ເມືອງເມິງ ເປີດນຳໃຊ້ ຂົວຂ້າມນໍ້າຄາ ຢ່າງເປັນທາງການ

ແຫຼ່ງຂ່າວຈາກແຂວງບໍ່ແກ້ວໃຫ້ຮູ້ວ່າ: ຂົວຂ້າມນໍ້າຄາ ໄປຫາບ້ານນໍ້າຄາລື້ ເມືອງເມິງ ແຂວງບໍ່ແກ້ວ ໄດ້ເປີດໃຫ້ນຳໃຊ້ຢ່າງເປັນທາງການ ໃນວັນທີ 23 ເມສາ 2023 ໂດຍມີ ທ່ານ ບົວຄົງ ນາມມະວົງ ເຈົ້າແຂວງບໍ່ແກ້ວ, ທ່ານ ສົມສັກ ປິ່ນແກ້ວ ເຈົ້າເມືອງໆເມິງ, ພ້ອມດ້ວຍອົງການປົກຄອງບ້ານ ແລະ ປະຊາຊົນເຂົ້າຮ່ວມ.

ໂຄງການກໍ່ສ້າງຂົວຂ້າມນໍ້າຄາ ໄດ້ລົງມືຈັດຕັ້ງປະຕິບັດ ໃນວັນ 4 ມີນາ 2023 ໃຊ້ເວລາໃນການກໍ່ສ້າງເກືອບ 1 ເດືອນ, ເປັນຂົວຕໍ່ພື້ນເປັນເບຕົງ, ໂຄງສ້າງເປັນເຫລັກ, ພື້ນຂົວປູດ້ວຍໄມ້, ມີຄວາມກວ້າງ 3,5 ແມັດ, ຄວາມຍາວ 30 ແມັດ, ສາມາດຮັບນໍ້າໜັກໄດ້ 10 ໂຕນ, ລວມມູນຄ່າການກໍ່ສ້າງທັງໝົດ 600 ລ້ານກວ່າກີບ. ໃນນີ້, ໄດ້ຮັບງົບປະມານສະໜັບສະໜູນຈາກ ທ່ານ ລີຮູຍ ບໍລິສັດປູກກ້ວຍຫອມ ບ້ານນໍ້າຄາລື້ ຈໍານວນ 580 ລ້ານກີບ ແລະ ທຶນສົມທົບຂອງປະຊາຊົນນໍ້າຄາລື້ 64 ລ້ານກວ່າກີບ, ພ້ອມທັງແຮງງານປະກອບສ່ວນ 315 ເທື່ອຄົນ.

ຜ່ານມາແຕ່ລະປີ ເມື່ອເຂົ້າສູ່ລະດູຝົນ ນໍ້າຄາ ມີປະລິມານນໍ້າຂຶ້ນສູງ ເຮັດໃຫ້ການສັນຈອນເຂົ້າ-ອອກບ້ານຂອງປະຊາຊົນບ້ານນໍ້າຄາລື້ 100 ກວ່າຄອບຄົວ ແມ່ນພົບຄວາມຫຍຸ້ງຍາກ, ແຕ່ປັດຈຸບັນ ຂົວແຫ່ງນີ້ກໍ່ສ້າງສຳເລັດ ຖືວ່າເປັນອີກບາດກ້າວໜຶ່ງໃຫ້ແກ່ປະຊາຊົນບ້ານດັ່ງກ່າວ ໄດ້ມີຂົວຂ້າມນໍ້າ ເຂົ້າ-ອອກ ບ້ານ ແລະ ສັນຈອນໄປ-ມາຫາສູ່ກັນ ແລະ ປ່ຽນຊື້ຂ່າຍໄດ້ທຸກລະດູ ຢ່າງສະດວກສະບາຍ.

Cr. ປະເທດລາວ

ນິຄົມອຸດສາຫະກໍາ ລະດັບຊາດຂອງປະເທດລາວ ໄດ້ເລີ່ມດໍາເນີນງານຄວາມວ່ອງໄວ ອາຊີ-ໂປຕາສ ຈະສ້າງຄວາມມະຫັດສະຈັນໃຫ້ແກ່ລາວອີກຄັ້ງ

ລັດຖະບານ ແຫ່ງ ສປປ ລາວ ແລະ ບໍລິສັດ ຊິໂນ-ອາກຣີ ໂປຕາສ ຈໍາກັດ ໄດ້ຮ່ວມກັນລົງນາມເຊັນບົດບັນທຶກຄວາມເຂົ້າໃຈ ໂຄງການສ້າງນິຄົມອຸດສາຫະກໍາໝູນວຽນອັດສະລິະຍະ ອາຊີ-ໂປຕາສ ສາກົນ ຢ່າງຍິ່ງໃຫຍ່

