ໃນວັນທີ 24-25 ມີນາ 2022, ທີ່ກະຊວງແຜນການ ແລະ ການລົງທຶນ ໄດ້ຈັດກອງປະຊຸມທົບທວນການຄຸ້ມຄອງໂຄງການລົງທຶນສຳປະທານດ້ານແຮ່ທາດໃນທົ່ວປະເທດ ແລະ ການປະເມີນການຈັດຕັ້ງປະຕິບັດໂຄງການຂຸດຄົ້ນແຮ່ເຫຼັກໃນໄລຍະທົດລອງ ແນໃສ່ເພື່ອປັບປຸງຂອດບໍລິການຄຸ້ມຄອງໂຄງການລົງທຶນດ້ານແຮ່ທາດໃຫ້ນັບມື້ດີຂຶ້ນ.

ກອງປະຊຸມດັ່ງກ່າວຈະດຳເນີນເປັນເວລາ 2 ວັນ ໂດຍພາຍໃຕ້ການເປັນປະທານຂອງ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ, ໂດຍມີຜູ້ຕາງໜ້າຈາກຂະແໜງການທີ່ກ່ຽວຂ້ອງຂັ້ນສູນກາງ ແລະ ຕາງໜ້າຈາກພະແນກແຜນການ ແລະ ການລົງທຶນໃນຂອບເຂດທົ່ວປະເທດເຂົ້າຮ່ວມຢ່າງພ້ອມພຽງ.

ໃນກອງປະຊຸມແມ່ນໄດ້ຮັບຟັງການລາຍງານຂອງບັນດາພະແນກແຜນການ ແລະ ການລົງທຶນທົ່ວປະເທດ ກ່ຽວກັບການຄຸ້ມຄອງໂຄງການລົງທຶນສໍາປະທານດ້ານແຮ່ທາດ ທີ່ລັດຖະບານໄດ້ອະນຸຍາດໃນໄລຍະຜ່ານມາ ແລະ ເພື່ອຮັບຟັງການລາຍງານກ່ຽວກັບ ການປະເມີນຜົນການຈັດຕັ້ງປະຕິບັດໂຄງການຂຸດຄົ້ນແຮ່ເຫຼັກ ໃນໄລຍະທົດລອງ ຕາມຂໍ້ຕົກລົງຂອງທ່ານນາຍົກລັດຖະມົນຕີ ສະບັບເລກທີ 61/ນຍ, ລົງວັນທີ 21 ມິຖຸນາ 2021 ແລະ ຂໍ້ຕົກລົງວ່າດ້ວຍການຄຸ້ມຄອງການ ຂຸດຄົ້ນແຮ່ທາດ ໃນໄລຍະທົດລອງ ສະບັບເລກທີ 001/ຄລທ.ສ, ລົງວັນທີ 1 ກຸມພາ 2022 ຂອງພະແນກແຜນການ ແລະ ການລົງທຶນແຂວງ ທີ່ໄດ້ອະນຸຍາດໃຫ້ເຮັດທົດລອງ.

ໂອກາດນີ້, ທ່ານ ນາງ ຄຳຈັນ ວົງແສນບູນ ໄດ້ສະເໜີໃຫ້ຜູ້ເຂົ້າຮ່ວມກອງປະຊຸມພ້ອມກັນຄົ້ນຄວ້າລົງເລິກແຕ່ລະບັນຫາ ເປັນຕົ້ນແມ່ນ: ຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດການຂຸດຄົ້ນ ແລະ ສົ່ງອອກຂອງໂຄງການແຮ່ເຫຼັກ ມີຄືແນວໃດ, ເປັນຫຍັງຫຼາຍໂຄງການບໍ່ມີການຂຸດຄົ້ນ ແລະ ບໍ່ໄດ້ສົ່ງອອກຕາມສັນຍາ, ການຄຸ້ມຄອງຕໍ່ການຂຸດຄົ້ນ ແລະ ການຂົ່ນສົ່ງແຮ່ເຫຼັກ ມີຜົນກະທົບຕໍ່ສິ່ງແວດລ້ອມຄືແນວໃດ, ບົດບາດຂອງແຂວງ ແລະ ທ້ອງຖິ່ນ ໃນການຊຸກຍູ້ຕິດຕາມໄດ້ເຮັດຄືແນວໃດ ແລະ ມີຂໍ້ສະດວກ, ມີຂໍ້ຫຍຸ້ງຍາກແນວໃດໃນການຄຸ້ມຄອງ.

