ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ຜູ້ຊີ້ນໍາວຽກງານຂົງເຂດການປົກຄອງ ແລະ ວັດທະນະທໍາ-ສັງຄົມ, ປະທານຄະນະກໍາມະການຕ້ານການຄ້າມະນຸດລະດັບຊາດ ພ້ອມດ້ວຍຄະນະໄດ້ເຄື່ອນໄຫວວຽກງານຢູ່ແຂວງຫຼວງນໍ້າທາ, ມີ ທ່ານ ຈັນທອງ ແກ້ວປະເສີດ ຮອງເລຂາພັກແຂວງ ຜູ້ຊີ້ນໍາພັກພະນັກງານ ພ້ອມຄະນະຂັ້ນແຂວງ ໃຫ້ການຕ້ອນຮັບຢູ່ທີ່ບ້ານພັກບູນທິວົງ. ມາໃນຕອນແລງວັນດຽວກັນກໍ່ໄດ້ຮັບຟັງການໂອ້ລົມຂອງທ່ານຮອງນາຍົກລັດຖະມົນຕີແຫ່ງ ສປປ ລາວ ເຊິ່ງມີຄະນະປະຈໍາພັກແຂວງ, ຄະນະບໍລິຫານງານພັກແຂວງ, ເລຂາທິການສະພາປະຊາຊົນແຂວງ, ຫົວໜ້າພະແນກ-ຮອງຫົວໜ້າພະແນກການ, ຄະນະພັກ 2 ກອງບັນຊາການ, ອົງການລັດທຽບເທົ່າອ້ອມຂ້າງແຂວງ ແລະ ຄະນະກຳມະການຕ້ານການຄ້າມະນຸດຂັ້ນແຂວງ ເຂົ້າຮ່ວມຮັບຟັງ.

ທ່ານ ຈັນທອງ ແກ້ວປະເສີດ ຮອງເລຂາພັກແຂວງ ຜູ້ຊີ້ວຽກຢ່າງ ງານພັກ – ພະນັກງານ ກໍ່ໄດ້ລາຍງານສະພາບການ ຂອງແຂວງຫຼວງນ້ຳທາໃຫ້ຮູ້ວ່າ: ຈຸດພິເສດ, ເງື່ອນໄຂທ່າແຮງຂອງແຂວງ ແລະ ຄວາມບຸກບືນ-ສູ້ຊົນ, ຄວາມສາມັກຄີເປັນເອກະພາບຂອງຄະນະພັກ, ອົງການປົກຄອງແຕ່ລະຂັ້ນ ແລະ ການປະກອບສ່ວນຢ່າງເປັນເຈົ້າການຂອງພະນັກງານ, ທະຫານ-ຕໍາຫຼວດ ຕະຫຼອດຮອດປະຊາຊົນບັນດາເຜົ່າ ຈິ່ງສາມາດຜ່ານຜ່າອຸປະສັກ, ຂໍ້ຫຍຸ້ງຍາກຕ່າງໆ ແລະ ຍາດໄດ້ຜົນສໍາເລັດໃນຫຼາຍດ້ານ, ເຮັດໃຫ້ແຂວງຫຼວງນໍ້າທາມີສະຖຽນລະພາບທາງດ້ານການເມືອງຢ່າງໜັກແໜ້ນ, ເສດຖະກິດຂະຫຍາຍຕົວຖືກທິດ ແລະ ສັງຄົມມີຄວາມສະຫງົບປອດໄພ ໂດຍພື້ນຖານ.

ທ່ານ ຄຳຈັນ ອິນທອງໄຊ ກຳມະການປະຈຳພັກແຂວງ ປະທານແນວລາວສ້າງຊາດແຂວງ ກໍ່ໄດ້ລາຍງານກ່ຽວກັບການສະຫຼຸບຕີລາຄາໂດຍຫຍໍໍ້ກ່ຽວກັບການຈັດຕັ້ງປະຕິບັດວຽກງານຕ້ານການຄ້າມະນຸດພາຍໃນແຂວງຫຼວງນໍ້າທາ ໃນໄລຍະຜ່ານມາ ເຫັນວ່າ: ຍາມໃດຄະນະພັກ-ຄະນະນໍາຂອງແຂວງກໍ່ໄດ້ໃຫ້ຄວາມເອົາໃຈໃສ່ດ້ວຍຄວາມຮັບຜິດຊອບສູງເປັນຕົ້ນແມ່ນ ໄດ້ສຸມໃສ່ປົກປ້ອງ,ຊ່ວຍເຫຼືອຜູ້ຖືກເຄາະຮ້າຍທັງຢູູ່ພາຍໃນ ແລະ ຕ່າງປະເທດ, ຊ່ວຍເຫຼືອດ້ານສະຖານທີີ່ພັກເຊົາ, ດ້ານກົດໝາຍ, ການແພດ, ການສຶກສາ ແລະ ຝຶກອົບຮົມວິຊາຊີບ.

