ດ່ວນ! ແຈ້ງເຖີງພໍ່ແມ່ພີ້ນ້ອງຊາວເມືອງທຸລະຄົມແລະຕ່າງເມືອງ, ຕ່າງແຂວງໃຫ້ຊາບວ່າ:

ປະຈຸບັນ, ຂົວນ້ຳພະນາຍສາມ ເມືອງທຸລະຄົມ ແຂວງວຽງຈັນ (ຕໍ່ໜ້າທະນາຄານສົ່ງເສີມກະສິກຳ) ແມ່ນບໍ່ສາມາດທຽວໄດ້ແລ້ວເນື່ອງຈາກວ່າຝົນຕົກຫນັກຕິດຕໍ່ກັນຫຼາຍວັນເຮັດໃຫ້ດີນທີ່ສົ້ນຂົວດັ່ງກ່າວເຈື່ອນສະໄລ້ລົງເຮັດໃຫ້ຂົວມີຄວາມສ່ຽງຫຼາຍ.

ດັ່ງນັ້ນຈີ່ງໄດ້ປິດບໍ່ໃຫ້ສັນຈອນຊົ່ວຄາວໃຫ້ໄປທຽວທາງຂົວນ້ຳພະນາຍສອງ (ນ້ຳລີນ) ຄືເກົ່າ.

ຈິ່ງແຈ້ງມາເພື່ອຮັບຊາບ ແລະ ປະຕິບັດຕາມນີ້ດ້ວຍພາບ: ຫ້ອງການຖະແຫຼງຂ່າວ,ວັດທະນະທຳແລະທ່ອງທ່ຽວເມືອງທຸລະຄົມ.

ແຫຼ່ງຂ່າວ: ສະບາຍດີແຂວງວຽງຈັນ Hello Viengchan Province

ອີງຕາມການລາຍງານຂອງ ໜັງສືພິມວຽງຈັນໃໝ່ ໃຫ້ຮູ້ວ່າ: ສະຖານີໄຟຟ້າ 230 ກິໂລວັດ ປາກມອງ 2 ສູນກາງເຊື່ອມໂຍງຕາຂ່າຍໄຟຟ້າທາງພາກເຫນືອຂອງ ສປປ ລາວ ໄດ້ເປັນພາກສ່ວນຫນຶ່ງ ການສະຫນອງໄຟຟ້າໃຫ້ທາງລົດໄຟ ລາວ-ຈີນ ປັດຈຸບັນ ລັດວິ ສາຫະກິດໄຟຟ້າລາວ ແລະ ບໍລິສັດຕາຂ່າຍໄຟຟ້າພາກໃຕ້ຈີນ (CSG) ກໍາລັງ ຜັກດັນໃຫ້ມີການຮ່ວມມື ໂຄງການສາຍສົ່ງໄຟຟ້າແຮງສູງ 500 ກິໂລວັດ ເພື່ອຮອງຮັບລະບົບການໄຫຼວຽນຂອງພະລັງງານໄຟຟ້າ ໃຫ້ເຕັມທີ່.

ສະຖານີໄຟຟ້າ 230 ກິໂລວັດ ປາກມອງ 2 ສູນກາງເຊື່ອມໂຍງຕາຂ່າຍໄຟຟ້າທາງພາກເຫນືອຂອງ ສປປ ລາວ ໄດ້ເປັນພາກສ່ວນຫນຶ່ງຂອງການ ສະຫນອງໄຟຟ້າໃຫ້ທາງລົດໄຟ ລາວ-ຈີນ ປັດຈຸບັນ ລັດວິ ສາຫະກິດໄຟຟ້າລາວ ແລະ ບໍລິສັດຕາຂ່າຍ.

