ແຂວງວຽງຈັນ: ລາຍງານຈາກປະຊາຊົນໃຫ້ຮູ້ວ່າ ຂົວເພອີກແລ້ວ ! ເກີດເຫດຂົວຫັກ ເປ່ເພຂົວນໍ້າສັງ ລະຫວ່າງ ບ້ານ ປາກຮາງແລະ ບ້ານນໍ້າແພດ. ເນື່ອງຈາກລົດບັນທຸກ ຂົນເຄື່ອງໜັກ ແລ່ນຜ່ານ, ຈຸດເກີດເຫດແມ່ນ ຢູ່ເຂດ ຊາຍແດນລະຫວ່າງເມືອງໝື່ນ ແລະ ເມືອງເຟືອງ ແຂວງວຽງຈັນ.
ເຮັດໃຫ້ຕອນເຊົ້າ ວັນທີ 15 ຕຸລາ 2020 ເຮັດໃຫ້ການສັນຈອນຕິດຂັດ ເປັນອໍາມະພາດ, ຈະນໍາໃຊ້ເສັ້ນທາງກ້ອງຂົວ ກໍ່ພັດຍັງມີນໍ້າຫຼາຍ ລົດຕິດຄາກັນ ເປັນແຖວ. ຂໍໃຫ້ທຸກທ່ານລະມັດລະວັງ.
ພາບ: Second Hand Lover
ລາຍງານ: ໃນວັນທີ 13 ຕຸລາ 2020 ເນື່ອງຈາກສະພາບຝົນຕົກຕິດຕໍ່ກັນເປັນເວລາຫຼາຍມື້ຕິດຕໍ່ກັນ ເຮັດໃຫ້ ການສັນຈອນໄປມາພົບຄວນຫຍຸ້ງຍາກລຳບາກຫຼາຍພໍສົມຄວນເປັນຕົ້ນ: ເສັ້ນທາງແຕ່ເມືອງນອງໄປຫາ ບ້ານດົງ ເມືອງເຊໂປນຖືກຕັດຂາດລົດທຸກປະເພດບໍ່ສາມາດສັນຈອນໄປມາໄດ້ ປະຊາຊົນຕ້ອງໄດ້ໃຊ້ເຮືອຂີ່ຂ້າມ ນ້ຳໄດ້ເລີ່ມຖ້ວມຂັງແຕ່ວັນທີ 7 ເດືອນ10
.
ມາຮອດຕອນເຊົ້າຂອງວັນທີ 14/10/2020 ລະດັບນ້ຳແມ່ນໄດ້ຫຼຸດລົງ ຈົນລົດໃຫຍ່ສາມາດແລ່ນໄດ້ ແຕ່ພໍມາຮອດຕອນສວາຍຂອງວັນດຽວກັນນັ້ນເນື່ອງຈາກສະພາບຝົນຍັງໄດ້ຕົກໜັກ ແລະ ຕົກແຮງຢ່າງສະໜຳ່ສະະເໝີ ເຮັດໃຫ້ນຳ້ຖ້ວມອັ່ງຂຶ້ນອີກ ໃນຮອບ2 ເຊິ່ງມີຄວາມຍາວ 300 ແມັດ, ຄວາມເລິກ 2ແມັດ, ເສັ້ນທາງແຕ່ບ້ານ ນາລົງເກົ່າ ຫາຈຸດສຸມ ປະເລາະ-ອາສີງ, ບ້ານໂອ້ຍຕານຕີບ ແມ່ນຖືກຕັດຂາດ, ທໍ່, ຫົວຂົວຂາດ, ດິນເຈື່ອນທັບເສັ້ນທາງ ປະມານ 6-7 ຈຸດ, ເສັ້ນທາງແຕ່ເທດສະບານເມືອງນອງຫາຈຸດສຸມແກ້ງລີ້ນ, ບາງຈຸດມີນ້ຳຖ້ວມຂັງ,ຈຸດທີ່ມີທໍ່ແມ່ນຖືກນ້ຳເຊາະເຈື່ອນ, ຈຸດທີ່ເປັນຫົວຂົວ ລວມມີ 5ຈຸດ, ເສັ້ນທາງແຕ່ ບ້ານ ພູນໝາກມີ້ ຫາບ້ານອາເລົາໃຫຍ່ ສ່ວນໃຫຍ່ແມ່ນຈຸດເສັ້ນທາງຕ່ຳ ແລະຄ້ອຍ, ຈຸດທີ່ມີທໍ່, ຫົວຂົວແມ່ນໄດ້ຖືກນ້ຳກັດເຊາະ ນອກນັ້ນກໍ່ຍັງມີເຂົ້ານາປີຖືກນ້ຳຖ້ວມຂັງ ແລະເນື້ອທີ່ສວນຈຳນວນໜຶ່ງຖືກຈົມຢູ່ພື້ນນ້ຳ ອັນສ້າງຄວາມເສຍຫາຍໃຫ້ແກ່ປະຊາຊົນຫຼາຍພໍສົມຄວນ.
