ສູນຂໍ້ມູນຂ່າວສານການແພດສຸຂະສຶກສາ
ລາຍລະອຽດພາຍຫຼັງ
ວັກຊີນ Astrazenica 100,000 ໂດສ ມາຮອດລາວແລ້ວ!
ວັກຊິນປ້ອງກັນພະຍາດ COVID-19 Astrazenica ຈຳນວນ 100,000 ໂດສ ມາຮອດ ສປປ ລາວ ແລ້ວ!
ໃນວັນນີ້ 19 ທັນວາ 2021, ວັກຊິນປ້ອນກັນພະຍາດ COVID-19 Astrazenica ຈຳນວນ 100,000 ໂດສ ເຊິ່ງເປັນການຊ່ວຍເຫຼືອຈາກລັດຖະບານອົດສະຕຣາລີ (Australia), ວັກຊິນດັ່ງກ່າວແມ່ນນອນຢູ່ໃນຈຳນວນ 1,000,000 ໂດສ ທີ່ລັດຖະບານແຫ່ງປະເທດ ອົດສະຕຣາລີ ໄດ້ຕົກລົງຈະຊ່ວຍ ສປປລາວ.”
ຂໍຂອບໃຈຫຼາຍໆ
ຂໍ້ມູນຈາກ: Sourioudong Sundara
ລາຍລະອຽດຜູ້ເສຍຊີວິດໃໝ່ ວັນທີ 19 ທັນວາ 2021
ສະພາບການການຕິດເຊື້ອພະຍາດໂຄວິດ19 ຢູ່ປະເທດເຮົາໃນປະຈຸບັນເຫັນວ່າມີການຕົວເລກການຕີດເຊື້ອໃນ ຊຸມຊົນເພີ້ມຂຶ້ນຫຼາຍຢ່າງຕໍ່ເນື່ອງ, ໃນມື້ວານ ວັນທີ 18 ທັນວາ 2011, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊື້ອໂຄວິດ-19 ທັງຫມົດ 6,838 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງຫມົດ 1,067 ຄົນ (ຕິດເຊື້ອພາຍໃນ ມີ 1,066 ຄົນ ແລະ ຕິດເຊື້ອນໍາເຂົ້າ 01 ຄົນ) ເຮັດໃຫ້ຕົວເລກຜູ້ຕິດເຊື້ອ ພະຍາດໂຄວິດ 19 ສະສົມໃນ ສປປ ລາວ ຮອດປະຈຸບັນ ແມ່ນ 98,572 ຄົນ, ເສຍຊີວິດສະສົມ 273 ຄົນ (ໃນນີ້ເສຍຊີວິດ ໃຫມ່ 05 ຄົນ), ປິ່ນປົວຫາຍດີ ແລະ ກັບບ້ານໃນມື້ວານ ມີ 687 ຄົນ, ກໍາລັງປິ່ນປົວ 12,714 ຄົນ(ແມ່ນ 12.89 % ແລະ ທີ່ຜູ້ປິ່ນປົວຫາຍດີແລ້ວ ແມ່ນມີເຖິງ 86.82% ຂອງຈໍານວນຜູ້ຕິດເຊື້ອສະສົມທັງຫມົດ.)
