ພິທີໂອ້ລົມ ນັກກິລາທີມຊາດ ແລະ ພິທີຖະແຫຼງຂ່າວ ການເຂົ້າຮ່ວມການແຂ່ງຂັນຊີເກມ ຄັ້ງທີ 31 ທີ່ ສສ ຫວຽດນາມ.

ວັນຈັນ 02 ພຶດສະພາ 2022 ນະຄອນຫຼວງວຽງຈັນ, ໄດ້ມີພິທີໂອ້ລົມ ນັກກິລາທີມຊາດ ແລະ ພິທີຖະແຫລງຂ່າວ ການເຂົ້າຮ່ວມການແຂ່ງຂັນຊີເກມ ຄັ້ງທີ 31 ທີ່ ສສ ຫວຽດນາມ ເປັນກຽດເຂົ້າຮ່ວມໂດຍມີ ທ່ານ ສົມສະຫວາດ ເລັ່ງສະຫວັດ ປະທານກິດຕິມະສັກ ສະຫະພັນບານເຕະແຫ່ງຊາດລາວ, ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສະຫະພັນບານເຕະແຫ່ງຊາດລາວ, ຄະນະນັກກິລາທີມຊາດບານເຕະຊາຍ, ຄະນະນັກກິລາທີມຊາດບານເຕະຍິງ ແລະ ນັກຂ່າວ ສື່ມວນຊົນ ເຂົ້າຮ່ວມ.ທ່ານ ປະສາດໄຊ ພິລາພັນເດຊ ຄະນະນຳທີມບານເຕະຊາຍ ແລະ ທ່ານ ນາງ ພູໄຊ ແພງພົງ ຄະນະນຳທີມບານເຕະຍິງ ໄດ້ຂຶ້ນລາຍງານກ່ຽວກັບການກຽມຄວາມພ້ອມຂອງທີມ ເພື່ອກະກຽມເຂົ້າຮ່ວມ ງານມະຫະກຳກິລາຊີເກມ ຄັ້ງທີ 31 ທີ່ ສສ ຫວຽດນາມ ເຊິ່ງຈັດຂຶ້ນໃນລະຫວ່າງວັນທີ 12-23 ພຶດສະພາ 2022.

ທ່ານ ສົມສະຫວາດ ເລັ່ງສະຫວັດ ປະທານກິດຕິມະສັກ ສະຫະພັນບານເຕະແຫ່ງຊາດລາວ ໄດ້ໃຫ້ຄຳໂອວາດ ໂດຍໄດ້ເນັ້ນຫນັກໃຫ້ ຄະນະນຳ, ຄູຝຶກ ແລະ ນັກກິລາ ປະຕິບັດລະບຽບການຂອງເຈົ້າພາບວາງອອກ ຢ່າງເຄັງຂັດ ແລະ ໃຫ້ຄຳນຶງສະເໝີວ່າເວລາລົງສະໜາມແຂ່ງຂັນແມ່ນໃນນາມຕາງໜ້າໃຫ້ແກ່ຄົນລາວທົ່ວປະເທດ, ຕ້ອງສະແດງໃຫ້ເຫັນເຖິງວັດທະນະທຳຂອງຄົນລາວເປັນຄົນມີໄມຕີຈິດມິດຕະພາບຕໍ່ຜູ້ເຂົ້າຮ່ວມແຂ່ງຂັນ ແລະ ເພື່ອນຮ່ວມ ອາຊີບນຳກັນແຕ່ຕ້ອງເຮັດທຸກຄວາມສາມາດ ແລະ ນຳໃຊ້ເຕັກນິກທີ່ໄດ້ຝຶກຊ້ອມມາເພື່ອເອົາຊະນະຄູ່ຕໍ່ສູ້ດ້ວຍຈິດໃຈກ້າຫານ ແລະ ດ້ວຍຈິດໃຈຊາດພິລະອາດຫານ ເພື່ອນຳໄຊຊະນະ ແລະ ກຽດຊື່ສຽງມາສູ່ປະເທດຊາດ.ຫລັງຈາກນັ້ນ ອາພັດສະລາ ຈັນທະວົງໄຊ ຕາງຫນ້າ ນັກກິລາທີມຊາດຍິງ ແລະ ນະລົງສິດ ຈັນທະລັງສີ ຕາງຫນ້ານັກກິລາທີມຊາດຊາຍ ໄດ້ຂຶ້ນກ່າວຮັບຄໍາໂອ້ວາດຈາກ ທ່ານ ສົມສະຫວາດ ເລັ່ງສະຫວັດ ປະທານ ກິດຕິມະສັກ ສຕລ ຈະຕັ້ງໃຈເອົາໃຈໃສ່ສ້າງຄວາມສາມັກຄີ ພາຍໃນທີມ ແລະ ພ້ອມໃຈກັນຈັດຕັ້ງປະຕິບັດໜ້າທີ່ ແລະ ຄວາມຮັບຜິດຊອບຂອງຕົນພາຍໃນທີມ ຢ່າງສຸດຄວາມສາມາດ ແລະ ພະຍາຍາມສ້າງຜົນງານໃຫ້ປະກົດຜົນເປັນຈິງ’’.

