ກະຊວງອຸດສາຫະກຳ ແລະ ການຄ້າ ແຈ້ງການວ່າດ້ວຍການລົບລ້າງອອກໃບອະນຸຍາດນຳເຂົ້າລົດແທຣັກເຕີທີ່ຮັບໃຊ້ສະເພາະການຜະລິດກະສິກຳ ສະບັບເລກທີ 0982/ອຄ ລົງວັນທີ 19 ຕຸລາ 2021 ນະຄອນຫຼວງວຽງຈັນ.

ແອັດມິນເພສ ພິສູດບັ້ງໄຟພະຍານາກ ຍື່ນຄຳຮ້ອງໃຫ້ສະຖານທູດ ສປປ ລາວ ປະຈຳໄທ ເພື່ອຂໍໃຫ້ກວດສອບມູນຄວາມຈິງ ກໍລະນີທີ່ມາຂອງບັ້ງໄຟພະຍານາກ ທີ່ເກີດຈາກການຍິງລູກປືນແສງ ຈາກບ້ານເຂດຝັ່ງລາວ ເຮັດໃຫ້ຄົນໄທເຂົ້າໃຈຜິດວ່າເປັນບັ້ງໄຟພະຍາຍນາກມາຫຼາຍສິບປີ.

ຈາກການລາຍງານຂ່າວ ຂອງ Thairath ໃຫ້ຮູ້ວ່າ: ເຊົ້າມື້ນີ້ ວັນທີ 25 ຕຸລາ 2021 ໄດ້ມີແອັດມິນເພຈພິສູດບັ້ງໄຟພະຍານາກ ນຳຫຼັກຖານເປັນລາຍຊື່ບ້ານ ຮູບຖ່າຍ ແລະ ວີດີໂອທີ່ໄດ້ບັນທຶກການເກີດບັ້ງໄຟພະຍານາກວ່າ ເປັນການຍິງລູກປືນແສງ ຈາກບ້ານເຂດຝັ່ງລາວ ເຊິ່ງໄດ້ສ້າງຄວາມເຂົ້າໃຈຜິດໃຫ້ຄົນໄທວ່າ ເປັນບັ້ງໄຟພະຍານາກ.

ແອັດມິນເພຈ ດັ່ງກ່າວ ບອກວ່າ: ໄດ້ກວດສອບ ແລະ ສັ່ງເກດການເລື່ອງນີ້ມາດົນເຖິງ 10 ປີ ແລະ ໃນປີ 2011, ໄດ້ເດີນທາງໄປເບິ່ງບັ້ງໄຟພະຍານາກດ້ວຍໂຕເອງ ໂດຍໃຊ້ກ້ອງ DSLR ເປີດໜ້າກ້ອງໄວ້ ເພື່ອໃຫ້ເຫັນລູກໄຟເປັນເສັ້ນ ແຕ່ພາບທີ່ໄດ້ມາພັດບໍ່ແມ່ນລູກໄຟຂຶ້ນຈາກນໍ້າ ສ່ວນໃຫຍ່ແມ່ນຂຶ້ນມາຈາກຝັ່ງລາວທັງໝົດ ໂດຍລັກສະນະຄ້ານຄືຂອງແຂງ ແລະ ລອຍຂຶ້ນເປັນເສັ້ນຊື່.

ພ້ອມຍັງກ່າວອີກວ່າ: ຕົນເອງໄດ້ປ່ຽນບ່ອນເບິ່ງບັ້ງໄຟພະຍານາກໄປຫຼາຍໆບ່ອນ ເພື່ອຈະເຫັນບັ້ງໄພຂຶ້ນຈາກນໍ້າ ໂດຍຫວັງຊ່ວງປີກ່ອນໆ ໄດ້ນຳໃຊ້ໂດຣນມາຖ່າຍເພື່ອເປັນຫຼັກຖານ ເປັນການຕັ້ງກ້ອງຈາກຝັງໄທ ເຊິ່ງໄດ້ພົບວ່າ ໃນວີດີໂແທີ່ບັນທຶກໄດ້ ສ່ວນໃຫຍ່ບັ້ງໄຟແມ່ນປາກົດຂຶ້ນມາຈາກຝັ່ງລາວທັງໝົດ ເປັນການຍິງເລີກເຂົ້ສໄປໃນນໍ້າ ແລະ ເຊື່ອວ່າບັ້ງໄຟພະຍານາກ ແມ່ນເກີດຈາກຄົນເຮັດ.

