ໃນວັນທີ 19 ພຶດສະພາ ທີ່ຜ່ານມາ, ທ່ານ ອານຸພາບ ວົງຫນໍ່ແກ້ວ ຜູ້ຕາງໜ້າຖາວອນແຫ່ງ ສປປ ລາວ ປະຈໍາອົງການ ສປຊ ໄດ້ເຂົ້າຮ່ວມກອງປະຊຸມທົບທວນການປະຕິບັດງານຂອງ ສະພາເສດຖະກິດ-ສັງຄົມ ສປຊ ປະຈໍາປີ 2022 ໃນຫົວຂໍ້ “ການຫັ້ນປ່ຽນເພື່ອສະໜັບສະໜູນປະເທດດ້ອຍພັດທະນາ, ປະເທດກຳລັງພັດທະນາທີ່ບໍ່ມີຊາຍແດນຕິດທະເລ ແລະ ປະເທດກຳລັງພັດທະນາທີ່ເປັນເກາະດອນນ້ອຍ”.

ກອງປະຊຸມໄດ້ປຶກສາຫາລືກ່ຽວກັບວິທີການ ທີ່ເຄືອຂ່າຍດ້ານການພັດທະນາຂອງ ສປຊ ສາມາດໃຫ້ການສະໜັບສະໜູນ ໂດຍຜ່ານມາດຕະການສາກົນ ອັນໃໝ່ ແກ່ກຸ່ມປະເທດທີ່ມີຄວາມອ່ອນໄຫວດັ່ງກ່າວ ໃຫ້ກັບຄືນສູ່ເສັ້ນທາງເພື່ອບັນລຸເປົ້າຫມາຍ SDGs ໂດຍການຟື້ນຟູແບບຍືນຍົງຈາກຜົນກະທົບຂອງໂຄວິດ-19.

ພ້ອມກັນນັ້ນ, ກອງປະຊຸມຍັງໄດ້ລົງເລີກ ກ່ຽວກັບ ການຊອກຫາວິທີການເພື່ອໃຫ້ການສະໜັບສະໜູນປະເທດດ້ອຍພັດທະນາ ໃນການເຊື່ອມສານ ຜົນຂອງກອງປະຊຸມ ສປຊ ວ່າດ້ວຍປະເທດດ້ອຍພັດທະນາ ຄັ້ງທີ 5 (LDC5) ໃຫ້ສອດຄ່ອງກັບແຜນພັດທະນາເສດຖະກິດ-ສັງຄົມໃນລະດັບປະເທດ.

ຜູ້ຕາງໜ້າຖາວອນ ໄດ້ມີຄໍາເຫັນໃນພາກສົນທະນາ ໂດຍຍົກໃຫ້ເຫັນຄວາມສຳຄັນຂອງການແກ້ໄຂສະພາບຄວາມທຸກຍາກໃຫ້ມີຄວາມຍືນຍົງເຊິ່ງ ອົງການ ສປຊ ຕ້ອງໄດ້ວາງມາດຕະການໃຫ້ການສະຫນັບສະໜູນຊ່ວຍເຫຼືອ ລວມທັງການຮັບປະກັນການຕອບສະຫນອງແຫຼ່ງທຶນທີ່ເໝາະສົມ ໂດຍອີງໃສ່ສະພາບການພັດທະນາຕົວຈິງ, ບຸລິມະສິດ ແລະ ຄວາມຕ້ອງການສະເພາະຂອງແຕ່ລະປະເທດ ພ້ອມທັງເອົາໃຈໃສ່ຕໍ່ຂະແໜງການທີ່ໄດ້ຮັບຜົນກະທົບຫລາຍກວ່າຫມູ່ເພື່ອໃຫ້ສາມາດປັບຕົວເຂົ້າກັບສະພາບການ ແລະສິ່ງທ້າທາຍໃໝ່. ໃນນັ້ນ, ການປະຕິບັດຍຸດທະສາດການຂ້າມຜ່ານແບບໂລ່ງລ່ຽນ ຍັງຮຽກຮ້ອງໃຫ້ເພີ້ມການສະໜັບສະໜູນຂອງບັນດາຄູ່ຮ່ວມພັດທະນາ ແລະ ເຄືອຂ່າຍການພັດທະນາຂອງ ສປຊ ທັງໃນດ້ານການເງິນ ແລະ ເຕັກນິກວິຊາການ.

