Home Blog Page 63

ພົບຢາບ້າ 457 ມັດ ສ່ວນເຮືອເປົ້າໝາຍແມ່ນປົບໜີ

ໂທລະໂຄ່ງ THOLAKHONG
-
0
ພົບຢາບ້າ 457 ມັດ ສ່ວນເຮືອເປົ້າໝາຍແມ່ນປົບໜີ

ພິທີມອບ-ຮັບຢາເສບຕິດ(ຢາບ້າ)457ມັດ ລະຫວ່າງກອງບັນຊາການທະຫານແຂວງ ແລະ ກອງບັນຊາການ ປກສ ແຂວງສະຫວັນນະເຂດ.

ທາງເຈົ້າໜ້າທີ່ທະຫານຊາຍແດນກອງຮ້ອຍ 326 ຍຶດໄດ້ ໃນເວລາ 18:00 ໂມງ ຂອງວັນທີ 24 ພຶດສະພາ ທີ່ຜ່ານມາ ໃນຂະນະທີ່ກຳລັງປະຕີບັດກວດກາລາດຕະເວນຕາມຊາຍແດນແມ່ນໍ້າຂອງຢູ່ຂອບເຂດບ້ານຜາອຸດົມ ແລະ ຈຸດກົງພະນັງ ບ້ານ ໜອງບົວທ່າ ເມືອງສອງຄອນແຂວງສະຫວັນນະເຂດ ເຊິ່ງໄດ້ພົບເຮືອຫາງຍາວກຳລັງແລ່ນອອກຈາກຖໍ້າດອນເຕົ່າ ແລ່ນມາທາງດອນຂີ້ເຮ່ຍເທິງປາກຫ້ວຍກົງພະນັງ ແຕ່ເຮືອດັ່ງກ່າວກໍໄດ້ປົບໜີໄປທາງປະເທດໄທ ຈາກນັ້ນເຈົ້າໜ້າທີ່ຈິ່ວງໄດ້ກວດຄົ້ນຈຸດດັ່ງກ່າວກໍໄດ້ພົບຢາເສບຕິດ 5 ກະສອບ ຈາກນັ້ນກໍໄດ້ນຳໄປມອບໃຫ້ເຈົ້າໜ້າທີ່ວິຊາສະເພາະເພື່ອຈະໄດ້ດຳເນີນຄະດີຕໍ່ໄປ.

ກອງປະຊຸມໃຫຍ່ ຄັ້ງທີ 78 ຂອງຄະນະກໍາມາທິການເສດຖະກິດ-ສັງຄົມ ປະຈໍາພາກພື້ນອາຊີ-ປາຊີຟິກ (UNESCAP)

ໂທລະໂຄ່ງ THOLAKHONG
-
0
ກອງປະຊຸມໃຫຍ່ ຄັ້ງທີ 78 ຂອງຄະນະກໍາມາທິການເສດຖະກິດ-ສັງຄົມ ປະຈໍາພາກພື້ນອາຊີ-ປາຊີຟິກ (UNESCAP)

ຄະນະຜູ້ແທນລາວເຂົ້າຮ່ວມກອງປະຊຸມໃຫຍ່ປະຈໍາປີ ຄັ້ງທີ 78 ຂອງຄະນະກໍາມາທິການເສດຖະກິດ-ສັງຄົມ ປະຈໍາພາກພື້ນອາຊີ-ປາຊີຟິກ (UNESCAP) .

ໃນລະຫວ່າງວັນທີ 23-27 ພຶດສະພາ 2022, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ໄດ້ນໍາພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມໃຫຍ່ປະຈໍາປີ ຄັ້ງທີ 78 ຂອງຄະນະກໍາມາທິການເສດຖະກິດ-ສັງຄົມຂອງອົງການສະຫະປະຊາຊາດ (ສປຊ)ປະຈໍາພາກພື້ນອາຊີ-ປາຊີຟິກ (UN-ESCAP) ທີ່ບາງກອກ, ລາຊະອານາຈັກໄທ ພາຍໃຕ້ຫົວຂໍ້ “ວາລະຮ່ວມເພື່ອເລັ່ງລັດສູ່ການພັດທະນາແບບຍືນຍົງຢູ່ພາກພື້ນອາຊີ ແລະ ປາຊີຟິກ (A common agenda to advance sustainable development in Asia and the Pacific)”.

ສຳລັບກອງປະຊຸມໃນປີນີ້ຊຶ່ງກົງກັບວັນຄົບຮອບ 75 ປີຂອງການສ້າງຕັ້ງອົງການດັ່ງກ່າວ, ໄດ້ມີຄະນະຜູ້ແທນຂັ້ນສູງຈາກບັນດາປະເທດສະມາຊິກ, ປະເທດສັງເກດການ, ຜູ້ຕາງໜ້າອົງການເຄືອຂ່າຍ ສປຊ, ອົງຈັດຕັ້ງສາກົນທີ່ບໍ່ສັງກັດລັດຖະບານ ແລະ ພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ ຈໍານວນ 200 ກວ່າທ່ານ.

ຈຸດປະສົງຂອງກອງປະຊຸມແມ່ນເພື່ອປຶກສາຫາລືການຮ່ວມມືຂອງບັນດາປະເທດສະມາຊິກ ໃນຂອບວຽກງານການພັດທະນາເສດຖະກິດ-ສັງຄົມໃນພາກພື້ນ ອາຊີ-ປາຊີຟິກ ໂດຍສະເພາະໄດ້ມີການທົບທວນຄວາມຄືບໜ້າການຈັດຕັ້ງປະຕິບັດວາລະ 2030 ເພື່ອການພັດທະນາແບບຍືນຍົງ ຂອງອົງການ ສປຊ ໃນພາກພື້ນອາຊີ ແລະ ປາຊີຟິກ, ລວມທັງການຈັດຕັ້ງປະຕິບັດບັນດາເອກະສານສໍາຄັນຕ່າງໆ ທີ່ໄດ້ຖືກຮັບຮອງໃນໄລຍະຜ່ານມາແນໃສ່ສ້າງການຮັບປະກັນການຈັດຕັ້ງປະຕິບັດ ແລະ ສົ່ງເສີມການຮ່ວມມືທາງດ້ານເສດຖະກິດ-ສັງຄົມ ແລະ ບັນຫາອື່ນໆທີ່ປິ່ນອ້ອມການພັດທະນາແບບຍືນຍົງເຊັ່ນ:

