ສກຂ ຫຼວງພະບາງ ສະເໜີໂຄງການສ້າງຫຼັກສູດທ້ອງຖິ່ນກ່ຽວກັບ “ ການອະນຸລັກຮັກສາມໍລະດົກໂລກສຳລັບນະຄອນ-ຫຼວງພະບາງ ”.

ເມື່ອວັນທີ30 ພຶດສະພາ 2022 ທີ່ພະແນກສຶກສາທິການ ແລະກິລາ ແຂວງຫຼວງພະບາງ ກອງປະຊຸມສະ ເໜີໂຄງການສ້າງຫຼັກສູດທ້ອງຖິ່ນກ່ຽວກັບ “ ການອະນຸລັກຮັກສາມໍລະດົກໂລກສຳລັບນະຄອນ-ຫຼວງພະບາງ ”ໂດຍການເປັນປະທານຂອງທ່ານ ປອ ວົງເພັດ ອຸດົມລິດ ກຳມະການພັກແຂວງ ຫົວໜ້າ ພະແນກສຶກສາທິການ ແລະກິລາແຂວງ, ທ່ານ ສີສະຫວາດ ຍີ່ລັດໄຈ ຮອງຫົວໜ້າພະແນກຖະແຫຼງຂ່າວ-ວັທະນະທຳ ແລະ ທ່ອງທ່ຽວແຂວງ, ມີຫົວໜ້າຫ້ອງການມໍລະດົກ, ຮອງຫົວຫນ້າພະແນກສຶກສາທີການ ແລະກິລາ, ຫົວໜ້າ, ຮອງຫົວໜ້າຂະແໜງການສຶກສາທີ່ກ່ຽວຂ້ອງ, ຄູປະສົບການທີ່ຂຽນຫຼັກສູດເຂົ້າຮ່ວມ.

ໃນກອງປະຊຸມຜູ້ເຂົ້າຮ່ວມໄດ້ຮັບຟັງການຜ່ານບົດສະເໜີໂຄງການຫຼັກສູດທ້ອງຖິ່ນກ່ຽວກັບ “ ການອະນຸລັກຮັກສາມໍລະດົກໂລກສຳລັບນະຄອນ-ຫຼວງພະບາງ ” ເຊິ່ງໂຄງການນີ້ມີຈຸດປະສົງ ເພື່ອເປັນການເກັບກຳຂໍ້ມູນ ແລະເອກະສານຕ່າງໆທີ່ກ່ຽວຂ້ອງກັບນະຄອນຫຼວງພະບາງໄວ້ໃຫ້ຮຸ່ນຫຼັງໄດ້ສຶກສາຄົ້ນຄວ້າ, ທັງເປັນການຮັກສາຮີດຄອງປະເພນີອັນດີງາມຂອງຊາດເວົ້າລວມ ເວົ້າສະເພາະກໍຄືຂອງຊາວນະຄອນຫຼວງພະບາງໃຫ້ຍືນຍົງຕະຫຼອດໄປ.ພ້ອມທັງເປັນການປູກຈິດສຳນຶກໃຫ້ຄູ ແລະ ນັກຮຽນຮູ້ຈັກຮັກບ້ານເກີດເມືອງນອນຂອງຕົນເອງ ແລະຮູ້ວິທີການຈັດຕັ້ງປະຕິບັດຮີດຄອງປະເພນີຕ່າງໆຢ່າງຖືກຕ້ອງ ແລະມີເຫດມີຜົນ. ຜົນທີ່ໄດ້ຮັບຂອງໂຄງການກໍ່ຄື ຄູ ແລະ ນັກຮຽນໃນໂຮງຮຽນສາມັນສຶກສາ ທັງຊັ້ນປະຖົມ ແລະມັດທະຍົມຈະໄດ້ຮັບຮູ້ກ່ຽວກັບປະຫວັດຄວາມເປັນມາຂອງນະຄອນຫຼວງພະບາງ, ວັດວາອາຮາມ, ວັດທະນະທຳດ້ານຕ່າງໆຂອງຊາວນະຄອນ ຫຼວງພະບາງ, ຄູ ແລະນັກຮຽນຈະເກີດມີຄວາມຮັກ ແລະຫວງແຫນວັດທະນະທໍາ ແລະຮີດຄອງປະເພນີອັນດີງາມຂອງບ້ານເກີດເມືອງນອນຕົນເອງ ແລະ ສະໝັກໃຈທີ່ຈະປະຕິບັດສິ່ງທີ່ດີງາມນີ້ໃຫ້ສືບທອດຕໍ່ໆໄປ.

