ມສ ວຽງຈັນ ອອກແຈ້ງການ ໂຈະການລົງທະບຽນ ຮັບນັກຮຽນ
ແຈ້ງການວັນທີ 29 ສິງຫາ 2021
ກະລຸນາແຊໃຫ້ທຸກຄົນຮັບຮູ້ແດ່ເດີ
ການຕິດເຊື້ອໃນຊຸມຊົນໜ້າເປັນຫ່ວງ ສູງເຖິງ 98 ຄົນ! ມີທັງເດັກນ້ອຍອານຸບານ
ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫຼງຂ່າວ ກ່ຽວກັບ ສະພາບໂຄວິດ-19 ຢູ່ໃນ ສປປ ລາວ ໃນເຊົ້າວັນທີ 29 ສິງຫາ 2021 ນີ້ວ່າ: ສະພາບການລະບາດພະຍາດໂຄວິດ-19 ຢູ່ ສປປ ລາວ, ມາຮອດວັນທີ 28 ສິງຫາ 2021 ໄດ້ກວດວິເຄາະທັງໝົດ 2,961 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ195 ຄົນ ເຊິ່ງຕິດເຊື້ອໃນຊຸມຊົນເຖິງ 98 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື:
- ນະຄອນຫຼວງ 12 ຄົນ
- ບໍ່ແກ້ວ 15 ຄົນ
- ຫຼວງພະບາງ 4 ຄົນ
- ຫຼວງນ້ຳທາ 2 ຄົນ
- ອຸດົມໄຊ 2 ຄົນ
- ວຽງຈັນ 1 ຄົນ
- ຄຳມ່ວນ 5 ຄົນ
- ສະຫວັນນະເຂດ 57 ຄົນ
ສ່ວນ ກໍລະນີນໍາເຂົ້າ ມີ 97 ຄົນ ຈາກ ນະຄອນຫຼວງ 1 ຄົນ, ໄຊຍະບູລີ 3 ຄົນ, ບໍລິຄຳໄຊ 7 ຄົນ, ຄຳມ່ວນ 9 ຄົນ, ສາລະວັນ 6 ຄົນ ແລະ ຈຳປາສັກ 71 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.
ລາຍລະອຽດ ຜູ້ຕິດເຊື້ອຢູ່ໃນຊຸມຊົນ ໃນນະຄອນຫຼວງ ແລະ ບັນດາແຂວງ ມີດັ່ງນີ້:
ນະຄອນຫຼວງ 12 ຄົນ
- ເມືອງຫາດຊາຍຟອງ: ບ້ານທ່າເດື່ອ 2 ຄົນ, ບ້ານປາກເບັງ 1 ຄົນ ແມ່ນນອນໃນຈຸ້ມບ້ານໜອງແຫ້ວ-ສິມະໂນ ທີ່ກ່ຽວພັນກັບ ບລສ ເບຍລາວ-ເປັບຊີ
- ເມືອງໄຊທານີ: ບ້ານຈະເລີນໄຊ 2 ຄົນ, ບ້ານຕານມີໄຊ 1 ຄົນ (ໃນນີ້ມີພະນັກງານທີ່ເຮັດວຽກຢູ່ອົງການ Room to read)
- ເມືອງນາຊາຍທອງ: ບ້ານດົງຫຼວງ 1 ຄົນ, ບ້ານນາສ້ຽວ 1 ຄົນ, ບ້ານສີເກີດ 1 ຄົນ, ບ້ານໂພນແກ້ວ 1 ຄົນ (ໃນນີ້ມີພະນັກງານທີ່ເຮັດວຽກຢູ່ອົງການ Room to read)
- ເມືອງສີສັດຕະນາກ: ບ້ານຈອມເພັດ 2 ຄົນ
ສຳລັບສະຖານທີ່ສ່ຽງທີ່ຜູ້ຕິດເຊື້ອໄດ້ເດີນທາງໄປໃນນະຄອນຫຼວງ ມີ:
- ບໍລິສັດລັດວິສາຫະກິດຂົນສົ່ງທາງບົກທາງນ້ຳ , ບ້ານທ່າພະລານໄຊ, ເມືອງສີສັດຕະນາກ
- ຮ້ານເຂົ້າປຽກຢູ່ຂ້າງວັດພັນໝັ້ນ, ເມືອງສີສັດຕະນາກ
- ຮ້ານ ປີ້ງຫູໝູ ຢູ່ບ້ານໂພນຕ້ອງ, ເມືອງຈັນທະບູລີ
- ຄລີນິກແຂ້ວຢູ່ 3 ແຍກໄຟແດງໂພນປ່າເປົ້້າ
- ຮ້ານຕຳຢູ່ເຂດຖະໜົນຄູວຽງ, ກົງກັນຂ້າມກັບຮ້ານຂາຍໝາ
- ຮ້ານປະດັບຍົນ ດົງປ່າແຫຼບ, ເມືອງຈັນທະບູລີ
- ຕະຫຼາດຫົວຂົວ
- ຕະຫຼາດສວນມອນ
- ຮ້ານເຝີ 123 ຢູ່ໜ້າ ປກສ
- ຮ້ານແລກປ່ຽນເງີນຕາຢູ່ທະນາຄານການຄ້າ(ແຄມຂອງ)
ບໍ່ແກ້ວ 15 ຄົນ ຈາກ ເມືຶອງຕົ້ນເຜິ້ງ ເປັນກໍລະນີສຳຜັດຂອງຜູ້ຊິດເຊື້ອກ່ອນໜ້ານີ້ ປະກອບມີ:
- ບ້ານສີເມືອງງາມ 3 ຄົນ
- ບ້ານຄຸນບົງ 6 ຄົນ
- ເຂດ ພິເສດ 5 ຄົນ
- ຕົ້້ນເຜິ້ງ 1 ຄົນ
ອຸດົມໄຊ 2 ຄົນ ກ່ຽວຂ້ອງກັບງານຊາປະນາກິດສົບຢູ່ເມືອງນ່ານ ແຂວງຫຼວງພະບາງ
- ຜູ້ທີ 1 ເພດຊາຍ, ອາຍຸ 59 ປີ, ບ້ານແກ້ງຊ້າງ, ເມືອງປາກແບງ ເປັນສາມີຂອງຜູ້ທີ່ໄປຮ່ວມງານສົບ, ຢູ່ບ້ານນາຝາຍ, ເມືອງນານ
- ຜູ້ທີ 2 ເພດຍິງ, ອາຍຸ 36 ປີ, ບ້ານແກ້ງຊ້າງ, ເມືອງປາກແບງ ເປັນພີ່ນ້ອງກັນ
ຫຼວງນ້ຳທາ 2 ຄົນ ກຸ່ມທີ່ກ່ຽວພັນ ກັບ ບ້ານໃຫຍ່ສີເມືອງງາມ, ເມືອງຕົ້ນເຜີ້ງ, ແຂວງບໍ່ແກ້ວ, ໃນນັ້ນ 01 ຄົນ ແມ່ນເດັກອານຸບານ ເຂົ້າໂຮງຮຽນອະນຸບານ (ກຸ່ມສຳຜັດ ທັງໝົດ 55 ຄົນ ໄດ້ເກັບຕົວຢ່າງ ແລະ ພັກ ຈຳກັດບໍລິເວນແລ້ວ ໃນນັ້ນ ມີເດັກອານຸບານທັງໝົດ 37 ຄົນ, ຄູ 5 ແລະ ຄອບຄົວທີ່ເປັນເຈົ້າຂອງໂຮງຮຽນ)
ຫຼວງພະບາງ 4 ຄົນ ທັງໝົດເຊື່ອມໂຍງກັບ ບ້ານນາຝາຍ, ເມືອງນານ ໄດ້ລາຍງານ ຜ່ານມາ
ຄຳມ່ວນ 5 ຄົນ ໃນນັ້ນ 3 ຄົນແມ່ນຄອບຄົວດຽວກັນທີ່ພົວພັນກັບຜູ້ຕິດເຊື້ອມາກ່ອນ ແລະ 01 ຄົນ ເປັນເພດຊາຍ, ອາຍຸ 44 ປີ ອາຊີບພະນັກງານຂັບລົດ, ບ້ານມ່ວງໄຂ່, ເມືອງຫີນບູນ
ສະຫວັນນະເຂດ 57 ຄົນ ມາຈາກ:
ຈຸ້ມບ້ານ ໂພນສະຫວ່າງເໜືອ ມີ 19 ຄົນ ຊື່ງບ້ານນີ້ ເຄີຍໄດ້ລາຍງານໃນວັນທີ 26 ສິງຫາ ທີ່ຜ່ານມາ
- ຈຸ້ມພະນັກງານຂັບລົດ ລັດຕະນະວົງ ແລະ ບໍລິສັດ ຂັບລົດຂົນສົ່ງ ມີ 08 ຄົນ
- ຈຸ້ມບ້ານລັດຕະນະລັງສີ ມີ 08 ຄົນ
- ເຫຼືອນັ້ນ ແມ່ນ ແບບກະແຈກກະຈາຍ ໃນບ້ານເທດສະບານຂອງນະຄອນໄປສອນ
ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່
ສະຖານທີ່ປິ່ນປົວທີ່ຖືກກຳນົດໄວ້. ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 14,641 ຄົນ, ຄົນເຈັບເສຍຊີວິດສະສົມ12 ຄົນ (ໃໝ່ 0 ຄົນ) ແລະ ຄົນເຈັບກໍາລັງປິ່ນປົວ ທັງໝົດ 4,901 ຄົນ.
ແມ່ເຖົ້າບົວຊ້ອຍ ມີຄວາມຫວັງສູ້ຄະດີອີກຄັ້ງ ເມື່ອບໍລິສັດກົດໝາຍ ພົມສຸພາ ແອນ ຊັນ ຈະຊ່ວຍສູ້ຄະດີ!
ຈາກທີ່ເປັນກະແສຂ່າວ ໃນປະຈຸບັນ ທີ່ແມ່ເຖົ້າບົວຊ້ອຍ ພົມສະຫວັດ ໄດ້ມີການຮ້ອງຟ້ອງ ລູກສາວຄີງໆ ຂອງຕົນສອງຄົນ. ໂດຍຄະດີທີ່ຟ້ອງແມ່ນ ລູກສາວລັກປອມແປງເອກະສານ ເພື່ອເອົາດິນສິນສົມສ້າງ ຂອງຜູ້ເປັນແມ່, ໂດຍທີ່ແມ່ບໍ່ໄດ້ຍິນຍອມ. ການຕໍ່ສູ້ຄະດີ ຂອງສາມແມ່ລູກ ແມ່ນຂຶ້ນຮອດຂັ້ນສານ ແລະ ໃນວັນທີ 26 ສິງຫາ 2021 , ສານໄດ້ຕັດສິນໃຫ້ ຜູ້ເປັນແມ່ ພ່າຍແພ້ຄະດີ. ທາງຜູ້ເປັນແມ່ ຈິ່ງໄດ້ໂພດຂໍ້ຄວາມຜ່ານເພຈ ເຖິງຄວາມ ອະຍຸຕິທໍາ ແລະ ບໍ່ມີເງິນຈະໄປ ອຸທອນ ຕໍ່ສູ້ຄະດີ.