ພ້ອມນັ້ນ, ຍັງໄດ້ເຄືີ່ອນໄຫວວຽກຮ່ວມມືສອງຝ່າຍ, ຫຼາຍຝ່າຍ, ອົງການຈັດຕັ້ງສາກົນຕ່າງໆຢ່າງຕໍ່ເນື່ອງ ເຮັດໃຫ້ກົນໄກການຮ່ວມມືທັງພາຍໃນ ແລະ ຕ່າງປະເທດມີຄວາມຄ່ອງຕົວ, ສາມາດແກ້ໄຂບັນຫາວຽກງານການຄ້າມະນຸດ ຢ່າງເປັນຮູບປະທໍາ, ສາມາດປົກປ້ອງ ແລະ ຊ່ວຍເຫຼືອປະຊາຊົນຜູ້ເຄາະຮ້າຍ, ກຸ່ມສ່ຽງຕ່າງໆ. ຄຽງຄູ່ກັບຜົນສໍາເລັດຫຼາຍດ້ານໃນວຽກງານຕ້ານການຄ້າມະນຸດກໍ່ຍັງມີບາງບັນຫາທີີ່ຍັງຄົງຄ້າງທີ່ຕ້ອງໄດ້ສືບຕໍ່ແກ້ໄຂ.

ພາຍຫຼັງຮັບຟັງການລາຍງານກ່ຽວກັບວຽກງານຕ້ານການຄ້າມະນຸດ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ຜູ້ຊີີ້ນໍາວຽກງານຂົງເຂດການປົກຄອງ ແລະ ວັດທະນະທໍາ-ສັງຄົມ ໄດ້ສະແດງຄວາມຍ້ອງຍໍຊົມເຊີຍຕໍ່ອໍານາດການປົກຄອງແຂວງທີ່ສາມາດຍາດໄດ້ຜົນສໍາເລັດຫຼາຍດ້ານໃນໄລຍະຜ່ານມາ ເພື່ອເປັນທິດທາງໃນການແກ້ໄຂບັນດາຂໍໍ້ຄົງຄ້າງ ແລະ ເປັນການວາງແຜນການປັບປຸງໃນຕໍໍ່ໜ້າ, ແລະຍັງໄດ້ມີຄໍາເຫັນແລກປ່ຽນ ແລະ ຊີ້ນໍາໃຫ້ອໍານາດການປົກຄອງແຂວງ ແລະ ຂະແໜງການທີ່ກ່ຽວຂ້ອງ ສືບຕໍ່ເອົາໃຈໃສ່ບາງບັນຫາ ຄື:

ຖືເອົາວຽກງານສະກັດກັ້ນ ແລະ ຕ້ານການຄ້າມະນຸດເປັນພັນທະ, ເປັນໜ້າທີີ່ການເມືອງຂອງທຸກພາກສ່ວນ, ພ້ອມທັງ ກໍານົດເອົາວຽກງານດັ່ງກ່າວ ເຂົ້າເປັນວຽກຈຸດສຸມໜຶ່ງທີີ່ຕິດພັນກັບວຽກງານກໍໍ່ສ້າງຮາກຖານການເມືອງ, ພັດທະນາຊົນນະບົດ ແລະ ແກ້ໄຂຄວາມທຸກຍາກ,ໃຫ້ສືບຕໍໍ່ສຸມໃສ່ຜັນຂະຫຍາຍແຜນງານແຫ່ງຊາດ ວ່າດ້ວຍການຕ້ານການຄ້າມະນຸດ ໄລຍະIII (2021-2025) ຫັນມາເປັນແຜນງານ,ໂຄງການ, ກິດຈະກໍາຂອງຕົນເພືີ່ອຈັດຕັ້ງປະຕິບັດໃຫ້ມີປະສິດທິຜົນ, ກາຍເປັນຂະບວນການລວມ ຄືກັນກັບ 2 ວາລະແຫ່ງຊາດ, ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ພະນັກງານ-ສະມາຊິກພັກ.

