Весільний салон створений, щоб дарувати вам радість і робити кожен ваш день яскравіше і яскравіше. Посмішка щасливої нареченої – це наш головний пріоритет і найкраща нагорода.
Салон весільних та вечірніх суконь зарекомендував себе як заповітна мрія всіх наречених і, звичайно ж, справжніх модниць.
ອີງຕາມແຈ້ງການຈາກ ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ອອກແຈ້ງເຕືອນຈະມີຝົນຕົກໜັກ ໃນລະຫວ່າງວັນທີ 23-26 ກໍລະກົດ 2021 ນີ້, ເນື່ອງຈາກວ່າຮ່ອງຄວາມກົດດັນອາກາດຕ່ຳ ໄດ້ພາດຜ່ານພາກເໜືອຂອງປະເທດລາວ ປ່ອງໃສ່ລົມພາຍຸໝຸນ ເຂດຮ້ອນ ເຈີມປາກາ (Cempaka) ທີ່ກຳລັງເຄື່ອນທີ່ຢູ່ໃກ້ພາກເໜືອ ດ້ານຕາເວັນອອກຂອງ ສສ ຫວຽດນາມ ແລະ ຈະສືບຕໍ່ເຄື່ອນທີ່ຜ່ານເກາະໄຕ່ໜານ ໃນໄລຍະ 2 – 4 ວັນຕໍ່ໜ້າ, ເຮັດໃຫ້ກະແສລົມມໍລະສຸມຕາເວັນຕົກສ່ຽງໃຕ້ ທີ່ມີກຳລັງແຮງພັດປົກຄຸມເຂດພາກກາງ ແລະ ພາກໃຕ້ ຂອງ ສປປ ລາວ.
ເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ ໃນລະດັບຄ່ອຍຫາປານກາງເປັນບໍລິເວນກວ້າງ ໃນແຕ່ລະພາກ ແລະ ຕົກໜັກຫາໜັກຫຼາຍ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກ ເໜືອດ້ານຕາເວັນອອກ ລົງຫາພາກກາງ ແລະ ພາກໃຕ້
ແຂວງທີ່ຈະໄດ້ຮັບຜົນກະທົບມີ ຜົ້ງສາລີ (ເມືອງໃໝ່, ເມືອງຂົວ ແລະ ເມືອງສຳພັນ); ຫຼວງພະບາງ (ເມືອງໂພນໄຊ, ເມືອງນ້ຳບາກ, ເມືອງງອຍ ແລະ ເມືອງວຽງຄຳ), ຫົວພັນ (ເມືອງຊຳເໜືອ, ເມືອງຫົວເມືອງ, ເມືອງວຽງທອງ, ເມືອງແອດ ແລະ ເມືອງຊຳໃຕ້), ຊຽງຂວາງ (ເມືອງໝອງແຮດ, ເມືອງແປກ, ເມືອງຄຳ, ເມືອງຜາໄຊ ແລະ ເມືອງໝອກ), ແຂວງວຽງຈັນ (ເມືອງກາສີ, ເມືອງວັງວຽງ, ເມືອງເຟືອງ, ເມືອງໂພນໂຮງ, ເມືອງແກ້ວອຸດົມ ແລະ ເມືອງທຸລະຄົມ), ນະຄອນຫຼວງວຽງຈັນ (ເມືອງນາຊາຍທອງ, ເມືອງໄຊທານີ, ເມືອງຫາດຊາຍຟອງ ແລະ ເມືອງປາກງື່ມ), ໄຊສົມບູນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື.
ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງດັ່ງກ່າວ ໂດຍສະເພາະຜູ້ທີ່ອາໄສລຽບຕາມຮ່ອມພູ ແລະ ແຄມແມ່ນ້ຳຕ່າງໆ ຈົ່ງມີສະຕິລະມັດລະວັງຕໍ່ສະພາບ ດິນເຈື່ອນ, ນ້ຳຖ້ວມຊຸ ແລະ ນ້ຳຖ້ວມຍຶ່ງ ທີ່ຈະເກີດຂຶ້ນໄດ້ໃນໄລຍະນີ້ ພ້ອມທັງກະກຽມຍົກຍ້າຍວັດຖຸສິ່ງຂອງທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດໄພ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ 1-4 ວັນຕໍ່ໜ້ານີ້.