.
.
ລາຍງານຈາກແຂວງວຽງຈັນ: ຈາກເຫດການ ທີ່ຂົວນໍ້າພະນາຍ ເມືອງທຸລະຄົມ ແຂວງວຽງຈັນ ຫັກພັງລົງ ໃນຕົ້ນເດືອນມິຖຸນາ 2020.
ມາຮອດຕອນບ່າຍຂອງວັນທີ 14/10/2020 ໄດ້ມີຄວາມຄືບໜ້າຫຼາຍ ໃນການດໍາເນີນ ການບູລະນະ ແລະ ສ້ອມແປງຂົວຄືນໃຫມ່
.
.
ໂດຍມີທ່ານຮອງເຈົ້າເມືອງໆທຸລະຄົມ ໄດ້ລົງຕິດຕາມການສ້າງຂົວນ້ຳພະນາຍ ທີ່ໄດ້ລົງມືປູແຜ່ນເຫລັກ ຂ້າມຂົວ ໃກ້ຈະສຳເລັດແລ້ວ ແລະ ຈະເປີດໃຫ້ປະຊາຊົນນຳໃຊ້ ໃນໄວໆນີ້.
.
.
ຊົມເຊີຍ! ດີໃຈນໍາປະຊາຊົນຈະໄດ້ກັບມານໍາໃຊ້ເສັ້ນທາງນີ້ໃຫ້ສະດວກຄືເກົ່າ.
ໃນວັນທີ 14 ຕຸລາ 2020, ທຳນຽບປະທານປະເທດ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ຫວັງ ອີ້, ທີ່ປຶກສາແຫ່ງລັດ, ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ປະຊາຊົນຈີນ, ພ້ອມດ້ວຍຄະນະ ທີ່ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ, ໃນລະຫວ່າງ ວັນທີ 13-14 ຕຸລາ 2020 ນີ້.
ໃນໂອກາດນີ້, ທ່ານ ບຸນຍັງ ວໍລະຈິດ ໄດ້ສະແດງຄວາມຕ້ອນຮັບຊົມເຊີຍ ແລະ ຕີລາຄາສູງ ຕໍ່ການເດີນທາງມາຢ້ຽມຢາມ ສປປ ລາວ ຂອງທ່ານ ຫວັງ ອີ້ ພ້ອມດ້ວຍຄະນະໃນຄັ້ງນີ້, ເຊິ່ງເປັນການປະ ກອບສ່ວນອັນສຳຄັນ ເຂົ້າໃນການຈັດປະຕິບັດແຜນການຮ່ວມມື ລະຫວ່າງສອງພັກ, ສອງລັດ ລາວ-ຈີນ, ທັງເປັນການປະກອບສ່ວນສຳຄັນ ໃນການເສີມຂະຫຍາຍມູນເຊື້ອແຫ່ງການພົວພັນມິດຕະພາບ ແລະ ການ ຮ່ວມມືຍຸດທະສາດຮອບດ້ານ ແລະ ການເປັນຄູ່ຮ່ວມຊາຕາກຳສັງຄົມນິຍົມ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ໃຫ້ໄດ້ຮັບການເພີ່ມພູນຄູນສ້າງ ແລະ ແຕກດອກອອກຜົນຍິ່ງໆຂຶ້ນ.
ທ່ານ ຫວັງ ອີ້ ໄດ້ສະແດງຄວາມຂອບໃຈເປັນຢ່າງສູງ ຕໍ່ການຕ້ອນຮັບອັນອົບອຸ່ນ ແລະ ເປັນກັນເອງ ຂອງ ທ່ານ ບຸນຍັງ ວໍລະຈິດ ທີ່ໄດ້ເສຍສະຫລະເວລາອັນມີຄ່າ ໃນການຕ້ອນຮັບໃນຄັ້ງນີ້. ພ້ອມນີ້, ທ່ານ ຫວັງ ອີ້ ໄດ້ລາຍງານຜົນຂອງການເຄື່ອນໄຫວຢ້ຽມຢາມ ສປປ ລາວ ໃນຄັ້ງນີ້ ໃຫ້ທ່ານ ປະທານປະເທດ ໄດ້ຮັບຊາບຕື່ມອີກ.