ທ່ານ Huang Wengang ຜູ້ອໍານວຍການໃຫຍ່ບໍລິສັດ ລົງທຶນພະລັງງານໄຟຟ້າ ລາວ-ຈີນ ໃຫ້ສໍາພາດວັນທີ 8 ສິງຫາ 2022 ວ່າ: ສະຖານີ ໄຟຟ້າ 230 ກິໂລວັດ ປາກມອງ 2 ຕັ້ງຢູ່ບ້ານປາກມອງ ເມືອງນ້ໍາບາກ ແຂວງຫຼວງພະບາງ ປັດຈຸບັນສາມາດສະຫນອງໄຟຟ້າໃຫ້ເສັ້ນທາງ ລົດໄຟ ລາວ-ຈີນ ແລ້ວ ສະຖານີໄຟຟ້າແຫ່ງນີ້ມີຈຸດພິເສດຕັ້ງຢູ່ໃຈກາງລະຫວ່າງການສົ່ງຕໍ່ຕາຂ່າຍໄຟຟ້າໃນເຂດພາກເຫນືອຂອງ ສປປ ລາວ ເປັນ 1 ໃນ 10 ສະຖານີໄຟຟ້າຂອງໂຄງການສະຫນອງໄຟຟ້າໃຫ້ທາງລົດໄຟ ລາວ-ຈີນ ມີ ເນື້ອທີ່ 9 ກວ່າເຮັກຕາ ສ້າງຂຶ້ນປີ 2014 ແລະ ເປີດນໍ ໃຊ້ປີ 2015 ມູນຄ່າປະມານ 30 ລ້ານໂດລາສະ ຫະລັດ ເຊິ່ງລັດວິສາຫະກິດໄຟຟ້າລາວ ເປັນເຈົ້າຂອງໂຄງການ ແລະ ຮັບເຫມົາກໍ່ສ້າງໂດຍ ່ ບໍລິສັດ ຕາ ຂ່າຍໄຟຟ້າ ພາກໃຕ້ ຢຸນນານສາກົນ.

ທ່ານ ທອນ ວົງພະຈັນ ຮອງພະແນກລະບົບສົ່ງພາກເຫນືອ ລັດວິສາຫະກິດໄຟຟ້າລາວ ກ່າວວ່າ: ບົດບາດຫນ້າທີ່ຂອງສະຖານີໄຟຟ້າ 230 ກິໂລວັດ ປາກມອງ 2 ແມ່ນການຄຸ້ມຄອງບໍາລຸງຮັກສາສາຍສົ່ງ 115 ກິໂລວັດ ແລະ 230 ກິໂລວັດ ຄວາມຍາວ 5.000 ກວ່າກິໂລແມັດ ແລະ ສະຖານີໄຟຟ້າແຮງສູງ 41 ແຫ່ງ ພະນັກງານ 500 ກວ່າຄົນ ທີ່ເຮັດວຽກດ້ານນີ້ ລ້ວນແຕ່ເປັນພະນັກງານຈາກລັດວິສາຫະກິດໄຟ ຟ້າລາວ ບັນຫາທ້າທາຍທີ່ສະຖານີໄຟຟ້າແຫ່ງນີ້ພົບພໍ້ໃນໄລຍະຜ່ານມາ ແມ່ນຍັງບໍ່ສາມາດ ຮອງຮັບລະ ບົບເຢັນລົບຫນຶ່ງ (N-1) ເຊັ່ນການລໍາລຽງ ໄຟຟ້າທີ່ມີຄວາມສະຖຽນລະພາບເຕັມທີ່ ຖ້າໄຟຟ້າເກີດການຂັດ ຂ້ອງແບບສຸດວິໄສ ເປັນຕົ້ນຟ້າຜ່າ ທີ່ສົ່ງກະທົບໂດຍກົງຕໍ່ການແລ່ນຂອງ ລົດໄຟ ລາວ-ຈີນ ຄະນະຮັບ ຜິດຊອບທີ່ກ່ຽວຂ້ອງກໍໄດ້ເລັ່ງແກ້ໄຂຢ່າງຮີບດ່ວນ ສ່ວນວິທີແກ້ໄຂໃນຕໍ່ຫນ້າບໍລິສັດ ຕາຂ່າຍໄຟຟ້າພາກໃຕ້ ຢຸນ ນານສາກົນ ຮ່ວມກັບ ບໍລິສັດ ລົງທຶນພະລັງງານໄຟຟ້າ ລາວ-ຈີນ ແລະ ລັດວິສາຫະກິດໄຟຟ້າລາວ ຈະໄດ້ສ້າງລະບົບສາຍສົ່ງໄຟຟ້າແຮງສູງ 500 ກິໂລວັດ ໃນໄວໆນີ້ ຢູ່ເມືອງນາຫມໍ້ ແຂວງອຸດົມໄຊ ເພື່ອຮອງຮັບລະບົບການໄຫລວຽນຂອງພະລັງງານໄຟຟ້າ ໃຫ້ມີສະຖຽນລະພາບຢ່າງ ເຕັມທີ່ ແລະ ປະສິດທິຜົນສູງ ເພື່ອແກ້ໄຂບັນຫາໄຟຟ້າຂັດຂ້ອງດັ່ງກ່າວ.

