະການຄ້າແຂວງບໍ່ແກ້ວ ແລະ ຫ້ອງການ ອຄ ເມືອງຫ້ວຍຊາຍ ໄດ້ທຸກເວລາ.

ບໍ່ວ່າແມ່ນໄລຍະປົກກະຕິ ຫຼື ໄລຍະຫັນວີກິດການແຜ່ລະບາດ ຂອງພະຍາດໂຄວິດ 19 ຄື: ປັດຈຸບັນ ເປັນໂອກາດ ທາງທຸລະກິດ ທ່າມກາງການຜັນຂະຫຍາຍ ເນື້ອໃນ-ຈິດໃຈ ຂອງວາລະແຫ່ງຊາດ ໃນການແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ ຂອງລັດຖະບານ ກໍຄື ຂອງແຂວງບໍ່ແກ້ວ:

” ຜູ້ຜະລິດຈະຢູ່ໄດ້ ກໍຕໍ່ເມືອມີຜູ້ບໍລິໂພກ; ການຜະລິດຈະຂະ ຫຍາຍຕົວໄດ້ ກໍຕໍ່ເມືອ ສົມຄູ່ກັບການບໍລິໂພກ; ການຫັນສັງຄົມການບໍລິໂພກ ໄປສູ່ສັງຄົມການຜະລິດ ຈະມີກຳລັງແຮງ ກໍຕໍ່ເມື່ອ ການຜະລິດພາຍໃນເຂັ້ມແຂງ ແລະ ມີຕະຫລາດຮອງຮັບທີ່ຫມັ້ນຄົງ; ລາຍຮັບປະຊາຊົນຈະຫມັ້ນຄົງ ກໍຕໍ່ເມື່ອມີວຽກເຮັດງານທຳທີ່ຖາວອນ…” ການມີສ່ວນຮ່ວມຂອງສັງຄົມ ແມ່ນປັດໄຈສຳຄັນທີ່ສຸດ, ຊ່ວຍກັນຊຸກຍູ້-ສົ່ງເສີມຜະລິດຕະພັນລາວຫຼາຍໆ…

ຂໍ້ມູນຈາກ: ໜັງສືພິມບໍ່ແກ້ວ Bokeo Newspaper

ປກສ ນະຄອນໄກສອນ ພົມວິຫານ ມ້າງຄະດີຢາເສບຕິດ ໄດ້ຕື່ມອີກ 17 ມັດ

By

ໂທລະໂຄ່ງ THOLAKHONG

-

March 17, 2022

0

ໃນວັນທີ 10 ມີນາ2022 ນີ້, ເຈົ້າໜ້າທີ່ ຕຳຫຼວດໜ່ວຍງານສະກັດກັ້ນ-ຕ້ານຢາເສບຕິດ ປກສ ນະຄອນ ໄກສອນ ພົມວິຫານ ແຂວງສະຫວັນນະເຂດ ໄດ້ກັກຕົວ ເປົ້າໝາຍຄ້າ-ຂາຍຢາເສບຕິດ ໄດ້ 2 ຄົນ, ຊື່ ທ້າວ ສຸກດາວັນ ຫຼື ໄກ່ ອາຍຸ 26 ປີ, ອາຊີບ ກຳມະກອນ ບ້ານໂນນສະຫວາດ ນະຄອນ ໄກສອນ ພົມວິຫານ ພ້ອມຂອງກາງຢາບ້າ 1 ມັດ ເທົ່າກັບ 2.000 ເມັດ ,ຈຸດກັກຕົວຂອບເຂດບ້ານ ນາເລົ່າ ນະຄອນ ໄກສອນ ພົມວິຫານ,ຜ່ານການສືບສວນ-ສອບຜູ້ກ່ຽວໄດ້ຮັບສາລະພາບວ່າ: ຢາບ້າຈຳນວນດັ່ງກ່າວແມ່ນໄດ້ຊື້ນຳນາງ ປາດຖະໜາ ຫຼື ຕິກນາ ອາຍຸ 26 ປີ ອາຊີບ ວ່າງງານ ບ້ານ ສອນໄຊ ນະຄອນ ໄກສອນ ພົມວິຫານ.