ພ້ອມນີ້ຍັງໄດ້ຮັບຟັງຮູບແບບ ແລະວິທີການຂຽນຫຼັກສູດ ຕາມຄູ່ມືຂອງກະຊວງສຶກສາ, ໂຄງຮ່າງຫຼັກສຸດ ແຕ່ລະຊັ້ນເລີ່ມຈາກ ປ3-ປ5 ແບະມ1-ມ5, ເຊິ່ງນັກຮຽນຈະໄດ້ຮຽນຮູ້ຮິດຄອງປະເພນີອັນດີງາມຂອງຊາວຫຼວງພະບາງ, ການປາກເວົ້າ, ການນຸ່ງຖື, ອາຫານການກິນ, ວິທີການປົດປັກຮັກສາມໍລະດົກ ແລະອື່ນໆ. ພາຍຫຼັງສຳເລັດການຂຽນຫຼັກສູດຈະໄດ້ມີການທົດລອງສອນ ຊັ້ນປະຖົມໃນສົກຮຽນທີ່ຈະມາເຖິງນີ້.

ຫ້ອງວ່າການສໍານັກງານນາຍົກລັດຖະມົນຕີ ຈັດພິທີປູກຕົ້ນໄມ້ ແລະ ສະເຫຼີມສະຫຼອງວັນເດັກນ້ອຍສາກົນ ປະຈຳປີ 2022 ໃນຕອນເຊົ້າວັນທີ 31 ພຶດສະພານີ້, ທີ່ຫໍປະຊຸມແຫ່ງຊາດ, ນະຄອນຫລວງວຽງຈັນ ໂດຍການໃຫ້ກຽດເຂົ້າຮ່ວມຂອງ ທ່ານ ພັນຄໍາ ວິພາວັນ, ນາຍົກລັດຖະ ມົນຕີ, ພ້ອມດ້ວຍ ພົອ ຈັນສະໜອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ລັດຖະມົນຕີ ກະຊວງກະສິກຳ ແລະ ປ່າໄມ້, ບັນດາການນໍາ, ຄູອາຈານ ແລະ ເດັກນັກຮຽນເຂົ້າຮ່ວມ.

ທ່ານ ອາລຸນໄຊ ສູນນະລາດ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ໃຫ້ຮູ້ວ່າ: ເພື່ອ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ກໍ່ຄື ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ໃນການເພີ່ມເນື້ອທີ່ປົກຫຸ້ມສີຂຽວໃນທົ່ວປະເທດ ໃຫ້ກວມອັດຕາສູງຂຶ້ນ 70% ພ້ອມທັງເປັນການປູກຈິດສຳນຶກ ໃຫ້ນ້ອງນ້ອຍເຍົາວະຊົນຮຸ່ນສືບທອດ ກໍ່ຄື ສະມາຊິກພັກ -ພະນັກງານ ແລະ ປະຊາຊົນລາວບັນດາເຜົ່າໃນການຟື້ນຟູ ແລະ ປົກປັກຮັກສາສະພາບແວດລ້ອມທາງທຳມະຊາດ ໃຫ້ມີຄວາມຂຽວສົດງົດງາມ, ຊຸ່ມຊື່ນ, ອຸດົມສົມບູນ, ທັງເປັນການຊ່ວຍຕ້ານ ແລະຫຼຸດຜ່ອນຜົນກະທົບທີ່ເກີດຈາກໄພພິ ບັດທຳມະຊາດ, ເນື່ອງໃນໂອກາດພິທີສະເຫຼີມສະຫຼອງວັນປູກຕົ້ນໄມ້ແຫ່ງຊາດ ຄົບຮອບ 42 ປີ ແລະ ວັນເດັກນ້ອຍສາກົນ ຄົບຮອບ 97 ປີ ໃນປີນີ້, ຫ້ອງວ່າການສໍານັກງານນາຍົກລັດຖະມົນຕີ ຈຶ່ງຈັດຂະບວນການປູກຕົ້ນໄມ້ ແລະ ກິດຈະກຳສະເຫຼີມສະຫຼອງສອງວັນສຳຄັນດັ່ງກ່າວ ພາຍໃຕ້ຄໍາຂັວນ “ການປູກຕົ້ນໄມ້ວັນນີ້ ເພື່ອອະນາຄົດລູກຫຼານພວກເຮົາໃນຕໍ່ໜ້າ”.

