ທ່ານ ຄໍາແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ແຫ່ງ ສປປ ລາວ ພ້ອມຄະນະ ໄດ້ຈັດກອງປະຊຸມປຶກສາຫາລືແບບທາງໄກ ກັບ ທ່ານ ຈຸລິນ ລັກສະນະວິສິດ ຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງພານິດ ແຫ່ງຣາຊະອານາຈັກໄທ ພ້ອມຄະນະ ໃນວັນທີ 29 ມີນາ ຜ່ານມາ.

ຈຸດປະສົງຂອງກອງປະຊຸມຄັ້ງນີ້ ແມ່ນການປຶກສາຫາລື ແລະ ຍົກບັນຫາກ່ຽວກັບການຄ້າໃນໄລຍະຜ່ານມາ ແລະ ວຽກງານຈະຮ່ວມມືກັນໃນປີ 2022 ແລະ ໃນອະນາຄົດ ຊຶ່ງກອງປະຊຸມປຶກສາຫາລືຄັ້ງນີ້ ລັດຖະມົນຕີກະຊວງ ອຄ ໄດ້ສະເໜີ 4 ບັນຫາຄື:

1. ຜັກດັນການເປີດດ່ານ ເພື່ອການຂົນສົ່ງສິນຄ້າ ລະຫວ່າງກັນ: ຂໍໃຫ້ ສປປ ລາວ ເປີດດ່ານທີ່ປິດໄປ ຕາມມາດຕະການຄວບຄຸມໂຄວິດ-19 ໃຫ້ສາມາດຂົນສົ່ງສິນຄ້າລະຫວ່າງກັນໄດ້ ເພື່ອບັນລຸເປົ້າ ໝາຍເພີ່ມມູນຄ່າການຄ້າ 11.000 ລ້ານໂດລາ ໃນປີ 2025;

2. ອໍານວຍຄວາມສະດວກທາງດ້ານການຄ້າ ບໍລິເວນດ່ານຊາຍແດນ: ຂໍໃຫ້ ສປປ ລາວ ອຳນວຍຄວາມສະດວກ ເລື່ອງການຜ່ານພິທີການກົມພາສີປະຈຳດ່ານຊາຍແດນ ເຊັ່ນ: ສາມາດອະນຸມັດເອກະສານຮັບຮອງແຫຼ່ງກຳເນີດສິນຄ້າ ຫຼື ຟອມ ດີ (Form D) ໄດ້ໂດຍບໍ່ຕ້ອງຜ່ານກົມພາສີ ທີ່ນະຄອນຫຼວງວຽງຈັນ ເຮັດໃຫ້ຊັກຊ້າ ແລະ ຖ້າ ສປປ ລາວ ສາມາດເຊື່ອມຕໍ່ລະບົບຮັບ-ສົ່ງເອກະສານແບບເອເລັກໂຕຣນິກ (e-form D) ໄດ້ຕາມທີ່ຕົກລົງກັນໄວ້ກັບອາຊຽນ ASEAN Single Window ຈະຊ່ວຍແກ້ໄຂບັນຫາດັ່ງກ່າວນີ້ໄດ້ເຊັ່ນກັນ;

3. ການແກ້ໄຂບັນຫາຈຸດປ່ອຍລົດຂົນສົ່ງສິນຄ້າຜ່ານແດນຊັກຊ້າ ບໍລິເວນດ່ານບໍ່ເຕ່ນ-ບໍ່ຫານ;

4. ລົດໄຟ ລາວ-ຈີນ: ຊ່ວຍອຳນວຍຄວາມສະດວກໃນການຂົນສົ່ງສິນຄ້າ ໂດຍສະເພາະໝາກໄມ້ຂອງໄທ ໄປຍັງ ສປ ຈີນ ໂດຍໃຊ້ເສັ້ນທາງລົດໄຟ ໄທ-ລາວ-ຈີນ ດ້ວຍ. ພ້ອມນີ້ ຍັງໄດ້ສະເໜີສົນທະນາແລກປ່ຽນ ແລະ ຂໍການແກ້ໄຂຈາກຝ່າຍໄທເປັນຕົ້ນ