ວັນທີ 24 ມີນາ 2023, ລັດຖະບານ ແຫ່ງ ສປປ ລາວ ແລະ ບໍລິສັດ ຊິໂນ-ອາກຣີໂປຕາສ ຈໍາກັດ ໄດ້ຈັດພິທິເຊັນບົດບັນທຶກຄວາມເຂົ້າໃຈ “ໂຄງການສ້າງນິຄົມອຸດສາຫະກໍາໝູນວຽນອັດສະລິຍະ ອາຊີ-ໂປຕາສ ສາກົນ” ຢູ່ທີ່ໂຮງແຮມແລນມາກ, ເຊິ່ງເປັນສັນຍາລັກໃຫ້ເຫັນໂຄງການ ນິຄົມອຸດສາຫະກໍາໝູນວຽນອັດສະລິຍະ ອາຊີ-ໂປຕາສ ສາກົນ ທີ່ວິສາຫະກິດກະກຽມມາໄດ້ 1 ກວ່າປີນັ້ນ, ຈະເລີ່ມດໍາເນີນງານຢ່າງເປັນທາງການ ແລະ ຈັດຕັ້ງປະຕິບັດຢ່າງຮອບດ້ານ.

ທ່ານ ນາງ ຄໍາຈັນ ວົງແສນບຸນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແຫ່ງ ສປປ ລາວ ແລະ ທ່ານ ທົງຢົງເຮິງ (TONG YONGHENG) ກໍາມະການບໍລິຫານ ແລະ ຜູ້ຈັດການ ບໍລິສັດ ຊິໂນ-ອາກຣີໂປຕາສ ຈໍາກັດ ໄດ້ຕາງໜ້າສອງຝ່າຍລົງນາມເຊັນບົດບັນທຶກຄວາມເຂົ້າໃຈ. ເຊິ່ງມີ ພາກສ່ວນກ່ຽວຂ້ອງຕາງໜ້າພາກລັດເຊັ່ນ: ສະຖານທູດຈີນ ປະຈໍາ ສປປ ລາວ, ສໍານັກງານນາຍົກລັດຖະມົນຕີ, ກະຊວງແຜນການ ແລະ ການລົງທຶນ, ກະຊວງອຸດສາຫະກໍາ ແລະ ການຄ້າ, ກະຊວງກະສິກໍາ ແລະ ປ່າໄມ້, ກະຊວງຊັບພະຍາ ກອນທໍາມະຊາດ ແລະ ສິ່ງແວດລ້ອມ, ກະຊວງເຕັກໂນໂລຊີ ແລະ ການສື່ສານ, ທະນາຄານ ແຫ່ງ ສປປ ລາວ, ຄະນະກໍາມະການຮ່ວມມື ລາວ-ຈີນ ແລະ ພາກສ່ວນຕາງໜ້າຂະແໜງການກ່ຽວຂ້ອງຕ່າງໆເຊັ່ນ: ສໍານັກຂ່າວ ຊິນຮວາປະຈໍາລາວ, ສະພາການຄ້າຈີນປະຈໍາລາວ, ສະພາຈີນ, ທະນາຄານ ອຸດສະຫະກໍາ ແລະ ການຄ້າຈີນ ຈຳກັດ ສາຂານະຄອນຫຼວງ (ໄອຊີບີຊີ), ທະນາຄານ ສປ ຈີນ ສາຂານະຄອນຫຼວງ, ວິສາຫະກິດລາວ ແລະ ວິສາຫະກິດຈີນທີ່ມີຊື່ສຽງ ເຂົ້າຮ່ວມພິທິເຊັນບົດບັນທຶກຄວາມເຂົ້າໃຈໃນຄັ້ງນີ້.

