ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ອອກແຈ້ງການ ເຖິງຫ້ອງການອຸດສາຫະກຳ ແລະ ການຄ້າ 9 ຕົວເມືອງ ໃນນະຄອນຫຼວງວຽງຈັນ

ຜູ້ອໍານວຍການ, ຜູ້ຈັດການ, ເຈົ້າຂອງວິສາຫະກິດ, ບໍລິສັດຂາອອກ – ຂາເຂົ້າ, ສູນການຄ້າ, ຮ້ານສັບພະສິນຄ້າ, ຮ້ານຄ້າຊຸບເປີມາກ – ມິນິມາກ, ຕະຫຼາດ, ຮ້ານຄ້າຂາຍຍົກ – ຂາຍຍ່ອຍທົ່ວໄປ ໃນນະຄອນຫຼວງວຽງຈັນ.

ເລື່ອງ : ໃຫ້ເອົາໃຈໃສ່ ຕິດຕາມ, ກວດກາ ຫ້າມສວຍໂອກາດຂຶ້ນລາຄາສິນຄ້າ, ວາງຂາຍສິນຄ້າຊະຊາຍ ແລະ ຂາຍສິນຄ້າເກືອດຫ້າມທີ່ເປັນການລະເມີດລະບຽບກົດໝາຍ ພ້ອມທັງກະຕ່າຂອງຂວັນຕ່າງໆ ໃນໄລຍະແຕ່ນີ້ ຫາບຸນປີໃຫມ່ ຂອງຊາວຈີນ ແລະ ຫວຽດນາມ ປີ 2022 ເຊິ່ງມີລາຍລະອຽດດັ່ງນີ້:

ແຈ້ງການພາສາລາວ

ແຈ້ງການພາສາຈີນ

.

ແຈ້ງການພາສາຫວຽດນາມ

ຕາມການລາຍງານ ຂອງຄະນະສະເພາະກິດປະຈຳວັນໃນວັນທີ 14 ມັງກອນ 2022 ໂດຍ ທ່ານ ດຣ ຣັດຕະນະໄຊ ເພັດສຸວັນ ໄດ້ແນະນຳກ່ຽວກັບສິ່ງທີ່ຄວນປະຕິບັດ ເມື່ອທ່ານກັກໂຕ ຢູ່ເຮືອນ ຫຼື ສະຖານທີ່ພັກເຊົາຂອງຕົນ (Home Isolation):

• ກິນເຂົ້າຄົນດຽວ ແລະ ຄວນແຍກເຄື່ອງໃຊ້ສ່ວນຕົວ ກັບ ສະມາຊິກໃນຄອບຄົວ
• ງົດການອອກຈາກບ້ານ ຕະຫຼອດເວລາ
• ໃຊ້ຫ້ອງນ້ຳແຍກຈາກຄົນອື່ນ ກໍລະນີບໍ່ສາມາດແຍກໄດ້ ໃຫ້ໃຊ້ຫ້ອງນ້ຳເປັນຄົນສຸດທ້າຍ, ປິດຝາຊັກໂຄກກ່ອນກົດໄລນ້ຳທຸກຄັ້ງ ແລະ ເຮັດຄວາມສະອາດຈຸດທີ່ສຳຜັດ ເຊັ່ນ: ປຸ່ມກົດຊັກໂຄກ, ກ໋ອກນ້ຳ ແລະ ບໍລິເວນອື່ນໆ ດ້ວຍນ້ຳຢາຂ້າເຊື້ອທັນທີ
• ຄວນໃສ່ຜ້າປິດປາກ-ດັງ ຕະຫຼອດເວລາ ທີ່ຕ້ອງພົບ ຫຼື ໂອ້ລົມກັບ ຍາດຕິພີ່ນ້ອງ ແລະ ຜູ້ດູແລ ພ້ອມດຽວກັນ ກໍ່ຕ້ອງຮັກສາໄລຍະຫ່າງ ຢ່າງໜ້ອຍໃຫ້ໄດ້ 1 ແມັດຂຶ້ນໄປ
• ງົດການໃຫ້ບຸກຄົນອື່ນມາຢ້ຽມ ຢູ່ເຮືອນ ໃນໄລຍະທີ່ທ່ານກັກໂຕຢູ່
• ລ້າງມືດ້ວຍສະບູ່ ແລະ ນ້ຳສະອາດ ຫຼື ເຈວທີ່ມີສ່ວນຜະສົມຂອງທາດເຫຼົ້າ ເປັນປະຈຳ
• ແຍກເຄື່ອງຊັກຕາງຫາກ ຕາກແດດໃຫ້ແຫ້ງ ເພື່ອຂ້າເຊື້ອ
• ແຍກຖ້ວຍ, ບ່ວງ, ຈອກ ແລະ ນ້ຳຢາລ້າງຖ້ວຍ ຕາງຫາກ
• ຖິ້ມຜ້າປິດປາກ-ດັງ, ເຈ້ຍທິດຊູ່ ທີ່ໃຊ້ແລ້ວ ໃສ່ຖົງຂີ້ເຫຍື້ອຕາງຫາກ ແລະ ປິດປາກຖົງຂີ້ເຫຍື້ອໃຫ້ແໜ້ນ  
• ສຳລັບ ຜູ້ດູແລ ຫາກມີຄວາມຈຳເປັນຕ້ອງໂອ້ລົມ ກັບ ຜູ້ທີ່ກັກໂຕ ໃຫ້ໃສ່ຜ້າປິດປາກ-ດັງ ຕະຫຼອດເວລາ​, ຮັກສາໄລຍະຫ່າງ 1 ແມັດຂຶ້ນໄປ, ໝັ່ນລ້າງມືດ້ວຍສະບູ່ ແລະ ນ້ຳສະອາດ ຫຼື ເຈວທີ່ມີສ່ວນຜະສົມຂອງທາດເຫຼົ້າເລື້ອຍໆ.
• ສ່ວນການຈັດສົ່ງອາຫານ ແລະ ນ້ຳດື່ມ ອາດໃຊ້ວິທີ ແຂວນໄວ້ທີ່ລູກບິດປະຕູໜ້າຫ້ອງແທນ.  

