ກິດຈະກຳຂັບຂີ່ປອດໄພ ຫ່ວງໃຍຊີວິດ ຫ່າງໄກຢາເສບຕິດ ເພື່ອຂ່ຳນັບຮັບຕ້ອນບັ້ນເລືອກຕັ້ງສະມາ ຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ II ໄດ້ຈັດຂຶ້ນເມື່ອບໍ່ດົນມານີ້ ທີ່ໂຮງຮຽນ ມສ ອຸທຸມພອນ ເມືອງອຸທຸມພອນ ແຂວງສະຫວັນນະເຂດ ໂດຍການເຂົ້າຮ່ວມ ຂອງທ່ານ ທອງໃສ ໄຊຍະວົງຄຳດີ ຫົວໜ້າຄະນະບໍລິຫານເສດຖະກິດພິເສດແຂວງ, ທ່ານ ພູລຳພອນ ສີຫາວົງ ເລຂາຄະນະບໍ ລິຫານງານຊາວໜຸ່ມແຂວງ, ແຂກທີ່ຖືກເຊີນເຂົ້າຮ່ວມ.
ທ່ານ ທອງໃສ ໄຊຍະວົງຄຳດີ ໄດ້ກ່າວເປີດວ່າ:

“ການຈັດກິດຈະກຳໃນຄັ້ງນີ້, ເພື່ອປູກຈິດສຳນຶກໃຫ້ ນັກຮຽນ ມສ ອຸທຸມພອນ ໄດ້ຮູ້ກ່ຽວກັບການຂັບຂີ່ລົດລາງພາຫະນະຕາມທ້ອງຖະໜົນ ໃຫ້ມີຄວາມປອດໄພ ເພື່ອຫຼີກເວັ້ນຈາກການເກີດອຸບັດເຫດ ອັນສ້າງຄວາມເສຍຫາຍແກ່ຊີວິດ ແລະ ຊັບສິນ ທັງບຸກຄົນ ແລະ ລວມໝູ່ ພ້ອມດຽວກັນນີ້, ກໍເພື່ອເປັນການສ້າງຂະບວນການຕ້ອນຮັບບັ້ນເລືອກຕັ້ງ ສສຊ ແລະ ສສຂ.”

ທ່ານ ພັທ ໄພວັນ ແກ້ວວໍລະວົງ ຮອງຫົວໜ້າພະແນກຕຳຫຼວດຈະລາຈອນ ກອງບັນຊາການ ປກສ ແຂວງ ໄດ້ກ່າວມີຄຳເຫັນວ່າ: ຢາກໃຫ້ຊາວໜຸ່ມ, ນັກຮຽນທຸກຄົນ ຈົ່ງມີສະຕິໃນການຂັບຂີ່ລົດຕາມທ້ອງຖະໜົນ ເພື່ອຄວາມປອດໄພຂອງໝົດທຸກຄົນ, ການຂັບຂີ່ລົດຈັກທຸກຄັ້ງ ຕ້ອງໃສ່ໝວກກັນກະທົບ ແລະ ປະຕິບັດລະ ບຽບຈະລາຈອນຢ່າງເຂັ້ມງວດ ພ້ອມທັງມີນ້ຳໃຈຊຶ່ງກັນ ແລະ ກັນ ທັງນີ້, ກໍເພື່ອຫຼຸດຜ່ອນການເກີດອຸບັດ ເຫດຕາມທ້ອງຖະໜົນ.

ຈາກນັ້ນ, ໃນພິທີ ກໍໄດ້ເລີ່ມເປີດກິດຈະກຳຂັບຂີ່ປອດໄພ ໂດຍການຂັບຂີ່ລົດຈັກທີ່ີຈຸດເລີ່ມຕົ້ນຈາກໂຮງຮຽນ ມສ ອຸທຸມພອນ ລ້ຽວຂວາໄປຕາມທາງເລກ 9 ຮອດວົງວຽນໃຫຍ່ ແລ້ວລ້ຽວກັບຄືນຕາມທາງເລກ 9 ແລະ ກັບຄືນໂຮງຮຽນ ມສ ອຸທຸມພອນ.

ຂ່າວ-ພາບ:ສະຫວັນ

ຂປລ. ວັນທີ 16 ກຸມພາ 2021 ນີ້ແຂວງອັດຕະປື ໄດ້ຈັດກອງປະຊຸມສະຫລຸບວຽກງານການເງິນ-ງົບປະມານປະຈຳປີ 2020 ແລະ ວາງທິດທາງແຜນການປີ 2021 ຂຶ້ນທີ່ຫໍປະຊຸມໃຫ່ຍຂອງແຂວງ,ໂດຍເປັນກຽດເຂົ້າຮ່ວມຂອງທ່ານ ທະນູໄຊ ບັນຊາລິດ ຮອງເຈົ້າແຂວງອັດຕະປື, ມີພະ ຕາງຫນ້າແນກການອ້ອມຂ້າງ ພ້ອມດ້ວຍຂະແໜງການເງີນທົ່ວແຂວງເຂົ້າຮ່ວມ.