ແຫຼ່ງຂ່າວ: ຮູບພາບ/ຂ່າວໂດຍ: Permanent Mission of the Lao PDR to the United Nations

ແຈ້ງການ ເຖິງ: ບຸກຄົນ, ນິຕິບຸກຄົນ, ພະນັກງານ, ທະຫານ, ຕໍາຫຼວດ, ພະນັກງານບໍານານ ແລະ ພໍ່ແມ່ປະຊາຊົນ ຜູ້ທີ່ຍັງບໍ່ໄດ້ມາຮັບເອົາເງິນຄ່າຊົດເຊີຍ ຈາກໂຄງການພັດທະນານິຄົມອຸດສາຫະກໍາ ແລະ ການຄ້າວຽງຈັນ-ໂນນທອງ ໃນຂອບເຂດພື້ນທີ່ປ່າສະຫງວນ ດົງບ້ານໄຊ ຢູ່ບ້ານໂຄກສະອາດ ເມືອງໄຊທານີ, ນະຄອນຫຼວງວຽງຈັນ.

ເລື່ອງ: ໃຫ້ເຂົ້າມາຮັບເອົາເງິນຄ່າຊົດເຊີຍ ຄ່າພັດທະນາທີ່ດິນ, ສິ່ງປຸກສ້າງ ແລະ ຜົນລະປູກ ຂອງຕອນດິນທີ່ຢູ່ ໃນຂອບເຂດເນື້ອທີ່ດິນ 142 ຮຕ ຂອງໂຄງການພັດທະນານິຄົມອຸດສາຫະກໍາ ແລະ ການຄ້າ ວຽງຈັນໂນນທອງ ຢູ່ທີ່ຫ້ອງການປົກຄອງບ້ານໂຄກສະອາດ ເມືອງໄຊທານີ ນະຄອນຫຼວງວຽງຈັນ ນັບແຕ່ວັນທີ 03 ພຶດສະພາ ເຖິງ 15 ມິຖຸນາ 2022.

ນອກຈາກນັ້ນຍັງມີໃບອະນຸຍາດໃຫ້ສິດໃຊ້ທີ່ດິນລັດ

.

ແກຫ

.

ໂຄງການພັດທະນານິຄົມອຸດສາຫະກໍາ ແລະ ການຄ້າວຽງຈັນ-ໂນນທອງ

ລັດວິສາຫະກິດນໍ້າມັນເຊື້ອໄຟລາວສາຂາແຂວງຄຳມ່ວນຮຽກຮ້ອງສັງຄົມປະຍັດ ຫຼຸດຜ່ອນການໄປ – ການມາ ບໍ່ຈຳເປັນ ເພື່ອພ້ອມພາກັນຜ່ານພົ້ນວິກິດບັນຫານໍ້າມັນຂາດປໍ້າ.

