ແຈ້ງການຈາກແຂວງອຸດົມໄຊ ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງເຊື້ອພະຍາດໂຄວິດ-19
ລາຍງານໂຄວິດ-19 ໃນລາວ 15 ພະຈິກ 2021
ຕາມການລາຍງານ ຂອງສູນຂ່າວສານການແພດສຸຂະສຶກສາໃຫ້ຮູ້ວ່າ:
ລາຍລະອຽດພາຍຫຼັງ
ລາຍລະອຽດຜູ້ເສຍຊີວິດໃໝ່ ແລະ ຜູ້ຕິດເຊື້ອໃໝ່ 14 ພະຈິກ 2021
ຕາມການລາຍງານ ຈາກຄະນະສະເພາະກິດປະຈຳວັນໃຫ້ຮູ້ວ່າ:
-ນະຄອນຫຼວງ 489 ຄົນ: ມາຈາກ 145 ບ້ານ, ໃນ 7 ເມືອງ
- ເມືອງຈັນທະບູລີ ມີ 18 ບ້ານ (55 ຄົນ)
- ເມືອງສີໂຄດຕະບອງ ມີ 31 ບ້ານ (64 ຄົນ)
- ເມືອງໄຊເສດຖາ ມີ 27 ບ້ານ (64 ຄົນ)
- ເມືອງສີສັດຕະນາກມີ 15 ບ້ານ (40 ຄົນ)
- ເມືອງ ນາຊາຍທອງ ມີ 09 ບ້ານ (13 ຄົນ)
- ເມືອງໄຊທານີ ມີ 28 ບ້ານ (208 ຄົນ)
- ເມືອງຫາດຊາຍຟອງ ມີ 17 ບ້ານ (36 ຄົນ)
- ຕ່າງແຂວງ (01 ຄົນ)
- ສືບຕໍ່ເອົາຂໍ້ມູນ 08 ຄົນ
-ຫຼວງພະບາງ ມີ 126 ຄົນ ໃນ 21 ບ້ານ ແລະ 3 ເມືອງ
-ຈຳປາສັກ ມີ 70 ຄົນ ໃນ 33 ບ້ານ ແລະ 8 ເມືອງ
-ໄຊຍະບູລີ ມີ 66 ຄົນ ໃນ 15 ບ້ານ ແລະ 1 ເມືອງ
-ອຸດົມໄຊ ມີ 57 ຄົນ ໃນ 17 ບ້ານ ແລະ 4 ເມືອງ
-ຫຼວງນ້ຳທາ ມີ 45 ຄົນ ໃນ 15 ບ້ານ ແລະ 3 ເມືອງ
-ວຽງຈັນ ມີ 45 ຄົນ ໃນ 18 ບ້ານ ແລະ 8 ເມືອງ
-ບໍ່ແກ້ວ ມີ 32 ຄົນ ໃນ 8 ບ້ານ ແລະ 1 ເມືອງ
-ຜົ້ງສາລີ ມີ 16 ຄົນ ໃນ 2 ບ້ານ ແລະ 2 ເມືອງ
-ບໍລິຄຳໄຊ ມີ 11 ຄົນ ໃນ 4 ບ້ານ ແລະ 2 ເມືອງ
-ເຊກອງ ມີ 10 ຄົນ ໃນ 6 ບ້ານ ແລະ 2 ເມືອງ
-ສະຫວັນນະເຂດ ມີ 09 ຄົນ ໃນ 7 ບ້ານ ແລະ 2 ເມືອງ
-ຄຳມ່ວນ ມີ 03 ຄົນ ໃນ 8 ບ້ານ ແລະ 1 ເມືອງ
-ສາລະວັນ ມີ 02 ຄົນ ໃນ 2 ບ້ານ ແລະ 1 ເມືອງ
ສຳລັບ ຄົນເຈັບເສຍຊີວີດ 3 ຄົນ, ລາຍລະອຽດ ດັ່ງນີ້:
ຜູ້ທີ 1. ເພດຍິງ, ອາຍຸ 74 ປີ, ອາຊີບ: ແມ່ເຮືອນ, ບ້ານຢູ່ປະຈຸບັນບ້ານວັງວຽງ, ເມືອງວັງວຽງ, ແຂວງວຽງຈັນ
- ພະຍາດປະຈໍາຕົວ: HTA ກິນຢາປະຈຳ ປິ່ນປົວບັນຫາທາງຈິດໄດ້ຫລາຍປີ ຂາດຢາໄດ້10ປາຍມື້
- ຄົນເຈັບໄດ້ຮັບການສັກຢາວັກຊີນ Johnson & Johnson
- ຕິດເຊື້ອຈາກສະມາຊິກຄົນໃນຄອບຄົວ
- ຜົນກວດຢືນຢັນ 07 ພະຈິກ 2021
- ເວລາ 10:20ໂມງ ຂອງວັນທີ່ 08 ພະຈິກ 2021: ຜູ້ກ່ຽວ ເຂົ້າມາສູນປິ່ນປົວໂຄວິດໂພນໂຮງ ດ້ວຍອາການສະຕິບໍ່ດີ, ປ່ວງໃບ່, ສື່ສານບໍ່ຮູ້ເລື່ອງ, ບໍ່ຫລັບບໍ່ນອນ ເປັນມາໄດ້ 4 ວັນ, ໄຂ້ ໄດ້ 2 ວັນ ກ່ອນເຂົ້າມາສູນປິ່ນປົວ, GCS: 3-4-4
- ວັນທີ 08-13 ພະຈິກ 2021: ໄລຍະການປິ່ນປົວ ຊື່ງການຕອບສະໜອງຂອງຄົນເຈັບ ຕໍ່ການປິ່ນປົວບໍ່ດີ, ຄົນເຈັບມີອາການຊຸດໂຊມລົງເລື້ອຍຯ, ກິນດື່ມບໍ່ໄດ້ ປ້ອນອາຫານຜ່ານທໍ່ ແລະ ບໍ່ຮູ້ສະຕິ
- ມາຮອດເວລາ 22:00 ໂມງ ຂອງວັນທີ 13 ພະຈິກ 2021: ຄົນເຈັບມີພາວະ shock, ຄວາມດັນ ເລືອດຕໍ່າ, ຫາຍໃຈຕຶ້ນ, ແພດໄດ້ສຸມໃສ່ເຊີດຊູເຕັມທີ່, ແຕ່ຄົນເຈັບບໍ່ມີການຕອບສະໜອງ
- ມາຮອດເວລາ 22:40 ໂມງຂອງວັນທີ 13 ພະຈິກ 2021: ຄົນເຈັບເສຍຊີວິດ