ການຮັບມືຕໍ່ຜົນກະທົບຂອງໄພທຳມະຊາດ; ບັນຫາພະລັງງານ; ການຄົມມະນາຄົມ-ຂົນສົ່ງ; ນະໂຍບາຍຕໍ່ກັບເສດຖະກິດມະຫາພາກ, ການລຶບລ້າງຄວາມທຸກຍາກ ແລະ ສະໜອງທຶນເພື່ອການພັດທະນາ; ການຄ້າ ແລະ ການລົງທຶນ; ເຕັກໂນໂລຊີ ແລະ ການສື່ສານ, ເຕັກນິກວິທະຍາສາດ ແລະ ນະວັດຕະກໍາ ລວມທັງຂໍ້ມູນ ແລະ ສະຖິຕິ ເປັນຕົ້ນ.ໃນໂອກາດດັ່ງກ່າວ ທ່ານ ທອງຜ່ານ ສະຫວັນເພັດ ໃນນາມຫົວໜ້າຄະນະຜູ້ແທນ ສປປ ລາວ ໄດ້ຮັບກຽດຈາກຄະນະຈັດກອງປະຊຸມ ໃຫ້ເປັນປະທານໃນວາລະທີ 2 ຂອງກອງປະຊຸມໃນພາກອະພິປາຍທົ່ວໄປ ໃນຫົວຂໍ້: ກອງປະຊຸມໂຕະມົນລະດັບສູງ ທີ 1ໃນຫົວຂໍ້: ການສ້າງຄວາມເຂັ້ມແຂງໃນການກຽມຄວາມພ້ອມ ແລະ ຕອບສະໜອງດ້ານສາທາລະນະສຸກ(High-Level Thematic roundtable 1: Strengthening health responses and preparedness). ນອກຈາກນີ້, ທ່ານ ຮອງລັດຖະມົນຕີ ຍັງໄດ້ຂື້ນກ່າວຄຳເຫັນຕໍ່ກອງປະຊຸມລະດັບສູງທີ 2 ໃນພາກອະພິປາຍ: ການຮັບປະກັນຕ່ອງໂສ້ການສະໜອງ ແລະ ການເຊື່ອມຈອດ (High-Level Thematic roundtable 2: Ensuring resilient supply chains and connectivity) ໂດຍໃນເນື້ອໃນບາງຕອນ, ທ່ານໄດ້ກ່າວຊົມເຊີຍຕໍ່ການສ້າງຕັ້ງ ອົງການ UN-ESCAP ຄົບຮອບ 75 ປີ ແລະ ຍົກໃຫ້ເຫັນຄວາມໝາຍ ແລະ ຄວາມສຳຄັນຂອງການຮ່ວມມືແບບຫຼາຍຝ່າຍໃນຂອບUN-ESCAP ຊື່ງເປັນກະແຈສໍາຄັນເຮັດໃຫ້ບັນດາປະເທດໃນຂົງເຂດອາຊີ-ປາຊິຟິກ ບັນລຸເປົ້້າໝາຍສຳຄັນຕ່າງໆທີ່ຜ່ານມາ ແລະ ວາລະທີ່ສຳຄັນຂອງສາກົນໃນປະຈຸບັນ ໂດຍສະເພາະໃນການຈັດຕັ້ງປະຕິບັດວາລະ 2030 ເພື່ອການພັດທະນາແບບຍືນຍົງ, ການຮັບມື ແລະ ການຟື້ນຟູ ຈາກຜົນກະທົບຂອງການແຜ່ລະບາດຂອງພະຍາດ COVID-19, ການເຊື່ອມຈອດ ແລະ ເຊື່ອມໂຍງກັບບັນດາປະເທດຕ່າງໆໃນພາກພື້ນ ແລະ ສາກົນ. ພ້ອມກັນນີ້, ທ່ານ ທອງຜ່ານ ສະຫວັນເພັດ ຍັງໄດ້ຍົກໃຫ້ເຫັນຜົນງານ ແລະ ສິ່ງທ້າທາຍ ໃນການຈັດຕັ້ງປະຕິບັດວາລະ 2030 ຂອງສາກົນດັ່ງກ່າວ ຢູ່ ສປປ ລາວ ແລະ ຄວາມພະຍາຍາມຂອງ ສປປ ລາວ ໃນການນໍາພາປະເທດຫຼຸດພົ້ນອອກຈາກສະພາບດ້ອຍພັດທະນາ ໃນປີ 2026 ຕາມການປະເມີນ ແລະ ຂໍ້ສະເໜີແນະຂອງ ອົງການ ສປຊ.