ໃນວັນທີ 21 ກໍລກົດ 2021 ທີ່ຜ່ານມາ, ການນໍາຂັ້ນແຂວງ ແລະ ເມືອງໄດ້ລົງກວດກາສະຖານະການໄພນໍ້າຖ້ວມຢູ່ເຂດ ເມືອງຫຼວງນໍ້າທາ ໂດຍການນໍາພາຂອງທ່ານ ຄໍາໄຫຼ ສີປະເສີດ ເຈົ້າແຂວງໆຫຼວງນໍ້າທາທ່ານ ຫຼ້າປະເສີດ ສີປະເສີດ ເຈົ້າເມືອງໆຫຼວງນໍ້າທາ, ມີຫົວໜ້າຫ້ອງວ່າການແຂວງ,ເມືອງ,ພະແນກແຮງງານ ແລະສະຫວັດດີການສັງຄົມແຂວງ,ເມືອງ,ທະຫານ,ຕໍາຫຼວດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ຫຼ້າປະເສີດ ສີປະເສີດ ເຈົ້າເມືອງ ເມືອງຫຼວງນໍ້າ ໄດ້ລາຍງານໂດຍຫຍໍ້ກ່ຽວກັບການລົງກວດກາໄພພິບັດນໍ້າຖ້ວມ ແລະ ຊ່ວຍເຫຼືອປະຊາຊົນ ໃນຕອນເຊົ້າຂອງວັນທີ່ 21 ກໍລະກົດ 2021 ປະລິມານແມ່ນໍ້າທຸກສາຍແມ່ນເພີ້ມຂື້ນຫຼາຍໂດຍສະເພາະແມ່ນໍ້າທາແທກໄດ້ 7 ແມັດ 48 ຊັງຕີແມັດ, ບ້ານທີ່ຖືກນໍ້າຖ້ວມມີ ບ້ານ ຂອນ, ດອນຄູນ, ທ່າອໍ້, ປ່າສັກ, ນໍ້າແງ້ນ, ນາລື, ພຽງງາມ ແລະ ບ້ານໃໝ່ ສະນັ້ນຄະນະນໍາຂອງແຂວງ, ເມືອງ, ຄະນະຮັບຜິດຊອບຕ້ານໄພພິບັດລົງຕິດຕາມກວດກາແຕ່ລະບ້ານທີ່ມີຄວາມສ່ຽງ ແລະ ຊີ້ນໍາສອງກໍາລັງ,ທະຫານ, ຕໍາຫຼວດທັງໝົດ 65 ຄົນ ໄດ້ນໍາໃຊ້ລົດເຊອາ 3 ຄັນ,ເຮືອຈັກ 1 ເຫຼັ້ມ,ເຮືອຢາງ 2 ເຫຼັ້ມ ລົງຊ່ວຍປະຊາຊົນເຄື່ອນຍ້າຍເຄື່ອງຂອງຕ່າງໆອອກຈາກຟື້ນທີ່ຖືກນໍ້າຖ້ວມ ແລະ ຟື້ນທີ່ມີຄວາມສ່ຽງສູງໄປໄວ້ບ່ອນປອດໄພ,ໄດ້ມ້າງເຮືອນ ທີ່ຈະລົ້ມລົງໃສ່ນໍ້າໜື່ງຫຼັງ,ຂົນເຄື່ອງອອກຈາກເຮືອນທີ່ຖືກນໍ້າຖ້ວມໄດ້ 15 ຫຼັງຄາເຮືອນ.