ແຂວງຄຳມ່ວນ ກໍ່ແມ່ນແຂວງໜຶ່ງທີ່ພົບກັບບັນຫານໍ້າມັນບໍ່ພຽງພໍ ( ນໍ້າມັນຂາດປໍ້າ ), ບາງປໍ້າພາຍໃນແຂວງ ແມ່ນຂາດນໍ້າມັນ ເຮັດໃຫ້ຜູ້ໃຊ້ລົດພົບຄວາມຫຍຸ້ງຍາກບໍ່ສະດວກໃນເວລາມາໃຊ້ບໍລິການເຕີມນໍ້າມັນ, ຕໍ່ສະພາບການດັ່ງກ່າວ ທ່ານ ວົງສອນ ພິມມະວົງສາ ຫົວໜ້າລັດວິສາຫະກິດນໍ້າມັນເຊື້ອໄຟລາວສາຂາແຂວງຄຳມ່ວນ ໄດ້ໃຫ້ສຳພາດຕໍ່ສື່ມວນຊົນຂອງແຂວງ ໃນວັນທີ 19 ພຶດສະພາ 2022 ກ່ຽວກັບການຕອບສະໜອງນໍ້າມັນບໍ່ພຽງພໍໃນປະຈຸບັນນີ້. ເຊິ່ງລັດວິສາຫະກິດນໍ້າມັນເຊື້ອໄຟລາວແມ່ນມີ 7 ສາຂາ ໃນທົ່ວປະເທດ ແລະ ມີສຳນັກງານໃຫຍ່ຢູ່ນະຄອນຫລວງ ຂໍຊີ້ແຈງໃນການຕອບສະໜອງນໍ້າມັນຢູ່ແຂວງຄຳມ່ວນ, ປະຈຸບັນພົບບັນຫານໍ້າມັນບໍ່ພຽງພໍ ສະນັ້ນພວກເຮົາໄດ້ຈັດແບ່ງນໍ້າມັນໃຫ້ປໍ້າຕົວແທນພາຍໃນເທດສະບານແຂວງ, ບັນດາເມືອງໃນທົ່ວແຂວງ, ໃນການສະໜອງນໍ້າມັນສະເລ່ຍ ປະມານ ອາທິດລະ 1-2 ຄັ້ງ ແລະ ໃຫ້ຈຳນວນໜ້ອຍ ໄດ້ຫ້າມບໍ່ໃຫ້ຂາຍໃສ່ຕຸກເພື່ອນຳໄປຂາຍຕໍ່ເກນກຳໄລຢ່າງເດັດຂາດ, ສຳລັບເມືອງໃນເທດສະບານແຂວງ ປໍ້າແບບຢ່າງຂອງລັດ ( ປໍ້າຫລັກ 02 ) ໄດ້ກຳນົດໃຫ້ຈຳໜ່າຍ: ລົດໃຫຍ່ແມ່ນ ບໍ່ເກີນ 4 ແສນກີບ/ຄັນ, ສ່ວນປະຊາຊົນສ່ວນໜຶ່ງທີ່ຮຽກຮ້ອງຂໍຊື້ໃສ່ຕຸກເພື່ອນຳໃຊ້ເຂົ້າໃນການຜະລິດ ( ໄຖນາ ) ພວກເຮົາກໍ່ໄດ້ກຳນົດໃຫ້ບໍ່ເກີນ 20 ລິດ/ຄົນ.

