ຕາມການລາຍງານ ຂອງສູນຂ່າວຂ່າວສານການແພດສຸຂະສຶກສາ
ລາຍລະອຽດພາຍຫຼັງຖະແຫຼງຂ່າວປະຈຳວັນ
ລັດຖະບານ ກວດພົບໂຄງການມູນຄ່າເກີນຈິງ ແລະ ນອກແຜນ ຫຼາຍຮ້ອຍຕື້ກີບ
ລັດ ກວດພົບໂຄງການມູນຄ່າເກີນຈິງ ແລະ ນອກແຜນ ຫລາຍຮ້ອຍຕື້ກີບ
ໃນຕອນບ່າຍວັນທີ 3 ພະຈິກ 2021, ທ່ານ ສອນໄຊ ສີພັນດອນ ຮອງນາຍົກລັດຖະມົນ ຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ຊີ້ແຈງ ຕໍ່ຄໍາຊັກຖາມຂອງສະມາຊິກສະພາ ແຫ່ງຊາດ(ສສຊ) ໃນຫລາຍບັນຫາກ່ຽວກັບ ການຄຸ້ມຄອງບັນດາໂຄງການລົງທຶນໃນຂອບ ເຂດທົ່ວປະ ເທດ, ແຕ່ບັນຫາທີ່ ສສຊ ມີຄວາມສົນໃຈຫລາຍອີກປະການໜຶ່ງ ກໍແມ່ນຄວາມຄືບໜ້າໃນການກວດກາ ຄືນໂຄງການທີ່ມີມູນຄ່າສູງເກີນຈິງ ແລະ ວິທີແກ້ໄຂຂອງລັດຖະບານ.
ຕໍ່ບັນຫານີ້, ທ່ານ ສອນໄຊ ສີພັນດອນ ໄດ້ຊີ້ແຈງວ່າ: ຜ່ານມາ, ລັດຖະບານ ໄດ້ດໍາເນີນຫລາຍ ມາດຕະການ ເພື່ອຮັບປະກັນໃຫ້ການລົງທຶນຂອງລັດ ມີປະສິດທິຜົນສູງເທື່ອລະກ້າວ, ອັນສໍາຄັນແມ່ນ ທ່ານນາຍົກລັດຖະມົນຕີ ໄດ້ແຕ່ງຕັ້ງຄະນະສະເພາະກິດ ເພື່ອຊີ້ນໍາການກວດກາຜົນການລົງທຶນຂອງລັດ ແລະ ອອກຂໍ້ຕົກລົງເລກທີ 34 ອອກມາຕື່ມອີກ ເພື່ອແບ່ງຄວາມຮັບພິຊອບລະຫວ່າງຄະນະສະເພາະກິດ ຂັ້ນສູນກາງ ໃຫ້ຮັບພິຊອບກວດກາໂຄງການທີ່ມີ ມູນຄ່າ 10 ຕື້ກີບຂຶ້ນໄປ.
ສ່ວນຂັ້ນຂະແໜງການ ແລະ ຂັ້ນທ້ອງຖິ່ນແມ່ນກວດກາໂຄງການລົງທຶນທີ່ມີມູນຄ່າ 10 ຕື້ກີບລົງມາ ເຊິ່ງການກວດກາໄດ້ດໍາເນີນມາ ແຕ່ເດືອນສິງຫາ 2019 ມາຮອດເດືອນເມສາ 2021, ຜ່ານການກວດ ກາຕົວຈິງຂອງຄະນະສະເພາະ ກິດຂັ້ນສູນກາງເຫັນວ່າກວດກາທັນ 206 ໂຄງການ, ມີມູນຄ່າຫລາຍກວ່າ 97.834 ຕື້ກີບ. ໃນນີ້ ກວດ ກາສໍາເລັດ 760 ໂຄງການ ເທົ່າກັບ 63% ຂອງແຜນການ, ມີມູນຄ່າຫລາຍກວ່າ 55.492 ຕື້ກີບ ແລະ ຜ່ານການກວດກາຄືນເຫັນວ່າມີຕົວເລກບໍ່ສອດຄ່ອງຈໍານວນ 1.781 ຕື້ກວ່າກີບ ແລະ 383.000 ໂດລາ ສະຫະລັດ ທີ່ຈະຕ້ອງໄດ້ເກັບກູ້ຄືນ ແລະ ຫັກອອກຈາກມູນຄ່າໂຄງການ. ນອກນີ້, ຍັງພົບເຫັນໂຄງ ການ ທີ່ບໍ່ທັນໄດ້ຜ່ານ ການຮັບຮອງຈາກສະພາ (ນອກແຜນ) ຈໍານວນໜຶ່ງ ແລະ ພົບເຫັນອີກ 121 ໂຄງການ ມີມູນຄ່າຕາມສັນຍາສູງກວ່າມູນຄ່າໂຄງການທີ່ຄິດໄລ່ຕາມຫົວໜ່ວຍ ຂອງກະຊວງກ່ຽວຂ້ອງໄດ້ກໍານົດປະ ມານ 20% ຂຶ້ນໄປ ເທົ່າກັບ 3.127 ຕື້ກີບ. ສໍາລັບໂຄງການທີ່ ມີມູນຄ່າ 10 ຕື້ກີບລົງມາ ໃນຂອບ ເຂດທົ່ວປະເທດ ມີຈໍານວນ 4.336 ໂຄງການ, ລວມມີມູນຄ່າກວ່າ 11.693 ຕື້ກີບ.
ໃນນີ້ ໄດ້ ກວດກາ ສໍາເລັດແລ້ວ 1.244 ໂຄງການ ເທົ່າກັບ 28,7% ຂອງແຜນການ ແລະ ຍັງ ພົບເຫັນຕົວເລກ ມູນຄ່າ ທີ່ບໍ່ສອດຄອງທັງໝົດ 26,38 ຕື້ກີບ ແລະ 15.400 ກວ່າໂດລາສະຫະລັດ ທີ່ຈະຕ້ອງໄດ້ເກັບກູ້ຄືນ ແລະ ຫັກລົບອອກ ຈາກມູນຄ່າໂຄງ ການ. ນອກນີ້ ຍັງພົບເຫັນໂຄງການທີ່ສະພາບໍ່ທັນຮັບຮອງ (ໂຄງການນອກແຜນ) ຈໍານວນ 23,91 ຕື້ ກີບ ແລະ ກວດພົບອີກ 62 ໂຄງການທີ່ມີມູນຄ່າຕາມສັນຍາສູງກວ່າໂຄງການທີ່ຄິດໄລ່ຕາມຫົວຫນ່ວຍ ຂອງກະຊວງກ່ຽວຂ້ອງໄດ້ກໍານົດອີກປະມານ 20% ທີ່ຈະຕ້ອງໄດ້ມີການຕໍ່ລອງເພື່ອ ໃຫ້ມູນຄ່າໂຄງການ ຫຍັບຫລຸດລົງມາຢູ່ໃນລະດັບທີ່ສົມເຫດສົມຜົນ.ຂ່າວ: ສຸພາສະຫວັນ ສີຊະນະມຸງຄຸນ.