ຜູ້ທີ 2. ເພດຍີງ, ອາຍຸ 77 ປີ, ອາຊີບ: ຜູ້ເຖົ້າ, ບ້ານຢູ່ປະຈຸບັນ ບ້ານວຽງຄຳ , ເມືອງປາກກະດິງ, ແຂວງບໍລິຄຳໄຊ
- ພະຍາດປະຈໍາຕົວ: ເບົາຫວານ+ໄຂ້ຫຼັງຊຸດໂຊມ ເປັນມາໄດ້ 2 ປີ ມີປະຫວັດຂາດເລືອດ ແລະ ເຄີຍໃສເລືອດ
- ຄົນເຈັບບໍ່ໄດ້ຮັບການສັກຢາວັກຊີນ
- ຄອບຄົວມີສະມາຊິກ 6 ຄົນ
- ວັນທີ 13 ພະຈິກ 2021: ເຂົ້າໂຮງໝໍ ຊູມຊົນປາກກະດິງ ດ້ວຍອາການອິດເມືອອ່ອນເພຍ ກີນບໍ່ໄດ້ ເວລາ13:47 ໂມງ ທີມແພດເອົາອາການຊິວິດ ແລ້ວນຳສົ່ງໂຮງໝໍແຂວງ
- ເວລາ 14:30 ໂມງ ມາຮອດໂຮງໝໍແຂວງ TA 112/68 , RR 30, P 113 Spo 280% ທີມແພດ ເຫັນວ່າມາແຕ່ເຂດສ່ຽງ ເລີຍ ກວດ RDT ຜົນອອກມາ ພົບເຊື້ອ COVI-19
- ເວລາ 15:00 ໂມງ: ໄດ້ຍ້າຍໄປສູນປີ່ນປົວໂຄວິດຫຼັກ 6
- ເວລາ 17:30 ໂມງ: ຜູ້ກ່ຽວໄດ້ເສຍຊິວິດ
ຜູ້ທີ 3. ເພດຍິງ, ອາຍຸ 50 ປີ, ອາຊີບ: ປະຊາຊົນ, ບ້ານສີໄຄ, ເມືອງສີໂຄດຕະບອງ, ນະຄອນຫລວງ
- ພະຍາດປະຈໍາຕົວ: ຄົນເຈັບມີບັນຫາສຸຂະພາບຈິດ
- ຄົນເຈັບບໍ່ໄດ້ຮັບການສັກຢາວັກຊີນ
- ເວາລາ 21:00 ໂມງ ຂອງວັນທີ 13 ພະຈິກ 2021 ເຂົ້າມາໂຮງໝໍເສດຖາທິລາດ ດ້ວຍອາການບໍ່ຮູ້ສະຕິ (ຢຸດຫາຍໃຈ) ພ້ອມທັງເກັບຕົວຢ່າງມາກວດຊອກຫາພະຍາດໂຄວິດ-19 ແມ່ນພົບເຊື້ອ ແລະ ມື່ດຽວກັນນັ້ນ ຄົນເຈັບໄດ້ເສຍຊີວິດ.
ລາຍງານໂຄວິດ-19 ໃນ ສປປ ລາວ ວັນທີ 14 ພະຈິກ 2021
ຕາມການລາຍງານ ຂອງສູນ ຂ່າວສານການແພດສຸຂະສຶກສາ ໃຫ້ຮູ້ວ່າ:
ລາຍລະອຽດພາຍຫຼັງການຖະແຫຼງຂ່າວປະຈຳວັນ
ລາຍລະອຽດຜູ້ເສຍຊີວິດໃໝ່ ແລະ ຜູ້ຕິດເຊື້ອໃໝ່ 13 ພະຈິກ 2021
ຕາມການລາຍງານ ຂອງຄະສະສະເພາະກິດປະຈຳວັນທີ່ 13 ພະຈິກ 2021 ໃຫ້ຮູ້ວ່າ:
ສໍາລັບ ຄົນເຈັບເສຍຊີວິດ 2 ຄົນໃນມື້ວານນີ້ ດັ່ງນີ້:
ຜູ້ທີ 1, ເພດຍີງ, ອາຍຸ 56 ປີ, ບ້ານແກ້ງຍາງ, ເມືອງຫາດຊາຍຟອງ, ນະຄອນຫລວງວຽງຈັນ
- ພະຍາດປະຈໍາຕົວ: ພະຍາດເບົາຫວານ
- ໄດ້ສັກຢາວັກຊີນ Pfizer ຄົບ 02 ເຂັ້ມ
- ເວລາ 16:00 ໂມງ ຂອງວັນທີ 11 ພະຈິກ 2021: ຜູ້ກ່ຽວເຂົ້າໂຮງຫມໍດ້ວຍ ອາການງ່ວງຊຶມ ແລະ ຫາຍໃຈຝຶດ ພ້ອມທັງເກັບຕົວຢ່າງມາກວດຊອກຫາພະຍາດໂຄ ວິດ-19 ແລະ ຜົນກວດ ແມ່ນພົບເຊື້ອ
- ເວລາ 03:15 ໂມງ ຂອງວັນທີ 12 ພະຈິກ 2021: ຜູ້ກ່ຽວ ໄດ້ເສຍຊີວິດ
- ສາຍເຫດຂອງການເສຍຊີວິດ ແມ່ນຊຸດໂຊມລະບົບຫາຍໃຈ+COVID-19
ຜູ້ທີ 2. ເພດຊາຍ, ອາຍຸ 36 ປີ, ບ້ານຂຸນຕາທ່າ, ເມືອງສີໂຄດຕະບອງ, ນະຄອນຫລວງ
- ພະຍາດປະຈໍາຕົວ: ຄວາມດັນເລືອດສູງ
- ໄດ້ສັກຢາວັກຊີນ J&J – ເວລາ 18:50 ໂມງ ຂອງວັນທີ 06 ພະຈິກ 2021: ຄົນເຈັບເຂົ້າໂຮງຫມໍດ້ວຍອາການ ງ້ວງຊືມ ແລະ ບໍ່ໄດ້ສະຕິ, ພ້ອມທັງເກັບຕົວຢ່າງມາກວດຊອກຫາພະຍາດໂຄວິດ-19 ແລະ ຜົນກວດ ແມ່ນພົບເຊື້ອ
- ໄລຍະເວລານອນປິ່ນປົວ ຢູ່ໂຮງຫມໍດັ່ງກ່າວ ແຕ່ວັນທີ 06-12 ພະຈິກ 2001, ເປັນ ເວລາ 07 ວັນ ອາການບໍ່ດີຂຶ້ນ ແພດຊ່ວບສຸດຄວາມສາມາດ
- ເວລາ 05:57 ໂມງ ຂອງວັນທີ 12 ພະຈິກ 2021: ຜູ້ກ່ຽວ ໄດ້ເສຍຊີວິດ