ຂໍ້ມູນສໍາລັບຄົນທີ່ເສຍຊີວິດໃຫມ່ 05 ຄົນ:
1. ເພດຍິງ ອາຍຸ 65 ປີ, ອາຊີບ ປະຊາຊົນ, ບ້ານນາໄກ່, ເມືອງ ວຽງໄຊ, ແຂວງ ຫົວພັນປະຫວັດພະຍາດປະຈໍາຕົວ: ຄວາມດັນເລືອດສູງ
2. ເພດຊາຍ, ອາຍຸ 50 ປີ, ບ້ານ ສວນຫລວງ, ເມືອງ ຊຽງເງິນ, ແຂວງຫຼວງພະບາງ – ປະຫວັດພະຍາດປະຈໍາຕົວ: ຜ່ານມາບໍ່ໄດ້ກວດສຸຂະພາບ – ສັກວັກຊີນກັນໂຄວິດ-19 ຄົບ
3. ເພດຊາຍ, ອາຍຸ 3 ເດືອນ, ບ້ານ ທົ່ງນາມີ , ເມືອງປາກກະດິງ, ແຂວງບໍລິຄໍາໄຊ – ພະຍາດປະຈໍາຕົວ: ບໍ່ມີ – ບໍ່ໄດ້ຮັບການສັກຢາວັກຊີນກັນໂຄວິດ-19
4. ເພດຍິງ, ອາຍຸ 29 ປີ, ບ້ານ ຂາມງອຍ, ເມືອງໄຊເສດຖາ, ນະຄອນຫຼວງວຽງຈັນ (ຖືພາ 8 ເດືອນປາຍ)
– ບໍ່ໄດ້ຮັບການສັກຢາວັກຊີນກັນໂຄວິດ-19 5. ເພດຍິງ,ອາຍຸ 42 ປີ, ບ້ານຫນອງບົວທອງ, ເມືອງສີໂຄດຕະບອງ, ນະຄອນຫຼວງວຽງຈັນ – ພະຍາດປະຈໍາຕົວ: ລະບົບປະສາດ – ບໍ່ໄດ້ຮັບການສັກຢາວັກຊີນກັນໂຄວິດ-19.
ລາຍງານຕົວເລກຜູ້ຕິດເຊື້ອໃໝ່ປະຈຳວັນ
ຕາມການລາຍງານຈາກສູນຂ່າວສານການແພດສຸຂະສຶກສາ ວັນທີ 19 ທັນວາ 2021 ໃຫ້ຮູ້ວ່າ:
ລາຍລະອຽດພາຍຫຼັງ
ຂໍໃຫ້ທຸກຄົນຈົ່ງຮັກສາສຸຂະພາບຕົນເອງ ແລະ ຄອບຄົວໃຫ້ແຂງແຮງຢູ່ຕະຫຼອດ.
ລາຍລະອຽດຜູ້ເສຍຊີວິດໃໝ່ມື້ນີ້ +2
ຕາມການລາຍງານ ຂອງຂອງຄະນະສະເພາະກິດປະຈຳວັນທີ 18 ທັນວ່າ 2021 ໃຫ້ຮູ້ວ່າ: ການຕິດເຊື້ອພາຍໃນໃຫມ່ ທັງຫມົດ 1,247 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ເຊິ່ງຈະລຽງລໍາດັບແຕ່ແຂວງຫຼາຍຫາຫນ້ອຍມີລາຍລະອຽດ ດັ່ງນີ້:
1. ນະຄອນຫຼວງ 540 ຄົນ ໃນ 208 ບ້ານ ແລະ 8 ເມືອງ
2. ຫຼວງນ້ໍາທາ ມີ 126 ຄົນ
3. ບໍ່ແກ້ວ ມີ 115 ຄົນ
4. ອຸດົມໄຊ ມີ 64 ຄົນ
5.ຄໍາມ່ວນ ມີ 59 ຄົນ
6.ຫຼວງພະບາງ ມີ 56 ຄົນ