ວິທີແກ້ໄຂປໍ້າຂາຍຍ່ອຍທີ່ຂາດນໍ້າມັນແມ່ນໄດ້ລາຍງານໄປຍັງພາກສ່ວນກ່ຽວຂ້ອງໂດຍສະເພາະພະແນກອຸດສາຫະກຳ ແລະ ການຄ້າແຂວງ ເພື່ອລົງ ຕິດ ຕາມບັນດາປໍ້າຕົວແທນບໍ່ວ່າຈະເປັນ ປໍ້າຂອງລັດ ຫລື ເອກະຊົນ ຂໍໃຫ້ເພິ່ນເປັນຕົວຫລັກ ໃນການແກ້ໄຂ, ກວດກາສາງ, ປໍ້າ ເພາະບໍລິສັດຂອງລັດ ແລະ ເອກະຊົນເຄື່ອນໄຫວມີທັງໝົດ 10 ບໍລິສັດ ແລະ ເພື່ອສ້າງຄວາມເຂົ້າໃຈຕໍ່ສັງຄົມໃນສາຍເຫດນໍ້າມັນບໍ່ພຽງພໍນີ້ ເນື່ອງຈາກພວກເຮົາບໍ່ມີເງິນຕາພຽງພໍ ເພາະເວລາຊື້ສິນຄ້າແມ່ນເປັນເງິນຕາຕ່າງປະເທດບວກກັບອັດຕາແລກປ່ຽນເພີ່ມຂື້ນໃນແຕ່ລະວັນ ແລະ ອີກບັນຫາໜຶ່ງປະເທດຜູ້ຜະລິດນໍ້າມັນໄດ້ລຸດລົງ ຜູ້ຊົມໃຊ້ພັດຫລາຍຂຶ້ນ ແລະ ບັນຫາຂໍ້ຂັດແຍ່ງຢູ່ເອີລົບເກີດມີສົງຄາມ, ໃນເມືອພົບວິກິດແບບນີ້ຂ້າພະເຈົ້າໃນນາມຫົວໜ້າບໍລິສັດນໍ້າມັນເຊື້ອໄຟລາວສາຂາແຂວງຄຳມ່ວນ ຢາກຂໍຮຽກຮ້ອງມາຍັງສັງຄົມ ໃຫ້ປະຍັດໃນການນໍາໃຊ້ ຫລີກລ້ຽງບັນຫາໄປຫລີ້ນໄປທ່ຽວໂດຍສິ່ງບໍ່ຈຳເປັນ ແລະ ນໍ້າມັນມີສະຕອກໄວ້ນີ້ເພື່ອນຳໃຊ້ເຂົ້າໃນດ້ານກະສິກຳ ການເຮັດໄຮ່, ໄຖນາ ເພື່ອລ້ຽງຊີບປະຈຳວັນ ໃນຊ່ວງວິກິດນີ້ຖ້າພວກເຮົາຟຸມເຟື່ອຍກໍ່ຈະເຮັດໃຫ້ການດຳລົງຊີວິດພົບບັນຫາຫຍຸ້ງ ຍາກ.ສຳລັບປໍ້າຕົວແທນຂອງລັດເຮົາ ( ປໍ້າຫລັກ 02 ) ຖືໄດ້ວ່າຍັງມີພຽງພໍ ແລະ ມີສ່ວນແຮໄວ້ ເພື່ອສະໜອງໃຫ້ບັນດາການນຳ ແລະ ພາກສ່ວນກ່ຽວຂ້ອງ ໃນເວລາສຸກເສີນຕ່າງໆ ແລະ ພາກສ່ວນໃດມີຂໍ້ຄິດເຫັນ ຫລື ຫາວິທີແກ້ໄຂທີ່ດີກວ່ານີ້ກໍ່ຫາວິທີແກ້ໄຂຊ່ວຍກັນ ເພື່ອລຸດຜ່ອນແບ່ງເບົາໃຫ້ພັກ – ລັດເຮົາ ເພື່ອກ້າວໄປສູ່ສະພາບປົກກະຕິ.