ໃນໂອກາດນີ້, ທ່ານຍັງໄດ້ຮຽກຮ້ອງໃຫ້ ສະມາຊິກພັກ -ພະນັກງານ,ນ້ອງນ້ອຍລູກຫຼານ ແລະ ປະຊາຊົນລາວບັນ ດາເຜົ່າ ຈົ່ງສືບຕໍ່ປຸ້ມລຸມຄວາມສາມັກຄີເປັນປຶກແຜ່ນ, ເສີມຂະຫຍາຍທ່າແຮງທາງດ້ານພູມີປະເທດ ພ້ອມກັນພັດທະ ນາຂະແໜງການຕ່າງໆ ໃຫ້ມີຄວາມຍືນຍົງ, ເປັນມິດກັບສະ ພາບແວດລ້ອມ ແລະ ສູ້ຊົນປູກຕົ້ນໄມ້ເພື່ອເຮັດໃຫ້ເນື້ອທີ່ປ່າໄມ້ໃນລາວ ກວມຫຼາຍກວ່າ 70% ຂອງເນື້ອທີ່ປ່າໄມ້ໃນທົ່ວປະເທດ.

ນອກນີ້ ການປູກຕົ້ນໄມ້ວັນນີ້ ກໍເພື່ອອະນາ ຄົດອັນດີຂອງລູກຫຼານໃນອະນາຄົດອັນໃກ້ນີ້. ສໍາລັບຕົ້ນໄມ້ທີ່ນໍາມາປູກໃນຄັ້ງນີ້ ແມ່ນຕົ້ນດອກຈໍາປາ ເຊີ່ງເປັນໄມ້ປະດັບ ເພື່ອປະກອບສ່ວນເຮັດໃຫ້ຫໍປະຊຸມແຫ່ງຊາດມີຄວາມສວຍງາມໃນຕໍ່ໜ້າ. ພາຍຫລັງສໍາເລັດພິທີປູກຕົ້ນໄມ້ ທ່ານ ພັນຄໍາ ວິພາວັນ ໄດ້ເຂົ້າຮ່ວມພິທີສະ ເຫລີມສະຫລອງວັນເດັກນ້ອຍສາກົນ ທີ່ຈັດຂຶ້ນຢູ່ຫໍປະຊຸມແຫ່ງຊາດເຊັ່ນດຽວກັນ, ພ້ອມທັງແຈກເຂົ້າໜົມໃຫ້ເດັກ ນ້ອຍ, ຊົມການສະແດງສິລະປະຂອງເດັກນ້ອຍ, ການຖາມ -ຕອບຄວາມຮູ້ທົ່ວໄປເພື່ອເອົາລາງວັນ ແລະ ຊົມການສະ ແດງກາຍະສິນຈາກກອງກາຍະສິນແຫ່ງຊາດ ຕື່ມອີກ.

