ຂໍ້ຕົກລົງ ວ່າດ້ວຍ ການກໍານົດບັນຊີ ພືດ ແລະ ຜະລິດຕະພັນພືດ ທີ່ເປັນບຸລິມະສິດ ສໍາລັບເຈລະຈາເຕັກນິກເປີດຕະຫລາດ ເພື່ອສົ່ງອອກ ຈາກ ສປປ ລາວ ໄປ ສປ ຈີນ.

ໃນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ໃນວັນທີ 8 ພະຈິກ 2021 ນີ້, ເຊິ່ງເປັນມື້ທີ 7 ຂອງການດໍາເນີນກອງປະຊຸມດັ່ງກ່າວ.

ບັນດາສະມາຊິກສະພາແຫ່ງຊາດ (ສສຊ) ຫລາຍເຂດເລືອກຕັ້ງ ໄດ້ປະກອບຄໍາເຫັນ ແລະ ໃຫ້ຄວາມສົນໃຈຫລາຍບັນຫາ ຕໍ່ບົດລາຍງານຂອງການເຄື່ອນໄຫວວຽກງານຂອງສານປະຊາຊົນສູງສຸດ ໃນໄລຍະ 1 ປີຜ່ານມາ, ເຊິ່ງປະເດັນສໍາຄັນທີ່ສຸດກໍແມ່ນການແກ້ໄຂບັນຫາ ຈັນຍາບັນ-ຈັນຍາທໍາ ຂອງພະນັກງານຜູ້ພິພາກສາ, ຜູ້ຊ່ວຍຜູ້ພິພາກສາ, ຈ່າສານ ລວມທັງພະນັກງານສານຈໍານວນໜຶ່ງ ເຮັດໃຫ້ເກີດມີຫາງສຽງຈາກສັງຄົມຕໍ່ພາບພົດຂອງສານປະຊາຊົນໃນທາງລົບ ຫລາຍສົມຄວນ.

ຕໍ່ບັນຫານີ້, ທ່ານນາງ ວຽງທອງ ສີພັນດອນ ປະທານສານປະຊາຊົນສູງສຸດ ໄດ້ຍອມຮັບວ່າ: ຄໍາເຫັນທີ່ ສສຊ ຫລາຍເຂດເລືອກຕັ້ງ ໄດ້ຍົກຂຶ້ນມາລ້ວນແຕ່ແມ່ນສະພາບຫຍໍ້ທໍ້ ແລະ ຄົງຄ້າງໃນວຽກງານສານໃນຜ່ານມາ ເຊິ່ງເຫັນວ່າເປັນຄວາມຈິງແທ້.

ແນວໃດກໍຕາມ ຜ່ານມາ, ຄະນະພັກ-ຄະນະນໍາຂອງສານປະຊາຊົນ ກໍໄດ້ຮັບການສະເໜີ ຫລື ຮ້ອງທຸກ ຈາກຄູ່ຄວາມໃນຫລາຍໆຄະດີ ເພື່ອໃຫ້ກວດກາຄືນການຕັດສິນຄະດີ ກໍຄືການປະຕິບັດໜ້າທີ່ຂອງສານ ແລະ ໃນໄລຍະຜ່ານມາ, ຄະນະພັກ-ຄະນະນໍາ ຂອງສານປະຊາຊົນທຸກຂັ້ນ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານຢ່າງເປັນປົກກະຕິ ເພື່ອຍົກສູງຄວາມຮັບ ຜິດຊອບ ນັບທັງດ້ານຈັນຍາບັນ-ຈັນຍາທໍາ ແລະ ໄປຄຽງຄູ່ກັບການປະຕິບັດວຽກງານວິຊາສະເພາະ ໃຫ້ມີຄວາມຖືກຕ້ອງ, ໂປ່ງໃສ ແລະ ຍຸຕິທໍາ.

ຄຽງຄູ່ກັບການເອົາໃຈໃສ່ ຕິດຕາມກວດກາບັນຫາຕ່າງໆ ທີ່ໄດ້ຮັບການສະເໜີມາ ແລະ ມີບາງກໍລະນີ ກໍໄດ້ແກ້ໄຂໄປຕາມຂັ້ນຕອນລະບຽບກົດໝາຍແນວໃດກໍຕາມ, ໃນທິດທາງແກ້ໄຂບັນຫາດັ່ງກ່າວໃນຕໍ່ໜ້ານີ້, ສານປະຊາຊົນ ຈະໄດ້ກໍານົດແຜນການ ແກ້ໄຂທີ່ລົງເລິກບັນຫາລະອຽດ ແລະ ຕໍ່ເນື່ອງ, ພ້ອມທັງ ເພີ່ມທະວີການປະສານສົມທົບກັບສະມາຊິກສະພາແຫ່ງຊາດ, ສະພາປະຊາຊົນແຂວງ-ນະຄອນຫລວງ ແລະ ອົງການປົກຄອງ ໃນແຕ່ລະທ້ອງຖິ່ນຊ່ວຍເອົາໃຈໃສ່ຕິດຕາມກວດກາປະຕິບັດໜ້າທີ່ຂອງພະນັກງານ ແລະ ຄັດຈ້ອນເອົາ ກຸ່ມເປົ້າໝາຍທີ່ມີພຶດຕິກໍາບໍ່ດີ ມາກ່າວເຕືອນ, ສຶກສາອົບຮົມ, ຍົກຍ້າຍໜ້າທີ່ ແລະ ລົງວິໄນ ທີ່ເຂັ້ມງວດກວ່າເກົ່າ ຕໍ່ຜູ້ກະທໍາຜິດຕາມລະບຽບກົດໝາຍ ເພື່ອສ້າງຄວາມເຊື່ອໝັ້ນໃຫ້ສັງຄົມຫລາຍຂຶ້ນ.