ຂໍ້ມູນ: ຂປລ. (ຮູບ: ເກດສະໜາ-ອ່າຍຄໍາ)
ສສຊ ເຂດ 7 ເຫັນວ່າຄວນເພີ່ມການລົງທຶນ ໃສ່ຂະແຫນງສາທາ ແລະ ສຶກສາ
ສະມາຊິກສະພາແຫ່ງຊາດ (ສສຊ) ເຂດ 7 ເຫັນວ່າຄວນເພີ່ມການລົງທຶນ ໃສ່ຂະແຫນງສາທາ ແລະ ສຶກສາ ໃນປີ 2022
ທ່ານ ລີເບີ ລີບົວປາວ ສະມາຊິກສະພາແຫ່ງ ຊາດ ເຂດເລືອກຕັ້ງທີ 7 ແຂວງໄຊຍະບູລີ ໄດ້ມີຄຳເຫັນຕໍ່ວຽກງານໂຄງການລົງທຶນຂອງລັດ ໃນການຈັດສັນງົບປະມານໃຫ້ແກ່ການລົງທຶນ ປະຈຳປີ 2022 ທີ່ຈະມາເຖິງນີ້ ໂດຍສະເພາະຢາກໃຫ້ເພີ່ມໃຫ້ແກ່ຂະແໜງການສຶກສາ, ສາທາ ເຊິ່ງຈຸດນີ້ຕ້ອງມາເບິ່ງຄືນກ່ຽວກັບກົດໝາຍການລົງທຶນຂອງລັດ ມາດຕາ 24 ວ່າດ້ວຍການຈັດສັນງົບປະມານ ທີ່ໄດ້ກຳນົດ ສຳລັບທ້ອງຖິ່ນບໍ່ໃຫ້ຫລຸດ 50%, ສູນກາງ 50%, ແຕ່ບໍ່ໄດ້ກຳນົດວ່າແຕ່ລະຂະແໜງການວ່າຈັກເປີເຊັນ ສະນັ້ນ, ຄວນພິຈາລະນາຄືນ ກ່ຽວກັບການປັບປຸງກົດໝາຍ ວ່າດ້ວຍການລົງທຶນຂອງລັດ.
ພ້ອມນີ້, ການລົງທຶນຂອງລັດ ຍັງຕິດພັນກັບເລື່ອງໜີ້ສິນ ເນື່ອງຈາກວ່າ ໜີ້ສະສົມມາຫລາຍປີ ຍ້ອນບໍ່ມີງົບປະມານຊໍາລະ ສະນັ້ນ ລັດຖະບານຄວນມີກົນໄກ ເພື່ອມາຊຳລະໃຫ້ໄປຕາມແຜນ ແລະ ໄປຕາມສັນຍາທີ່ໄດ້ເຊັນກັບບໍລິສັດຮັບເໝົາກໍ່ສ້າງ.
ຂໍ້ມູນ: ຂປລ
ລາວ ແລະ ສະຫະພາບ ເອີຣົບ ຫາລືການສະໜັບສະໜູນງົບປະມານ 210 ຕື້ກີບ ໃຫ້ແກ່ວຽກງານການສຶກສາ ແລະ ໂພຊະນາການ
ລັດຖະບານລາວ ແລະ ສະຫະພາບ ເອີຣົບ ປຶກສາຫາລືກການສະໜັບສະໜູນງົບປະມານຈໍານວນ 210 ຕື້ກີບ ໃຫ້ແກ່ວຽກງານການສຶກສາ ແລະ ໂພຊະນາການ.
ໃນວັນທີ 2 ພະຈິກ, ສະຫະພາບ ເອີຣົບ ປະຈຳ ສປປ ລາວ ຮ່ວມກັບ ກະຊວງສາທາລະນະສຸກ, ກະຊວງສຶກສາທິການ ແລະ ກິລາ, ກະຊວງກະສິກຳ ແລະ ປ່າໄມ້, ກະຊວງແຜນການ ແລະ ການລົງທຶນ ແລະ ກະຊວງການເງິນ ໄດ້ຈັດກອງປະຊຸມຄະນະຊີ້ນຳແຜນງານສະໜັບສະໜູນດ້ານງົບປະມານລະຫວ່າງກະຊວງຄັ້ງທີ 4 ຂຶ້ນ. ຈຸດປະສົງຂອງກອງປະຊຸມດັ່ງກ່າວແມ່ນເພື່ອທົບທວນພາບລວມຄວາມຄືບໜ້າການຈັດຕັ້ງປະຕິບັດວຽກງານຂອງຂະແຫນງໂພຊະນາການ ແລະ ການສຶກສາ, ເພື່ອປະເມີນບັນດາເງື່ອນໄຂການເບີກຈ່າຍງົບປະມານທີ່ຄາດຄະເນໄວ້ສໍາລັບປີ 2021 (18,4 ລ້ານເອີໂຣ) ພາຍໃຕ້ແຜນງານດັ່ງກ່າວ.
ກອງປະຊຸມດັ່ງກ່າວໄດ້ຮັບການເປັນປະທານຮ່ວມໂດຍ ພະນະທ່ານ ດຣ. ບຸນແຟງ ພົມມະໄລສິດ, ລັດຖະມົນຕີກະຊວງສາທາລະນະສຸກ, ພະນະທ່ານ ຮອງສາສະດາຈານ ດຣ. ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ແລະ ພະນະທ່ານ ນາງ ອີນາ ມາຈູລີໂອນີແຕ, ເອກອັກຄະລັດຖະທູດສະຫະພາບ ເອີຣົບ ປະຈຳ ສປປ ລາວ.
ກອງປະຊຸມໄດ້ຕີລາຄາເຖິງຄວາມຄືບໜ້າ ແລະ ສິ່ງທ້າທາຍໃນວຽກງານໂພຊະນາການ ແລະ ການສຶກສາ ພ້ອມທັງຕີລາຄາມາດຕະການຮັກສາສະຖຽນລະພາບດ້ານເສດຖະກິດມະຫາພາກ ແລະ ການເງິນ ໃນສະພາບການແຜ່ລະບາດຂອງພະຍາດໂຄວິດ-19.
ຜ່ານການສະໜັບສະໜູນງົບປະມານດ້ານການສຶກສາ ແລະ ໂພຊະນາການ, ສະຫະພາບ ເອີຣົບ ໄດ້ໃຫ້ການຊຸກຍູ້ຊ່ວຍເຫຼືອຄວາມພະຍາຍາມຂອງລັດຖະບານລາວ ໃນການ (1) ເພີ່ມທະວີການເຂົ້າເຖິງການສຶກສາຂັ້ນພື້ນຖານທີ່ມີຄຸນະພາບ ແລະ ຈັດຕັ້ງປະຕິບັດການປະຕິຮູບດ້ານການຄຸ້ມຄອງບໍລິຫານຄູອາຈານ, ການວາງແຜນການສຶກສາ ແລະ ການສະໜອງທຶນ ແລະ (2) ປັບປຸງໂພຊະນາການຂອງແມ່ ແລະ ເດັກ ແລະ ສ້າງຄວາມເຂັ້ມແຂງແກ່ການຄຸ້ມຄອງດ້ານໂພຊະນາການໃນ ສປປ ລາວ.