ພ້ອມກັນນັ້ນ, ຍັງໄດ້ລົງປືກສາຫາລືກັບອົງການປົກຄອງບ້ານໃໝ່ ໃນການເຄື່ອນຍ້າຍຄົນເຖົ້າ, ເດັກນ້ອຍ ແລະ ເຄື່ອງຂອງທີ່ສໍາຄັນຢູ່ໃນບ້ານອອກໄວ້ທີ່ປອດໄພ ໂອກາດດຽວກັນທ່ານເຈົ້າແຂວງ ແລະ ທ່ານເຈົ້າເມືອງກໍ່ໄດ້ໃຫ້ທິດຊີ້ນໍາກ່ຽວກັບການເຝົ້າລະວັງນໍ້າຖ້ວມວ່າ:ຕ້ອງໃຫ້ມີການຍົກຍ້າຍເດັກ ແລະ ຜູ້ເຖົ້າອອກຈາກເຂດທີ່ມີຄວາມສ່ຽງໄປຢູ່ບ່ອນທີ່ມີຄວາມປອດໄຟ ຫຼື ໃຫ້ໄປຢູ່ນຳພີ່ນ້ອງໃນໄລຍະສອງສາມມື້ເມືອເວລາສະພາບການມີຄວາມເປັນປົກກະຕິແລ້ວຈິ່ງຄ່ອຍຍ້າຍກັບມາ ແລະ ທາງແຂວງ – ເມືອງກໍ່ໄດ້ຈັດເຮືອເພື່ອໄວ້ແກ້ໄຂສຸກເສີນ ແລະ ກຳລັງ ປກຊ ເພື່ອຊ່ວຍເຫຼືອເວລາທີ່ມີນ້ຳຂື້ນຍາມຕອນກາງຄືນ,ຈັດລົດໄວ້ກຽມຮັບສົ່ງຈາກການທີ່ຈະຍ້າຍຄົນ ແລະ ສິ່ງຂອງ.
ຂໍ້ມູນ: ມີເດຍລາວແຂວງຫຼວງນ້ຳທາ ຂ່າວ: ສົມພອນ ຂຸນດາວົງ
ຕາມເພສ ມິເດຍລາວ ລາຍງານ: ວັນທີ 21 ກໍລະກົດ 2021, ທີ່ຫ້ອງວ່າການແຂວງຈຳປາສັກ. ສະຫາຍ ບຸ່ຍ ເຖ ຢຸງ ກົງສູນໃຫຍ່ ສສ.ຫວຽດນາມ ປະຈຳພາກໃຕ້ລາວ ໄດ້ຕາງໜ້າໃຫ້ ຄະນະພັກ-ອົງການປົກຄອງແຂວງກອນຕູມ ສສ.ຫວຽດນາມ ນຳເອົາເງິນຈຳນວນ 100.000.000 ດົງ ຫຼື ປະມານ 46.580.000 ກີບ ມອບໃຫ້ຄະນະພັກ-ອົງການປົກຄອງແຂວງຈໍາປາສັກ ເພື່ອປະກອບສ່ວນເຂົ້າໃນວຽກງານປ້ອງກັນ ສະກັດກັ້ນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ແລະເປັນກຽດກ່າວຮັບໂດຍ ສະຫາຍ ວິໄລວົງ ບຸດດາຄຳ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຈຳປາສັກ.
ໂອກາດດັ່ງກ່າວ, ສະຫາຍ ວິໄລວົງ ບຸດດາຄຳ ໄດ້ຕາງໜ້າໃຫ້ຄະນະພັກ-ອົງການປົກຄອງ ແລະປະຊາຊົນ ແຂວງຈໍາປາສັກ ສະແດງຄວາມຂອບໃຈ ໄປຍັງ ຄະນະພັກ-ອົງການປົກຄອງແຂວງກອນຕູມ ສສ.ຫວຽດນາມ ທີ່ມີຄວາມເປັນຫ່ວງເປັນໄຍ ແລະໄດ້ບິແບ່ງ ນ້ຳໃຈ ເປັນເງິນ 100.000.000 ດົງ ເພື່ອຊ່ວຍເຫລືອ ແຂວງຈຳປາສັກ ໃນການຕ້ານກັບພະຍາດ COVID-19. ພ້ອມກັນນັ້ນ ກໍໄດ້ສະແດງຄວາມຍ້ອງຍໍຊົມເຊີຍຕໍ່ ສະຫາຍ ບຸ່ຍ ເຖ ຢຸງ ກົງສູນໃຫຍ່ ແລະ ຕີລາຄາສູງຕໍ່ຜົນງານໃນການເປັນໃຈກາງ ການປະສານງານຊ່ວຍຮັດແໜ້ນຄວາມສາມັກຄີ ແລະ ຜັນຂະຫຍາຍການຮ່ວມມື ລະຫວ່າງ ແຂວງຈຳປາສັກ ກັບ ບັນດາ ແຂວງພາກກາງ ແລະພາກໃຕ້ ຂອງ ສສ ຫວຽດນາມ. ແລະ ແຂວງຈຳປາສັກ ແມ່ນໄດ້ມີການປຶກສາຫາລື ເພື່ອກະກຽມຈັດຕັ້ງງານສະເຫຼີມສະຫຼອງ 2 ວັນປະຫັວດສາດ ລາວ – ຫວຽດນາມ ຄື: ວັນສ້າງຕັ້ງສາຍພົວພັນການທູດ ຄົບຮອບ 55 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ ເພື່ອໃຫ້ງານສະເຫຼີມສະຫຼອງ 2 ວັນປະຫັວດສາດ ດັ່ງກ່າວ ມີບັນຍາກາດ ແລະເນື້ອໃນເລິກເຊິ່ງ.