ໃນນີີ້ສໍາຄັນແມ່ນຕ້ອງກໍາແໜ້ນແນວທາງຂອງພັກ, ລະບຽບກົດໝາຍຂອງລັດ,ບັນດາເອກະສານກ່ຽວຂ້ອງກັບວຽກງານຕ້ານການຄ້າມະນຸດ,ຕ້ອງມີການຝຶກອົບຮົມໃຫ້ພະນັກງານຢ່າງເປັນປະຈໍາ, ສືບຕໍໍ່ເພີີ່ມທະວີການຊອກຮູ້, ເຂົ້າເຖິງແຫຼ່ງຂໍໍ້ມູນ, ກວດກາ, ຕິດຕາມ, ຄຸ້ມຄອງ ການເຂົ້າ-ອອກເມືອງ, ບັນດາດ່ານຊາຍແດນ, ເຂດຫຼໍໍ່ແຫຼມ, ເກັບກໍາບັນດາເປົ້າໝາຍ ຂອງກຸ່ມຄົນບໍໍ່ດີທີີ່ເຄືີ່ອນໄຫວໃນຂະບວນການຄ້າມະນຸດ, ໃຫ້ຄວາມຊ່ວຍເຫຼືອເບິີ່ງແຍງຜູ້ຖືກເຄາະຮ້າຍ, ກຸ່ມສ່ຽງຈາກການຄ້າມະນຸດໃຫ້ທັນສະພາບການ ແລະ ແກ້ໄຂໃຫ້ເປັນຮູບປະທໍາ, ສົມທົບກັບພາກສ່ວນກ່ຽວຂ້ອງໃນການຄຸ້ມຄອງ ແລະ ແກ້ໄຂບັນຫາຄົນລາວແຕ່ງດອງກັບຄົນຕ່າງປະເທດແບບບໍໍ່ຖືກຕ້ອງ ນັບທັງການໄປອອກແຮງງານແບບບໍໍ່ຖືກຕ້ອງ ເພືີ່ອຫຼຸດຜ່ອນຄວາມສ່ຽງຂອງການຄ້າມະນຸດ, ເພີີ່ມທະວີການໂຄສະນາປູກຈິດສໍານຶກກ່ຽວກັບຄວາມສໍາຄັນ ແລະ ຜົນຮ້າຍຂອງການຄ້າມະນຸດ ທັງລວງກວ້າງ ແລະ ລວງເລິກ ໃຫ້ທົົ່ວສັງຄົມ ເຮັດໃຫ້ວຽກງານດັ່ງກ່າວ ກາຍເປັນຄວາມຮັບຜິດຊອບຂອງທົົ່ວສັງຄົມ ໂດຍໃຫ້ຄະນະຕ້ານການຄ້າມະນຸດຂັ້ນແຂວງ ສົມທົບກັບສະຫະພັນແມ່ຍິງແຂວງ, ຂະແໜງ ການຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ໃນການເຮັດວຽກງານໂຄສະນາປູກຈິດສໍານຶກດັ່ງກ່າວຢ່າງເອົາຈິງເອົາຈັງ, ມອບໃຫ້ກອງເລຂາຄະນະກໍາມະການຕ້ານການຄ້າມະນຸດ ເປັນໃຈກາງປະສານກັບກະຊວງແຮງງານ ແລະ ສະຫວັດດີການສັງຄົມ, ສູນກາງກໍາມະບານລາວ ແລະ ພາກສ່ວນກ່ຽວຂ້ອງ ໃນການຂຶີ້ນບັນຊີແຮງງານຈາກຫົວໜ່ວຍທຸລະກິດ ໃຫ້ເຂົ້າສູ່ລະບົບ ທັງສອດຄ່ອງກັບກົດໝາຍ, ສືບຕໍໍ່ປັບປຸງແບບແຜນວິທີເຮັດວຽກ, ກົນໄກການປະສານສົມທົບລະຫວ່າງສູນກາງກັບແຂວງ ກັບ ເມືອງ ແລະ ກຸ່ມບ້ານ ໃຫ້ກົມກຽວກັນ, ການສະໜອງຂໍໍ້ມູນຂ່າວສານ, ລະບອບການລາຍງານໃຫ້ມີຄວາມວ່ອງໄວຊັດເຈນທັນເວລາ,ສືບຕໍໍ່ເພີີ່ມທະວີການພົວພັນຮ່ວມມືກັບຕ່າງປະເທດ, ໂດຍສະເພາະແມ່ນກັບປະເທດທີີ່ມີຊາຍແດນຕິດຈອດ ເພືີ່ອຍາດແຍ່ງການສະໜັບສະໜູນ, ແລກປ່ຽນຂໍໍ້ມູນຂ່າວສານ ບົດຮຽນ ລວມທັງປະສານງານ ໃນການຕ້ານອາດຊະຍາກໍາ ທີີ່ກ່ຽວຂ້ອງກັບການຄ້າມະນຸດ,ເອົາໃຈໃສ່ວາງທິດທາງແຜນການຈັດຕັ້ງປະຕິບັດວຽກງານຕ້ານການຄ້າມະນຸດເປັນແຕ່ລະໄລຍະ, ໃນນັ້ນໃຫ້ກໍານົດບັນດາຄາດໝາຍສູ້ຊົນ ແລະ ໄລຍະເວລາຈັດຕັ້ງປະຕິບັດຈະແຈ້ງ, ມີການປະເມີນຜົນ ແລະ ສະຫຼຸບຖອດຖອນບົດຮຽນເປັນປົກກະຕິໃນແຕ່ລະຂັ້ນ, ແຕ່ລະໄລຍະ ບົນພືີ້ນຖານເນື້ອໃນຄາດໝາຍທີີ່ວາງໄວ້ ແລະ ສືບຕໍໍ່ປັບປຸງນິຕິກໍາຖ້າຫາກເຫັນວ່າຍັງບໍໍ່ທັນສອດສ່ອງ, ຍັງບໍໍ່ທັນຄົບຖ້ວນ ເພືີ່ຶອເປັນເຄືີ່ອງມືຮັບໃຊ້ວຽກດັ່ງກ່າວ ໃຫ້ມີປະສິດທິຜົນ.