ທັງນີ້ ກໍ່ເພື່ອເປັນການແລກປ່ຽນຄໍາຄິດຄໍາເຫັນ ແລະ ປຶກສາຫາລື ແນໃສ່ເພື່ອປັບປຸງຂອດຂັ້ນໃນການຄຸ້ມຄອງໂຄງການລົງທຶນດ້ານແຮ່ທາດ ທັງສູນກາງ ແລະ ທ້ອງຖິ່ນ ໃຫ້ມີຄວາມຮັດກຸມ, ສະດວກ, ຫຼຸດຜ່ອນຂອດຂັ້ນທີ່ເປັນອຸປະສັກໃນການດຳເນີນທຸລະກິດຂອງຜູ້ລົງທຶນ ແລະ ເພື່ອເຮັດໃຫ້ລັດຖະບານ ກໍຄືທ້ອງຖິ່ນ ສາມາດຕິດຕາມຄຸ້ມຄອງໂຄງການໃຫ້ມີຄວາມເປັນເອກະພາບ ແລະ ໄດ້ຮັບຜົນປະໂຫຍດສູງສຸດ ຈາກການອະນຸຍາດໃຫ້ມີການຂຸດຄົ້ນຊັບພະຍາກອນທຳມະຊາດ ປະກອບສ່ວນເຂົ້າໃນການພັດທະນາເສດຖະກິດ ແລະ ສັງຄົມ ໃຫ້ມີຄວາມຍືນຍົງ ແລະ ມີປະສິດທິຜົນ.

ໂດຍປະຕິບັດຕາມກົດໝາຍວ່າດ້ວຍການສົ່ງເສີມການລົງທຶນ ສະບັບເລກທີ 14/ສພຊ, ລົງວັນທີ 17 ພະຈິກ 2016 ລັດຖະບານແຫ່ງ ສປປ ລາວ ໄດ້ອະນຸຍາດໃຫ້ບັນດາບໍລິສັດລົງທຶນທັງພາຍໃນ ແລະ ຕ່າງປະເທດ ເຂົ້າມາລົງທຶນໃນຂະແໜງແຮ່ທາດ ໂດຍມອບໃຫ້ກະຊວງແຜນການ ແລະ ການລົງທຶນ ຕາງໜ້າລັດຖະບານເປັນຄູ່ສັນຍາ ແລະ ລົງນາມໃນສັນຍາພັດທະນາແຮ່ທາດ, ຊຶ່ງປັດຈຸບັນລັດຖະບານໄດ້ຄົ້ນຄວ້າພິຈາລະນາ ອະນຸຍາດການລົງທຶນດ້ານແຮ່ທາດທັງໝົດໃນທົ່ວປະເທດ ຈໍານວນ 308 ໂຄງການ, ເຊິ່ງປະກອບມີ: ໂຄງການປົກກະຕິ 262 ໂຄງການ, ໂຄງການແຮ່ຫາຍາກ 8 ໂຄງການ ແລະ ໂຄງການທົດລອງ 38. ໃນນັ້ນ, ແຮ່ເຫຼັກ 31 ໂຄງການ, ຫີນອ່ອນມາໂບ້ 2 ໂຄງການ, ຄຳເຄົ້າ 4 ໂຄງການ ແລະ ຄຳຕົກຂ້ອນ 1 ໂຄງການ.

ເພື່ອຈັດຕັ້ງຈັດປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ທ່ານນາຍົກລັດຖະມົນຕີ ໄດ້ອອກຂໍ້ຕົກລົງວ່າດ້ວຍການກຳນົດເງື່ອນໄຂໃນການເຈລະຈາສັນຍາຂຸດຄົ້ນ, ປຸງແຕ່ງ ແລະ ສົ່ງອອກແຮ່ເຫຼັກໃນໄລຍະທົດລອງ ສະບັບເລກທີ 61/ນຍ, ລົງວັນທີ 21 ມິຖຸນາ 2021 ເຊິ່ງໄດ້ມີການຄົ້ນຄວ້າພິຈາລະນາ ອະນຸຍາດການລົງທຶນໂຄງການຂຸດຄົ້ນແຮ່ເຫຼັກໃນໄລຍະທົດລອງ ມີຈຳນວນ 31 ໂຄງການ, ສາມາດສ້າງລາຍຮັບມອບເຂົ້າງົບປະມານ ຈໍານວນ 36,53 ລ້ານໂດລາສະຫະລັດ.