7. ແຂວງວຽງຈັນ ມີ 49 ຄົນ
8. ບໍລິຄໍາໄຊ ມີ 45 ຄົນ
9.ສະຫວັນນະເຂດ ມີ 32 ຄົນ
10. ຈໍາປາສັກ ມີ 29 ຄົນ
11. ຜົ້ງສາລີ ມີ 28 ຄົນ
12. ໄຊຍະບູລີ ມີ 26 ຄົນ
13. ຊຽງຂວາງ ມີ 26 ຄົນ
14. ໄຊສົມບູນ ມີ 24 ຄົນ
15. ຫົວພັນ ມີ 12 ຄົນ
16. ເຊກອງ ມີ 7 ຄົນ
17. ສາລະວັນ ມີ 5 ຄົນ
18. ອັດຕະປື ມີ 4 ຄົນ
ຂໍ້ມູນສໍາລັບຄົນທີ່ເສຍຊີວິດໃຫມ່ 02 ຄົນ:
– ເພດຊາຍ, ອາຍຸ 26 ປີ, ອາຊີບ: ຫວ່າງງານ, ບ້ານ: ຫນອງບົວ, ເມືອງ ສິງ, ແຂວງຫຼວງນ້ໍາທາ
- ປະຫວັດພະຍາດປະຈໍາຕົວ: ພະຍາດຕັບແຂງ
- ບໍ່ໄດ້ຮັບການສັກວັກຊີນກັນໂຄວິດ-19
– ເພດຊາຍ, ອາຍຸ 81 ປີ, ບ້ານ ຫນອງບົວວຽງ, ເມືອງ ຫຼວງນ້ໍາທາ, ແຂວງ ຫຼວງນ້ໍາທາ
- ປະຫວັດພະຍາດປະຈໍາຕົວ: ປອດອັກເສບ, ພະຍາດໄຂ່ຫຼັງ
- ບໍ່ໄດ້ຮັບການສັກວັກຊີນກັນໂຄວິດ-19
.
ປະທານປະເທດ ເຄື່ອນໄຫວຢ້ຽມຢາມ ໂຮງງານຜະລິດເປັນແປ້ງສໍາເລັດຮູບ ຢູ່ແຂວງເຊກອງ
ຕອນບ່າຍວັນທີ 16 ທັນວາ 2021 ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ພ້ອມດ້ວຍ ທ່ານ ເຫລັກໄຫລ ສີວິໄລ ເລຂາພັກແຂວງ, ເຈົ້າແຂວງເຊກອງ ແລະ ຄະນະ ໄດ້ເຄື່ອນໄຫວຢ້ຽມຢາມເມືອງທ່າແຕງ ເພື່ອຕິດຕາມຊຸກຍູ້ສະພາບການພັດທະນາພາຍໃນເມືອງ ໂດຍສະເພາະ ໄດ້ໄປເບິ່ງສະຖານທີ່ໂຮງານຜະລິດມັນຕົ້ນ ຂອງບໍລິສັດຄູນມີໄຊ ຕັ້ງຢູ່ເມືອງທ່າແຕງ.ບໍລິສັດ ຄູນມີໄຊ ໄດ້ທໍາການຜະລິດມັນຕົ້ນສໍາເລັດຮູບ ເພື່ອສົ່ງອອກ, ເຊິ່ງເປັນບໍລິສັດໜຶ່ງ ທີ່ໄດ້ສ້າງອາຊີບ, ສ້າງວຽກເຮັດງານທໍາໃຫ້ປະຊາຊົນພາຍໃນເມືອງທ່າແຕງ ແລະ ເມືອງອ້ອມຂ້າງ ດ້ວຍການເກັບຊື້ຜົນຜະລິດມັນຕົ້ນ ເພື່ອປ້ອນເຂົ້າໂຮງງານຜະລິດເປັນແປ້ງສໍາເລັດຮູບ ສົ່ງອອກຕ່າງປະເທດ.