ຫຼ້າສຸດ ວັນທີ 27 ສິງຫາ 2021 ຜ່ານມາ, ບໍລິສັດ Phomsoupha & Son Law ໄດ້ສະແດງເຈດຈໍານົງ ຈະຊ່ວຍເປັນທະນາຍຄວາມໃຫ້ກັບແມ່ເຖົ້າບົວຊ້ອຍ ໂດຍບໍ່ເກັບຄ່າໃຊ້ຈ່າຍໃດ?
ສິ່ງທີ່ຫຼາຍຄົນໃຫ້ຄວາມສົນໃຈຄື ຄວາມຍຸຕິທໍາ, ຖ້າວ່າ ແມ່ບໍ່ຍິນຍອມ ແລ້ວ ການໂອ່ນຖ່າຍສິດຄອບຄອງ ທີ່ດິນ ຖືກດໍາເນີນການໄປໄດ້ແນວໃດ? ໃຜຊ່ວຍໃຫ້ ຂະບວນການນີ້ສໍາເລັດ, ຖ້າມີຄົນຮ່ວມຫົວກັນ ລະບົບກົດໝາຍຂອງລາວ ຈະລົງໂທດແນວໃດ? ແລະ ຄະດີນີ້ ຈະມີບົດສະຫຼຸບແນວໃດ? ຕ້ອງຖ້າຕິດຕາມກັນຕໍ່ໄປ!
ບ້ານເຂດແດງ ນະຄອນຫຼວງວຽງຈັນ ມີ 11 ບ້ານໃນ 4 ເມືອງ ອັບເດດ 27 ສິງຫາ 2021
ລາຍງານຈາກ ຄະນະສະເພາະກິດ ໃຫ້ຮູ້ວ່າ ທີ່ນະຄອນຫຼວງວຽງຈັນ ບ້ານທີ່ຖືກກໍານົດໃຫ້ເປັນບ້ານາເຂດແດງ ແມ່ນມີທັງໝົດ 11 ບ້ານ ຢູ່ 4 ເມືອງ ດັ່ງນີ້.
- ເມືອງໄຊເສດຖາ: ບ້ານຮ່ອງແກ່
- ເມືອງຫາດຊາຍຟອງ: ບ້ານດອນດູ່, ບ້ານສິມມະໂນໃຕ້, ບ້ານສິມມະໂນເໜືອ, ບ້ານໜອງແຫ້ວ, ບ້ານໜອງແວງ ແລະ ບ້ານດົງຄໍາຊ້າງ
- ເມືອງສັງທອງ: ບ້ານກົ້ວ
- ເມືອງໄຊທານີ: ບ້ານດົງໂດກ, ບ້ານໄຜ່ລ້ອມ ແລະ ບ້ານຄໍາຮຸ່ງ
ບ້ານແດງຖືເປັນເຂດ ທີ່ມີມາດຕະການຄຸມເຂັ້ມ ຄືຄົນໃນຫ້າມອອກ ຄົນນອກຫ້າມເຂົ້າ, ຍົກເວັ້ນກໍລະນີຈໍາເປັນ.
ພົບຜູ້ຕິດເຊື້ອໃໝ່ 115 ຄົນ (ຕິດໃນຊຸມຊົນ 60 ຄົນ)
ລາຍງານຈາກຄະນະສະເພາະກິດໃຫ້ຮູ້ ເຊົ້າວັນທີ 28 ສິງຫາ 2021 ນີ້ວ່າ, ໃນວັນທີ 27/08/2021 ໄດ້ກວດວິເຄາະທັງໝົດ 2939 ຕົວຢ່າງ, ນະຄອນຫຼວງ 1158 ຕົວຢ່າງ, ສະຫວັນນະເຂດ 471, ຈຳປາສັກ 151 ແລະ ພົບເຊື້ອ 115 ຕົວຢ່າງ. ຊື່ງມີລາຍລະອຽດດັ່ງນີ້:
ນະຄອນຫຼວງວຽງຈັນ: 21 ຄົນໃນນັ້ນ 4 (ນໍາເຂົ້າ) ແລະ 17 ຄົນ (ຊຸມຊົນ) ເຊິ່ງເປັນ ຊື່ງລາຍລະອຽດຂອງຊຸມຊົນປະກອບມີ: ຈຸ້ມບໍລິສັດຂົ່ງສົ່ງ ເຂດທ່າພະລານໄຊ 11 ຄົນ ໃນນັ້ນເປັນພະນັກງານບໍລິສັດ 6 ແລະ 4 ຄົນ ແມ່ນສະມາຊິກຄອບຄົວ ແລະ ຜູ້ທີ່ໄດ້ພົວພັນກັບຜູ້ຕິດເຊື້ອ (ຈາກ ບ້ານ ທ່າພະລານໄຊ 5, ສະພັງໝໍ້ 1, ດົງຄຳຊ້າງ 1, ໜອງໄຮ 1, ໂນນສະຫວ່າງ 1, ສ້າງເຫວີຍ 1), ຈຸ້ມໜອງແຫ້ວ-ສິມະໂນ ທີ່ກ່ຽວພັນກັບ ບລສ ເບຍລາວ 7 ຄົນ (ສິມມະໂນ 4, ທ່າພະ 2), ມາຮອດປັດຈຸບັນຈຸ້ມນີ້ມີ ທັງໝົດ 35 ຄົນ.