ສໍາລັບໂຄງການສະຫນອງໄຟຟ້າໃຫ້ທາງລົດໄຟ ລາວ-ຈີນ ມີຄວາມຍາວ 257 ກິໂລແມັດ ມີຫຼັກ ເສົາໄຟຟ້າ 633 ຕົ້ນ ສະຫນອງພະລັງງານ ໄຟຟ້າໃຫ້ສະຖານີລາກແກ່ 10 ສະຖານີ ຜ່ານແຂວງຫຼວງນ້ໍາ ທາ ແຂວງອຸດົມໄຊ ແຂວງຫຼວງພະບາງ ແຂວງວຽງຈັນ ແລະ ນະຄອນຫຼວງວຽງຈັນ ປັດຈຸບັນໂຄງການ ໄດ້ສະຫນອງໄຟໃຫ້ທາງລົດໄຟ ລາວ-ຈີນ ແລ້ວ 35 ລ້ານກວ່າກິໂລວັດໂມງ.

ສານປະຊາຊົນສູງສຸດ ແຫ່ງ ສປປ ລາວ ໄດ້ເປັນເຈົ້າພາບຈັດກອງປະຊຸມສານບັນດາແຂວງທີ່ມີຊາຍແດນຕິດຈອດກັນ ລະຫວ່າງ 3 ປະເທດ ລາວ – ຫວຽດນາມ – ກໍາປູເຈຍ ຄັ້ງທີ VI ຂຶ້ນໃນວັນທີ 10-11 ສິງຫາ 2022 ທີ່ ນະຄອນຫຼວງວຽງຈັນ ໃຫ້ກຽດເປັນປະທານກ່າວເປີດໂດຍ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ແຫ່ງ ສປປ ລາວ, ໂດຍມີທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ ແຫ່ງ ສປປ ລາວ, ທ່ານ ຫງວຽນ ຮວາ ບິງ ປະທານສານປະຊາຊົນສູງສຸດ ແຫ່ງ ສສ ຫວຽດນາມ, ທ່ານ ຈີບ ເກ່ງ ຮອງປະທານສານສູງສຸດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍ ຄະນະຜູ້ແທນທັງສາມພາກສ່ວນເຂົ້າຮ່ວມ.

ທ່ານ ກິແກ້ວ ໄຂຄໍາພິທູນ ກ່າວວ່າ: ກອງປະຊຸມສານບັນດາແຂວງ ທີ່ມີຊາຍແດນຕິດຈອດກັນ ຂອງ 3 ປະເທດ ລາວ-ຫວຽດ-ກຳປູເຈຍ ຄັ້ງນີ້ ແມ່ນຖືວ່າມີຄວາມໝາຍ ຄວາມສຳຄັນທີ່ສຸດ ຂອງອົງການຕຸລາການ ທັງ 3 ປະເທດ ໃນການປຶກສາຫາລື, ແລກປ່ຽນບົດຮຽນ, ຮ່ວມມືກັນຕ້ານອາຊະຍາກຳຂ້າມຊາດ, ຊ່ວຍເຫຼືອຊຶ່ງກັນ ແລະ ກັນ ທາງດ້ານກົດໝາຍ ພ້ອມທັງເປັນການຜັນຂະຫຍາຍ 2 ວາລະແຫ່ງຊາດ ວ່າດ້ວຍ ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ ຊຶ່ງເວົ້າໄດ້ວ່າ ອົງການຕຸລາການ ກໍເປັນປັດໄຈຫຼັກອັນໜຶ່ງໃນການແກ້ໄຂບັນຫາດັ່ງກ່າວ ສະນັ້ນ, ນອກຈາກການປັບປຸງ ແລະ ຍົກສູງປະສິດທິພາບຂອງກົນໄກພາຍໃນແລ້ວ, ການກະທົບຂອງກົນໄກພາຍນອກ ກໍເປັນສິ່ງສຳຄັນທີ່ສຸດເຊັ່ນດຽວໃຫ້ແກ່ການແກ້ໄຂບັນຫາຕ່າງໆມີປະສິດທິພາບ ແລະ ປະສິດທິຜົນສູງສຸດ ແລະ ກອງປະຊຸມຄັ້ງນີ້ ກໍເປັນການສະແດງໃຫ້ເຫັນເຖິງຄວາມຕັດສິນໃຈສູງ, ສະແດງເຖິງການເຕີບໃຫຍ່ຂະຫຍາຍຕົວ ແລະ ຄວາມສາມັກຄີອັນສະໜິດແໜ້ນ ຂອງອົງການຕຸລາການ ທັງ 3 ປະເທດ ໃນການຮ່ວມມືກັນໃນທຸກດ້ານ ເພື່ອຕອບໂຕ້ຄືນບັນດາອາຊະຍາກຳຂ້າມຊາດ ທີ່ນັບມື້ມີການພັດທະນາຫຼາຍຮູບແບບ ແລະ ວິທີການທີ່ສະຫຼັບສັບຊ້ອນຂຶ້ນກວ່າເກົ່າ ຈາກການໃຊ້ປະໂຫຍດຂອງຄວາມກ້າວໜ້າທາງວິທະຍາສາດ ແລະ ເຕັກໂນໂລຊີ ລວມໄປເຖິງການທີ່ 3 ປະເທດ ພວກເຮົາມີຊາຍແດນຕິດຈອດກັນ ແລະ ທັງເປັນປະຊາຄົມອາຊຽນ ທີ່ມີການເປີດເສລີທາງການເດີນທາງ ແລະ ການຂະຫຍາຍຕົວຂອງການທ່ອງທ່ຽວ ໃນຂະນະທີ່ປະສິດທິພາບການບັງຄັບໃຊ້ກົດໝາຍຂອງແຕ່ລະປະເທດ ມີຄວາມແຕກຕ່າງກັນ.