ມີການລາຍງານວ່າ: ໂຄງການນິຄົມອຸດສາຫະກໍາໝູນວຽນອັດສະລິຍະ ອາຊີ-ໂປຕາສ ສາກົນ ໄດ້ກວມລວມການພັດທະນາແບບອຸດສາຫະກໍາ, ແບບຕົວເມືອງ ແລະ ການດຶງດູດການລົງທຶນຂອງປະເທດລາວ, ພ້ອມທັງຂະຫຍາຍໄປເຖິງການຫັນປ່ຽນກະສິກໍາດັ້ງ ເດີມໄປສູ່ກະສິກໍາທັນສະໄໝ, ຍັງຈະຊຸກຍູ້ການເລັ່ງພັດທະນາຂະແໜງການບໍລິການຢ່າງຮອບດ້ານ. ນິຄົມອຸດສາຫະກໍາແບ່ງເປັນ 3 ເຂດໃຫຍ່ຄື: ເຂດນິຄົມອຸດສາຫະກໍາປຸ໋ຍໂປຕາສ, ເຂດນິຄົມອຸດສາຫະກໍາອະໂປຕາສ ແລະ ຕົວເມືອງ ອາຊີ-ໂປຕາສ, ກວມເນື້ອທີ່ທັງໝົດ 2,000 ເຮັກຕາ, ຄາດຄະເນການລົງທຶນທັງໝົດສູງເຖິງ 4.31 ຕື້ໂດລາ, ເຊິ່ງຈະນໍາໃຊ້ທ່າແຮງດ້ານການສະໜັບສະໜູນຂອງລັດຖະບານ, ຊັບພະຍາກອນບໍ່ແຮ່, ພະລັງງານໄຟຟ້າ, ຕົ້ນທຶນແຮງງານ ແລະ ທີ່ດິນຢ່າງເຕັມທີ່, ເພື່ອຊຸກຍູ້ປະເທດລາວສ້າງເປັນຮູບແບບອຸດສາ ຫະກໍາທີ່ທົດແທນການນໍາເຂົ້າ ແລະ ສ້າງລາຍຮັບການສົ່ງອອກ.

ນິຄົມອຸດສາຫະກໍາປຸ໋ຍໂປຕາສ ແມ່ນອາໃສຊັບພະຍາກອນແຮ່ເກືອໂປຕາສຂອງວິສາຫະກິດ, ເລັ່ງການພັດທະນາອຸດສາຫະກໍາປຸ໋ຍໂປຕາສ ແລະ ບັນລຸກໍາລັງການຜະລິດປີ 2023 ຈໍານວນ 3 ລ້ານໂຕນ, ປີ 2025 ຈໍານວນ 5 ລ້ານໂຕນ ແລະ ວິໄສທັັດ ຈໍານວນ 10 ລ້ານໂຕນ, ພັດທະນາໃຫ້ວິສາຫະກິດກາຍເປັນວິສາຫະກິດປຸງແຕ່ງ ແລະ ຜະລິດອັນດັບທີ 1 ໃນອາຊີ, ເຮັດໃຫ້ປະເທດລາວກາຍເປັນຖານຜະລິດປຸ໋ຍໂປຕາສ ອັນດັບທີ 4 ໃນໂລກ.

ເຂດນິຄົມອຸດສາຫະກໍາອະໂປຕາສ ແມ່ນນໍາໃຊ້ຊັບພະຍາກອນທີ່ຕິດພັນແຮ່ເກືອໂປຕາສ, ຊັບພະຍາກອນແຮ່ຖ່ານຫີນ, ຊັບພະຍາກອນແຮ່ບົກຊິດ ແລະ ຊັບພະຍາ ກອນອື່ນໆ, ຜ່ານການດຶງດູດການລົງທຶນ, ພັດທະນາຊັບພະຍາກອນໃຫ້ຍືນຍົງ, ນໍາໃຊ້ຕ່ອງໂສ້ການສະໜອງຕ່ອງໂສ້ອຸດສາຫະກໍາ, ດໍາເນີນການຜະລິດທີ່ມີມູນຄ່າເພີ່ມສູງ ແລະ ລວມຜະລິດຕະພັນ, ສ້າງໂຮງງານໄຟຟ້ານໍາໃຊ້ເອງ+ຜະລິດໄຟຟ້າດ້ວຍພະລັງງານລົມ ຫລື ພະລັງງານແສງຕາເວັນ, ສ້າງທ່າແຮງພະລັງງານໄຟຟ້າໃນນິຄົມອຸດສາຫະກໍາ, ຮັບເໝົາການຫັນປ່ຽນຕ່ອງໂສ້ອຸດສາຫະກໍາ ແລະ ຕ່ອງໂສ້ການສະໜອງໃນທົ່ວໂລກ, ຊຸກຍູ້ການພັດທະນາຊັບພະຍາກອນບໍ່ແຮ່ຂອງປະເທດລາວ, ຊ່ວຍພັກດັນປະເທດລາວພັດທະນາຈາກປະເທດທີ່ມີຄວາມອຸດົມສົມບູນດ້ານຊັບພະຍາກອນໄປສູ່ປະເທດທີ່ມີອຸດສາຫະກໍາເຂັ້ມແຂງ.