ແຂວງວຽງຈັນ: 1 (ນໍາເຂົ້າ)
ແຂວງບໍ່ແກ້ວ : 20 ຄົນ (ຊຸມຊົນທັງໝົດ) ເປັນກໍລະນີສໍາຜັດຂອງຜູ້ຊິດເຊື້ອກ່ອນໜ້ານີ້ ຊື່ງລາຍລະອຽດຂອງຊຸມຊົນປະກອບມີ: ເມືອງຕົ້ນເຜິ້ງ (ບ້ານສີເມືອງງາມ 10 ຄົນ, ບ້ານດອນສະຫັວນ 5 ຄົນ, ບ້ານຄຸນບົງ 4 ຄົນ, ເຂດ ພິເສດ 1 ຄົນ)
ແຂວງຫຼວງນໍ້າທາ: 1 ຄົນ (ຊຸມຊົນ): ຍັງບໍ່ທັນໄດ້ຂໍ້ມູນ ເທື່ອ
ແຂວງຫຼວງພະບາງ: 02 ຄົນ ທີ່ຕິດເຊື້ອໃນຊຸມຊົນ ທັງ 2 ຄົນ ຊື່ງ ເປັນ ກຸ່ມ ເຊື່ອມໂຍງກັບ ບ້ານນາຝາຍ ເມືອງນານ
ແຂວງຄໍາມ່ວນ: 11 ໃນນັ້ນ 9 (ນໍາເຂົ້າ) ແລະ 2 (ຊຸມຊົນ)
ແຂວງສະຫວັນນະເຂດ: 30 ໃນນັ້ນ 12 (ນໍາເຂົ້າ) ແລະ 13 ຄົນ (ຊຸມຊົນ) ແລະພະນັກງານຕຳຫຼວດຢູ່ຄ້າຍຄຸມຂັງ 5, ແລະ ອີກ 5 ຄົນ ແມ່ນ ກຸ່ມ ບ້ານລາດສະວົງ ແລະ ສ່ວນທີ່ເຫຼືອ ແມ່ນ ທີ່ກ່ຽວພັນກັບພະນັກງານຂັບລົດລັດຕະນະວົງ
ແຂວງໄຊຍະບູລີ: 1 (ນໍາເຂົ້າ)
ແຂວງບໍລິຄໍາໄຊ: 1 (ນໍາເຂົ້າ)
ແຂວງຈຳປາສັກ: 12 (ນໍາເຂົ້າທັງໝົດ)
ແຂວງສາລະວັນ: 15 (ນໍາເຂົ້າ)
ປະຈຸບັນມີ ຜູ້ຕິດເຊື້ອສະສົມທັງໝົດ 14.466, ເສຍຊີວິດ 12, ປິ່ນປົວ 4.843 ຄົນ
ຕິດເຊື້ອໃໝ່ມື້ນີ້ +247 ຄົນ (ຊຸມຊົນ +103 ຄົນ)
ອີງຕາມການລາຍງານ ຂອງຄະນະສະເພາະກິດ ປະຈຳວັນທີ 27 ສິງຫາ 2021 ໃຫ້ຮູ້ວ່າ : ສປປ ລາວ ໄດ້ກວດວິເຄາະທັງໝົດ 3740 ຕົວຢ່າງ, ນະຄອນຫຼວງ 1469 ຕົວຢ່າງ, ສະຫວັນນະເຂດ 650, ຈໍາປາສັກ 275: ກວດພົບເຊື້ອ 247 ຕົວຢ່າງ, ຕິດເຊື້ອໃນຊຸມຊົນເຖິງ 103 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື:
ນະຄອນຫຼວງ 5 ຄົນ
ບໍ່ແກ້ວ 29 ຄົນ
ອຸດົມໄຊ 5 ຄົນ
ຫຼວງພະບາງ 4 ຄົນ
ຫຼວງນ້ຳທາ 18 ຄົນ
ສະຫວັນນະເຂດ 42 ຄົນ
ສ່ວນ ກໍລະນີນໍາເຂົ້າ ມີ 144 ຄົນ ຈາກ ນະຄອນຫຼວງ 16 ຄົນ, ຄຳມ່ວນ 14 ຄົນ, ສາລະວັນ 25 ຄົນ, ສະຫວັນນະເຂດ 52 ຄົນ, ຈຳປາສັກ 36 ຄົນ ແລະ ບໍ່ແກ້ວ 1 ຄົນ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.