ຂໍ້ມູນຈາກ: Khammouane News

ເປີດນໍາໃຊ້ໂຮງງານ ຂຸດຄົ້ນຊັບສິນ ຄຣິບໂຕ ຈໍາປາສັກ

ຫວ່າງບໍ່ດົນມານີ້, ບໍລິສັດ ຂຸດຄົ້ນຄຣິບໂຕ ລາວ ຈໍາກັດ ໄດ້ຈັດພິທີເປີດນໍາໃຊ້ໂຮງງານ ຂຸດຄົ້ນຊັບສິນ ຄຣິບໂຕ ຂຶ້ນຢູ່ ບ້ານຈຽງໄຊ ເມືອງບາຈຽງຈະເລີນສຸກ ແຂວງຈຳປາສັກ ໂດຍການເຂົ້າຮ່ວມຂອງ ທ່ານ ປອ.ວິໄລວົງ ບຸດດາຄໍາ ເຈົ້າແຂວງໆຈໍາປາສັກ, ທ່ານ ບັນດິດ ສຈ.ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ທ່ານ ປອ.ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ຈັນທະບູນ ລັດຕະນະວົງ ຜູ້ຊ່ວຍທ່ານນາຍົກລັດຖະມົນຕີ, ທ່ານ ພູໂຂງ ຈິດຮູບໂລກ ຫົວໜ້າຫ້ອງການກະຊວງເຕັກໂນໂລຊີ ແລະ ການສື່ສານ, ທ່ານ ລິດທິກອນ ພູມມະສັກ ປະທານສະພາບໍລິຫານ ກຸ່ມ ບໍລິສັດ​ ເອໄອເອັຟ. ມີການນໍາຈາກພາກສ່ວນກ່ຽວຂ້ອງຂອງສູນກາງ, ການນໍາພະແນກການ ແລະກົມກອງທີ່ກ່ຽວຂ້ອງອ້ອມຂ້າງແຂວງ, ການນໍາເມືອງບາຈຽງຈະເລີນສຸກ, ການນໍາກຸ່ມບໍລິສັດ ເອໄອເອັຟ, ນັກທຸລະກິດ, ຜູ້ປະກອບການ ແລະ ໜ່ວຍງານທີ່ກ່ຽວຂ້ອງ ເຂົ້າຮ່ວມ.

ແຫຼ່ງຂ່າວ: ໜັງສືພິມຈຳປາໃໝ່ 𝐂𝐡𝐚𝐦𝐩𝐚𝐦𝐚𝐢 𝐍𝐞𝐰𝐬𝐩𝐚𝐩𝐞𝐫

ດັ່ງທີ່ເຮົາຮູ້ບັດຈຸບັນ, ສະພາບການຕອບສະໜອງຂອງນໍ້າມັນທີ່ມີຕໍ່ຄວາມຕ້ອງການຂອງຜູ້ຊົມໃຊ້ບໍ່ພຽງພໍ ເຊິ່ງຈະສັງເຫດໄດ້ຈາກປະຊາຊົນອັງອໍລຽງແຖວໃສ່ນໍ້າມັນ ບາງເຂດປໍ້າກໍປິດ ເຮັດໃຫ້ປະຊາຊົນຫຼາຍບ້ານມາໂຮມໃສ່ແຕ່ປໍ້າດຽວ ຈົນເຮັດໃຫ້ນໍ້າມັນຂາດ, ບາງປໍ້າກໍມີແຕ່ກະຊວນເທົ່ານັ້ນ ເຮັດໃຫ້ຜູ້ທີ່ໃຊ້ລົດທີ່ໃສ່ນໍ້າມັນແອັດຊັງເກີດຂໍ້ຫຍຸ້ງຍາກໃນການຊອກປໍ້າທີ່ໃສ່ນໍ້າມັນແອັດຊັງ.

ຕໍ່ກັບເຫດການດັ່ງກ່າວ ເຮົາກໍຈະເຫັນໄດ້ເຖິງການໂພສຈາກບັນຊີເຟສບຸກສ່ວນບຸນຄົນທີ່ໄດ້ອອກມາລາຍງານກ່ຽວກັບສະພາບນໍ້າມັນ. ເພາະມັນໄດ້ກະທົບເຖິງການເຮັດວຽກ ແລະ ປະກອບອາຊີບໃນການດຳລົງຊີວິດຂອງປະຊາຊົນ.

ຈົນມາຮອດເຄື່ອຂ່າຍຊາວກະກອນລາວ Lao Farmer Network ທີ່ໄດ້ໂພສເທິງບັນຫານໍ້າມັນຄືດັ່ງນີ້: ຊາວກະສິກອນພົບບັນຫາບໍ່ສາມາດໄຖສວນ ໄຖນາ ຫົກຜັກ ເນື່ອງຈາກນໍ້າມັນຂາດ ແລະ ປໍ້ານໍ້າມັນຫຼາຍປໍ້າປິດໃຫ້ບໍລິການ ສະເໜີເຖິງພາກສ່ວນທີ່ກ່ຽວຂ້ອງຊ່ວຍເລັ່ງແກ້ໄຂ.