ແຫຼ່ງຂ່າວ: Media Laos

ໃນວັນ 15 ມິຖຸນາ ຜ່ານມາ ທ່ານ ນາງ ຂັນແກ້ວ ຫ້າມະນີເງົາ ຫົວໜ້າກົມນະໂຍບາຍເງິນຕາ ທະນາຄານແຫ່ງ ສປປ ລາວ (ທຫລ) ໄດ້ໃຫ້ຮູ້ກ່ຽວກັບວຽກງານການຄຸ້ມຄອງເງິນຕາຕ່າງປະເທດຕໍ່ສື່ມວນຊົນທີີ່ຫ້ອງປະຊຸມ ທຫລ ຊຶ່ງມີເນື້ອໃນດັ່ງນີ້: ວຽກງານໃນການຄຸ້ມຄອງເງິນຕາຕ່າງປະເທດຢູ່ ສປປ ລາວ.

ໃນເງື່ອນໄຂທີ່ ສປປ ລາວ ມີຄວາມຫຍຸ້ງຍາກທາງດ້ານເສດຖະກິດ – ການເງິນ-ເງິນຕາ ດັັ່ງທີ່ພວກເຮົາເຫັນການເພີີ່ມຂຶ້ນຂອງອັດຕາເງິນເຟີ້, ການເໜັງຕີງຂອງອັດຕາແລກປ່ຽນ, ລາຄານໍ້າມັນ ຊຶ່ງບັນຫາດັັ່ງກ່າວ ຫຼາຍປະເທດກໍພວມປະເຊີນຢູ່ເຊັ່ນດຽວກັນ. ລວມທັງປະເທດທີ່ມີເສດຖະກິດຂະໜາດໃຫຍ່ ແລະ ເຂັ້ມແຂງ ກໍປະເຊີນກັບບັນຫາອັດຕາເງິນເຟີ້ເພີ່ມຂຶ້ນສູງທີ່ສຸດ ໃນຮອບຫຼາຍ 10 ປີ.

ໃນສະພາບແວດລ້ອມຄືແນວນີ້, ທຸກຂະແໜງການທັງພາກລັດ ແລະ ທຸລະກິດ ກໍໄດ້ພະຍາຍາມແກ້ໄຂບັນຫາດ້ວຍມາດຕະການຈໍານວນໜຶ່ງຢ່າງເໝາະສົມ ໂດຍສະເພາະມາດຕະການທີ່ທະນາຄານແຫ່ງ ສປປ ລາວ ພວມຈັດຕັ້ງປະຕິບັດໃນຂອບເຂດຂອງນະໂຍບາຍເງິນຕາແມ່ນສຸມໃສ່ປັບປຸງວຽກງານການຄຸ້ມຄອງເງິນຕາຕ່າງປະເທດ, ການແລກປ່ຽນເງິນຕາ, ການຊຸກຍູ້ສົ່ງເສີມການຂະຫຍາຍຕົວຂອງເສດຖະກິດ, ຫຼຸດຜ່ອນການເພີ່ມຂຶ້ນຂອງອັດຕາເງິນເຟີ້ ແລະ ອື່ນໆ.