ລາຍລະອຽດ ຕິດເຊື້ອໃນຊຸມຊົນ ໃນບັນດາແຂວງ ມີຄືດັ່ງນີ້:
ນະຄອນຫຼວງ 5 ຄົນທີ່ຕິດເຊື້ອໃນຊຸມຊົນນັ້ນ ຄື:
- ເພດຊາຍ, ອາຍຸ 40 ປີ, ອາຊີບ: ພະນັກງານ ບໍລິສັດຂົນສົ່ງທາງບົກ-ທາງນ້ຳ ຢູ່ຄິດລົດສາຍໃຕ້, ບ້ານຄຳຮຸ່ງ, ເມືອງໄຊທານີ
- ເພດຊາຍ, ອາຍຸ 26 ປີ, ອາຊີບ: ພະນັກງານ ບໍລິສັດຂົນສົ່ງທາງບົກ-ທາງນ້ຳ ຢູ່ຄິດລົດສາຍໃຕ້, ບ້ານດົງຄຳຊ້າງ, ເມືອງຫາດຊາຍຟອງ
- ເພດຍິງ, ອາຍຸ 40 ປີ, ອາຊີບ: ແມ່ເຮືອນ, ບ້ານໜອງແຫ້ວ, ເມືອງຫາດຊາຍຟອງ (ເປັນພັນລະຍາຜູ້ຕິດເຊື້ອທີ່ຜ່ານມາ)
- ເພດຊາຍ, ອາຍຸ 17 ປີ, ອາຊີບ: ນັກຮຽນ, ບ້ານໜອງແຫ້ວ, ເມືອງຫາດຊາຍຟອງ (ລູກຜູ້ຕິດເຊື້ອທີ່ຜ່ານມາ)
- ເພດຊາຍ, ອາຍຸ 24 ປີ, ອາຊີບ: ພະນັກງານໄອທີ ຢູ່ໂຮງແຮມແລນມາກ, ບ້ານໜອງແຫ້ວ, ເມືອງຫາດຊາຍຟອງ
- ແຂວງບໍ່ແກ້ວ 29 ຄົນ, ໃນນັ້ນ 3 ກໍລະນີ ແມ່ນມາຈາກບ້ານ ຂອນແກ້ວ, ເມືອງ ຫ້ວຍຊາຍ, ແຂວງ ບໍ່ແກ້ວ ຕິດຈາກກໍລະນີ ທີ່ຢູ່ບ້ານພິບູນທອງ, ເມືອງ ຫ້ວຍຊາຍ, ແຂວງ ບໍ່ແກ້ວ.
- 13 ກໍລະນີ ແມ່ນ ບ້ານຄຸນບົງ, ເມືອງຕົ້ນເຜີ້ງ, ແຂວງບໍ່ແກ້ວ
- 8 ກໍລະນີ ແມ່ນ ບ້ານສີເມືອງງາມ, ເມືອງຕົົ້ນເຜີ້ງ, ແຂວງ ບໍ່ແກ້ວ
- 2 ກໍລະນີ ແມ່ນ ບ້ານປ່າສັກ, ເມືອງຕົົ້ນເຜີ້ງ, ແຂວງ ບໍ່ແກ້ວ
- 3 ກໍລະນີ ແມ່ນ ບ້ານ ກໍ່ສ້າງ, ເມືອງຕົົ້ນເຜີ້ງ, ແຂວງ ບໍ່ແກ້ວ
ທັງໝົດ ແມ່ນ ມີການພົວພັນມາຈາກບ້ານ ສີເມືອງງາມ, ເມືອງຕົ້ນເຜີງ
ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 14,351 ຄົນ, ຄົນເຈັບເສຍຊີວິດສະສົມ12 ຄົນ (ໃໝ່ 0 ຄົນ) ແລະ ຄົນເຈັບກໍາລັງປິ່ນປົວ ທັງໝົດ 4,928 ຄົນ.
ຂໍ້ມູນເບື້ອງຕົ້ນ ຜູ້ຕິດເຊື້ອໃໝ່ໃນບັນດາແຂວງທົ່ວປະເທດ
ຖ່າຍທອດສົດ ການຖະແຫຼງຂ່າວຂອງຄະນະສະເພາະກິດ ປະຈຳວັນພະຫັດ ວັນທີ 26 ສິງຫາ ປີ 2021.
ສປປ ລາວ, ມາຮອດວັນທີ 25 ສິງຫາ 2021:
ໄດ້ກວດວິເຄາະທັງໝົດ 3,267 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 195 ຄົນ ເຊິ່ງຕິດເຊື້ອໃນຊຸມຊົນເຖິງ 46 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື: ນະຄອນຫຼວງ 14 ຄົນ, ບໍ່ແກ້ວ 15 ຄົນ, ໄຊຍະບູລີ 2 ຄົນ, ອຸດົມໄຊ 1 ຄົນ, ຫຼວງພະບາງ 3 ຄົນ, ສະຫວັນນະເຂດ 9 ຄົນ, ຈຳປາສັກ 2 ຄົນ
ສ່ວນ ກໍລະນີນໍາເຂົ້າ ມີ 149 ຄົນ ຈາກ ສະຫວັນນະເຂດ 32 ຄົນ, ຈຳປາສັກ 46 ຄົນ, ນະຄອນຫຼວງ 38 ຄົນ, ຄຳມ່ວນ 12 ຄົນ, ສາລະວັນ 15 ຄົນ, ບໍລິຄຳໄຊ 4 ຄົນ ແລະ ຫຼວງພະບາງ 2 ຄົນ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ເຂົ້າຕາມຈຸດຜ່ານແດນສາກົນ.