ຂໍ້ມູນ: ກະຊວງ​ແຜນການ​ ແລະ​ ການລົງທຶນ

ຕາມການລາຍງານ ຂອງສູນຂ່າວສານການແພດສຸຂະສຶກສາ

ເຖິງຢ່າງໃດກໍຕາມ ນະຄອນຫຼວງວຽງຈັນຍັງພົບຜູ້ຕິດເຊື້ອສູງສຸດ.

ລາຍງານສະພາບການເກີດແຜ່ນດິນໄຫວ ໃນຄັ້ງວັນທີ 03 ເມສາ 2022, ເວລາ 23:37 :54 ໂມງ.

ລາຍງານການເກີດແຜ່ນດິນໄຫວຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໃນຂອບເຂດທົ່ວປະເທດເຊິ່ງໄດ້ພົບ ສັນຍານການເກີດແຜ່ນດິນໄຫວພາຍ ໃນປະເທດລາວ ຈໍານວນ 01 ຄັ້ງ, ໃນບໍລິເວນ ແຂວງ ບໍ່ແກ້ວ ລາຍລະອຽດຂອງການ ເກີດແຜ່ນດິນໄຫວ ມີຄືດັ່ງລຸ່ມນີ້:

ຄັ້ງທີ 1: ໃນເວລາ 23:37:54, ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະຫນານທີ່ 20.2499N ແລະເສັ້ນແວງທີ່ 102.124°E ຄວາມແຮງສັ່ນສະເທືອນວັດແທກໄດ້ 1.3 ຣິກເຕີ, ເຊິ່ງມີຄວາມເລີກຈາກເທິງຫນ້າດິນປະມານ 3 Km ຈຸດສູນກາງເກີດແຜ່ນດິນໄຫວຢູ່ທີ່ ບ້ານ ສີດົງຄູນ ເມືອງຕົ້ນເຜີ້ງ ແຂວງ ບໍ່ແກ້ວ, ເຊິ່ງຈຸດເກີດແຜ່ນດິນໄຫວແມ່ນຫ່າງຈາກເທດສະບານ ເມືອງ ຕົ້ນເຜີ້ງ ປະມານ 11 Km.

ຄັ້ງທີ 2: ລາຍງານສະພາບການເກີດແຜ່ນດິນໄຫວ ໃນຄັ້ງວັນທີ 04 ເມສາ 2022, ເວລາ 07:53 :19 ໂມງ. ລາຍງານການເກີດແຜ່ນດິນໄຫວຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໃນຂອບເຂດທົ່ວປະເທດເຊິ່ງໄດ້ພົບ ສັນຍານການເກີດແຜ່ນດິນໄຫວພາຍ ໃນປະເທດລາວ ຈໍານວນ 01 ຄັ້ງ, ໃນບໍລິເວນ ແຂວງ ບໍ່ແກ້ວ ລາຍລະອຽດຂອງການ ເກີດແຜ່ນດິນໄຫວ ມີຄືດັ່ງລຸ່ມນີ້: 1. ໃນເວລາ 07:53:19, ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະຫນານທີ່ 20.313°N ແລະ ເສັ້ນແວງທີ 100.199°E ຄວາມແຮງສັ່ນສະເທືອນວັດແທກໄດ້ 1.5 ຣິກເຕີ, ເຊິ່ງມີຄວາມເລີກຈາກເທິງຫນ້າດິນປະມານ 3 Km ຈຸດສູນກາງເກີດແຜ່ນດິນໄຫວຢູ່ທີ່ ບ້ານ ສີດົງຄູນ ເມືອງຕົ້ນເຜີ້ງ ແຂວງ ບໍ່ແກ້ວ, ເຊິ່ງຈຸດເກີດແຜ່ນດິນໄຫວແມ່ນ ຫ່າງຈາກເທດສະບານ ເມືອງຕົ້ນເຜີ້ງ ປະມານ 11 Km.

ຫມາຍເຫດ: ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.

ລາຍງານ ໂຄວິດ-19

ວັນທີ 3 ເມສາ 2022

ຕິດເຊື້ອໃໝ່: 1.593 ຄົນ, ເສຍຊີວິດໃໝ່: 6 ຄົນ

.

.

ວັນທີ 1/4/2022 ຫ້ອງການກະສິກຳ ແລະ ປ່າໄມ້ ນະຄອນ ໄກສອນ ພົມວິຫານ ໄດ້ຢຶດ ແລະທຳລາຍ ສິນຄ້ານຳເຂົ້າ ປະເພດ ສີ້ນສ່ວນໝູແຊ່ແຂງ 477 ກິໂລ.