ແຫຼ່ງຂ່າວ: Lao National Radio

ພາບ: ຈັນທະວອນ

ໃນເວລາ 14 ໂມງ 00 ນາທີ ຂອງວັນທີ 29 ພຶດສະພາ 2022 ໄດ້ເກີດເຫດການອັກຄີໄພ ໄຟໄໝ້ເຮືອນຂອງປະຊາຊົນຢູ່ບ້ານວຽງພັດທະນາ ເມືອງ ຜາອຸດົມ ແຂວງບໍ່ແກ້ວ ຈໍານວນ 03 ຫຼັງ ແລະ ເລົ້າເຂົ້າ 01 ຫຼັງ.

ມີ 04 ຄອບຄົວ, ມີພົນລະເມືອງ 21 ຄົນ, ຍິງ 10 ຄົນ. ໃນນັ້ນ, ມີຜູ້ໄດ້ຮັບບາດເຈັບ 01 ຄົນ. ສ່ວນສິ່ງຂອງເຄື່ອງໃຊ້ພາຍໃນເຮືອນແມ່ນເສຍຫາຍທັງໝົດ ມີເຂົ້າສານຈໍານວນ 120 ເປົ້າ, ຈັກໂມ້ເຂົ້າ 01 ເຄື່ອງ ລວມມູນຄ່າເສຍຫາຍປະມານ 80 ລ້ານກວ່າກີບ.

ສໍາລັບສາເຫດແມ່ນຍັງຢູ່ໃນຂັ້ນຕອນກວດກາຂອງຂະແໜງການທີ່ກ່ຽວຂ້ອງ.

ສະນັ້ນ, ພາກສ່ວນທີ່ກ່ຽວຂ້ອງຈິ່ງຂໍຮຽກຮ້ອງມາຍັງທຸກພາກສ່ວນໃນສັງຄົມ ໃນການໃຊ້ຟືນໄຟພາຍໃນຄົວເຮືອນໃຫ້ມີສະຕິລະວັງຕົວຕື່ມອີກ, ທັງນີ້, ກໍ່ເພື່ອເປັນການຫຼີກລ່ຽງຄວາມເສຍຫາຍທາງດ້ານຊັບສິນທີ່ເກີດຈາກອັກຄີໄພຕ່າງໆ.

ແຫຼ່ງຂ່າວ: ໜັງສືພິມບໍ່ແກ້ວ

ຕາມການລາຍງານຂອງສຳນັກຂ່າວຊ່ອງ 3 ປະເທດໄທ ໃຫ້ຮູ້ວ່າ: ຄົນລາວຂັບລົດມາໃສ່ນໍ້າມັນໃນໄທຫຼາຍຂຶ້ນ, ໂດຍສະເພາະປໍ້າ ປຕທ ເຂດແຂວງໜອງຄາຍ ທີ່ໃກ້ກັບນະຄອນຫຼວງວຽງຈັນ ເມືອງກອມເກາະ ແຂວງໜອງຄາຍ ໄດ້ມີລົດໃຫຍ່ ທີ່ມີປ້າຍທະບຽນລາວ ບໍ່ວ່າຈະເປັນ ລົດສ່ວນຕົວ ລົດຕູ້ ລົດບັນທຸກນ້ອຍ ເຂົ້າມາເຕີມນໍ້າມັນໃນປໍ້າເປັນຈຳນວນຫຼາຍ ແລະ ສ່ວນໃຫຍ່ມັກຈະເຕີມເຕັມຖັງ ທັງກາຊວນ ແລະ ແອັດຊັງ.

ເນື່ອງຈາກລາຄານໍ້າມັນໃນ ສປປ ລາວ ແພງຂຶ້ນ.

.

ອີງໃສ່ຄວາມຮຽກຮ້ອງຕ້ອງການຂອງໜ້າທີ່ວຽກງານວິຊາສະເພາະລະຫວ່າງສູນກາງ ແລະ ທ້ອງຖີ່ນໃຫ້ແທດເໝາະກັບສະພາບເງື່ອນໄຂຕົວຈິງ.

