ຊົມເຊີຍເຈົ້າໜ້າທີ່ ປກສ ເມືອງໄຊທານີ ມ້າງເຄື່ອຄ່າຍຄະດີຢາເສບຕິດລາຍໃຫຍ່.

ຕາມການລາຍງານ ຂອງຄວາມສະຫງົບ ໃຫ້ຮູ້ວ່າ: ວັນທີ 21 ເມສາ 2022 ທີ່ກອງບັນຊາການ ປກສ ເມືອງໄຊທານີ, ພັທ ສຸລິວັນ ແກ້ວມະນີວົງ ຮອງຫົວໜ້າກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ຜູ້ຊີ້ນຳວຽກງານຕຳຫຼວດ ໄດ້ໃຫ້ຮູ້ວ່າ: ໃນວັນທີ 16 ມີນາ 2022, ເຈົ້າໜ້າທີ່ພະແນກຕຳຫຼວດ ປກສ ເມືອງ ສາມາດມ້າງເຄື່ອຄ່າຍຂະບວນການຄ້າຂາຍຢາເສບຕິດ ໄດ້ຢູ່ 5 ຈຸດ, ຈັບໄດ້ຜູ້ຖືກຫາທີ່ກ່ຽວພັນກັບການຊື້ຂາຍຢາເສບຕິດໄດ້ 6 ຄົນ ແລະ ຜູ້ມົ້ວສຸມຈຳນວນໜຶ່ງ.

ການມ້າງຄະດີຢາເສບຕິດຄັ້ງນີ້ ເຈົ້າໜ້າທີ່ສາມາດຢຶດຢາບ້າໄດ້ຈຳນວນ 471.465 ເມັດ, ຢາໄອສ໌ 6 ຖົງໃຫຍ່ ກັບ 3 ຖົງນ້ອຍ, ເຮໂຣອິນ 1 ຖົງນ້ອຍ, ປືນສັ້ນ 9ມມ 1 ກະບອກ ພ້ອມລູກປືນ 13 ລູກ, ລົດໃຫຍ່ 2 ຄັນ, ລົດຈັກ 3 ຄັນ, ເງິນ 6,400,000 ກີບ, 82,000 ບາດ, 1,000 ໂດຍລາ, ສາຍແຂນຄຳ 1 ເສັ້ນ, ແວນຄຳ 1 ວົງ, ສາຍຄໍຄຳ 1 ເສັນ.

ສຳລັບລາຍລະອຽດໜັງສືພິມຄວາມສະຫງົບ ຈະລາຍງານອີກຄັ້ງ.

ປັດຈຸບັນ, ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ຍັງພົບຄວາມຄວາມຫຍຸ້ງຍາກ ໃນການເກັບມ້ຽນຂີ້ເຫຍື້ອ ແລະ ຍັງມີຫາງສຽງຈົ່ມວ່າຈາກສັງຄົມ ໃນການຈັດຕັ້ງປະຕິບັດວຽກງານ ເພາະບໍ່ ທັນໄດ້ດີເທົ່າທີ່ຄວນ, ແຕ່ຢ່າງໃດກໍຕາມໃນຕໍ່ຫນ້າ ຫ້ອງການ ຄບຕ ຈະມີການປັບປຸງຮ່າງນິຕິກໍາຄືນໃຫມ່ ແລະ ຂອດຈັດຕັ້ງປະຕິບັດໃຫ້ດີກວ່າເກົ່າ.

ອີງຕາມ ທ່ານ ບຸນຈັນ ແກ້ວສີທໍາມະ ຫົວຫນ້າຫ້ອງການ ຄບຕ ໃຫ້ສໍາພາດ ວ່າ: ຜ່ານມາ, ການຈັດຕັ້ງປະຕິບັດກ່ຽວກັບ ການເກັບມ້ຽນຂີ້ເຫຍື້ອ ໃນນະຄອນຫຼວງວຽງຈັນ ຍັງພົບ ຄວາມຫຍຸ້ງຍາກຫຼາຍ ຍ້ອນວ່າຍັງມີປະຊາຊົນຈໍານວນໜຶ່ງບໍ່ເຮັດສັນຍາເກັບມ້ຽນຂີ້ເຫຍື້ອ ຍ້ອນບໍ່ຢາກຈ່າຍເງິນ, ເຮັດໃຫ້ເກີດມີການລັກເອົາຂີ້ເຫຍື່ອໄປຖີ້ມໃສ່ເນື້ອທີ່ດິນເປົ່າຫວ່າງຕ່າງໆ; ຂະນະດຽວກັນ, ບາງຄອບຄົວທີ່ເຮັດສັນຍາແລ້ວເອົາຂີ້ເຫຍື້ອອອກມາປະໄວ້ໜ້າເຮືອນ ກ່ອນມື້ລົດຈະໄປເກັບເອົາ ເຮັດໃຫ້ມີສັດ ແລະ ບຸກຄົນຈໍານວນຫນຶ່ງທີ່ເລາະເກັບເອົາຕຸກເປົ່າໄປຂາຍ ຄົ້ນຮື້ຈົນເປົ້າຂາດ ຫຼື ເຂັ້ງລົ້ມ ເຮັດໃຫ້ຂີ້ເຫຍື້ອ ຕົກເຮຍຊະຊາຍໄປບ່ອນອື່ນ. ນອກນີ້, ມີບາງບ່ອນເປັນທາງຮ່ອມແຄບ ເຮັດໃຫ້ລົດເກັບມ້ຽນຂີ້ເຫຍື້ອ ເຂົ້າເຖິງບໍ່ໄດ້ ແລະອື່ນໆ.