ສຳລັບເປົ້າໝາຍໃນການເຂົ້າຮ່ວມໃນຄັ້ງນີ້ທັງທີມຍິງ ແລະ ຊາຍ ແມ່ນຈະສູ້ຊົນໃຫ້ໄດ້ຜ່ານເຂົ້າຮອບຮອງຊະນະເລີດ.

ສຳລັບລາຍຊື່ຄະນະນຳ, ຄູຝຶກ, ແພດ ແລະ ນັກກິລາ ທີມບານເຕະຊາຍມີດັ່ງນີ້:ຄະນະນຳ ປະກອບມີ: ທ່ານ ປະສາດໄຊ ພິລາພັນເດຊ ຫົວຫນ້າຄະນະຄະນະຄູຝຶກ, ແພດ ແລະ ສື່ມວນຊົນ ປະກອບມີ: ທ່ານ HANS MICHAEL WEISS ຫົວຫນ້າຄູຝຶກ, ທ່ານ ກັນລະຍາ ສີສົມຫວັງ (ຜູ້ຊ່ວຍຄູຝຶກ), ທ່ານ ພຸດປະສົງ ແສງດາລາວົງ (ຜູ້ຊ່ວຍຄູຝຶກ), ທ່ານ ໂອເລ້ ບູສະອາດ (ຜູ້ຊ່ວຍຄູຝຶກ), ທ່ານ ຈັນທະຄາດ ສ່ຽນຜ່ອງໃສ (ຄູຝຶກຜູ້ຮັກສາປະຕູຄະນະບໍລິຫານທີມ)

ທ່ານ ສົມສະນຸກ ລຽນສະຫວັນ (ຜູ້ຈັດການທີມ), ທ່ານ ອຸດຕະມະ ຂາງມະນີວົງ (ບໍລິຫານທີມ), ທ່ານ ສຸດໃຈ ສຸກແພງສີ (ອຸປະກອນແພດປະຈຳທີມ), ທ່ານ ບັນຈົງ ຈິນດາ (ແພດກາຍະບຳບັດ), ທ່ານ ສີວິໄລ ສີຫາເທບ ແພດກາຍະບຳບັດສື່ມວນຊົນ), ທ່ານ ສີຈັນ ສູນນະລາດ (ສື່ມວນຊົນ)