ທາງທີມງານໂທລະໂຄ່ງຂໍໃຫ້ທຸກຄົນປອດໄພຈາກໂຄວິດ-19

ຮ່າງດຳລັດວ່າດ້ວຍການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແຫ່ງຊາດ ແລະ ແຜນງົບປະມານ ແຫ່ງລັດ ປີ 2022 ທີ່ໄດ້ຜ່ານໃນກອງປະຊຸມລັດຖະບານ ຊຸດທີ IX ເປີດກວ້າງ ຄັ້ງທີ II, ລັດຖະບານໄດ້ວາງຄາດໝາຍສູ້ຊົນວ່າ:

ຈະສູ້ຊົນໃຫ້ລວມຍອດມູນຄ່າຜະລິດຕະພັນພາຍໃນ (GDP) 2022 ໃຫ້ເພີ່ມຂຶ້ນຢ່າງໜ້ອຍຢູ່ໃນລະດັບ 4,5%, ມີມູນຄ່າຕາມລາຄາໃນປີ 192.145 ຕື້ ກີບ, ສະເລ່ຍຕໍ່ຫົວຄົນເທົ່າກັບ 2.503 ໂດລາ. ລາຍໄດ້ແຫ່ງຊາດ (GNI) ສະເລ່ຍຕໍ່ຫົວຄົນເທົ່າກັບ 2.358 ໂດລາ, ໃນນີ້ ການຂະຫຍາຍຕົວ GDP ແຍກຕາມຂົງເຂດ-ຂະແໜງການ ມີຄື: ກະສິກໍາ ເພີ່ມຂຶ້ນ 2,7% ກວມເອົາ 16,7% ຂອງ GDP; ອຸດສະຫະກໍາ ເພີ່ມຂຶ້ນ 5,3% ກວມເອົາ 34,0% ຂອງ GDP; ການບໍລິການເພີ່ມຂຶ້ນ 4,5% ກວມເອົາ 38,9% ຂອງ GDP; ພາສີ-ອາກອນເພີ່ມຂຶ້ນ 4,0%, ກວມເອົາ 10,4% ຂອງ GDP.ລັດຖະບານ ໄດ້ວາງຄາດໝາຍສູ້ຊົນ ໃນການຮັບປະກັນສະຖຽນລະພາບທາງດ້ານເງິນຕາ ແຫ່ງຊາດໃຫ້ມີຄວາມໝັ້ນທ່ຽງ, ອັດຕາເງິນເຟີ້ຢູ່ໃນລະດັບບໍ່ເກີນ 5%, ອັດຕາແລກປ່ຽນເງິນກີບທຽບໃສ່ໂດລາ ເໜັງຕີງໃນກອບເພີ່ມຂຶ້ນ ຫຼື ຫຼຸດລົງ ບໍ່ໃຫ້ເກີນ 5% ຕໍ່ປີ, ຮັບປະກັນຄັງສໍາຮອງເງິນຕາຕ່າງປະເທດ ສາມາດກຸ້ມການນໍາເຂົ້າຢ່າງໜ້ອຍ 3 ເດືອນ, ຄວບຄຸມປະລິມານ M2 ໃຫ້ເພີ່ມຂຶ້ນຢູ່ໃນລະດັບບໍ່ເກີນ 22%; ຊຸກຍູ້ທະນາຄານທຸລະກິດລະດົມເງິນຝາກເພີ່ມຂຶ້ນ ເຮັດໃຫ້ຍອດເຫຼືອເງິນຝາກຢູ່ທົ່ວລະບົບທະນາຄານທຸລະກິດ ບັນລຸໄດ້ 70% ຂອງ GDP ໃນທ້າຍປີ 2022, ຊຸກຍູ້ທະນາຄານທຸລະກິດປ່ອຍສິນເຊື່ອໃຫ້ໂຄງການທີ່ມີປະສິດທິຜົນ ແລະ ບັນດາຫົວໜ່ວຍທຸລະກິດຂະ ໜາດນ້ອຍ ແລະ ກາງ, ສົ່ງເສີມການຜະລິດພາຍໃນ ແລະ ການສົ່ງອອກ ເຮັດໃຫ້ຍອດເຫຼືອສິນເຊື່ອຂະແໜງການທະນາຄານ ຢູ່ໃນລະດັບ 50% ຂອງ GDP ໃນທ້າຍປີ 2022 ແລະ ຍົກສູງຄຸນນະພາບສິນເຊື່ອຂອງທະນາຄານທຸລະກິດ ແລະ ຄວບຄຸມອັດຕາສ່ວນໜີ້ບໍ່ເກີດດອກອອກຜົນ (NPL) ໃຫ້ຢູ່ໃນລະດັບ 3%.ນອກນີ້, ລັດຖະບານ ຍັງວາງຄາດໝາຍສູ້ຊົນ ເກັບລາຍຮັບທັງໝົດໃຫ້ໄດ້ 31.593 ຕື້ກີບ ເທົ່າກັບ 16,44% ຂອງ GDP; ພ້ອມດຽວກັນນີ້, ກໍວາງຄາດໝາຍລາຍຈ່າຍທັງໝົດຢູ່ໃນລະດັບ 34.691 ຕື້ກີບ ເທົ່າກັບ 18,05% ຂອງ GDP, ຄາດຄະເນການຂາດດຸນງົບປະມານ 3.098 ຕື້ກີບ ເທົ່າກັບ 1,61% ຂອງ GDP ແລະ ຍັງຈະສູ້ຊົນໃຫ້ບັນລຸບັນດາຄາດໝາຍອື່ນໆ ທີ່ໄດ້ກໍານົດໄວ້ໃນແຜນພັດທະນາເສດຖະກິດ-ສັງຄົມແຫ່ງຊາດ ປະຈໍາປີ 2022, ມະຕິສະພາແຫ່ງຊາດ ສະບັບເລກທີ 41/ສພຊ, ລົງວັນທີ 17/11/2021 ວ່າດ້ວຍການຮັບຮອງເອົາບົດລາຍງານຂອງ ລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໄລຍະ 9 ເດືອນ, ຄາດຄະເນໝົດປີ 2021 ແລະ ທິດທາງແຜນການ ປະຈໍາປີ 2022 ແລະ ມະຕິສະພາແຫ່ງຊາດ ສະບັບເລກທີ 42/ສພຊ, ລົງວັນ ທີ 17/11/2011 ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການສະຫຼຸບຈັດຕັ້ງປະຕິບັດງົບປະມານແຫ່ງລັດ 10 ເດືອນ, ຄາດຄະເນປະຕິບັດໝົດປີ 2021 ແລະ ທິດທາງແຜນງົບປະມານແຫ່ງລັດ ປີ 2022.