ແຈ້ງເຕືອນ ພາຍຸດີເປລຊັ້ນ (Tropical Depression) ສະບັບທີ 1, ພາຍຸດີເປູ່ຊັ້ນ ໄດ້ກໍ່ຕົວຢູ່ເຂດ ທະເລຈີນຕອນລຸ່ມ, ຊຶ່ງໃນເວລາ 07 ໂມງ 00 ຂອງວັນທີ 25 ຕຸລາ 2021 ມີຈຸດສູນກາງຢູ່ເສັ້ນຂະຫນານທີ 10.8 ອົງສາເຫນືອ ແລະ ເສັ້ນແວງທີ 114.2 ອົງສາຕາເວັນອອກ, ກໍາລັງເຄື່ອນທີ່ໃນທິດຕາເວັນຕົກສ່ຽງເຫນືອ ຊຶ່ງຄວາມໄວສູງສຸດຢູ່ໃກ້ຈຸດສູນກາງ 45 ກິໂລແມັດຕໍ່ຊົ່ວໂມງ.

ພາຍຸຫົວນີ້ ຈະເຄື່ອນທີ່ຂຶ້ນຝັ່ງທາງພາກໃຕ້ຂອງປະເທດຫວຽດນາມ ໃນຕອນເຊົ້າຂອງວັນທີ 27 ຕຸລາ 2021 ແລະ ສືບຕໍ່ເຄື່ອນ ທີ່ຜ່ານພາກເຫນືອຂອງປະເທດກໍາປູເຈຍໃຫ້ກັບພາກໃຕ້ຂອງ ປະເທດລາວ ໃນວັນທີ 28 ຕຸລາ 2021 ນີ້.

ເຊິ່ງຈະເຮັດໃຫ້ມີຝົນຕົກໃນລະດັບປານກາງ ຫາ ຕົກຫນັກ ພ້ອມມີລົມພັດແຮງຢູ່ບາງທ້ອງຖິ່ນແຂວງ ພາກໃຕ້ ແລະ ພາກກາງໃນ ໄລຍະວັນທີ 26 ຫາ 29 ຕຸລາ 2021.

ດັ່ງນັ້ນ, ຈຶ່ງແຈ້ງເຕືອນເຖີງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງ ອັດຕະປື, ຈໍາປາສັກ, ເຊກອງ, ສາລະວັນ, ສະຫວັນນະເຂດ ແລະ ຄໍາມ່ວນ ຈົ່ງມີສະຕິລະມັດລະວັງຕໍ່ສະພາບຝົນຕົກຫນັກ ແລະ ລົມພັດແຮງ ທີ່ ຈະເຮັດໃຫ້ມີ ນ້ໍາຖ້ວມອັ່ງ ແລະ ນ້ໍາຖ້ວມຶ່ງ, ຕົ້ນໄມ້ຫັກລົ້ມ ແລະ ເຮືອນເປ່ເພ ທີ່ຈະເກີດຂື້ນໄດ້ໃນໄລຍະນີ້, ຂໍໃຫ້ຕິດຕາມຂ່າວ ພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ 1 ຫາ 3 ວັນຕໍ່ຫນ້ານີ້.

ຂໍໃຫ້ເປັນສູນໄວໆເດີ້!