ໃນກອງປະຊຸມດັ່ງກ່າວ, ພະນະທ່ານ ດຣ. ບຸນແຟງ ພົມມະໄລສິດ, ລັດຖະມົນຕີກະຊວງສາທາລະນະສຸກ ໄດ້ເນັ້ນຢໍ້າວ່າການສ້າງຈິດສຳນຶກ ແລະ ສົ່ງເສີມໂຄສະນາຫຼັກການປະຕິບັດທີ່ດີດ້ານໂພຊະນາການ ແມ່ນໄດ້ຮັບການປັບປຸງໃຫ້ດີຂຶ້ນ, ສາມາດເຂົ້າເຖິງບັນດາກຸ່ມຄົນດ້ອຍໂອກາດເພື່ອແກ້ໄຂບັນຫາການຂາດສານອາຫານຢູ່ ສປປ ລາວ. ໂດຍສະເພາະ ແມ່ນການຮັບຮອງເອົາ ດໍາລັດວ່າດ້ວຍ “ຜະລິດຕະພັນອາຫານ ແລະ ອຸປະກອນ ກ່ຽວກັບອາຫານສໍາລັບເດັກອ່ອນ ແລະ ເດັກນ້ອຍ” ແລະ ຄູ່ມືຄໍາແນະນໍາໃນການຈັດຕັ້ງປະຕິບັດດໍາລັດດັ່ງກ່າວ ເຊິ່ງຖືວ່າເປັນເຄື່ອງມືທາງດ້ານກົດໝາຍທີ່ໄດ້ຮັບການປັບປຸງເພື່ອປົກປ້ອງ, ສົ່ງເສີມ ແລະ ສະໜັບສະໜູນການລ້ຽງລູກດ້ວຍນົມແມ່. ໃນຂະນະທີ່ອຸປະສັກການຕໍ່ການເຕີບໂຕຂອງເດັກອາຍຸຕ່ຳກວ່າ 5 ປີ ໄດ້ຫຼຸດໜ້ອຍຖອຍລົງຢ່າງຕໍ່ເນື່ອງໃນ 2 ທົດສະວັດທີ່ຜ່ານມາ, ແຕ່ຍັງມີຄວາມແຕກໂຕນກັນຢ່າງໃຫຍ່ຫຼວງຫຼາຍຢູ່ໃນທົ່ວແຕ່ລະແຂວງ ລະຫວ່າງເດັກນ້ອຍໃນເຂດຊົນນະບົດທີ່ມີຄວາມສ່ຽງໃນການຮັບຜົນກະທົບຫຼາຍກວ່າເດັກນ້ອຍຢູ່ໃນຕົວເມືອງເຖິງ 2-3 ເທົ່າ. ດັ່ງນັ້ນ, ຈຶ່ງຕ້ອງມີການສືບຕໍ່ເຮັດວຽກເພີ່ມເຕີມອີກເພື່ອແກ້ໄຂຄວາມບໍ່ສະເໝີພາບດັ່ງກ່າວ. ພະນະທ່ານ ດຣ. ບຸນແຟງ ພົມມະໄລສິດ ກ່າວຕື່ມວ່າ “ຂ້າພະເຈົ້າຂໍສະແດງຄວາມຍິນດີມາຍັງ ສະຫະພາບ ເອີຣົບ ທີ່ໄດ້ຢູ່ສືບຕໍ່ຊ່ວຍເຫຼືອຄຽງຂ້າງກັບ ລັດຖະບານ ສປປ ລາວ ໃນວຽກງານໂພຊະນາການ ແລະ ການສຶກສາ”.
ສໍາລັບຂະແໜງການສຶກສາ, ເຖິງວ່າພະຍາດໂຄວິດ-19 ຈະເປັນອຸປະສັກຕໍໍ່ສົກຮຽນຂອງປີນີ້ກໍ່ຕາມ, ກະຊວງສຶກສາທິການ ແລະ ກິລາ ຍັງຄົງຢືດໝັ້ນຕໍ່ການປົກປ້ອງຮັກສາຄວາມສະເໝີພາບໃນການເຂົ້າເຖິງການສຶກສາ, ຮັກສາຄຸນະພາບການຮຽນ-ການສອນ ແລະ ອຳນວຍຄວາມສະດວກການເຂົ້າເຖິງການສຶກສາແບບຕໍ່ເນື່ອງຂອງເດັກຍິງ ແລະ ຊາຍ. ເຖິງຢ່າງໃດກໍ່ຕາມ, ຄວາມແຕກຕ່າງກັນຂອງຂົງເຂດຍັງຄົງເປັນສິ່ງທ້າທາຍ. ຄຸນະພາບການຮຽນການສອນແມ່ນຍັງຖືວ່າຕໍ່າໂດຍສະເພາະສໍາລັບໂຮງຮຽນທີ່ຕັ້ງຢູ່ເມືອງທີ່ຫ່າງໄກສອກຫຼີກ ແລະ ເຂດພູດອຍ. ພະນະທ່ານ ດຣ. ພຸດ ສິມມາລາວົງ, ລັດຖະມົນຕີ ກະຊວງສຶກສາທິການ ແລະ ກິລາ ກ່າວວ່າ: “ລັດຖະບານ ຮ່ວມກັບຄູ່ຮ່ວມມືດ້ານການສຶກສາ ມີຄວາມຕັ້ງໃຈທີ່ຈະພະຍາຍາມສະໜອງການເຂົ້າເຖິງ ແລະ ມອບການສຶກສາທີ່ມີຄຸນະພາບມາດຕະຖານໃຫ້ແກ່ທຸກຄົນ. ພະນະທ່ານຍັງເນັ້ນໜັກວ່າ: “ການສຸມໃສ່ວຽກງານຄຸ້ມຄອງລະບົບການສຶກສາທີ່ດີແມ່ນມີຄວາມສຳຄັນຢ່າງຍິ່ງຕໍ່ການຄຸ້ມຄອງບໍລິຫານແຫຼ່ງງົບປະມານທີ່ຈຳກັດໃຫ້ແກ່ຂະແໜງການສຶກສາຢ່າງມີປະສິດທິພາບ, ໂດຍເພີ່ມທະວີການເຊື່ອມສານການວາງແຜນ ແລະ ຈັດສັນງົບປະມານຂັ້ນສູນກາງ, ແຂວງ ແລະ ເມືອງ; ວຽກງານດັ່ງກ່າວຍັງຈະປະກອບສ່ວນເຂົ້າໃນການນໍາໃຊ້ງົບປະມານຢ່າງມີປະສິດທິພາບອີງຕາມບູລິມະສິດ ແລະ ວຽກງານທີ່ກ່ຽວຂ້ອງ.”
ກອງປະຊຸມດັ່ງກ່າວ ຍັງໄດ້ປຶກສາຫາລືຕື່ມກ່ຽວກັບການຈັດສັນ, ຄວາມໂປ່ງໃສ ແລະ ການຄຸ້ມຄອງດ້ານງົບປະມານ ເພື່ອປະເມີນລະດັບລາຍຈ່າຍພາກລັດໃນການສະໜອງການບໍລິການທີ່ກ່ຽວຂ້ອງກັບໂພຊະນາການ ແລະ ການສຶກສາ. ພະນະທ່ານ ດຣ. ບຸນເຫຼືອ ສິນໄຊວໍຣະວົງ, ຮອງລັດຖະມົນຕີກະຊວງການເງິນ ໄດ້ຊີ້ແຈງວ່າ: ການແຜ່ລະບາດຂອງພະຍາດໂຄວິດ-19 ໄດ້ສົ່ງຜົນກະທົບຢ່າງໃຫຍ່ຫຼວງຕໍ່ການລະດົມລາຍຮັບພາຍໃນປະເທດ ເຮັດໃຫ້ລັດຖະບານຕ້ອງຕັດງົບປະມານລົງຢ່າງຫຼວງຫຼາຍ. ຂະນະດຽວກັນ ບັນດາແຜນງານຂອງຂະແໜງການສຶກສາ ແລະ ໂພຊະນາການແຫ່ງຊາດ ກໍ່ຖືກຕັດງົບປະມານລົງເຊັ່ນດຽວກັນ, ເຖິງຢ່າງໃດກໍ່ຕາມ ການຫຼຸດງົບປະມານລົງຂອງສອງຂະແໜງການດັ່ງກ່າວແມ່ນຖືວ່າໜ້ອຍເມື່ອທຽບໃສ່ກະຊວງອື່ນໆ. ເຊິ່ງໃນຄວາມຈິງແລ້ວ ອັດຕາສ່ວນການຈັດສັນງົບປະມານດັ່ງກ່າວຕໍ່ GDP ແມ່ນໄດ້ເພີ່ມຂຶ້ນກວ່າເກົ່າອີກ.” ການດໍາເນີນການຕ່າງໆໄດ້ຖືກຈັດຕັ້ງປະຕິບັດເພື່ອປັບປຸງການເກັບລາຍຮັບພາຍໃນປະເທດຜ່ານການປັບປຸງ ກົດໝາຍວ່າດ້ວຍສ່ວຍສາອາກອນ, ການຈັດຊື້-ຈັດຈ້າງພາກລັດຢ່າງສົມເຫດສົມຜົນ ແລະ ການປະເມີນຜົນປະໂຫຍດ ແລະ ຕົ້ນທຶນລາຍຈ່າຍດ້ານພາສີໃຫ້ແກ່ບັນດາບໍລິສັດໃຫຍ່ໆ. ມາດຕະການຕ່າງໆເຫຼົ່ານີ້ໄດ້ຖືກເຊື່ອມເຂົ້າໃນແຜນການປະຕິຮູບການຄຸ້ມຄອງດ້ານການເງິນພາກລັດຂອງລັດຖະບານ 2021-2025 ຢ່າງເຕັມສ່ວນ.