ສະນັ້ນ, ມັນຈຶ່ງຮຽກຮ້ອງໃຫ້ອົງການຕຸລາການຂອງພວກເຮົາ ເຮັດວຽກຮ່ວມກັນຢ່າງໃກ້ຊິດ ແລະ ມີການແລກປ່ຽນບົດຮຽນຊຶ່ງກັນ ແລະ ກັນ ຕະຫຼອດເວລາ.

ປະທານກອງປະຊຸມໄດ້ຮຽກຮ້ອງມາຍັງບັນດາທ່ານຜູ້ແທນທີ່ເຂົ້າຮ່ວມກອງປະຊຸມ ຈົ່ງຍົກສູງຄວາມຮັບຜິດຊອບ, ເອົາໃຈໃສ່ພ້ອມກັນປະກອບຄຳຄິດຄຳເຫັນຢ່າງກົງໄປກົງມາ ໃນການປຶກສາຫາລື, ແລກປ່ຽນບົດຮຽນ, ຕີລາຄາຄືນ ຜົນສຳເລັດ, ຂໍ້ສະດວກ ແລະ ຂໍ້ຫຍຸ້ງຍາກຕ່າງໆ ໃນການປະຕິບັດຕົວຈິງຜ່ານມາ ເພື່ອຮ່ວມກັນຄົ້ນຄວ້າ, ຊອກຫາທິດທາງ, ວິທີການ ເພື່ອແກ້ໄຂຂໍ້ຄົງຄ້າງ ແລະ ຫຍຸ້ງຍາກ; ພ້ອມກັນ ກໍສືບຕໍ່ພັດທະນາຂໍ້ສະດວກ ແລະ ວາງແຜນການ ໃນການສືບຕໍ່ຮ່ວມມືກັນ ເພື່ອຕ້ານ ແລະ ສະກັດກັ້ນໄພອັນຕະລາຍຕ່າງໆ ຈາກອາຊະຍາກຳຂ້າມຊາດ ໃຫ້ທັນສະພາບການ, ທຸກຮູບແບບ ແລະ ບັນຫາທ້າທາຍຕ່າງໆຂອງຍຸກສະໄໝ. ເພື່ອເຮັດໃຫ້ພາກພື້ນຂອງ 3 ປະເທດພວກເຮົາ ມີຄວາມສະຫງົບສຸກ, ປອດໄພ ແລະ ປະຊາຊົນ ມີຄວາມຮັ່ງມີ, ຜາສຸກ ແລະ ຍຸຕິທຳ.ທ່ານ ນາງ ວຽງທອງ ສີພັນດອນ ໄດ້ມີຄຳເຫັນຕໍ່ກອງປະຊຸມວ່າ:

ສາມປະເທດຂອງພວກເຮົາ ໄດ້ມີສາຍພົວພັນມິດຕະພາບມາແຕ່ດົນນານ, ພັກ, ລັດ ແລະ ປະຊາຊົນ ສາມປະເທດ ໄດ້ເພີ່ມພູນນໍ້າໃຈສາມັກຄີ, ມິດຕະພາບຖານເພື່ອນມິດບ້ານໃກ້ເຮືອນຄຽງທີ່ດີ ຊຶ່ງເປັນມູນເຊື້ອ ແລະ ການຮ່ວມມືທີ່ມີມາກ່ອນ, ສາມປະເທດພວກເຮົາມີແຜ່ນດິນ, ພູຜາປ່າໄມ້ ຕິດຈອດກັນ ແລະ ນໍາໃຊ້ແມ່ນໍ້າລໍາເຊຮ່ວມກັນ, ປະຊາຊົນພວກເຮົາໄດ້ໄປມາຫາສູ່, ຄ້າຂາຍຮ່ວມກັນ, ມີຮີດຄອງປະເພນີອັນດີງາມຫຼາຍອັນຄ້າຍຄືກັນ.

ສິ່ງດັ່ງກ່າວໄດ້ເປັນເງື່ອນໄຂທີ່ດີ ໃຫ້ແກ່ການພົວພັນຮ່ວມມື ຊຶ່ງກັນ ແລະ ກັນ, ແຕ່ໄປຄຽງຄູ່ກັນນັ້ນ ກໍປາສະຈາກບໍ່ໄດ້ກ່ຽວກັບປະກົດການຫຍໍ້ທໍ້ ທີ່ກຸ່ມຄົນບໍ່ດີສວຍໃຊ້ກາລະໂອກາດດັ່ງກ່າວ ກໍ່ຄວາມບໍ່ສະຫງົບຕ່າງໆຂຶ້ນ ຕາມຊາຍແດນລະຫວ່າງປະເທດ ຫຼື ເຂົ້າປະເທດໂດຍບໍ່ຖືກຕ້ອງຕາມກົດໝາຍ ເຊັ່ນ: ການຕັດໄມ້ທໍາລາຍປ່າ, ລັກລອບຂຸດຄົ້ນຊັບພະຍາກອນທໍາມະຊາດ, ການຄ້າມະນຸດ, ການຄ້າໂສເພນີ, ການສົ່ງຄົນເຂົ້າ ຫຼື ຄົນອອກປະເທດຢ່າງຜິດກົດໝາຍ, ການລັກ, ການຍາດຊີງຊັບຂອງພົນລະເມືອງ, ການຊື້-ຂາຍຊັບຂອງພົນລະເມືອງຢ່າງຜິດກົດຫມາຍ, ການຂາຍສິນຄ້າທີ່ເກືອດຫ້າມ, ການຄ້າຂາຍຢາເສບຕິດ, ການລະເມີດລະບຽບພາສີອາກອນ ແລະ ອື່ນໆ.

ໃນຍຸກແຫ່ງການເຊື່ອມໂຍງເສດຖະກິດອາຊຽນເວົ້າສະເພາະ, ການພົວພັນຮ່ວມມືທາງດ້ານການຄ້າ, ການລົງທຶນລະຫວ່າງ ສາມປະເທດ ລາວ-ຫວຽດນາມ-ກໍາປູເຈຍ ມີການຂະຫຍາຍຕົວນັບມື້ນັບສູງຂຶ້ນ, ສະພາບການຂອງໂລກ ແລະ ພາກພື້ນທີ່ກໍາລັງມີການຜັນແປ ຊຶ່ງບໍ່ສາມາດປະເມີນຜົນໄດ້ກ່ຽວກັບການກໍ່ການຮ້າຍສາກົນ ແລະ ການກະທໍາຜິດຂ້າມແດນທຸກປະເພດ ໂດຍມີອົງການຈັດຕັ້ງ ທີ່ກໍາລັງດໍາເນີນຢ່າງສັບສົນນັ້ນ.