ຕາມ ເພສມີເດຍລາວ ລາຍງານ: ມີເດຍລາວແຂວງບໍລິຄຳໄຊ
ເຈົ້າໜ້າທີ່ ປກສ ເມືອງທ່າພະບາດ ແຂວງບໍລິຄຳໄຊ ໄດ້ໃຫ້ຮູ້ວ່າ: ໃນລະຫວ່າງເດືອນມີຖຸນາ ຫາ ເດືອນກໍລະກົດ 2021 ໄດ້ຮັບແຈ້ງຄວາມ ວ່າ: ມີຄົນຮ້າຍມາງັດປະຕູປ່ອງຢ້ຽມ ແລະ ປະຕູເຮືອນ ເຂົ້າມາງັດລີ້ນຊັກຕູ້ໃສ່ເຄື່ອງເອົາເງີນ ພ້ອມວັດຖຸຄ້າຍຄືຄຳຈຳນວນໜື່ງ ຂອງປະຊາຊົນບ້ານສາມະຄີໄຊ ແລະ ຍັງໄດ້ຮັບຂໍ້ມູນຫາງສຽງສັງຄົມ ວ່າ: ມີການມົ້ວສຸມເສບ ແລະ ຄ້າ-ຂາຍຢາເສບຕິດ ( ປະເພດຢາບ້າ ) ຢູ່ເຂດເມືອງທ່າພະບາດ.
ເຈົ້າໜ້າທີ່ ຈຶ່ງນໍາໃຊ້ກໍາລັງວິຊາສະເພາະລົງກວດກາແຫຼ່ງຂ່າວ ເຫັນວ່າມີມູນຄວາມຈີງ, ຈຶ່ງໄດ້ວາງແຜນເຂົ້າກັກຕົວຜູ້ຖຶກຫາໄດ້ຈໍານວນ 05 ຄົນ, ຍິງ 01 ຄົນ ພ້ອມຂອງກາງຢາບ້າຈໍານວນ 6,937 ເມັດ ມາດໍາເນີນການສືບສວນ-ສອບສວນ.
ຜ່ານການຈັດຕັ້ງປະຕິບັດຂອງເຈົ້າໜ້າທີ່ ຄັ້ງວັນທີ 29 ມິຖຸນາ 2021 ເຈົ້າໜ້າທີ່ ໄດ້ກັກຕົວ ທ້າວ ໄພນະຄອນ ( ໂລ້ ) ອາຍຸ 33 ປີ ຢູ່ບ້ານ ສາມະຄີໄຊ ພ້ອມຂອງກາງຢາບ້າ 90 ເມັດ, ທ້າວ ຂະນົນໄຊ ອາຍຸ 29 ປີ ຢູ່ບ້ານນາແຄນ ພ້ອມຂອງກາງຢາບ້າ 1,173 ເມັດ, ທ້າວ ແອ້ວ ໄຊສະທ້ານ ອາຍຸ 30 ປີ ຢູ່ບ້ານຫ້ວຍສາຍພາຍ ພ້ອມຂອງກາງຢາບ້າ 20 ເມັດ ເຊີ່ງພວກກ່ຽວທັງ 03 ຄົນ ແມ່ນຢູ່ເມືອງທ່າພະບາດ ແຂວງບໍລິຄໍາໄຊວັນທີ 16 ກໍລະກົດ 2021 ສາມາດກັກຕົວ ທ້າວ ສົມພົງ ແສງພະຈັນ ອາຍຸ 32 ປີ ຢູ່ບ້ານທ່າບົກ ໃນຂະນະທີ່ທີ່ຜູ້ກ່ຽວພວມເຄື່ອນໄຫວສົ່ງຢາບ້າ ທີ່ຂົວນໍ້າຮີ້ ເຂດບ້ານປ່າໄລ່ ພ້ອມຂອງກາງ 1,654 ເມັດ.