ທ່ານ ຄຳເຜີຍ ໂສມຖາວອນ ຫົວໜ້າພະແນກການເງີນແຂວງ ໃຫ້ຮູ້ວ່າ: ການຈັດຕັ້ງປະຕິບັດແຜນງົບປະມານແຫ່ງລັດ ປີ 2020 ຜ່ານມາ ແມ່ນບໍ່ສາມາດບັນລຸໄດ້ຕາມແຜນການ ຍ້ອນໄດ້ຮັັບຜົນກະທົບຈາກການປ່ຽນແປງທັງພາຍໃນ ແລະ ຕ່າງປະເທດ ໂດຍສະເພາະການແຜ່ລະບາດຂອງພະຍາດໂຄວິດ-19 ລວມທັງລັດຖະບານ ໄດ້ມີນະໂຍບາຍທາງດ້ານພາສີ-ອາກອນຕໍ່ຫົວໜ່ວຍທຸລະກິດ ແລະ ບັນດານິຕິກຳ ແລະ ນະໂຍບາຍໃໝ່ຈຳນວນໜຶ່ງ ເປັນຕົ້ນ: ປັບປຸງອັດຕາອາກອນກຳໄລ ຈາກ 24% ມາເປັນ 20%, ປັບປຸງຖານຍົກເວັ້ນອາກອນລາຍໄດ້ຈາກເງິນເດືອນ 1.100.000 ກີບ ມາເປັນ 1.300.000 ກີບ ແລະ ອາກອນຊົມໃຊ້ບາງປະເພດສິນຄ້າ ເຮັດໃຫ້ການເກັັບລາຍຮັບຂອງແຂວງອັດຕະປື ຫລຸດລົງ ແລະ ໄດ້ດັດແກ້ແຜນງົບປະມານ ປີ 2020 ເບື້ອງຕົ້ນ 147 ຕື້ກວ່າກີບ, ດັດແກ້ມາເປັນ 128 ຕື້ກວ່າກີບ, ຫລຸດຈາກແຜນເບື້ອງຕົ້ນ 19 ຕື້ກ່ວາກີບ, ເທົ່າກັບ 13,01 % ແລະ ລາຍຈ່າຍງົບປະມານ ປີ 2020 ເບື້ອງຕົ້ນ 345 ຕື້ກ່ວາກີບ, ມາເປັນ 331 ຕື້ກ່ວາກີບ, ຫລຸດຈາກແຜນເບື້ອງຕົ້ນ 14 ຕື້ກວ່າກີບ, ເທົ່າກັບ 4,10% ແລະ ການດຸ່ນດ່ຽງຕາມແຜນເບື້ອງຕົ້ນ 238 ຕື້ກວ່າກີບ,ດັດແກ້ມາເປັນ 244 ຕື້ກ່ວາກີບ, ເພີ່ມຂຶ້ນ 6 ຕື້ກ່ວາກີບ, ເທົ່າກັບ 2,55% .

ກອງປະຊຸມ ບັນດາຜູ້ເຂົ້າຮ່ວມຍັງໄດ້ຮັບຟັງບັນດານິຕິກໍາຕ່າງໆກ່ຽວກັບການຄຸມຄອງລາຍຮັບ-ລາຍຈ່າຍງົບປະ ມານ, ພ້ອມຮັບຟັງແຜນການຈັດເກັບລາຍຮັບ-ລາຍຈ່າຍ ປະຈໍາປີ 2021. ພ້ອມທັງ ໄດ້ມອບໃບຍ້ອງຍໍໃຫ້ກົມກອງ ແລະ ບຸກຄົນດີເດັ່ນ ໃນການປະຕິບັດວຽກງານການເງິນໃນປີຜ່ານມາ .

ຂຽນ: ສຸດໃຈ

ໃນວັນທີ 17 ກຸມພາ 2021 ທີ່ພັດທະຄານ ເຊັນພິລາ, ນະຄອນຫຼວງວຽງຈັນ ສະມາຄົມສົ່ງເສີມຜູ້ປະກອບກິດຈະການ ວິສາຫະກິດ ຂະໜາດນ້ອຍ ແລະ ກາງລາວ (LAO SME) ໄດ້ຈັດງານເປີດຕົວສະມາຄົມຂຶ້ນຢ່າງເປັນທາງການ ໂດຍເປັນກຽດເຂົ້າຮ່ວມຂອງ ທ່ານ ບຸນເຖິງ ດວງສະຫວັນ ຫົວໜ້າກົມສົ່ງເສີມວິສາຫະກິດຂະໜາດນ້ອຍ ແລະ ກາງ, ກະຊວງອຸດສາຫະກໍາ ແລະ ການຄ້າ (ອຄ), ທ່ານ ວາລະໄຊ ເລັ່ງສະຫວັດ ຮອງຫົວໜ້າກົມການຄ້າພາຍໃນ, ກະຊວງ ອຄ, ທ່ານ ລິດທິໄກ ພູມມະສັກ ປະທານ ສະມາຄົມ LAO SME, ທ່ານ ຮສ.ປອ ຮຸ່ງເພັດ ຈັນທະວົງ ຮອງອະທິການບໍດີມະຫາວິທະຍາໄລ ແຫ່ງຊາດ, ທ່ານ Yoshiharu YONEYAMA ຫົວໜ້າ ອົງການໄຈກາ ປະຈໍາລາວ ພ້ອມດ້ວຍຄະນະບໍລິຫານ, ສະມາຊິກສະມາຄົມ, ບັນດາແຂກຜູ້ສະໜັບສະໜູນກິດຕິມັກສັກ VVIP ຂອງສະມາຄົມ LAO SME ເຂົ້າຮ່ວມ.