- ສາຍເຫດຂອງການເສຍຊີວິດ ແມ່ນຊຸດໂຊມລະບົບຫາຍໃຈ +COVID-19
ຂໍ້ມູນໂດຍຫຍໍ້ ກ່ຽວກັບຄົນຕິດເຊື້ອໃຫມ່ 1.032 ຄົນ (ພາຍໃນ 1.018) ມີດັ່ງນີ້
ສໍາລັບການຕີດເຊື້ອໃນຜູ້ທີ່ເດີນທາງເຂົ້າປະເທດມີຈໍານພາຍໃນນັ້ນ 14 ຄົນ ຄື: ບໍ່ແກ້ວ 2 ຄົນ, ນະຄອນຫຼວງ 1 ຄົນ, ບໍລິຄໍາໄຊ 1 ຄົນ ແລະ ສະຫວັນນະເຂດ 10 ຄົນ ນັ້ນແມ່ນໄດ້ມີການເກັບຕົວຢ່າງແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນ ຂອງແຕ່ລະແຂວງແຕ່ມື້ເດີນທາງ ເຂົ້າມາສປປລາວ, ເມືອຜົນກວດເປັນບວກພວກກ່ຽວຈະຖືກນໍາສົ່ງໄປປິ່ນປົວຢູ່ສະຖານທີ່ທີ່ ແຂວງກໍານົດໄວ້ 0 ສ່ວນການຕິດເຊື້ອພາຍໃນປະເທດຈໍານວນ 1.018 ຄົນ ຄື:
1. ນະຄອນຫຼວງ 409 ຄົນ: ມາຈາກ 166 ບ້ານ, ໃນ 8 ເມືອງ
- ເມືອງຈັນທະບູລີ ມີ 15 ບ້ານ (48 ຄົນ)
- ເມືອງສີໂຄດຕະບອງ ມີ 33 ບ້ານ (78 ຄົນ)
- ເມືອງໄຊເສດຖາ ມີ 31 ບ້ານ (99 ຄົນ)
- ເມືອງສີສັດຕະນາກມີ 15 ບ້ານ (26 ຄົນ)
- ເມືອງ ນາຊາຍທອງ ມີ 08 ບ້ານ (15 ຄົນ)
- ເມືອງໄຊທານີ ມີ 33 ບ້ານ (76 ຄົນ)
- ເມືອງຫາດຊາຍຟອງ ມີ 27 ບ້ານ (58 ຄົນ)
- ເມືອງປາກງື່ມ ມີ 04 ບ້ານ ( 07 ຄົນ)
- ຕ່າງແຂວງ (02 ຄົນ)
2. ຫຼວງພະບາງ ມີ 137 ຄົນ ໃນ 26 ບ້ານ ແລະ 8 ເມືອງ
3. ຜົ້ງສາລີ ມີ 97 ຄົນ ໃນ 20 ບ້ານ ແລະ 4 ເມືອງ
4. ວຽງຈັນ ມີ 74 ຄົນ
5. ຄໍາມ່ວນ ມີ 53 ຄົນ ໃນ 4 ບ້ານ ແລະ 1 ເມືອງ
6. ຈໍາປາສັກ ມີ 51 ຄົນ ໃນ 23 ບ້ານ ແລະ 4 ເມືອງ
11.ເຊກອງ ມີ 17 ຄົນ ໃນ 10 ບ້ານ ແລະ 2 ເມືອງ
12. ຫຼວງນ້ໍາທາ ມີ 18 ຄົນ ໃນ 9 ບ້ານ ແລະ 2 ເມືອງ
13. ສະຫວັນນະເຂດ ມີ 03 ຄົນ ໃນ 1 ບ້ານ ແລະ 1 ເມືອງ
14. ຊຽງຂວາງ ມີ 3 ຄົນ ໃນ 2 ບ້ານ ແລະ 2 ເມືອງ
15. ອັດຕະປື ມີ ມີ 3 ຄົນ
16. ສາລະວັນ ມີ 2 ຄົນ ໃນ 2 ບ້ານ ແລະ 2 ເມືອງ
17. ຫົວພັນ ມີ 1 ຄົນ ໃນ 1 ບ້ານ ແລະ 1 ເມືອງ (ເດີນທາງມາແຕ່ຕ່າງແຂວງ)
ລາຍງານໂຄວິດ-19 ປະຈຳວັນທີ 13 ພະຈິກ 2021
ຕາມການລາຍງານຂອງສູນຂ່າວສານການແພດສຸຂະສຶກສາ
ລາຍລະອຽດພາຍຫຼັງຖະແຫຼງຂ່າວປະຈຳວັນ
ອັດຕາການສູບຢາຂອງຄົນລາວ ຍັງສືບຕໍ່ເພີ່ມຂຶ້ນໃນແຕ່ລະປີ
ຄາດຮອດປີ 2030 ສປປ ລາວ ຈະມີຄົນເສຍຊີວິດຍ້ອນພະຍາດທີ່ເກີດຈາກຢາສູບ 6.700 ຄົນຕໍ່ປີ
ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ໄດ້ກ່າວ ໃນວາລະກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ຕອນເຊົ້າຂອງວັນທີ 12 ພະຈິກ 2021 ໃນການນຳສະເໜີ ຮ່າງກົດໝາຍວ່າດ້ວຍການຄວບຄຸມຢາສູບ (ສະບັບປັງປຸງ) ວ່າ: ຈາກການສຳຫຼວດລະດັບຊາດ ກ່ຽວກັບການສູບຢາ ສະແດງໃຫ້ເຫັນວ່າ ອັດຕາການສູບຢາຂອງຄົນລາວ ຍັງສືບຕໍ່ເພີ່ມຂຶ້ນຈາກ 25,5% ໃນປີ 2012 ເປັນ 27,9% ໃນປີ 2015 ແລະ ການສໍາຫຼວດໃນໄວໜຸ່ມ ອາຍຸ 13-15 ປີ ໃນປີ 2016 ພົບວ່າ ຊາວໜຸ່ມນໍາໃຊ້ຢາສູບໄຟຟ້າເພີ່ມຂຶ້ນ ໃນນັ້ນ, ເພດຊາຍ 5% ແລະ ຍິງ 3,7%.