ໃນຕອນເຊົ້າວັນທີ 30 ພຶດສະພາ 2022 ນີ້ ທີ່ຫ້ອງປະຊຸມເບີ 01 ປກສ ແຂວງ ບໍລິຄໍາໄຊຈື່ງໄດ້ຈັດພິທີ ປະກາດຂ້ໍຕົກລົງຂອງລັດຖະມົນຕີ ກະຊວງປ້ອງກັນ ຄວາມສະຫງົບ ວ່າດ້ວຍການຖອນ ແລະ ແຕ່ງຕັ້ງຫົວໜ້າ ຕມ ດ່ານຊາຍແດນ ສາກົນນ້ໍາພ້າວ ແລະ ແຕ່ງຕັ້ງ ຫົວໜ້າ ຕມ ດ່ານຊາຍແດນສາກົນປາກຊັນ ຂື້ນຢ່າງເປັນທາງການ.

ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ບຸນສົງ ເພັດຈະເລີນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ, ມີທ່ານ ພັອ ສາຍສະໝິງ ສີວິໄລ ຄະນະພັກກົມໃຫຍ່ສັນຕິບານ ຫົວໜ້າກົມ ຕມ ກະຊວງປ້ອງກັນຄວາມສະຫງົບ, ທ່ານ ພັອ ຜາຂົງ ດອກມະນີຈັນ ຮອງເລຂາຄະນະພັກ ຮອງຫົວໜ້າ ກອງບັນຊາການ ປກສ ແຂວງ ບໍລິຄໍາໄຊ, ມີຫົວໜ້າຫ້ອງສັນຕິບານ, ຫົວໜ້າດ່ານຊາຍແດນສາກົນທັງ 02 ດ່ານ, ແຂກຖືກເຊີນຈາກກົມໃຫຍ່ການເມືອງປ້ອງກັນຄວາມສະຫງົບ, ພະແນກການທີ່ກ່ຽວຂ້ອງ ແລະ ຫົວໜ້າພະແນກວິຊາສະເພາະຫ້ອງສັນຕິບານ ເຂົ້າຮ່ວມ.

.

.

ແຫຼ່ງຂ່າວ: ຂ່າວ ປກສ ແຂວງ ບໍລິຄຳໄຊ

ກະຊວງປ້ອງກັນປະເທດ ທົດສອບສະມັດຕະພາບຍິງລູກສອນໄຟປ້ອງກັນອາກາດ ໃນວັນທີ 29 ພຶດສະພາ 2022 ນີ້, ກະຊວງປ້ອງກັນປະເທດ ຮ່ວມກັບ ສ. ເບລາຣຸສ ໄດ້ທົດສອບສະມັດຕະພາບຍິງລູກ ສອນໄຟປ້ອງກັນອາກາດ C 125 – 2TM ຢູ່ພາກສະໜາມຕົວຈິງ, ໂດຍການເປັນກຽດ ເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງ ກັນປະເທດ, ມີສະຫາຍ ພົນຕີ ບາສະຕາເຍນໂກ ວາລະດີເມຍ ປາວະໂລວິດຈ ຮອງຜູ້ອຳນວຍການບໍລິສັດ ແຕຕຣາແອັດ ຮັບຜິດຊອບວຽກງານການຮ່ວມມືເຕັກນິິກການທະຫານ ສ. ເບລາຣຸສ, ມີຄະນະນຳກະຊວງປ້ອງກັນປະເທດ, ຕາງໜ້າບັນດາກົມໃຫຍ່, ຫ້ອງວ່າການກະຊວງ, ຄະນະຮັບຜິດຊອບຊີ້ນຳ, ຄະນະພັກ- ຄະນະບັນຊາກອງພັນໃຫຍ່ 641, 645, ພ້ອມດ້ວຍພາກສ່ວນທີ່ກ່ຽວຂ້ອງ ແລະ ພະນັກງານ-ນັກຮົບເຂົ້າຮ່ວມ. ສະຫາຍ ພົນຈັດຕະວາ ສົມພອນ ມິດ ຕະພາບ ຮອງຫົວໜ້າກົມໃຫຍ່ເສນາ ທິ ການກອງທັບ ຫົວໜ້າຄະນະຮັບຜິດ ຊອບຊີ້ນຳທົດສອບສະມັດຕະພາບຍິງລູກສອນໄຟ ຄັ້ງນີ້ ໄດ້ໃຫ້ຮູ້ວ່າ:

ຜ່ານການເຝິກແອບເປັນໄລຍະເວລາ 2 ເດືອນຜ່ານມາ ພະນັກງານວິຊາການກອງພັນໃຫຍ່ປ້ອງກັນອາກາດກອງທັບປະຊາຊົນລາວ ໄດ້ຮຽນຮູ້ການນຳໃຊ້ອຸປະກອນເຕັກນິກການທະຫານ ທີ່ທັນສະໄໝ ເປັນຕົ້ນແມ່ນ ລູກສອນໄຟປ້ອງກັນອາກາດ ແລະ ສູນບັນຊາເຄື່ອນທີ່, ຍຸດທະວິທີ, ຮູບແບບ ແລະ ບັນດາວິທີການນຳໃຊ້ ລະບົບລູກ ສອນໄຟປ້ອງກັນອາກາດ, ອຸປະກອນສືບຂ່າວ ໃນການສູ້ຮົບຂອງເຫຼົ່າຮົບປ້ອງກັນອາກາດ ເພາະວ່າການຍິງລູກສອນໄຟ ແມ່ນຂັ້ນຕອນທີ່ສຳຄັນທີ່ສຸດໃນການຝຶກແອບ ແລະ ດັບສູນເປົ້າໝາຍ ຢ່າງມີປະສິດທິພາບ.

ໂອກາດດັ່ງກ່າວ ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ສະແດງຍ້ອງຍໍຊົມເຊີຍຕໍ່ບັນດາສະຫາຍຄະນະຮັບຜິດຊອບຊີ້ນຳ ແລະ ພະນັກງານວິຊາສະເພາະເຕັກນິກ ທີ່ໄດ້ເຂົ້າຮ່ວມການເຝິກແອບໃນຄັ້ງນີ້ ເຊິ່ງໄດ້ຮັບຜົນສຳເລັດເປັນຢ່າງດີ ໃນເວລາປະຕິບັດຍິງເປົ້າໝາຍຕົວຈິງ ແລະ ສາມາດຮັບປະກັນດັບສູນເປົ້າໝາຍໄດ້ຢ່າງແໝ້ນຢໍາ, ພ້ອມທັງເນັ້ນຕື່ມໃຫ້ຈົ່ງຍົກສູງຄວາມຮັບຜິດຊອບການເມືອງຂອງຕົນເຂົ້າໃນການເຝິກແອບຮໍ່າຮຽນ, ສືບຕໍ່ປັບປຸງຍົກລະດັບຄວາມຮູ້ຄວາມສາມາດ ທາງດ້ານເຕັກນິກ- ເຕັກໂນ ໂລຢີ ໃຫ້ສູງຂື້ນທຽບທັນກັບຍຸກປັດ ຈຸບັນ, ເພື່ອສ້າງກອງທັບໃຫ້ມີຄວາມໜັກແໜ້ນ ເຂັ້ມແຂງຮອບດ້ານ ແລະ ທັນສະໄໝ.

ແຫຼ່ງຂ່າວ: Lao National Radio

ເລີ່ມວັນທີ 1 ມິຖຸນາ 2022 ເປັນຕົ້ນໄປ.

ຈະມີການປັບປ່ຽນລາຄາໂດຍອີງຕາມອັດຕາແລກປ່ຽນເງິນຢວນ 2200 ກີບ/1ຢວນ.

ນີ້ຄືລາຄາທີ່ທາງລົດໄຟໄດ້ອອກມາເມື່ອວັນທີ 30 ພະຈິກ 2021

ເຮົາຈະເຫັນວ່າລາຄາໂດຍສານໄດ້ຂຶ້ນລາຄາ