ມາຮອດເວລາ18 ໂມງແລງຂອງວັນດຽວກັນ ຈຶ່ງໄດ້ກັກຕົວນາງ ປາດຖະໜາ ຫຼື ຕິກນາ ໄດ້ ຢູ່ເຮືອນຜູ້ກ່ຽວ ບ້ານ ສອນ ໄຊ ນະຄອນ ໄກສອນ ພົມວິຫານ ,ຈາກນັ້ນທາງເຈົ້າໜ້າທີ່ວິຊາສະເພາະຈື່ງໄດ້ສົມທົບກັບອຳນາດການປົກຄອງບ້ານສອນໄຊ ແລະ ເຈົ້າໜ້າທີ່ ປກສ ກຸ່ມບ້ານທີ 6 ເພື່ອທຳການກວດຄົ້ນເຄຫະສະຖານ(ຫ້ອງນອນ)ຂອງຜູ້ກ່ຽວ ເຊີ່ງຜ່ານການກວດຄົ້ນແມ່ນພົບເຫັນຂອງກາງຢາບ້າ ຈຳນວນ 13 ມັດ ,ກັບ 49 ຖົງ ເທົ່າກັບ 35.772 ເມັດ ທີ່ຜູ້ກ່ຽວນໍາມາຊຸກເຊື່ອງໄວ້ໃນລິ້ນຊັກ ຕູ້ໄວ້ເຄື່ອງ ຢູ່ໃນຫ້ອງນອນຂອງຜູ້ກ່ຽວ,ໂທລະສັບຊຳຊຸງສີດຳ 1 ເຄື່ອງ,ຈາກນັ້ນຈື່ງໄດ້ນຳຕົວພວກກ່ຽວ ພ້ອມຂອງກາງຄະດີເຂົ້າມາ ກອງບັນຊາການ ປກສ ນະຄອນ ໄກສອນ ພົມວິຫານ ເພື່ອສືບສວນ-ສອບສວນ.

ຂ່າວໄດ້ແຈ້ງຕື່ມວ່າ:ມາໃນວັນທີ 11 ມີນາ2022, ເວລາ06 ໂມງ30 ນາທີ,ທາງເຈົ້າໜ້າທີ່ ກໍ່ໄດ້ກັກຕົວເປົ້າໜາຍຄ້າ-ຂາຍຢາບ້າ ຈຳນວນ 04 ຄົນ,ມີທ້າວ ຈັນທະວີສຸກ ຫຼື ແຂກ ອາຍຸ 36 ປີ, ອາຊີບ ວ່າງງານ ບ້ານ ໂພນຊາຍ ນະຄອນ ໄກສອນ ພົມວິຫານ ພ້ອມຂອງກາງຢາບ້າ ຈຳນວນ 79ເມັດ, ເຊີ່ງຜ່ານການສອບສວນຜູ້ກ່ຽວໄດ້ຮັບສາລະພາບວ່າ: ຢາບ້າ ຈຳນວນດັງກ່າວຊື້ມາຈາກ ທ້າວ ອຸດຕະມະ (ກິ) ອາຍຸ 44 ປີ ອາຊີບເຮັດນາ ບ້ານ ນາເຊັງ ນະຄອນ ໄກສອນ ພົມວິຫານ, ມາຮອດເວລາ 10 ໂມງ ຂອງວັນດຽວກັນຈຶ່ງໄດ້ກັກຕົວ ທ້າວ ອຸດຕະມະ (ກິ) ໄດ້ຢູ່ເຮືອນຂອງຜູ້ກ່ຽວ ພ້ອມຂອງກາງຢາບ້າ ຈຳນວນ 02 ຖົງເທົ່າກັບ 400ເມັດ , ຜ່ານການສອບສວນຜູ້ກ່ຽວໄດ້ຮັບສາລະພາບວ່າ ຢາບ້າ ດັ່ງກ່າວແມ່ນຊື້ມາຈາກ ທ້າວ ຈັນທະວີສຸກ(ຫຳ) ອາຍຸ 39 ປີ ອາຊີບ ເຮັດນາ ບ້ານ ໂພນສະອາດ ນະຄອນ ໄກສອນ ພົມວິຫານ, ຮອດເວລາ 11 ໂມງ 40 ນາທີ ຂອງວັນດຽວກັນ ຈື່ງໄດ້ກັກຕົວ ທ້າວ ຈັນທະວີສຸກ(ຫໍາ) ໄດ້ຢູ່ຖຽງນາຂອງຜູ້ກ່ຽວ ບ້ານ ນາເຊັງ ພ້ອມຂອງກາງຢາບ້າ ຈຳນວນ 10ຖົງ ເທົ່າກັບ1.988 ເມັດ ,ປືນສະເກາະ 1 ກະບອກ ພ້ອມລູກກະສຸນ ຈຳນວນ 12 ລູກ,ລູກປືນອາກາ ຈຳນວນ 7 ລູກ, ຜ່ານການສຶບສວນ-ສອບສວນ ຜູ້ກ່ຽວໄດ້ຮັບສາລະພາບວ່າ: ຢາບ້າ ຈຳນວນດັ່ງກ່າວແມ່ນໄດ້ຊື້ມາຈາກທ້າວ ສົງການ(ແຫຼ້) ອາຍຸ 26 ປີ ອາຊີບ ວ່າງງານ ບ້ານສອນໄຊ ນະຄອນ ໄກສອນ ພົມວິຫານ, ເວລາ 14ໂມງ ຂອງວັນດຽວກັນ ທາງເຈົ້າໜ້າທີ່ໄດ້ກັກຕົວ ທ້າວ ສົງການ (ແຫຼ້) ໄດ້ຢູ່ຂອບເຂດບ້ານ ນາເຊັງ ພ້ອມຂອງກາງຢາບ້າ ຈຳນວນ 1 ມັດ ເທົ່າກັບ 2.000 ເມັດ.