ຮອດວັນທີ 17 ກໍລະກົດ 2021 ກັກຕົວ ນາງ ບານ ສີບຸນເຮືອງ ບ້ານໜອງປອງ ເມືອງຄໍາເກີດ ແຂວງ ບໍລິຄໍາໄຊ ໄດ້ຢູ່ເຂດບ້ານທ່າບົກ ເມືອງທ່າພະບາດ ພ້ອມຂອງກາງຢາບ້າ 4000 ເມັດ.
ຮ່ອງຄວມດັນອາກາດຕໍ່າ ຍັງພາດຜ່ານພາກເໜືອ ຂອງປະເທດລາວ, ສົມທົບກັບລົມມໍລະສຸມ ຕາເວັນຕົກສ່ຽງໃຕ້ ພັດປົກຄຸມພາກກາງ ຫາ ພາກໃຕ້ດ້ວຍກຳລັງແຮງ, ເຊິ່ງຈະເຮັດໃຫ້ ມີຝົນຕົກຟ້າຮ້ອງເຫຼື້ອມໃນລະດັບຄ່ອຍ ຫາ ພາກກາງ ຢູ່ເກືອບທົ່ວປະເທດຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.
ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນ ບັນດາເຜົ່າ ຈົ່ງມີສະຕິ ຕໍ່ສະພາບຝົນຕົກໜັກ ທີ່ຈະເຮັດໃຫ້ເກີດນໍ້າຖ້ວມກະທັນຫັນ, ນໍ້າຖ້ວມຊຸ ແລະ ດິນເຈື່ອນ. ສຳລັບຜູ້ອາໃສຢູ່ ແຂວງຫຼວງນໍ້າທາ, ລະດັບນໍ້າ ແມ່ນ ຍັງຢູ່ໃນເຂດອັນຕະລາຍ, ຂໍໃຫ້ປະຊາຊົນສືບຕໍ່ເກັບມ້ຽນວັດຖຸສິ່ງຂອງ, ສິິ່ງທີ່ມີຄ່າ ແລະ ສັດລ້ຽງໄປໄວ້ບ່ອນສູງ ແລະ ປອດໄພ, ພ້ອມຕິດຕາມການລາຍງານສະພາບພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.
ນາຍົກລັດຖະມົນຕີ ຮຽກຮ້ອງໃຫ້ແຮງງານລາວ ເດີນທາງກັບຄືນປະເທດຢ່າງຖືກຕ້ອງຕາມລະບຽບການ
ຕາມ Lao National Radio ລາຍງານ: ທ່ານ ພັນຄໍາ ວິພາວັນ, ນາຍົກລັດຖະມົນຕີ ຮຽກຮ້ອງໃນໂອກາດຖະ ແຫຼງຂ່າວຕໍ່ສື່ມວນຊົນກ່ຽວກັບການສືບຕໍ່ປະຕິບັດມາດຕະການສະກັດກັ້ນ ແລະ ຕ້ານການແຜ່ລະບາດຂອງພະຍາດ ໂຄວິດ-19 ຢູ່ ສປປ ລາວ ໃນວັນທີ 20 ກໍລະກົດ 2021 ທີ່ສໍານັກງານນາຍົກລັດຖະມົນຕີ ວ່າ: ປະຊາຊົນລາວ ກໍ່ຄືຊາວຕ່າງປະເທດ ທີ່ມີຄວາມປະສົງຈະເຂົ້າ-ອອກ ສປປ ລາວ ໃຫ້ປະຕິບັດຖືກຕ້ອງຕາມຂັ້ນຕອນຂອງລະບຽບການ ບໍ່ໃຫ້ລັກລອບເຂົ້າ-ອອກ ຕາມລຳພັງ ເຊິ່ງຈະເປັນການນຳເອົາເຊື້ອພະຍາດໂຄວິດ-19 ເຂົ້າມາແຜ່ລະບາດເປັນວົງກວ້າງຢູ່ ສປປ ລາວ ແລະ ກໍ່ຢູ່ປະເທດເພື່ອນບ້ານເຊັ່ນກັນ ເຊິ່ງຈະເຮັດໃຫ້ຄວບຄຸມໄດ້ຍາກທີ່ສຸດ.