ຄຽງຄູ່ກັນນີ້, ໃນການຈັດຕັ້ງປະຕິບັດມາດຕະການຕ່າງໆ ກໍປະກົດມີຄວາມເຂົ້າໃຈຂອງສັງຄົມທີີ່ອາດຈະຄາດເຄື່ອນຈາກຄວາມເປັນຈິງ ແລະ ບໍ່ທັນເປັນເອກະພາບຢ່າງທົ່ວເຖິງ ຕໍ່ບາງວິທີການໃນການຈັດຕັ້ງປະຕິບັດຕົວຈິງຂອງຂະແໜງການ ຊຶ່ງອາດຈະເກີດຈາກການສື່ສານປະຊາສໍາພັນຂອງຂະແໜງການຍັງບໍ່ທັນມີປະສິດທິພາບ ແລະ ບໍ່ກວ້າງຂວາງເທົ່າທີີ່ຄວນ ເປັນຕົ້ນ ເມື່ອບໍ່ດົນມານີ້ ກໍມີການຮັບຮູ້ ແລະ ເຂົ້າໃຈຄາດເຄື່ອນກ່ຽວກັບແຈ້ງການ ສະບັບວັນທີ 9 ແລະ ວັນທີ 13 ມິຖຸນາ 2022 ຂອງທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ກ່ຽວກັບການຖອນເງິນທີີ່ໂອນຜ່ານລະບົບບໍລິການຮັບເງິນດ່ວນ Money gram.

ທ່ານນາງ ຂັນແກ້ວ ຫ້າມະນີເງົາ ໃຫ້ຮູ້ຕື່ມວ່າ: ປັດຈຸບັນທະນາຄານທຸລະກິດ ກໍຄືລະບົບ Money gram ຍັງສືບຕໍ່ບໍລິການໃຫ້ປະຊາຊົນສາມາດຖອນເງິນໄດ້ຕາມປົກກະຕິຄືຜ່ານມາ.

ສະນັ້ນ, ແຈ້ງມາຍັງບັນດາທ່ານຊາບ ແລະ ໝັ້ນໃຈໃນຄວາມປອດໄພຂອງຊັບສິນກໍຄືເງິນຝາກຂອງທ່ານຢູ່ນໍາລະບົບ ທະນາຄານ ແຫ່ງ ສ​ປ​ປ ລາວ. ຕິດພັນກັບວຽກງານຄຸ້ມຄອງເງິນຕາຕ່າງປະເທດ, ທະນາຄານແຫ່ງ ສປປ ລາວ, ທະນາຄານທຸລະກິດ ແລະ ບັນດາຂະແໜງການກ່ຽວຂ້ອງ ແມ່ນໄດ້ຈັດຕັ້ງປະຕິບັດໜ້າທີີ່ຕາມບົດບາດຂອງໃຜລາວ ພາຍໃຕ້ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ ສະບັບເລກທີ 55/ສພຊ ລົງວັນທີ 22 ທັນວາ 2015, ໃນນັ້ນ ມາດຕາ 15 ໄດ້ກຳນົດກ່ຽວກັບການເປີດບັນຊີ ແລະ ການນໍາໃຊ້ເງິນຕາ ໃນບັນຊີເງິນຝາກ ຢູ່ ສປປ ລາວ ຄື:

ຜູ້ມີພູມລໍາເນົາ ຢູ່ ສປປ ລາວ ສາມາດນໍາເງິນກີບ ແລະ ເງິນຕາຕ່າງປະເທດ ທີີ່ມີແຫຼ່ງທີີ່ມາຖືກຕ້ອງ ຝາກເຂົ້າບັນຊີຂອງຕົນ ທີີ່ເປີດໄວ້ນໍາທະນາຄານທຸລະກິດ ຢູ່ ສປປ ລາວ ແລະ ເງິນໃນບັນຊີດັັ່ງກ່າວ ສາມາດຖອນ ແລະ ຮັບດອກເບ້ຍ ຕາມປະເພດບັນຊີເງິນຝາກຂອງຕົນນໍາທະນາຄານທຸລະກິດ.

ສະນັ້ນ, ອີງໃສ່ນິຕິກໍາດັັ່ງກ່າວຂ້າງເທິງ ທະນາຄານແຫ່ງ ສປປ ລາວ ຂໍຢັ້ງຢືນວ່າ ບັນດາທ່ານທີ່ມີເງິນຕາຕ່າງປະເທດຢູ່ໃນຄອບຄອງ ຍັງສາມາດເປີດບັນຊີເງິນຝາກ, ສາ ມາດຖອນ, ໂອນ ຕາມປະເພດບັນຊີ ແລະ ສະກຸນເງິນທີ່ຕົນຄອບຄອງໄດ້ຕາມປົກກະຕິ.

