Home Blog Page 30

ຮສສ ຂຶ້ນທະບຽນແຮງງານລາວ ຢູ່ເຂດເສດຖະກິດພິເສດສາມຫຼຽມຄໍາ

By
ໂທລະໂຄ່ງ THOLAKHONG
-
0

ຮສສ ຂຶ້ນທະບຽນແຮງງານລາວ ຢູ່ເຂດເສດຖະກິດພິເສດສາມຫຼຽມຄໍາ ໄດ້ 1.267 ຄົນ.

ຕາມການລາຍງານຈາກ ທ່ານ ອຸດອນ ມະນີບຸນ ຮອງຫົວຫນ້າກົມຄຸ້ມຄອງແຮງງານ, ຫົວໜ້າຄະນະຂຶ້ນທະບຽນ ແລະ ກວດສຸຂະພາບແຮງງານ ຢູ່ເຂດເສດຖະກິດພິເສດສາມຫລ່ຽມຄໍາ ໃຫ້ຮູ້ວ່າ: ພາຍຫລັງມີພິທີເປີດການຂຶ້ນທະບຽນ ແລະ ກວດສຸຂະພາບແຮງງານ ຢູ່ເຂດເສດຖະກິດພິເສດ ສາມຫລ່ຽມຄໍາ ແຂວງບໍ່ແກ້ວ ຢ່າງເປັນທາງການ ໃນວັນທີ 1 ສິງຫາ 2022, ໜ່ວຍງານຂຶ້ນທະບຽນກໍໄດ້ເຮັດວຽກຮ່ວມກັບ ຄະນະຄຸ້ມ ຄອງເຂດເສດຖະກິດພິເສດ ແລະ ສະພາບໍລິຫານເຂດເສດຖະກິດພິເສດ ສາມຫລ່ຽມຄໍາ ເພື່ອປຶກສາຫາລື ແລະ ວາງແຜນການເຄື່ອນໄຫວວຽກງານຕົວຈິງ ໂດຍກໍານົດໃຫ້ເລີ່ມຈາກການຂຶ້ນທະບຽນໃຫ້ແກ່ແຮງງານລາວກ່ອນ, ຈາກນັ້ນ ຈຶ່ງຂຶ້ນທະບຽນແຮງງານຈີນ, ມຽນມາ ແລະ ສັນຊາດອື່ນຕາມລໍາດັບ ແລະ ມາຮອດ ວັນທີ 18 ສິງຫາ ສາມາດຂຶ້ນທະບຽນແຮງງານລາວໄດ້ 1.267 ຄົນ.

ທ່ານ ອຸດອນ ມະນີບຸນ ໄດ້ໃຫ້ຮູ້ອີກວ່າ: ຈາກການຈັດຕັ້ງການຂຶ້ນທະບຽນ ແລະ ກວດສຸຂະພາບແຮງງານ ໄລຍະສອງອາທິດຜ່ານມາ ເຫັນວ່າມີທັງຂໍ້ສະດວກ, ຂ້ຫຍຸ້ງຍາກ ທີ່ຕ້ອງໄດ້ພ້ບັນຫາທີ່ພ້ອມກັນຈະໄດ້ສືບຕໍ່ແກ້ໄຂ ເປັນຕົ້ນ ຂະຫຍາຍເວລາຂອງໜວ່ຍງານຂຶ້ນທະບຽນເພີ່ມອີກເຂົ້າວຽກ-ເລີກວຽກ ພ້ອມກັນ, ເຮັດວຽກວັນຈັນ-ເສົາ, ພັກວັນອາທິດ, ເລີ່ມເຮັດວຽກເວລາ 8:00-17:00 ໂມງ, ກໍລະນີມື້ໃດຫາກມີຜູ້ອອກແຮງງານມາຫລາຍ; ເພີ່ມປ່ອງບໍລິການ ຈາກ 2 ປ່ອງ ເປັນ 4 ປ່ອງ ເພື່ອໃຫ້ອໍານວຍຄວາມສະດວກໃຫ້ແກ່ຜູ້ມາຂຶ້ນທະບຽນໃຫ້ໄວ, ໃຫ້ສາມາດຂຶ້ນທະບຽນແຮງງານໃຫ້ໄດ້ຢ່າງໜ້ອຍປະມານ 400-500 ຄົນ/ວັນ;

ການຈັດເກັບຄ່າບໍລິການ ແມ່ນໄດ້ເອກະພາບກັນເກັບຄ່າຂຶ້ນທະບຽນແຮງງານ 150.000 ກີບຕໍ່ຄົນ ຫລື 70 ຢວນຕໍ່ຄົນ, (ສ່ວນຜູ້ອອກແຮງງານລາວແມ່ນເກັບເຄິ່ງຄ່າຄື 75.000 ກີບຕໍ່ຄົນ ຫລື 35 ຢວນຕໍ່ຄົນ) ແລະ ຄ່າບໍລິການກວດສຸຂະພາບປະຈໍາປີແມ່ນ 250.000 ກີບຕໍ່ຄົນ ຫລື 130 ຢວນຕໍ່ຄົນ.