ໂອກາດນີ້, ທ່ານ ທອງລຸນ ສີສຸລິດ ກໍໄດ້ມີຄໍາເຫັນໂອ້ລົມ ແລະ ເນັ້ນໃຫ້ຂະແໜງການກ່ຽວຂ້ອງຂັ້ນແຂວງ, ຂັ້ນເມືອງ ແລະ ບໍລິສັດ ຕ້ອງໄດ້ປະສານສົມທົບເຊິ່ງກັນ ແລະ ກັນຢ່າງຮັດກຸມ, ໂດຍນໍາໃຊ້ທ່າແຮງທີ່ມີພາຍໃນເມືອງ ແລະ ແຂວງ. ຄຽງຄູ່ກັນນີ້, ກໍຕ້ອງສົ່ງເສີມອາຊີບ ສ້າງວຽກເຮັດງານທໍາໃຫ້ປະຊາຊົນພາຍໃນເມືອງ ກໍຄື ແຂວງ ດ້ວຍການສົ່ງເສີມໃຫ້ປະຊາຊົນປູກມັນຕົ້ນໃຫ້ຫລາຍ ເພື່ອສະໜອງມັນຕົ້ນດິບປ້ອນເຂົ້າໂຮງານ, ປະກອບສ່ວນມອບພັນທະອາກອນ, ຄ່າທໍານຽມຕ່າງໆ ໃຫ້ຖືກຕ້ອງຕາມລະ ບຽບກົດໝາຍ ເພື່ອພ້ອມກັນປະກອບສ່ວນເຂົ້າການສ້າງສາ ແລະ ພັດທະນາປະເທດຊາດ ກໍຄື ແຂວງເຊກອງ ໃຫ້ມີໃບໜ້າໃໝ່.
ຂໍ້ມູນ: ຂປລ
ລາວກຳນົດ 3 ແຜນບູລິມະສິດ ກຽມຮັບນັກທ່ອງທ່ຽວເຂົ້າປະເທດ
ສປປ ລາວ ກຳນົດ 3 ແຜນບູລິມະສິດ ກຽມຮັບນັກທ່ອງທ່ຽວເຂົ້າປະເທດ
ຂປລ. ໃນວັນທີ 15 ທັນວາ 2021, ທີ່ນະຄອນຫລວງວຽງຈັນ ໃນໂອກາດເຂົ້າຮ່ວມກອງປະຊຸມ ຄະນະຮັບຜິດຊອບກະກຽມແຜນເປີດປະເທດ ເພື່ອຕ້ອນຮັບນັກທ່ຽວທ່ຽວ, ທ່ານ ອິນທີ ເດືອນສະຫວັນ ໄດ້ຕາງໜ້າໃຫ້ສະພາອຸດສາຫະກຳ ແລະ ການຄ້າແຫ່ງຊາດລາວ ນຳສະເໜີແນວຄວາມຄິດ ເປີດເຂດການທ່ອງທ່ຽວສີຂຽວ ເພື່ອການທ່ອງທ່ຽວທີ່ປອດໄພຈາກພະຍາດໂຄວິດ-19 ໃນ ສປປ ລາວ ຫລື Laos Green Travel Zone ໂດຍ ທ່ານ ໄດ້ນຳສະເໜີ 3 ແຜນບູລິມະສິດ ກຽມຮັບນັກທ່ອງທ່ຽວເຂົ້າມາ ສປປ ລາວ.
ທ່ານ ອິນທີ ເດືອນສະຫວັນ ໄດ້ໃຫ້ຮູ້ວ່າ: ການເປີດເຂດການທ່ອງທ່ຽວສີຂຽວ ເພື່ອການ ທ່ອງທ່ຽວທີ່ປອດໄພຈາກພະຍາດໂຄວິດ-19 ໃນ ສປປ ລາວ ຫລື Laos Green Travel Zone ເປັນການເປີດການທ່ອງທ່ຽວທີ່ເນັ້ນທຳມະຊາດ ແລະ ສີຂຽວ, ເຊິ່ງປະເທດລາວ ກໍມີຄວາມອຸດົມສົມ ບູນທາງດ້ານທຳມະຊາດ ແລະ ສີຂຽວ ເປັນສັນຍາລັກຂອງຄວາມປອດໄພ, ສະນັ້ນຈຶ່ງເກີດມີເຂດການທ່ອງທ່ຽວສີຂຽວ ໃນການເປີດການທ່ອງທ່ຽວນີ້ ໄດ້ແບ່ງເປັນ 3 ແຜນບູລິມະສິດ ຄື:
-ແຜນບູລິມະສິດທີ 1 ເປີດໃນວັນທີ 1 ມັງກອນ 2022 ໂດຍຈະເປີດເຂດທ່ອງທ່ຽວສີຂຽວ ຢູ່ນະຄອນຫລວງວຽງຈັນ, ເມືອງວັງວຽງ ແຂວງວຽງຈັນ ແລະ ຫລວງພະບາງ; ເປີດເສັ້ນທາງສີຂຽວ ຫລື Green travel Trail ແມ່ນສະຖານທີ່ພັກ ຫລື ແຫລ່ງທ່ອງທ່ຽວທີ່ກຳນົດ ມີ: ແຂວງອຸດົມໄຊ, ໄຊຍະບູລີ, ຊຽງຂວາງ, ຄຳມ່ວນ ແລະ ຈຳປາສັກ; ສຳລັບດ່ານເຂົ້າອອກ ແມ່ນຈະເປີດຢູ່ 2 ຈຸດ ຄື: ສະໜາມບິນສາກົນວັດໄຕ ແລະ ຂົວມິດຕະພາບທີ 1 (ວຽງຈັນ-ໜອງຄາຍ).