ພ້ອມດຽວກັນນີ້, ຂໍແຈ້ງຂ່າວຕື່ມວ່າ ລັດຖະບານ ພວມກະກຽມຈະນໍາສະເໜີຮ່າງກົດ ໝາຍວ່າດ້ວຍການຄຸ້ມຄອງເງິນຕາຕ່າງປະເທດ ສະບັບປັບປຸງ ຕໍ່ກອງປະຊຸມສະໄໝສາມັນ ເທື່ອທີ 3 ຂອງສະມາຊິກສະພາແຫ່ງຊາດ ຊຸດທີ IX ໃນອີກບໍ່ພໍ່ເທົ່າໃດວັນຂ້າງໜ້າ ຊຶ່ງຮ່າງກົດໝາຍດັັ່ງກ່າວ ຍັງຄົງຮັກສາສິດໃນການຖືຄອງ ແລະ ນໍາໃຊ້ເງິນຕາຕ່າງປະເທດ ຄືກັບສະບັບປັດຈຸບັນ ໝາຍຄວາມວ່າ ສາມາດຖືຄອງໃນຮູບແບບເງິນສົດ ແລະ ເງິນຝາກ ໄດ້, ແຕ່ກ່ອນຈະນໍາໃຊ້ຊໍາລະຄ່າສິນຄ້າ ແລະ ບໍລິການຕ່າງໆ ຢູ່ພາຍໃນປະເທດໃຫ້ແລກປ່ຽນເປັນເງິນກີບສາກ່ອນ.

ໃນໂອກາດນີ້, ຮຽກຮ້ອງໃຫ້ປະຊາຊົນລາວ ທີ່ເປັນລູກຄ້າຂອງທະນາຄານທຸລະກິດ ມີຄວາມເຊື່ອໝັ້ນຕໍ່ການເຄື່ອນໄຫວຂອງລະບົບທະນາຄານ, ບໍ່ຫຼົງເຊື່ອຕໍ່ກະແສຂ່າວທີີ່ບໍ່ເປັນທາງການ ຫຼື ມີຂໍ້ສົງໄສປະການໃດ ຂໍໃຫ້ປະສານຫາພາກສ່ວນກ່ຽວຂ້ອງ ໃຫ້ຄວາມກະຈ່າງແຈ້ງ ເພື່ອເຂົ້າໃຈໃຫ້ຖືກຕ້ອງ ປະກອບສ່ວນເຂົ້າໃນການປັບປຸງແກ້ໄຂວຽກງານຄຸ້ມຄອງມະຫາພາກ ຂອງລັດ ກໍຄືການເຄື່ອນໄຫວທຸລະກິດ ແລະ ເພື່ອຜົນປະໂຫຍດລວມຂອງປະຊາຊົນລາວບັນດາເຜົ່າໃຫ້ມີຊີວິດການເປັນຢູ່ກັບເຂົ້າສູ່ສະພາບປົກກະຕິ ແລະ ເຂັ້ມແຂງຂຶ້ນເທື່ອລະກ້າວ.

ແຫຼ່ງຂ່າວ: ປະຊາຊົນ

ລະວັງເດີ້ ພີ່ນ້ອງ!

.

ບັນດາສະມາຊິກສະພາແຫ່ງຊາດ (ສສຊ) ໄດ້ສະເໜີໃຫ້ລັດຖະບານ ແກ້ໄຂບັນຫາການຂາດແຄນນ້ຳມັນ ແລະ ອັດຕາແລກປ່ຽນ ຊຶ່ງເຫັນວ່າ ເງິນກີບອ່ອນຄ່າລົງນັບມື້, ໃນຂະນະດຽວກັນບັນຫາການຂາດແຄນນ້ຳມັນໄດ້ສົ່ງຜົນກະທົບຕໍ່ການຜະລິດຂອງຊາວກະສິກອນເປັນຈຳນວນຫຼວງຫຼາຍ.

ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ວັນທີ 14 ມິຖຸນາ 2022 ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດ ໄດ້ສືບຕໍ່ປະກອບຄຳຄິດເຫັນ ໃສ່ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ 6 ເດືອນຕົ້ນປີ 2022 ແລະ ແຜນການ 6 ເດືອນທ້າຍປີ 2022 ໂດຍສະເພາະບັນຫາເງິນກີບອ່ອນຄ່າ, ບັນຫາການຂາດແຄນນ້ຳມັນ ແລະ ອັດຕາເງິນເຟີ້ ຊຶ່ງ ສສຊ ຫຼາຍທ່ານສະເໜີໃຫ້ລັດຖະບານເລັ່ງແກ້ໄຂບັນຫາດັ່ງກ່າວ ເພື່ອໃຫ້ກັບຄືນສູ່ສະພາບປົກກະຕິໂດຍໄວ.