1. ການສົ່ງອອກສາລີ ໄດ້ຮັບຜົນກະທົບຈາກມາດຕະການທີ່ບໍ່ແມ່ນພາສີ ຈາກຝ່າຍໄທນັບແຕ່ປີ 2010 ເປັນຕົ້ນມາ ຊຶ່ງໄດ້ຖືກຈໍາກັດລະດູການໃນການນໍາເຂົ້າສາລີ ຈາກ ສປປ ລາວ ໂດຍກໍານົດການນຳເຂົ້າສາລີ ພຽງແຕ່ 7 ເດືອນ/ປີ ຊຶ່ງເລີ່ມແຕ່ວັນທີ 1 ກຸມພາ ຫາ ວັນທີ 31 ສິງຫາ ຂອງທຸກປີ ຊຶ່ງເປັນອຸປະສັກ ແລະ ເພີ່ມຕົ້ນທຶນໃຫ້ແກ່ຜູ້ປະກອບການຫຼາຍຂຶ້ນ ແລະ ໃນທີ່ສຸດຜູ້ປະກອບການກໍຫັນຈາກການປູກສາລີໄປປູກພືດອື່ນແທນທີ່ມີລາຍຮັບດີກວ່າ ແລະ ເຮັດໃຫ້ຜົນຜະລິດສາລີໜ້ອຍລົງ. ອີງຕາມສະຖິຕິການສົ່ງອອກສາລີໄປໄທ ແມ່ນນັບມື້ນັບໜ້ອຍລົງ, ໃນປີ 2013 ບັນລຸເຖິງ 126.903 ໂຕນ ເທົ່າກັບ 40.581.009 ໂດລາ, ປັດຈຸບັນເຫຼືອພຽງ 22.030 ໂຕນ ເທົ່າກັບ 2.670.900 ໂດລາ, ສະເໜີຝ່າຍໄທ ພິຈາລະນາຄືນ ຍົກເລີກການນຳໃຊ້ມາດຕະການດັ່ງກ່າວ ໂດຍໃຫ້ສອດຄ່ອງກັບເງື່ອນໄຂຂອງສັນຍາການຄ້າສິນຄ້າ ຂອງອາຊຽນ,

2. ການນໍາເຂົ້າກາເຟເມັດດິບ ແລະ ກາເຟຂົ້ວ ຈາກລາວໄປໄທ ເຫັນວ່າມີກຳແພງ ທີ່ບໍ່ແມ່ນອັດຕາພາສີ ໂດຍສະເພາະແມ່ນການຈຳກັດປະລິມານທາງອ້ອມ ດ້ວຍການແບ່ງປັນໂຄຕ້ານຳເຂົ້າໃຫ້ຜູ້ປະກອບການທີ່ມີເງື່ອນໄຂ ຊຶ່ງເຫັນວ່າບໍ່ທັນສອດຄ່ອງກັບເງື່ອນໄຂສັນຍາການຄ້າດ້ານສິນຄ້າອາຊຽນ ສະເໜີຝ່າຍໄທ ພິຈາລະນາ ແລະ ແກ້ໄຂ ຕາມທາງຄວນດ້ວຍ,

3. ສະເໜີຝ່າຍໄທ ຊ່ວຍແກ້ໄຂບັນຫາການນຳເຂົ້ານໍ້າມັນປາມ ຈາກປະເທດມາເລເຊຍ ມາຜ່ານແດນໄທ ເພື່ອນຳເຂົ້າ ສປປ ລາວ ໂດຍບໍ່ຈຳກັດປະລິມານ ແລະ ດ່ານທີ່ຈະນຳເຂົ້າ ແລະ ສົ່ງຕໍ່ມາ ສປປ ລາວ ເພື່ອເປັນການປະຢັດເວລາ ແລະ ປະຢັດຕົ້ນທຶນໃນການຂົນສົ່ງໃຫ້ພາກທຸລະກິດ.