ທ່ານ ລິດທິໄກ ພູມມະສັກ ປະທານສະມາຄົມ LAOSME ກ່າວວ່າ: ສະມາຄົມພວກເຮົາໄດ້ສ້າງຕັ້ງຈາກການລວມໂຕຂອງບັນດາຜູ້ປະກອບກິດຈະການວິສະຫະກິດຂະໜາດນ້ອຍ ແລະ ກາງ ທີ່ມາຈາກຫຼາຍຂະແໜງການ ແລະ ເປັນຜູ້ທີ່ມີອຸດົມການອັນດ່ຽວກັນ ກໍ່ຄື່ການຊ່ວຍເຫຼືອບັນດາທຸລະກິດຂະໜາດໜ້ອຍ, ກາງ ແລະ ຈູນລະວິສະຫະກິດຂອງລາວ ໃຫ້ສາມາດພັດທະນາກ້າວໄກ, ສ້າງຄວາມສີວິໄລ ແລະ ໄປສູ່ລະດັບສາມກົນ ໂດຍໃນວັນທີ 1 ສິງຫາ 2020 ຜ່ານມາ ທາງຄະນະຂົນຂວາຍສ້າງຕັ້ງສະມາຄົມກໍ່ໄດ້ເປີດກອງປະຊຸມຄັ້ງປະຖົມມະລືກ ເພື່ອເລືອກຕັ້ງເອົາຄະນະບໍລິຫານຊຸດທີ່ໜຶ່ງ ເຊິ່ງກອງປະຊຸມໄດ້ຄັດເລືອກເອົາຄະນະບໍລິຫານງານຈຳນວນ 21 ທ່ານ ໃນນັ້ນປະກອບມີ ປະທານ 1 ທ່ານ, ຮອງປະທານ 4 ທ່ານ, ປະທານກວດກາ 1 ທ່ານ ແລະ ຮອງປະທານກວດກາ 1 ທ່ານ. ນອກນັ້ນ, ກອງປະຊຸມຍັງໄດ້ຜ່ານກົດລະບຽບຂອງສະມາຄົມເພື່ອນຳສະເໜີໃຫ້ແກ່ກະຊວງອຸສະຫະກໍາ ແລະ ການຄ້າເພື່ອພິຈາລະນາຮັບຮອງ.

ມາຮອດວັນທີ 26 ມັງກອນ 2021 ກົມພັດທະນາການບໍລິຫານລັດ, ກະຊວງພາຍໃນ ກໍ່ໄດ້ອອກໃບທະບຽນສະມາຄົມໃຫ້ແກ່ ສະມາຄົມສົ່ງເສີ່ມຜູ້ປະກອບກິດຈະການວິສະຫະກິດ ຂະໜາດນ້ອຍ ແລະ ກາງລາວ (ສນກລ) ຊື່ເປັນພາສາອັງກິດ Small and Medium Enterprise Promotion Association of Lao PDR (LAOSME) ແລະ ມາຮອດປັດຈຸບັນ ສະມາຄົມ ມີສະມາຊິກ 70 ທ່ານ ແລະ ມີຜູ້ສະໜັບໜູນກິດຕະມະສັກ ຫຼື VVIP ຈຳນວນ 5 ອົງກອນ ໄດ້ແກ່ ທະນາຄານ ຫວຽດຕີນ ລາວ, ທະນາຄານ ມາລູຮັນ ເຈແປນລາວ, ບໍລິສັດ ກຸ່ມໄຊຍະວົງ ແລະ ໂຮງງານອຸສະຫະກໍາ ໂຕໂຍລາວ, ບໍລິສັດ ເດິລເວີຣີ ຮີໂຣ (ລາວ)