ໃນໂອກາດນີ້, ທ່ານຮອງລັດຖະມົນຕີ ກໍ່ໄດ້ສະແດງຄວາມຂອບໃຈຕໍ່ການຮ່ວມມື ແລະ ຊ່ວຍເຫຼືອຂອງບັນດາປະເທດ ແລະ ອົງການຈັດຕັ້ງສາກົນ ໃນໄລຍະຜ່ານມາ ແລະ ຫວັງວ່າການຮ່ວມມື ແລະ ຊ່ວຍເຫຼືອດັ່ງກ່າວຈະຍັງຄົງສືບຕໍ່ໃນອະນາຄົດ. ນອກຈາກນີ້, ຄະນະຜູ້ແທນ ສປປ ລາວຍັງໄດ້ພົບປະແບບສອງຝ່າຍກັບປະເທດເພື່ອນມິດຕ່າງໆ; ເຂົ້າຮ່ວມ ແລະ ປະກອບຄໍາເຫັນຕໍ່ກອງປະຊຸມປິ່ນອ້ອມໃນຫົວຂໍ້ຕ່າງໆເຊັ່ນ: ວາລະພິເສດ ກ່ຽວກັບບັນດາ ບັນດາປະເທດດ້ອຍພັດທະນາ, ບັນດາປະເທດກໍາລັງພັດທະນາທີ່ບໍ່ມີຊາຍແດນຕິດກັບທະເລ ແລະ ບັນດາປະເທດກຳລັງພັດທະນາທີ່ເປັນເກາະດອນເປັນຕົ້ນ. ໃນຕອນທ້າຍກອງປະຊຸມ, ປະເທດສະມາຊິກ ໄດ້ຮ່ວມກັນຮັບຮອງເອົາຖະແຫຼງການBangkokdeclaration commemorating the 75th Anniversary of the United Nations Economic and Social commission for Asia and the Pacific: A common agenda to advance sustainable development in Asia and the Pacific ແລະ ຮ່າງຍັດຕິ ແລະ ມະຕິຂອງກອງປະຊຸມຈໍານວນ 14 ສະບັບ ຢ່າງເປັນເອກະສັນ.

ກອງປະຊຸມດັ່ງກ່າວໄດ້ດຳເນີນໄປພາຍໃຕ້ບັນຍາກາດທີ່ສ້າງສັນ ແລະ ອັດລົງດ້ວຍຜົນສຳເລັດອັນຈົບງາມ. ຄະນະກຳມາທິການ UNESCAP ແມ່ນອົງກອນດ້ານການພັດທະນາຂອງອົງການ ສປຊ ປະຈຳພາກພື້ນອາຊີ-ປາຊິຟິກ, ເຊິ່ງໄດ້ຖືກກໍ່ຕັ້ງຂື້ນໃນປີ 1947 ໂດຍມີສຳນັກງານໃຫ່ຍຕັ້ງຢູ່ບາງກອກ, ຣາຊະອານາຈັກໄທ, ປະກອບມີສະມາຊິກ 53 ປະເທດ. ຄະນະກໍາມາທິການດັ່ງກ່າວ ມີພາລະບົດບາດໃນການສະໜອງການຊ່ວຍເຫຼືອດ້ານເຕັກນິກ-ວິຊາການ ແລະ ການຍົກລະດັບບຸກຄະລາກອນຂອງບັນດາປະເທດສະມາຊິກໃນການແກ້ໄຂບັນຫາສິ່ງທ້າທາຍທາງດ້ານການສ້າງນະໂຍບາຍເສດຖະກິດມະຫາພາກ, ການຄ້າ-ການລົງທຶນ, ນະວັດຕະກຳ, ພະລັງງານ, ການຂົນສົ່ງ, ສະຖິຕິ, ເຕັກໂນໂລຊີການສື່ສານ, ການພັດທະນາສັງຄົມ ແລະ ສິ່ງແວດລ້ອມ.ກອງປະຊຸມປະຈຳປີຂອງຄະນະກໍາມາທິການUNESCAPຖືເປັນຂີດໝາຍອັນດີໃຫ້ແກ່ການເສີມຂະຫຍາຍການພົວພັນຮ່ວມມືແບບຫຼາຍຝ່າຍຂອງບັນດາປະເທດໃນຂົງເຂດອາຊີ-ປາຊິຟິກໃຫ້ນັບມື້ແຕກດອກອອກຜົນຍິ່ງໆຂຶ້ນໃນອະນາຄົດທັງເປັນໂອກາດອັນດີໃຫ້ແກ່ບັນດາປະເທດຕ່າງໆໃນພາກພື້ນເພື່ອແລກປ່ຽນບົດຮຽນ ແລະ ຮ່ວມມືກັນເພື່ອຈັດຕັ້ງປະຕິບັດວາລະຮ່ວມເພື່ອກ້າວສູ່ການພັດທະນາແບບຍືນຍົງຢູ່ພາກພື້ນອາຊີ ແລະ ປາຊີຟິກ.

ແຫຼ່ງຂ່າວ: Lao National Radio

ເກັ່ງຫຼາຍ! ນັກອອກແບບລາວເຮົາ

ໂທລະໂຄ່ງ THOLAKHONG
-
0
ເກັ່ງຫຼາຍ! ນັກອອກແບບລາວເຮົາ

ຂໍຊົມເຊີຍ ນັກອອກແບບລາວ!

ຂຸນພິທັກ ໝື່ນນາຜ້າໄຫມ ສ້າງຊື່ສຽງໃຫ້ປະເທດຊາດ ຄ້ວາ ລາງວັນທີ 3 ໃນງານ ມະໂຫລານ ເຄື່ອງປັກດິ້ງຄຳ ແລະ ເຄື່ອງປະດັບ ນານາຊາດ, International Gold Embriodery and Jewery

ທີ່ຈັດຂື້ນ ໃນເມືອງ ມໍລະດົກໂລກ ບູຄາລາ ປະເທດ ອຸເບກິດສະຖານ, ເຊິ່ງມີຮ້ອຍກວ່າ ປະເທດເຂົ້າຮ່ວມ.

ເຊິ່ງມີນັກອອກແບບ ຈາກ 101 ປະເທດໃນໂລກທີ່ເຂົ້າຮ່ວມການປະກວດຄັ້ງນີ້.

ອັນດັບທີ 01 ໄດ້ແກ່ຜົນງານປະເທດເຈົ້າພາບ ອຸເບກິດສະຖານ, ອັນດັບທີ 02 ປະເທດອົດສະຕາລີ ແລະ ອັນດັບທີ 03 ສປປ ລາວ.