ສໍາລັບ ທ່ານ ຈຸລິນ ລັກສະນະວິສິດ ໄດ້ສະເໜີປຶກສາຫາລື ກ່ຽວກັບການເປີດດ່ານເພື່ອອໍານວຍຄວາມສະດວກໃນການຂົນສົ່ງສິນຄ້າ ອີກ 9 ດ່ານປະເພນີ ຫຼື ດ່ານທ້ອງຖິ່ນທີ່ໄດ້ປິດລົງ ເນື່ອງຈາກສະພາບການລະບາດພະຍາດໂຄວິດ-19; ການແກ້ໄຂບັນຫາຈຸດປ່ອຍລົດຂົນສົ່ງສິນຄ້າຜ່ານແດນຊັກຊ້າບໍລິເວນດ່ານບໍ່ເຕ່ນ-ບໍ່ຫານ ທີ່ມີການປ່ຽນຖ່າຍຫົວລາກລົດກ່ອນຜ່ານໄປຈີນ ຊຶ່ງທາງຝ່າຍລາວມີຫົວລາກລົດໜ້ອຍບໍ່ພຽງພໍກັບຄວາມຕ້ອງການ ຂອງບໍລິສັດເບື້ອງໄທ.ທັງສອງຝ່າຍໄດ້ຮັບຮູ້ບັນຫາຊຶ່ງກັນ ແລະ ກັນ ແລະ ຈະນໍາເອົາເນື້ອໃນຈິດໃຈຂອງກອງປະຊຸມຄັ້ງນີ້ນໍາສະເໜີຕໍ່ຄະນະລັດຖະບານຂອງຕົນ ເພື່ອພິຈາລະນາແກ້ໄຂໃນຂັ້ນຕໍ່ໄປ.

ຂ່າວ-ພາບ: ກະຊວງ ອຄ

ບັນຫານໍ້າມັນເຊື້ອໄຟຂາດເຂີນຕາມປໍ້າຂາຍຍ່ອຍຢູ່ບາງເຂດພາຍໃນແຂວງຫລວງນໍ້າທາ ຈົນເຮັດໃຫ້ປະຊາຊົນ ຫລັ່ງໄຫລກັນໄປໃສ່ນໍ້າມັນທີ່ປະກົດໃຫ້ເຫັນຕາມສື່ສັງຄົມອອນລາຍໃນຫລາຍມື້ມານີ້ ພວມໄດ້ຮັບການແກ້ໄຂ ພາຍຫລັງພາກສ່ວນກ່ຽວຂ້ອງໄດ້ລົງເຄື່ອນໄຫວຊຸກຍູ້ ແລະ ຕິດຕາມກວດກາບັນດາປໍ້ານໍ້າມັນບໍ່ໃຫ້ສວຍໂອກາດກັກຕຸນເພື່ອຂື້ນລາຄານໍ້າມັນເຊື້ອໄຟ ເຊີ່ງເປັນການເອົາປຽບຜູ້ບໍລິໂພກ ແລະ ຜິດຕໍ່ລະບຽບກົດໝາຍທີ່ລັດຖະບານໄດ້ວາງໄວ້.​

ທ່ານ ຫຸມເພັງ ວຽງທອງໄຊ, ຮອງຫົວໜ້າພະແນກອຸດສະຫະກຳ ແລະ ການຄ້າ ແຂວງຫລວງນໍ້າທາ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດ ວ່າ:

ສາເຫດທີ່ເຮັດໃຫ້ປໍ້ານໍ້າມັນບາງແຫ່ງບໍ່ສາມາດສະໜອງນໍ້າມັນເຊື້ອໄຟໄດ້ພຽງພໍກັບຄວາມຕ້ອງການຂອງສັງຄົມ ພາຍໃນ ແຂວງຫລວງນໍ້າທາ ຍ້ອນຂອດການປະສານງານດ້ານການຂົນສົ່ງລະຫວ່າງບໍລິສັດ ແລະປໍ້າຂາຍຍ່ອຍທົ່ວໄປ, ລວມເຖິງນໍ້າມັນທີ່ນໍາເຂົ້າມີລາຄາສູງຂື້ນ ຍ້ອນຄິດໄລ່ເປັນເງິນຕາຕ່າງປະເທດ ເຮັດໃຫ້ຜູ້ນໍາເຂົ້າບໍ່ສາມາດນໍາເຂົ້າໄດ້ຫລາຍເຮັດໃຫ້ການສະໜອງບໍ່ເຖີງຂັ້ນວ່າບໍ່ມີ ແຕ່ມີບໍ່ຫລາຍເຮັດໃຫ້ບໍ່ພຽງພໍກັບຄວາມຕ້ອງການຂອງການຊົມໃຊ້ ເພື່ອແກ້ໄຂບັນຫາທີ່ເກີດຂຶ້ນ, ພະແນກອຸດສາຫະກໍາ ແລະ ການຄ້າແຂວງ ໄດ້ເອົາໃຈໃສ່ສົມທົບກັບພາກສ່ວນກ່ຽວຂ້ອງເລັ່ງກວດກາບັນດາປໍ້າພາຍໃນແຂວງຢ່າງເຂັ້ມງວດຕໍ່ບັນດາປໍ້າທີ່ມີການປິດປໍ້າ ເພື່ອກັກຕຸນຂຶ້ນລາຄານໍ້າມັນເຊື້ອໄຟ ໂດຍໄດ້ກ່າວຕັກ ເຕືອນ, ສຶກສາອົບຮົມ ແລະ ປັບໄໝຕາມລະບຽບການ ເຮັດໃຫ້ການສະໜອງນໍ້າມັນພາຍໃນແຂວງຄ່ອຍເລີ່ມກັບມາເປັນປົກກະຕິແລ້ວ. ​

ທ່ານ ຫຸມເພັງ ວຽງທອງໄຊ ໃຫ້ຮູ້ຕື່ມວ່າ: ສໍາລັບແຜນການແກ້ໄຂໄລຍະຍາວນັ້ນ ພະແນກອຸດສະຫະກຳ ແລະການຄ້າແຂວງ ໄດ້ເຮັດບົດລາຍງານເຖິງທ່ານເຈົ້າແຂວງ ກໍ່ຄື ລັດຖະມົນຕີກະຊວງອຸດສະຫະກະກຳ ແລະການຄ້າ ເພື່ອຊອກຫາກົນໄກທີ່ເໝາະສົມໃນການແກ້ໄຂບັນຫາການສະໜອງນໍ້າມັນເຊື້ອໄຟໃຫ້ພຽງພໍກັບການຊົມໃຊ້ ເນື່ອງຈາກບັນຫານີ້ໄດ້ສົ່ງຜົນກະທົບໂດຍກົງຕໍ່ຂອດການຜະລິດສິນຄ້າ, ການຂົນສົ່ງ, ລວມເຖິງຊີວິດການເປັນຢູ່ຂອງປະຊາຊົນບັນດາເຜົ່າພາຍໃນແຂວງຫລວງນໍ້າທາ.

ແຫຼ່ງຂ່າວ: Lao Youth. Radio FM90.0 Mhz

ເຜີຍແຜ່ ດໍາລັດວ່າດ້ວຍ ລົດຂອງລັດ ໃນວັນທີ 30 ມີນາ 2022 ນີ້, ຄະນະສະເພາະກິດ ເພື່ອຄົ້ນຄວ້າລະ ບຽບການຄຸ້ມຄອງລົດ ບໍລິຫານຂອງລັດ ໄດ້ເຜີຍແຜ່ ດໍາລັດວ່າດ້ວຍ ລົດຂອງລັດ ສະບັບເລກທີ 599/ລບ, ລົງວັນທີ 29 ກັນຍາ 2021 ແລະ ນິຕິກໍາທີ່ກ່ຽວຂ້ອງ ໂດຍມີ ທ່ານ ອາລຸນໄຊ ສູນນະລາດ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະ ມົນຕີ, ທັງເປັນຫົວໜ້າຄະນະສະ ເພາະກິດ ເພື່ອຄົ້ນຄວ້າລະ ບຽບການຄຸ້ມຄອງລົດ ບໍລິຫານຂອງລັດ, ມີບັນດາຮອງລັດຖະມົນຕີ, ຫົວໜ້າກົມ, ຮອງກົມ ຈາກຂະ ແໜງການ ທີ່ກ່ຽວຂ້ອງ ເຂົ້າຮ່ວມ.