ສະມາຄົມ LAO SME ໄດ້ວາງວິໄສທັດຮອດປີ 2023 ກໍຄືການສ້າງສີ່ງແວດລ້ອມ ຫຼື ລະບົບນິເວດທີ່ອໍານວຍຄວາມສະດວກ, ມີຄວາມໝາຍ ແລະ ເປັນກໍາລັງແຮງໃຫ້ແກ່ບັນດາທຸລະກິດຂະໜາດນ້ອຍ ແລະ ກາງ ລາວໃຫ້ສາມາດກ້າວໄປໄກສູ່ຕະຫຼາດໂລກໄດ້ ເພື່ອໃຫ້ໄປບັນລຸເປົ້າໝາຍດັ່ງກ່າວ ສະມາຄົມຂອງພວກເຮົາໄດ້ກຳນົດ ພາລະກິດໃຫ້ແກ່ຄະນະບໍລິຫານຄື: 1) ສ້າງສະມາຄົມເປັນສູນລວມແລກປ່ຽນຄວາມຮູ້ ແລະ ຂໍ້ມູນຂ່າວສານໃຫ້ແກ່ສະມາຊິກ; 2) ຊ່ວຍເຫຼືອສະມາຊິກໃນການພັດທະນາທຸລະກິດໃໝ່; 3) ຊ່ວຍເຫຼືອສະມາຊິກໃນການເຂົ້າເຖີງຕະຫຼາດພາຍໃນ ແລະ ສາກົນ; 4) ສົ່ງເສີມໃຫ້ມີຄວາມສາມະຄີ ແລະ ຄວາມຫຼາກຫຼາຍຂອງສະມາຊິກ; 5) ສ້າງແຮງບັນດານ ແລະ ສະໜັບສະໜູນໃຫ້ເກີດມີການພັດທະນາຜູ້ປະກອບການໃໝ່ໃນ ສປປ ລາວ ແລະ 6) ສົ່ງເສີມການນຳໃຊ້ນະວັດຕະກໍາ ແລະ ເທັກໂນໂລຢີໃນທຸລະກິດຂອງຄົນລາວ
ເພື່ອໃຫ້ການເຮັດວຽກຂອງຄະນະບໍລິຫານຂອງສະມາຄົມມີປະສິດທິຜົນສູງ ແລະເປັນການຫລິກລ້ຽງຂໍ້ຂັດແຍງຄວາມບໍ່ເຂົ້າໃຈກັນທີ່ຈະເກີດຂຶ້ນໃນອານາຄົດ ຄະນະບໍລິຫານຂອງ LAOSME ຈື່ງໄດ້ຕົກລົງເປັນເອກະພາບຮັບເອົາຄ່ານິຍົມຂອງສະມາຄົມ (Core Value) ເປັນຫຼັກການລວມຂອງການປະຕິບັດວຽກຮ່ວມກັນຂອງຄະນະບໍລິຫານ ຄື: 1) ຊື່ສັດ ແລະ ປະຕິບັດວຽກອອກມາຈາກໃຈຈີງ; 2) ເຄົາລົບ ແລະ ນັບຖືຊື່ງກັນ ແລະ ກັນ; 3) ຮັກສາຄວາມສາມາຄີບໍ່ມີການແບ່ງແຍກ; 4) ຍົກຍ້ອງແນວຄວາມຄິດສ້າງສັນ ແລະ ມີນະວັດຕະກໍາຂອງສະມາຊິກ ແລະ 5) ຮັກສາການເຮັດວຽກແບບມືອາຊີບຂອງສະມາຄົມ.

ພ້ອມນີ້ ສະມາຄົມ LAOSME ຍັງໄດ້ກໍານົດແຜນການປະຈໍາປີ 2021 ຂອງສະມາຄົມໂດຍເນັ້ນການຂະຫຍາຍສະມາຊິກລວມການຊ່ວຍເຫຼືອບັນດາຜູ້ປະກອບກິດຈະການ MSME ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ19 ໂດຍສະເພາະແມ່ນການຊ່ວຍເຫຼືອບັນດາ ຜູ້ປະກອບການ MSME ໃຫ້ສາມາດເຂົ້າເຖີງແຫຼ່ງທຶນ ພ້ອມຍົກສູງຄວາມອາດສາມາດທາງທຸລະກິດຂອງພວກເຂົາ ໂດຍສະເພາະໃຫ້ສາມາດຈ່າຍຄືນໜີ້ເງິນກູ້ໃຫ້ແກ່ຜູ້ປ່ອຍກູ້ໄດ້. ກິດຈະກໍາໃນແຜນປະຈຳປີ 2021 ນີ້ມີຄືດັ່ງນີ້:

1. ສຸມໃສການຮ່ວມມືນຳສະມາຄົມການເງິນຈຸລະພາກ ແລະ ສະຖາບັນ ພັດທະນາ ຊັບພະຍາກອນມະນຸດ ລາວຢີປຸ່ນເພື່ອຊ່ວຍບັນດາສະມາຊິກ ແລະ ຜູ້ປະກອບກິດຈະການ MSME ທີ່ໄດ້ຮັບຜົນກະທົບຈາກ COVID19 ແລະ ຜົນກະທົບຈາກສະພາບເສດຖະກິດຖົດຖອຍທີ່ກໍາລັງເກີດຂຶ້ນໃນປີ 2021
2. ຈັດລາຍການສຳພາດ “ສຸດຍຸດ LAOSME” ເພື່ອນຳສະເໜີ ຜູ້ປະກອບກິດຈະການ MSME ທີ່ໂດດເດັ່ນໃນການຜ່ານຜ່າວິກິດການທີ່ເກີດຂຶ້ນໃນປີ 2020.
3. ຈັດງານວາງສະແດງສິນຄ້າ LAOSME ປະຈຳປີ 2021 ພ້ອມງານ ເວທີເສວະນາ LAOSME ເພື່ອແລກປ່ຽນບົດຮຽນການເຮັດທຸລະກິດໃນປີ 2020 ແລະ ແຜນການຮັບມືສະພາບເສດຖະກິດໃນປີ 2021
4. ຈັດງານປະກວດ MSME innovation in New Normal ແລະ ມອບລາງວັນດີເດັ່ນ LAOSME ໃຫ້ແກ່ຜູ້ຊະນະການປະກວດ ແລະ ສະມາຊິກ LAOSME ທີ່ມີຜົນງານພົນເດັນໃນປີ 2021.
   ໂອກາດດັ່ງກ່າວ, ທ່ານ ບຸນເຖິງ ດວງສະຫວັນ ຫົວໜ້າກົມສົ່ງເສີມວິສາຫະກິດຂະໜ້ອຍ ແລະ ກາງ ໄດ້ໂອລົມວ່າ: ການເປີດໂຕ ສະມາຄົມ LAO SME ນີ້ຖືເປັນບາດກ້າວອັນສຳຄັນ ທີ່ສອດຄ່ອງກັບຈຸດສຸມພັດທະນາຂອງລັດທະບານ ແລະ ເປັນອີກທ່າແຮງໜຶ່ງໃນການຊຸກຍູ້ພາກທຸລະກິດລາວ ໃຫ້ສາມາດແຂ່ງຂັນກັບຕະຫຼາດໄດ້, ລັດຖະບານ ສປປ ລາວ ກໍຄື ກະຊວງ ອຄ ໄດ້ໃຫ້ຄວາມສຳຄັນ ແລະ ມີນະໂຍາຍກ່ຽວກັບວຽກງານ SME ພວກເຮົາພ້ອມທີ່ຈະຊຸກຍູ້ໃຫ້ສະມາຄົມ SME ໄດ້ດຳເນີນງານຂອງສະມາຄົມໃຫ້ໄປໃນທິດທາງ ແລະ ຍຸດທະສາດຂອງ ສະມາຄົມຕາມທ່າງແຮງທີ່ມີ”
   

