ຂໍ້ມູນຈາກ: ສູນຂ່າວສານການແພດສຸຂະສຶກສາ

ລາຍລະອຽດພາຍຫຼັງ.

ປກສ ເມືອງສີສັດຕະນາກ ສືບຕໍ່ໃຊ້ມາດຕະການ ຕໍ່ຮ້ານອິນເຕີເນັດກາເຟ ທີ່ລະເມີດຄຳສັ່ງ

ໃນວັນທີ 22 ພະຈິກ 2021 ພະແນກສັນຕິບານ ກອງບັນຊາການ ປກສ ເມືອງສີສັດຕະນາກ ນວ ສົມທົບກັບອຳນາດການປົກຄອງບ້ານໂພນປ່າເປົ້າ ກວດພົບເຫັນຮ້ານອິນເຕີເນັດກາເຟ1 ຮ້ານ ລັກເປີດເຕີມເຊີ ຢູ່ບ້ານໂພນປ່າເປົ້າ ໜ່ວຍ 24 ເຮືອນເລກທີ 494 ເມືອງສີສັດຕະນາກ ທີ່ເປັນການລະເມີດຕໍ່ແຈ້ງການ 40/ສພກ ນວ.

ຜ່ານການກວດກາຂອງເຈົ້າໜ້າທີ່ ຈິ່ງຮູ້ໄດ້ວ່າ: ຮ້ານດັ່ງກ່າວ ເປັນຮ້ານຂອງ ນາງ ວົງສາຍຄຳ ອາຍຸ 30 ປີ ອາຊີບຄ້າຂາຍ ທີ່ລັກເປີດໃຫ້ບໍລິການລູກຄ້າເຕີມເຊີ ( ຫຼີ້ນການພະນັນອອນລາຍ ) ຢູ່ພາຍໃນຮ້ານພົບເຫັນຄອມພິວເຕີ 1 ຊຸດ, ພ້ອມດ້ວຍອຸປະກອນປິ່ນເຊີ ຈຳນວນ 01 ອັນ, ເຈົ້າໜ້າທີ່ ຈຶ່ງໄດ້ຢຶດອຸປະກອນຈຳນວນດັ່ງກ່າວ ພ້ອມທັງໃຫ້ຢຸດເຊົາ ຈົນກວ່າຈະໄດ້ຮັບການແກ້ໄຂ. ສໍາລັບເຈົ້າຂອງຮ້ານ ເຈົ້າໜ້າທີ່ ໄດ້ສົມທົບກັບພາກສ່ວນກ່ຽວຂ້ອງ ໄດ້ເຊີນຜູ້ກ່ຽວມາສຶກສາອົບຮົມ, ກ່າວເຕືອນ ແລະ ປັບໃໝຕາມລະບຽບການ.

ກອງບັນຊາການ ປກສ ນວ ຮຽກຮ້ອງມາຍັງເຈົ້າຂອງກິດຈະການ, ບັນດາຫົວໜ່ວຍທຸລະກິດ ໃຫ້ປະຕິບັດຕາມຄຳສັ່ງ ແລະ ແຈ້ງການ ຂອງຂັ້ນເທິງວາງອອກຢ່າງເຂັ້ມງວດ ຖ້າຍັງສືບຕໍ່ລະເມີດ ຈະໄດ້ນຳໃຊ້ມາດຕະການທາງກົດໝາຍໂດຍບໍ່ມີຂໍ້ຍົກເວັນ, ຖ້າພົບເຫັນສະຖານທີ່, ຫົວໜ່ວຍທຸລະກິດໃດ ຍັງລະເມີດຕໍ່ແຈ້ງການ, ຄໍາສັ່ງ ສາມາດແຈ້ງ ມາທາງເຟສບຸກ ປກສ ນວ ຫຼື ເບີວ໋ອດແອບ 020: 28879 9774.

ຕາມການລາຍງານ ຂອງສູນຂ່າວສານການແພດສຸຂະສຶກສາ

ຜູ້ຕິດເຊື້ອໃໝ່ ຢູ່ນະຄອນຫຼວງວຽງຈັນ

ຕາມການລາຍງານ ຂອງຂ່າວເສດຖະກິດສັງຄົມ ໃຫ້ຮູ້ວ່າ: ໃນວັນທີ 23 ພະຈິກ 2021 ທີ່ຫ້ອງ ວ່າການແຂວງຈໍາປາສັກ ໄດ້ຈັດພິທີມອບ-ຮັບສັນຊາດລາວໃຫ້ແກ່ຄົນຕ່າງປະເທດ, ຄົນຕ່າງດ້າວ ແລະຄົນບໍ່ມີສັນຊາດທີ່ດໍາລົງຊີວິດຢູ່ແຂວງຈໍາປາສັກຈັດຂຶ້ນ ໂດຍເຂົ້າຮ່ວມຂອງທ່ານ ໂສມ ບຸດຕະກຸນ ຮອງເຈົ້າແຂວງໆຈໍາປາສັກ, ມີພະແນກການ-ຂະແຫນງການທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