ທ່ານ ອາລຸນໄຊ ສູນນະລາດ ກ່າວວ່າ: ການເຜີຍແຜ່ດໍາລັດ ແລະ ນິ ຕິກຳດັ່ງກ່າວ ເພື່ອຮັບປະກັນ ແລະ ເປັນບ່ອນອີງ ໃຫ້ແກ່ການຈັດຕັ້ງປະຕິບັດ ໃຫ້ມີຄວາມເປັນເອກະພາບ, ໜັກແໜ້ນ ແລະ ໂປ່ງໄສ ເຊິ່ງລັດຖະບານ ໄດ້ມອບ ໝາຍໃຫ້ຫ້ອງວ່າການສໍານັກງານນາຍົກລັດຖະມົນຕີ ສົມທົບ ກັບກະຊວງການເງິນ ແລະ ບັນດາພາກສ່ວນກ່ຽວຂ້ອງ ຮ່າງດໍາລັດວ່າດ້ວຍລົດຂອງລັດ ຈົນໄດ້ຮັບການຮັບຮອງ ແລະ ປະກາດໃຊ້ ຢ່າງເປັນທາງການ, ພ້ອມດຽວກັນນັ້ນ, ໃຫ້ອົງການຈັດຕັ້ງຂອງ ພັກ- ລັດ, ແນວລາວສ້າງຊາດ, ສະຫະ ພັນນັກຮົບເກົ່າ, ອົງການຈັດຕັ້ງມະຫາຊົນ, ກົມກອງກໍາລັງປະ ກອບອາວຸດ, ຫົວໜ່ວຍໂຄງການ ແລະ ລັດວິສາຫະກິດ ຂັ້ນສູນກາງ ແລະ ທ້ອງຖິ່ນ ພ້ອມກັນຈັດຕັ້ງປະຕິບັດ ດຳລັດສະບັບນີ້ ຢ່າງເຂັ້ມງວດ ເພື່ອເຮັດໃຫ້ການນຳໃຊ້ລົດຂອງລັດ ຖືກຕ້ອງຕາມແນວທາງ ແລະ ມີຄວາມໂປ່ງໃສ.

ທ່ານ ບຸນປອນ ວັນນະຈິດ ຮອງລັດຖະມົນຕີກະຊວງການເງິນ ໄດ້ຍົກໃຫ້ເຫັນ ຈຸດປະສົງຂອງການສ້າງດຳລັດ ເຊິ່ງດຳລັດສະບັບນີ້, ໄດ້ ກຳນົດຫລັກການ, ລະບຽບການກ່ຽວກັບການປະກອບ, ການຄຸ້ມຄອງນຳໃຊ້, ການປົກປັກຮັກ ສາ ແລະ ການສະສາງ ລົດຂອງລັດ ເພື່ອເປັນບ່ອນອີງໃຫ້ແກ່ ອົງ ການຈັດຕັ້ງຂອງພັກ-ລັດ, ແນວລາວ ສ້າງຊາດ, ສະຫະພັນນັກຮົບເກົ່າລາວ, ອົງການຈັດຕັ້ງມະຫາ ຊົນ ແລະ ລັດວິສາຫະກິດທຸກລະດັບ ຕະຫລອດຮອດພະ ນັກງານຜູ້ທີ່ມີສິດ ນຳໃຊ້ລົດປະຈຳຕຳແໜ່ງການນຳຂັ້ນສູງ ໃນການບໍລິຫານລົດຂອງລັດ ແນໃສ່ສ້າງຄວາມເປັນເອກະພາບສູງໃນການຈັດ ຕັ້ງປະຕິບັດຕົວຈິງ ໃນຂອບ ເຂດທົ່ວປະເທດ, ທັງຮັບປະກັນ ປະຕິບັດນະໂຍບາຍປະ ຢັດແຫ່ງ ຊາດ ແລະ ໃຫ້ສອດຄ່ອງກັບເງື່ອນ ໄຂຕົວຈິງ ຂອງປະເທດເຮົາ.