ຂໍ້ມູນຈາກ: ຜະລິດຕະພັນລາວ

ອຸບັດເຫດລົດໃຫຍ່ຕໍາລົດໃຫຍ່ ສີ່ແຍກໂຮງໝໍມະໂຫສົດ

ໂທລະໂຄ່ງ THOLAKHONG
-
0
ອຸບັດເຫດລົດໃຫຍ່ຕໍາລົດໃຫຍ່ ສີ່ແຍກໂຮງໝໍມະໂຫສົດ

ທ່ານ ພັນໂທ ບຸນແອັດ ສຸບົວຈັນ ຮອງພະແນກຕໍາຫລວດຊີ້ນໍາຈະລາຈອນ ເມືອງສີສັດຕະນາກ ໄດ້ໃຫ້ຂໍ້ມູນ ເບື້ອງຕົ້ນກ່ຽວກັບອຸບັດເຫດລົດໃຫຍ່ຕໍາລົດໃຫຍ່ຢູ່ສີ່ແຍກໂຮງຫມໍມະໂຫສົດນີ້ວ່າ: ເມື່ອເວລາປະມານ 23:40 ໂມງ ຂອງວັນທີ 24 ພຶດສະພາ 2022 ມີເຫດລົດໃຫຍ່ຕໍາລົດໃຫຍ່ຢູ່ສີ່ແຍກໂຮງຫມໍມະໂຫສົດ ເມື່ອເຈົ້າຫນ້າທີ່ລົງ ໄປກວດກາ ເປັນລົດຟໍຈູນເນີທີ່ມຸ່ງຫນ້າມາແຕ່ເສັ້ນທາງໂຮງແຮມດອນຈັນພາເລດ ພໍມາຮອດສີ່ແຍກໂຮງໝໍມະໂຫສົດ ມີລົດກະບະ ມາແຕ່ເສັ້ນທາງໂຮງຫມໍມະໂຫສົດຈະມຸ່ງຫນ້າໄປເສັ້ນທາງແຄມຂອງ ມາຮອດຈຸດສີ່ແຍກ ຕ່າງຝ່າຍຕ່າງບໍ່ຜ່ອນຄວາມໄວຈຶ່ງເຮັດໃຫ້ເກີດອຸບັດເຫດ ມີຄົນໄດ້ຮັບບາດເຈັບເລັກ ຫນ້ອຍ 1 ຄົນ, ສ່ວນລົດ ທັງສອງຄັນແມ່ນເປ່ເພຫລາຍຫລາຍສົມຄວນ.

ຕໍ່ກັບບັນຫາທີ່ປະຊາຊົນຮຽກຮ້ອງໃຫ້ແກ້ໄຂບາງບັນຫາຢູ່ທາງດ່ວນນະຄອນຫລວງວຽງຈັນ-ວັງວຽງ ເປັນຕົ້ນ ແມ່ນ ບໍ່ໄຕ້ໄຟອຸມົງເວລາຂັບຂີ່ເຂົ້າໄປສ່ຽງຕໍ່ການເກີດອຸບັດເຫດ ແລະ ຮາວກັ້ນຂອບທາງເປ່ເພ ສ່ຽງເປັນ ອັນຕະລາຍຕໍ່ຜູ້ຂັບຂີ່ ໃນໄລຍະທີ່ຜ່ານມາ, ມາຮອດວັນທີ 26 ພຶດສະພາ 2022 ທ່ານ ພັນຕີ ວັດທະນາ ຈິດຕະ ພົງ ເຈົ້າຫນ້າທີ່ປະຈໍາທາງດ່ວນ ໃຫ້ຮູ້ວ່າ: ທາງເຈົ້າຫນ້າທີ່ໄດ້ຕິດຕໍ່ຫາບໍລິສັດທີ່ຮັບຜິດຊອບແລ້ວ ຈົນມາຮອດ ປັດຈຸບັນຍັງບໍ່ໄດ້ຮັບການແກ້ໄຂເທື່ອ.

ຂໍ້ມູນຮູບພາບ+ຈາກ: ລາວພັດທະນາ

ນະຄອນຫຼວງວຽງຈັນວາງແຜນປູກຕົ້ນໄມ້ໃຫ້ໄດ້ໃນເນື້ອທີ່ 400 ກວ່າເຮັກຕາ ໃນປີນີ້!

ໂທລະໂຄ່ງ THOLAKHONG
-
0
ນະຄອນຫຼວງວຽງຈັນວາງແຜນປູກຕົ້ນໄມ້ໃຫ້ໄດ້ໃນເນື້ອທີ່ 400 ກວ່າເຮັກຕາ ໃນປີນີ້!

ວັນປູກຕົ້ນໄມ້ແຫ່ງຊາດປີນີ້ ນະຄອນຫລວງວຽງຈັນ ວາງແຜນປູກຕົ້ນໄມ້ໃຫ້ໄດ້ 400 ກວ່າເຮັກຕາ

ປີ 2022 ນະຄອນຫຼວງວຽງຈັນວາງແຜນປູກຕົ້ນໄມ້ໃຫ້ໄດ້ໃນເນື້ອທີ່ 400 ກວ່າເຮັກຕາ ໃນໂອກາດວັນປູກຕົ້ນໄມ້ແຫ່ງຊາດວັນທີ 1 ມິຖຸນາ ໂດຍເນັ້ນໜັກໃສ່ປະເພດໄມ້ປະດັບ ແລະໄມ້ເສດຖະກິດທີ່ຕະຫລາດມີຄວາມຕ້ອງການສູງ.