ໃນຕອນທ້າຍພິທີ ຍັງໄດ້ມີການເຊັນສັນຍາບົດບັນທຶກຄວາມເຂົ້າໃຈ (MOU) ສະມາຄົມ LAO SME ແລະ 2 ພາກສ່ວນຄື: ສະມາຄົມການເງິນຈຸນລະພາກ ແລະ ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ, ມະຫາວິທະຍາໄລແຫ່ງຊາດ.

ພັທ ຄໍາມະນີ ແກ້ວສີທາ ຮອງຫົວໜ້າພະແນກຕໍາຫຼວດ ກອງບັນຊາການ ປ ກ ສ ເມືອງໄຊທານີ ໄດ້ເປີດເຜີຍສາເຫດຄະດີຄາດຕະກຳດັ່ງກ່າວນີ້ ໃຫ້ຮູ້ວ່າ: ເວລາປະມານ 8:30 ໂມງ ຂອງວັນທີ 8 ກຸມ ພາ ຜ່ານມາ, ເຈົ້າໜ້າທີ່ ປກສ ເມືອງໄຊທານີ ນະ ຄອນຫຼວງວຽງຈັນ ໄດ້ຮັບແຈ້ງເຫດທາງໂທລະສັບວ່າມີຄົນເສຍຊີວິດ ຢູ່ເຂດບ້ານດ່ານຊ້າງ ເມືອງໄຊທານີ ຈຶ່ງໄດ້ແຕ່ງຕັ້ງໜ່ວຍງານວິຊາສະເພາະ ໂດຍປະສານສົບທົບກັບພະແນກສືບສວນ-ສອບສວນ ແລະ ກອງຕຳຫຼວດນິຕິວິທະຍາ ຫ້ອງຕຳຫຼວດ ປ ກ ສ ນວ ລົງກວດກາສະຖານທີ່ເກີດເຫດ ເຫັນວ່າມີຄົນເສຍຊີວິດ 1 ຄົນ,

ຜ່ານການກວດກາຊັນນະສູດຊາກສົບ ພົບວ່າຜູ້ເສຍຊີວິດ ຊື່ ທ້າວ ດາວປະດິດ ອາຍຸ 21 ປີ ບ້ານດ່ານຊ້າງ, ມີຮ່ອງຮອຍບາດແຜ ດ້ວຍຂອງມີຄົມຈຳນວນຫຼາຍຈຸດ ຢູ່ຕາມຫົວ ແລະ ຕົນຕົວ, ຈາກການສືບສວນ-ສອບສວນເອົາຂໍ້ມູນຫຼັກຖານຂອງເຈົ້າໜ້າທີ່, ມາຮອດເວລາ 11:00 ໂມງ, ຂອງວັນດຽວກັນ ກໍສາມາດກັກຕົວຜູ້ກໍ່ເຫດໄດ້ ຊື່ ທ້າວ ວິລະພົນ ອາຍຸ 16 ປີ, ບ້ານດ່ານຊ້າງ ເມືອງໄຊທານີ ມາດຳເນີນການສອບສວນ.

ຜ່ານການສອບສວນ ທ້າວ ວິລະພົນ ໄດ້ຮັບສາ ລະພາບວ່າ: ກ່ອນເກີດເຫດ,ໃນເວລາ 22:00ໂມງ ຂອງວັນທີ 7 ກຸມພາ 2021, ຕົນໄດ້ໂທຫາໝູ່ ຊື່ທ້າວ ຫຸມແພງ ມາຮັບໄປຫຼິ້ນເກມ.ຈາກນັ້ນ,ທ້າວ ຫຸມແພງ ໄດ້ຂີ່ລົດຈັກເວບ 100 ມາກັບທ້າວ ດາວປະດິດ ແລ້ວພ້ອມກັນຂີ່ລົດຈັກຊ້ອນສາມໄປຫຼິ້ນເກມ ຢູ່ຮ້ານອິນເຕີເນັດຄາເຟແຫ່ງໜຶ່ງ ຢູ່ໃກ້ກັບຕະຫຼາດດົງໝາກຄາຍ, ພໍຮອດເວລາ 5:30 ໂມງ, ຂອງວັນທີ 8 ກຸມພາ, ຕົນເອງຫຼິ້ນເກມໄດ້ເງິນ 2.000 ບາດ.