ທ່ານ ບຸນປອນ ວັນນະຈິດ ຍັງໃຫ້ຮູ້ອີກວ່າ: ລົດຂອງລັດ ແມ່ນຊັບ ສິນຂອງລັດ ທີ່ໄດ້ມາຈາກການຈັດຊື້ດ້ວຍງົບປະມານແຫ່ງລັດ, ງົບປະມານຂອງ ລັດວິສາຫະກິດ, ທຶນກູ້ຢືມ, ການຊ່ວຍເຫລືອລ້າດ້ວຍຮູບການຕ່າງໆ ຈາກການຈັດຕັ້ງ ຫລື ບຸກຄົນ ທັງພາຍໃນ ແລະ ຕ່າງປະເທດ, ລວມທັງໄດ້ມາຈາກການຮິບຕາມຄຳຕັດສິນຂອງສານ ເຊິ່ງຕ້ອງໄດ້ຂຶ້ນບັນຊີຊັບສິນຂອງລັດ ນຳຂະແໜງການເງິນ, ອອກໃບທະບຽນ ແລະ ຕິດປ້າຍທະບຽນນຳຂະແໜງການທີ່ກ່ຽວຂ້ອງ ຕາມລະບຽບການ ເຊິ່ງລົດຂອງລັດ ຈະຖືກປະກອບໃຫ້ເປົ້າໝາຍສະເພາະເພື່ອຮັບໃຊ້ເຂົ້າໃນວຽກງານບໍລິຫານລັດ, ວິຊາສະເພາະ ແລະ ວິຊາສະເພາະຈຳ ເພາະ, ລົດປະຈຳຕຳແໜ່ງ ແລະ ລັດວິສາຫະກິດ ຕາມພາລະບົດ ບາດທີ່ຖືກມອບໝາຍ.ສຳລັບ ການປະກອບລົດປະຈຳຕຳແໜ່ງການນຳລະດັບສູງ ແລະ ນ້ຳມັນ ແມ່ນມີ 4 ປະເພດ ຄື:

ການນຳລະດັບສູງ ປະເພດ I ໄດ້ລົດເກັງ 1 ຄັນ, ລົດສໍາຮອງ ປະ ເພດລົດຈິບ 1 ຄັນ, ນໍ້າມັນ 200 ລິດຕໍ່ເດືອນ; ປະເພດ II ໄດ້ລົດເກັງ1 ຄັນ, ລົດສໍາຮອງ ປະເພດລົດຈິບ 1 ຄັນ, ນໍ້າມັນ 180 ລິດຕໍ່ເດືອນ, ປະເພດ III ໄດ້ລົດເກັງ 1 ຄັນ, ນໍ້າມັນ 150 ລິດ ຕໍ່ເດືອນ ແລະ ປະເພດ IV ໄດ້ລົດເກັງ 1 ຄັນ, ນໍ້າມັນ 120 ລິດ ຕໍ່ເດືອນ. ສຳລັບ ພາຫານະທີ່ນຳໃຊ້ການເຄື່ອນໄຫວວຽກງານທາງການ ທີ່ຈຳເປັນຂອງການນໍາຂັ້ນສູງ ປະ ເພດ III ແລະ IV ແມ່ນໃຫ້ນຳໃຊ້ລົດບໍລິຫານລວມ.ພ້ອມດຽວກັນນັ້ນ, ຫົວໜ້າກົມບໍລິຫານ-ພິທີການ ແລະ ການເງິນ, ພ້ອມດ້ວຍ ຮອງຫົວໜ້າກົມນະໂຍບາຍ ກະຊວງການເງິນ ກໍໄດ້ຜັດປ່ຽນກັນ ເຜີຍແຜ່ ຄຳແນະນຳກ່ຽວກັບການຄຸ້ມຄອງ ແລະ ນຳໃຊ້ ລົດບໍລິຫານຂອງລັດ ແລະ ຄຳແນະນໍາ ການ ຈັດຕັ້ງປະຕິບັດດຳລັດ ວ່າດ້ວຍລົດຂອງລັດ ເລກທີ 599/ລບ ສະເພາະລົດປະຈຳຕຳແໜ່ງການນໍາລະດັບສູງ ປະເພດ I ຫາ IV ຕື່ມອີກ.