ໃນເງື່ອນໄຂດັ່ງກ່າວໄດ້ຮຽກຮ້ອງໃຫ້ພວກເຮົາ ຈໍາເປັນຕ້ອງເພີ່ມທະວີການພົວພັນຮ່ວມມືລະຫວ່າງປະເທດ ເວົ້າລວມ, ເວົ້າສະເພາະບັນດາສານແຂວງທີ່ມີຊາຍແດນຕິດຈອດກັນ ມີໜ້າທີ່ ແລະ ຄວາມຮັບຜິດຊອບນັບມື້ນັບສູງ, ການຮ່ວມມືຢ່າງໃກ້ຊິດລະຫວ່າງສານສາມປະເທດ ເພື່ອສະໜອງຂໍ້ມູນຂ່າວສານ ແລກປ່ຽນບົດຮຽນຊຶ່ງກັນ ແລະ ກັນ ແມ່ນມີຄວາມຈໍາເປັນຢ່າງພາວະວິໄສ ເພື່ອເປັນການປັບປຸງ, ພັດທະນາກົນໄກ, ເສີມສ້າງຄວາມເຂັ້ມແຂງຂອງອົງການຕຸລາການ ລວມທັງເປັນການພັດທະນາສັກກະຍະພາບບຸກຄະລາກອນພາຍໃນອົງກອນໃຫ້ເຮັດວຽກຮ່ວມກັນຢ່າງມີປະສິດທິພາບ ແລະ ມີການຊ່ວຍເຫຼືອ ຊຶ່ງກັນ ແລະ ກັນ ທາງດ້ານກົດໝາຍ ເພື່ອເຮັດໜ້າທີ່ຕົ້ນຕໍໃນການຕັດສິນ, ພິພາກສາລົງໂທດ ບັນດາບຸກຄົນ ຫຼື ນິຕິບຸກຄົນ ກໍຄືອົງກອນອາຊະຍາກອນເຫຼົ່ານັ້ນ ບົນຫຼັກການຄວາມສະເໝີພາບ, ສອດ ຄ່ອງກັບຫຼັກມະນຸດສະທຳຖືກຕ້ອງຕາມກົດໝາຍພາຍໃນ ແລະ ສົນທິສັນຍາໃນການຮ່ວມມືກັນດ້ານຍຸຕິທຳ ທີ່ໄດ້ລົງນາມເຊັນສັນຍາຮ່ວມກັນ.

ແຫຼ່ງຂ່າວ: ປະຊາຊົນ

ປະຊາຊົນບ້ານໂນແກ້ວ ທີ່ຖືກນໍ້າຖ້ວມໄດ້ຮັບການຊ່ວຍເຫລືອສຸກເສີນ.

ເນື່ອງຈາກໃນຕົ້ນເດືອນສິງຫາ 2022 ນີ້ ໄດ້ມີຝົນຕົກແຮງເປັນບໍລິເວນກວ້າງ ໃນທົ່ວປະເທດ ເຊິ່ງໄດ້ເຮັດໃຫ້ຫລາຍທ້ອງຖິ່ນໄດ້ຮັບຜົນກະທົບ, ສະເພາະ ນະຄອນຫລວງວຽງຈັນ ກໍໄດ້ຮັບຜົນກະທົບຈາກສະພາບຝົນຕົກໜັກໃນວັນທີ 8 ສິງຫາ ເຮັດໃຫ້ນ້ຳຖ້ວມເສັ້ນທາງໃນຫລາຍຈຸດ ໂດຍສະເພາະເຮືອນຊານພໍ່ແມ່ປະຊາຊົນເຂດບ້ານໂນນແກ້ວ ເມືອງສີໂຄດຕະບອງ ຈຳນວນ 35 ຄອບຄົວ ໄດ້ຮັບຜົນກະທົບນ້ຳຖ້ວມເຊັ່ນດຽວກັນ.

ຕໍ່ກັບບັນຫາດັ່ງກ່າວໃນວັນທີ 09 ສິງຫາ 2022 ນີ້ ອົງການກາແດງແຫ່ງຊາດລາວ ກໍໄດ້ສົມທົບກັບອຳນາດການປົກຄອງແຕ່ລະຂັ້ນ ເພື່ອໃຫ້ການຊ່ວຍເຫລືອສຸກເສີນຢ່າງເລັງດ່ວນ ໃຫ້ແກ່ປະຊາຊົນທີ່ໄດ້ຮັບຜົນກະທົບໃນຄັ້ງນີ້.