ໃນວັນດຽວກັນ, ທ່ານ ຫວັງ ອີ້ ພ້ອມດ້ວຍຄະນະ ກໍໄດ້ເຂົ້າຢ້ຽມຂ່ຳນັບ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ເຊັ່ນດຽວກັນ.
ຂ່າວ: ສົມຫວັງ
ພາບ: ເກດສະໜາ+ອ່າຍຄຳ
ຂ່າວສານປະເທດລາວ
ແຂວງວຽງຈັນ: ລາຍງານຈາກ 1625 ແຂວງວຽງຈັນໃຫ້ຮູ້ວ່າ ໃນວັນທີ 14 ຕຸລາ 2020 ເວລາ 14:45 ນາທີ ໜວ່ຍກູ້ຊີບອົງການກາແດງແຂວງວຽງຈັນໄດ້ຮັບແຈ້ງເຫດຜ່ານເບີ 023 1625 ວ່າມີຄົນນອນເສຍຊີວິດໂດຍບໍ່ຮູ້ສາເຫດ ຢູ່ບ້ານນ້ຳອ່າງ ເມືອງທຸລະຄົມ ແຂວງວຽງຈັນ.
ເມື່ອຫນວ່ຍກູ້ຊີບອອກກວດສອບເຫດພົບເຫັນຜູ້ເສຍຊີວິດ 01 ຄົນ,ເຊິງເປັນເພດຊາຍ, ອາຍຸ 53 ປີ. ເຈົ້າໜ້າທີ່ກອງສັນນະສູດ ໄດ້ມາກວດສອບ ສົບຜູ່ເສຍຊີວິດ ແລະ ຈະສະຫຼຸບ ສາເຫດຂອງການເສຍຊີວິດ ຈາກຜົນການສັນນະສູດ ຕໍ່ໄປ.
ດັ່ງນັ້ນ, ໜ່ວຍກູ້ຊີບອົງການກາແດງແຂວງວຽງຈັນຈື່ງໄດ້ທຳການຫໍ່-ມ້ຽນສົບຜູ້ເສຍຊີວິດ ແລະ ນຳສົ່ງສົບໄປທີ່ປ່າຊ້າ ບ້ານນ້ຳອ່າງ ເມືອງ ທຸລະຄົມ ແຂວງວຽງຈັນ ເພື່ອປະກອບພິທີທາງສາສະໜາ.
ສະແດງຄວາມເສຍໃຈກັບທາງຄອບຄົວຜູ່ເສຍຊີວິດ
ອຸບັດຕິເຫດ ເຈັບ-ປວ່ຍສຸກເສີນໂທແຈ້ງ:☎️023 1625 ; 0304555114 ☎️ ຕະຫລອດ24ຊົ່ວໂມງ.
🚑🚑ທ່ານໃດຢາກຊ່ວຍເຫລືອໜ່ວຍງານ ສາມາດບໍລິຈາກປະເພດເຂົ້າສານ, ອາຫານການກິນ, ນ້ຳມັນລົດ ຫລື ອຸປະກອນການແພດຕ່າງໆສາມາດຕິດຕໍ່ເຂົ້າເບີ 023 1625
ເຫດ ລົດໃຫ່ຍຕຳລົດຖີບເຂດ ບ້ານ ໜອງບົວທອງ.
ໃນວັນທີ 14/10/2020 ເວລາ 12:40 ນາທີໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າ ມີເຫດ ລົດໃຫ່ຍຕຳລົບຖີບ ເຂດ ບ້ານ ໜອງບົວທອງ ເມືອງ ສີໂຄດຕະບອງ, ນະຄອນຫລວງວຽງຈັນ.
ທີມກູ້ຊີບ-ກູ້ໄພນະຄອນຫຼວງ (ສູນສັ່ງການ) ຈຶ່ງໄດ້ອອກກວດສອບເຫດພົບ ລົດເກງຕໍາລົດຖີບ, ລົດຖີບແມ່ນເຂົ່າໄປທີ່ກ້ອງລົດເກງ ເພເສຍຫາຍ.