ຈາກນັ້ນ, ກໍມີປະຊາຊົນຊາວກະສິກອນລາວໄດ້ເຂົ້າມາສະແດງຄວາມຄິດເຫັນພ້ອມ ບອກເລົ່າບັນຫາຂອງຕົນເຊັ້ນກັນ.

ເຊິ່ງຜູ້ໃຊ້ເພຈບຸກທ່ານໜຶ່ງ ກໍໄດ້ສະແດງຄວາມຄິດເຫັນວ່າ: ນາ 200-300ໄຮ້ຊື້ນ້ຳມັນໄດ້ເທືອລະ 20ລິດຈັງໃດຊິແລ້ວນາ ລ້າສຸດຈະໄດ້ຈອດລົດໄວ້ແລ້ວ ທ່ານເອີຍ.

ເປັນແນວນີ້ ທາງໂທລະໂຄ່ງກໍໍໍຂໍເປັນກຳລັງໃຈໃຫ້ທຸກຝ່າຍ ແລະ ຂໍໃຫ້ພາກສ່ວນກ່ຽວຂ້ອງຊ່ວຍເຂົ້າມາຊ່ວນແກ້ໄຂຕໍ່ເຫດການດັ່ງກ່າວ.

ຕາມການລາຍງານຂອງໜັງສືພິມຄວາມສະຫງົບໃຫ້ຮູ້ວ່າ: ໃນວັນທີ 6 ພຶດສະພາ 2022, ຄະນະສານອາຍາຂັ້ນຕົ້ນ ສານປະຊາຊົນ ແຂວງອຸດົມໄຊ ໄດ້ເປີດກອງ ປະຊຸມ ເພື່ອຄົ້ນຄວ້າພິຈາລະນາສໍານວນຄະດີໃນສະຖານຂົນສົ່ງຢາເສບຕິດ ແລະ ມີຢາເສບຕິດ ( ປະເພດຢາບ້າ ) ໄວ້ໃນຄອບຄອງ ໂດຍມີຈໍາເລີຍຊື່ ທ້າວ ຢາເຊັງ ອາຍຸ 40 ປີ ຢູ່ບ້ານທອງສີ ເມືອງໂພນທອງ ແຂວງ ຫຼວງພະບາງ.

ອົງການໄອຍະການປະຊາຊົນ ແຂວງອຸດົມໄຊ ໄດ້ຖະແຫຼງເນື້ອໃນຄະດີຂອງຈໍາເລີຍ ໃຫ້ຮູ້ວ່າ: ໃນ ເວລາ 13:00 ໂມງຂອງວັນທີ 24 ທັນວາ 2020, ເຈົ້າຫນ້າທີ່ຕໍາຫຼວດ ປກສ ເມືອງປາກແບງ ແຂວງອຸດົມ ໄຊ ໄດ້ອອກເຄື່ອນໄຫວຕັ້ງຈຸດກວດກາຢູ່ເສັ້ນທາງເຂດບ້ານມົກແຄໃຫຍ່ ເມືອງປາກແບງ ແລະ ໃນຂະນະ ນັ້ນ, ໄດ້ພົບເຫັນ ທ້າວ ຢາເຊັງ ຂັບ ຂີ່ລົດຈັກຮອນດາເວັບ 100 ສີແດງ-ດໍາ ຫມາຍເລກທະບຽນ ຈຈ 1148 ຫຼວງນ້ໍາທາ ມາແຕ່ທາງເມືອງຜາອຸດົມ ແຂວງບໍ່ແກ້ວ ດ້ວຍທ່າທາງມີພິລຸດສົງໄສ ຈຶ່ງໄດ້ລັດລົດຈັກ ຜູ້ກ່ຽວ ພ້ອມທັງຂໍອະນຸຍາດກວດກາລົດ ແລະ ຄົ້ນຕົວ ຈຶ່ງພົບ ເຫັນຢາບ້າ ຈໍານວນ 20 ມັດ ເທົ່າກັບ 40.000 ເມັດ ນໍ້າຫນັກ 4 ກິໂລກຼາມ ຊຸກເຊື່ອງໄວ້ຢູ່ໃນຖົງຢາງຂອງຜູ້ກ່ຽວ. ຈາກນັ້ນ, ຈຶ່ງໄດ້ກັກຕົວພ້ອມ ຂອງກາງມາມອບ ໃຫ້ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ດໍາເນີນ ຄະດີຕາມກົດຫມາຍ.