ເຄື່ອງທີ່ນຳມາຊ່ວຍເຫລືອໃນຄັ້ງນີ້ ມີຈຳນວນ 35 ຊຸດ ເຊິ່ງປະກອບມີເຂົ້າສານໜຽວ, ນ້ຳດື່ມ,ປາກະປ໋ອງ, ນ້ຳມັນພືດ, ແຟັບຊັກເຄື່ອງ, ສະບູກ້ອນ, ຢາສີຟັນ, ແປງສີຟັນ, ເກືອ ແລະ ອື່ນໆ ລວມມູນຄ່າທັງໝົດ 14 ລ້ານກວ່າກີບ ໂດຍເປັນກຽດກ່າວມອບຂອງທ່ານ ດຣ ກາວິພອນ ສຸດທິ ຫົວໜ້າຫ້ອງການອົງການກາແດງແຫ່ງຊາດລາວ, ຮັບໂດຍພໍ່ແມ່ປະຊາຊົນບ້ານໂນນແກ້ວ ໂດຍການເຂົ້າຮ່ວມເປັນສັກຂີພິຍານຂອງທ່ານ ຄຳຫລ້າ ກຸມພົນພັກດີ ນາຍບ້ານໂນນແກ້ວ ຕະຫລອດຮອດພະນັກງານຈາກອົງການກາແດງລາວ ແລະ ອົງການຈັດຕັ້ງບ້ານເຂົ້າຮ່ວມ.

ແຫຼ່ງຂ່າວ: ຂປລ

ເນື່ອງຈາດກຝົນຕົກຕໍ່ເນື່ອງ ໄດ້ສ້າງຄວາມເສຍເສຍຫາຍເຂດໃນທົ່ວປະເທດ,

ໜຶ່ງໃນນັ້ນກໍແມ່ນ ສຳນັກສົງຄ໌ໃຫມ່ໂຊກໄຊ ບ້ານກຸດຮີ ຄຸ້ມກຸດລຳພັນ ເມືອງທ່າປາງທອງ ແຂວງສະຫວັນນະເຂດ ແມ່ນເສຍຫາຍ 95 % (ລາຍງານວັນທີ 10/08/2022)

ຄວາມເສຍຫາຍຄັ້ງນີ້ ປະກອບມີ ສາລາໂຮງທັມ, ກຸດຕິ ເສຍຫາຍ, ກອງເພນ, ຄ້ອງ, ກອງ, ລະຄັງ, ພຣະພຸດທະຮູບ ແລະອື່ນໆ…

ຂໍ້ມູນ ແລະ ຮູບພາບຈາກ ພຣະ ບຸນເພັງ ແສນບຸດຕະລາດ

.

.

ໃນວັນທີ 5 ສິງຫາ 2022, ກອງບັນຊາການ ປກສ ແຂວງວຽງຈັນ ໄດ້ມີພິທີປະກາດນາຍຕໍາຫຼວດ ພັກການຮັບອຸດຫນູນບໍານານ ແລະ ແຕ່ງຕັ້ງຫົວຫນ້າ, ຮອງຫົວຫນ້າກອງບັນຊາການ ປກສ ແຂວງວຽງຈັນ, ເຂົ້າຮ່ວມຂອງ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີກະຊວງ ປກສ, ມີທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ, ພ້ອມດ້ວຍບັນດາຄະນະພັກຄະນະບັນຊາກອງບັນຊາການ, ແຂກຮັບເຊີນ, ພ້ອມດ້ວຍພະນັກງານຫຼັກແຫຼ່ງຈາກຫ້ອງ, ກອງພັນປ້ອງກັນ ເຄື່ອນທີ່, ຄ້າຍຄຸ້ມຂັງ-ດັດສ້າງ ແລະ ກອງບັນຊາການ ປກສ ເມືອງທົ່ວແຂວງວຽງຈັນ ເຂົ້າຮ່ວມ.