ໃນຕອນບ່າຍ ວັນທີ 31 ມີນາ 2022 ນີ້,ຢູ່ສະຖານທີ່ຖິ້ມຂີ້ເຫຍື້ອບ້ານຊອກ ນະຄອນ ໄກສອນ ພົມວິຫານ,ທາງຫ້ອງການກະສິກຳ ແລະ ປ່າໄມ້ ນະຄອນ ໄກສອນ ພົມວິຫານ ສົມທົບກັບພາກສ່ວນກ່ຽວຂ້ອງໄດ້ ທໍາລາຍສິນຄ້າຫ້າມນໍາເຂົ້າ ໂດຍມີ ທ່ານ ສົມໜາຍ ສົງວິໄລ ຮອງເຈົ້ານະຄອນ ໄກສອນ ພົມວິຫານ,ທ່ານ ອຸ່ນຄຳ ຜິວພະຈັນ ຫົວໜ້າຫ້ອງການກະສິກຳ ແລະ ປ່າໄມ້ນະຄອນ ໄກສອນພົມວິຫານ ,ທ່ານ ພັທ ທອງດຳ ເລື່ອນແສນດີ ຫົວໜ້າກອງບັນຊາການ ປກຊ ນະຄອນ, ມີ ພະນັກງານວິຊາການ ສາຍກວດ , ເຈົ້າໜ້າທີ່ກະສິກຳແລະປ່າໄມ້ນະຄອນເຂົ້າຮ່ວມ. ທ່ານ ພູສອນ ຫົວໜ້າຈຸສາຍກວດ ຂອງຫ້ອງການກະສິກຳແລະປ່າໄມ້ ນະຄອນໄກສອນພົມວິຫານ ໄດ້ໃຫ້ຮູ້ວ່າ:

ໃນຕອນເຊົ້າ ວັນທີ 31 ມີນາ 2022 ເຈົ້າໜ້າທີ່ກະສິກຳ ແລະປ່າໄມ້ນະຄອນ ໄດ້ລົງກວດກາໃນຕະຫລາດສະຫວັນໄຊ ໄດ້ຢຶດສິນຄ້າ ຫ້າມການນຳເຂົ້າ ປະເພດສີ້ນສ່ວນໝູ ແຊ່ແຂງ ມາແຕ່ ສສ ຫວຽດນາມ ໂດຍບໍ່ຖືກຕ້ອງ ທີ່ບັນຈຸໃສ່ແກັດເຈ້ຍ ຈໍານວນ 10 ແກັດ ນໍ້າໜັກ 477 ກິໂລໃນນັ້ນມີ: ຊີ້ນໜູ 227 ກິໂລ,ຕັບ 30 ກິໂລ,ໜັງໝູ52 ກິໂລ,ປອດໝູ 35 ກິໂລ,ກະດູກຂ້າງ60 ກິໂລ ແລະ ຊີ້ນສາມຊັ້ນ 73 ກິໂລ ເຊິ່ງເຈົ້າຂອງສິນຄ້າດັ່ງກ່າວແມ່ນ ທ້າວ ຖັງ ອາຍຸ 29 ປີ ສັນຊາດຫວຽດນາມ, ພັກຢູ່ບ້ານຫົວເມືອງໃຕ້ ນະຄອນ ໄກສອນ ພົມວິຫານ ເປັນຜູ້ນຳມາຈໍາໜ່າຍ-ຂາຍຢູ່ຕະຫຼາດສະຫວັນໄຊ ໂດຍບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງ ເຊິ່ງເປັນການລັກລອບນໍາເຂົ້າສິນຄ້າ ທີ່ບໍ່ໄດ້ຜ່ານການກວດກາຂອງເຈົ້າໜ້າທີ່ ແລະ ເປັນການນໍາເຂົ້າທີ່ບໍ່ຖືກຕ້ອງຕາມລະບຽບກົດໝາຍ. ດັ່ງນັ້ນ, ຈຶ່ງໄດ້ຢຶດເອົາສິນຄ້າ ແລ້ວນໍາໄປທໍາລາຍຖິ້ມ ເພື່ອຮັບປະກັນບໍ່ໃຫ້ຈໍາໜ່າຍສິນຄ້າດັ່ງກ່າວ ທີ່ຈະສົ່ງຜົນກະທົບຕໍ່ສຸຂະພາບຂອງຜູ້ບໍລິໂພກ.