ລາຍລະອຽດ ຕິດເຊື້ອໃນຊຸມຊົນ ໃນບັນດາແຂວງ ມີຄືດັ່ງນີ້:
ນະຄອນຫຼວງ 14 ຄົນທີ່ຕິດເຊື້ອໃນຊຸມຊົນນັ້ນ ຄື:
- ບ້ານສິມມະໂນເຫນຶອ 2, ສິມມະໂນໃຕ້ 2, ດອນດູ່ 6, ຫນອງແວງ 2, ດົງໂພແຮ່ 1 ຄົນ, ເຫຼືອນັ້ນ ແມ່ນພະນັກງານປະຈຳຢູ່ສູນຈຳກັດບໍລິເວນ.
ແຂວງ ຈຳປາສັກ 2 ຄົນ ແມ່ນເປັນພະນັກງານປະຈໍາສູນຈໍາກັດບໍລິເວນ.
ແຂວງອຸດົມໄຊ 1 ຄົນ, ເປັນເພດຍິງ, ອາຍຸ 49 ປີ, ພະນັກງານທະຫານ, ບ້ານນຳ້ອຸ່ນ, ເມືອງຮຸນ, ມີປະຫວັດເດີນທາງໄປບ້ານນາຝາຍ, ເມືອງນານ ແຂວງຫລວງພະບາງ ເພື່ອສົ່ງສະການແມ່ຍ່າ ໄປນໍາກັນສາມຄົນ ດ້ວຍລົດສ່ວນຕົວ ຊື່ງມີຜູ້ຕິດເຊື້ອມາຈາກແຂວງບໍ່ແກ້ວຮ່ວມນໍາ ຊື່ງປະຈຸບັນນີ້ ຄົນເຈັບໄດ້ເຂົ້ານອນປີ່ນປົວຢູ່ໂຮງຫມໍແຂວງແລ້ວ.
ແຂວງບໍ່ແກ້ວ 15 ຄົນ, ໃນນັ້ນ 10 ຄົນ ມາຈາກບ້ານໃຫຍ່ສີເມືອງງາມ, 1 ຄົນແມ່ນເດັກ 1 ເດືອນ, 3 ຄົນຈາກບ້ານຄວ້ານສາມຫຼ່ຽມ ເມືອງ ຕົ້ນເຜິ້ງ ແມ່ນແຮງງານລາວຢູ່ເຂດພິເສດຈະເດີນທາງກັບບ້ານ, 1 ຄົນ ບ້ານດອນສະຫວັນ ເມືຶອງຕົ້ນເຜິ້ງ (ທີມງານເມືອງກໍາລັງເອົາຂໍ້ມູນ) ແລະ ອີກ 1 ຄົນ ມາຈາກບ້ານພິບຸນທອງ ເມືອງຫ້ວຍຊາຍ (ໄດ້ຂີ່ລົດໄປງານສົບຢູ່ເມືອງນ່ານ ນໍາຜູ້ຕິດເຊື້ອ ທີ່ລາຍງານມື້ກ່ອນ).
ແຂວງຫຼວງພະບາງ 3 ຄົນ, ເພດຊາຍ ອາຍຸ 29 ປີ, ອາຊີບ ທະຫານ, ບ້ານໂຄມຂວາງ, ນະຄອນຫຼວງພະບາງ ປະຫວັດສຳຜັດກັບຜູ້ຕິດເຊື້ອ ທີ່ມາຈາກແຂວງບໍ່ແກ້ວ ຢູ່ງານສົບ ຢູ່ບ້ານນາຝາຍ ເມືອງນານ, ສ່ວນ ອີກ 2 ຄົນ ແມ່ນອາຊີບນັກສຶກສາ (ພັກຮຽນ) ທີ່ໄປຮ່ວມງານສົບງານດຽວກັນ.
ແຂວງໄຊຍະບູລີ 2 ຄົນ, ຜູ້ທີ 1 ແມ່ນເປັນ ເພດຊາຍ ອາຍຸ 37 ປີ, ຜູ້ທີ 2 ເພດຍິງ ອາຍຸ 35 ປີ, ອາຊີບພະນັກງານບໍລິສັດ ທັງສອງໄດ້ໄປຮ່ວມ ຢູ່ງານສົບ ຢູ່ບ້ານນາຝາຍ ເມືອງນານ.
ແຂວງສະຫວັນນະເຂດ 9 ຄົນ, ໃນນັ້ນ ບຸກຄົນທົ່ວໄປ 1 ຄົນ, ຢູ່ສະຖານທີ່ຄຸມຂັງ ມີ 7 ຄົນ ແລະ ສູນຈຳກັດບໍລິເວນ 1 ຄົນ ເຊິ່ງເປັນນັກສຶກສາ ທີ່ມີປະຫວັດພົວພັນກັບພະນັດງານແພດທີ່ຕິດເຊື້ອກ່ອນຫນ້ານັ້ນ.