ພະນະທ່ານ ນາງ ອີນາ ມາຊິວລີໂອນີເຕີ, ເອກອັກຄະລັດຖະທູດສະຫະພາບເອີຣົບ ປະຈຳ ສປປ ລາວ ກ່າວວ່າ “ສະຫະພາບ ເອີຣົບ ຍັງຄົງໃຫ້ຄຳໝັ້ນສັນຍາຈະສືບຕໍ່ສະໜັບສະໜູນການປັບປຸງຂະແໜງການສຶກສາ ແລະ ລຶບລ້າງການຂາດສານອາຫານໃນ ສປປ ລາວ ໂດຍຜ່ານປຶກສາຫາລືດ້ານນະໂຍບາຍທີ່ເປີດກວ້າງ ແລະ ມີສ່ວນຮ່ວມ”.
“ພວກເຮົາມີຄວາມພາກພູມໃຈຕໍ່ກັບຜົນສຳເລັດທີ່ສາມາດບັນລຸໄດ້ແລະພວກເຮົາຍັງຄົງຈະສືບຕໍ່ສ້າງຄວາມຄືບໜ້າແກ່ສອງຂະແໜງການດັ່ງກ່າວ ແລະ ແກ້ໄຂບັນຫາທີ່ຍັງຄົງຄ້າງ.”
ແຜນງານສະໜັບສະໜູນງົບປະມານດ້ານໂພຊະນາການ ແລະ ການສຶກສາຂອງສະຫະພາບເອີຣົບ ໃຫ້ແກ່ປະເທດລາວ ມີມູນຄ່າທັງໝົດ 1,120 ຕື້ກີບ (95,5 ລ້ານເອີໂຣ) ໂດຍມີເປົ້າໝາຍເພື່ອປະກອບສ່ວນເຂົ້າໃນການເຕີບໂຕແບບຍືນຍົງ ມີສ່ວນຮ່ວມ ແລະ ສະເໝີພາບ ຂອງ ສປປ ລາວ ຕາມແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 8 ແລະ ເປົ້າໝາຍການພັດທະນາແບບຍືນຍົງ (SDGs).
ລາຍງານຜູ້ເສຍຊີວິດໃໝ່ ແລະຕິດເຊື້ອໃໝ່ ວັນທີ 3 ພະຈິກ 2021
ຕາມການຖະແຫຼງຂ່າວ ຂອງຄະນະສະເພາະກິດ ປະຈຳວັນທີ 3 ພະຈິກ 2021 ໃຫ້ຮູ້ວ່າ: ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 6.602 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1.062 ຄົນ (ຕິດເຊື້ອພາຍໃນ ມີ 1.053 ຄົນ ແລະ ຕິດເຊື້ອນໍາເຂົ້າ09 ຄົນ) ແລະ ເສຍຊີວິດໃໝ່ +3 ຄົນ.
ລາຍລະອຽດຜູ້ເສຍຊີວິດໃໝ່ 03 ຄົນ ມີດັ່ງນີ້:
ຜູ້ທີ 1 : ເພດຊາຍ, ອາຍຸ 75 ປີ, ອາຊີບ: ປະຊາຊົນ, ບ້ານຢູ່ປະຈຸບັນ ບ້ານນາແພງ, ເມືອງທຸລະຄົມ, ແຂວງວຽງຈັນ
- ພະຍາດປະຈໍາຕົວ: ຄົນເຈັບເປັນອໍາມະພາດ, ບໍ່ໄດ້ສະຕິ, ຍ່າງບໍ່ໄດ້ 1 ປີ ແລ້ວ, ຮ່າງກາຍຈ່ອຍຜ່ອມ
- ຜ່ານມາບໍ່ໄດ້ຮັບການສັກຢາວັກຊີນກັນໂຄວິດ-19
- ວັນທີ 31 ຕຸລາ 2021: ພັນລະຍາຂອງຜູ້ກ່ຽວ ອາຍຸ 65 ປີ ກວດພົບເຊື້ອ
- ວັນທີ 01 ພະຈິກ 2021: ລູກສາວ, ລູກເຂີຍ ແລະ ຫຼານຊາຍ ກວດພົບເຊື້ອໂຄວິດ-19 ເຊັ່ນກັນ
- ວັນທີ 02 ພະຈິກ 2021 ເວລາ 11:25 ໂມງ: ທີມງານແພດ ໄດ້ເກັບຕົວຢ່າງຜູ້ກ່ຽວ ແລະ ຜົນກວດແມ່ນພົບເຊື້ອ. ຜູ້ກ່ຽວ ບໍ່ຕອບສະໜອງ, ແທກຄວາມດັນເລືອດບໍ່ໄດ້ ແລະ ມາຮອດເວລາ 11:30 ໂມງ ຜູ້ກ່ຽວກໍເສຍຊີວິດ ຢູ່ເຮືອນຜູ້ກ່ຽວເອງ
ຜູ້ທີ 2: ເປັນເພດຊາຍ, ອາຍຸ 69 ປີ, ອາຊິບ: ຊາວນາ, ບ້ານດົງເຫັນ, ເມືອງອາດສະພັງທອງ, ແຂວງສະຫວັນນະເຂດ.