ດັ່ງນັ້ນທາງເຈົ້າໜ້າທີ່ ວິຊາສະເພາະຈື່ງໄດ້ສົມທົບກັບອຳນາດການປົກຄອງບ້ານ ສອນໄຊ ແລະເຈົ້າໜ້າທີ່ ປກສ ກຸ່ມບ້ານທີ06 ເພື່ອທຳການກວດຄົ້ນເຄຫະສະຖານຫ້ອງນອນຂອງຜູ້ກ່ຽວ ແລະ ຜ່ານການກວດຄົ້ນແມ່ນພົບເຫັນຂອງກາງຢາບ້າຈຳນວນ 02 ມັດ ກັບ 17 ຖົງ ເທົ່າກັບ 7.586 ເມັດ ແລະ ຢາໄອສ ຈຳນວນ 01 ຖົງໃຫຍ່ ທີ່ຜູ້ກ່ຽວນຳມາຊຸກເຊື່ອງໄວ້ໃນຕູ້ຢູ່ຫ້ອງນອນຂອງຜູ້ກ່ຽວ,ຈາກນັ້ນຈຶ່ງໄດ້ນຳຕົວພວກຜູ້ກ່ຽວ ພ້ອມຂອງກາງຢາບ້າ ເຂົ້າມາ ປກສ ນະຄອນໄກສອນ ພົມວິຫານ ເພື່ອທຳການສືບສວນ-ສອບສວນ ດຳເນີນຄະດີຕາມລະບຽບກົດ ໜາຍບ້ານເມືອງຕໍ່ໄປ.