ລາຍຊື່ນັກກິລາ 23 ຄົນ ປະກອບມີ: ຜູ້ຮັກສາປະຕູ 1. ແກ້ວອຸດອນ ສຸວັນນະສັງໂສ ຈາກ ສະໂມສອນກິລາບານເຕະ ກອງທັບ 2. ສີອຳພອນ ແສງສະຫວ່າງ ຈາກ ສະໂມສອນກິລາບານເຕະ ວຽງຈັນ3. ໄຊສະຫວາດ ສຸວັນນະໂຊກ ຈາກ ສະໂມສອນບານເຕະ ຊ້າງນ້ອຍ, ກອງຫຼັງ: 4. ກ້າຫານ ເພັດສີວິໄລ ຈາກ ສະໂມສອນກິລາບານເຕະ ຊ້າງນ້ອຍ, 5. ອານັນຕະຊາ ສີພົງພັນ ຈາກ ສະໂມສອນກິລາບານເຕະ ເອສະຣາ, 6. ພຸດທະວົງ ສັງວິໄລ ຈາກ ສະໂມສອນກິລາບານເຕະ ເອສະຣາ, 7. ນະລົງສິດ ຈັນທະລັງສີ ຈາກ ສະໂມສອນກິລາບານເຕະ ຈຳປາສັກ, 8. ເພັດດາວັນ ສົມສະນິດ ຈາກ ສະໂມສອນກິລາບານເຕະ ຈຳປາສັກ, 9. ແອັດ ວຽງຄໍາ ຈາກ ສະໂມສອນກິລາບານເຕະ ມາສເຕີ້ ເຊເວັ້ນ, 10. ອິນທະຈັກ ສີສຸພັນ ຈາກ ສະໂມສອນກິລາບານເຕະ ຫຼວງພະບາງ+ ກອງກາງ, 11. ພຸດທະໄຊ ໂຄຈະເລີນ ຈາກ ສະໂມສອນ ກິລາບານເຕະ ສະຫມຸດປະການ ( ໄທລີກ 1 ), 12. ພິທັກ ກອງມາທິລາດ ຈາກ ສະໂມສອນ ກິລາບານເຕະ ນະຄອນປະຖົມ ( ໄທລີກ 2 ), 13. ສິນນະກອນ ກູມະນີຄຳ ຈາກ ສະໂມສອນກິລາບານເຕະ ຫຼວງພະບາງ, 14. ພັດທະນາ ພົມມະເທບ ຈາກ ສະໂມສອນກິລາບານເຕະ ເອສະຣາ, 15. ທະນູທອງ ກຽດນະລົງລົບ ຈາກ ສະໂມສອນກິລາບານເຕະ ຊ້າງນ້ອຍ,16. ດາໜຸດ ທອງຄໍາສະຫວັດ ຈາກ ສະໂມສອນກິລາບານເຕະ ຈຳປາສັກ, 17. ຈັນທະວີໄຊ ຂຸນທຸມພອນ ຈາກ ສະໂມສອນກິລາບານເຕະ ຈຳປາສັກ, 18. ກ້ວຍເຈັ໋ງ ຫນູພັກດີ ຈາກ ສະໂມສອນກິລາບານເຕະ ຈຳປາສັກ, 19. ພູວຽງ ພູມສະຫວັດ ຈາກ ສະໂມສອນກິລາບານເຕະ ວຽງຈັນ, 20. ບຸນພະຈັນ ບຸນກອງ ຈາກ ສະໂມສອນກິລາບານເຕະ ຊ້າງນ້ອຍ, ກອງໜ້າ: 21. ວີສີດ ບຸນປະເສີດ ຈາກ ສະໂມສອນກິລາບານເຕະ ຈຳປາສັກ, 22. ເອກກະໄມ ລາດຊະຈັກ ຈາກ ແຂວງສະຫວັນນະເຂດ, 23. ໂຈນີ້ ແຫວນປະເສີດ ຈາກ ສະໂມສອນກິລາບານເຕະ ເອສະຣາ.

ສຳລັບລາຍຊື່ຄະນະນຳ, ຄູຝຶກ, ແພດ ແລະ ນັກກິລາ ທີມບານເຕະຍິງມີດັ່ງນີ້:ຄະນະນຳ ປະກອບມີ:1. ທ່ານ ນາງ ພູໄຊ ແພງພົງ ຫົວຫນ້າຄະນະຄະນະຄູຝຶກ, ແພດ ແລະ ສື່ມວນຊົນ ປະກອບມີ:1. ທ່ານ ວົງມີໄຊ ສຸບົວຄຳ ຫົວຫນ້າຄູຝຶກ, 2. ທ່ານ ນາງ ດອນສະຫວັນ ໄຊຍະສົມບັດ ຜູ້ຊ່ວຍຄູຝຶກ, 3. ທ່ານ ນາງ ຄານຊະນິດ ຄຳຈະເລີນ ຜູ້ຊ່ວຍຄູຝຶກ, 4. ທ່ານ ນາງ ພຸດ ຄຳສຸກຖາວົງ ຄູຝຶກຜູ້ຮັກສາປະຕູຄະນະບໍລິຫານທີມ, 1. ທ່ານ ນາງ ປຣະຣິຊາດ ສຸກສຳລານ ຜູ້ຈັດການທີມ, 2. ທ່ານ ນາງ ນົກ ດວງມາລາ ບໍລິຫານທີມ, 3. ທ່ານ ສາຍຍັນ ພອນວິໄລ ອຸປະກອນແພດປະຈຳທີມ, 1. ທ່ານ ນາງ ຕິກຕ້າ ດວງພະຈັນ ແພດກາຍະບຳບັດ, 2. ທ່ານ ນາງ ເຄືອວັນ ເມັງວິໄລ ແພດກາຍະບຳບັດສື່ມວນຊົນ, 1. ທ່ານ ທິບພະກອນ ພະກາສີ ສື່ມວນຊົນ.