-ແຜນບູລິມະສິດທີ 2 ເປີດໃນວັນທີ 1 ເມສາ 2022 ໂດຍຈະເປີດເຂດທ່ອງທ່ຽວສີຂຽວ ຢູ່ 9 ແຂວງ ຄື: ນະຄອນຫລວງວຽງຈັນ, ແຂວງວຽງຈັນ, ຫລວງພະບາງ, ອຸດົມໄຊ, ໄຊຍະບູລີ, ຊຽງຂວາງ, ຄຳມ່ວນ, ສະຫວັນນະເຂດ ແລະ ແຂວງຈຳປາສັກ; ເປີດເສັ້ນທາງສີຂຽວ ຫລື Green travel Trail ສະຖານທີ່ພັກ ຫລື ແຫລ່ງທ່ອງທ່ຽວທີ່ກຳນົດ ມີ: ເມືອງຫ້ວຍຊາຍ (ແຂວງບໍ່ແກ້ວ), ເມືອງຫລວງນ້ຳທາ (ແຂງຫລວງນ້ຳທາ), ເຊກອງ ແລະ ສາລະວັນ; ສຳລັບດ່ານເຂົ້າອອກເປີດຢູ່ 9 ຈຸດ ຄື: ສະໜາມບິນສາກົນວັດໄຕ, ສະໜາມບິນສາກົນຫລວງພະບາງ, ດ່ານບໍ່ເຕ່ນ (ລາວ-ຈີນ), ຂົວມິດຕະພາບ (ວຽງຈັນ-ໜອງຄາຍ), ຂົວມິດຕະພາບ (ທ່າແຂກ-ນະຄອນພະນົມ), ຂົວມິດຕະພາບ (ສະຫວັນນະເຂດ-ມຸກດາຫານ), ດ່ານຊ່ອງເມັກ (ປາກເຊ-ອຸບົນລາດຊະທານີ), ດ່ານລາວບາວ (ລາວ-ຫວຽດນາມ) ແລະ ດ້ານຫລັກຊາວ (ລາວ-ຫວຽດນາມ)
-ແຜນບູລິມະສິດທີ 3 ຄື ເປີດທົ່ວປະເທດ ແມ່ນວັນທີ 1 ກໍລະກົດ 2022. ສຳລັບເງື່ອນໄຂຂອງຜູ້ປະກອບການ ທີ່ຈະເຂົ້າຮ່ວມເຂດການທ່ອງທ່ຽວສີຂຽວ ບັນດາໂຮງແຮມ, ຮ້ານອາຫານ, ສະຖານທີ່ທ່ອງທ່ຽວ, ລົດນຳທ່ຽວ, ພະນັກງານນຳທ່ຽວຕ້ອງໄດ້ສັກວັກຊິນໃຫ້ຄົບໂດສ ແລະ ເຂົ້າຮ່ວມການຝຶກອົບຮົບ, ດາວໂຫລດ ແລະ ອ່ານຄູ່ມືການນຳໃຊ້ຂອງ Lao Stay Safe. ສ່ວນເງື່ອນໄຂຂອງນັກທ່ອງທ່ຽວ ທີ່ຈະເດີນທາງເຂົ້າມາ ສປປ ລາວ ຕ້ອງຜ່ານບໍລິສັດທ່ອງທ່ຽວ, ສັກວັກຊິນປ້ອງກັນໂຄວິດ-19 ຄົບສອງເຂັມ ຫລາຍກວ່າ 14 ວັນຂຶ້ນໄປ, ມີຜົນກວດເປັນລົບຈາກການກວດ RC PCR ບໍ່ເກີນ 72 ຊົ່ວໂມງ ກ່ອນເຂົ້າເຖິງລາວ. ພ້ອມນີ້, ຍັງມີເງື່ອນໄຂຂອງນັກທ່ອງທ່ຽວ ກ່ອນຈະໄດ້ຮັບອະນຸຍາດເຂົ້າລາວ ແລະ ທ່ອງທ່ຽວ ຕ້ອງດາວໂຫລດແອບ Lao Stay Safe, ມີປະກັນໄພຄວບຄຸມ ມູນຄ່າຢ່າງຕໍ່າ 50 ພັນໂດລາສະຫະລັດ ແລະ ກວດ RC PCR ຢູ່ສະໜາມບິນ ແລະ ລໍຖ້າຜົນກວດບໍ່ເກີດ 24 ຊົ່ວໂມງ.
ຂໍ້ມູນ: ປະເທດລາວ
ປະເທດໂປແລນ ມອບວັກຊິນ 138.600 ໂດສ ໃຫ້ລາວ
ໃນວັນທີ 16 ທັນວາ 2021 ຢູ່ກະຊວງສາທາລະນະສຸກ ໄດ້ຈັດພິທີມອບ-ຮັບ ວັກຊິນAstarZeneca ຈາກປະເທດໂປແລນ ຈຳນວນ 138.600 ໂດສ, ຕາງໜ້າຮັບ ໂດຍທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາ ທາລະນະສຸກ ແລະ ມອບໂດຍ ທ່ານ ເວັງຊອງ ເວຍ ອຸປະທູດ ຂອງສະຫະ ພາບເອີຮົບ ປະຈຳ ສປປ ລາວ, ພ້ອມດ້ວຍຜູ້ຕາງທັງສອງຝ່າຍ ເຂົ້າຮ່ວມ. ທ່ານ ບຸນແຝງ ພູມມະໄລສິດ ກ່າວວ່າ:
ລັດຖະບານ ສປປ ລາວ ມີຄວາມຍິນດີທີ່ໄດ້ຮັບວັກຊິນໃນຊຸດນີ້ ແລະ ຂໍຂອບໃຈລັດຖະບານໂປແລນ ໃນການປະກອບສ່ວນອັນສຳຄັນໃນຄັ້ງນີ້, ເຊິ່ງເປັນການປະກອບສ່ວນຢ່າງໃຫຍ່ຫລວງໃຫ້ ສປປ ລາວ ໂດຍສະເພາະ ໄລຍະທີ່ກະຊວງ ສາທາລະນະສຸກ ພວມສັກເຂັມສາມໃຫ້ແກ່ປະຊາຊົນລາວ.