ມີຜູ່ບາດເຈັບ ເພດ ຊາຍ 1 ຄົນ, ໂດຍມີອາການເບື້ອງຕົ້ນແມ່ນ ຂາຜິດຮູບ ແລະ ບາດແຜຖະຫຼອກ.ພວກເຮົາຈຶ່ງໄດ້ປະຖົມພະຍາບານຂັ້ນເບື້ອງຕົ້ນແລ້ວນຳສົ່ງໂຮງໝໍ ມິດຕະພາບ 150 ຕຽງເພື່ອໄປປິ່ນປົວ.
ອຸປະຕິເຫດສຸກເສີນໂທ : 🚑 1624 🚑
ຖ້າທ່ານໃດຕ້ອງຢາກເປັນສ່ວນໜື່ງໃນການຊ່ວຍເຫຼືອໜ່ວຍງານພວກເຮົາໃນການບໍລິຈາກ
ຕິດຕໍ່ສອບຖາມ:020 2244 1624 ຫຼື ໂອນບັນຊີ
ທີມກູ້ຊີບກູ້ໄພນະຄອນຫຼວງ1624
ຄະນະສະເພາະກິດລາຍງານ: ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ອອກຄໍາແນະນໍາ ສໍາລັບຜູ້ທີ່ຈະເດິນທາງມາຈາກປະເທດທີ່ບໍ່ມີການລະບາດຂອງພະຍາດ COVID-10 ໃນຊຸມຊົນ ດັ່ງລຸ່ມນີ້:
.
ຈໍາກັດບໍລິເວນຕົນເອງໃຫ້ຄົບ 14 ວັນເດີ້…! ຊ່ວຍຊາດ
ຈໍາປາສັກ: ໃນຕອນບ່າຍວັນທີ 14/10/2020, ທ່ານ ພັນໂທ ໄພຈິດ ໄຊຍະເດດ ຮອງຫ້ອງຕຳຫຼວດ ຜູ້ຊີ້ນໍາວຽກງານສືບສວນ-ສອບສວນ ກອງບັນຊາການ ປກສ ແຂວງຈຳປາສັກ ໄດ້ຖະແຫຼງກ່ຽວກັບຄະດີຄາຕະກຳ ຢູ່ບ້ານໃໝ່ວັງໝາກແຊວ(ຄຸ້ມທ່າດ່ານ) ເມືອງສຸຂຸມາ ໃນວັນທີ 2/10/2020 ທີ່ຜ່ານມາ ເຊິ່ງມີຜູ້ເສຍຊິວິດ 3 ຄົນ ຄື:
ຜູ້ຖືກຫາ ຊື່ ທ.ຄໍາໃໝ່ ດວງສາ ອາຍຸ 27 ປີ, ອາຊີບຊາວນາ ຢູ່ບ້ານໃໝ່ວັງໝາກແຊວ.
ຜ່ານການສືບສວນ-ສອບສວນ ພະຍານບຸກຄົນ ແລະ ການເກັບກຳຂໍ້ມູນຫຼັກຖານຢ່າງລະອຽດຈະແຈ້ງແລ້ວ ສາມາດສະຫຼຸບໄດ້ວ່າ: ຜູ້ລົງມືກໍ່ເຫດຄາຕະກໍາຄັ້ງນີ້ ແມ່ນ ທ.ຄໍາໃໝ່ ດວງສາ ແທ້ ແລະ ລົງມືກໍ່ເຫດພຽງຄົນດຽວ.
ສາເຫດ ແລະ ແຮງຈູງໃຈໃນການລົງມືກໍ່ເຫດ ແມ່ນຍ້ອນຄວາມຄຽດແຄ້ນສ່ວນຕົວ.
ຍ້ອນແນວນັ້ນ ເຈົ້າໜ້າທີ່ກ່ຽວຂ້ອງ ຈິ່ງໄດ້ນຳຕົວຜູ້ກ່ຽວໄປທຳແຜນທົດສອບ ປະກອບສໍານວນຄະດີ ເພື່ອສົ່ງອົງການໄອຍະການປະຊາຊົນແຂວງ ດຳເນີນຄະດີຕາມຂັ້ນຕອນຂອງກົດໝາຍ.
.