ຜ່ານການສືບສວນ-ສອບສວນ, ທ້າວ ຢາເຊັງ ໄດ້ໃຫ້ການຮັບສາລະພາບວ່າ: ໃນເດືອນມິຖຸນາ 2020, ຜູ້ກ່ຽວ ໄດ້ໄປຮັບຈ້າງປາດຢາງພາລາຢູ່ບ້ານລາວຫຼວງ ເມືອງຫ້ວຍຊາຍ ແຂວງບໍ່ແກ້ວ. ມາຮອດ ວັນທີ 20 ທັນວາ 2020, ນາງ ປູ່ເຢ ( ແມ່ເມຍ ) ຢູ່ບ້ານທອງເຫນືອ ເມືອງໂພນທອງ ແຂວງຫຼວງພະບາງ ໄດ້ໂທລະສັບບອກໃຫ້ຜູ້ກ່ຽວກັບໄປບ້ານ ຍ້ອນແມ່ເມຍບໍ່ສະບາຍ. ວັນທີ 23 ທັນວາ 2020, ຜູ້ກ່ຽວຈຶ່ງ ໄດ້ຢືມລົດຈັກຂອງ ທ້າວ ຈະ ຢູ່ບ້ານ ຫົວຂົວ ເມືອງລອງ ແຂວງຫຼວງນໍ້າທາ ທີ່ໄດ້ມາຢາມຜູ້ກ່ຽວຢູ່ເຮືອນ. ຈາກນັ້ນ, ຜູ້ກ່ຽວຈຶ່ງຂັບຂີ່ລົດຄັນດັ່ງກ່າວອອກຈາກສວນຢາງພາລາບ້ານລາວຫຼວງ ເມືອງຫ້ວຍຊາຍ ແຂວງ ບໍ່ແກ້ວ ເພື່ອຈະກັບໄປບ້ານ. ເມື່ອຂັບຂີ່ໄປຮອດເຂດບ້ານຫ້ວຍຊາຍນ້ອຍ ຈຶ່ງໄດ້ເຊົ່າບ້ານພັກເພື່ອນອນຄ້າງ ຄືນໃນເວ ລາຍ່າງໄປຊື້ຂອງກິນຢູ່ຕະຫຼາດໄດ້ມີຜູ້ຊາຍສອງຄົນ ( ບໍ່ຮູ້ຊື່ ແລະ ທີ່ຢູ່ ) ຍ່າງມາຖາມຜູ້ກ່ຽວວ່າ: ມາແຕ່ໃສ ແລະ ຈະໄປໃສ, ຜູ້ກ່ຽວຕອບວ່າ ມາແຕ່ບ້ານລາວຫຼວງ ຈະໄປເບິ່ງແມ່ເຖົ້າເຈັບຢູ່ບ້ານທອງເຫນືອ ເມືອງໂພນທອງ ແຂວງຫຼວງພະບາງ ແລ້ວມີຜູ້ຊາຍຄົນຫນຶ່ງ ຊື່ ທ້າວ ລາວຕົວ ຢູ່ເມືອງນ້ໍາບາກ ແຂວງຫຼວງ ພະບາງ ແຕ່ບໍ່ໄດ້ບອກບ້ານຢູ່ ໄດ້ເວົ້າຕື່ມວ່າ: ມີເລື່ອງຢາກລົມນໍາ. ພາຍຫຼັງທີ່ຊື້ຂອງກິນ ແລ້ວພວກກ່ຽວຈຶ່ງ ໄດ້ກັບມາລົມກັນຢູ່ບ້ານພັກທີ່ຜູ້ກ່ຽວເຊົ່າ ໂດຍ ທ້າວ ລາວຕົວ ໄດ້ບອກໃຫ້ຜູ້ກ່ຽວຂົນສົ່ງຢາບ້າ ຈໍານວນ 20 ມັດ ຈາກແຂວງບໍ່ແກ້ວ ໄປສົ່ງໃຫ້ຜູ້ກ່ຽວຢູ່ເຂດບ້ານປາກມອງ ເມືອງນ້ໍາບາກ ແຂວງຫຼວງພະບາງ ໂດຍ ຈະໃຫ້ເງິນຄ່າຈ້າງຈໍານວນ 500.000 ກີບ ຜູ້ກ່ຽວຈຶ່ງໄດ້ຕົກລົງ ເນື່ອງຈາກວ່າເປັນເສັ້ນທາງ ທີ່ຕົນຈະໄດ້