ຕົວເມືອງ ອາຊີ-ໂປຕາສ ຜ່ານການກໍ່ສ້າງຕົວເມືອງທັນສະໄໝທີ່ກວມລວມຫຼາຍຟັງຊັນ, ລວມທັງການແພດ, ການສຶກສາ, ການຄ້າ, ກິລາ, ການບໍລິການ ແລະ ສິ່ງອໍານວຍຄວາມສະດວກຕ່າງໆ, ໃນດ້ານໜຶ່ງ ແມ່ນເຮັດໃຫ້ປະຊາຊົນເຂົ້າມາໃນຕົວເມືອງ, ກໍ່ສ້າງໃຫ້ເປັນອຸດສາຫະກໍາສີມືແຮງງານ, ປົດປ່ອຍທ່າແຮງຕົ້ນທຶນແຮງງານ, ອີກດ້ານໜຶ່ງຈະເປັນການເປີດປະຕູສູ່ພາຍນອກເພື່ອສະແດງໃຫ້ເຫັນເຖີງສັກກະຍະພາບຂອງລາວ, ເພື່ອດຶງດູດນັກລົງທຶນ ແລະ ບຸກຄະລາກອນໃນທົ່ວໂລກເຂົ້າມາລວມຕົວ ແລະ ດໍາເນີນທຸລະກິດຢູ່ໃນປະເທດລາວ.

    ໃນພິທິເຊັນບົດບັນທຶກຄວາມເຂົ້າໃຈ, ທ່ານ ທົງຢົງເຮິງ (TONG YONGHENG) ກໍາມະການບໍລິຫານ ແລະ ຜູ້ຈັດການ ບໍລິສັດ ຊິໂນ-ອາກຣີ ໂປຕາສ ຈໍາກັດ ໄດ້ກ່າວຄໍາປາໃສວ່າ: ນິຄົມອຸດສາຫະກໍາໝູນວຽນອັດສະລິຍະ ອາຊີ-ໂປຕາສ ສາກົນ ເປັນແພັດຟອມການກໍ່ສ້າງແບບອຸດສາຫະກໍາ ແລະ ແບບຕົວເມືອງ, ຍັງເປັນແພັດຟອມທີ່ສະແດງທ່າແຮງການພັດທະນາຂອງປະເທດລາວ, ສະໜອງຄວາມມີຊີວິດຊີວາ-ພະລັງໃຫ້ແກ່ການພັດທະນາເສດຖະກິດ ແລະ ສັງຄົມລາວ, ພາຍໃຕ້ສະພາບການຖົດຖອຍຂອງເສດຖະກິດໂລກ ແລະ ຄວາມຂັດແຍ້ງດ້ານພູມລັດຖະສາດ, ທັງເປັນແພັດຟອມທີ່ຊ່ວຍໃຫ້ປະເທດລາວຈັບໂອກາດການພັດທະນາ, ຮັບເໝົາການຫັນປ່ຽນຕ່ອງໂສ້ອຸດສາຫະກໍາ ແລະ ຕ່ອງໂສ້ການສະໜອງໃນທົ່ວໂລກ, ຍິ່ງເປັນແພັດຟອມທີ່ລວບລວມບັນດາວິສາຫະກິດ ແລະ ບຸກຄະລາກອນທີ່ໂດດເດັ່ນໃນທົ່ວໂລກ ເຂົ້າມາດໍາເນີນການລົງທຶນລິເລີ່ມກິດຈະການ ແລະ ສະ ແຫວງຫາການພັດທະນາຮ່ວມກັນ.

    ພາຍຫຼັງໂຄງການສ້າງນິຄົມອຸດສາຫະກໍາໝູນວຽນອັດສະລິຍະ ອາຊິ-ໂປຕາສ ສາກົນ ໄດ້ເຂົ້າເຖິງການຜະລິດແລ້ວ, ຄາດຄະເນ ທຸກໆປີຈະສາມາດສ້າງລາຍຮັບການເງິນ ຈໍານວນ 320 ລ້ານໂດລາໃຫ້ແກ່ປະເທດລາວ, ເພີ່ມສໍາຮອງຄັງເງິນຕາຕ່າງປະເທດປະມານ 1.7 ຕື້ໂດລາ, ຊຸກຍູ້ການມີວຽກເຮັດງານທໍາໃນທ້ອງຖິ່ນ 30,000-50,000 ຄົນ, ໃຫ້ການສະໜັບສະໜູນອັນສໍາຄັນໃນການພັດທະນາເສດຖະກິດ ແລະ ສັງຄົມລາວ ທີ່ມີຄຸນນະພາບສູງ, ມີບົດບາດສໍາຄັນໃນການຮັດແໜ້ນສາຍພົວພັນມິດຕະພາບ ລາວ-ຈີນ ແລະ ການສ້າງຄູ່ຮ່ວມຊາຕາກໍາ ລາວ-ຈີນ.