ໃນພິທີ, ພົຈວ ຄອນສະຫວັນ ສົມພາໄຊ ຮອງຫົວຫນ້າກົມໃຫຍ່ການເມືອງ, ຫົວຫນ້າກົມພະນັກງານ ກະຊວງ ປກສ ໄດ້ຜ່ານດໍາລັດຂອງນາຍົກລັດຖະ ມົນຕີສະບັບເລກທີ 213/ນຍ ລົງວັນທີ 2 ສິງຫາ 2022 ວ່າດ້ວຍການອະນຸມັດໃຫ້ພະນັກງານອອກນັກການຮັບອຸດຫນູນບໍານານຂອງນາຍຕໍາຫຼວດ, ໃນ ນັ້ນ,ໄດ້ ຕົກລົງໃຫ້ ພົຈວ ທອງເຄນ ບຸນຫັ້ນ ອອກພັກການຮັບອຸດຫນູນບໍານານ, ຜ່ານດໍາລັດຂອງນາຍົກ ລັດຖະມົນຕີ ສະບັບເລກທີ 225/ນຍ ລົງວັນທີ 2 ສິງຫາ 2022 ວ່າດ້ວຍການປະກາດແຕ່ງຕັ້ງຫົວຫນ້າກອງ ບັນຊາການ ປກສ ແຂວງວຽງຈັນ;

ໃນນັ້ນ, ແຕ່ງຕັ້ງ ພ້ອ ສົມຄິດ ດວງພະຈັນ ເປັນຫົວຫນ້າກອງບັນຊາການ ປກສ ແຂວງວຽງຈັນ, ຜ່ານ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບ ເລກທີ 1220/ປກສ ລົງວັນທີ 3 ສິງຫາ 2022 ວ່າດ້ວຍປະກາດແຕ່ງຕັ້ງຮອງຫົວຫນ້າກອງບັນຊາການ ປກສ ແຂວງວຽງຈັນ, ໂດຍແຕ່ງຕັ້ງສະຫາຍ ພັທ ແຫວນເພັດ ໂທມະ ຫາລາດ ເປັນຮອງຫົວຫນ້າກອງບັນຊາການ ປກສ ແຂວງວຽງ ຈັນ ສ່ວນຮອງທີ່ມີ ຢູ່ແລ້ວແມ່ນຮັກສາໄວ້ຄືເກົ່າ.

ໃນໂອກາດນີ້, ແອ ວິໄລ ຫຼ້າ ຄໍາຟອງ ໄດ້ສະແດງຄວາມຊົມເຊີຍ ຕໍ່ບັນດາຜົນງານຂອງນາຍຕໍາຫຼວດ ສະຫາຍ ທີ່ໄດ້ຮັບອຸດຫນູນບໍານານ, ເຊິ່ງການປະ ກາດດັ່ງກ່າວແມ່ນກົດເກນ ແລະ ນະໂຍບາຍລວມຂອງພັກ ແລະ ລັດຖະບານ ເມື່ອເຖິງອາຍຸກະສຽນກໍຕ້ອງໄດ້ອອກພັກຜ່ອນ-ຮັບອຸດຫນູນບໍານານ ຕາມລະບຽບການ, ພ້ອມທັງຮຽກຮ້ອງ ໃຫ້ສະຫາຍສືບຕໍ່ໃຫ້ຄໍາແນະນໍາ ທາງດ້ານບົດຮຽນ ແລະ ປະສົບ ການຕ່າງໆຕາມຄວາມ ສາມາດຂອງ ຕົນ ເພື່ອປະກອບສ່ວນເຂົ້າໃນການພັດທະນາວຽກງານ ປກສ ໃຫ້ ມີຜົນສໍາເລັດກວ່າເກົ່າ,

ສ່ວນນາຍຕໍາຫຼວດທີ່ໄດ້ຮັບການແຕ່ງຕັ້ງເປັນຫົວຫນ້າ ແລະ ຮອງຫົວຫນ້າກອງບັນຊາການ ປກສ ແຂວງ ່ວຽງຈັນ ໃຫ້ເອົາໃຈໃສ່ເຮັດວຽກງານສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ໃຫ້ເລິກ ເຊິ່ງ ເຖິງຖອງ, ເພີ່ມທະວີຄວາມຮັບຜິດຊອບຕໍ່ການນໍາພາ-ບັນຊາ, ສ້າງຄວາມເປັນເອກະພາບໃນຫມູ່ຄະນະ, ກໍ່ສ້າງພັກ, ກໍ່ສ້າງກໍາລັງໃຫ້ຫນັກ ແຫນ້ນ, ເສີມຂະຫຍາຍຄວາມສາມັກຄີພາຍໃນໃຫ້ແຫນ້ນແຟ້ນ, ສືບຕໍ່ ຊີ້ນໍາ-ນໍາພາກໍາລັງ ປກສ ໃຫ້ມີຄວາມຫນັກແຫນ້ນ, ເຂັ້ມແຂງຂຶ້ນເລື້ອຍໆ.