ຄຽງຄູ່ກັນນີ້, ໃນໄລຍະຜ່ານມາ ການຈັດຕັ້ງປະຕິບັດເກັບມ້ຽນຂີ້ເຫຍື້ອຂອງ ຫ້ອງການ ຄບຕ ຍັງມີ ຫາງສຽງຈໍານວນໜຶ່ງເກີດຂຶ້ນໃນສັງຄົມກ່ຽວກັບ ບັນຫາລົດບໍ່ໄປເກັບເອົາຂີ້ເຫຍື້ອຢູ່ບັນດາຄອບຄົວທີ່ມີ ສັນຍາກັນໄວ້, ເຊິ່ງຄະນະຮັບຜິດຊອບທີ່ກ່ຽວຂ້ອງຂອງ ຄບຕ ໄດ້ກວດກາຢ່າງລະອຽດ ເຫັນວ່າ: ມີຄົນຂັບລົດ ແລະ ແອັດລົດເກັບມ້ຽນຂີ້ເຫຍື້ອຈໍານວນໜຶ່ງ ສວຍຊ່ອງວ່າງຫາຜົນປະໂຫຍດສ່ວນຕົວ ດ້ວຍການເຮັດສັນຍາເກັບມ້ຽນຂີ້ເຫຍື້ອກັບປະຊາຊົນໂດຍທີ່ ຄບຕ ບໍ່ຮູ້ເລື່ອງນໍາ.

ນອກຈາກນີ້, ຍັງໄດ້ສວຍໂອກາດເກັບເງິນນໍາບາງຄອບຄົວ ທີ່ໄດ້ເຮັດສັນຍາເກັບມ້ຽນຂີ້ເຫຍື້ອ ແຕ່ມີຂີ້ເຫຍື້ອເກີນກໍານົດ ເນື່ອງຈາກຕາມສັນຍາທີ່ເຮັດໄວ້ກັບ ຄບຕ ຄອບຄົວຫນຶ່ງແມ່ນ ອະນຸຍາດໃຫ້ມີຂີ້ເຫຍື້ອ 1 ເຄັ່ງ ຫຼື 1 ເປົ້າຕໍ່ອາທິດ (ອາທິດໜຶ່ງມີລົດໄປເກັບເອົາຂີ້ເຫຍື້ອ 1 ຄັ້ງ), ລວມ 1 ເດືອນ ລົດຕ້ອງໄປເກັບ ມ້ຽນຂີ້ເຫຍື້ອ ທັງໝົດ 4 ຄັ້ງ ໃນລາຄາ 40.000 ກີບ/ເດືອນ, ແຕ່ບາງຄອບຄົວມີຂີ້ເຫຍື້ອເກີນກໍານົດ ເຮັດໃຫ້ຄົນຂັບລົດ ແລະ ແອັດລົດສວຍໂອກາດຂໍເງິນເພີ່ມແຕ່ເອົາເຂົ້າຖົງຕົວເອງ, ຖ້າຄອບຄົວໃດຈ່າຍກໍເກັບມ້ຽນຂີ້ເຫຍື້ອໄປ ແຕ່ຄອບຄົວໃດບໍ່ຈ່າຍກໍ່ປະຖີ້ມຂີ້ເຫຍື້ອທີ່ເກີນກໍານົດນັ້ນໄວ້ແລ້ວໜີໄປ ເຮັດໃຫ້ຂີ້ເຫຍື້ອ ທີ່ປະໄວ້ເຮ່ຍຊະຊາຍ ເມື່ອຄົນມາເຫັນຈຶ່ງຕີລາຄາວ່າລົດບໍ່ໄປເກັບມ້ຽນຂີ້ເຫຍື້ອ ແລ້ວເກີດມີຫາງສຽງຂຶ້ນ.