ລາຍຊື່ນັກກິລາ 20 ຄົນ ປະກອບມີ: ສຳລັບ ລາຍຊື່ ນັກກິລາ 20 ຄົນປະກອບມີ : + ຜູ້ຮັກສາປະຕູ 1. ນ. ພັດທະລາວະດີ ສໍໂພທິຣາຊ ຈາກ ແຂວງສະຫວັນນະເຂດ2. ນ. ບັງອອນ ພອນໄຊ ຈາກ ນະຄອນຫຼວງ, 3. ນ. ເພັດລາວັນ ໄຊຍະເພັດດາລາ ຈາກ ນະຄອນຫລວງ+ ກອງຫລັງ 4. ນ. ວິລິນທອນ ວົງແສງທອງ ຈາກ ນະຄອນຫລວງ5. ນ. ວິໄລວັນ ປັນຍານຸວົງ ຈາກ ນະຄອນຫລວງ6. ນ. ຫລ້ານ້ອຍ ວົງສິງຄໍາ ຈາກ ນະຄອນຫລວງ7. ນ. ສາຍສະຫມອນ ອິນທະພອນ ຈາກ ນະຄອນຫລວງ8. ນ. ທິບປະກອນ ສີວົງລາດ ຈາກ ນະຄອນຫລວງ9. ນ.ໂບລິ້ງ ຫລວງຄີລີ ຈາກ ນະຄອນຫລວງ10. ນ. ໃຈຄໍາ ໄຊຍະປະເສີດ ຈາກ ນະຄອນຫລວງ11. ນ. ປານັດດາ ໂພທິສານ ຈາກ ແຂວງສະຫວັນນະເຂດ+ ກອງກາງ 12. ນ. ອານຸຕາ ຈັນທີທອງ ຈາກ ນະຄອນຫລວງ13. ນ. ພອນທິບ ພົມມະຈັນ ຈາກ ແຂວງສະຫວັນນະເຂດ14. ນ. ແຫຼ້ ອິນທະວົງ ຈາກ ແຂວງຄຳມ່ວນ15. ນ. ພະນິກອນ ວັນນະລາດ ຈາກ ນະຄອນຫລວງ16. ນ. ແສງເດືອນ ພົງໄພລັດ ຈາກ ນະຄອນຫລວງ17. ນ. ພິມພາ ທອງສະຫວ່າງ ຈາກ ແຂວງສະຫວັນນະເຂດ18. ນ. ພຸດສະດີ ຫລວງອາມາດ ຈາກ ນະຄອນຫລວງ 19. ນ. ອິນທິດາ ຄູນສີ ຈາກ ນະຄອນຫລວງ.+ ກອງຫນ້າ20. ນ. ຫັດລືໄທ ທໍາມະວົງສາ ຈາກ ແຂວງສະຫວັນນະເຂດ 21. ນ. ອາພັດຊະລາ ຈັນທະວົງໄຊ ຈາກ ນະຄອນຫລວງ22. ນ. ວາດີ້ ອິນທິຍາ ຈາກ ນະຄອນຫລວງ23. ນ. ຈິນດາ ສີຫາລາດ ຈາກ ນະຄອນຫລວງການແຂ່ງຂັນບານເຕະຊາຍ ມີ 10 ປະເທດ ເຂົ້າຮ່ວມຄື: ຫວຽດນາມ, ໄທ, ອິນໂດເນເຊຍ, ມາເລເຊຍ, ມຽນມາ, ສິງກະໂປ, ຟີລິບປິນ, ຕີມໍ ເລສເຕ, ລາວ ແລະ ກຳປູເຈຍ.

ກຸ່ມ ເອ: ຫວຽດນາມ, ອິນໂດເນເຊຍ, ມຽນມາ, ຟີລິບປິນ ແລະ ຕີມໍ ເລສເຕ.ກຸ່ມ ບີ: ໄທ, ມາເລເຊຍ, ກຳປູເຈຍ, ສິງກະໂປ ແລະ ລາວຕາຕະລາງ ການແຂ່ງຂັນບານເຕະຊາຍ ທີມຊາດລາວ ມີດັ່ງນີ້:- ວັນທີ 07/05/2022 ເວລາ 16:00 ສິງກະໂປ ພົບ ລາວ ແຂ່ງຂັນຢູ່ທີ່ສະຫນາມ Thien Truong- ວັນທີ 09/05/2022 ເວລາ 16:00 ລາວ ພົບ ກຳປູເຈຍ ແຂ່ງຂັນຢູ່ທີ່ສະຫນາມ Thien Truong – ວັນທີ 11/05/2022 ເວລາ 19:00 ມາເລເຊຍ ພົບ ລາວ ແຂ່ງຂັນຢູ່ທີ່ສະຫນາມ Thien Truong- ວັນທີ 16/05/2022 ເວລາ 19:00 ລາວ ພົບ ໄທ ແຂ່ງຂັນຢູ່ທີ່ສະຫນາມ Thien Truong