ເຫັນວ່າ: ການກະທໍາຂອງ ທ້າວ ຢາ ເຊັງ (ຈໍາເລີຍ) ເປັນການກະທໍາທີ່ແຕະຕ້ອງຕໍ່ປະມວນກົດຫມາຍ ອາຍງໃນ ຫມວດທີ 8 ການກະທໍາຜິດກ່ຽວກັບຢາ ເສບຕິດ ໂດຍອີງຕາມໃບຢັ້ງຢືນຜົນການພິສູດ-ວິໄຈຢາ ເສບຕິດຂອງພະ ແນກກວດກາ ແລະ ຄວບຄຸມຢາເສບຕິດ ປກສ ແຂວງອຸດົມໄຊ ສະບັບເລກ ທີ 1985/021 ຢັ້ງຢືນວ່າ: ຢາບ້າຈໍານວນດັ່ງກ່າວ ແມ່ນບັນຈຸສານເສບຕິດໃນ ຫມວດ Methampheta- mine (ຢາບ້າ+).

ດ້ວຍເຫດນີ້, ຄະນະສານອາຍາຂັ້ນຕົ້ນ ສານປະຊາຊົນແຂວງອຸດົມໄຊ ຈຶ່ງໄດ້ພິຈາລະນາຕັດສິນຕາມ ຄໍາຕັດສິນ ເລກທີ 052/ຂຕ.ອ, ລົງວັນທີ 6 ພຶດ ສະພາ 2022 ບອກວ່າ: ຕັດສິນ ທ້າວ ຢາເຊັງ (ຈໍາເລີຍ) ມີຄວາມຜິດທາງອາຍາ ໃນຫມວດທີ 8 ມາດຕາ 315 ວັກ 4 ໃນການຂົນສົ່ງຢາເສບຕິດ ແລະ ມີຢາເສບຕິດ ປະເພດຢາບ້າໄວ້ໃນຄອບຄອງ ຖືກສານຕັດສິນລົງໂທດປະຫານຊີວິດ ແລະ ຮິບຢາເສບຕິດ (ປະເພດຢາບ້າ) ຈໍານວນ 20 ມັດ ເທົ່າກັບ 40.000 ເມັດ ຂອງຈໍາເລີຍມາທໍາລາຍຖິ້ມ, ຮິບລົດຈັກຮອນດ້າ ສີແດງດໍາ ຫມາຍເລກທະບຽນ ຈຈ 1148 ຫຼວງນ້ໍາທາ ທີ່ໄດ້ນໍາໃຊ້ເຂົ້າໃນການກະທໍາຜິດມາເປັນຂອງລັດ.