ພາບ-ຂ່າວ: ນະຄອນ ໄກສອນ ພົມວິຫານ

ມອບ-ຮັບ ເຮືອນນອນກອງຮ້ອຍສືບຂ່າວເຕັກນິກ ກອງບັນຊາການທະຫານແຂວງຊຽງຂວາງ

By

ໂທລະໂຄ່ງ THOLAKHONG

-

March 17, 2022

0

ພິທີມອບ-ຮັບເຮືອນນອນ ກອງຮ້ອຍສືບຂ່າວ ເຕັກນິກກອງ ບັນຊາການທະຫານແຂວງຊຽງ ຂວາງ ໄດ້ຈັດຂຶ້ນໃນວັນທີ 15 ມີນາ 2022 ໂດຍການເປັນກຽດ ເຂົ້າຮ່ວມຂອງ ສະຫາຍ ພົນຈັດ ຕະວາ ຂັນທອງ ວົງອຳຄາ ຫົວ ໜ້າການເມືອງ ກອງບັນຊາການ ທະຫານແຂວງຊຽງຂວາງ, ມີ ສະຫາຍ ພັນເອກ ຟາມວັນດົງ ຫົວໜ້າການເມືອງ ກອງບັນຊາ ການທະຫານແຂວງເຫງະອານ ສສ ຫວຽດນາມ ແລະ ສະຫາຍ ທາຍວັນແອັງ ຫົວໜ້າບໍລິສັດ ຈ່າງອານການຄ້າຂາເຂົ້າ-ຂາອອກຈຳກັດຜູ້ດຽວ ພ້ອມດ້ວຍ ຄະນະພັກ-ຄະນະບັນຊາ 2 ກອງ ບັນຊາການທະຫານແຂວງຊຽງ ຂວາງ-ເຫງະອານ ແລະ ພາກ ສ່ວນທີ່ກ່ຽວຂ້ອງເຂົ້າຮ່ວມ.

ໂຄງການກໍ່ສ້າງເຮືອນນອນ ກອງຮ້ອຍສືບຂ່າວເຕັກນິກ ກອງ ປະຕິບັດງານ 131 ກອງບັນຊາ ການທະຫານແຂວງຊຽງຂວາງ ແມ່ນໄດ້ເລີ່ມລົງມືກໍ່ສ້າງມາແຕ່ ວັນທີ 25 ຕຸລາ 2021 ມາເຖິງວັນ ທີ 5 ກຸມພາ 2022 ຈຶ່ງໄດ້ສຳເລັດ ເຊິ່ງເປັນເຮືອນຊັ້ນດຽວກໍ່ສ້າງ ດ້ວຍເບຕົງເສີມເຫຼັກທີ່ແໜ້ນໜາ ຖາວອນ, ມຸງດ້ວຍກະເບື້ອງ ມີ ຂະໜາດ 18×10 ແມັດ ລວມ ມູນຄ່າການກໍ່ສ້າງທັງໝົດ 1.688.568.000 ດົງ ເຊິ່ງເປັນ ທຶນຊ່ວຍເຫຼືອລ້າຈາກກອງບັນ ຊາການທະຫານແຂວງເຫງະ ອານ ສສ ຫວຽດນາມ ຮັບເໝົາ ໂດຍບໍລິສັດ ຈ່າງອານ ການຄ້າ ຂາເຂົ້າ-ຂາອອກຈຳກັດຜູ້ດຽວ.

ສະຫາຍ ພັນເອກ ຟາມວັນ ດົງ ຫົວ ໜ້າການເມືອງ ກອງບັນຊາການ ທະຫານແຂວງເຫງະອານ ສສ ຫວຽດນາມ ໃນນາມເຈົ້າຂອງ ໂຄງການ ໄດ້ຂຶ້ນກ່າວມອບ ແລະ ກ່າວຮັບໂດຍ ສະຫາຍ ພົນຈັດຕະ ວາ ຂັນທອງ ວົງອຳຄາ ພ້ອມທັງ ເຊັນບົດບັນທຶກການມອບ-ຮັບ ຢ່າງເປັນທາງການ.

ຕິດຕາມຄວາມຄືບໜ້າໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວໃນອະນຸພາກພື້ນແມ່ນໍ້າຂອງໄລຍະ 2

By

ໂທລະໂຄ່ງ THOLAKHONG

-

March 17, 2022

0

ກະຊວງ ຖວທ ລົງຕິດຕາມຄວາມຄືບໜ້າໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວໃນອະນຸພາກພື້ນແມ່ນໍ້າຂອງໄລຍະ 2 ທີ່ເມືອງໂຂງແຂວງຈຳປາສັກ.