ທ່ານ ບຸນມີ ພິມມະສອນ ສະມາຊິກສະພາແຫ່ງຊາດ ເຂດເລືອກຕັ້ງທີ 12 ແຂວງຄຳມ່ວນ ສະເໜີໃຫ້ລັດຖະບານ ຄຸ້ມຄອງການແລກປ່ຽນເງິນຕາ ແລະ ຄຸ້ມຄອງບັນດາຮ້ານແລກປ່ຽນເງິນຕາຕ່າງໆ ຢູ່ຂອບເຂດທົ່ວປະເທດ, ພ້ອມທັງໃຫ້ຊອກຫາວິທີທາງດຶງເອົາເງິນຕາຕ່າງປະເທດ ທີ່ເຄື່ອນໄຫວຢູ່ນອກລະບົບ ໃຫ້ເຂົ້າສູ່ລະບົບທະນາຄານ ທັງນີ້, ກໍເພື່ອແກ້ໄຂບັນຫາເງິນກີບອ່ອນຄ່າ.ໃນຂະນະທີ່ ສສຊ ເຂດເລືອກຕັ້ງທີ 6 ແຂວງຫຼວງພະບາງ ສະເໜີໃຫ້ລັດຖະບານແກ້ໄຂບັນຫາການຂາດແຄນເງິນຕາຕ່າງປະເທດ ເນື່ອງຈາກວ່າພວກເຮົາຮັບຮູ້ແລ້ວວ່າ ເງິນຕາຕ່າງປະເທດຢູ່ນອກລະບົບມີຫຼາຍ ແຕ່ໃນລະບົບທະນາຄານບໍ່ພຽງພໍກັບຄວາມຕ້ອງການE. ດັ່ງນັ້ນ, ລັດຖະບານຕ້ອງມີມາດຕະ ການ, ວິທີການ ແລະ ວິທະຍາສາດໃນການແກ້ໄຂບັນຫາດັ່ງກ່າວ.

ໃນຂະນະທີ່ບັນຫາການຂາດແຄນນ້ຳມັນ ຕ້ອງມີການຄຸ້ມຄອງຢ່າງຮັດກຸມ ເນື່ອງຈາກວ່າການຂາດແຄນນ້ຳມັນ ຈະສົ່ງຜົນກະທົບເປັນຕ່ອງໂສ້ ໂດຍສະເພາະການຜະລິດຂອງຊາວກະສິກອນ ຊຶ່ງປັດຈຸບັນ ເຫັນວ່າການຜະລິດຂອງປະຊາຊົນໃນລະດູການນີ້ ຊັກຊ້າ ເນື່ອງຈາກວ່າຫຼາຍທ້ອງຖິ່ນບໍ່ມີນ້ຳມັນໃສ່ລົດໄຖ ແລະ ເຄື່ອງກົນຈັກຕ່າງໆທີ່ຮັບໃຊ້ເຂົ້າໃນຂະບວນການຜະລິດ.ສ່ວນ ທ່ານ ຄຳຟອງ ອິນມະນີ ສສຊ ເຂດ 3 ຫຼວງນ້ຳທາ ສະເໜີໃຫ້ລັດຖະບານພະຍາຍາມຊີ້ນຳພາກສ່ວນກ່ຽວຂ້ອງ ເຮັດແນວໃດເພື່ອໃຫ້ປະຊາຊົນສາມາດຊື້ນ້ຳມັນໃສ່ລົດໄຖນາ ເນື່ອງຈາກໄລຍະນີ້ ແມ່ນກຳລັງຢູ່ໃນໄລຍະການຜະລິດລະດູຝົນ ເພື່ອໃຫ້ທັນຕາມລະດູການ.

ແຫຼ່ງຂ່າວ: ປະຊາຊົນ

ໃນວັນທີ 14 ມິຖຸນາ ນີ້ ​ທ່ານ ທອງ​ລຸນ ສີ​ສຸ​ລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ ພ້ອມຄະນະໄດ້ໄປຢ້ຽມຢາມ ແລະ ເຮັດວຽກຢູ່ແຂວງວຽງຈັນ ເພື່ອເປັນການຊຸກຍູ້ພື້ນຖານການຜະລິດປູກຝັງ-ລ້ຽງສັດ, ສະຖານີບໍລິການຂົນສົ່ງສິນຄ້າທາງລົດໄຟລາວ-ຈີນ ແລະ ຢ້ຽມຢາມສະຖານທີ່ທ່ອງທ່ຽວຕາມເສັ້ນທາງວົງແຫວນ ເມືອງວັງວຽງ ແຂວງວຽງຈັນ ໂດຍການຕ້ອນຮັບຂອງ ທ່ານ ດາວເຮືອງ ນັນທະວົງ ຮອງເຈົ້າແຂວງວຽງຈັນ, ມີທ່ານເຈົ້າເມືຶອງທຸລະຄົມ ພ້ອມຄະນະໃຫ້ການຕ້ອນຮັບຢ່າງອົບອຸ່ນ.