ໃນພິທີທ່ານ ແສງອາທິດ ຂັນດາລາ ຮອງຫົວຫນ້າພະແນນພາຍໃນໄດ້ຜ່ານຂໍ້ຕົກລົງນາຍົກລັດຖະມົນຕີວ່າດ້ວຍການໃຫ້ສັນຊາດລາວເຊິ່ງເຫັນດີອະນຸມັດໃຫ້ ສັນຊາດລາວ ແກ່ນາງ ຫູທິເຟືອງ ເກີດເມື່ອວັນທີ 18 ພຶດສະພາ 1978, ເກີດທີ່ບ້ານທົ່ງ, ນະຄອນປາກເຊ, ແຂວງຈໍາປາສັກ, ເຊື້ອຊາດ ແລະສັນຊາດ ຫວຽດນາມ, ອາຊີບຄ້າຂາຍ, ເຂົ້າເປັນສັນຊາດລາວຊຶ່ງມີຊື່ ແລະນາມສະກຸນ ໃໝ່ວ່າ: ນາງ ພອນສຸດາ ລັດຕະນະວົງ ປັດຈຸບັນຜູ້ກ່ຽວດໍາລົງຊີວິດຖາວອນຢູ່ບ້ານທົ່ງ, ນະຄອນປາກເຊ, ແຂວງຈໍາປາສັກ.

ນອກນັ້ນຍັງເຫັນດີອະນຸມັດໃຫ້ສັນຊາດລາວແກ່ນາງ ຫງຽນທິເຊື່ອງ ເກີດເມື່ອວັນທີ 23 ມັງກອນ 1986 ເກີດ ທີ່ບ້ານເຮືອງໂຮ, ເມືອງເຫວ້, ແຂວງເທື່ອທຽນ ເຫ້ວ, ສສ ຫວຽດນາມ, ເຊື້ອຊາດ ແລະ ສັນຊາດຫວຽດນາມ, ອາຊີບຄ້າຂາຍ, ເຂົ້າເປັນສັນຊາດລາວຊຶ່ງມີຊື່ ແລະນາມສະກຸນໃຫມ່ວ່າ: ນາງ ສົມຈິດ ແສງມີໄຊ, ປັດຈຸບັນ ຜູ້ກ່ຽວດໍາລົງຊີວິດຖາວອນຢູ່ບ້ານໂພນກຸງ, ນະຄອນປາກເຊ, ແຂວງຈໍາປາສັກ ສປປ ລາວ.

ກອງທັບປົດປ່ອຍປະຊາຊົນຈີນ ຊ່ວຍເຫລືອອຸປະກອນການແພດປ້ອງກັນພະຍາດໂຄວິດ-19 ໃຫ້ກອງທັບປະຊາຊົນລາວ ວັນທີ 23 ພະຈິກ 2021 ທີ່ສະໜາມບິນວັດໄຕສາກົນ ໄດ້ມີພິທີມອບຮັບອຸປະ ກອນການແພດເພື່ອປ້ອງກັນພະຍາດໂຄວິດ-19 ຈາກກອງທັບປົດປ່ອຍປະຊາ ຊົນຈີນ ໃຫ້ກອງທັບປະຊາຊົນລາວ, ກ່າວມອບໂດຍທ່ານ ຈຽງ ຈ້າຍຕົງ ເອກອັກຄະລັດຖະທູດຜູ້ມີອໍານາດເຕັມແຫ່ງ ສປ ຈີນ ປະຈໍາລາວ ແລະ ກ່າວຮັບໂດຍທ່ານພົນເອກ ຈັນສະໝອນ ຈັນຍາລາດ ຮອງນາ ຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແລະ ໄດ້ຕາງໜ້າເຊັນມອບຢ່າງເປັນທາງການໂດຍທ່ານ ພັນ ເອກ ພິເສດ ລີປິງ ທີ່ປຶກສາທູດປ້ອງກັນຊາດ ສປ ຈີນ ປະຈໍາລາວ ໂດຍຕາງໜ້າເຊັນຮັບຂອງທ່ານ ພົນຕີ ວົງຄໍາ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ຫົວໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະ ບາດພະຍາດໂຄວິດ-19 ກະຊວງປ້ອງກັນປະເທດ ມີ ພາກສ່ວນກ່ຽວຂ້ອງສອງຝ່າຍເຂົ້າຮ່ວມເປັນສັກຂີພິຍານ.