ແຫຼ່ງຂ່າວ: ປະຊາຊົນ

ກະຊວງການເງິນ ໄດ້ອອກຄຳແນະນຳສະບັບເລກທີ 5880/ກງ, ລົງວັນທີ 22 ພະຈິກ 2021 ວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2022 ເພື່ອສູ້ຊົນຈັດຕັ້ງປະຕິບັດແຜນງົບປະມານແຫ່ງລັດ ບົນພື້ນຖານຫລັກການ ລາຍຮັບພາຍໃນ ໃຫ້ກຸ້ມລາຍຈ່າຍພາຍໃນ ແລະ ໃຫ້ມີສ່ວນເຫຼືອເພື່ອຊໍາລະໜີ້ສິນພາຍໃນ ແລະ ຕ່າງປະເທດ ໃຫ້ຫລຸດລົງເທື່ອລະກ້າວ ຕາມໂຄງສ້າງແຜນງົບປະມານແຫ່ງລັດ ທີ່ສະພາແຫ່ງຊາດ ໄດ້ຮັບຮອງ ແລະ ເພື່ອຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາທາງດ້ານເສດຖະກິດ-ການເງິນ ໂດຍສະເພາະ ຄໍາສັ່ງຂອງທ່ານນາຍົກລັດຖະມົນຕີ ສະບັບເລກທີ 18/ນຍ, ລົງວັນທີ 16 ກັນຍາ 2021 ວ່າດ້ວຍການເພີ່ມທະວີການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານ ໃຫ້ປະກົດຜົນເປັນຈິງ ເພື່ອສູ້ຊົນຈັດຕັ້ງປະຕິບັດລາຍຮັບງົບປະມານ ໃຫ້ບັນລຸຕາມແຜນການ ຫຼື ເກີນແຜນ.

ສຳລັບມາດຕະການຈັດຕັ້ງປະຕິບັດ ດ້ານການຄຸ້ມຄອງເກັບລາຍຮັບ ໃຫ້ແກ່ຂະແໜງການຂັ້ນສູນກາງ ແລະ ທ້ອງຖິ່ນ ໂດຍຍົກສູງຄວາມຮັບຜິດຊອບໃນການຊຸກຍູ້, ຕິດຕາມ, ກວດກາ ບັນດາຖານລາຍຮັບ ທີ່ນອນໃນຄວາມຮັບຜິດຊອບຂອງຕົນໃຫ້ຄົບຖ້ວນ ແລະ ຖືກຕ້ອງຕາມຕົວຈິງ, ພ້ອມທັງ ສົມທົບກັບຂະແໜງການເງິນ ອອກມາດຕະການ ໃນການຂະຫຍາຍ ແລະ ສ້າງຖານລາຍຮັບໃໝ່ ໃຫ້ເປັນແຫລ່ງທີ່ໝັ້ນຄົງໃນຕໍ່ໜ້າ; ເລັ່ງທວງເກັບຄືນພັນທະຕ່າງໆ ທີ່ຄ້າມອບ ແລະ ເກັບກູ້ຄືນ ຈາກການກວດເຫັນເພີ່ມຕາມຜົນກວດສອບ-ກວດກາ ທີ່ຍັງຄ້າງນໍາຫົວໜ່ວຍງົບປະມານ ໃຫ້ຄົບຖ້ວນຕາມກົດໝາຍ ແລະ ລະບຽບການ; ໃຫ້ບັນດາຂະແໜງການທີ່ມີລາຍຮັບຄ່າບໍລິການ ທາງດ້ານວິຊາການ ແລະ ກອງທຶນຂອງລັດ ເອົາໃຈໃສ່ຈັດຕັ້ງປະຕິບັດຕາມຄໍາແນະນຳ ສະບັບເລກທີ 0016/ກງ ລົງວັນທີ 03 ມັງກອນ 2019.

ສໍາລັບຂະແໜງສາຍຕັ້ງ ໃຫ້ມອບລາຍຮັບຂອງຕົນເຂົ້າບັນຊີສູນກາງ ທີ່ເປີດໄວ້ຢູ່ຄັງເງິນແຫ່ງຊາດ ປະຈໍາທ້ອງຖິ່ນ ໂດຍບໍ່ອະນຸຍາດໃຫ້ມອບເຂົ້າເປັນລາຍຮັບຂອງທ້ອງຖິ່ນ.