ການແຂ່ງຂັນບານເຕະຍິງ ມີ 7 ປະເທດເຂົ້າຮ່ວມຄື: ຫວຽດນາມ, ໄທ, ມຽນມາ, ສິງກະໂປ, ຟີລິບປິນ, ລາວ ແລະ ກຳປູເຈຍ.ກຸ່ມເອ : ຫວຽດນາມ, ຟີລິບປິນ ແລະ ກຳປູເຈຍ ກຸ່ມບີ : ໄທ, ມຽນມາ, ລາວ ແລະ ສິງກະໂປຕາຕະລາງ ການແຂ່ງຂັນບານເຕະຍິງ ທີມຊາດລາວ ມີດັ່ງນີ້:

– ວັນທີ 10/05/2022 ເວລາ 16:00 ມຽນມາ ພົບ ລາວ ແຂ່ງຂັນຢູ່ທີ່ສະຫນາມ Cam Pha

– ວັນທີ 13/05/2022 ເວລາ 16:00 ລາວ ພົບ ສິງກະໂປ ແຂ່ງຂັນຢູ່ທີ່ສະຫນາມ Cam Pha

– ວັນທີ 15/05/2022 ເວລາ 16:00 ລາວ ພົບ ໄທ ແຂ່ງຂັນຢູ່ທີ່ສະຫນາມ Cam Pha

ກຳນົດການເດີນທາງຂອງ ທີມບານເຕະຊາຍ ແມ່ນຈະອອກເດີນທາງໃນວັນທີ 04 ພຶດສະພາ ສ່ວນທີມບານເຕະຍິງ ແມ່ນຈະອອກເດີນທາງໃນວັນທີ 06 ພຶດສະພາ 2022.

ຂໍ້ມູນ ແລະ ຮູບພາບ: ສະຫະພັນບານເຕະແຫ່ງຊາດລາວ Lao Football Federation

ຕາມການລາຍງານຂອງ Lao Friends Hospital for Children ໃຫ້ຮູ້ວ່າ: ນ້ອງ ປໍຈົວ ໄດ້ເດີນທາງມາເປັນໄລຍະເວລາ 5 ຊົ່ວໂມງເພື່ອມາຫາໂຮງໝໍເພື່ອນລາວສຳຫຼັບເດັກນ້ອຍ ໃນເບື່ອງຕົ້ນນ້ອງມີອາການຫາຍໃຈຍາກ ແລະ ຍັງມີອາການໄອເປັນໄລຍະເວລາປະມານໜຶ່ງເດືອນມາແລ້ວ ພາຍຫຼັງທີ່ນ້ອງມາຮອດໂຮງໝໍ, ທາງທີມງານແພດໝໍໄດ້ກວດແລະຮູ້ທັນທີ່ວ່າມີ (ໂຕທັກແທ່) ຕິດຢູ່ໃນທໍ່ທາງເດີນອາຫານ.

ນີ້ຄືສິ່ງໜ້າເປັນຫວງ, ຢູ່ໃນໂຮງໝໍເພື່ອນລາວສຳຫຼັບເດັກນ້ອຍ, ເນື່ອງຈາກໄດ້ພົບເຫັນກໍລະນີຄົນເຈັບເປັນແບບນີ້ສອງ-ສາມຄັ້ງ ໃນທຸກໆປີ. ບັນດາເດັກນ້ອຍທີ່ຢູ່ໃນເຂດຊົນນະບົດໄດ້ພາກັນດື່ມນໍ້າທີ່ເປິ້ເປື້ອນຈາກສາຍນໍ້ານ້ອຍ, ໃຫຍ່ຕ່າງໆ, ບາງເທື່ອອາດມີ ໂຕທັກແທ່ນ້ອຍໆ, ທີ່ບໍ່ສາມາດເບີ່ງເຫັນໄດ້ດ້ວຍຕາເປົ່າ.