-ຂໍໍແກ້ຂ່າວ ກ່ຽວກັບການຕິດເຊື້ອໃນຊຸມຊົນ ຢູ່ແຂວງສະຫວັນນະເຂດ ທີ່ໄດ້ຖະແຫຼງຂ່າວໃນມື້ວານນີ້ ວ່າ ພະນັກງານບໍລິສັດລ້ານຊ້າງມິເນໂຣ 5 ຄົນຕິດເຊື້ອນັ້ນ ຂໍ້ມູນດັ່ງກ່າວແມ່ນເກີດຈາກການສື່ສານທີ່ຜິດພາດ ຄວາມຈິງແມ່ນ ພະນັກງານຂັບລົດລັດຕະນະວົງ.
ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 14,104 ຄົນ, ຄົນເຈັບເສຍຊີວິດສະສົມ 12 ຄົນ (ໃໝ່ 1 ຄົນ ຈາກແຂວງສະຫວັນນະເຂດ ເຊິ່ງເປັນເພດຊາຍ, ອາຍຸ 35 ປີ, ບ້ານນາມໍ່, ເມືອງໄຊພູທອງ ຜູ້ກ່ຽວຢູ່ສະຖານທີ່ຄຸມຂັງ, ຖືກເກັບຕົວຢ່າງ ໃນວັນທີ 23 ສິງຫາ, ຜູ້ກ່ຽວເສຍຊີວິດ ວັນທີ 24 ສິງຫາ ກ່ອນຜົນກວດວິເຄາະອອກ ໃນວັນທີ 25 ສິງຫາ 2021) ແລະ ຄົນເຈັບກໍາລັງປິ່ນປົວ ທັງໝົດ 5,885 ຄົນ.
ອ່ານດ່ວນ! ປະຫວັດຜູ້ຕິດເຊື້ອໂຄວິດ-19 ແຂວງສະຫວັນນະເຂດ
ທາມລາຍ ກໍລະນີຜູ້ຕິດເຊື້ອແຂວງສະຫວັນນະເຂດ ເຊິ່ງມີລາຍລະອຽດດັ່ງນີ້:
ສູນປິ່ນປົວພະຍາດໂຄວິດ-19 ແຂວງຈຳປາສັກ ໄດ້ຮັບອຸປະກອນການແພດອົງການ ຈາກປົກຄອງແຂວງ
ຕາມ Media LAOS ລາຍງານ: ໃນວັນທີ 25 ສິງຫາ 2021, ທີ່ສຳນັກງານຫ້ອງວ່າການແຂວງ ໄດ້ມີພິທີມອບ-ຮັບ ອຸປະກອນການແພດ ມູນຄ່າ 876.000.000 ກີບ. ໂດຍ ອົງການປົກຄອງແຂວງ ມອບໃຫ້ແກ່ ສູນປິ່ນປົວພະຍາດໂຄວິດ-19 ແຂວງຈຳປາສັກ. ເປັນກຽດ ກ່າວມອບໂດຍ ທ່ານ ໂສມ ບຸດຕະກຸນ ຮອງເຈົ້າແຂວງຈຳປາສັກ ຜູ້ປະຈຳການ ຊີ້ນຳວຽກງານຕ້ານໂຄວິດ-19 ຂັ້ນແຂວງ ແລະຕາງໜ້າໃຫ້ແກ່ສູນປິ່ນປົວ, ໂຮງໝໍພາກສະໜາມ ກ່າວຮັບໂດຍ ທ່ານ ດຣ.ຄຳສິງ ແກ້ວທອງກຸ ຜູ້ອຳນວຍການໂຮງໝໍແຂວງ ພ້ອມຄະນະ. ໂດຍມີ ທ່ານ ວັນນະໄຊ ຊາດຕະກຸນ ຫົວໜ້າຫ້ອງວ່າການແຂວງ, ຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ຂັ້ນແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ທ່ານ ວັນນະໄຊ ຊາດຕະກຸນ ຫົວໜ້າ ກອງເລຂາຄະນະສະເພາະກິດ ໄດ້ລາຍງານໃຫ້ຮູ້ວ່າ: ການສະໜອງອຸປະກອນດັ່ງກ່າວ ແມ່ນ ອີງໃສ່ ເເຜນຄວາມຮຽກຮ້ອງຕ້ອງການ ແລະການນຳໃຊ້ຕົວຈິງ ຂອງສູນກັກກັນ, ໂຮງໝໍພາກສະໜາມ, ໂຮງໝໍແຂວງຈໍາປາສັກ ແລະເມືອງ/ນະຄອນ ເພື່ອຮັບປະກັນໃຫ້ມີອຸປະກອນການແພດ ພ້ອມນຳໃຊ້ພຽງພໍກັບຄວາມຮຽກຮ້ອງຕ້ອງການຂອງບັນດາສະຖານທີ່ບໍລິການທາງດ້ານສາທາລະນະສຸກ ຄະນະພະລາທິການແພດພະແນກສາທາລະນະສຸກແຂວງຈຳປາສັກ ແລະສຳລັບ ງົບປະມານເພື່ອຈັດຊື້ອຸປະກອນການແພດ ແມ່ນນຳໃຊ້ ບ້ວງເງິນລະດົມ ຮັບໃຊ້ວຽກປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ແຂວງຈຳປາສັກ, ໂດຍແມ່ນ ການ ຈັດຊື້ຂອງ ບໍລິສັດ ຊີບີເອຟ ຟາຣມາ ຈຳກັດ. ແລະ ອຸປະກອນການແພດ ທີ່ມອບ-ຮັບ ໃນເທື່ອນີ້ ປະກອບມີ: 1. Mornitoring ເຄື່ອງຕິດຕາມຄົນເຈັບ ຈຳນວນ: 10 ເຄື່ອງ, 2. Infusion pump ເຄື່ອງປັບຢອດນ້ຳ ຈຳນວນ: 10 ເຄື່ອງ, 3. Uitrasound mobie ເຄື່ອງເອໂກ ຈຳນວນ: 01 ເຄື່ອງ, 4. Incubator ຕູ້ອົບເດັກ ຈຳນວນ: 01 ເຄື່ອງ, 5. Eiectric ObstetricTable ຕຽງເກີດລູກໄຟຟ້າຈຳນວນ: 01 ເຄື່ອງ, 6. D-dimer ເຄື່ອງກວດເລືອດ ຈຳນວນ: 01 ເຄື່ອງ ແລະ 7. ເຄື່ອງກວດປັດໃຈກາມຊີ້ນ ENR ຈຳນວນ: 01 ເຄື່ອງ, ລວມມູນຄ່າທັງໝົດ 876.000.000 ກີບ.