ໂອກາດນີ້, ຄະນະໜວ່ຍງານການຂຶ້ນທະບຽນ ແລະ ກວດສຸຂະພາບແຮງງານ ຍັງໄດ້ຮຽກຮ້ອງ ໃຫ້ບັນດາຫົວໜ່ວຍແຮງງານ, ຜູ້ປະກອບການໃຫ້ຄວາມຮ່ວມມືຢ່າງເຕັມສ່ວນໃນການລະດົມເອົາຜູ້ອອກແຮງງານ ຢູ່ແຕ່ລະຫົວໜ່ວຍແຮງງານໃນແຕ່ລະຕຶກອອກມາຂຶ້ນທະບຽນໃຫ້ທັນຕາມແຜນທີ່ໄດ້ກຳນົດໄວ້.

ຂ່າວ: ຮສສ

ພົຕ ຄໍາກິ່ງ ຜຸຍຫຼ້າມະນີວົງ ເປັນ ຮອງລັດຖະມົນຕີ ກະຊວງ ປກສ

By
ໂທລະໂຄ່ງ THOLAKHONG
-
0

ກະຊວງປ້ອງກັນຄວາມສະຫງົບ ໄດ້ຈັດພິທີປະກາດການແຕ່ງຕັ້ງ ຮອງລັດຖະມົນຕີ ກະຊວງປ້ອງກັນ ຄວາມສະຫງົບ ເພີ່ມອີກ 1 ທ່ານ, ໂດຍປັດຈຸບັນ ກະຊວງ ປກສ ມີ ຮອງລັດຖະມົນຕີ 4 ທ່ານ, ເປັນກຽດ ເຂົ້າຮ່ວມໂດຍ ພົອ ວິໄລ ຫຼ້າຄໍາຟອງ ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນຄວາມ ສະຫງົບ, ມີບັນດາຄະນະກົມໃຫຍ່, ກົມ, ກອງ, ວິທະຍາຄານ ແລະ ປກສ ນະຄອນຫຼວງວຽງຈັນ ເຂົ້າຮ່ວມ ໃນວັນທີ 19 ສິງຫາ 2022.

ທ່ານ ດວງຕາ ຈູມພາວັນ ຜູ້ຊ່ວຍຄະນະຈັດຕັ້ງສູນກາງພັກ ໄດ້ຜ່ານດໍາລັດຂອງ ທ່ານນາຍົກ ລັດຖະມົນຕີ ສະບັບເລກທີ 217/ນຍ ລົງວັນ 2 ສິງຫາ 2022 ວ່າດ້ວຍ ການແຕ່ງຕັ້ງ ພົຕ ຄໍາກິ່ງ ຜຸຍຫຼ້າມະນີວົງ ເປັນຮອງລັດຖະມົນຕີ ກະຊວງປ້ອງກັນຄວາມສະຫງົບ ທັງເປັນ ຫົວຫນ້າກົມໃຫຍ່ຕໍາຫຼວດ.

ໃນໂອກາດນີ້, ພົຕ ວິໄລ ຫຼ້າຄໍາຟອງ ໄດ້ສະແດງຄວາມຍ້ອງຍໍຊົມເຊີຍ ແລະ ເຊື່ອຫມັ້ນວ່າ: ພົຕ ຄໍາກິ່ງ ຜຸຍຫຼ້າມະນີວົງ ເປັນກໍາລັງແຮງສໍາຄັນໃນການຊີ້ນໍາ-ນໍາພາວຽກງານຂອງກໍາລັງ ປກສ ໃຫ້ມີຜົນສໍາເລັດ ທັງເປັນພະນັກງານການນໍາຂອງກໍາລັງປ້ອງກັນຄວາມສະຫງົບທີ່ມີຄວາມຮູ້ຄວາມສາມາດ, ມີຄວາມບຸກບືນຫ້າວຫັນຕໍ່ຫນ້າທີ່ການເມືອງຂອງຕົນ ດ້ວຍຄວາມຮັບຜິດຊອບສູງ, ຊ່ວຍເຮັດໃຫ້ ກະຊວງປ້ອງກັນຄວາມສະຫງົບ ມີຄວາມຫນັກແຫນ້ນ, ມີຄວາມເຂັ້ມແຂງ, ມີຄວາມປອດໄພ, ມີຄວາມເປັນເອກະພາບໃນການ ຈັດຕັ້ງປະຕິບັດມະຕິ, ຄໍາສັ່ງ ແລະ ແນວທາງນະໂຍບາຍຂອງພັກ-ລັດ.

ແຫຼ່ງຂ່າວ: ຄວາມສະຫງົບ

ຊົມເຊີຍ! ໜຸ່ມໂສພານາ ລູກເຄີຍໃສ່ມອງ ຊ່ວຍເຫຼືອສັງຄົມ

By
ໂທລະໂຄ່ງ THOLAKHONG
-
0

ອີງຕາມ ລາວ-ໄອເດຍ ເຣັກຄອດສ໌ ໃຫ້ຮູ້ວ່າ: ໂສພະນາ ລູກເຂີຍໃສ່ມອງໄດ້ເດີນທາງໄປຫຼວງພະບາງ ເພື່ອເຮັດວຽກຊ່ວຍເຫຼືອສັງຄົມ.

ໂສພານາ ຫຼື ທີ່ຄົນຮູ້ຈັກຄື ລູກເຄີຍໃສ່ມອງ ເຈົ້າຂອງຜົນງານເພງຢາກເປັນລູກເຂີຍ ເຊິ່ງໄດ້ຫຼາຍລ້ານວິວ ເຮັດໃຫ້ຄົນພາຍໃນ ແລະ ຕ່າງປະເທດຕ່າງປະເທດຮູ້ຈັກເປັນຢ່າງດີ.

ຫຼ້າສຸດ ໂສພະນາ ລູກເຂີຍໃສ່ມອງໄດ້ເດີນທາງໄປຫຼວງພະບາງ ໂດຍສະເພາະໄດ້ມາລະດົມທືນຊ່ວຍເຫຼືອໂຮງໝໍເພື່ອນລາວສຳລັບເດັກແຂວງຫຼວງພະບາງ ເຊິ່ງຈະໄດ້ຈັດກິດະກຳແລ່ນມາລາທອນໃນລະຫວ່າງເດືອນ 9-10 ປີ 2022 ສ່ວນຈະຈັດຂຶ້ນວັນທີໃດນັ້ນ, ຕິດຕາມພາຍຫຼັງ

ຕອນນີ້ໜຸ່ມໂສມີເພງໃໝ່ມາຝາກກົດຟັງຕາມລີ້ງໄດ້ເລີຍ

6 ເດືອນຕົ້ນປີ! ເຊກອງມ້າງຄະດີໄດ້ 46 ຄະດີ

By
ໂທລະໂຄ່ງ THOLAKHONG
-
0

ອີງຕາມການລາຍງານຂອງ ຄວາມສະຫງົບໃຫ້ຮູ້ວ່າ: ແຂວງເຊກອງ ເປັນແຂວງໜຶ່ງທີ່ກໍາລັງສຸມໃສ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ໂດຍເລັ່ງໃສ່ຜັນຂະຫຍາຍບັນດາເນື້ອໃນຈິດໃຈຂອງວາລະດັ່ງກ່າວ ຕິດພັນກັບການສະ ກັດກັ້ນ ແລະ ແກ້ໄຂບັນຫາຢາເສບຕິດ ເຮັດໃຫ້ບັນຫາການຄ້າ-ຂາຍ, ຂົນສົ່ງ, ລັກລອບປູກສິ່ງເສບຕິດທີ່ ຜິດກົດຫມາຍໄດ້ຮັບການແກ້ໄຂຖືກຕ້ອງຕາມຫຼັກການວິຊາສະເພາະ ຈົນເຮັດໃຫ້ບັນຫາຢາເສບຕິດຢູ່ ພາຍໃນແຂວງຫຼຸດຫນ້ອຍຖອຍລົງເທື່ອລະກ້າວ.

ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ກ່າວຕໍ່ກອງປະຊຸມ 6 ເດືອນຕົ້ນປີ 2022 ຂອງລັດຖະບານ ຊຸດທີ IX ທີ່ຈັດຂຶ້ນໃນເດືອນກໍລະກົດ ຜ່ານມາ ວ່າ: ໃນ 6 ເດືອນຜ່ານມາ, ອົງການປົກຄອງແຂວງ ໄດ້ ເອົາໃຈໃສ່ປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບຢ່າງເປັນລະບົບຕໍ່ເນື່ອງ, ເພີ່ມທະວີການ ປະຕິບັດພາລະບົດບາດ, ກຽມພ້ອມສູ້ຮົບ, ປົກປັກຮັກສາຄວາມສະຫງົບ ແລະ ຄວາມເປັນລະບຽບ ຮຽບຮ້ອຍຕາມຂອບເຂດຊາຍແດນ ແລະ ເຂດເຊື່ອມຕໍ່, ຍົກສູງຄວາມເປັນເຈົ້າການສະກັດກັ້ນປະກົດການ ຫຍໍ້ທໍ້ໃນສັງຄົມ ເປັນຕົ້ນການປະຕິບັດວາລະແຫ່ງຊາດ ວ່າດ້ວຍແກ້ໄຂບັນຫາຢາເສບຕິດ.

ຜ່ານການຈັດຕັ້ງປະຕິບັດເຫັນວ່າໃນ 6 ເດືອນຕົ້ນປີ 2022, ເຈົ້າຫນ້າທີ່ວິຊາສະເພາະ ສາມາດເລີກຮື້ ແລະ ມ້າງລາຍຄະດີຄ້າຂາຍຢາເສບຕິດໄດ້ທັງ ຫມົດ 46 ເລື່ອງ, ຈັບຕົວຜູ້ຖືກຫາໄດ້ 54 ຄົນ ຍິງ 3 ຄົນ: ໃນ ນີ້, ເປົ້າຫມາຍຄ້າຂາຍລາຍໃຫຍ່ 2 ຄົນ, ລາຍກາງ ແລະ ຍ່ອຍ 52 ຄົນ ຍິງ 3 ຄົນ, ຢຶດຂອງກາງປະເພດຢາ ບ້າໄດ້ຈໍານວນ 68.615 ເມັດ, ລົດໃຫຍ່ຮຸນໄດ 1 ຄົນ, ລົດຈັກ 24 ຄັນ, ໂທລະສັບ 35 ຫນ່ວຍ, ປືນ ດັດແປງ 4 ກະບອກ ( ປືນແກັບ 2 ກະບອກ ), ເງິນກີບ 14.000.0000 ກີບ.