ທ່ານ ສີເມືອງ ສຸດທິວົງນໍລາດ, ຫົວໜ້າຂະແໜງປ່າໄມ້ ພະແນກກະສິກໍາ ແລະປ່າໄມ້ນະຄອນຫລວງວຽງຈັນ ໃຫ້ສໍາພາດວ່າ: ໃນຈໍານວນເນື້ອທີ່ 400 ເຮັກຕາ ຈະສຸມໃສ່ປູກໄມ້ປະດັບຕາມແຄມທາງສວນສາທາລະນະ 5 ເຮັກຕາ, ໄມ້ເສດຖະກິດທີ່ຕະຫລາດຕ້ອງການເພື່ອເປັນສິນຄ້າ 300 ເຮັກຕາ ແລະຟື້ນຟູປ່າຊຸດໂຊມ 100 ເຮັກຕາ ໂດຍມອບໃຫ້ 5 ຕົວເມືອງນອກທີ່ມີເນື້ອທີ່ປ່າໄມ້ກວມອັດຕາສ່ວນຫລາຍເປັນຜູ້ຈັດຕັ້ງປະຕິບັດເຊັ່ນ: ເມືອງສັງທອງ, ປາກງື່ມ, ໄຊທານີ, ຫາດຊາຍຟອງ ແລະເມືອງນາຊາຍທອງ ມາຮອດປັດຈຸບັນການກະກຽມເບັ້ຍໄມ້ຕ່າງໆສໍາເລັດເກືອບ 100 ສ່ວນຮ້ອຍແລ້ວ.

ທ່ານ ສີເມືອງ ສຸດທິວົງນໍລາດ ໃຫ້ຮູ້ຕື່ມວ່າ: ສໍາລັບການສະເຫຼີມສະຫຼອງວັນປູກຕົ້ນໄມ້ແຫ່ງຊາດໃນປີນີ້ ຈະສຸມໃສ່ຈັດຕັ້ງປະຕິບັດນະໂຍບາຍ ສ ສີຂຽວຂອງນະຄອນຫຼວງວຽງຈັນ ແລະຍຸດທະສາດການເຕີບໂຕສີຂຽວແຫ່ງຊາດໃຫ້ມີປະສິດທິຜົນສູງຕາມຄໍາຂັວນ ປຸກຂະບວນການສີຂຽວເພື່ອສະເຫລີມສຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2022 ໂດຍສຸມໃສ່ພັດທະນາເສັ້ນທາງເລກທີ 11 ເໜືອ ແລະເສັ້ນທາງດອນກອຍ, ໜອງໄຮ ແລະເສັ້ນທາງຕັດໃໝ່ບ້ານຫ້ວຍຫົງຫາ ໂຮງໝໍ ແມ່ ແລະເດັກ ເປັນເສັ້ນທາງສີຂຽວ, ສ້າງສໍານັກງານ, ຫ້ອງການ, ໂຮງແຮມ, ໂຮງຮຽນ, ວັດສີຂຽວ ລວມເຖິງການປົກປັກຮັກສາປ່າທຳມະຊາດ, ປ່າສະຫງວນ.

ແຫຼ່ງຂ່າວ: Lao National Radio

ມອບ-ສົ່ງອັນຖິທະຫານອາສາສະໝັກ ແລະຊ່ຽວຊານຫວຽດນາມກັບຄືນປະເທດ

ໂທລະໂຄ່ງ THOLAKHONG
-
0
ມອບ-ສົ່ງອັນຖິທະຫານອາສາສະໝັກ ແລະຊ່ຽວຊານຫວຽດນາມກັບຄືນປະເທດ

ເນື່ອງໃນໂອກາດກະກຽມຈັດ ພິທີສົ່ງອັດຖິທະຫານອາສາສະ ໝັກ ແລະຊ່ຽວຊານຫວຽດນາມ ທີ່ເສຍຊີວິດໃນປາງສົງຄາມພື້ນ ທີ່ແຂວງສະຫວັນນະເຂດ ຈຳ ນວນ 12 ອັດຖິກັບຄືນປະເທດ ດັ່ງ ນັ້ນ, ມາໃນວັນທີ 17 ພຶດສະພາ 2022 ນີ້, ຄະນະປະຕິບັດງານພິ ເສດແຂວງສະຫວັນນະເຂດ ເຊິ່ງ ນຳໂດຍສະຫາຍນາງ ຫຼິງທອງ ແສງຕາວັນ ຄະນະປະຈຳພັກ ແຂວງ ຮອງເຈົ້າແຂວງສະຫວັນ ນະເຂດ ພ້ອມຄະນະ ແລະພາກ ສ່ວນຕ່າງໆຈຳນວນ 5 ຄະນະ. ໃນນັ້ນມີຄະນະການນຳພັກ-ລັດ ແຂວງ, ຄະນະກຳມະການປະຕິ ບັດງານພິເສດຂັ້ນແຂວງ, ຄະ ນະກອງບັນຊາການທະຫານ ແຂວງ, ຄະນະການນຳເມືອງ ເຊໂປນ, ຄະນະການນຳເມືອງ ພະລານໄຊ ແລະຄະນະການນຳ ກອງບັນຊາການທະຫານເມືອງ ເຊໂປນ ໄດ້ເຂົ້າວາງພວງມາລາ ຢູ່ຫໍໄຫວ້ອັດຖິນັກຮົບນີລະນາມ ສສ ຫວຽດນາມ ທີ່ກອງປະຕິບັດ ງານພິເສດ 584 ທະຫານແຂວງ ກວາງຈິປະຈຳເມືອງເຊໂປນ.

ທັງນີ້ກໍ່ເພື່ອສະແດງ ຄວາມຮູ້ຄຸນ ແລະຄຸນງານຄວາມດີຂອງເພື່ອນ ມິດສະຫາຍທະຫານອາສາສະ ໝັກ ແລະຊ່ຽວຊານຫວຽດນາມ ທີ່ເສຍສະຫລະຊີວິດໃນປາງ ສົງຄາມເພື່ອປົດປ່ອຍປະເທດ ຊາດອອກຈາກແອກຄອບຄອງ ຂອງພວກຈັກກະພັດຕ່າງດ້າວ ໄດ້ຢ່າງໝັ້ນຄົງມາສູ່ປະຊາຊົນ ລາວທົ່ວປະເທດຈົນເຖິງທຸກ ວັນນີ້.

ແລະໃນວັນຕໍ່ມາ, ຄະນະປະ ຕິບັດງານພິເສດແຂວງສະຫວັນ ນະເຂດພ້ອມພາກສ່ວນຕ່າງໆ ກໍ່ໄດ້ຈັດພິທີມອບ-ສົ່ງອັດຖິປະ ຈຳສົກປີ 2021-2022, ມີຈຳ ນວນ 12 ອັດຖິກັບຄືນປະເທດ ທີ່ດ່ານລາວບາວແດນສະຫວັນ.