- ພະຍາດປະຈໍາຕົວ: ເຄີຍເປັນພະຍາດ Ischemic Stroke ມາໄດ້ 4-5 ປີ +ຄວາມດັນເລືອດ + ພະຍາດເບົາຫວານ
- ໄດ້ຮັບການສັກຢາວັກຊີນຄົບ
- ວັນທີ 31 ຕຸລາ 2021: ມາກວດຢູ່ໂຮງໝໍແຂວງ ດ້ວຍອາການອິດເມື່ອຍ, ເຈັບຫົວ, ປວດຕາມຕົນໂຕ, ມືນຊາຕາມຕີນມື ເປັນມາໄດ້ 2-3 ວັນ
- ວັນທີ 01 ຕຸລາ 2021 ເກັບຕົວຢ່າງກວດ ແລະ ຜົນກວດແມ່ນພົບເຊື້ອ ຈຶ່ງຖືກນຳສົ່ງເຂົ້າມານອນປີ່ນປົວຢູ່ໂຮງໝໍພາກສະໜາມ
- ໄລຍະເວລານອນປີ່ນປົວຄົນເຈັບ ແຕ່ວັນທີ 31 ຕຸລາ-02 ພະຈິກ 2021 ລວມເປັນ 03 ມື້
- ມາຮອດເວລາ 2:40 ໂມງເຊົ້າຂອງວັນທີ 02 ພະຈິກ 2021: ຄົນເຈັບຢຸດຫາຍໃຈ, ຫົວໃຈຢຸດເຕັ້ນ, ບໍ່ຕອບສະຫນອງແລະ ຄົນເຈັບໄດ້ເສຍຊີວິດ
ຜູ້ທີ 3: ເພດຊາຍ, ອາຍຸ 43 ປີ, ອາຊີບ: ປະຊາຊົນ, ສັນຊາດ: ຫວຽດນາມ, ບ້ານຢູ່ປະຈຸບັນ: ໜອງທາ, ເມືອງຈັນທະບູລີ, ນະຄອນຫລວງວຽງຈັນ
- ພະຍາດປະຈໍາຕົວ: ເປັນພະຍາດເບົາຫວານ ແລະ ຄວາມດັນເລືອດສູງ
- ວັນທີ 01 ພະຈິກ 2021: ເຂົ້າມາກວດຢູ່ໂຮງໝໍ 103 ດ້ວຍອາການໄຂ້, ໄອ, ອິດເມືອຍ ແລະ ຖ່າຍເປັນນໍ້າ ພ້ອມທັງເກັບຕົວຢ່າງມາກວດພະຍາດໂຄວິດ-19 ແລະ ໃຫ້ຜົນບວກ
- ໄລຍະເວລານອນປີ່ນປົວຄົນເຈັບ ແຕ່ວັນທີ 01-02 ພະຈິກ 2021 ລວມເປັນ 02 ມື້
- ມາຮອດເວລາ 5:30 ໂມງຂອງວັນທີ 02 ພະຈິກ 2021: ຄົນເຈັບໄດ້ເສຍຊີວິດ
ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 1.053 ຄົນ ຈາກ 13 ແຂວງ ເຊິ່ງລາຍລະອຽດ ດັ່ງນີ້:
ນະຄອນຫຼວງ 517 ຄົນ: ມາຈາກ 247 ບ້ານ, ໃນ 9 ເມືອງ
- ເມືອງຈັນທະບູລີ ມີ 65 ຄົນ 32 ບ້ານ
- ເມືອງສີໂຄດ ມີ 81 ຄົນ ມີ 47 ບ້ານ
- ໄຊເສດຖາ ມີ 107 ຄົນ ແລະ 44 ບ້ານ
- ສີສັດຕະນາກ ມີ 75 ຄົນ ມີ 30 ບ້ານ
- ເມືອງນາຊາຍທອງ ມີ 35 ຄົນ ມີ 16 ບ້ານ
- ເມືອງໄຊາທານີ ມີ 82 ຄົນ ມີ 41 ບ້ານ
- ເມືອງຫາດຊາຍຟອງ ມີ 47 ຄົນ ແລະ 31 ບ້ານ
- ເມືອງປາກງື່ມ ມີ 03 ຄົນ 03 ບ້ານ
- ເມືອງສັງທອງ ມີ 05 ຄົນ ມີ 03 ບ້ານ ສືບຕໍ່ເກັບກໍາຂໍ້ມູນ 17 ຄົນ
–ຫຼວງພະບາງ: 122 ຄົນ ມາຈາກ 19 ບ້ານ, ໃນ 4 ເມືອງ
–ບໍ່ແກ້ວ: 53 ຄົນ ມາຈາກ 12 ບ້ານ, ໃນ 3 ເມືອງ
–ອຸດົມໄຊ: 24 ຄົນ ມາຈາກ 10 ບ້ານ, ໃນ 1 ເມືອງ
–ຫຼວງນໍ້າທາ: 134 ຄົນ ມາຈາກ 35 ບ້ານ, ໃນ 4 ເມືອງ
–ວຽງຈັນ: 100 ຄົນ ມາຈາກ 23 ບ້ານ, ໃນ 6 ເມືອງ
–ຊຽງຂວາງ: 1 ຄົນ ມາຈາກ 1 ບ້ານ, ໃນ 1 ເມືອງ
-ໄຊສົມບູນ: 13 ຄົນ ມາຈາກ 2 ບ້ານ, ໃນ 2 ເມືອງ
–ຄໍາມ່ວນ: 20 ຄົນ ມາຈາກ 9 ບ້ານ, ໃນ 2 ເມືອງ
–ສາລະວັນ: 5 ຄົນ ມາຈາກ 3 ບ້ານ, ໃນ 2 ເມືອງ
–ສະຫວັນນະເຂດ: 20 ຄົນ ມາຈາກ 9 ບ້ານ, ໃນ 4 ເມືອງ
-ຈໍາປາສັກ: 26 ຄົນ ມາຈາກ 11 ບ້ານ, ໃນ 5 ເມືອງເຊກອງ: 18 ຄົນ. ມາຈາກ 8 ບ້ານ, ໃນ 1ເມືອງ
ສ່ວນການຕິດເຊືື້ອຂອງຜູ້ທີ່ເດີນທາງເຂົ້າປະເທດມີຈໍານວນ 09 ຄົນ: 5 ຄົນຈາກແຂວງໄຊຍະບູລີ, 03 ຄົນຈາກ ນະຄອນຫຼວງວຽງຈັນ ແລະ 1 ຄົນຈາກແຂວງຈໍາປາສັກ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.
ມາຮອດວັນທີ 02 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 42.891 ຄົນ, ເສຍຊີວິດສະສົມ 73ຄົນ (ໃໝ່ 03), ປິ່ນປົວຫາຍດີ ແລະ ກັບບ້ານໃນມື້ວານ ມີ 348 ຄົນ, ກໍາລັງປິ່ນປົວ 7.864 ຄົນ.
ໂຫດຮ້າຍ! ມື້ດຽວຕິດເຊື້ອໃໝ່ +1062 ຄົນ
ຕາມການລາຍງານ ຂອງແຟນເພຈ ສູນຂ່າວສານການແພດສຸຂະສຶກສາ
ລາຍລະອຽດພາຍຫຼັງຖະແຫຼງຂ່າວປະຈຳວັນ!
ກະຊວງສາທາລະນະສຸກອະນຸຍາດໃຫ້ແພດທີ່ໄດ້ຜ່ານການອົບຮົມເທົ່ານັ້ນທີ່ສາມາດນໍາໃຊ້ຊຸດກວດແບບໄວ
ປັດຈຸບັນ ກະຊວງສາທາລະນະສຸກອະນຸຍາດໃຫ້ແພດທີ່ໄດ້ຜ່ານການອົບຮົມເທົ່ານັ້ນທີ່ສາມາດນໍາໃຊ້ຊຸດກວດແບບໄວ.
ຈຸດປະສົງຫຼັກຂອງການນຳໃຊ້ແມ່ນເພື່ອໃຫ້ສາມາດຄົ້ນຫາຜູ້ຕິດເຊື້ອ ແລະ ແຍກປ່ຽວຜູ້ຕິດເຊື້ອອອກຈາກຄົນອື່ນໄດ້ແຕ່ຫົວທີ ໂດຍສະເພາະຈຸດທີ່ມີຄວາມສ່ຽງຢູ່ເຂດຫ່າງໄກສອກຫຼີກ ທີ່ເຂົ້າເຖິງການກວດຫາເຊື້ອໄດ້ຍາກ ແລະ ຕ້ອງໄດ້ເວລາຫຼາຍໃນຂົນສົ່ງຕົວຢ່າງເຂົ້າມາຫ້ອງວິເຄາະ. ຊຸດກວດແບບໄວຈຶ່ງເປັນໜຶ່ງຍຸດທະສາດທີ່ນຳໃຊ້ເພື່ອຈຳກັດການແຜ່ເຊື້ອອອກສູ່ວົງກ້ວາງ.