ອີງຕາມການສຶກສາຄ່າໃຊ້ຈ່າຍລະດັບຊາດ ປີ 2009 ຂອງການປິ່ນປົວພະຍາດທີ່ເກີດຈາກຢາສູບເຊັ່ນ: ເສັ້ນເລືອດໃນສະໜອງຕີບ-ຕັນ-ແຕກ, ປອດອຸດຕັນຊໍ້າເຮື້ອ ແລະ ມະເຮັງປອດ ເຊິ່ງການເຂົ້ານອນໂຮງໝໍພຽງເທື່ອດຽວ ຈະມີມູນຄ່າຫຼາຍກວ່າ 28 ຕື້ກີບ ຫຼື ເທົ່າກັບ 0,08% ຂອງລາຍຮັບແຫ່ງຊາດ ຫຼື 22% ຂອງຄ່າໃຊ້ຈ່າຍໃນວຽກກງານສາທາລະນະສຸກຂອງ ສປປ ລາວ.
ໃນນີ້, 77% ຄອບຄົວເປັນຜູ້ຈ່າຍ, 21% ແມ່ນລັດຖະບານ ແລະ ປະກັນສຸຂະພາບ ຈ່າຍໃຫ້ພຽງ 2% ເທົ່ານັ້ນ.
ໃນປີ 2019, ອົງການສະຫະປະຊາຊາດ ແລະ ອົງການອະນາໄມໂລກ ຄິດໄລ່ຄ່າໃຊ້ຈ່າຍທາງກົງ ແລະ ທາງອ້ອມ ໃນການປິ່ນປົວພະຍາດທີ່ເກີດຈາກການສູບຢາໃນລາວ ສູງເຖິງ 350 ລ້ານໂດລາຕໍ່ປີ ຫຼື ປະມານ 2,3% ຂອງລວມຍອດຜະລິດຕະພັນພາຍໃນ (GDP).
ນອກຈາກນີ້, ຂໍ້ມູນຂອງອົງການອະນາໄມໂລກ ຍັງໃຫ້ຮູ້ວ່າ ທົ່ວໂລກມີຄົນຕາຍຍ້ອນພະຍາດທີ່ເກີດຈາກຢາສູບ ປະມານ 8 ລ້ານຄົນຕໍ່ປີ ແລະ ຖ້າຂາດມາດຕະການຄວບຄຸມຢາສູບທີ່ມີປະສິດທິຜົນ ຈະສືບຕໍ່ເພີ່ມຂຶ້ນເປັນ 10 ລ້ານຄົນຕໍ່ປີ ພາຍໃນປີ 2030 ແລະ ສຳລັບ ສປປ ລາວ ມີຄົນເສຍຊີວິດປະມານ 6.700 ຄົນຕໍ່ປີ ຫຼື ປະມານ 18 ຄົນຕໍ່ມື້.
ອະນຸຍາດໃຫ້ຜູ້ຕິດເຊື້ອໂຄວິດ-19 ຕາມເງື່ອນໄຂ ປິ່ນປົວຢູ່ເຮືອນແລ້ວ
ສຶກສາໃຫ້ລະອຽດ! ກະຊວງສາທາລະນະສຸກອະນຸຍາດໃຫ້ຜູ້ປ່ວຍໂຄວິດ-19 ທີ່ມີອາການເບົາບາງ ແລະ ບໍ່ມີອາການ ສາມາດປິ່ນປົວເອງຢູ່ບ້ານໄດ້ແລ້ວ ແຕ່ຕ້ອງແມ່ນຜູ້ທີ່ມີເງື່ອນໄຂຂໍ້ທີ່ກຳນົດໄວ້ຕໍ່ໄປນີ້:
ສຳລັບຄົນຕິດເຊື້ອໂຄວິດແບບໃດຈຶ່ງຖືກກັບເງື່ອນໄຂທີ່ຈະຕິດຕາມຢູ່ເຮືອນ:
- ລະດັບອົກຊີແຊນໃນເລືອດສູງກວ່າ ຫຼື ເທົ່າກັບ 95% (ຖ້າມີເຄື່ອງວັດແທກອົກຊີແຊນຢູ່ໃນເລືອດ ).
- ອັດຕາການຫາຍໃຈຕ່ຳກວ່າ 25 ເທື່ອ/ນາທີ.
- ຫາຍໃຈສະດວກ
- ໄດ້ຮັບການສັກວັກຊີນຄົບທຸກເຂັມທີ່ແນະນຳ
- ມີອາການເບົາບາງເຊັ່ນ ເຈັບຄໍ, ນ້ຳມູກຍ້ອຍ, ຕັນດັງ.
- ອາຍຸບໍ່ເກີນ 60 ປີ ແລະ ບໍ່ມີພະຍາດປະຈຳໂຕເຊັ່ນ: ພະຍາດຫຼອດເລືອດຫົວໃຈ, ພະຍາດເບົາຫວານ, ພະຍາດປອດຊຳເຮື້ອ, ມະເຮັງ, ພະຍາດຫຼອດເລືອດໃນສະໝອງ, ພະຍາດໄຂ່ຫຼັງ ແລະ ພະຍາດອື່ນໆ.
- ບໍ່ຖືພາ
- ຖ້າຄົນເຈັບມີອາການບໍ່ດີຂື້ນ ໃຫ້ໂທຫາສາຍດ່ວນ 164
ສຳລັບການແຍກດ່ຽວຢູ່ເຮືອນທີ່ປອດໄພ: ມີສະມາຊິກໃນຄອບຄົວຜູ່ທີ່ມີສຸຂະພາບແຂງແຮງ (ບໍ່ມີພະຍາດປະຈຳຕົວ)ໃຫ້ການດູແລເບິ່ງແຍງ. ຜູ່ຕິດເຊື້ອຕ້ອງແຍກດ່ຽວອອກຈາກສະມາຊິກຄອບຄົວ (ໂດຍມີສະຖານທີ່ແຍກປ່ຽວຕົນເອງເປັນເວລາ 14 ມື້). (ລາຍລະອຽດໃຫ້ເບີ່ງຂໍ້ 4.3 ຂ້າງລຸ່ມ)
-ຈະຕິດຕາມສຸຂະພາບຜູ່ຕິດເຊື້ອ COVID-19 ໄດ້ຄືແນວໃດ? ພະຍາດ COVID-19 ຍັງບໍ່ມີຢາປິ່ນປົວສະເພາະ, ມີແຕ່ວິທີການຮັກສາສຸຂະພາບທົ່ວໄປເຊັ່ນ: ດື່ມນໍ້າໃຫ້ພຽງພໍຢ່າງໜ້ອຍ 2 ລິດຕໍ່ມື້ ແລະ ກິນອາຫານໃຫ້ພຽງພໍຖືກຕາມຫຼັກໂພຊະນາການ, ໃຫ້ຢາລົດໄຂ້ຖ້າມີອາການໄຂ້ສູງ ແລະ ອື່ນໆ.