ການບໍລິຈາກວັກຊິນຈາກປະ ເທດໂປແລນ ແມ່ນເປັນສ່ວນໜຶ່ງຂອງຄວາມສາມັກຄີໃນທົ່ວໂລກຂອງທີມເອີຣົບ ທີ່ໃຫ້ການສະໜັບສະໜູນໃຫ້ແກ່ ສປປ ລາວ ທີ່ມີມາຢ່າງຕໍ່ ເນື່ອງ ໃນການຕ້ານການແຜ່ລະ ບາດຂອງໂຄວິດ ແລະ ຜົນກະທົບຂອງມັນ. ພວກເຮົາດີໃຈທີ່ມີການປະກອບສ່ວນຄັ້ງນີ້, ຈະຊ່ວຍໃຫ້ລັດ ຖະບານລາວເລັ່ງຂະບວນການສັກວັກຊິນ ເພື່ອສ້າງພູມຄຸມກັນໃຫ້ແກ່ປະຊາຊົນລາວ ໃຫ້ກວມເອົາໄດ້ຈຳ ນວນທີ່ຫລາຍຂຶ້ນ.
ລາຍລະອຽດຜູ້ເສຍຊີວິດໃໝ່ມື້ນີ້ 17 ທັນວາ 2021
ຕາມກາລາຍງານ ຂອງຄະນະສະເພາະກິດປະຈຳວັນໃຫ້ຮູ້ວ່າ ສປປ ລາວ ມີຜູ້ຕິດເສຍຊີວິດໃໝ່ມື້ນີ້ +4 ລວມສະສົມແລ້ວ 266 ຄົນ
ຂໍ້ມູນເບື້ອງຕົ້ນ ຜູ້ເສຍຊີວິດໃໝ່ 4 ຄົນ, ລາຍລະອຽດດ່ັງນີ້:
ຜູ້ທີ 1: ເພດຍິງ ອາຍຸ ອາຍຸ 55 ປີ, ອາຊີບ: ຊາວນາ, ບ້ານ ມອມ, ເມືອງ ຕົ້ນເຜິ້ງ, ແຂວງ ບໍ່ແກ້ວ
- ພະຍາດປະຈໍາຕົວ : ຄວາມດັນເລືອດສູງ ແລະ ເບົາຫວານ.
- ຜ່ານມາໄດ້ສັກວັກຊີນຄົບ
2. ເພດຊາຍ ອາຍຸ 51 ປີ, ອາຊີບ: ພະນັກງານຄູ, ບ້ານ ນ້ຳກໍ່, ເມືອງ ຫ້ວຍຊາຍ, ແຂວງ ບໍ່ແກ້ວ
- ພະຍາດປະຈຳຕົວ : ເປັນອຳມະພາດໄດ້ 10 ປາຍມື້
- ສັກວັກຊີນຄົບ
3.ເພດຊາຍ, ອາຍຸ 35 ປີ, ບ້ານ ຂອນແກ້ວ, ເມືອງ ຫ້ວຍຊາຍ, ແຂວງ ບໍ່ແກ້ວ (ຢູ່ສະຖານທີ່ຄຸມຂັງ)
- ພະຍາດປະຈຳຕົວ : ອັກເສບປອດ
- ບໍ່ໄດ້ສັກຢາວັກຊີນ
4. ເພດຊາຍ 58 ປີ, ບ້ານ ນາເລົາ, ເມືອງ ໂພນໂຮງ, ແຂວງ ວຽງຈັນ
- ພະຍາດປະຈຳຕົວ: ຄວາມດັນເລືອດສູງ
- ບໍ່ໄດ້ສັກຢາວັກຊີນ
ພັນຕໍ່ເນື່ອງ! ລາຍງານຕົວເລກຜູ້ຕິດເຊື້ອໃໝ່ປະຈຳວັນ
ຕາມການລາຍງານ ຂອງສູນຂ່າວສານການແພດສຸຂະສຶກສາ ປະຈຳວັນທີ 17 ທັນວາ 2021 ລາຍງານ:
ເຫັນວ່າ ນະຄອນຫຼວງວຽງຈັນຍັງມີຜູ້ຕິດເຊື້ອໂຄວິດ-19 ຫຼາຍກວ່າໝູ່ ທັງຜູ້ຕິດເຊື້ອໃໝ່ປະຈຳວັນ ແລະ ຜູ້ຕິດເຊື້ອສະສົມ.
ລາຍງານພາຍຫຼັງ