ນອກຈາກການແກ້ໄຂແລ້ວ, ການນໍາແຂວງເຊກອງ ຍັງໄດ້ແນະນໍາໃຫ້ກໍາລັງປ້ອງກັນຄວາມສະຫງົບ ແຂວງ ລົງເຄື່ອນໄຫວເຜີຍແຜ່ວງລະແຫ່ງຊາດ ວ່າດ້ວຍການແກ້ໄຂຢາເສບຕິດໃຫ້ເປັນປົກກະຕິ ໂດຍເລັ່ງ ໃສ່ບັນດາອົງການຈັດຕັ້ງຂອງລັດ ແລະ ເອກະຊົນໃຫ້ສໍາເລັດ ແລ້ວຫັນລົງໄປສູ່ບັນດາສະຖາບັນການສຶກສາ ໂດຍສະເພາະແມ່ນວິທະຍາໄລ ແລະ ໂຮງຮຽນ ທັງພາກລັດ ແລະ ເອກະຊົນ, ບັນດາໂຄງຈັກ-ໂຮງງານ, ບັນດາກຸ່ມບ້ານ ແລະ ບັນດາຊຸມ ຊົນທີ່ເຫັນວ່າມີຄວາມສ່ຽງໃນການຄ້າ-ຂາຍ ແລະ ມົ້ວສຸມສິ່ງເສບຕິດ, ເຊິ່ງການລົງເຜີຍແຜ່ວາລະດັ່ງກ່າວນີ້ ກໍເພື່ອເຮັດໃຫ້ພະນັກງານລັດຖະກອນ, ພໍ່ ແມ່ປະຊາຊົນ, ຊາວຄ້າຂາຍ,

ນັກຮຽນ ແລະ ນັກສຶກສາ ສາມາດຮັບຮູ້ເຖິງໄພອັນຕະລາຍຂອງສິ່ງເສບຕິດ ແລະ ໂທດທີ່ຈະໄດ້ຮັບຕາມມາ ເມື່ອໄປຫຍຸ້ງກ່ຽວ ແລະ ພົວພັນກັບສິ່ງເສບຕິດ, ເມື່ອກຸມ ຄົນດັ່ງກ່າວຮັບຮູ້ ແລະ ເຂົ້າໃຈ ເຊື່ອວ່າບັນຫາ ຄ້າ-ຂາຍ ແລະ ມົ້ວສຸມຢາເສບຕິດຢູ່ພາຍໃນແຂວງກໍຈະຄ່ອຍໆຫຼຸດລົງ.

ສະນັ້ນ, ເພື່ອຮັບປະກັນໃຫ້ ບັນຫາຢາເສບຕິດຢູ່ພາຍໃນແຂວງເຊກອງ ຫຼຸດຫນ້ອຍຖອຍລົງ ແລະ ຄ່ອຍ ໆຫມົດໄປເທື່ອລະກ້າວ ການນໍາແຂວງເຊກອງ ຈະສືບຕໍ່ນໍາພາກໍາລັງປະກອບອາວຸດປະຕິບັດແນວທາງ

ປ້ອງກັນຊາດ-ປ້ອງກັນຄວາມສະຫົງບທົ່ວປວງຊົນຮອບດ້ານຂອງພັກ ຍົກສູງຄວາມຮັບຜິດ ຊອບການ ເມືອງ ແລະ ວິຊາສະເພາະຂອງນາຍ ແລະ ພົນທະຫານ, ນາຍ ແລະ ພົນຕໍາຫຼວດ ໃຫ້ສູງຂຶ້ນກວ່າເກົ່າ, ເພີ່ມທະວີຄວາມຈົ່ງຮັກພັກດີ, ຄວາມເສຍສະຫຼະໃນການຮັບໃຊ້ປະເທດຊາດ ແລະ ປະຊາຊົນ; ສືບຕໍ່ເອົາໃຈໃສ່ ແກ້ໄຂບັນຫາປະກົດການຫຍໍ້ທໍ້ໃນສັງຄົມ ເປັນຕົ້ນບັນຫາຢາເສບຕິດ, ຄ້າ ຂາຍເຖື່ອນ, ສາສະຫນາ, ປຸ້ນຈີ້ຊິງ ຊັບ, ຂີ້ລັກງັດແງະ ແລະບັນຫາອື່ນໆ.