ມາຮອດວັນທີ 14 ຕຸລາ 2020 ໃນບັນດາກຸ່ມປະເທດອາຊຽນ ມີຜູ້ຕິດເຊື້ອພະຍາດ ໂຄວິດ-19 ຈຳນວນ 795.744 ຄົນ ແລະ ເສຍຊີວິດ 19.380 ຄົນ, ສ່ວນ ສປປ ລາວ ແມ່ນບໍ່ພົບຜູ້ຕິດເຊື້ອໃໝ່.
ທ່ານ ນາງ ດຣ. ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫຼງຂ່າວຕໍ່ສື່ມວນຊົນໃນວັນທີ 14 ຕຸລາ 2020 ວ່າ: ສະພາບການເຝົ້າລະວັງພະຍາດໂຄວິດ-19 ຢູ່ ສປປ ລາວ ຮອດ 17 ໂມງຂອງວັນທີ 13 ຕຸລາ ຜ່ານມາ ມີຜູ້ເດີນທາງເຂົ້າມາລາວ ທັງໝົດ 1.866 ຄົນ. ໃນນັ້ນ, ຜ່ານດ່ານ ລາວ-ໄທ 1.103 ຄົນ (ແຮງງານລາວກັບມາແຕ່ໄທ 85 ຄົນ); ຜ່ານດ່ານ ລາວ-ຈີນ 53 ຄົນ, ໃນນັ້ນ ແຮງງານລາວ 21 ຄົນ, ແຮງງານຈີນ 10 ຄົນ, ເຫຼືອນັ້ນ ແມ່ນ ຄົນຂັບລົດສົ່ງສິນຄ້າ; ຜ່ານດ່ານ ລາວ-ຫວຽດນາມ 710 ຄົນ ເຊິ່ງເຂົ້າມາໂດຍຖືກອະນຸຍາດຈາກຄະນະສະເພາະກິດ (ໃນນັ້ນ ມີນັກສຶກສາ 64 ຄົນ, ແຮງງານຫວຽດນາມ 43 ຄົນ, ລັດຖະການຫວຽດນາມ 31 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ ແລະ ຜູ້ຕິດຕາມ ເຊິ່ງສ່ວນຫຼາຍ ແມ່ນເຂົ້າມາປ່ຽນຖ່າຍສິນຄ້າ ແລະ ປ່ຽນຜູ້ຂັບລົດຢູ່ດ່ານ);
ຈຸດຜ່ານແດນລາວ-ກຳປູເຈຍ, ຈຸດຜ່ານແດນລາວ-ມຽນມາ ແລະ ສະໜາມບິນສາກົນວັດໄຕ ແມ່ນບໍ່ມີຄົນຜ່ານເຂົ້າມາ. ເຊິ່ງທຸກຄົນແມ່ນໄດ້ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ (ຍົກເວັ້ນແຕ່ຜູ້ຂັບລົດຂົນສົ່ງ ແລະ ຜູ້ຕິດຕາມ) ແລ້ວຈຶ່ງນຳສົ່ງໄປຫາສະຖານທີ່ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ ແລະ ປັດຈຸບັນ ທົ່ວປະເທດມີສູນຈໍາກັດບໍລິເວນທີ່ຍັງເປີດຢູ່ທັງໝົດ 35 ສູນ, ມີຜູ້ຖືກຈຳກັດບໍລິເວນຢູ່ສູນ 2.478 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ.
ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດໂຄວິດ-19 ທ່ານ ນາງ ດຣ. ລັດສະໝີ ວົງຄຳຊາວ ໄດ້ກ່າວຕື່ມວ່າ: ໃນວັນທີ 13 ຕຸລາ 2020 ໄດ້ເກັບຕົວຢ່າງມາກວດວິເຄາະທັງໝົດ 205 ຄົນ, ໃນນັ້ນ ມີແຮງງານລາວມາແຕ່ໄທ 92 ຕົວຢ່າງ, ແຮງງານຫວຽດນາມ 6 ຕົວຢ່າງ, ແຮງງານໄທ 99 ຕົວຢ່າງ, ບຸກຄົນທົ່ວໄປທີ່ມີອາການ 8 ຕົວຢ່າງ; ຜົນກວດວິເຄາະທັງໝົດແມ່ນ ບໍ່ພົບຜູ້ຕິດເຊື້ອໃໝ່; ສັງລວມການກວດວິເຄາະ ແຕ່ເດືອນມັງກອນ ຮອດວັນທີ 13 ຕຸລາ ໄດ້ເກັບຕົວຢ່າງມາກວດທັງໝົດ 58.890 ຕົວຢ່າງ, ກວດພົບເຊື້ອສະສົມ 23 ຄົນ ໂດຍປັດຈຸບັນ ມີພຽງ 1 ຄົນທີ່ຕິດເຊື້ອພະຍາດໂຄວິດ-19 ແລະ ສືບຕໍ່ປິ່ນປົວຢູ່ໂຮງໝໍມິດຕະພາບ ຄືກໍລະນີ 23 ແລະ ບໍ່ມີອາການຜິດປົກກະຕິຫຍັງ.