ສຳລັບຂະແໜງການເງິນ ດ້ານສ່ວຍສາອາກອນ ແມ່ນໃຫ້ສຸມໃສ່ການເກັບກໍາຂໍ້ມູນ ແລະ ຂຸດຄົ້ນແຫຼງລາຍຮັບທີ່ຍັງບົ່ມຊ້ອນ ເພື່ອທົດແທນແຫລ່ງລາຍຮັບທີ່ສູນເສຍໄປ ຍ້ອນການແຜ່ລະບາດຂອງພະຍາດໂຄວິດ-19 ເປັນຕົ້ນ ການລົງສໍາຫລວດຂະໜາດລາຍຮັບ ຂອງຫົວໜ່ວຍທຸລະກິດຄືນໃໝ່ ໃຫ້ມີຄວາມຊັດເຈນ ເຊັ່ນ:

ຫົວໜ່ວຍທີ່ມີລາຍຮັບປະຈຳປີ 50 ລ້ານກີບລົງມາ, ລາຍຮັບ 50 ລ້ານ ຫາ 400 ລ້ານກີບ ແລະ ລາຍຮັບເກີນ 400 ລ້ານກີບຕໍ່ປີ ເພື່ອຈັດແບ່ງຂະໜາດຂອງຫົວໜ່ວຍທຸລະກິດຄືນໃໝ່ ໃຫ້ມີຄວາມຖືກຕ້ອງ ແລະ ຮັບປະກັນໃຫ້ຫົວໜ່ວຍທຸລະກິດ ເສຍພັນທະຖືກຕ້ອງຕາມຂະໜາດລາຍຮັບຕົວຈິງຂອງຕົນ ພ້ອມທັງປະເມີນຄືນວຽກງານ ການກໍານົດເງື່ອນໄຂຫົວໜ່ວຍທຸລະກິດ, ການຫັນຫົວໜ່ວຍທຸລະກິດເຂົ້າສູ່ລະບົບອາກອນມູນຄ່າເພີ່ມ ລວມທັງອາກອນມອບເໝົາ ແລະ ອາ ກອນຄ່າເຊົ່າ ໃຫ້ການແຈ້ງມອບຜ່ານທະນາຄານ ແລະ ຜ່ານລະບົບ (TaxRIS) ຢູ່ສ່ວຍສາອາກອນນະຄອນຫລວງ ແລະ ບັນດາແຂວງໃນຂອບເຂດທົ່ວປະເທດໃຫ້ຫລາຍຂຶ້ນ ໂດຍໂຄສະນາຜ່ານສື່ຕ່າງໆ ເພື່ອສ້າງຄວາມສະດວກ, ຫລຸດຜ່ອນສິ່ງກີດຂວາງ ແລະ ຄ່າສິ້ນເປືອງຕ່າງໆ ໃນການດຳເນີນທຸລະກິດ ຮັບປະກັນຄວາມໂປ່ງໃສ ແລະ ສາມາດກວດສອບໄດ້.

• ນອກຈາກນີ້, ໃຫ້ປັບປຸງກົນໄກຄຸ້ມຄອງເກັບລາຍຮັບ ຈາກຂະແໜງຄຸ້ມຄອງຊັບສິນຂອງລັດ ແລະ ຄຸ້ມຄອງການເງິນວິສາຫະກິດຂອງລັດ ມາລວມສູນເຂົ້າໃນລະບົບຄຸ້ມຄອງລາຍຮັບອາກອນ (TaxRIS) ລວມທັງການຫັນເອົາບາງໜ້າວຽກຂອງກົງຈັກ ແລະ ບຸກຄະລາກອນ ມາຂຶ້ນກັບການຄຸ້ມຄອງຂອງຂະແໜງສ່ວຍສາອາກອນ;