ການທໍາລາຍສີ້ນສ່ວນ ໝູແຊ່ແຂງໃນຄັ້ງນີ້ ເພື່ອປ້ອງກັນ, ສະກັດກັ້ນພະຍາດອະຫິວາໝູ ອາຟຣິກາ ທີ່ກໍາລັງລະບາດບໍ່ໃຫ້ແຜ່ລາມ, ເຊິ່ງເປັນສິນຄ້າປະເພດ ຫ້າມເຄື່ອນຍ້າຍສັດ-ຜະລິດຕະພັນຊີ້ນໝູ ເຂົ້າມາພາຍໃນແຂວງ ກໍ່ຄືນະຄອນ ໄກສອນ ພົມວິຫານ.

ແຫຼ່ງຂ່າວ: Media Laos

ກະຊວງອຸດສາຫະກຳ ແລະ ການຄ້າ ປະກາດການຈັດຕັ້ງກະຊວງອຸດສາຫະກຳ ແລະ ການ​ຄ້າ (ອ​ຄ) ໄດ້​ຈັດພິທີປະກາດການແຕ່ງຕັ້ງຫົວໜ້າຫ້ອງການ-ຫົວໜ້າກົມ, ຮອງຫົວໜ້າຫ້ອງການ ແລະ ຮອງຫົວໜ້າກົມ ພາຍໃນກະຊວງ ອຄ ຂຶ້ນ​ໃນ​ວັນ​ທີ 1 ເມ​ສາ ນີ້ ທີ່​ກະ​ຊວງ ອ​ຄ ໂດຍການເປັນປະທານຂອງ ທ່ານ ຄຳແພງ ໄຊສົມແພງ ລັດຖະມົນຕີກະຊວງ ອຄ ຊຶ່ງມີບັນດາຮອງລັດຖະມົນຕີ ແລະ ພະນັກງານຫຼັກແຫຼ່ງພາຍໃນກະຊວງເຂົ້າຮ່ວມຢ່າງພ້ອມພຽງ. ໃນພິທີ, ທ່ານ ນາງ ກິ່ງສະດອນ ເພັດດາວເຮືອງ ຫົວໜ້າກົມຈັດຕັ້ງ ແລະ ພະນັກງານ ໄດ້ຜ່ານດຳລັດຂອງນາຍົກລັດຖະມົນຕີ ຈຳນວນ 4 ສະບັບ ຄື ເລກທີ 116/ນຍ, 117/ນຍ, 118/ນຍ, 119/ນຍ ລົງວັນທີ 23/3/2022 ຊຶ່ງໃນນີ້ປະກອບມີການແຕ່ງຕັ້ງ ຫົວໜ້າກົມ 4 ທ່ານ ຄື:

ແຕ່ງຕັ້ງ ທ່ານ ພູວຽງ ພົງສາ ເປັນຫົວໜ້າກົມການຄ້າພາຍໃນ, ທ່ານ ຄຳເພັດ ວົງດາລາ ເປັນຫົວໜ້າກົມແຜນການ ແລະ ການຮ່ວມມື, ທ່ານ ສັນຕິສຸກ ພຸນສະຫວັດ ເປັນຫົວໜ້າກົມຊັບສິນທາງປັນຍາ, ທ່ານ ວິທູນ ສິດທິມໍລະດາ ເປັນຫົວໜ້າຫ້ອງການກະຊວງ ອຄ. ນອກນີ້, ຍັງໄດ້ຜ່ານຂໍ້ຕົກລົງຂອງລັດຖະມົນຕີກະຊວງ ອຄ ເລກທີ 0346/ອຄ ລົງວັນທີ 23/3/2022 ວ່າດ້ວຍການແຕ່ງຕັ້ງຮອງຫົວໜ້າຫ້ອງການ ແລະ ຮອງຫົວໜ້າກົມ ສັງກັດຢູ່ກະຊວງ ອຄ ຈຳນວນ 6 ທ່ານ ຄື:

ແຕ່ງຕັ້ງ ທ່ານ ສົມວິໄຊ ວົງທິລາດ ເປັນຮອງຫົວໜ້າກົມສົ່ງເສີມການຄ້າ, ທ່ານ ນາງ ວົງປະດິດ ວົງສະຫວາດ ເປັນຮອງຫົວໜ້າກົມທະບຽນ ແລະ ແລະ ຄຸ້ມຄອງວິສາຫະກິດ, ທ່ານ ສົມພອນໄຊ ວົງດາລາ ເປັນຮອງຫົວໜ້າກົມມາດຕະຖານ ແລະ ວັດແທກ, ທ່ານ ພວງມາລາ ຈຸມພະຈັນ ເປັນຮອງຫົວໜ້າກົມມາດຕະຖານ ແລະ ວັດແທກ, ທ່ານ ກຽງຄຳ ຣາຊະຈັກ ເປັນຮອງຫົວໜ້າກົມອຸດສາຫະກຳ ແລະ ຫັດຖະກຳ, ທ່ານ ນາງ ຄຳເພັດ ພຸນສຸກ ເປັນຮອງຫົວໜ້າຫ້ອງການ ກະຊວງ ອຄ. ທ່ານລັດຖະມົນຕີກະຊວງ ອຄ ໄດ້ກ່າວວ່າ:

ພິທີໃນມື້ນີ້, ມີຄວາມໝາຍ ແລະ ຄວາມສຳຄັນ ເນື່ອງຈາກການແຕ່ງຕັ້ງ, ສັບຊ້ອນ, ຍົກຍ້າຍປ່ຽນແທນພະ​ນັກ​ງານ​ນຳ​ພາ-ຄຸ້ມ​ຄອງ ເປັນວຽກງານປົກກະຕິຂອງການຈັດຕັ້ງໃນທົ່ວລະບົບການເມືອງຂອງພັກ ແລະ ລັດ, ເປັນການຈັດຕັ້ງປະຕິບັດຕາມກົດໝາຍວ່າດ້ວຍພະນັກງານ-ລັດຖະກອນ ແລະ ບັນດາມະຕິ, ຄໍາສັ່ງຕ່າງໆຂອງວຽກງານພະນັກງານ-ລັດຖະກອນ. ອີກດ້ານໜຶ່ງ, ບັນດາທ່ານທີ່ໄດ້ຮັບການແຕ່ງຕັ້ງໃໝ່ ລ້ວນແຕ່ແມ່ນພະນັກງານຫຼັກແຫຼ່ງທີ່ໄດ້ຜ່ານຂະບວນການເຕີບໃຫຍ່ຂະຫຍາຍຕົວ ໃນວຽກງານຂອງຂະແໜງ ອຄ, ເປັນຜູ້ທີ່ມີ​ຜົນ​ງານພົ້ນເດັ່ນ, ມີຄວາມຮູ້ຄວາມສາມາດທີ່ເຂັ້ມແຂງ, ຜ່ານການຝຶກຝົນຫຼໍ່ຫຼອມຈາກວຽກ​ງານອັນໜັກໜ່ວງ ປະກອບສ່ວນທັງແຮງກາຍ ແລະ ສະຕິປັນຍາເຂົ້າໃນໜ້າທີ່ການເມືອງທີ່ຕົນຮັບຜິດຊອບຕາມພາລະບົດບາດທີ່ການຈັດຕັ້ງມອບໝາຍໃຫ້ຢ່າງມີຜົນສຳເລັດ ແລະ ຄົບເງື່ອນໄຂມາດຖານການໄດ້ຮັບຕຳແໜ່ງ ທີ່ໄດ້ປະກາດໃນພິທີຄັ້ງນີ້.

ພ້ອມນີ້, ທ່ານລັດຖະມົນຕີກະຊວງ ອຄ ຍັງໄດ້ຮຽກຮ້ອງໃຫ້ຄະນະນຳກະຊວງ, ຄະນະກົມ, ຫົວໜ້າຫ້ອງການກະຊວງ, ສະຖາບັນ ຕະຫຼອດເຖິງພະນັກງານໃນທົ່ວກະຊວງ ຈົ່ງຍົກສູງຄວາມເອົາໃຈໃສ່ໃນການຈັດຕັ້ງປະຕິບັດໜ້າທີ່ການເມືອງຂອງຕົນ ໂດຍສະເພາະການຜັນຂະຫຍາຍມະຕິ XI ຂອງພັກ, ການຈັດຕັ້ງປະຕິບັດວາລະແຫ່ງຊາດທີ່ຕິດພັນກັບວຽກງານຂະແໜງ ອຄ, ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ 5 ຂອງອົງຄະນະພັກກະຊວງ ອຄ, ແຜນພັດທະນາອຸດສາຫະກຳປຸງແຕ່ງ ແລະ ການຄ້າ 5 ປີ ຄັ້ງທີ V ໃຫ້ປະກົດຜົນເປັນຈິງ.

(ຂ່າວ: ສຸກສະຫວັນ, ພາບ: ສໍານານ)