-ກະກຽມຢາພື້ນຖານທີ່ຈໍາເປັນເຊັ່ນ: Paracetamol, Berberine, ORS, Multivitamine, ແຕ່ບໍ່ແນະນຳໃຫ້ຢາຕ້ານເຊື້ອ ແລະ ຢາ Steroid ເພື່ອປິ່ນປົວພະຍາດ COVID-19 ທີ່ບໍມີອາການ ແລະ ອາການເບົາບາງ.
-ຖ້າຜູ່ຕິດເຊື້ອເລີ່ມມີອາການຫາຍໃຈຍາກ ຫຼື ອາການອື່ນໆ ທີ່ຜູ່ຕິດເຊື້ອ ຫລື ສະມາຊິກໃນຄອບຄົວເຫັນວ່າຕ້ອງໄດ້ຮັບການຕິດຕາມປິ່ນປົວຈາກແພດໝໍ: ໂທຫາສາຍດ່ວນ 164.
ສຳລັບສະຖານທີ່ຕິດຕາມສຸຂະພາບຕົນເອງ ແລະ ຂອບເຂດທີ່ໃຊ້ຮ່ວມກັນຢູ່ເຮືອນ
- ແຍກຜູ່ຕິດເຊື້ອອອກຈາກທຸກຄົນທີ່ຢູ່ໃນເຮືອນ.
- ແຍກຜູ່ຕິດເຊື້ອອອກຈາກສະມາຊິກໃນຄອບຄົວໂດຍສະເພາະຜູ່ທີ່ມີຄວາມສ່ຽງສູງ ເຊັ່ນ: ອາຍຸສູງກວ່າ 60 ປີ, ແມ່ຍິງຖືພາ, ຜູ່ທີ່ເປັນພະຍາດຫົວໃຈ, ປອດ, ໄຂ່ຫຼັງ ຫຼື ຕັບ, ພະຍາດເບົາຫວານ ແລະ ມະເຮັງ.
- ຜູ່ຕິດເຊື້ອຄວນຢູ່ຕາມລຳພັງໃນຫ້ອງທີ່ມີລົມລ່ວງດີ, ໄຂປ່ອງຢ້ຽມ ແລະ ປະຕູ ເພື່ອໃຫ້ອາກາດມີການຖ່າຍເທໃນຫ້ອງຜູ່ຕິດເຊື້ອ.ການໃຊ້ຫ້ອງນ້ຳຄວນແຍກຕ່າງຫາກ, ຖ້າຫາກວ່າບໍສາມາດແຍກໄດ້ ແມ່ນໃຫ້ໃຊ້ຢາຂ້າເຊື້ອສີດພົ່ນຫຼັງຈາກການນຳໃຊ້ທຸກຄັ້ງ.
- ທຸກໆສະຖານທີ່ ທີ່ໃຊ້ຮ່ວມກັນຄວນເປັນບ່ອນທີ່ມີອາກາດລ່ວງດີ ແລະ ຕ້ອງອະນາໄມຂ້າເຊື້ອເປັນປະຈຳ.ຖ້າຢູ່ໃນເຮືອນມີຜູ່ຕິດເຊື້ອພະຍາດ COVID-19 ຫຼາຍກ່ວາ 1 ຄົນ, ຜູ່ຕິດເຊື້ອທຸກຄົນຄວນຈະຢູ່ເຮືອນ ຫຼັງດຽວກັນ (ຕ້ອງແຈ້ງອຳນາດການປົກຄອງໃຫ້ຮັບຮູ້ຢ່າງຮີບດ່ວນ).
- ຜູ່ດູແລເບີ່ງແຍງຜູ່ຕິດເຊື້ອ ຫຼີກລ່ຽງການເຂົ້າໄປຢູ່ໃນຫ້ອງດຽວກັນກັບຜູ່ຕິດເຊື້ອ
- ຈໍາກັດຈໍານວນຄົນທີ່ມີການສຳຜັດຕິດຕໍ່ພົວພັນກັບຜູ່ຕິດເຊື້ອ, ຄວນມີຜູ່ດູແລເບິ່ງແຍງພຽງຄົນດຽວເທົ່ານັ້ນ.ຕ້ອງເປັນຄົນມີສຸຂະພາບແຂງແຮງ ບໍມີພະຍາດປະຈຳຕົວ
- ຕ້ອງໃສ່ຜ້າອັດປາກ-ດັງ ທຸກຄັ້ງທີ່ຢູ່ໃກ້ກັບຜູ່ຕິດເຊື້ອ ແລະ ຖອດຜ້າອັດປາກ-ດັງ ອອກທັນທີພາຍຫຼັງສຳເລັດການດູແລ.ຕ້ອງລ້າງມືດ້ວຍນ້ຳໃສ່ສະບູ ຫລື ເຫຼົ້າ 70-90 ເລື້ອຍໆ;ຄວນຫລີກລ່ຽງການຕິດຕໍ່ພົວພັນທາງຮ່າງກາຍກັບຜູ່ຕິດເຊື້ອ (ເຊັ່ນ: ກອດ, ຈັບມື ແລະ ອື່ນໆ)
- ບໍ່ອະນຸຍາດໃຫ້ຄົນທາງນອກມາຢ້ຽມຢາມເຮືອນ.
ສຳລັບອຸປະກອນປ້ອງກັນຕົນເອງ ແລະ ການອະນາໄມ
- ຜູ່ຕິດເຊື້ອຕ້ອງໃສ່ຜ້າອັດປາກ-ດັງ ຕະຫຼອດເວລາທີ່ຢູ່ນອກຫ້ອງຂອງຕົນເອງ.
- ບໍ່ຄວນໃຊ້ມືຈັບບາຍຜ້າອັດປາກ-ດັງໃນຂະນະທີ່ໃສ່ ແລະ ຫຼັງຈາກຖອດແລ້ວບໍ່ຄວນນຳມາໃຊ້ຊ້ຳຄືນອີກ.
- ທຸກໆຄົນໃນເຮືອນຕ້ອງລ້າງມືໃສ່ສະບູ ຫລື ເຫຼົ້າ 70-90, ໂດຍສະເພາະ ກ່ອນການກຽມອາຫານ, ກ່ອນກິນເຂົ້າ, ຫຼັງຈາກໄປຫ້ອງນ້ຳ, ຫຼັງຈາກໄອ ຫຼື ຈາມ.
ສຳລັບກິດຈະກຳປະຈຳວັນ:
- ໃຫ້ຜູ່ຕິດເຊື້ອແຍກເຄື່ອງໃຊ້ປະຈຳວັນອອກຈາກຄົນອື່ນໃນຄອບຄົວ ເຊັ່ນ: ຈອກ, ຖ້ວຍຈານ ແລະ ບ່ວງສ້ອມ/ໄມ້ຖູ່. ໃຫ້ລ້າງດ້ວຍນ້ຳຢາ ຫຼັງຈາກທີ່ໃຊ້ແລ້ວ.