ໃນໂອກາດດັ່ງກ່າວນີ້, ສະຫາຍ ພົນຈັດຕະວາ ສີທະວີໄຊ ຄະນະ ປະຈຳພັກແຂວງ ຫົວໜ້າການ ເມືອງກອງບັນຊາການທະຫານ ແຂວງທັງເປັນຮອງຫົວໜ້າຄະນະ ປະຕິບັດງານພິເສດ ແຂວງສະຫວັນນະເຂດ ແລະສະຫາຍພັນເອກ ຫງວຽນບາຢວນຫົວໜ້າການ ເມືອງກອງບັນຊາການທະຫານ ແຂວງຮອງຫົວໜ້າຄະນະປະຕິ ບັດງານພິເສດແຂວງກວາງຈິ ສສ ຫວຽດນາມ ໄດ້ຜັດປ່ຽນກັນ ຂຶ້ນກ່າວຄຳໄຫວ້ອາໄລເຖິງດວງ ວິຍານບັນດາສະຫາຍອ້າຍນ້ອງ ທະຫານອາສາສະໝັກ ແລະຊ່ຽວ ຊານຫວຽດນາມຈຳນວນ 12 ອັດຖິທີ່ຊອກຄົ້ນໄດ້ ໂດຍເປັນ ກຽດເຂົ້າຮ່ວມເປັນສັກຂີພະຍານ ໃນພີທີມອບ-ຮັບຄັ້ງນີ້ ໂດຍມີສະ ຫາຍ ນາງ ຫຼິງທອງ ແສງຕາ ວັນຮອງເຈົ້າແຂວງທັງເປັນຫົວ ໜ້າຄະນະປະຕິບັດງານພິເສດ ແຂວງສະຫວັນນະເຂດ ພ້ອມຄະນະ, ຝ່າຍ ສສ ຫວຽດນາມ ມີສະ ຫາຍ ຮ່າສີດົງ ຮອງເຈົ້າແຂວງ ທັງເປັນຫົວໜ້າຄະນະປະຕິບັດ ງານພິເສດແຂວງກວາງຈິ ສສ ຫວຽດນາມ, ຈາກນັ້ນ, ທັງສອງ ຄະນະກໍ່ໄດ້ລົງນາມເຊັນບົດບັນ ທຶກມອບ-ຮັບຢ່າງເປັນທາງການ.

ແຫຼ່ງຂ່າວ: ສະຫວັນພັດທະນາ ຂ່າວ / Savanhphathana News

ກວດເບິ່ງ! ມີເຂດບ້ານທ່ານບໍ່?

ໂທລະໂຄ່ງ THOLAKHONG
-
0
ກວດເບິ່ງ! ມີເຂດບ້ານທ່ານບໍ່?

ຟຟລ ສາຂາໄຟຟ້ານະຄອນຫຼວງ2 ແຈ້ງການມອດໄຟວັນທີ່ 27 ແລະ 29 ພຶດສະພາ 2022

.

.

.

.

.

.

ກວດເບິ່ງ! ມີປ້າຍລົດ ພ້ອມເລກຖັງ

ໂທລະໂຄ່ງ THOLAKHONG
-
0
ກວດເບິ່ງ! ມີປ້າຍລົດ ພ້ອມເລກຖັງ

ເຖິງ: ພະນັກງານ, ທະຫານ, ຕໍາຫຼວດ ຕະຫຼອດ ຮອດພໍ່-ແມ່ ປະຊາຊົນບັນດາເຜົ່າເລື່ອງ: ລົດທີ່ຕົກຄ້າງໃນການດຳເນີນຄະດີ ແລະ ທີ່ຄົນຮ້າຍລັກມາ.

ກອງບັນຊາການ ປກສ ເມືອງ ຫາດຊາຍຟອງ ຈຶ່ງໄດ້ອອກແຈ້ງການ ມາຍັງ ພະນັກງານ,ທະຫານ,ຕໍາຫຼວດ ຕະຫຼອດຮອດພໍ່-ແມ່ ປະຊາຊົນຊາບວ່າ: ໃນປະຈຸບັນ ກອງບັນຊາການ ປກກສ ເມືອງຫາດຊາຍຟອງ ພວກເຮົາໄດ້ສຳເລັດການດຳເນີນຄະດີບາງຈຳນວນແລ້ວ, ເຮັດລົດຈັກທີ່ຕົກຄ້າງຄື: ລົດຈັກຈຳນວນ 58 ຄັນ.

– ກຳນົດເວລາ ພາຍໃນ 01 ເດືອນເລີ່ມແຕ່ມື້ອອກແຈ້ງກການເປັນຕົ້ນໄປ.

– ຖ້າຫຫາກກກາຍກຳນົດນີ້ແລ້ວຖືວ່າສະລະສິດ.

.

.

.

ຂໍ້ມູນ ແລະ ຮູບພາບຈາກ: ປ້ອງກັນຄວາມສະຫງົບນະຄອນຫຼວງວຽງຈັນ

ຍົກລະດັບຄວາມຮູ້ດ້ານວຽກງານກວດກາ ແລະ ຕ້ານການສໍ້ລາດບັງຫຼວງ

ໂທລະໂຄ່ງ THOLAKHONG
-
0
ຍົກລະດັບຄວາມຮູ້ດ້ານວຽກງານກວດກາ ແລະ ຕ້ານການສໍ້ລາດບັງຫຼວງ

ສະພາແຫ່ງຊາດ ຍົກລະດັບຄວາມຮູ້ດ້ານວຽກງານກວດກາ ແລະ ຕ້ານການສໍ້ລາດບັງຫຼວງ.