ຂ່າວ: ທະນູທອງພາບ: ຂັນໄຊ

ແຂວງສະຫວັນນະເຂດ ຮ່ວມກັບອົງການອະນຸລັກສັດປ່າ ປະຈໍາ ສປປ ລາວ ຈັດພິທີປ່ອຍແຂ້ນ້ອຍພັນພື້ນເມືອງລາວຄືນສູ່ທໍາມະຊາດ

ແຂວງສະຫວັນນະເຂດ ຕາງໜ້າໂດຍພະແນກກະສິກໍາ ແລະ ປ່າໄມ້ແຂວງ ຮ່ວມກັບອົງການອະນຸລັກສັດປ່າ (WCS) ຈັດພິທີປ່ອຍແຂ້ນ້ອຍພັນພື້ນເມືອງລາວຄືນສູ່ທໍາມະຊາດ ຢູ່ບ້ານຕານສຸມ, ເມືອງຈໍາພອນ ໃນວັນທີ 30 ມິນາ 2022 ໂດຍມີ ທ່ານ ຊູຊາດ ໄຊຍະກຸມມານ, ຫົວໜ້າກົມປ່າໄມ້, ກະຊວງກະສິກໍາ ແລະ ປ່າໄມ້, ທ່ານ ຄໍາຈັນ ສີດາວົງ, ຫົວໜ້າພະແນກກະສິກໍາ ແລະ ປ່າໄມ້ ແຂວງສະ ຫວັນນະເຂດ, ພ້ອມດ້ວຍຫົວໜ້າອົງການອະນຸລັກສັດປ່າ ປະຈຳ ສປປ ລາວ, ຜູ້ຕາງໜ້າອົງການປົກຄອງ 4 ເມືອງເປົ້າໝາຍໂຄງການອະນຸລັກຊີວະນາໆ ພັນທີ່ສໍາຄັນໃນບໍລິ ເວນນໍ້າແບບມີສ່ວນ ຮ່ວມຂອງຊຸມຊົນ ແລະ ແຂກຮັບເຊີນ ເຂົ້າຮ່ວມ.

ແຂ້ນ້ອຍທີ່ນໍາມາປ່ອຍໃນຄັ້ງນີ້ ເປັນແຂ້ນ້ອຍພັນພື້ນ ເມືອງລາວ ຈໍານວນ 47 ໂຕ ໂດຍປ່ອຍໃສ່ອ່າງຈຽວທີ່ນອນຢູ່ໃນຂອບເຂດຈຸດສະຫງວນພາຍໃນເຊຈໍາພອນ ເພື່ອອະນຸ ລັກແຂ້. ທ່ານ ຊູຊາດ ໄຊຍະກຸມມານ ໃຫ້ຮູ້ວ່າ: ຍ້ອນຊີວະນາໆ ພັນຂອງ ສປປ ລາວ ນັບມື້ຖືກໄພຂົ່ມຂູ່ ເປັນຕົ້ນ: ພື້ນທີ່ປ່າ ໄມ້ຫຼຸດລົງ, ຖິ່ນຢູ່ອາໃສສັດປ່າຖືກທໍາລາຍ ແລະ ສະຖານະ ພາບຂອງແມ່ນໍ້າ, ຫ້ວຍ, ຮ່ອງ, ຄອງບຶງ ແລະ ດິນບໍລິເວນນໍ້າເຊື່ອມໂຊມ ເນື່ອງຈາກພົນລະເມືອງຂອງປະຊາຊົນໃນທ້ອງຖິ່ນນັບມື້ນັບເພີ່ມຂຶ້ນ ເຮັດໃຫ້ມີຄວາມຕ້ອງການພື້ນທີ່ກະສິກໍາ ແລະ ຊົມໃຊ້ຊັບພະຍາກອນດັ່ງກ່າວຫຼາຍຂຶ້ນເລື້ອຍໆ ແຕ່ຂາດການວາງແຜນນໍາໃຊ້ແບບຍືນຍົງ.