ແຫຼ່ງຂ່າວ: ຂປລ, ຂ່າວ: ສຸພາສະຫວັນ ສີຊະນະມຸງຄຸນ, ຮູບ: ອ່າຍຄໍາ

ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ທ້າວ ລັດດາ ອາຍຸ 23 ປີ ອາຊີບ ກໍາມະກອນ ຢູ່ບ້ານກົ້ວ ເມືອງສັງທອງ ນະຄອນຫຼວງວຽງຈັນ ຖືກເຈົ້າໜ້າທີ່ພະແນກຕໍາຫຼວດ ປກສ ເມືອງສັງທອງ ກັກຕົວໃນວັນທີ 3 ພະຈິກ 2021 ຂໍ້ຫາທໍາລາຍຊັບຂອງພົນລະເມືອງ (ຈູດກອງເຂົ້າ) ສ້າງຜົນເສຍຫາຍຈໍໍານວນ 7 ລ້ານກີບ. ພັທ ສີວິໄລ ພູມນະໄຊ ຫົວໜ້າກອງບັນຊາການ ປກສ ເມືອງສັງທອງ ໃຫ້ຮູ້ວ່າ: ໃນວັນທີ 28 ຕຸລາ 2021 ເຈົ້າໜ້າທີ່ ປກສ ເມືອງສັງທອງ ໄດ້ຮັບລາຍງານ ຈາກອໍານາດການປົກຄອງບ້ານກົ້ວ ວ່າ:

ມີຄົນລັກຈູດກອງເຂົ້າ ປະຊາຊົນ ທີ່ກອງໂຮມໄວ້ ຢູ່ບ້ານດັ່ງກ່າວ ຈິ່ງໄດ້ຈັດຕັ້ງກໍາລັງ ພະແນກຕໍາຫຼວດ ປກສ ເມືອງ ສັງທອງ ລົງສົມທົບກັບ ປກສ ກຸ່ມ ແລະ ອໍານາດການປົກຄອງບ້ານ ລົງເກັບກໍາຂໍ້ມູນ ແລະ ກໍານົດໄດ້ເປົ້າໝາຍຕົກມາຮອດ ວັນທີ 3 ພະຈິກ 2021 ຈິ່ງໄດ້ກັກຕົວທ້າວລັດດາ ມາສອບສວນ. ຜ່ານການສອບສວນ ຜູ້ກ່ຽວໄດ້ຮັບສາລະພາບວ່າ:

ໄດ້ລົງມືກໍ່ເຫດໃນຄັ້ງນີ້ແທ້ ຍ້ອນມີຄວາມບໍ່ພໍໃຈ ທີ່ເຈົ້າຂອງກອງເຂົ້າບໍ່ຈ່າຍຄ່າແຮງງານ ທີ່ຕົນຮັບຈ້າງກູ້ເຂົ້າໃນມື້ນັ້ນ ເຊິ່ງເຈົ້າຂອງກອງເຂົ້າໄດ້ບອກຕົນວ່າຫຼັກຄ່າທີ່ຕົນຢືມກ່ອນໜ້າໝົດ ຕົນຈິ່ງເກີດຄວາມບໍ່ພໍໃຈ ແລະ ໄດ້ລົງມືກໍ່ເຫດ.

ຕໍ່ກັບຄະດີດັ່ງກ່າວ ກອງບັນຊາການ ປກສ ເມືອງສັງທອງ ຈະໄດ້ດໍາເນີນຄະດີຕາມລະບຽບກົດໝາຍ.

ສຶກສາ ຄໍາສັ່ງ ວ່າດ້ວຍ ການກວດກາ ແລະ ປະຕິບັດມາດຕະການ ຕໍ່ຜູ້ທີ່ນໍາເຂົ້າ ແລະ ນໍາໃຊ້ຍານພາຫະນະທຸກປະເພດ ແບບບໍ່ຖືກຕ້ອງ