ກັກໂຕ 4 ຄົນ ໃນຂະນະກໍາລັງເສບຢາ ຢູ່ເຮືອນຜູ້ຂາຍຢາເສບຕິດ
ຕາມການລາຍງານ ຂອງປ້ອງກັນຄວາມສະຫງົບນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 23 ສິງຫາ 2021 ພະແນກຕຳຫຼວດປກສ ເມືອງສີໂຄດຕະບອງ ນວ ໄດ້ສົມທົບກັບ ປກສ ກຸ່ມ ແລະ ອຳນາດການປົກຄອງບ້ານ ແກ້ໄຂຈຸດມົ້ວສຸມຢາເສບຕິດ ສາມາດກັກຕົວຜູ້ຖືກຫາໄດ້ 3 ຄົນ ແລະ ກວດພົບເຫັນຢາບ້າ ຈໍານວນ 191 ເມັດ, ຢູ່ເຮືອນຂອງ ທ້າວ ຈອນສັນ ອາຍຸ 21 ປີ ປະຊາຊົນ ບ້ານ ໂນນສະຫວ່າງ ເມືອງສີໂຄດຕະບອງ ຈຶ່ງໄດ້ນຳຕົວຜູ້ກ່ຽວມາດໍາເນີນຄະດີ.
ຜ່ານສອບສວນທ້າວ ຈອນສັນ ສາລະພາບວ່າ: ຢາບ້າຈຳນວນ 190 ເມັດ, ທີ່ເຈົ້າໜ້າກວດພົບເຫັນ ແມ່ນເປັນຂອງຕົນ ຜ່ານມາເຄີຍໄດ້ເຄື່ອນໄຫວຄ້າຂາຍຢາເສບຕິດ ນຳຊາຍຄົນໜຶ່ງ ບໍ່ຮູ້ບ້ານທີ່ຢູ່ຖາວອນ.
ພາຍຫຼັງ, ໄດ້ຢາບ້າມາແລ້ວ ກໍໄດ້ເສບ ແລະ ແບ່ງຂາຍໃຫ້ກຸ່ມໄວລຸ້ນທົ່ວໄປ ທ້າວ ແສງພະຈັນ ຫຼື ຈ່ອຍ ອາຍຸ 16 ປີ ບ້ານທົ່ງປົ່ງ ເມືອງສີໂຄດຕະບອງ ຮັບສາລະພາບ ວ່າ: ຢາບ້າ ຈຳນວນ 1 ເມັດ, ແມ່ນຂອງຕົນແທ້ ຜ່ານມາໄປຮັບຢາບ້າມາໃຫ້ ທ້າວ ຈອນສັນ ໄດ້ຮັບຄ່າຕອບແທນແຮງງານເປັນຢາບ້າ ເທື່ອລະ 1-2 ເມັດ; ທ້າວ ກຸ້ງ ອາຍຸ 22 ປີ, ປະຊາຊົນ ບ້ານວຽງສະຫັວນ ເມືອງສີໂຄດຕະບອງ ແລະ ນາງ ນໍ້າຝົນ ອາຍຸ 18 ປີ ປະຊາຊົນ ບ້ານໂນນສະຫວ່າງ ເມືອງສີໂຄດຕະບອງ ນວ ທັງ 2 ມີສ່ວນພົວພັນກັບກຸ່ມຄົນ ທີ່ມີການເຄື່ອນໄຫວເສບ ແລະ ຊື້-ຂາຍຢາເສບຕິດ ແຕ່ເວລາກັກຕົວບໍ່ມີຢາບ້າ ເຈົ້າໜ້າທີ່ ຈິ່ງໄດ້ສົມທົບກັບອຳນາດການປົກຄອງບ້ານ ສຶກສາອົບຮົມ ແລະ ເຮັດບົດບັນທຶກຊ່ອງໜ້າ ແລ້ວມອບໃຫ້ຜູ້ປົກຄອງ ຮັບປະກັນໄປ.
ປັດຈຸບັນຄະດີດັ່ງກ່າວ ຢູ່ໃນຂັ້ນຕອນສືບສວນ-ສອບສວນ ຂອງກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ ເພື່ອເປີດກວ້າງຂະຫຍາຍຜົນ ສືບຄົ້ນຫາກຸ່ມແກ້ງທີ່ຮ່ວມຂະບວນການ ມາດຳເນີນຄະດີ.