ຫຼັງຈາກນັ້ນ, ໂຕທັກແທ່ ກໍ່ຈະເຂົ້າໄປອາໄສຢູ່ໃນທໍ່ທາງເດີນອາຫານ ຫຼື ຕິດຢູ່ໃນຄໍ, ດູດກິນເລືອດ ແລະ ຂະຫຍາຍຕົວໃຫຍ່ຂື້ນເລື້ອຍໆຈົນສາມາດຕັນຢູ່ທີ່ທໍ່ລົມຫາຍໃຈ.

ສິ່ງນີ້ໄດ້ກັບກາຍມາເປັນສິ່ງທີ່ອັນຕະລາຍທີ່ສຸດ ທາງທີມງານວາງຢາສະລົບຂອງພວກເຮົາໄດ້ນຳເອົາ ນ້ອງ ປໍຈົວ ເຂົ້າໄປນອນຢູ່ບອນທີ່ມີໄຟແສງສະຫວ່າງກ່ອນທີ່ຈະເອົາໂຕທັກແທ່ນັ້ນອອກມາໄດ້.

ທາງ Lao Friends Hospital for Children ຂໍເຕືອນທຸກໆທ່ານໃຫ້ຮູ້ວ່າການດື່ມນ້ຳດີບທີ່ບໍ່ສະອາດຈາກສາຍນ້ຳນ້ອຍ, ໃຫຍ່ຕ່າງໆ, ທີ່ຍັງບໍ່ໄດ້ຕົ້ມໃຫ້ຝົດດີນັ້ນແມ່ນມີຄວາມອັນຕະລາຍທີ່ສຸດເດີ.

ຫ້ອງວ່າການແຂວງສາລະວັນ ອອກແຈ້ງຫານ ເລື່ອງ ແຈ້ງເປີດດ່ານທ້ອງຖິ່ນປາກຕະພານ ເມືອງລະຄອນເພັງ

ໃນວັນທີ 27 ເມສາ 2022, ປະທານຄະນະກໍາມະການຊາຍແດນຂັ້ນແຂວງ ສາລະວັນ ໄດ້ອອກແຈ້ງການ ກ່ຽວກັບການເປີດດ່ານທ້ອງຖິ່ນປາກຕະພານ ເມືອງລະຄອນເພັງ ເພື່ອເປີດຄືນດ່ານທ້ອງຖິ່ນດັ່ງກ່າວ ສົ່ງອອກ ແລະ ນຳເຂົ້າສິນຄ້າຕາມລະບຽບການ ໂດຍເຫັນດີໃຫ້ດ່ານທ້ອງຖິ່ນປາກຕະພານ ແລະ ດ່ານປາກແຊງ ນຳເຂົ້າ-ສົ່ງອອກ ສິນຄ້າໄດ້.

ພ້ອມກັນນີ້, ໃຫ້ອົງການປົກຄອງເມືອງລະຄອນເພັງ ແລະ ພະແນກການທີ່ກ່ຽວຂ້ອງຂັ້ນແຂວງ ລາຍງານຄວາມພ້ອມໃນການເປີດດ່ານ ມາເປັນລາຍລັກອັກສອນຕໍ່ອົງການປົກຄອງແຂວງ ຮັບຊາບ ແລ້ວສາມາດເປີດດ່ານໃນຄວາມຮັບຜິດຊອບຂອງຕົນ ເພື່ອບໍລິການສົ່ງອອກ-ນຳເຂົ້າສິນຄ້າ, ພ້ອມທັງລາຍງານສະພາບການ ໃຫ້ອົງການປົກຄອງແຂວງຮັບຊາບ ເມື່ອເຫັນວ່າມີສະພາບຄວາມສ່ຽງ ຫຼື ປະກົດການຫຍໍ້ທໍ້ເກີດຂຶ້ນ;

ໃຫ້ກອງບັນຊາການທະຫານແຂວງ, ກອງບັນຊາການ ປກສ ແຂວງ ແລະ ເມືອງລະຄອນເພັງ ເປັນເຈົ້າການຕິດຕາມກວດກາ ສາລະເວ ເພື່ອປ້ອງກັນ ແລະ ຮັກສາຄວາມສະຫງົບຕາມແລວຊາຍແດນ ແລະ ລໍາແມ່ນໍ້າຂອງຕາມຄວາມຮັບຜິດຊອບຂອງຕົນ.