• ຄົ້ນຄວ້າຄັດເລືອກ ແລະ ໂອນຫົວໜ່ວຍທຸລະກິດ ທີ່ຂຶ້ນກັບການຄຸ້ມຄອງຂອງສູນກາງ ແຕ່ມີທີ່ຕັ້ງ ແລະ ເຄື່ອນໄຫວທຸລະກິດຢູ່ທ້ອງຖິ່ນ ໃຫ້ບັນດາແຂວງຄຸ້ມຄອງຈັດເກັບລາຍຮັບ ເພື່ອສ້າງຄວາມເຂັ້ມແຂງທາງດ້ານການເງິນ ໂດຍໃຫ້ສອດຄ່ອງກັບຄໍາແນະນໍາ ສະບັບເລກທີ 4488/ກງ, ລົງວັນທີ 07 ພະຈິກ 2019;
• ສຸມໃສ່ການປັບປຸງແກ້ໄຂລະບົບການແຈ້ງ, ການມອບ ແລະ ການກວດກາພັນທະ ຈາກການນໍາເຂົ້າ-ຈໍາໜ່າຍ, ການເຄື່ອນຍ້າຍນໍ້າມັນເຊື້ອໄຟ-ນໍ້າມັນຫລໍ່ລື່ນ, ວັດສະດຸກໍ່ສ້າງ, ເຄື່ອງໃຊ້ໄຟຟ້າ, ສິນຄ້າອຸປະໂພກ-ບໍລິໂພກ ແລະ ຈາກທຸລະກິດຂະແໜງບໍ່ແຮ່ ແລະ ພະລັງງານໄຟຟ້າ; ສືບຕໍ່ວຽກງານຄຸ້ມຄອງເກັບອາກອນມູນຄ່າເພີ່ມ, ອາກອນຊົມໃຊ້ຈາກການສະໜອງບໍລິການຊົມໃຊ້ໄຟຟ້າ, ໂທລະສັບ ແລະ ອີນເຕີເນັດທີ່ມີການຊົມໃຊ້ເພີ່ມຂຶ້ນ, ຄຸ້ມຄອງຈັດເກັບລາຍຮັບອາກອນຈາກຖານໃໝ່ ແລະ ອາກອນຊົມໃຊ້ເພີ່ມຈາກຢາສູບ;
• ຄົ້ນຄວ້າກົນໄກຄຸ້ມຄອງ ແລະ ຈັດເກັບລາຍຮັບຕ່າງໆ ຈາກທຸລະກິດດີຈີຕອນ ໃຫ້ຖືກຕ້ອງ ແລະ ຄົບຖ້ວນ;
• ປັບປຸງກົນໄກການເກັບລາຍຮັບຄ່າທຳນຽມນຳໃຊ້ທີ່ດິນ ແລະ ອາກອນລາຍໄດ້ ຈາກການໂອນກໍາມະສິດທີ່ດິນຜ່ານລະບົບທະນາຄານ ໂດຍນໍາໃຊ້ລາຄາປະເມີນທີ່ດິນໃນແຕ່ລະເຂດ ເປັນພື້ນຖານຄິດໄລ່ໃນຂອບເຂດທົ່ວປະເທດ; ເກັບກໍາ ແລະ ກວດກາຂໍ້ມູນ, ສະຖິຕິ ປະຫວັດການເຄື່ອນໄຫວທຸລະກິດ, ການປະຕິບັດການແຈ້ງມອບລາຍຮັບອາກອນປະເພດຕ່າງໆ ຢ່າງເປັນລະບົບ ແລະ ຕໍ່ເນື່ອງ, ພ້ອມທັງສືບຕໍ່ການກວດກາບັນຊີວິສາຫະກິດ ຕາມການວິໄຈຄວາມສ່ຽງ (16 ຕົວຊີ້ວັດ) ເພື່ອໃຫ້ການກວດກາ ແລະ ຈັດເກັບລາຍຮັບຢ່າງມີປະສິດທິຜົນ.