ມີຫຼາຍຄົນຊື້ຊຸດກວດແບບໄວມາກວດເອງ ຊຶ່ງເປັນສິ່ງທີ່ພວກເຮົາບໍ່ແນະນໍາມາຕັ້ງແຕ່ຕົ້ນ, ມີຫຼາຍເຫດຜົນທີ່ຄະນະສະເພາະກິດບໍ່ອະນຸຍາດໃຫ້ບຸກຄົນໄປຊື້ມາກວດດ້ວຍຕົນເອງຍ້ອນວ່າ:
- ຊຸດກວດທີ່ມີຂາຍແບບຊະຊາຍມີຫຼາຍຊະນິດ ບໍ່ໄດ້ຜ່ານການພິຈາລະນາ ແລະ ອະນຸມັດຈາກກົມອາຫານ ແລະ ຢາ.
- ຊຸດກວດທີ່ເຫັນໂຄສະນາຂາຍນີ້ ສ່ວນໃຫຍ່ແມ່ນບຸກຄົນນໍາເຂົ້າແບບບໍ່ໄດ້ຮັບການອະນຸຍາດ.
- ຊຸດກວດແບບໄວທັງໝົດທີ່ມີໃນປະຈຸບັນ ບໍ່ມີໂຕໃດທີ່ໃຫ້ຜົນຖືກຕ້ອງ 100%, ໝາຍຄວາມວ່າ ມັນມີສາມາດຜິດພາດໄດ້ສູງ ໂດຍສະເພາະຖ້າຜົນກວດເປັນລົບ (ອອກເປັນລົບແຕ່ບໍ່ໄດ້ໝາຍຄວາມວ່າບໍ່ຕິດເຊື້ອ).
- ບຸກຄົນທີ່ຊື້ມາກວດເອງບໍ່ມີຄວາມຊໍານານໃນການເກັບຕົວຢ່າງຊຶ່ງຖ້າເກັບຕົວຢ່າງບໍ່ຖືກຕ້ອງ ຫຼື ບໍ່ຖືກຈຸດ ຜົນກວດກໍຈະບໍ່ຖືກຕ້ອງ.
- ການຖີ້ມໄມ້ຕ້ອຍຕົວຢ່າງ ແລະ ຊຸດກວດທີ່ໃຊ້ແລ້ວລົງຖັງຂີ້ເຫຍື້ອຢູ່ເຮືອນຕົນເອງ ໂດຍບໍ່ໄດ້ຂ້າເຊື້ອກ່ອນແມ່ນຍິ່ງອັນຕະລາຍ ເພາະຊຸດກວດທີ່ມີເຊື້ອນັ້ນສາມາດກາຍເປັນແຫຼ່ງແຜ່ເຊື້ອ ແລະ ເຮັດໃຫ້ເກີດການຕິດເຊື້ອລາມເປັນວົງກວ້າງໃນຄອບຄົວ ແລະ ຄົນອ້ອມຂ້າງໄດ້.ທ່ານຄວນຊາບວ່າ ການກວດເພື່ອຢັ້ງຢືນສຸດທ້າຍຕ້ອງແມ່ນການກວດໃນຫ້ອງວິເຄາະດ້ວຍເຕັກນິກສະເພາະເທົ່ານັ້ນ.
ສະນັ້ນ, ເຖິງທ່ານຈະໄດ້ກວດແບບໄວມາແລ້ວ ທ່ານມີຄວາມຈໍາເປັນຕ້ອງໄປກວດໃນຈຸດບໍລິການບ່ອນທີ່ກຳນົດໄວ້ ໂດຍສະເພາະທ່ານທີ່ໄດ້ກວດເອງແລ້ວພົບວ່າຕິດເຊື້ອ ເພື່ອຢັ້ງຢືນສຸດທ້າຍວ່າຕິດເຊື້ອແທ້.
ທ່ານສາມາດແຈ້ງຕໍ່ເຈົ້າໜ້າທີ່ໃນຈຸດທີ່ທ່ານຈະໄປກວດນັ້ນຊາບກ່ອນວ່າທ່ານໄດ້ກວດດ້ວຍເຄື່ອງກວດແບບໄວພົບຜົນບວກ ເພື່ອເຈົ້າໜ້າທີ່ໃນຈຸດບໍລິການນັ້ນຈະໄດ້ອໍານວຍຄວາມສະດວກໃຫ້ທ່ານໄດ້ກວດ ແລະ ຫຼີກເວັ້ນການໄກ້ຊິດກັບຄົນອື່ນ.
ຖ້າຜົນຢັ້ງຢືນອອກມາວ່າທ່ານຕິດເຊື້ອແພດ ແລະ ລົດແພດຈະຕິດຕໍ່ມາຫາທ່ານເພື່ອມາຮັບເຂົ້າໄປປິ່ນປົວໂດຍໄວ.
ດີໃຈນຳ! ເມືອງນ້ຳບາກ ປິ່ນປົວຫາຍດີອີກ 332 ຄົນ
ເມືອງນ້ຳບາກ ປິ່ນປົວຫາຍດີອີກ 332 ຄົນ
ຕາມການລາຍງານ ຂອງຂ່າວສານຫຼວງພະບາງ ໃຫ້ຮູ້ວ່າ: ຄະນະສະເພາະກິດເພື່ອປ້ອງກກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ເມືອງນໍ້າບາກ ແຂວງຫຼວງພະບາງ ໄດ້ລາຍງານໃຫ້ຮູ້ວ່າ: ນັບແຕ່ທ້າຍເດືອນກັນຍາມາຮອດຕົ້ນເດືອນພະຈິກ 2021 ນີ້ ເມືອງນໍ້າບາກ ມີຜູ້ທີ່ຕິດເຊື້ອສະສົມທັງໝົດ 396 ຄົນ, ໃນນັ້ນໄດ້ປີ່ນປົວຫາຍດີແລ້ວ 332 ຄົນ.
ໂດຍໄດ້ແບ່ງອອກເປັນ 2 ຊຸດຄື: ຊຸດທີ1 ແມ່ນໄດ້ອອກໃນວັນທີ 18 ຕຸລາ 2021 ປິ່ນປົວດີ ຈຳນວນ 140ຄົນ ແລະຊຸດທີ2 ອອກວັນທີ 1 ພະຈິກ 2021 ປິ່ນປົວຫາຍດີ 192 ຄົນ ແລະຍັງສືບຕໍ່ປີ່ນປົວ 64 ຄົນ, ບໍ່ມີກໍລະນີເສຍຊີວິດ. ພ້ອມນັ້ນເພີ່ນຍັງແນະນຳໃຫ້ຜູ້ທີ່ອອກຈາກໂຮງໝໍພາກສະໜາມແລ້ວ ແຕ່ຕ້ອງສືບຕໍ່ໃຊ້ຊີວິດແບບໃຫມ່, ກໍ່ຄືຕ້ອງໃສ່ຜ້າອັດປາກ-ອັດດັງ ໃນເວລາອອກຈາກເຮືອນເມື່ອມີຄວາມຈຳເປັນ, ຮັກສາໄລຍະຫ່າງຈາກຄົນອື່ນ 2 ແມັດ, ຫມັ່ນລ້າງມືໃສ່ສະບູ, ນ້ຳສະອາດ ຫຼື ເຈວລ້າງມືທີ່ມີສວ່ນປະສົມຂອງເຫຼົ້າ 70% – 90 % ເວລາຈັບສິ່ງຂອງຕ່າງໆ ພ້ອມທັງພັກຜ່ອນໃຫ້ພຽງພໍ ແລະກິນອາຫານໃຫ້ຄົບ5ໝູ່.