ທັງນີ້, ດ້ານການລະບາດຂອງພະຍາດໂຄວິດ-19 ຢູ່ບັນດາປະເທດໃກ້ຄຽງ ແລະ ໃນໂລກ ຮອດວັນທີ 14 ຕຸລາ 2020 ທົ່ວໂລກມີການລະບາດ ທັງໝົດ 214 ປະເທດ/ເຂດ; ມີການຢັ້ງຢືນຜູ້ຕິດເຊື້ອ 38.312.310 ຄົນ; ເສຍຊິວິດ 1.089.441 ຄົນ ກວມເອົາ 2,84% ຂອງຜູ້ຕິດເຊື້ອ; ປີ່ນປົວຫາຍດີ 28.808.212 ຄົນ ເຊິ່ງກວມເອົາ 75,1% ຂອງຜູ້ຕິດເຊື້ອທັງໝົດ. ປະເທດທີ່ມີການລາຍງານການຕິດເຊື້ອ ແລະ ເສຍຊີວິດຫຼາຍກວ່າໝູ່ ແມ່ນສະຫະລັດອາເມຣິກາ ມີຜູ້ຕິດເຊື້ອສະສົມ 8.081.984 ຄົນ, ເສຍຊີວິດສະສົມ 220.698 ຄົນ; ສ່ວນຢູ່ຂົງເຂດອາຊີ ແມ່ນປະເທດອິນເດຍ ທີ່ມີທ່າອ່ຽງການຕິດເຊື້ອ ໂຄວິດ-19 ເພີ່ມຂຶ້ນ, ມີຜູ້ຕິດເຊື້ອສະສົມ 7.237.082 ຄົນ ແລະ ຜູ້ຕິດເຊື້ອມື້ດຽວສູງເຖິງ 63.517 ຄົນ ແລະ ໃນບັນດາກຸ່ມປະເທດອາຊຽນ ມາຮອດວັນທີ 14 ຕຸລາ 2020 ມີການຢັ້ງຢືນ ຜູ້ຕິດເຊື້ອແລ້ວ 795.744 ຄົນ ແລະ ເສຍຊີວິດ 19.380 ຄົນ.
ສະນັ້ນ, ຈຶ່ງຂໍຮຽກຮ້ອງມາຍັງ ທຸກພາກສ່ວນໃນສັງຄົມ ຈົ່ງພາກັນເອົາໃຈໃສ່ສືບຕໍ່ປະຕິບັດ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ, ສະບັບເລກທີ 1049/ຫສນຍ, ລົງວັນທີ 30 ກັນຍາ 2020 ຢ່າງຖືກຕ້ອງ ແລະ ເຄັ່ງຄັດ; ພ້ອມດຽວກັນນັ້ນ ກໍ່ສືບຕໍ່ປະຕິບັດການດຳລົງຊີວິດປົກກະຕິແບບໃໝ່ ໃຫ້ກາຍເປັນຄວາມຊິນເຄີຍ ເປັນຕົ້ນ ແມ່ນ: ອອກຈາກບ້ານເມື່ອມີຄວາມຈຳເປັນ; ໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ; ລ້າງມືເລື້ອຍໆ ດ້ວຍນໍ້າສະອາດໃສ່ສະບູ ຫຼື ເຈວລ້າງມືຂ້າເຊື້ອ; ປະຕິບັດຮັກສາໄລຍະຫ່າງ 1-2 ແມັດຂຶ້ນໄປ; ກິນອາຫານທີ່ປຸງແຕ່ງສຸກໃໝ່ໆ; ແຍກຂອງໃຊ້ສ່ວນຕົວ ບໍ່ໃຊ້ຮ່ວມກັບຜູ້ອື່ນ; ເມື່ອກັບຮອດບ້ານ ຄວນອາບນ້ຳ ແລະ ປ່ຽນເສື້ອຜ້າທັນທີ; ການປະຕິບັດທັງໝົດນີ້ ກໍ່ແມ່ນເພື່ອຫຼຸດຜ່ອນ ແລະ ສະກັດກັ້ນການລະບາດບໍ່ໃຫ້ຂະຫຍາຍເປັນວົງກວ້າງ.