- ແຍກຊັກຕ່າງຫາກສຳລັບຜ້າປູຕຽງ, ຜ້າເຊັດໂຕ, ເຄື່ອງນຸ່ງຫົ່ມ…. ຫ້າມຜູ່ຕິດເຊື້ອອອກຈາກເຮືອນ ແລະ ຜູ່ດູແລເບິ່ງແຍງຜູ້ຕິດເຊື້ອ ກໍ່ຄວນຫລີກລ່ຽງການສຳຜັດໄກ້ຊິດກັບຄົນອື່ນໆ ຢູ່ໃນຊຸມຊົນ.
- ໃນກໍລະນີທີ່ເຂົາເຈົ້າຈຳເປັນຕ້ອງອອກໄປນອກເຮືອນເຊັ່ນ: ການໄປຊື້ເຄື່ອງໃຊ້, ຄວນໃຫ້ ສະມາຊິກໃນຄອບຄົວຄົນອື່ນໄປຊື້ໃຫ້.
ສຳລັບການຕິດຕາມສຸຂະພາບ: ຜູ່ດູແລເບິ່ງແຍງຜູ່ຕິດເຊື້ອ ຄວນຕິດຕາມສຸຂະພາບຂອງຜູ່ຕິດເຊື້ອເປັນປະຈຳ, ຖ້າຜູ່ຕິດເຊື້ອມີບັນຫາໃນການຫາຍໃຈຍາກ ຫຼື ອາການອື່ນໆ ທີ່ຜູ່ຕິດເຊື້ອ ຫລື ສະມາຊິກໃນຄອບຄົວເຫັນວ່າ ຕ້ອງໄດ້ຮັບການຕິດຕາມປິ່ນປົວຈາກແພດໝໍ: ໃຫ້ໂທຫາສາຍດ່ວນ 164.
ສຳລັບໄລຍະເວລາໃນການແຍກດ່ຽວຢູ່ເຮືອນ:
- ຕ້ອງແຍກດ່ຽວຕົນເອງຢ່າງໜ້ອຍ 14 ວັນ ນັບແຕ່ມື້ທີ່ຮູ້ຜົນກວດຊອກຫາເຊື້ອເປັນບວກ
- ຖ້າມີອາການເບົາບາງ ແມ່ນໃຫ້ຈຳກັດຕົນເອງຕື່ມອີກ 3 ວັນ
- ຫຼັງຈາກຄົບກຳນົດການແຍກດ່ຽວແລ້ວ ແມ່ນສາມາດດຳລົງຊີວິດປົກະຕິແບບໃໝ່
ສຳລັບແມ່ທີ່ລ້ຽງລູກດ້ວຍນົມ ແລະ ລູກນ້ອຍ
- ເດັກນ້ອຍເກີດໃໝ່ຈາກແມ່ທີ່ຕິດເຊື້ອພະຍາດ COVID-19 ຄວນປະຕິບັດຕາມຄຳແນະນຳ ກ່ຽວກັບການໃຫ້ນົມລູກທີ່ເປັນມາດຕະຖານຂອງ ສປປ ລາວ. ເຊິ່ງໝາຍຄວາມວ່າແມ່ຄວນໃຫ້ນົມລູກພາຍໃນ 1 ຊົ່ວໂມງຫຼັງເກີດ ແລະ ການລ້ຽງລູກດ້ວຍນົມແມ່ຄວນສືບຕໍ່ເປັນເວລາ 6 ເດືອນ.
- ຖ້າຫາກແມ່ທີ່ຕິດເຊື້ອພະຍາດ COVID-19, ແມ່ຄວນໃສ່ຜ້າອັດປາກດັງ ໃນເວລາໃຫ້ນົມລູກ. ລ້າງມືກ່ອນ ແລະ ຫຼັງຈາກສຳພັດກັບເດັກ, ອະນາໄມຂ້າເຊື້ອຢ່າງເປັນປົກກະຕິ.
- ແມ່ ແລະ ເດັກເກີດໃໝ່ ຄວນໄດ້ຮັບການແນະນຳໃຫ້ສຳຜັດກັບຜິວໜັງລະຫວ່າງແມ່ກັບລູກ ແລະ ຄວນສືບຕໍ່ເຮັດແບບນີ້ເລື້ອຍໆທັງກາງເວັນ ແລະ ກາງຄືນ, ໂດຍສະເພາະຫຼັງຈາກເກີດໃນໄລຍະທີ່ລ້ຽງລູກດ້ວຍນົມແມ່.
ສຳລັບການອະນາໄມ ແລະ ຂ້າເຊື້ອຢູ່ເຮືອນ ຕ້ອງອະນາໄມຫ້ອງທຸກວັນ:
- ອະນາໄມດ້ວຍນ້ຳສະບູຝຸ່ນ (ແຟັບ) ແລະ ຂ້າເຊື້ອດ້ວຍນ້ຳຢາຂ້າເຊື້ອ ທີ່ມີຄວາມເຂັ້ມຂຸ້ນ 0.1% ຫຼື ນ້ຳຢາຊັກຜ້າຂາວຕາມອັດຕາສ່ວນທີ່ກຳນົດໄວ້ໃນຜະລິດຕະພັນ.
- ສຳລັບພື້ນທີ່ຄັບແຄບ ຫຼື ມູມຫ້ອງ ໃຫ້ໃຊ້ເຫຼົ້າ 70-90 ຫຼື ນ້ຳຢາຂ້າເຊື້ອ,
- ບໍ່ຄວນນຳໃຊ້ບັ້ງສີດ ທີ່ມີຄວາມດັນສູງ ສີດໃສ່ພື້ນໂດຍກົງເພື່ອຫຼີກລ່ຽງການກະຈາຍຂອງເຊື້ອພະຍາດ ແຕ່ລຸ່ມຂຶ້ນເທິງ,
- ອະນາໄມ ແລະ ຂ້າເຊື້ອ ວັດຖຸສິ່ງຂອງ ຫຼື ບ່ອນທີ່ມີການສຳຜັດເລື້ອຍໆເຊັ່ນ: ບ່ອນຮັບຕ້ອນ, ໂຕະ, ຕັ່ງ, ປຸ່ມກົດລິບ, ລູກບິດປະຕູ, ມືຈັບປະຕູ, ຫ້ອງນ້ຳ ແລະ ອື່ນໆ…
- ຫຸ້ມຫໍ່ຣີໂມດທຸກປະເພດເຊັ່ນ: ຣີໂມດໂທລະພາບ, ແອ…ດ້ວຍພຣາດສະຕິກ ທີ່ງ່າຍໃນການເຊັດຂ້າເຊື້ອ;
- ຜ້າຕ່າງໆ ທີ່ໃຊ້ໃນຫ້ອງນອນ ຕ້ອງຊັກດ້ວຍສະບູຝຸ່ນ ແລະ ນ້ຳຮ້ອນ 100 ອົງສາເຊ ຂຶ້ນໄປ, ເມື່ອໃຊ້ນ້ຳເຢັນຊັກ ຕ້ອງໃຊ້ນ້ຳຢາຊັກຜ້າຂາວ ທີ່ໄດ້ເຈືອຈາງກັບນ້ຳສະອາດ (ກໍລະນີອະນາໄມຂ້າເຊື້ອທົ່ວໄປ),
- ຜູ່ອະນາໄມ ຕ້ອງໃສ່ຜ້າອັດປາກ-ດັງ, ແວ່ນປ້ອງກັນຕາ, ຖົງມື, ຜ້າກັນເປື້ອນ, ໝວກ, ເກີບໂບກ ໃນເວລາເຮັດ ອະນາໄມທຸກຄັ້ງ.