ແຫຼ່ງຂ່າວ: ປະເທດລາວ

ຕາມການລາຍງານຂອງສູນຂ່າວສານການແພດ ວັນທີ 13 ມັງກອນ 2022

ລາຍລະອຽດພາຍຫຼັງ

ເນື່ອງໃນໂອກາດເຂົ້າຮ່ວມກອງປະຊຸມຄັ້ງທີ44ຂອງຄະນະກຳມະທິການຮ່ວມມືລາວ-ຫວຽດນາມ​ ພິທີໄດ້ຈັດຂື້ນໃນລະຫວ່າງວັນທີ 9-10 ມັງກອນ 2022 ນີ້ ທີ່ສໍານັກງານສູນກາງຊາວໜຸ່ມກອມມູນິດໂຮ່ມີນ ນະຄອນຫຼວງ​ຮ່າໂນ້ຍ​ສສ​ ຫວຽດນາມ​ ໂດຍການເຂົ້າຮ່ວມຂອງສະຫາຍ ອາລຸນໄຊ​ ສູນນະລາດ​ ກຳມະການ​ສູນກາງ​ພັກ​ ເລຂາ​ຄະນະ​ບໍລິຫານ​ງານ​ ສຊປລ,​ ສະຫາຍ​ ຫຽວຽນ ແອງຕວັນ ກຳມະການສູນກາງພັກ​ ເລຂາທີໜື່ງສູນກາງຊາວໜຸ່ມກອມມູນິໂຮ່ຈີມີນ ພ້ອມຄະນະ ໄດ້ຮ່ວມພົບປະກັນ​ ຢ່າງບໍ່ເປັນທາງການ,​ ການຕ້ອນຮັບ ແລະ​ ​ການສົນທະນາແມ່ນໄດ້ດຳເນີນໄປຢ່າງອົບອຸ່ນ ແລະ​ ສະໜິດສະໜົມ​.

ເຊີ່ງທັງສອງໄດ້ຕີລາຄາສູງຕໍ່ການພົວພັນ,​ ການຮ່ວມມືຂອງສອງປະເທດໃນໄລຍະຜ່ານມາ ແລະ​ ພ້ອມກັນຊຸກຍູ້ການພົວພັນຮ່ວມມືໃນໄລຍະຕໍ່ໜ້າໃຫ້ມີປະສິດຕິພາບສູງ ແລະ​ຝ່າຍຫວຽດນາມຍັງຕີລາຄາສູງໃນການພົບປະຄັ້ງນີ້ ເຊີ່ງແມ່ນແຂກຕ່າງປະເທດເປັນຄະນະທຳອິດທີ່ມາຢ້ຽມຢາມ ສູນກາງຊາວໜຸ່ມກອມມູນິດໂຮ່ຈິມີນໃນປີ2022 ເຊີ່ງປີນີ້ເປັນປີທີ່ມີຄວາມໜາຍ,​ ເປັນປີແຫ່ງການສະເຫຼີມສະຫລອງ 60​ປີ​ ແຫ່ງວັນສ້າງຕັ້ງສາຍພົວພັນທາງການທູດ ແລະ​ 45 ປີ ແຫ່ງວັນເຊັນສົນທິສັນຍາມິດຕະພາບ ລາວ-ຫວຽດນາມ-ລາວ​ ກໍ່ຄືຊາວໜຸ່ມສອງປະເທດໄດ້ພ້ອມກັນສ້າງກິດຈະກຳເພື່ອສະເຫຼີມສະຫຼອງໃນວັນສໍາຄັນດັ່ງກ່າວ​ ເພື່ອສືກສາອົບຮົມຊາວໜຸ່ມ,​ເຍົາວະຊົນສອງຊາດ ຕ້ອງມີຄວາມຮັບຜິດຊອບໃນການສືບທອດ ແລະ​ ກໍ່ສ້າງສາຍພົວພັນແບບພິເສດຂອງສອງປະເທດໃຫ້ໜັ້ນຄົງ ແລະ​ສວຍສົດງົດງາມ,​ ການເຂົ້າຮ່ວມກອງປະຊຸມຄັ້ງທີ44ນີ້ຂອງຄະນະກຳມະທິການຮ່ວມມືລາວ-ຫວຽດນາມ​ທັງສອງຝ່າຍຍັງໄດ້ຮ່ວມມືລົງນາມ ສັນຍາການຮ່ວມມືປະຕິບັດໂຄງການສູນຝຶກອົບຮົມຊາວໜຸ່ມ,​ເຍົາວະຊົນ ລາວ-ຫວຽດນາມ​ ທີ່ຈະໄດ້ກໍ່ສ້າງຂື້ນຢູ່ນະຄອນຫຼວງວຽງຈັນ (ສປປ​ ລາວ)​ ໂດຍໄດ້ຮັບທືນຊ່ວຍເຫຼືອລ້າຈາກລັດຖະບານ ສສ ຫວຽດນາມ​ ການເຊັນສັນຍາໂດຍການເຂົ້າຮ່ວມເປັນສັກຂີພະຍານຂອງການນໍາທັງ2ປະເທດ

ຂ່າວໂດຍ: ສື່ມວນຊົນໜຸ່ມລາວ Noum Lao Mass Media