ເນື່ອງຈາກສະພາບດິນຟ້າອາກາດປະຈຸບັນມີການຜັນແປຢ່າງສັບສົນໂດຍສະເພາະໄພພິບັດທາງທໍາມະຊາດໃນທົ່ວປະເທດ ແລະ ໃນແຂວງສະຫວັນນະເຂດໄດ້ສ້າງຄວາມເສຍຫາຍທາງດ້ານຜົນຜະລິດ ແລະ ພື້ນຖານໂຄງລ່າງໜັກພໍສົມຄວນຕໍ່ສະພາບການດັ່ງກ່າວນີ້ ດ້ວຍຄວາມເປັນຫ່ວງເປັນໃຍຕໍ່ການດໍາລົງຊີວິດຂອງ ປະຊາຊົນ ດັ່ງນັ້ນ, ໃນລະຫວ່າງວັນທີ 9-11 ຕຸລາ 2020 ທີ່ຜ່ານມານີ້ ທ່ານ ປອ ຄໍາເຜີຍ ຜັນທະຈອນ ຮອງເລຂາພັກແຂວງ ປະທານຄະນະປະຈໍາສະພາປະຊາຊົນແຂວງ ພ້ອມດ້ວຍຄະນະ ຈຶ່ງໄດ້ເດີນທາງລົກມາຕິດຕາມກວດກາ ແລະ ຊຸກຍູ້ແກ້ໄຂຜົນກະທົບຈາກໄພພິບັດນໍ້າຖ້ວມຢ່າງເລັ່ງດ່ວນ ທີ່ເມືອງນອງ ໂດຍໄດ້ຮັບການຕ້ອງຮັບຈາກ ທ່ານ ລໍາແກ້ວ ແສງໜູທອງ ເຈົ້າເມືອງໆ ນອງ
ຊຶ່ງທ່ານໄດ້ລາຍງານເບື້ອງຕົ້ນໃຫ້ຮູ້ວ່າ: ປະຈຸບັນມີຝົນຕົກລິນ, ຕົກແຮງບາງຄັ້ງເຮັດໃຫ້ເສັ້ນທາງລະຫວ່າງເມືອງກັບເມືອງ ແລະ ບ້ານຕໍ່ບ້ານຖືກຕັດຂາດ, ຈຸດຫົວຂົວຖືກນໍ້າເຊາະເຈື່ອນເຊິ່ງພົບຄວາມຍຸ້ງຍາກໃນການສັນຈອນໄປມາ ລົດໃຫຍ່ທຸກປະເພດແມ່ນບໍ່ສາມາດຂ້າມໄປມາໄດ້ເປັນຕົ້ນ: ເສັ້ນທາງແຕ່ບ້ານດົງສະຫວັນ ເມືອງເຊໂປນ ຫາ ເມືອງນອງ ( ໄລຍະທາງກ່ວາ 1 ກິໂລແມັດ ) ການສັນຈອນຕ້ອງໄດ້ໃຊ້ເຮືອຂ້າມ ສ່ວນເສັ້ນທາງລະຫວ່າງບ້ານຕໍ່ບ້ານຂອງເມືອງນອງຖືກຕັດຂາດຫຼາຍບ່ອນເຊັ່ນ: ເຂດຈຸດສຸມແກ້ງລີ້ນມີເສັ້ນທາງແຕ່ບ້ານໄກສອນ-ຕັງອະ ຫາບ້ານແກ້ງລີ້ນ, ແຕ່ຈຸດສຸມແກ້ງລີ້ນຫາ ບ້ານປະຈະຕຽນ. ຈຸດນໍ້າຖ້ວມຂັງແມ່ນຂົວຈົມເຊສະໜູນ ປະຊາຊົນຕ້ອງໄດ້ໃຊ້ເຮືອຂ້າມ, ເຂດຈຸດສຸມປະເລາະ-ອາສິງ ເສັ້ນທາງຖືກຕັດຂາດໃນບໍລິເວນທີ່ເປັນຫ້ວຍແຕ່ບ້ານອາສິງຫາບ້ານແສນ ເຊິ່ງການປະເມີນຄວາມເສຍຫາຍໃນເບື້ອງຕົ້ນໜັກສຸດແມ່ນເນື້ອທີ່ການຜະລິດເປັນຕົ້ນ: ສວນປູກເຂົ້າ, ສວນກ້ວຍ, ສວນມັນຕົ້ນ ແລະ ອື່ນໆ