ພິເສດ ຕໍ່ກັບແຮງງານລາວ ທີ່ໄປອອກແຮງງານຢູ່ປະ ເທດໃກ້ຄຽງ ກໍ່ຂໍໃຫ້ປະຕິບັດເຂັ້ມງວດຕາມລະບຽບການ ຂອງປະເທດເພື່ອນບ້ານທີ່ຕົນເອງອາໃສຢູ່ ໃນຂະນະດຽວກັນ ຖ້າຕ້ອງການກັບຄືນ ສປປ ລາວ ເຊິ່ງເປັນບ້ານເກີດເມືອງນອນຂອງຕົນເອງ ກໍ່ໃຫ້ດຳເນີນຢ່າງຖືກຕ້ອງຕາມຂັ້ນຕອນຂອງກົດໝາຍ ເຖິງວ່າເວລາອອກໄປຕ່າງປະເທດ ໄດ້ລັກລອບອອກໄປກໍ່ຕາມ ແຕ່ເວລາກັບເຂົ້າມາ ຂໍໃຫ້ກັບມາຢ່າງຖືກຕ້ອງ ໂດຍໃຫ້ພົວພັນກັບເຈົ້າໜ້າທີ່ສະຖານທູດ, ກົງສູນລາວ ແລະ ເຈົ້າໜ້າທີ່ກ່ຽວຂ້ອງ ແລ້ວເດີນທາງມາຜ່ານດ່ານຕ່າງໆຢ່າງເປັນທາງການ.
ທ່ານ ພັນຄໍາ ວິພາວັນ ກ່າວຕື່ມວ່າ: ລັດຖະບານ ຖືວ່າການເດີນທາງເຂົ້າມາປະເທດຢ່າງຖືກຕ້ອງນັ້ນ ເປັນການກະທຳທີ່ຮັກຊາດ ຮັກບ້ານເກີດເມືອງນອນຂອງຕົນຢ່າງແທ້ຈິງ ແລະ ກົງກັນຂ້າມ ບຸກຄົນໃດຫາກລັກລອບເຂົ້າມາ ຈະແມ່ນດ້ວຍເສັ້ນທາງໃດກໍ່ຕາມ ຖືວ່າເປັນຜູ້ມີຄວາມຜິດຕາມກົດໝາຍ ແລະ ເປັນຜູ້ນຳເອົາຜົນເສຍຫາຍມາໃຫ້ປະ ເທດຊາດ ຊຶ່ງຈະຖືກດຳເນີນຄະດີຕາມກົດໝາຍຂອງ ສປປ ລາວ. ດັ່ງນັ້ນ ຮຽກຮ້ອງໃຫ້ ພໍ່ແມ່ ພີ່ນ້ອງ ສົ່ງຂ່າວຕໍ່ໃຫ້ລູກຫຼານ ແລະ ໝູ່ຄູ່ຂອງຕົນເອງຊາບ ໃຫ້ຈະແຈ້ງ ແລະ ທົ່ວເຖິງ.
ເມືອງລອງ ປະສົບໄພນໍ້າຖ້ວມ ເນື້ອທີ່ທໍາການຜະລິດແລະ ທາງເລກທີ 17B ຖືກນໍ້າເຊາະເຈື່ອນເສຍຫາຍຫຼາຍຈຸດ
ອີງຕາມ ຂປລ ລາຍງານ: ແຫຼ່ງຂ່າວຈາກແຂວງຫຼວງນໍ້າທາ ໃຫ້ຮູ້ວ່າ: ເມືອງລອງ ຝົນຕົນລິນຕິດຕໍ່ກັນເປັນເວລາຫລາຍວັນ ແຕ່ຄໍ່າຄືນວັນທີ 18-21 ກໍລະກົດ 2021 ນີ້, ໄດ້ເຮັດໃຫ້ ນໍ້າຫ້ວຍ ແລະ ແມ່ນໍ້າສາຍຕ່າງໆ ມີປະລິມານເພີ່ມຂຶ້ນຢ່າງກະທັນຫັນ ໂດຍສະເພາະ ແມ່ນໍ້າມະ-ນໍ້າລອງເພີ່ມສູງຂຶ້ນ ຖ້ວມເນື້ອທີ່ທໍາການຜະລິດເຂົ້ານາປີ, ສ່ວນອ້ອຍ ແລະ ຊົນລະປະທານເສຍຫລາຍແຫ່ງ, ນອກຈາກນີ້ ຍັງມີເຮືອນ ຂອງປະຊາຊົນບ້ານ ສະ, ບ້ານ ໂພຄໍາ ແລະ ບ້ານ ຄົກຫີນ ຈໍານວນ 10 ຫລັງຖືກນໍ້າຖ້ວມ.