ກຽມເປີດປະຕູນ້ໍາ ເຂື່ອນໄຟຟ້ານ້ໍາຄານ 2 ແລະ ນ້ໍາຄານ 3 ເພື່ອລະບາຍນໍ້ານອງ

By
ໂທລະໂຄ່ງ THOLAKHONG
-
0

ກົມນະໂຍບາຍ ແລະ ແຜນພະລັງງານ, ກະຊວງພະລັງງານ ແລະ ບໍ່ແຮ່ (ຜບ), ອີງຕາມການສະເຫນີຂອງ ຫົວຫນ້າບໍລິສັດ ຜະລິດ-ໄຟຟ້າ ມະຫາຊົນມີລາຍລະອຽດວ່າ ໃນວັນທີ 19/08/2012 ທາງເຂື່ອນໄຟຟ້ານໍ້າຄານ 2 ແລະ ນ້ໍາຄານ 3 ມີແຜນຈະ ເປີດປະຕູນໍ້ານອງ ເພື່ອລະບາຍນ້ໍາ ອອກຈາກອ່າງເກັບນາຂອງເຂື່ອນ, ເນື່ອງຈາກປັດຈຸບັນລະດັບນ້ໍາຂອງເຂື່ ອນ ແມ່ນຢູ່ໃນ ລະດັບໃກ້ກັບລະດັບສູງສຸດ ທັງສອງໂຄງການ ໂດຍຈະປ່ອຍນອອກຕາມປະລິມານນ ໄຫຼເຂົ້າອ່າງ ເລີ່ມແຕ່ວັນທີ 19/08/2012 ຫາ 31/8/2012 ນໍ້າຄານ 2 ປ່ອຍ 103 m/s ລວມທັງຜ່ານກົງຫັນຜະລິດໄຟຟ້າ, ນ້ໍາຄານ 3 ປ່ອຍ 155 m/s ລວມທັງຜ່ານກົງຫັນຜະລິດໄຝຝົ້າ ອາດຈະມີການປ່ຽນແປງຕາມສະພາບຕົວຈິງ.

.

.

ວັນທີ 18 ແລະ 19 ສິງຫາ

By
ໂທລະໂຄ່ງ THOLAKHONG
-
0

ມອດໄຟຫຼາຍເຂດນະຄອນຫຼວງວຽງຈັນ!

.

.

ຊົມເຊີຍ! 3 ເດືອນ ມ້ຽງ ຄະດີຢາເສບຕິດໄດ້ 60 ກວ່າເລື່ອງ

By
ໂທລະໂຄ່ງ THOLAKHONG
-
0

ໃນໄລຍະ 3 ເດືອນຜ່ານມາ, ກອງບັນຊາການ ປກສ ແຂວງອຸດົມໄຊ ໄດ້ນໍາພາບັນດາພະນັກງານວິຊາ ສະເພາະຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ສາມາດເກັບກໍາ ແລະ ມ້າງຄະດີຢາເສບຕິດໄດ້ 60 ກວ່າເລື່ອງ ພ້ອມທັງຢຶດຂອງກາງໄດ້ເປັນຈໍານວນຫຼວງຫຼາຍ.

ພັຕ ໄຊສະຫວາດ ວົງສະຫວັນ ຫົວຫນ້າພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄດ້ລາຍງານ ໃນກອງປະຊຸມສະຫຼຸບຖອດຖອນບົດຮຽນວ່າ ດ້ວຍການແກ້ໄຂບັນຫາຢາເສບຕິດ ໃນ ວັນທີ 3 ສິງຫາ 2022 ໂດຍການເປັນປະທານຂອງ ພັທ ສອນວິໄລ ຕຸລາທອງ ຮອງຫົວຫນ້າ ກອງ ບັນຊາການ ປກສ ແຂວງ ວ່າ: ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ 3 ເດືອນຜ່ານມາ, ເຊິ່ງເລີ່ມແຕ່ເດືອນພຶດສະພາ-ເດືອນກໍລະກົດ 2022; ໃນນັ້ນ, ຜ່ານການດໍາເນີນໄລຍະ 3 ເດືອນຜ່ານມາ ສາມາດເກັບກໍາ ແລະ ມ້າງຄະດີຢາເສບຕິດໄດ້ທັງຫມົດ 61 ເລື່ອງ, ກັກຕົວຜູ້ຖືກຫາໄດ້ 75 ຄົນ ຍິງ 13 ຄົນ ຄື: ຢູ່ ແຂວງ 16 ເລື່ອງ ມີຜູ້ຖືກຫາ 20 ຄົນ ແລະ ຢູ່ບັນດາເມືອງ 45 ເລື່ອງ ມີຜູ້ຖືກຫາ 55 ຄົນ; ພ້ອມດຽວກັນ, ຍັງສາມາດຢຶດຂອງກາງທີ່ພົວພັນກັບຄະດີໄດ້ຫຼາຍລາຍການ ຄື: ເຄື່ອງອັດເມັດຢາບ້າ 2 ເຄື່ອງ, ຢາເສບຕິດ ປະເພດຢາບ້າ 94.348 ເມັດ, ເຮ ໂຣອິນ 2,5 ກຼາມ, ຢາໄອສ໌ 12,9 ກຼາມ, ຢາ ຝີນ 340,7 ກຼາມ, ແປ້ງຝຸ່ນປະສົມສານເສບຕິດ 10,1 ກິໂລກຼາມ, ແກ່ນຝົນ 11 ກິໂລ ກຼາມ, ອາວຸດປືນ CKC 1 ກະ ບອກພ້ອມລູກປືນ 8 ລູກ, ປືນແວັງ 1 ກະບອກ, ປືນລົມ 1 ກະບອກ, ປືນແກັບ 2 ກະບອກ, ລູກປືນເບີ 28 ລູກ, ຫມາກແຕກ 1 ຫນ່ວຍ, ພາຫະນະລົດໃຫຍ່ 2 ຄັນ, ລົດຈັກ 11 ຄັນ, ເງິນກີບ 280.889.000 ກີບ, ເງິນບາດ 256.250 ບາດ, ເງິນໂດລາ 2.208 ໂດລາ, ສາຍ ຄໍຄໍານໍ້າຫນັກ 14,2 ກຼາມ, ໂທ ລະສັບ 36 ເຄື່ອງ ແລະ ເຄື່ອງ ຂອງກາງອື່ນໆອີກຈໍານວນຫນຶ່ງ.