ການຈັດການຂີ້ເຫຍື້ອ ແລະ ສິ່ງເສດເຫຼືອໃນຄົວເຮືອນ
- ຂີ້ເຫຍື້ອທຸກຊະນິດ ໃຫ້ຖີ້ມໃສ່ຖົງຢາງສອງຊັ້ນ ແລ້ວພົ່ນດ້ວຍນ້ຳຢາຂ້າເຊື້ອ ທີ່ມີຄວາມເຂັ້ມຂຸ້ນ 0.5 – 1% ກ່ອນ ຈິ່ງມັດປາກຖົງຢາງໃຫ້ແໜ້ນ.ສານຂັບລັ່ງ ແລະ ສີ່ງປົນເປື້ອນອອກຈາກຮ່າງກາຍຂອງຜູ່ຕິດເຊື້ອເຊັ່ນ: ຂີ້ກະເທິ່, ນ້ຳມູກ, ນ້ຳລາຍ, ຮາກ, ເລືອດ, ອາຈົມ, ນ້ຳປັດສະວະ ແລະ ເຍື່ອເມືອກຕ່າງໆ ຕ້ອງໃສ່ຖົງຢາງ 2 ຊັ້ນ ມັດປາກຖົງໃຫ້ແໜ້ນ ແລ້ວພົ່ນຂ້າເຊື້ອ ດ້ວຍນ້ຳຢາຄຼໍລີນທີ່ມີຄວາມເຂັ້ມຂຸ້ນ 0.5 – 1% ຫຼື ເຫຼົ້າ 70% ປະໄວ້ 30 ນາທີ ຈິ່ງນຳໄປຖີ້ມໃສ່ຖັງຂີ້ເຫຍື້ອຕິດເຊື້ອ ທີ່ມີຝາປິດ ກ່ອນນຳໄປຈຸດທ້ອນໂຮມຂີ້ເຫຍື້ອ.
- ການເກັບລວບລວມ: ເພື່ອຮັບປະກັນບໍ່ໃຫ້ມີສັດມາລົບກວນ ແລະ ສະດວກ ໃນການເຄື່ອນຍ້າຍ ຂີ້ເຫຍື້ອແຕ່ລະຈຸດ ຕ້ອງໃຫ້ຕິດສະຫຼາກ ກຳກັບວ່າຂີ້ເຫຍື້ອອັນຕະລາຍ, ໃສ່ຂີ້ເຫຍື້ອບໍ່ໃຫ້ເກີນ 3/4 ຂອງຖົງ ແລະ ມັດປາກຖົງໃຫ້ແໜ້ນ ແລ້ວນໍາໄປລວບລວມຢູ່ຈຸດທ້ອນໂຮມ ພາຍໃນ 24 ຊົ່ວໂມງ.
- ການທ້ອນໂຮມ: ຕ້ອງກໍານົດສະຖານທີ່ທ້ອນໂຮມຂີ້ເຫຍື້ອສະເພາະ ບໍ່ໃຫ້ປົນກັບຂີ້ເຫຍື້ອທົ່ວໄປເດັດຂາດ, ສຳລັບ ຖັງຂີ້ເຫຍື້ອຢູ່ຈຸດທ້ອນໂຮມ ຕ້ອງມີລໍ້ຍູ້, ມີຝາປິດ.
- ຕ້ອງລ້າງມືທຸກໆຄັ້ງ ຫຼັງຈາກຈັບ ຫຼື ສຳພັດຖົງຂີ້ເຫຍື້ອ
ບໍ່ລອດ! ກັກຕົວເປົ້າໝາຍລັກເຫຼັກໄດ້ ລວມ 100 ກ່ວາໂລ
ຈຸດປ້ອງກັນທາງລົດໄຟຫ້ວຍນໍ້າເຢັນກັກຕົວເປົ້າໝາຍລັກເຫຼັກນໍ້າໜັກລວມ 100 ກວ່າກິໂລກຣາມ
ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 09 ພະຈິກ 2021, ເຈົ້າໜ້າທີ່ຕຳຫຼວດປ້ອງກັນເສັ້ນທາງລົດໄຟລາວ-ຈີນ ປະຈຳຈຸດບ້ານຫ້ວຍນໍ້າເຢັນ ເມືອງນາຊາຍທອງ ນະຄອນຫຼວງວຽງຈັນ ໄດ້ຈັບຕົວຜູ້ກໍ່ເຫດລັກຊັບ (ແຜ່ນເຫຼັກ) ໄດ້ 2 ຄົນ ພ້ອມຂອງກາງ ເຫຼັກແຜ່ນໂຕນທີ່ໃຊ້ເຂົ້າໃນການກໍ່ສ້າງເສັ້ນທາງລົດໄຟລາວ-ຈີນ ຂະໜາດກວ້າງ 1 ແມັດ, ຍາວ 1.20 ແມັດ ໜັກ 100 ກິໂລກຣາມ ມູນຄ່າ 1.900.000 ກີບ; ຫຼັງຈາກນັ້ນຈື່ງໄດ້ສົ່ງຕົວພວກກ່ຽວໃຫ້ ພະແນກຕໍາຫຼວດສືບສວນ-ສອບສວນຄະດີອາຍາ ປກສ ເມືອງນາຊາຍທອງ ນວ.