ສະພາແຫ່ງຊາດ (ສພຊ) ຈັດຝຶກອົບຮົມວຽກງານກວດກາພັກ-ລັດ ແລະ ຕ້ານການສໍ້ລາດບັງຫຼວງ ໃຫ້ແກ່ຄະນະກວດກາຮາກຖານພັກ ໃນວັນທີ 25 ພຶດສະພາ 2022 ໂດຍມີ ທ່ານ ສຸບັນ ສະວະບຸດ ຮອງປະທານກວດກາພັກ-ລັດ ສະພາແຫ່ງຊາດ, ປະທານກໍາມາທິການວຽກງານສະມາຊິກສະພາແຫ່ງຊາດ, ທ່ານ ດາວບົວລະພາ ບາວົງເພັດ ຄະນະປະຈໍາພັກ, ຮອງປະທານຄະນະກວດກາສູນກາງພັກ, ຮອງປະທານອົງການກວດກາແຫ່ງລັດ ແລະ ພາກສ່ວນກ່ຽວຂ້ອງ ເຂົ້າຮ່ວມ ເພື່ອຮັບຟັງການບັນຍາຍ ຄວາມຮູ້ພື້ນຖານກ່ຽວກັບ ວຽກງານກວດກາພັກ-ລັດ ແລະ ວຽກງານຕ້ານການສໍ້ລາດບັງຫຼວງ ແນໃສ່ຍົກລະດັບຄວາມຮູ້ ແລະ ສ້າງຄວາມເຂັ້ມແຂງ ໃຫ້ບັນດາຄະນະກວດກາແຕ່ລະຂັ້ນ ພາຍໃນອົງຄະນະພັກສະພາແຫ່ງຊາດ ໄດ້ຮັບຮູ້ເຂົ້າໃຈ ແລະ ນຳໄປຈັດຕັ້ງປະຕິບັດວຽກງານດັ່ງກ່າວ ໃຫ້ເກີດມີປະສິດທິພາບ ແລະ ປະສິດທິຜົນ.ທ່ານ ສຸບັນ ສະວະບຸດ ໄດ້ໃຫ້ຮູ້ວ່າ:

ການຝຶກອົບຮົມວຽກງານກວດກາພັກ-ລັດ ແລະ ຕ້ານການສໍ້ລາດບັງຫຼວງ ຈັດຂຶ້ນເປັນຄັ້ງເທື່ອທໍາອິດ ນັບຕັ້ງແຕ່ກອງປະຊຸມອົງຄະນະພັກສະພາແຫ່ງຊາດ ຄັ້ງທີ IV ໄດ້ສໍາເລັດລົງ, ດັ່ງທີ່ພວກເຮົາຮັບຮູ້ນໍາກັນແລ້ວວ່າ ບ່ອນໃດມີການກວດກາ ສະແດງວ່າບ່ອນນັ້ນມີການນໍາພາ, ບ່ອນໃດບໍ່ມີການກວດກາ ບ່ອນນັ້ນກໍບໍ່ມີການນໍາພາ ເຊິ່ງມະຕິກອງປະຊຸມໃຫຍ່ ຄັ້ງທີ XI ຂອງພັກ ໄດ້ກຳນົດວ່າ“ເພີ່ມທະວີການຕິດຕາມ, ກວດກາ ແລະ ເດັດດ່ຽວແກ້ໄຂປະກົດການຫຍໍ້ທໍ້ຢູ່ພາຍໃນພັກ”

ສິ່ງນີ້ຢັ້ງຢືນແລ້ວວ່າ ພັກໄດ້ຖືເອົາວຽກງານດັ່ງກ່າວ ເປັນເຄື່ອງມື ເພື່ອປັບປຸງຄຸນນະພາບການນຳພາ-ຊີ້ນຳ ຂອງພັກ. ສະນັ້ນ, ຄະນະພັກຂອງສະພາແຫ່ງຊາດ ຈຶ່ງຖືວຽກງານກວດກາພັກ-ລັດ ແມ່ນວຽກງານທີ່ສໍາຄັນ ເພື່ອຮັບປະກັນແກ່ການນຳພາຂອງຕົນ ໃນທຸກຂົງເຂດວຽກງານ ພາຍໃນສະພາແຫ່ງຊາດ.

ແຫຼ່ງຂ່າວ: ປະເທດລາວ

ເພື່ອຄວາມເປັນລະບຽບຂອງການສັນຈອນ

ໂທລະໂຄ່ງ THOLAKHONG
-
0
ເພື່ອຄວາມເປັນລະບຽບຂອງການສັນຈອນ

ການຈັດສັນຄວາມເປັນລະບຽບຕາມທ້ອງຖະໜົນ ແລະ ບ່າທາງ (ຟຸດບາດ) ແມ່ນໜ້າທີ່ຫຼັກຂອງເຈົ້າໜ້າທີ່ຈະລາຈອນ.

ພັອ ກົງສີ ສຸວັນນະຕຸ້ມ ຫົວໜ້າກົມຕໍາຫຼວດຈະລາຈອນ ກ່າວວ່າ: ສິ່ງທີ່ເຈົ້າຫນ້າທີ່ຕໍາຫຼວດຈະລາຈອນ ຄວນເຮັດກ່ຽວກັບການຈັດລະບຽບຕາມແຄມທາງ ຕໍ່ກັບການຈັດລະບຽບລົດທີ່ຈອດລະເມີດກົດລະບຽບ-ຈອດບ່ອນທີ່ມີປ້າຍຫ້າມຈອດ, ຈອດຜິດທາງ, ຈອດລົດໃກ້ ທາງສາມແຍກ, ສີແຍກ, ຈອດລົດຢູ່ທາງໂຄ້ງ, ທາງຄ້ອຍ, ທາງຄົນຍ່າງ ຫາກວ່າຫນ່ວຍງານຈັດລະບຽບພົບ ເຫັນການລ່ວງລະເມີດດັ່ງກ່າວ ເຈົ້າຫນ້າທີ່ຈະລາຈອນ ຕ້ອງໄດ້ເອີ້ນຜູ້ຂັບຂີ່ມາສຶກສາອົບຮົມກ່າວເຕືອນ, ຖ້າຮອດຂັ້ນຮ້າຍແຮງໄປ ແມ່ນຈະໄດ້ປະຕິບັດຕາມລະບຽບ.