ນອກນັ້ນ, ຍັງສາມາດດໍາເນີນຄະດີສໍາເລັດ 39 ເລື່ອງ, ມີຜູ້ຖືກຫາ 49 ຄົນ, ສະຫຼຸບສໍານວນຄະດີ ສົ່ງໃຫ້ອົງການກ່ຽວຂ້ອງ 25 ເລື່ອງ, ຜູ້ຖືກຫາ 30 ຄົນ, ສຶກສາອົບຮົມ ແລະ ເຂົ້າບໍາບັດ-ດັດສ້າງ 14 ເລື່ອງ, ຜູ້ຖືກຫາ 18 ຄົນ; ຍັງສືບ ຕໍ່ດໍາເນີນມີ 89 ເລື່ອງ, ຜູ້ຖືກຫາ 115 ຄົນ ຍິງ 20 ຄົນ, ສານ ພິຈາລະນາຕັດສິນແລ້ວ 31 ເລື່ອງ, ມີນັກໂທດ 3.873 ຄົນ, ໃນນີ້, ມີ ໂທດປະຫານຊີວິດ 1 ຄົນ, ຕະຫຼອດຊີວິດ 2 ຄົນ, ຕັດອິດສະລະພາບແຕ່ 3 ປີ – 20 ປີ ມີ 35 ຄົນ, ສ່ວນຊັບສິນທີ່ຢິບເປັນຂອງລັດມີ ພາຫະນະລົດໃຫຍ່ 2 ຄັນ, ລົດຈັກ 10 ຄັນ, ໂທລະສັບ 6 ເຄື່ອງ, ເງິນກີບ 295.000 ກີບ. ຄຽງຄູ່ກັນນັ້ນ, ກອງປະຊຸມຍັງໄດ້ຜ່ານເນື້ອໃນຂອງເອກະສານນິຕິກໍາຕ່າງໆທີ່ກ່ຽວພັນວຽກງານປ້ອງກັນຄວາມສະຫງົບອີກ ຈໍານວນຫນຶ່ງ ພ້ອມທັງມີ ການແລກປ່ຽນຄໍາຄິດ-ຄໍາເຫັນຕໍ່ຮ່າງບົດສະຫຼຸບ ແລະ ທິດທາງແຜນການໃນ ສະເພາະຫນ້າ ເພື່ອປັບປຸງຍົກລະດັບມາດຕະການຈັດຕັ້ງປະຕິບັດໄລຍະຕໍ່ໄປໃຫ້ມີປະສິດທິຜົນສູງຂື້ນຕື່ມອີກ.

ຕອນທ້າຍ, ມັທ ສອນວິໄລ ຕຸລາທອງ ຍັງໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ພົ້ນເດັ່ນ ໄລຍະຜ່ານມາ ແລະ ພ້ອມທັງເນັ້ນໃຫ້ຄະນະຊີ້ນໍາ-ບັນຊາແຕ່ລະພາກສ່ວນພ້ອມກັນເອົາໃຈໃສ່ເພີ່ມທະວີ ການນໍາພາ-ຊີ້ນໍາຢ່າງໃກ້ຊິດຕິດແທດກັບວຽກງານຕົວຈິງ, ເພີ່ມທະວີຄວາມຮັບຜິດຊອບຕໍ່ ຫນ້າທີ່ຄວາມ ຮັບຜິດຊອບຢ່າງຕັ້ງຫນ້າ, ສືບຕໍ່ເຄື່ອນໄຫວເກັບກໍາເປົ້າຫມາຍທີ່ເຄື່ອນໄຫວກໍ່ການກະທໍາ ຜິດຢູ່ໃນສັງຄົມໃຫ້ຫມົດໄປເທື່ອລະກ້າວ.

ແຫຼ່ງຂ່າວ: ປ້ອງກັນຄວາມສະຫງົບ

ຂອບໃຈພາກສ່ວນກ່ຽວຂ້ອງ ທີ່ຊ່ວຍເຫຼືອປະຊາຊົນ

By
ໂທລະໂຄ່ງ THOLAKHONG
-
0

ປະຊາຊົນບ້ານພັກແຟນ ໄດ້ຮັບເຄື່ອງຊ່ວຍເຫຼືອສຸກເສີນ

ໃນວັນທີ 16 ສິງຫາ 2022 ນີ້ ອົງການກາແດງແຂວງຫົວພັນຮ່ວມກັບການນຳເມືອງແອດ ໄດ້ນຳເອົາເຄື່ອງຊ່ວຍເຫຼືອໄປມອບໃຫ້ປະຊາຊົນບ້ານ ພັກແຟນ ເມືອງແອດ ແຂວງຫົວພັນ ທີ່ໄດ້ຮັບຜົນກະທົບຈາກນ້ຳປ່າໄຫຼຊຸ ທີ່ເກີດຂຶ້ນໃນຄັ້ງວັນທີ13 ສິຫາ 2022 ເຮັດໃຫ້ຈຳນວນ 11 ຄອບຄົວໄດ້ຮັບຜົນກະທົບ ຕໍ່ກັບສະພາບການດັ່ງກ່າວອົງການກາແດງແຂວງຈຶ່ງໄດ້ສົມທົບກັບອຳນາດການປົກຄອງເມືອງແອດ ໄດ້ນຳເອົາເຄື່ອງເຄື່ອງຊ່ວຍເຫຼືອບັນເທົາທຸກເບື້ອງຕົ້ນເຊິ່ງປະກອບມີ:

ເຄື່ອງນຸ່ງຫົ່ມ ແລະເຄື່ອງໃຊ້ໃນຊີວິດປະຈໍາວັນ ລວມມູນຄ່າ 7ລ້ານກວ່າກີບ ໄປມອບໃຫ້ພໍ່ແມ່ປະຊາຊົນຈຳນວນ 11 ຄອບຄົວ ໂດຍການກ່າວມອບຂອງທ່ານ ຄຳສີ ຜິວວິໄລ ຫົວໜ້າອົງການກາແດງແຂວງຫົວພັນ, ກ່າວຮັບໂດຍຄອບຄົວທີ່ໄດ້ຮັບຜົນກະທົບ; ໂດຍການເຂົ້າຮ່ວມເປັນສັກຂີພິຍານຂອງທ່ານ ວົງພັນ ຈັນງາຄຳ ຮອງເຈົ້າເມືອງແອດ, ອຳນາດການປົກຄອງເມືອງ, ບ້ານຕະຫຼອດຮອດປະຊາຊົນພາຍໃນບ້ານເຂົ້າຮ່ວມ.

ໂດຍ: ນັກຂ່າວອົງການກາແດງ

ຢຸດຮັບນັກທ່ອງທ່ຽວຊົ່ວຄາວ! ວັນທີ 18/08/2022

By
ໂທລະໂຄ່ງ THOLAKHONG
-
0

ອີງຕາມ ຫນັງສືສະເຫນີຂອງ ເຂື່ອນໄຟຟ້ານ້ໍາລິກ 1/2 ສະບັບເລກທີ 2022-OA/NLPC-LAO-007, ລົງວັນທີ 15 ສິງຫາ 2022.

ກະຊວງພະລັງງານ ແລະ ບໍ່ ແຮ່ (ພບ), ຂໍຖືເປັນກຽດແຈ້ງມາຍັງທ່ານຊາບວ່າ ໃນວັນທີ 18/08/2022 ນີ້ທາງເຂື່ອນໄຟຟ້ານໍ້າລີກ 1/2 ມີແຜນຈະເປີດປະຕູນ້ໍານອງອອກຈາກອ່າງເກັບນ້ໍາຫນ້າເຂື່ອນຊື່ງປະຈຸ ບັນລະດັບນ້ໍາຢູ່ຫນ້າເຂື່ອນແມ່ນໃກ້ຈະຮອດລະດັບ 300 masl ເຊີ່ງເປັນລະດັບນ້ໍາທີ່ຢູ່ໃນລະດັບເຕືອນໄພ ແລະ ຈະຕ້ອງໄດ້ເປີດປະຕູນ້ໍາເພື່ອລະບາຍອອກ.

ດັ່ງນັ້ນ, ເພື່ອເປັນການຮັບມືຈາກຜົນກະທົບທີ່ອາດຈະເກີດຂື້ນໃນເຂດພື້ນ ທີ່ຕອນລຸ່ມເຂື່ອນ ແລະ ຕາມສາຍນ້ໍາລີກ.

ສະນັ້ນ, ກະຊວງພະລັງງານ ແລະ ບໍ່ແຮ່ ຈື່ງຂໍແຈ້ງມາຍັງທ່ານ ລະອຽດລຸ່ມນີ້:

ແຂວງວຽງຈັນ ແຈ້ງເຖິງ ຫ້ອງວ່າການ ເມືອງເຟືອງ ລວມທັງບ້ານ ທີ່ຢູ່ໃກ້ຂອບເຂດພື້ນທີ່ລຸ່ມເຂື່ອນ ກະກຽມຍົກຍ້າຍສິ່ງຂອງທີ່ຈໍາເປັນ ໂດຍສະເພາະ ກິດຈະການເຮືອນແພ ເພື່ອຮັບປະກັນບໍ່ໃຫ້ໄດ້ຮັບຜົນກະທົບ ຕໍ່ການເປີດປະຕູລະບາຍນ້ໍາ;

ໃຫ້ກິດຈະການເຮືອນແພ ແລະ ກິດຈະການ ທ່ອງທ່ຽວອື່ນໆ ຢຸດຮັບນັກທ່ອງທ່ຽວຊົ່ວຄາວ ໃນໄລຍະດັ່ງກ່າວຈົນ ກ່ວາຈະມີແຈ້ງການ ຈາກ ກະຊວງພະລັງງານ ແລະ ບໍ່ແຮ່ ຕື່ມ.

ແຈ້ງໃຫ້ປະຊາຊົນທີ່ຢູ່ເຂດພຶ້ນທີ່ຕອນລຸ່ມໂຄງການນ້ໍາລິກ 1/2 ກະກຽມຄວາມພ້ອມ ເພື່ອຮັບມືຕໍ່ເຫດການ ສຸກເສີນ ທີ່ອາດຈະເກີດຂື້ນ ທຸກກໍລະນີ.