ເພື່ອແກ້ໄຂບັນຫາທີ່ເກີດຂຶ້ນ ທາງ ຄບຕ ໄດ້ຮຽກຄົນຂັບລົດ ແລະ ແອັດລົດທີ່ກະທໍາຜິດມາສຶກສາ ອົບຮົມກ່າວເຕືອນແລ້ວ, ຖ້າມີການກະທໍາຜິດອີກ ຈະຖືກໄລ່ອອກທັນທີ.

ນອກຈາກນີ້, ຄບຕ ກໍາລັງປັບປຸງ ນິຕິກໍາກ່ຽວກັບ ການເກັບມ້ຽນຂີ້ເຫຍື້ອຄືນໃຫມ່ໃຫ້ເຂັ້ມງວດ ເພື່ອໃຫ້ແຕ່ລະຄອບຄົວໄດ້ຈ່າຍຄ່າຂີ້ເຫຍື້ອ ຕາມຕົວຈິງທີ່ມີໃນຄອບຄົວ ແລະ ຮັບປະກັນບໍ່ໃຫ້ມີການສວຍໃຊ້ຊ່ອງວ່າງຫາຜົນປະໂຫຍດສ່ວນຕົວເກີດຂຶ້ນ ແລະ ຮັບປະກັນບໍ່ໃຫ້ມີລາຍຮັບຕົກເຮ່ຍເສຍຫາຍເກີດຂຶ້ນ ເພາະນີ້ຖືເປັນມາດຕະການນຶ່ງໃນການຈັດຕັ້ງປະຕິບັດວາລະແຫ່ງຊາດວ່າດ້ວຍ ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຂອງ ລັດຖະບານ, ເຊິ່ງຄາດວ່າ ການປັບປຸງຈະສໍາເລັດໃນອີກບໍ່ດົນນີ້ ເພື່ອໃຫ້ກອງປະຊຸມສະພາປະຊາຊົນ ນະຄອນຫຼວງວຽງຈັນ ພິຈາລະນາ ແລະ ຮັບຮອງເອົາໃນຕໍ່ຫນ້າ.

ດັ່ງນັ້ນ, ຫົວໜ້າຫ້ອງການ ຄບຕ ໄດ້ຮຽກຮ້ອງໃຫ້ທຸກຄອບຄົວ ຈົ່ງເຮັດສັນຍາເກັບມ້ຽນຂີ້ເຫຍື້ອນໍາ ຄບຕ ເພື່ອບໍ່ໃຫ້ມີການຖີ້ມຂີ້ເຫຍື້ອຊະຊາຍເກີດຂຶ້ນ, ທັງເປັນການປະກອບສ່ວນໃນການຈັດຕັ້ງປະຕິບັດ ສ.ສະອາດ ຂອງນະຄອນຫຼວງວຽງຈັນ ຕື່ມອີກ.

ແຫຼ່ງຂ່າວ: ຄວາມສະຫງົບ

ແຈ້ງການຈາກ ປກສ ເມືອງຄູນຄຳ ແຂວງຄຳມ່ວນ ແຈ້ງເຖິງບັນດາພະນັກງານ,ທະຫານ, ຕຳຫລວດແລະພໍ່ແມ່ປະຊາຊົນບັນດາເຜົ່າ ຖ້າທ່ານໃດມີລົດ ທີ່ຖືກຄົນຮ້າຍລັກໄປນັ້ນ ໃຫ້ກວດກາເບີ່ງຕາມແຈ້ງການນີ້. ແລ້ວເຂົ້າພົວພັນນຳເຈົ້າຫນ້າທີ່ ພະແນກຕຳຫຼວດ ປກສ ເມືອງຄູນຄຳ ແຂວງຄຳມ່ວນ (ໂມງລັດຖະການ) ພ້ອມທັງນຳຫລັກຖານອ້າງອີງເຊັ່ນ: ເອກະສານລົດ ທະບຽນທີ່ຖືກຕ້ອງມາພົວພັນເອົາ.

.

.

.

.

ແຂວງເຊກອງ   ຈາກການທີ່ແຂວງເຊກອງ ເລັ່ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ເຮັດໃຫ້ຫຼາຍວຽກຈຸດສຸມມີປະສິດພາບຫຼາຍຂຶ້ນ ສົ່ງຜົນເຮັດໃຫ້ສາມາດປະຢັດງົບປະມານຂອງລັດໄດ້ເປັນຢ່າງດີ.

ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໄດ້ໃຫ້ຮູ້ເມື່ອບໍ່ດົນນີ້ວ່າ: ປັດຈຸບັນ, ແຂວງເຊກອງ ກຳລັງຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຢ່າງແຂງແຮງ, ທຸກວຽກງານການເຄື່ອນໄຫວຂອງອົງຄະນະພັກແຂວງ, ຄະນະພັກເມືອງ, ຂະແໜງການຕ່າງໆໄດ້ເອົາວາລະແຫ່ງຊາດມາເປັນຕົວຕັ້ງ, ເລັ່ງຫາລາຍຮັບໃຫ້ໄດ້ຫຼາຍ, ຕ້ານການຮົ່ວໄຫຼຂອງລາຍຮັບ ແລະ ປັບປຸງກົນໄກແບບແຜນວິທີເຮັດວຽກຂອງຂະແໜງການເງິນ,ພະແນກການເງິນ, ສ່ວຍສາອາກອນ ແລະ ຂະແໜງການຕ່າງໆທີ່ມີລາຍຮັບຕ້ອງເດັດຂາດ, ໂປ່ງໃສ ແລະ ເປັນມືອາຊີບໃນການແກ້ໄຂບັນຫາຢ່າງແທ້ຈິງ.

ປັດຈຸບັນ, ກຳລັງເລັ່ງແຕ່ງຕັ້ງຄະນະຮັບຜິດຊອບຮີບໂຮມຖອດຖອນພາຫານະ ແລະ ປະຕິບັດຕາມດໍາລັດວ່າດ້ວຍ ລົດຂອງລັດຖະບານ ໂດຍເລີ່ມຈາກຂະແໜງການກ່ອນ, ຈາກນັ້ນກໍໄດ້ຈັດສັນຄືນໃໝ່ຕາມນະໂຍບາຍຂອງລັດຖະບານ ແລະ ຄາດວ່າ ກາງປີ ຫຼື ທ້າຍປີຈະເປັນຮູບປະທໍາ ແລະ ອີກໜຶ່ງນິຕິກໍາທີ່ສໍາຄັນ, ອົງການປົກຄອງແຂວງເຊກອງ ໄດ້ແຕ່ງຕັ້ງຄະນະຊຸກຍູ້ຊີ້ນໍາການປະຕິບັດວາລະແຫ່ງຊາດ ຈະບໍ່ມີຄະນະກໍາມະການ ໂດຍໃຫ້ທຸກຂະແໜງການ, ທຸກພາກສ່ວນຮັບຜິດຊອບເຮັດທັງໝົດ ໂດຍຖືເອົາມາດຕະການຕ້ານ ແລະ ສະກັດກັ້ນການຮົ່ວໄຫຼງົບປະມານ ເປັນບຸລິມະສິດອັນດັບໜຶ່ງ ຄືສໍາຫຼວດຂຶ້ນບັນຊີຫົວໜ່ວຍທຸລະກິດ ຫຼື ຖານລາຍຮັບຄືນໃໝ່ ໂດຍເລັ່ງໃສ່ຫົວໜ່ວຍທຸລະກິດຂະໜາດໃຫຍ່ທີ່ລັດຖະບານອະນຸຍາດມາລົງທຶນຢູ່ແຂວງ ເປັນຕົ້ນ ໂຄງການຂຸດຄົ້ນບໍ່ຖ່ານຫີນ, ໂຄງການກໍ່ສ້າງເຂື່ອນໄຟຟ້ານໍ້າອີມູນ ທີ່ຈະສໍາເລັດທ້າຍປີນີ້, ໂຄງການກໍ່ສ້າງສ້ອມແປງເຂື່ອນເຊຂະໝານ 3, ໂຄງການກໍ່ສ້າງເຂື່ອນໄຟຟ້າຫວ້ຍລະແງ, ໂຄງການຂຸດຄົ້ນບໍ່ຄໍາລາວກະລຶມ.

ນອກນີ້ ຍັງມີໂຄງການເຂື່ອນໄຟຟ້າຫ້ວຍລໍາພັນໃຫຍ່, ໂຄງ ການເຂື່ອນໄຟຟ້າຫ້ວຍລໍາພັນນ້ອຍ, ໂຄງການພັດທະນາກະສິກໍາ ແລະ ໂຄງການຢາງພາລາ.

ທ່ານ ເຈົ້າແຂວງເຊກອງ ຍັງໃຫ້ຮູ້ອີກວ່າ: ນອກຈາກສໍາຫຼວດຖານລາຍຮັບຄືນໃໝ່ແລ້ວ, ແຂວງເຊກອງ ຍັງໄດ້ສຸມໃສ່ຄຸ້ມຄອງລາຍຈ່າຍ ໂດຍເນັ້ນໃສ່ການປະຢັດມັດທະຍັດ, ຕ້ານການຟຸມເຟືອຍ ໂດຍສະເພາະບັນຫາການຮັບແຂກ, ກອງປະຊຸມ ແລະ ໄປຕ່າງປະ ເທດ.

ແຫຼ່ງຂ່າວ: ປະເທດລາວ