ຜ່ານການສອບສວນຂອງເຈົ້າໜ້າທີ່ພະແນກຕຳຫຼວດ ປກສ ເມືອງນາຊາຍທອງເບື້ອງຕົ້ນໃຫ້ຮູ້ວ່າ: ພວກກ່ຽວທັງ 2 ຄົນຊື່ທ້າວ ວັນສີ ອາຍຸ 34 ປີ ແລະ ທ້າວ ເຕດ ອາຍຸ 26 ປີ ກຳມະກອນ ຢູ່ບ້ານສີສະຫວາດ ເມືອງນາຊາຍທອງ ນວ ແລະ ພວກກ່ຽວໄດ້ຮັບສາລະພາບວ່າ: ໃນເວລາ 17:00 ໂມງ ຂອງວັນທີ 9 ພະຈິກ 2021 ໄດ້ຊວນກັນອອກໄປລັກເອົາເຫຼັກຢູ່ເຂດການກໍ່ສ້າງເສັນທາງລົດໄຟລາວ-ຈີນ ເຂດບ້ານຫ້ວຍນໍ້າເຢັນ ເມືອງນາຊາຍທອງ ເມື່ອໄປຮອດຈຸດດັ່ງກ່າວ ໄດ້ພ້ອມກັນລົງມືລັກເອົາເຫຼັກເເຜ່ນໂຕນຈຳນວນ 1 ແມັດ ແລະ ໃນຂະນະທີ່ກຳລັງເຄື່ອນຍ້າຍອອກມາຈາກຈຸດດັ່ງກ່າວ ຈື່ງຖືກເຈົ້າໜ້າທີ່ປ້ອງກັນເສັ້ນທາງລົດໄຟລາວ-ຈີນຈັບຕົວໄດ້ກ່ອນ. ປັດຈຸບັນຄະດີດັ່ງກ່າວເຈົ້າໜ້າທີ່ ພະແນກຕຳຫຼວດ ປກສ ເມືອງນາຊາຍທອງ ນວ ກຳລັງເລັ່ງສະຫຼຸບສຳນວນຄະດີເພື່ອສົ່ງໃຫ້ໄອຍະການສົົ່ງຟ້ອງສານຕັດສິນລົງໂທດຕາມກົດໝາຍ.
ກອງບັນຊາການ ປກສ ນວ ຮຽກຮ້ອງມາຍັງປະຊາຊົນ ຊາວນະຄອນຫຼວງວຽງຈັນ ຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ປະຕິບັດພັນທະໃນການຮັກສາຄວາມສະຫງົບໃນສັງຄົມ ແລະ ປະຕິບັດຕາມລະບຽບກົດໝາຍ ຖ້າຫາກພົບເຫັນການເຄື່ອນໄຫວທີ່ຜິດຕໍ່ກົດ ໝາຍອັນນໍາໄປສູ່ຄວາມບໍ່ສະຫງົບ ໃຫ້ຮີບຮ້ອນລາຍງານມາຊ່ອງທາງວອດແອັບເບີ 020 28899774 ຫຼື ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.
ອຸດົມໄຊປິ່ນປົວຜູ້ປ່ວຍໂຄວິດ-19 ຫາຍດີຕື່ມ 5 ຄົນ
ຊົມເຊີຍທີມແພດໂຮງໝໍແຂວງທີມງານ ແພດ-ໝໍ ໂຮງໝໍແຂວງອຸດົມໄຊ ສຳເລັດການປິ່ນປົວຜູ້ຕິດເຊື້ອໂຄວິດ-19 ອີກ 5 ຄົນ.
ໃນວັນທີ 12 ພະຈິກນີ້ ທີມງານ ແພດ-ໝໍ ໂຮງໝໍ ແຂວງອຸດົມໄຊ ໄດ້ສຳເລັດການປິ່ນປົວຜູ້ທີ່ຕິດເຊື້ອໂຄວິດ-19 ຈຳນວນ 5 ຄົນ ພາຍຫຼັງທີ່ໄດ້ປິ່ນປົວຕາມຫຼັກວິຊາການທາງການແພດ.
ທ່ານ ດຣ ສຸລິດເດດ ກິ່ງຄຳ ຮອງອຳນວຍການໂຮງໝໍ ແຂວງອຸດົມໄຊ ໄດ້ໃຫ້ຮູ້ວ່າ: ສຳລັບຜູ້ທີ່ຕິດເຊື້ອໂຄວິດ-19 ຫາຍດີ ຈຳນວນ 5 ກໍລະນີນີ້ ເປັນເພດຍິງ 3 ກໍລະນີ ຜູ້ຕິດເຊື້ອຈຳນວນດັ່ງກ່າວແມ່ນມີອາການຕິດເຊື້ອທໍາມາດາ ຜ່ານການ ຕິດຕາມ ປິ່ນປົວ ຕາມຫຼັກວິຊາການທາງການແພດ ແລະ ໄດ້ກວດວິເຄາະຫາເຊື້ອແຕ່ລະໄລຍະ ຜົນກວດອອກມາເປັນລົບ (ບໍ່ພົບເຊື້ອ)
ດັ່ງນັ້ນ ໂຮງໝໍແຂວງອຸດົມໄຊ ຈິ່ງໄດ້ອອກໃບຍັ້ງຢືນ ສົ່ງກັບຄືນສູ່ຄອບຄົວ ແລະ ບ້ານ ພ້ອມທັງໄດ້ແນະນຳໃຫ້ສືບຕໍ່ກັກບໍລິເວນຕົນເອງໄປຕື່ມອີກ 7 ວັນ ຖ້າຫາກມີອາການທີ່ກ່ຽວຂ້ອງ ຫຼື ຄ້າຍຄືພະຍາດໂຄວິດ-19 ແມ່ນໃຫ້ຕິດຕໍ່ ທີມງານແພດ-ໝໍ ເພື່ອເກັບຕົວຢ່າງກວດວິເຄາະ ທີ່ສຳຄັນແມ່ນໃຫ້ປະຕິບັດຕາມຫຼັກການທີ່ທີມງານແພດ-ໝໍ ໄດ້ແນະນຳຢ່າງເຄັ່ງຂັດ ຖ້າຫາກບໍ່ມີອາການໃດໆ ຈິ່ງຄ່ອຍດຳເນີນຊີວິດແບບປົກກະຕິຮ່ວມກັບສັງຄົມ.
ທ່ານກ່າວຕື່ມອີກວ່າ: ປັດຈຸບັນ ຍັງມີຜູ້ຕິດເຊື້ອພະຍາດໂຄວິດ-19 ທີ່ພວມກຳລັງປິ່ນປົວຢູ່ສູນຕ່າງໆພາຍໃນແຂວງອຸດົມໄຊ ຈຳນວນ 303 ຄົນ.
ຂ່າວ: ສີຈັນ ເກດວົງສາ, ກວດແກ້: ອ່ຽງຄຳ ວິລະສັກ