ນອກຈາກນີ້, ໃຫ້ພະແນກ ແລະ ພາກສ່ວນຕ່າງໆໃນທົ່ວແຂວງສາລະວັນ ທີ່ມີສ່ວນພົວພັນກັບກິດຈະການສົ່ງອອກ-ນຳເຂົ້າ.

ການລັກໃຊ້ກະແສໄຟຟ້າ ແລະ ດັດແປງໝໍ້ນັບໄຟ ເປັນໜຶ່ງໃນສາເຫດຂອງພະລັງງານຕົກເຫ່ຍນອກເຕັກນິກ ແລະ ເປັນປະ ກົດການຫຍໍ້ທໍ້ທີ່ກໍ່ໃຫ້ເກີດຄວາມເສຍຫາຍທາງຊັບສິນຂອງລັດວິ ສາຫະກິດໄຟຟ້າລາວ ກໍຄື ຊັບສິນຂອງລັດ. ຈາກການຕິດຕາມກວດກາຂອງລັດວິສາຫະກິດໄຟຟ້າລາວ ສາມາດພົບເຫັນການລັກກະແສໄຟຟ້າຫລາຍຮູບແບບ.

ໜຶ່ງໃນນັ້ນ ແມ່ນຜູ້ຊົມໃຊ້ໄຟຟ້າຮ່ວມ ມືກັບກຸ່ມຄົນບໍ່ດີດັດແປງໝໍ້ນັບໄຟ ເຮັດໃຫ້ການເຮັດວຽກຜິດປົກ ກະຕິ ແລະ ບໍ່ຖືກຕາມຕະຖານເຕັກນິກຂອງລັດວິສາຫະກິດໄຟ ຟ້າລາວ.

ນັບແຕ່ປີ 2021 ຫາ ຕົ້ນປີ 2022 ນີ້, ທົ່ວປະເທດ ກວດພົບການລັກໃຊ້ກະແສໄຟຟ້າ ແລະ ດັດແປງໝໍ້ນັບໄຟທັງໝົດ 31 ກໍລະ ນີ, ຄິດໄລ່ພະລັງງານຄືນຫລັງຫລາຍກວ່າ 9,6 ລ້ານ ກິໂລວັດໂມງ, ມູນຄ່າເສຍຫາຍຫລາຍກວ່າ 19,3 ຕື້ກີບ. ທ່ານ ຈັນສົມ ພິລາລົມ, ຫົວໜ້າຝ່າຍກວດກາ, ລັດວິສາຫະກິດໄຟຟ້າລາວ ໃຫ້ສໍາພາດຕໍ່ນັກຂ່າວໂທລະພາບແຫ່ງຊາດລາວເມື່ອບໍ່ດົນມານີ້ວ່າ:

ໃນຈໍານວນພະລັງານໄຟຟ້າທີ່ເສຍໄປ ສາມາດເກັບກູ້ຄືນໄດ້ 4,9 ລ້ານກິໂລວັດໂມງ, ພ້ອມນີ້ສາມາດເກັບກູ້ເງິນຄືນໄດ້ 5,6 ຕື້ກີບ ແລະ ຍັງຄ້າງຢູ່ 13,6 ຕື້ກີບ ທີ່ຍັງດໍາເນີນຄະດີຢູ່, ຖ້າຫາກລູກຄ້າທີ່ກະທໍາຜິດຍອມຈ່າຍຈະໄດ້ຜ່ອນໂທດຈາກໜັກໃຫ້ເປັນເບົາ ແຕ່ຖ້າບໍ່ຍອມຈ່າຍຄືນຈະໄດ້ຟ້ອງສານຕາມລະບຽບກົດໝາຍທີ່ ກໍານົດໄວ້. ຜົນເສຍຫາຍຢ່າງຫລວງຫຼາຍຈາກພະລັງງານຕົກເຮ່ຍນອກລະບົບເຕັກນິກ ທີ່ເກີດຈາກການລັກໃຊ້ກະແສໄຟຟ້າ ເຮັດໃຫ້ການຫລຸດຜ່ອນຕົວເລກພະລັງງານຕົກເຮ່ຍ ຍ້ອນຜູ້ຊົມໃຊ້ໄຟຟ້າສົມຮູ້ຮ່ວມຄິດກັບກຸ່ມຄົນບໍ່ດີ, ລວມເຖີງເຈົ້າໜ້າທີ່ໄຟຟ້າລັກໃຊ້ກະແສໄຟຟ້າ ແລະ ດັດແປງໝໍ້ນັບໄຟ ໄດ້ກາຍເປັນໜຶ່ງໃນຫລາຍຄາດໝາຍສູ້ຊົນທີ່ລັດວິສາຫະກິດໄຟຟ້າລາວ ຕ້ອງໄດ້ເອົາໃຈໃສ່ຕິດຕາມກວດກາແກ້ໄຂ ແລະ ມີມາດຕະການລົງໂທດຕໍ່ຜູ້ກະທໍາຜິດຢ່າງເຂັ້ມງວດ ແລະ ເດັດຂາດ.