ຈາກນັ້ນ, ຕົນໄດ້ອອກຈາກຮ້ານ ແລະ ໄດ້ບອກທ້າວ ດາວປະດິດ ໄປສົ່ງຢູ່ເຮືອນ ໂດຍໃຫ້ຄ່າຈ້າງ 10.000 ກີບ, ສ່ວນທ້າວ ຫຸມແພງ ແມ່ນຖ້າຢູ່ຮ້ານ, ແຕ່ກ່ອນອອກຈາກຮ້ານ ຕົນເອງໄດ້ເສບ ຢ າ ບ້ າ 2 ເມັດ, ພໍມາຮອດທາງເຂດບ້ານດ່ານຊ້າງ ທີ່ເປັນທາງປ່ຽວ ທ້າວ ດາວປະດິດ ໄດ້ຈອດລົດ ລົງໄປຖ່າຍເບົາ.

ຫຼັງຈາກນັ້ນ, ທ້າວ ດາວປະ ດິດ ໄດ້ຖາມເອົາເງິນນຳຕົນ 500 ບາດ, ແຕ່ຕົນບໍ່ໃຫ້ ຈຶ່ງໄດ້ເກີດມີການຜິດຖຽງກັນ ແລະ ລົງມືທຳຮ້າຍຮ່າງກາຍກັນ. ຈາກນັ້ນຕົນ,ຈຶ່ງໄດ້ຈົກເອົາ ມີ ດ ຍາວ 25 ຊັງຕີແມັດຢູ່ໃນກະເປົາ ອອກມາ ຟັ ນ ແລະ ແ ທ ງ ທ້າວ ດາວປະດິດ ຈຳນວນຫຼາຍບາດ ຈົນໝົດສະຕິໄປ.

ຫຼັງຈາກນັ້ນ,ຕົນໄດ້ເອົາກະເປົາໄປຖີ້ມຢູ່ປ່າ, ສ່ວນມີດ ແມ່ນເອົາໄປຖີ້ມຢູ່ໜອງຂ້າງທາງ, ແລ້ວຍ່າງກັບເມື່ອເຮືອນ ພໍຮອດເຮືອນຕົນກໍລ້າງຄາບເລືອດທີ່ຕິດຕາມຕົວອອກແລະເອົາເຄື່ອງ ນຸ່ງໄປເຊື່ອງໄວ້ໃນຫ້ອງນອນ ແລ້ວກໍເຂົ້ານອນ ຮອດເວລາປະມານ 7:00 ໂມງ, ແມ່ໄດ້ປຸກຕົນໄປສົ່ງຢູ່ຕະຫຼາດ ເພື່ອໄປຂາຍເຄື່ອງ, ພໍຂີ່ລົດມາຮອດຈຸດເກີດເຫດ ໄດ້ເຫັນຄົນຫຸ້ມເບີ່ງ ທ້າວ ດາວປະ ດິດ ຕົນຈຶ່ງຮູ້ວ່າ ທ້າວ ດາວປະດິດ ເສຍຊີວິດ, ແຕ່ຕົນກັບແມ່ ກໍໄດ້ຂີ່ລົດຈັກໄປຕະຫຼາດຕໍ່; ມາຮອດເວລາປະມານ 11:00 ໂມງ ກໍຖືກເຈົ້າໜ້າທີ່ ປ ກ ສ ກັກຕົວ.

ພັທ ຄໍາມະນີ ແກ້ວສີທາ ຮອງຫົວໜ້າພະແນກຕໍາຫຼວດ ກອງບັນຊາການ ປ ກ ສ ເມືອງໄຊທານີ ໄດ້ຮຽກຮ້ອງພໍ່ແມ່,ຜູ້ປົກເອົາໃຈໃສ່ສຶກສາອົບຮົມລູກ, ຫຼານຂອງຕົນ ຖ້າຫາກລູກຫຼານຕົນມີການພົວ ພັນກັບສິ່ງເສບຕິດ, ຕິດເກມ ແລະ ມີການພົວ ພັນກັບສິ່ງບໍ່ດີຕ່າງໆ ແມ່ນໃຫ້ສຶກສາອົບຮົມກ່າວເຕື່ອນ, ຖ້າຫາກສຶກສາອົບຮົມບໍ່ໄດ້ ແມ່ນໃຫ້ສະເໜີ ຫຼື ແຈ້ງຕໍ່ເຈົ້າໜ້າທີ່ພາກສ່ວນທີ່ກ່ຽວຂ້ອງ ເພື່ອຫາທາງແກ້ໄຂໃຫ້ທັນສະພາບການ ເພື່ອຈະບໍ່ໄປກໍ່ຄະດີຕ່າງໆ ທີ່ເຮັດໃຫ້ສັງຄົມບໍ່ມີຄວາມສະຫງົບຕາມມາ.