ຕາມການລົງເກັບກໍາຂໍ້ມູນໃນເບື້ອງຕົ້ນ ເຫັນວ່າ: ປັດຈຸບັນ ເສັ້ນທາງເລກທີ 17B ໄດ້ຖືກນໍ້າເສາະເຈື່ອນ ຈໍານວນ 5 ຈຸດ. ໃນນີ້, ຈຸດບ້ານ ສີວິໄລ ລົດບັນທຸກໜັກບໍ່ສາມາດແລ່ນຜ່ານໄດ້, ຊົນລະປະທານໄດ້ຮັບຄວາມເສຍຫາຍປະມານ 70 ແຫ່ງ, ເນື້ອທີ່ນາປີ 30 ເຮັກຕາ ແລະ ສວນອ້ອຍຂອງປະຊາຊົນ ປະມານ 10 ເຮັກຕາ ໄດ້ຖືກນໍ້າຖ້ວມ.
ຕໍ່ກັບບັນຫາໄພພິບັດ ໃນຄັ້ງນີ້, ຄະນະນໍາຂັ້ນເມືອງ ກໍໄດ້ສົ່ງກໍາລັງປ້ອງກັນຊາດ ແລະ ພາກສ່ວນກ່ຽວຂ້ອງຂອງເມືອງ ລົງຊ່ວຍພໍ່ແມ່ປະຊາຊົນ ທີ່ໄດ້ຮັບຜົນກະທົບ.
ພ້ອມນີ້, ບໍລິສັດຈຸງຫຽວ ທີ່ຮັບເໝົາການກໍ່ສ້າງເຂື່ອນໄຟຟ້ານໍາລອງ 2 ກໍໄດ້ຮັບຜົບກະທົບເຊັນດຽວກັນ, ໃນນີ້, ມີໂຮງງານຄົບຫີນ 1 ຊຸດ, ລົດດາມ 3 ຄັນ, ລົດຈົກ 2 ຄັນ, ລົດຕັກ 1 ຄັນ, ເຄື່ອງເຈາະຫີນ 6 ເຄື່ອງ, ຖັງເກັບນໍ້າມັນ 4.000 ລິດ, ແຄ້ມພັກຂອງພະນັກງານ ແລະ ອຸປະກອນຈໍານວນໜຶ່ງ ຖືກນໍ້າໄຫຼ ແລະ ຖ້ວມເຂດກໍ່ສ້າງເຂື່ອນໄຟຟ້ານໍ້າລອງ 2 ລວມມູນຄ່າເສຍຫາຍ ປະມານ 500.000 ໂດລາສະຫະລັດ. ສໍາລັບເນື້ອທີ່ທໍາການຜະລີດຂອງປະຊາຊົນ ທີ່ໄດ້ຮັບຜົນກະທົບ ແລະ ມູນຄ່າຄວາມເສຍຫາຍຕົວຈິງນັ້ນ ແມ່ນຍັງບໍ່ສາມາດປະເມີນໄດ້.
ແຈ້ງການຈາກຫ້ອງວ່າການແຂວຄຳມ່ວນ ເລື່ອງ ສືບຕໍ່ປະຕິບັດຄຳສັ່ງ ວ່າດ້ວຍການສືບຕໍ່ເພີ່ມທະວີຄວາມເຂັ້ມງວດໃນການຈັດຕັ້ງປະຕິບັດມາດຕະການສະກັດກັ້ນຄວບຄຸມ ແລະ ປ້ອງກັນການແຜ່ລະບາດຂອງໂຄວິດ-19 ແຕ່ວັນທີ 21 ກໍລະກົດ ຫາ ວັນທີ 5 ສິງຫາ 2021.