ໂດຍພື້ນຖານການເສີມຂະຫຍາຍສາຍພົວພັນຄູ່ຮ່ວມຍຸດທະສາດ ໝັ້ນຄົງ ຍາວນານ ບົນຈິດໃຈ 4 ດີລະຫວ່າງ ຈີນລາວ- ລາວຈີນ ສະນັ້ນ ກອງທັບປົດປ່ອຍປະ ເທດຈີນໄດ້ໃຫ້ການສືບຕໍ່ຊ່ວຍເຫຼືອລ້າອຸປະກອນການແພດປ້ອງກັນພະຍາດໂຄວິດ-19 ໃຫ້ກອງທັບປະຊາຊົນລາວຄັ້ງນີ້ມີທັງໝົດ 14 ລາຍການຄື: ເຄື່ອງກວດຫາເຊື້ອພະຍາດໂຄວິດ-19 ຈໍານວນ 403.200 ຊຸດ ຊຸດເກັບກວດເອົາຕົວຢ່າງ 30.000 ຊຸດ ກັບໃສ່ຕົວຢ່າງ 30.000 ກັບ ເຄື່ອງແຍກດີເອັນເອ 5 ຊຸດ ເຄື່ອງກວດ PCR 5 ຊຸດ ນໍ້າຢາກວດຫາເຊື້ອພະຍາດໂຄວິດ-19 ຈໍານວນ 30.000 ຊຸດ ເຄື່ອງຊ່ວຍຫາຍໃຈ 15 ເຄື່ອງ ເຄື່ອງດູດຂີ້ກະເທິ 15 ເຄື່ອງ ເຄື່ອງຕິດຕາມຄົນເຈັບໜັກ 10 ເຄື່ອງ ເຄື່ອງແທກຄື້ນໄຟຟ້າຫົວໃຈ 10 ເຄື່ອງ ເຄື່ອງວັດແທກອົກຊີປາຍມື 20 ເຄື່ອງ ຕູ້ເກັບວັກຊິນຂະໜາດ 650 ລິດ 5 ຕູ້ ຂະໜາດ 390 ລິດ 10 ຕູ້ ແລະ ຕູ້ເກັບວັກຊິນຂະໜາດ 65 ລິດ 30 ຕູ້.

ໄລຍະຜ່ານມາໃນສະພາບການທີ່ເຊື້ອພະຍາດໂຄວິດ-19 ມີການແຜ່ລະບາດເປັນວົງກວ້າງໃນທົ່ວສັງຄົມລາວ ພັກ ແລະ ລັດຖະບານກໍ່ຄືປະຊາຊົນຈີນ ໄດ້ໃຫ້ການຊ່ວຍເຫຼືອວັກຊິນຕ້ານພະຍາດໂຄວິດ-19 ໃຫ້ແກ່ ສປປ ລາວ ຈໍານວນ 6.200.000 ໂດສ ພ້ອມນັ້ນກອງທັບປະຊາຊົນຈີນກໍ່ໄດ້ໃຫ້ການຊ່ວຍເຫຼືອວັກຊິນດັ່ງກ່າວໃຫ້ແກ່ກອງທັບປະຊາຊົນລາວ 700.000 ໂດສ ເຊິ່ງເປັນການຊ່ວຍ ເຫຼືອທີ່ລໍ້າຄ່າເຮັດໃຫ້ກອງທັບ ແລະ ປະຊາຊົນລາວບັນດາເຜົ່າສາມາດສ້າງພູມຄຸ້ມກັນ ສະກັດກັ້ນເຊື້ອພະຍາດໂຄວິດ-19 ໄດ້ເປັນຢ່າງດີ ສະແດງໃຫ້ເຫັນເຖິງມູນເຊື້ອແຫ່ງການພົວພັນຮ່ວມມື ຊ່ວຍເຫຼືອເຊິ່ງກັນ ແລະ ກັນລະຫວ່າງກອງທັບປົດປ່ອຍປະເທດຈີນ ແລະ ກອງທັບປະຊາຊົນລາວທີ່ໄດ້ມີມາແຕ່ດົນນານ ໂດຍສະເພາະໄລຍະເຮັດການປະຕິວັດຕໍ່ສູ້ປົດປ່ອຍປະເທດຊາດ ກອງທັບປົດປ່ອຍປະຊາຊົນຈີນກໍ່ໄດ້ໃຫ້ການຊ່ວຍເຫຼືອດ້ານວັດຖຸ ອຸປະກອນຕ່າງໆ ປະກອບສ່ວນເຮັດໃຫ້ກອງທັບປະຊາຊົນລາວເຮັດໄດ້ສໍາເລັດໜ້າທີ່ຢ່າງສະຫງ່າງາມ ປີ 1992 ສອງກອງທັບລາວ ແລະ ຈີນ ໄດ້ເປີດການພົວພັນຮ່ວມມື ແລກປ່ຽນບົດຮຽນທາງດ້ານການທະຫານນໍາກັນ ກອງທັບປົດປ່ອຍຈີນໄດ້ສືບຕໍ່ໃຫ້ການຊ່ວຍເຫຼືອແກ່ກອງທັບປະຊາຊົນລາວດ້ານວິຊາການ ວັດຖຸເຕັກນິກ ອາວຸດຍຸດໂທປະກອນອື່ນໆເປັນຈໍານວນຫຼວງຫຼາຍ.