ດັ່ງນັ້ນ, ໃນວັນທີ 24 ກຸມພາ 2020 ລັດ ຖະບານ ໄດ້ຮັບຮອງເອົາໂຄງການອະນຸລັກຊີວະນາໆ ພັນທີ່ສໍາຄັນໃນບໍລິເວນນໍ້າແບບມີສ່ວນຮ່ວມຂອງຊຸມຊົນໃນ 4 ເມືອງເປົ້າໝາຍຂອງແຂວງສະຫວນນະເຂດ ຄື: ຈໍາພອນ, ໄຊບູລີ, ຊົນບູລີ ແລະ ສອງຄອນ ເຊີ່ງຈັດຕັ້ງປະຕິບັດໂດຍພະແນກກະສິກໍາ ແລະ ປ່າໄມ້ແຂວງສະຫວັນນະເຂດ ຮ່ວມກັບ WCS ເປັນເວລາ 5 ປີ ໂດຍໄດ້ຮັບການສະໜັບສະໜູນຈາກສະຫະພາບເອີ ຣົບ (EU), ອົງການພັດທະນາແຫ່ງປະເທດຝລັ່ງ (AFD) ແລະ ມູນນິທິມາກະເລັດ ຄາຣກິວ (MACP) ທັງໝົດ 1.213.826 ໂດລາສະຫະລັດ.

ຜ່ານການຈັດຕັ້ງປະຕິບັດວຽກງານມາຮອດປັດຈຸບັນ ໄດ້ປະສົບຜົນສໍາເລັດວຽກງານໂດຍພື້ນຖານ ຄື: ໄດ້ດໍາເນີນການສໍາຫຼວດຊະນິດພັນ, ຈໍານວນປະຊາ ກອນ, ສາຍພັນ ແລະ ການຂະ ຫຍາຍພັນໃນປີ 2019 ທາງທິມງານຂອງອົງການອະ ນຸລັກສັດປ່າຮ່ວມກັບອົງການປົກຄອງທ້ອງຖິ່ນ ໄດ້ດໍາເນີນການສໍາຫຼວດຊອກຫາຈໍານວນ ແຂ້ນໍ້າຈືດ ຫຼື ແຂ້ພື້ນເມືອງ ແລະ ພົບຮັງໄຂ່ທີ່ກູດຫມາກແຜ້ວ ກຸດຜີນ້ອຍ ເຂດບ້ານຕານສຸມ, ເມືອງຈໍາພອນ, ແຂວງ ສະຫວັນນະເຂດ. ທ່ານຫົວໜ້າກົມປ່າໄມ້ ໃຫ້ຮູ້ຕື່ມວ່າ: ແຂ້ນ້ອຍທີ່ນໍາມາປ່ອຍຄັ້ງນີ້ ທີ່ທາງໂຄງ ການອະນຸລັກຊີວະນາໆ ພັນທີ່ສໍາຄັນໃນບໍລິເວນນໍ້າແບບມີສ່ວນຮ່ວມຂອງຊຸມຊົນ ໄດ້ອະນຸ ບານໄວ້ເກືອບ 2 ປີ ເມື່ອເຫັນແຂ້ນ້ອຍດັ່ງກ່າວມີສຸຂະພາບແຂງແຮງດີ ພາກສ່ວນກ່ຽວຂ້ອງຈິ່ງຈັດພິທີປ່ອຍລົງສູ່ບຶງທໍາມະຊາດດັ່ງເດີມຂອງມັນ ເພື່ອເປັນຊັບ ສົມບັດຂອງ ສປປ ລາວ ທີ່ຄວນຄຸ້ມຄອງ ແລະ ປົກປັກຮັກສາໄວ້ໃຫ້ຍືນຍົງ ເພາະຢູ່ບໍລິເວນນໍ້າເຊຈໍາພອນ ຍັງມີປະຊາກອນແຂ້ ປະ ມານ 100 ກວ່າໂຕ ຕາມການປະ ເມີນຈາກການສໍາຫຼວດເກັບກໍາຂໍ້ມູນ ຂອງຊ່ຽວຊານ ແຕ່ ປີ 2003 ເຖິງປັດຈຸບັນ.

ຂ່າວ: Lao National Radio