ຕາມການລາຍງານຂອງ ຄະນະສະເພາະກິດໂຄວິດ-19 ເມືອງວິລະບູລີ ໃຫ້ຮູ້ວ່າ: ຍ້ອນຄວາມເອົາໃຈໃສ່ຊີ້ນຳ-ນຳພາຢ່າງໃກ້ຊິດຂອງການນຳ ພັກ-ລັດກໍ່ຄືຄະນະສະເພາະກິດ ຂັ້ນຕ່າງໆ ບວກກັບການສຸ່ມເຫື່ອເທແຮງເຂົ້າໃສ່ການປິ່ນປົວຂອງແພດໝໍ ເຮັດໃຫ້ມາຮອດປະຈຸບັນ ຕົວເລກຜູ້ທີ່ຕິດພະຍາດໂຄວິດ-19 ທີ່ຍັງຄ້າງສູນປິ່ນປົວພາຍໃນໂຮງໝໍພາກສະໜາມຂອງແຂວງສະຫວັນນະເຂດ ຫຼຸດລົງຢ່າງຕໍ່ເນື່ອງ ເຊິ່ງຍັງເຫຼືອພຽງ 327 ຄົນເທົ່າ ນັ້ນ, ຫວັງວ່າອີກບໍ່ດົນຕົວເລກນີ້ ຈະກາຍເປັນສູນ.ໃນວັນທີ 21 ຕຸລາ 2021 ເວລາ 9:30 ໂມງ ໄດ້ມີພິທີມອບ-ຮັບຜູ້ທີ່ປິ່ນປົວດີຈາກພະຍາດ ໂຄວິດ-19 ຈຳນວນ 45 ກໍລະນີ ທີ່ໄດ້ຮັບການປິ່ນປົວດີຈາກໂຮງໝໍສະໜາມຫຼັກ 9 ມີຈຳນວນ 44 ຄົນ ແລະໂຮງໝໍສະໜາມແພໄໝ 1 ຄົນ.

ເຊິ່ງກ່ອນກັບບ້ານ-ເຮືອນ, ທາງກຸ່ມວຽກຂ່າວສານເພື່ອສຸ ຂະພາບ ແລະສຸຂະສຶກສາ ໄດ້ໃຫ້ ຄວາມຮູ້ກັບຜູ້ທີ່ປີ່ນປົວດີເເລ້ວ ແລະຄອບຄົວວ່າ: ພາຍຫຼັງທີ່ກັບ ເມືອບ້ານ-ເຮືອນແລ້ວ ຕ້ອງໄດ້ມີ ການສືບຕໍ່ແຍກປ່ຽວກັກບໍລິເວນ ໂຕເອງຢູ່ສູນກັກບໍລິເວນຂອງ ເມືອງຕື່ມອີກ 14 ວັນ ທີ່ໄດ້ກຳນົດ ໄວ້ໃຫ້ໃນແຕ່ລະເມືອງ, ບ້ານ ແລະ ສະຖານທີ່ສ່ວນຕົວ ຈາກນີ້ກໍ່ໃຫ້ ເອົາໃຈໃສ່ປະຕິບັດມາດຕະການ ປ້ອງກັນຢ່າງເຂັ້ມງວດ, ໃຫ້ຮັກ ສາໄລຍະຫ່າງທາງສັງຄົມ, ໃສ່ ຜ້າອັດປາກ ແລະໝັ່ນລ້າງມືໃສ່ ສະບູ ຫຼືເຈວຂ້າເຊື້ອເປັນປະຈໍາຕະ ຫຼອດເຖິງການຕິດຕາມອຸນຫະພູມ ແລະອາການເຈັບເປັນຂອງຕົນ ເອງໃນແຕ່ລະວັນ, ຖ້າມີອາການ ເຈັບເປັນໃດໜຶ່ງແມ່ນໃຫ້ໂທປຶກ ສາແພດ ເພື່ອຂໍຄໍາແນະນໍາໃນການ ປະຕິບັດຕົນ ພ້ອມດຽວກັນນີ້, ພີ່ ນ້ອງຄົນອ້ອມຂ້າງກໍ່ຕ້ອງໃຫ້ກຳ ລັງໃຈ ແລະໃຫ້ໂອກາດຜູ້ຕິດເຊື້ອ ໄດ້ກັບມາໃຊ້ຊີວິດຕາມປົກກະຕິ.ສຳລັບຕົວ ເລກຜູ້ຕິດເຊື້ອພະ ຍາດໂຄວິດ-19 ສະສົມຢູ່ແຂວງ ສະຫວັນນະເຂດ ມາຮອດວັນທີ 21 ຕຸລາ 2021 ມີຈຳນວນທັງໝົດ 7.522 ຄົນ, ປິ່ນປົວດີເເລ້ວສະ ສົມ 7.195 ຄົນ, ຍັງປິ່ນປົວຢູ່ໂຮງ ໝໍສະໜາມ 327 ຄົນ, ເສັຍຊີວິດ ສະສົມ 11 ຄົນ, ຍິງ 2 ຄົນ./.