ສຳລັບບັນດາຊາວຄ້າ-ຂາຍທີ່ຂາຍເຄື່ອງຕາມແຄມທາງ, ຂາຍເທິງຟຸດບາດ ຫຼື ບ່ອນທີ່ຫ້າມຂາຍ, ເຈົ້າໜ້າທີ່ ຈະລາຈອນ ຕ້ອງໄດ້ປະຕິບັດຢ່າງເຂັ້ມງວດ ຫາກບຸກຄົນໃດສ້າງສິ່ງກີດຂວາງໄວ້ແຄມຖະຫນົນ ເຊັ່ນ: ປະ ກອງດິນ, ຊາຍ, ໄມ້ ຫຼື ສິ່ງກີດຂວາງອື່ນໆ ທີ່ເປັນສາເຫດໃຫ້ການສັນຈອນແອອັດ ຕ້ອງໄດ້ຍົກຍ້າຍສິ່ງ ກີດຂວາງດັ່ງກ່າວ ອອກພາຍໃນ 24 ຊົ່ວໂມງ.

ການຈັດລະບຽບຕາມເສັ້ນທາງຄົນຍ່າງ, ບຸກຄົນ ຫຼື ນິຕິບຸກຄົນ ຫາກໄດ້ສ້າງສິ່ງກີດຂວາງ ເຊັ່ນ: ຕໍ່ເຖີບ, ຕໍ່ເງີບ ຫຼື ນໍາໃຊ້ທ່າທາງເປັນບ່ອນຄ້າຂາຍ ທີ່ເຮັດໃຫ້ທາງຄົນຍ່າງສັບສົນ ຈະຖືກສຶກສາອົບຮົມກ່າວເຕືອນ, ຖ້າຫາກມີການລະເມີດຮ້າຍແຮງເປັນອາຈິນ ຕ້ອງໄດ້ປະຕິບັດຕາມລະບຽບການຢ່າງເຂັ້ມງວດ.

ນອກນີ້, ວຽກງານປະຈໍາປ້ອມ ເຈົ້າໜ້າທີ່ຕໍາຫຼວດຈະລາຈອນ ທີ່ປະຕິບັດຫນ້າທີ່ປະຈໍາປ້ອມ ຕ້ອງ ສັງເກດການບ່ອນທີ່ຕົນຮັບຜິດຊອບ ເຊັ່ນ: ສັງເກດນັກຂັບຂີ່ທີ່ມີການລະເມີດລ່ວງໄຟແດງ, ຍຽບທາງມ້າ ລາຍ, ບໍ່ໃສ່ໝວກກັນກະທົບ, ດັດແປງສະພາບເຕັກນິກລົດ ແລະອື່ນໆ ທີ່ເຫັນວ່າລະເມີດຕໍ່ກົດລະບຽບ ຈາລະຈອນ; ຕ້ອງສັງເກດເບິ່ງລະບົບໄຟອໍານາດວ່າ ເປີດໃຊ້ງານປົກກະຕິ ຫຼື ບໍ່, ຕິດຕາມ, ກວດກາລະບົບ ປ້າຍສັນຍານ, ປ້າຍຫ້າມ, ປ້າຍເຕືອນ ແລະອື່ນໆ, ຖ້າຫາກເຫັນວ່າ ມີການເປ່ເພ ຫຼື ເກີດຂັດຂ້ອງ ຕ້ອງ ລາຍງານຕໍ່ພາກສ່ວນກ່ຽວຂ້ອງໃຫ້ທັນເວລາ; ຫາກໄດ້ຍິນສຽງຂະບວນລົດອະພິສິດ ຫຼື ສັນຍານໂຟນີ ເຈົ້າຫນ້າທີ່ປະຈໍາປ້ອມ ຕ້ອງວ່ອງໄວລົງຈາກປ້ອມ ເພື່ອໄປປະຕິບັດຫນ້າທີ່ໃຫ້ແກ່ຂະບວນດັ່ງກ່າວ ໃຫ້ມີ ຄວາມສະດວກ ແລະ ປອດໄພ.

ຫົວຫນ້າກົມຕໍາຫຼວດຈະລາຈອນ ກ່າວຕື່ມອີກວ່າ: ສະເພາະການແຕ່ງກາຍ ແລະ ທັດສະນະການປາກເວົ້າຂອງເຈົ້າໜ້າທີ່ ໃນເວລາປະຕິບັດໜ້າທີ່ ຕ້ອງໃສ່ ຄື່ອງແບບຄົບຊຸດທີ່ຂັ້ນເທິງເບີກຈ່າຍໃຫ້ຕາມເຫຼົ່າຮົບ ເຊັ່ນ: ການໃສ່ໝວກ, ໃສ່ສາຍຫັດ, ໃສ່ເສື້ອ ສະທ້ອນແສງ; ນອກຈາກນີ້, ການນຸ່ງຖືຕ້ອງເປັນລະບຽບ, ສະອາດຈົບງາມ. ທີ່ສໍາຄັນເຈົ້າໜ້າທີ່ ໃນການປະຕິບັດຫນ້າທີ່ ຕ້ອງມີອັດທະຍາໃສທີ່ດີ, ເວົ້າຈາສຸພາບ, ເຄົາລົບຕໍ່ນັກຂັບຂີ່ ແລະ ປະຊາຊົນ, ຕ້ອງໃຊ້ຄໍາເວົ້າທີ່ເໝາະສົມ, ສຸພາບໃນເວລາຂໍກວດກາເອກະສານ ຫຼື ແນະນໍາລະບຽບການຕ່າງໆ ໃຫ້ແກ່ນັກຂັບຂີ່.

ແຫຼ່ງຂ່າວ: ຄວາມສະຫງົບ

1...626364...264Page 63 of 264