ແຈ້ງເຕືອນ ຝົນຕົກໜັກ ນໍ້າຖ້ວມຊຸ ປະຈໍາວັນທີ 21 ກໍລະກົດ 2021ເວລາ 19:00 ໂມງ ຮ່ອງຄວາມກົດດັນອາກາດຕໍ່າໄດ້ພາດຜ່ານຢູ່ພາກເໜືອ ຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ ພັດປົກຄຸມພາກກາງ ຫາ ພາກໃຕ້ດ້ວຍກໍາລັງແຮງ, ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍຢູ່ທົ່ວໄປ ຫາ ປານກາງຢູ່ເກືອບທົ່ວໄປຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ. ໃນເວລາ 14:00 ໂມງ, ລະດັບນໍ້າທາ ແຂວງຫລວງນໍ້າທາ ວັດແທກໄດ້ 8.46 ແມັດ ຊຶ່ງກາຍເຂດອັນຕະລາຍແລ້ວ (ເຂດອັນຕະລາຍແມ່ນ7.50 ແມັດ)
ດັ່ງນັ້ນຈຶ່ງແຈ້ງເຕືອນເຖິງປະຊາຊົນບັນດາເຜົ່າ ຈົ່ງມີສະຕິຕໍ່ສະພາບຝົນຕົກໜັກ ທີ່ຈະເຮັດໃຫ້ເກີດນໍ້າຖ້ວມກະທັນຫັນ ນໍ້າຖ້ວມຊຸ ແລະ ດິນເຈື່ອນ. ສໍາລັບຜູ້ທີ່ອາໄສຢູ່ແຂວງຫລວງນໍ້າທາ ໃຫ້ເກັບມ້ຽນວັດຖຸສິ່ງຂອງ, ວັດຖຸທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດໄພ, ພ້ອມນີ້ກໍໃຫ້ຕິດຕາມການລາຍງານຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.
– ພາກເໜືອດ້ານຕາເວັນອອກ (ແຂວງຜົ້ງສາລີ, ຫົວພັນ ແລະ ຊຽງຂວາງ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກໃນລະດັບປານກາງ ຫາ ໜັກຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70% ຂອງພາກ, ອຸນຫະພູມໃນລະຫວ່າງ 19-29 ອົງສາ.
– ພາກເໜືອດ້ານຕາເວັນຕົກ (ແຂວງຫລວງນໍ້າທາ, ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ): ຈະມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍຢູ່ເກືອບທົ່ວໄປ ແລະ ຕົກໃນລະດັບປານກາງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 50% ຂອງພາກ, ອຸນຫະພູມໃນລະຫວ່າງ 21-32ອົງສາ.
– ນະຄອນຫລວງວຽງຈັນ: ຈະມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 60%, ອຸນຫະພູມໃນລະຫວ່າງ 26-32 ອົງສາ.
– ພາກກາງ (ແຂວງວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກໃນລະດັບປານກາງ ຫາ ໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງບໍລິຄໍາໄຊ ແລະ ຄໍາມ່ວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70% ຂອງພາກ, ອຸນຫະພູມໃນລະຫວ່າງ 24-32 ອົງສາ.- ແຂວງໄຊສົມບູນ: ຈະມີຝົນຕົກ ຟ້າຮ້ອງໃນລະດັບຄ່ອຍ ຫາ ປານກາງ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 60% ຂອງແຂວງ, ອຸນຫະພູມໃນລະຫວ່າງ 18-24 ອົງສາ. – ພາກໃຕ້ (ແຂວງສາລະວັນ, ເຊກອງ, ຈໍາປາສັກ ແລະ ອັດຕະປື): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກໃນລະດັບປານກາງ ຫາ ໜັກ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70% ຂອງພາກ, ອຸນຫະພູມໃນລະຫວ່າງ 24-32 ອົງສາ.-ສໍາລັບເຂດພູພຽງບໍລະເວນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70%, ອຸນຫະພູມໃນລະຫວ່າງ 14-25 ອົງສາ.