ເຊີ່ງໃນໄຕມາດທີ 1 ຂອງປີ 2022 ນີ້, ລັດວິສາຫະກິດໄຟຟ້າລາວ ໄດ້ປະ ຕິບັດວິໄນດ້ວຍການປົດປ່ອຍພະ ນັກງານໄຟຟ້າທີ່ກະທໍາຜິດກ່ຽວ ກັບການລັກໃຊ້ກະແສໄຟຟ້າອອກຈາກການເປັນພະນັກງານຂອງຕົນແລ້ວ 5 ກໍລະນີ, ໃນນີ້ 2 ກໍລະນິຢູ່ນະຄອນຫລວງວຽງຈັນ ແລະ 3 ກໍລະນີ ແມ່ນຢູ່ຕ່າງແຂວງ.

ຫົວໜ້າຝ່າຍກວດກາ, ລັດວິສາ ຫະກິດໄຟຟ້າລາວ ຢືນຢັນວ່າ: ປັດຈຸບັນ ຖ້າມີພະນັກງານໄຟຟ້າຄົນໃດມີສ່ວນໃນການລັກໃຊ້ກະແສໄຟຟ້າ ແລະ ດັດແປງໝໍ້ນັບໄຟ ຖ້າຜ່ານການສອບສວນຢ່າງລະອຽດວ່າກະທໍາຜິດແທ້ ແມ່ນຈະຖືກໄລ່ອອກທັນທີໂດຍບໍ່ມີການກ່າວຕັກເຕືອນ, ຂຽນໃບສໍາຫລວດ, ປົດຊັ້ນ ຫລື ປົດຕໍາແໜ່ງຄືເມື່ອກ່ອນ. ນອກຈາກນີ້ ເມື່ອຖືກໄລ່ອອກແລ້ວ ຈະບໍ່ໄດ້ຮັບນະໂຍບາຍໃດໆ ຈາກລັດວິສາຫະກິດໄຟຟ້າລາວ. ໃນໄລຍະຜ່ານມາ ເມື່ອພົບເຫັນການລັກໃຊ້ກະແສໄຟຟ້າ ແລະ ດັດ ແປງໝໍ້ນັບໄຟ, ລັດວິສາຫະກິດໄຟຟ້າລາວ ໄດ້ຢຸດການໃຊ້ກະແສໄຟຟ້າຊົ່ວຄາວ ພ້ອມທັງດໍາເນີນການໄກ່ເກ່ຍທາງແພ່ງດ້ວຍການປັບໄໝ ເຊີ່ງສ່ວນໃຫຍ່ສິ້ນສຸດເມື່ອຜູ້ກະທໍາຜິດຍອມຈ່າຍຄ່າປັບໄໝ ແຕ່ວິທີການດັ່ງກ່າວບໍ່ສາມາດນໍາເອົາຜູ້ມີສ່ວນຮ່ວມກະທໍາຜິດມາດໍາເນີນຄະດີຕາມລະບຽບກົດໝາຍ ຈິ່ງເຮັດໃຫ້ການລັກໃຊ້ກະແສໄຟຟ້າ ແລະ ດັດແປງໝໍ້ນັບໄຟ ປະກົດໃຫ້ເຫັນຢ່າງຕໍ່ ເນື່ອງ ແລະ ກາຍເປັນປະກົດການຫຍໍ້ທໍ້ທີ່ສ້າງຄວາມເສຍຫາຍໃຫ້ແກ່ລັດວິສາຫະກິດໄຟຟ້າລາວ ກໍຄື ລັດຖະບານ ທັງກົດໝ່ວງຖ່ວງດຶງການພັດທະນາປະ ເທດຊາດ ຈິ່ງຈໍາເປັນຕ້ອງໄດ້ຫາວິທີແກ້ໄຂໃຫ້ໄດ້ຢ່າງເດັດຂາດ.

ແຫຼ່ງຂ່າວ: Lao National Radio