ຈາກການລາຍງານຂອງ ເຈົ້າໜ້າທີ່, ເຫດລົດ ຟໍຈູນເນີ ທະບຽນ ຫຼວງພະບາງທກກ 7999 ເສຍຫຼັກເບກບໍ່ຢູ່ ຕົກເຫວ ເວລາປະມານ 17:00 ວັນທີ 16 ກຸມພາ 2021

ໃນລົດມີທັງໝົດ 4 ຄົນ (ຊາຍທັງໝົດ), ມີຜູ່ບາດເຈັບ ສາຫັດ 2 (ໂຊເຟີແລະຜູ້ໂດຍສານອີກ 1ຄົນ) ແລະ ເຈັບສົມຄວນ 2 ຄົນ.

ສາເຫດແມ່ນຍ້ອນເບກບໍ່ຢູ່

ດັ່ງນັ້ນ, ຈິ່ງເຕືອນທຸກຄົນເດີນທາງເສັ້ນພູເກົ້າຫຼັກໃຫ້ລະມັດລະວັງ, ບໍ່ປະໝາດ.

ກະຊວງການເງິນ ເຜີຍແຜ່ວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ (AML/CFT) ຂຶ້ນໃນວັນທີ 16 ກຸມພານີ້ ທີ່ຫ້ອງປະຊຸມກະຊວງການເງິນ ໂດຍການເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ກໍາມະການສູນກາງພັກ ຮອງລັດຖະມົນຕີກະຊວງການເງິນ ແລະ ທ່ານ ນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ (ທຫລ), ມີພາກສ່ວນທີ່ກ່ຽວຂ້ອງເຂົ້າຮ່ວມ.

ການເຜີຍແຜ່ຄັ້ງນີ້, ແມ່ນເພື່ອເຜີຍແຜ່ວຽກງານ AML/CFT ໂດຍສະເພາະກົດໝາຍ, ລະບຽບການ ທີ່ກ່ຽວຂ້ອງໃຫ້ເຂົ້າໃຈຢ່າງເລິກເຊິ່ງ, ມີຄວາມຮັບຜິດຊອບສູງໃນການປຶກສາຫາລື, ແລກປ່ຽນຄຳເຫັນຢ່າງກົງໄປກົງມາ ເພື່ອໃຫ້ສາມາດນໍາໄປຈັດຕັ້ງປະຕິບັດຕົວຈິງໄດ້ຢ່າງເໝາະສົມ ແລະ ມີປະສິດທິພາບສູງ ພ້ອມທັງມີຜົນສໍາເລັດຢ່າງ ຈົບງາມ ໂດຍເນັ້ນໃສ່ສະພາບລວມການຈັດຕັ້ງປະຕິບັດໃນໄລຍະຜ່ານມາ, ການກະກຽມໃຫ້ແກ່ການປະເມີນຜົນ ຮອບດ້ານວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍຂອງ ສປປ ລາວ ໃນປີ 2020-2021 ຊຶ່ງວຽກດັ່ງກ່າວ ແມ່ນມີຄວາມສໍາຄັນຕໍ່ສະພາບການດໍາເນີນເສດຖະກິດໃນປະເທດ ສປປ ລາວ ກໍຄືລັດຖະບານ ໄດ້ສ້າງຄະນະກໍາມະການລະດັບຊາດ ໂດຍປະກອບມີຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ເປັນປະທານ. ມີລັດຖະມົນຕີ ແລະ ຮອງລັດຖະມົນຕີຈາກ 10 ກະຊວງ ແລະ ທຽບເທົ່າເຂົ້າຮ່ວມໃນຄະນະ ເພື່ອສຸມໃສ່ຈັດຕັ້ງປະຕິບັດວຽກງານດັ່ງກ່າວ ບົນພື້ນຖານເງື່ອນໄຂ 40 ຂໍ້ແນະນໍາ ແລະ 11 ປະສິດທິຜົນຂອງອົງການ ຕ້ານການຟອກເງິນສາກົນທີ່ ສປປ ລາວ ເຂົ້າຮ່ວມເປັນສະມາຊິກ.

ໃນໄລຍະຜ່ານມາ ສປປ ລາວ ໄດ້ຮັບການປະເມີນຜົນຮອບດ້ານຄັ້ງທໍາອິດໃນປີ 2010 ຊຶ່ງຜົນການປະ ເມີນໃນຄັ້ງນັ້ນ ສປປ ລາວ ຕົກຢູ່ໃນບັນຊີເທົາ ເຮັດໃຫ້ ສປປ ລາວ ພົບຄວາມຫຍຸ້ງຍາກຫຼາຍດ້ານ; ແຕ່ຢ່າງໃດກໍດີ, ສປປ ລາວ ໄດ້ສູ້ຊົນ, ປັບປຸງແກ້ໄຂຂໍ້ຄົງຄ້າງຕ່າງໆ ເປັນຕົ້ນໄດ້ອອກບັນດານິຕິກໍາທີ່ຕິດພັນ ຈໍານວນ 28 ສະບັບ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານຕ້ານການຟອກເງິນໃຫ້ສອດຄ່ອງຕາມມາດຖານສາກົນ, ສ້າງກົນໄກ ແລະ ຂັ້ນຕອນຕ່າງໆ ປະຕິບັດໃຫ້ເກີດປະສິດທິຜົນຕາມນິຕິກໍາທີ່ວາງອອກໄດ້ຈໍານວນໜຶ່ງ; ມາຮອດປີ 2017 ຈຶ່ງເຮັດໃຫ້ ສປປ ລາວ ສາມາດອອກຈາກບັນຊີເທົາຂອງສາກົນ. ຫຼັງຈາກນັ້ນ, ກໍໄດ້ດໍາເນີນການປະເມີນ ຄວາມສ່ຽງລະດັບຊາດດ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ສໍາເລັດໃນກາງປີ 2018 ຊຶ່ງສາມາດກໍານົດໄດ້ 8 ຂະແໜງການທຸລະກິດ ທີ່ມີຄວາມສ່ຽງຈະຖືກສວຍໃຊ້ໃນຂະບວນການຟອກເງິນ ແລະ ກຳນົດໄດ້ 7 ຄວາມຜິດຕົ້ນ ທີ່ເປັນໄພຂົ່ມຂູ່ ຫຼື ມີຄວາມສ່ຽງຕໍ່ການຟອກເງິນ.