ຂ່າວ: ພອນສັກ ສິງດາລັກ ເມືອງນ້ຳບາກ
ກວດເບິ່ງຜູ້ຕິດເຊື້ອໃໝ່ທັງໝົດມາຈາກບ້ານ ເມືອງໃດ ໃນຂອບເຂດທົ່ວປະເທດ
ຍັງມີຫຼາຍກວ່ານີ້ອີກບໍ່? ນະຄອນຫຼວງວຽງຈັນມີຜູ້ຕິດເຊື້ອໃໝ່ຈາກ 144 ບ້ານ ໃນ 7 ເມືອງ
ຕາມການລາຍງານ ຂອງຄະນະສະເພາະກິດປະຈຳວັນທີ 2 ພະຈິກ 2021 ໃຫ້ຮູ້ວ່າ: ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 5,415 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 873 ຄົນ (ຕິດເຊື້ອພາຍໃນ ມີ 871 ຄົນ ແລະ ຕິດເຊື້ອນໍາເຂົ້າ2 ຄົນ).
ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 871 ຄົນ ຈາກ 13 ແຂວງ ແລະ ນະຄອນຫຼວງ ເຊິ່ງລາຍລະອຽດ ດັ່ງນີ້:
ນະຄອນຫຼວງ 427 ຄົນ: ມາຈາກ 144 ບ້ານ, ໃນ 7 ເມືອງ
ເມືອງຈັນທະບູລີ ມີ 19 ບ້ານ (48 ຄົນ)
- ດົງປ່າແຫຼບ 6
- ໂພນສະຫ່ວາງ 6
- ໜອງປີງ 5
- ໜອງທາເໜືອ 4
- ຫ້ວຍຫົງ 4
- ຮ່ອງໄກ່ແກ້ວ 3
- ສີດຳດວນ 2
- ສີບຸນເຮືອງ 2
- ຮ່ອງແຊງ 2
- ຂົວຫຼວງ 2
- ບໍ່ນາງົວ 2
- ທົ່ງຕູມ 2
- ໂພນຕ້ອງ 1
- ສີຫອມ 1
- ສີສະຫວາດ 1
- ໜອງທາ 1
- ປ້ອງກັນສູນກາງ 1
- ດົງໝ້ຽງ 1
- ສະຫວ່າງ 1
- ທົ່ງຂັນຄຳ 1
ເມືອງສີໂຄດຕະບອງ ມີ 25 ບ້ານ (49 ຄົນ)
- ນາເລົາ 7
- ໜອງໝ້ຽວ 4
- ໜອງແຕ່ງ 4
- ໜອງສະໂນຄຳ 4
- ດົງນາທອງ 3
- ດົງນາໂຊກໃຕ້ 3
- ດົງນາໂຊກ 2
- ຫຼັກຫີນ 2
- ໂນນແກ້ວ 2
- ທົ່ງປົ່ງ 2
- ໃໝ່ 2
- ເມືອງວາທົ່ງ 1
- ໂພນຄໍາ 1
- ວຽງສະຫັວນ 1
- ຈັນສະຫວ່າງ 1
- ດ່ານຄໍາ 1
- ໂພນແກ້ວ 1
- ໂນນຂີ້ເຫຼັກ 1
- ສີຊົມຊື່ນ 1
- ໂພສີ 1
- ໜອງໜຽ້ວ 1
- ຕາດທອງ 1
- ສີໄຄທົ່ງ 1
- ໜອງດ້ວງ 1
- ໜອງດ້ວງໃຕ້ 1
ເມືອງໄຊເສດຖາ ມີ 34 ບ້ານ (93 ຄົນ)
- ຈອມມະນີ 12
- ໂນນສະຫວ່າງ 11
- ສົມສະຫງ່າ 6
- ໂຊກຄໍາ 5
- ແສງສະຫວ່າງ 5
- ຝາຍ 5
- ຄໍາສະຫວາດ 4
- ໂພນສະອາດ 3
- ຊຽງດາ 3
- ໜອງບອນ 3
- ຂາມງອຍ 3
- ວຽງຈະເລີນ 3
- ໂນນສະຫັວນ 2
- ທາດຫຼວງກາງ 2
- ໂພນທັນ 2
- ນາໄຊ 2
- ທາດຫຼວງເໜືອ 2
- ວັງຊາຍ 2
- ອາມອນ 2
- ນາບຽນ 2
- ໂນນສະຫງ່າ 1
- ນາຄວາຍກາງ 1
- ທາດຫຼວງ 1
- ສະພັງໝໍ້ 1
- ໜອງໜ່ຽງ 1
- ສີສັງວອນ 1
- ທົ່ງຕູມ 1
- ນາໂນ 1
- ໂນນຫວາຍ 1
- ຫົວຂົວ 1
- ໂພນທອງ 1
- ໂຊກໃຫ່ຍ 1
- ໂນນຄໍ້ 1
- ຮ່ອງແກ 1
ເມືອງສີສັດຕະນາກມີ 20 ບ້ານ (50 ຄົນ)
- ໂພນປ່າເປົ້າ 8
- ດົງສະຫວາດ 7
- ທົ່ງກາງ 6
- ທົ່່ງພານທອງ 5
- ຈອມແຈ້ງ 3
- ດອນນົກຂູ້ມ 3
- ວັດນາກ 3
- ຈອມເພັດໃຕ້ 2
- ໂພນສະຫວັນເໜືອ 2
- ໂພນສະຫວັນ 1
- ຫໍພັກລວມສະໜາມມ້າ 1
- ຫາຍໂສກ 1
- ສະພານທອງ 1
- ໂພນສະຫວ່າງ 1
- ສະພານທອງເໜືອ 1
- ໂຮງໝໍກະເສມເລດ 1
- ດອນກອຍ 1
- ດົງປ່າລານ 1
- ຈອມເພັດ 1
- ທ່າພະລານໄຊ 1
ເມືອງນາຊາຍທອງ ມີ 8 ບ້ານ (12 ຄົນ)
- ນາຊັນ 4
- ໂພນແກ້ວ 2
- ອີ່ໄລໃຕ້ 1
- ນາສ້ຽວ 1
- ນາຊາຍເໜືອ 1
- ເປີກ 1
- ດົງຫຼວງ 1
- ນາລຽນ 1
- ເມືອງໄຊທານີ ມີ 22 ບ້ານ (51 ຄົນ)
- ດົງໂດກ 11
- ສີວິໄລ 4
- ຕານມີໄຊ 4
- ໜອງພະຍາ 3
- ດອນໜູນ 3
- ພະຂາວ 3
- ນາແຄຄຳ 2
- ຊ້າງຄູ້ 2
- ໂຄກສີວິໄລ 2
- ໂຄກສະຫວ່າງ 2
- ນາທົມ 2
- ໄຊສະຫ່ວາງ 2
- ຄຳຮຸ່ງ 2
- ໂນນແຕ້ 1
- ນາສ້ຽວ 1
- ອຸດົມຜົນ 1
- ຫ້ວຍເຕີຍ 1
- ສະພັງເມິກ 1
- ຫນອງພະຍາ 1
- ລາດຄວາຍ 1
- ດົງສ້າງຫິນ 1
- ນາລ້ອມ 1
ເມືອງຫາດຊາຍຟອງ ມີ 15 ບ້ານ (29 ຄົນ)
- ດອນດູ່ 6
- ນາໄຫ 5
- ດົງຄໍາຊ້າງ 4
- ສົມຫັວງເໜືອ 2
- ປ່າຝາງ 2