ຂ່າວ: ສະຫວັນພັດທະນາ

ປກສ ກຸ່ມສວນມອນ ສົມທົບພາກສ່ວນກ່ຽວຂ້ອງ ປະຕິບັດຕາມຄໍາສັ່ງ ເລກທີ 38/ສພກ.ນວ ຕໍ່ຮ້ານອິນເຕີເນັດກາເຟ ທີ່ລັກເປີດບໍລິການ

ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ໃນເວລາ 21:47 ໂມງ ຂອງວັນທີ 23 ຕຸລາ 2021, ປກສ ກຸ່ມສວນມອນ ສົມທົບກັບອໍານາດການປົກຄອງບ້ານ ອອກກວດກາລາດຕະເວນ ພົບເຫັນຮ້ານອິນເຕີເນັດກາເຟ ລັກເປີດບໍລິການ ຈໍານວນ 1 ຮ້ານ ຂອງທ້າວ ສາຍຟ້າ ອາຍຸ 28 ປີ ອາຊີບ ນັກທຸລະກິດ ຢູ່ບ້ານຫາດຊາຍຂາວ ເມືອງຫາດຊາຍຟອງ ເຊິ່ງຜູ້ກ່ຽວ ໄດ້ເຊົ່າເຮືອນ ຢູ່ບ້ານສວນມອນ ເມືອງສີສັດຕະນາກ ນະຄອນຫຼວງວຽງຈັນ ເພື່ອເປີດຮ້ານອິນເຕີເນັດກາເຟ. ຜ່ານການກວດກາ ຂອງເຈົ້າໜ້າທີ່ ພົບເຫັນຄົນມາເຕີມເຊີ 1 ຄົນ ຢູ່ຮ້ານດັ່ງກ່າວ. ດັ່ງນັ້ນ, ເຈົ້າໜ້າທີ່ ໄດ້ເຮັດບົດທຶກໄວ້ເປັນຫຼັກຖານ.

ສ່ວນການແກ້ໄຂ ໄດ້ເຊີນເຈົ້າຂອງກິດຈະການ ຂຶ້ນມາຫ້ອງການ ກອງບັນຊາການ ປກສ ເມືອງສີສັດຕະນາກ ປະຕິບັດຕາມຄໍາສັ່ງເລກທີ 38/ສພກ.ນວ ຕໍ່ ຮ້ານອິນເຕີເນັດກາເຟ ລັກເປີດບໍລິການເຕີມເຊີ ເຊິ່ງເປັນການກະທໍາທີ່ລະເມີດຄໍາສັ່ງຂອງຂັ້ນເທິງວາງອອກ.

ກອງບັນຊາການ ປກສ ນວ ຮຽກຮ້ອງປະຊາຊົນ ນວ ຈົ່ງປະຕິບັດຕາມຄໍາສັ່ງເລກທີ 38/ສພກ.ນວ ວ່າດ້ວຍການສືບຕໍ່ເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ ນວ ໃຫ້ຫຼຸດໜ້ອຍຖອຍລົງ, ຖ້າບຸກຄົນ ຫຼື ນິຕິບຸກຄົນໃດ ບໍ່ປະຕິບັດຕາມ ຈະຖືກປັບໃໝ 3.000.000 ກີບ/ຄົນ/ຄັ້ງ ແລະ ນິຕິບຸກຄົນ 10.000.000 ກີບ/ຄົນ/ຄັ້ງ.