ໃນວັນທີ 16 ມີນາ2022 ທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄປຕິດຕາມຄວາມຄືບໜ້າໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວໃນອະນຸພາກພື້ນແມ່ນໍ້າຂອງໄລຍະ 2 ທີ່ເມືອງໂຂງແຂວງຈຳປາສັກ

ໂຄງການ ພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວໃນອະນຸພາກພື້ນແມ່ນໍ້າຂອງໄລຍະ 2 ໄດ້ຮັບທຶນຊ່ວຍເຫຼືອລ້າຈາກທະນາຄານພັດທະນາອາຊີ ຫຼື ເອດີບີ, ໂດຍແມ່ນ ບໍລິສັດພູໂຂງກໍ່ສ້າງຈຳກັດຜູ້ດຽວ, ເປັນຜູ້ຮັບເໝົາກໍ່ສ້າງ .ໂດຍມີການກໍ່ສ້າງປັບປຸງທາງຮ່ອມ ນາກະສັງ ແລະ ດອນເດດ-ດອນຄອນຕັ້ງຢູ່ເມືອງໂຂງແຂວງຈຳປາສັກ ທີ່ຢູ່ຫ່າງຈາກນະຄອນປາກເຊປະມານ 140ກມ, ໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວໃນອະນຸພາກພື້ນແມ່ນໍ້າຂອງໄລຍະ2 ໄດ້ຮັບການຊ່ວຍເຫຼືອລ້າຈາກທະນາຄານພັດທະນາອາຊີ ຫຼື ເອດີີບີ ໃນມູນຄ່າເກືອບ 4 ລ້ານໂດລາສະຫະລັດ, ໄລຍະການກໍ່ສ້າງແມ່ນ 24 ເດືອນ ໂດຍເລີ່ມແຕ່ວັນທີ 26 ພຶດສະພາ 2020 ຫາ ວັນທີ 25 ພຶດສະພາ 2022 ແຕ່ອາດຈະໄດ້ມີການຕໍ່ສັນຍາໄປຕື່ມອີກ ຍ້ອນການແຜ່ລະບາດພະຍາດໂຄວິດ19, ຫາກໂຄງການນີ້ສໍາເລັດຈະອຳນວຍຄວາມສະດວກໃນການຄົມມະນາຄົມໄປມາຫາສູ່ຂອງພໍ່ແມ່ປະຊາຊົນ ກໍ່ຄືນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ເຂົ້າມາທ່ອງທ່ຽວເຂດດັ່ງກ່າວຢ່າງສະດວກສະບາຍ.

ມາຮອດປະຈຸບັນການກໍ່ສ້າງໄດ້ສໍາເລັດກວມເອົາ 66,97%, ໃນໂອກາດດັ່ງກ່າວນີ້ ທ່ານ ລັດຖະມົນຕີກະຊວງ ຖວທ ໄດ້ສະແດງຄວາມຍ້ອງຍໍ ຊົມເຊີຍຕໍ່ຄະນະຮັບຜິດຊອບໂຄງການທີ່ ເອົາໃຈໃສກໍ່ສ້າງໂຄງລ່າງພື້ນຖານເພື່ອສົ່ງເສີມການທ່ອງທ່ຽວໃນອະນຸພາກພື້ນແມ່ນໍ້າຂອງໄລຍະ2 ເຊິ່ງໂຄງການນີ້ຈະກາຍເປັນເສັ້ນທາງເຂົ້າໄປສູ່ແຫຼ່ງທ່ອງທ່ຽວທີ່ເປັນທຳມະຊາດອັນງົດງາມທີ່ພວກເຮົາມີ ພ້ອມນັ້ນທ່ານລັດຖະມົນຕີໄດ້ເນັ້ນໃຫ້ທາງຄະນະຮັບຜິດຊອບເອົາໃຈໃສ່ດ້ານສິ່ງແວດລ້ອມຕ່າງໆໃຫ້ມີຜົນກະທົບຫນ້ອຍທີ່ສຸດຕໍ່ກັບປະຊາຊົນ ແລະ ການກໍ່ສ້າງກໍ່ໃຫ້ຮັບປະກັນຄຸນນະພາບ ເພື່ອການນຳໃຊ້ໃຫ້ຍາວນານ ແລະ ການບໍລິຫານຄຸ້ມຄອງໃຫ້ມີຄວາມຍືນຍົງ