- ດອນກອຍ 1
- ດົງຄຳຊ້າງ 1
- ນາທາມ 1
- ສາລາຄຳເຫນືອ 1
- ໜອງໄຮ 1
- ໂພສີ 1
- ໂຄກຊາຍ 1
- ຈຽມປາງ 1
- ນາຍາງ 1
- ຖິ່ນຕົມ 1
- ຕ່າງແຂວງ 2 ຄົນ
ຍັງສືບຕໍ່ເອົາຂໍ້ມູນ 13 ຄົນ
–ຫຼວງພະບາງ, ມີ 58 ຄົນ ໃນ 15 ບ້ານ ແລະ 4 ເມືອງ
–ແຂວງວຽງຈັນ, ມີ 105 ຄົນ ໃນ 21 ບ້ານ ແລະ 5 ເມືອງ
–ບໍ່ແກ້ວ, ມີ 40 ຄົນ ໃນ 11 ບ້ານ ແລະ 2 ເມືອງ
–ຫຼວງນໍ້ທາ, ມີ 172 ຄົນ ໃນ 35 ບ້ານ ແລະ 4 ເມືອງ
–ສະຫວັນນະເຂດ, ມີ 6 ຄົນ ໃນ 5 ບ້ານ ແລະ 3 ເມືອງ
–ອຸດົມໄຊ, ມີ 16 ຄົນ ໃນ 6 ບ້ານ ແລະ 1 ເມືອງ
–ຈໍາປາສັກ, ມີ 5 ຄົນ ໃນ 3 ບ້ານ ແລະ 2 ເມືອງ
–ຄໍາມ່ວນ, ມີ 15 ຄົນ ໃນ 2 ບ້ານ ແລະ 1 ເມືອງ
–ບໍລິຄໍາໄຊ, ມີ 12 ຄົນ ໃນ 4 ບ້ານ ແລະ 1 ເມືອງ
-ເຊກອງ, ມີ 7 ຄົນ ໃນ 5 ບ້ານ ແລະ 1 ເມືອງ
-ໄຊສົມບູນ, ມີ 4 ຄົນ ໃນ 1 ບ້ານ ແລະ 1 ເມືອງ
-ຊຽງຂວາງ, ມີ 1 ຄົນ ໃນ 1 ບ້ານ ແລະ 1 ເມືອງ
–ສາລະວັນ, ມີ 3 ຄົນ ໃນ 3 ບ້ານ ແລະ 2 ເມືອງ
–ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 2 ຄົນ ຈາກ ແຂວງສະຫວັນນະເຂດ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.
-ມາຮອດວັນທີ 1 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 41,829 ຄົນ, ເສຍຊີວິດສະສົມ 70 ຄົນ (ໃໝ່ 3), ປິ່ນປົວຫາຍດີ ແລະ ກັບບ້ານໃນມື້ວານ ມີ 572 ຄົນ, ກໍາລັງປິ່ນປົວ 7,695ຄົນ.
ລາຍລະອຽດຜູ້ເສຍຊີວິດໃໝ່ 3 ຄົນ ຈາກນະຄອນຫຼວງ ແລະ ແຂວງວຽງຈັນ
ຕາມດານລາຍງານ ຂອງວັນທີ 2 ພະຈິກ 2021 ໃຫ້ຮູ້ວ່າ: ສປປ ລາວ ມີຜູ້ເສຍຊີວິດຈາກໂຄວິດ-19 ເພີ່ມ 3 ຄົນ ສະສົມລວມແລ້ວ 70 ຄົນ.
ລາຍລະອຽດຜູ້ເສຍຊີວິດໃໝ່ 03 ຄົນ ມີດັ່ງນີ້:
ຜູ້ທີ 1: ເພດຊາຍ, ອາຍຸ 23 ປີ, ສັນຊາດ: ລາວ, ບ້ານໂນນແຕ້, ເມືອງໄຊທານີ, ນະຄອນຫລວງວຽງຈັນ
- ຢູ່ສະຖານທີຄຸມຂັງຊົ່ວຄາວ ເມືອງໄຊເສດຖາ
- ວັນທີ 29 ຕຸລາ 2021: ຜູ້ກ່ຽວມີອາການລ່ອຍ, ຈ່ອຍຜ່ອມ ແລະ ຈືດມ້ານ ໄດ້ເກັບຕົວຢ່າງ ແລະ ຜົນກວດພົບເຊື້ອພະຍາດໂຄວິດ-19
- ໄລຍະເວລາປີ່ນປົວ: ນັບແຕ່ວັນທີ 29 ຕຸລາ – 01 ພະຈິກ 2021 ເປັນເວລາ 04 ມື້
- ວັນທີ 01 ພະຈິກ 2021 ເວລາ 16:00 ໂມງ ຜູ້ກ່ຽວ ໄດ້ເສຍຊີິວິດ
ຜູ້ທີ 2: ເພດຊາຍ, ອາຍຸ 73 ປີ, ບ້ານພູຄຳ, ເມືອງກາສີ, ແຂວງວຽງຈັນ
- ພະຍາດປະຈໍາຕົວ: ເບົາຫວານ, ຄວາມດັນເລືອດສູງ (ເຄີຍເສັ້ນເລືອດໃນສະໝອງແຕກ ຫາກໍ່ພັກຟຶ້ນ ແລະ ເລີ່ມຊ່ວຍເຫລືອຕົນເອງໄດ້ 3 ເດືອນ)
- ຜ່ານມາບໍ່ໄດ້ຮັບການສັກຢາວັກຊີນກັນໂຄວິດ-19
- ວັນທີ 01 ພະຈິກ 2021: ຜູ້ກ່ຽວມາໂຮງຫມໍເມືອງກາສີ ດ້ວຍອາການ ອິດເມື່ອຍ, ແຂນຂາອ່ອນແຮງ ເປັນໄດ້ 3 ມື້ ແລະ ໄອເລັກນ້ອຍ ຈຶ່ງໄດ້ກວດຊອດຫາເຊື້ອ ແລະ ຜົນກວດພົບເຊື້ອໂຄວິດ-19. ເວລາ 21:00 ໂມງ ຄົນເຈັບມີອາການຊ໋ອກ, ແພດໝໍພະຍາບານໄດ້ເຊີດຊູຄົນເຈັບ ແລະ ນຳສົ່ງໄປຍັງສູນໂຄວິດໂພນໂຮງ. ໃນໄລຍະເຄື່ອນຍ້າຍຄົນເຈັບຂື້ນລົດ ໄດ້ເຊີດຊູອີກ 1 ຄັ້ງ ໃນລົດ. ເວລາ 23:45 ໂມງ ມາຮອດສູນໂຄວິດໂພນໂຮງ ຄົນເຈັບໄດ້ເສຍຊີວິດລົງ.
ຜູ້ທີ 3: ເພດຊາຍ, ອາຍຸ 82 ປີ, ອາຊີບ: ປະຊາຊົນ, ບ້ານດົງປ່າແຫລບ, ເມືອງຈັນທະບູລີ, ນະຄອນຫລວງວຽງຈັນ
– ວັນທີ 2 ພະຈິກ 2021: ຜູ້ກ່ຽວ ເຂົ້າມາກວດໂຮງໝໍມິດຕະພາບ ດ້ວຍອາການບໍ່ໄດ້ສະຕິ ພ້ອມທັງ ເກັບຕົວຢ່າງມາກວດພະຍາດໂຄວິດ-19 ແລະ ໃຫ້ຜົນບວກ. ເວລາ 1:30 ໂມງເຊົ້າ ຂອງວັນທີ 02 ພະຈິກ 2021 ຜູ້ກ່ຽວໄດ້ເສຍຊີວິດ (ຜູ້ກ່ຽວເສຍຊີວິດ ກ່ອນມາໂຮງໝໍ)