ຈາກນັ້ນຄະນະໄດ້ເດີນທາງໄປເມືອງເຊໂປນ ໂດຍການຕ້ອນຮັບຈາກ ທ່ານ ວົງສະຫວັນ ວຽງມະນີ ເຈົ້າເມືອງໆ ເຊໂປນ ພ້ອມດ້ວຍຄະນະ ເຊິ່ງທ່ານໄດ້ໃຫ້ຂໍ້ມູນວ່າຕັ້ງແຕ່ວັນທີ 7 ຕຸລາ 2020 ນໍ້າໄດ້ໄຫຼເຂົ້າຖ້ວມເນື້ອທີ່ນາແລະບ້ານຂອງປະຊາຊົນຕາມແຄມນໍ້າເຊໂປນແລະນໍ້າເຊບັ້ງຫຽງສ່ວນຫຼາຍແມ່ນເຂດບ້ານເຊໂປນເກົ່າ, ກະຕູບ, ຫ້ວຍສານ, ບ້ານເຟືອງ, ໂພນມ່ວງແລະບ້ານອື່ນໆ ຜົນກະທົບດັ່ງກ່າວເຮັດໃຫ້ບ້ານເຮືອນປະຊາຊົນຈໍານວນ 25 ບ້ານ,ໃນນັ້ນ ມີເຮືອນປະຊາຊົນຖ້ວມແລ້ວ 1.274 ຫຼັງຄາ, ມີ 1.172 ຄອບຄົວ, ຜົນລະເມືອງ 9.600 ກວ່າຄົນ; ມີປະຊາຊົນຍ້າຍອອກຈາກບ້ານຈໍານວນ 7 ບ້ານມີ 574 ຄອບຄົວ, ພົນລະເມືອງ 6.670 ຄົນ, ເຮືອນຫັກເປເພ 32 ຫຼັງ;ຖ້ວມວັດ 4 ແຫ່ງ.
ຖ້ວມເນື້ອທີ່ນາກວມເອົາ 28 ບ້ານມີເນື້ອທີ່ນາ 1.505ເຮັກຕາ, ສວນປູກເຂົ້າ 709 ເຮັກຕາ, ສວນໄມ້ອຸດສາຫະກໍາ 695 ເຮັກຕາແລະພືດຕ່າງໆ 10 ເຮັກຕາ.ລະດັບນໍ້າໃນປະຈຸບັນ ແມ່ນໄດ້ຖ້ວມໄມ້ຫຼາວັດແທກ ເກີນ 18 ແມັດ ຈາກເຂດອັນຕະຫຼາຍ ແມ່ນ 17 ເມັດ ສ່ວນຜົນເສຍຫາຍອື່ນໆ ແມ່ນຈະໄດ້ມີການປະເມີນແລະແຈ້ງໃຫ້ຮູ້ຕາມພາຍຫຼັງ.
ໃນເວລາດຽວກັນນີ້ ທ່ານ ປອ ຄໍາເຜີຍ ຜັນທະຈອນຕ່າງໜ້າໃຫ້ວັດປ່າລັດຕະນະໂຄດຈະເລີນ( ວັດພະເຈົ້າທັນໃຈເມືອງໄຊບູລີແຂວງສະຫວັນນະເຂດ )ໄດ້ນໍາເອົາເຄື່ອງອຸປະໂພກ ແລະ ບໍລິໂພກທີ່ສໍາຄັນຈໍານວນໜຶ່ງເປັນຕົ້ນແມ່ນ: ເສື້ອກັນຝົນ, ນໍ້າດື່ມ, ໝີ່, ປາກະປ໋ອງ, ອາຫານແຫ້ງ ແລະ ອື່ນໆ ລວມມູນຄ່າ 58 ລ້ານກີບ ມອບໃຫ້ແກ່ປະຊາຊົນຜູ້ທີ່ຖືກຜົນກະທົບຈາກໄພນໍ້າຖ້ວມໃນຄັ້ງນີ້.
ທ. ທະນູສິດ ສິງມາວົງ