ຖ້າໄດ້ຮັບການແຈ້ງເຕືອນ ແມ່ນໃຫ້ກະກຽມຍົກຍ້າຍຊັບ ສິນລວມທັງກິດຈະການຕ່າງໆ ເອົາໄປໄວ້ບ່ອນທີ່ສູງ; ຂະແຫນງການທີ່ກ່ຽວຂ້ອງ ກະກຽມ ຮັບມືຕາມພາລະບົດບາດຫນ້າທີ່ ແລະ ຄວາມຮັບຜິດຊອບຂອງຂະແຫນ ງການຕົ້ນ.

ລັກຮົ້ວປ້ອງກັນຄວາມປອດໄພທາງລົດໄຟ

By
ໂທລະໂຄ່ງ THOLAKHONG
-
0

ໃນຕອນບ່າຍຂອງວັນທີ 16 ສິງຫາ ມີຄົນໄປລັກຮົ້ວປ້ອງກັນຄວາມປອດໄພທາງລົດໄຟອີກຄັ້ງ

ເຊິ່ງກ່ອນໜ້ານີ້ກໍໄດ້ມີເຫດການຄົນໄປລັກຮົ້ວກັ້ນລົດໄຟເປັນຈຳນວນຫຼາຍຄັ້ງ, ຫຼັງຈາກກວດພົບກໍໄດ້ຮີບໃຫ້ຍາມ ແລະ ທະຫານເຂົ້າໄປຈຸດເກີດເຫດ, ພ້ອມທັງຕຳຫຼວດລົດໄຟທີ່ໄດ້ເດີນທາງໄປທຳການກວດສອບຄວາມເສຍຫາຍ ແລະ ສືບຕໍ່ຕິດຕາມສືບສວນເພື່ອຈັບເອົາຄົນຜິດມາລົງໂທດ ເນື່ອງຈາກການລັກ, ມ້າງເພ, ທຳລາຍຮົ້ວກັ້ນຄວາມປອດໄພລົດໄຟ ແລະ ອຸປະກອນທາງລົດໄຟທຸກຊະນິດ ແມ່ນມີຄວາມຜິດຕາມກົດໝາຍການລົດໄຟທີ່ໄດ້ວາງອອກ.

ຕາມການລາຍງານໃຫ້ຮູ້ວ່າ: ຮົ້ວກັ້ນຄວາມປອດໄພລົດໄຟໄດ້ຖືກລັກເປັນຄວາມຍາວກວ່າ 26 ແມັດ, ເຊິ່ງເປັນອັນຕະລາຍຕໍ່ການເດີນລົດ ແລະ ຊີວິດຜູ້ໂດຍສານເທິງລົດເປັນຢ່າງຍິ່ງ ແລະ ຍັງເປັນການທຳລາຍຊັບສິນຂອງບ້ານເມືອງ.

ສະນັ້ນ, ຈິ່ງຮຽກຮ້ອງໃຫ້ພໍ່ແມ່ປະຊາຊົນໃຫ້ຄວາມຮ່ວມມື, ຮ່ວມແຮງຮ່ວມໃຈກັນ, ປະຕິບັດຕາມລະບຽບກົດໝາຍ, ຫາກພົບເຫັນຜູ້ຈະກະທຳຜິດຄືດັ່ງເຫດການດັ່ງກ່າວ ແມ່ນສາມາດໂທຫາສາຍດ່ວນ 021 891000 ຫຼື 021 891010 ເພື່ອແຈ້ງເຫດສຸກເສີນ.

ທາງລົດໄຟແມ່ນຊັບສົມບັດຂອງຊາດ ຂໍໃຫ້ທຸກຄົນຊ່ວຍກັນປາບປາມການລັກຂະໂມຍ, ມ້າງເພ ອຸປະກອນລົດໄຟທຸກຊະນິດ ຫາກພົບເຫັນຜູ້ຈະກະທຳຜິດຄືດັ່ງເຫດການດັ່ງກ່າວ ກໍໃຫ້ຫ້າມປາມ ແລະ ຕັກເຕືອນຊ່ວຍກັນ, ເພື່ອຄວາມປອດໄພຂອງຊີວິດ ແລະ ຊັບສິນຂອງຜູ້ໂດຍສານຢູ່ເທິງຂະບວນລົດໄຟ ແລະ ເພື່ອປ້ອງກັນບໍ່ໃຫ້ມີການສູນເສຍໃດໆເກີດຂຶ້ນ.

ທາງລົດໄຟແມ່ນຊັບສົມບັດຂອງຊາດ ຂໍໃຫ້ທຸກຄົນຊ່ວຍກັນປາບປາມການລັກຂະໂມຍ, ມ້າງເພ ອຸປະກອນລົດໄຟທຸກຊະນິດ ຫາກພົບເຫັນຜູ້ຈະກະທຳຜິດຄືດັ່ງເຫດການດັ່ງກ່າວ ກໍໃຫ້ຫ້າມປາມ ແລະ ຕັກເຕືອນຊ່ວຍກັນ, ເພື່ອຄວາມປອດໄພຂອງຊີວິດ ແລະ ຊັບສິນຂອງຜູ້ໂດຍສານຢູ່ເທິງຂະບວນລົດໄຟ ແລະ ເພື່ອປ້ອງກັນບໍ່ໃຫ້ມີການສູນເສຍໃດໆເກີດຂຶ້ນ.

ແຫຼ່ງຂ່າວ: Laos – China Railway Company Limited

1...293031...261Page 30 of 261