ເພື່ອກະກຽມການປະເມີນຜົນຮອບດ້ານ ຄັ້ງທີ 2 ໃນສົກປີ 2020-2021, ລັດຖະບານ ໄດ້ສ້າງຕັ້ງຄະນະ ສະເພາະກິດ ຊຶ່ງນໍາໂດຍທ່ານຮອງນາຍົກລັດຖະມົນຕີ ແລະ ຂັ້ນລັດຖະມົນຕີ ຈໍານວນ 25 ທ່ານຈາກ 14 ກະຊວງ ປະກອບຢູ່ໃນຄະນະກໍາມະການ ແລະ ໄດ້ແບ່ງອອກເປັນ 4 ກຸ່ມວຽກ. ໃນນີ້, ມີວຽກງານເຜີຍແຜ່ ແລະ ເຊື່ອມຊຶມ; ວຽກງານນິຕິກໍາ ແລະ ກົນໄກ; ວຽກງານຄຸ້ມຄອງ ແລະ ວຽກງານການດໍາເນີນຄະດີ ໂດຍວຽກງານເຜີຍແຜ່ ແລະ ເຊື່ອມຊຶມປະກອບມີຮອງຜູ້ວ່າການ ທຫລ; ຮອງລັດຖະມົນຕີ ກະຊວງການເງິນ ແລະ ຮອງຫົວໜ້າຫ້ອງວ່າການສຳນັກ ງານນາຍົກລັດຖະມົນຕີ ຊຶ່ງມີໜ້າທີ່ ແລະ ຮັບຜິດຊອບໃນການສ້າງຄວາມເຂົ້າໃຈຕໍ່ກັບວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ເວົ້າສະເພາະຄວາມເຂົ້າໃຈຕໍ່ກັບຄວາມສ່ຽງ, ສ້າງແຜນການຈັດ ຕັ້ງປະຕິບັດ ເພື່ອຫຼຸດຜ່ອນຄວາມສ່ຽງທີ່ເຫັນວ່າບໍ່ສອດຄ່ອງກັບມາດຖານສາກົນ ໂດຍມີສໍານັກງານຂໍ້ມູນຕ້ານການ ຟອກເງິນ ເປັນກອງເລຂາ ເຮັດວຽກໃນການປະສານງານ ແລະ ສາມາດມີຜົນຄືບໜ້າເປັນກ້າວໆ.

ຂ່າວ-ພາບ: ຣັດສະໝີ ດວງສັດຈະ

16 ກຸມພາ 2021 ຢູ່ທີ່ຫ້ອງ ວ່າການປົກຄອງແຂວງ ອຸດົມໄຊ ໄດ້ຈັດພິທີ ມອບ-ຮັບ ໜ້າທີ່ ເລຂາພັກແຂວງ-ເຈົ້າແຂວງອຸດົມໄຊ ລະຫວ່າງ ຜູ່ເກົ່າ-ຜູ່ໃຫ່ມ ຂື້ນ

ໂດຍປະຕິບັດຄຳສັ່ງ ຂອງກົມການເມືອງສູນກາາງພັກ ວ່າດ້ວຍການຍົກຍ້າຍ ພະນັກງານການນຳຂັ້ນສູງ ໄປຮັບໜ້າທີ່ໃຫ່ມ ກົມການເມືອງສູນກາງພັກ ອອກຄຳສັ່ງ ຍົກຍ້າຍ ສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ, ເລຂາຄະນະບໍລິຫານພັກແຂວງ ອຸດົມໄຊຜູ້ເກົ່າ ໄປຮັບໜ້າທີ່ໃຫ່ມຢູ່ ຄະນະໂຄສະນາອົບຮົມສູນກາງພັກ ແລະ

ປະຕິບັດມະຕິຕົກລົງ ຂອງສູນກາງພັກ ວ່າດ້ວຍການແຕ່ງຕັ້ງ ເລຂາຄະນະບໍລິຫານງານພັກແຂວງ ອຸດົມໄຊ ກົມການເມືອງສູນກາງພັກ ຕົກລົງ ແຕ່ງຕັ້ງສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກ,ເປັນເລຂາຄະນະບໍລິຫານງານພັກແຂວງ ອຸດົມໄຊຜູ້ໃຫ່ມ ພ້ອມທັງເປັນຜູ້ຮັກສາການເຈົ້າແຂວງໆອຸດົມໄຊ ຕາມດຳລັດວ່າດ້ວຍການແຕ່ງຕັ້ງຂອງນາຍົກລັດຖະມົນຕີ