ໃນ​ໂອ​ກາດ​ດັ່ງ​ກ່າວ ທ່ານ ທອງ​ລຸນ ສີ​ສຸ​ລິດ ພ້ອມ​ຄະ​ນະ​ໄດ້ໄປຢ້ຽມຢາມການລ້ຽງສັດຢູ່ຟາມງົວຊີ້ນ ນ້ຳເພັດຈະເລີນຊັບ ໂດຍການຕ້ອນຮັບຂອງ ທ່ານ ໂຕ່ຊີ້ງ ແສງພະຈັນ ປະທານບໍລິສັດ ນໍ້າເພັດຈະເລີນຊັບ, ໃນໂອກາດນີ້ທາງຄະນະຮັບຜິດຊອບຂອງບໍລິສັດດັ່ງກ່າວໄດ້ລາຍງານໃຫ້ຮູ້ວ່າ:

ຟາມລ້ຽງງົວຊີ້ນນ້ຳເພັດຈະເລີນຊັບ ແມ່ນ ຟາມລ້ຽງງົວພັນຊີ້ນສາຍເລືອດ 100%, ສ້າງຕັ້ງຂຶ້ນໃນປີ 2019 ຖືກຕ້ອງຕາມກົດໝາຍຂອງ ສປປ ລາວ.

ຟາມດັ່ງກ່າວຕັ້ງຢູ່ບ້ານຕານປ່ຽວ ເມືອງທຸລະຄົມ ແຂວງວຽງຈັນ, ມີເນື້ອທີ່ 12 ເຮັກຕາ, ໃນນີ້ໄດ້ແບ່ງອອກເປັນເນື້ອທີ່ຫ້ອງການ-ສຳນັກງານ, ເຮືອນຮົ່ມປູກຜັກອິນຊີແບບໂຮໂດຣໂປນິກ 18 ຫຼັງ, ໜອງປາ 8 ໜອງ, ປັດຈຸບັນ ຟາມລ້ຽງງົວຊີ້ນນ້ຳເພັດຈະເລີນຊັບ ມີງົວທັງໜົດ 288 ໂຕ, ດ້ານການລົງທຶນ ມີມູນຄ່າ 21 ຕື້ກີບ ແລະ ມີແຜນເພີ່ມ ໃຫ້ບັນລຸ 205 ຕື້ກີບ. ເພີ່ມເນື້ອທີ່ຈາກ 12 ເຮັກຕາ ໃນປັດຈຸບັນ ໃຫ້ບັນລຸ 120 ເຮັກຕາ; ເພີ່ມແມ່ພັນ 1.200 ແມ່ ຫຼື ສ້າງຝູງງົວຈາກທີ່ມີປັດຈຸບັນ ໃຫ້ບັນລຸ 2.700 ໂຕ;

ທອມງົວເພື່ອການຜະລິດຊີ້ນງົວຄຸນນະພາບສູງທົດແທນການນຳເຂົ້າ 2.000 ໂຕຕໍ່ປີ; ຈຳໜ່າຍພໍ່ພັນ, ແມ່ພັນງົວທີ່ດີບໍ່ຕ່ຳກວ່າ 800 ໂຕຕໍ່ປີ; ຜະລິດ ແລະ ຈຳໜ່າຍນ້ຳເຊື້ອງົວພັນດີ ສະໜອງໃຫ້ແກ່ ຊາວກະສິກອນທົ່ວປະເທດ ແລະ ຄາດຄະເນຈະສາມາດຜະລິດງົວໃນລະດັບ 29.428 ໂຕ ໃນ 10 ປີ, ຄິດເປັນນໍ້າຫນັກສັດບໍ່ຕໍ່າກວ່າ 20.500 ໂຕນ, ເປັນມູນຄ່າປະມານ 700 ຕື້ກີບ.

ໃນໂອກາດນີ້ ທ່ານ ທອງ​ລຸນ ສີ​ສຸ​ລິດ ໄດ້ສະແດງຄວາມຊົມເຊີຍ ແລະ ຍ້ອງຍໍຕໍ່ບໍລິສັດນໍ້າເພັດຈະເລີນຊັບ ທີ່ຕັດສິນໃຈລົງທຶນເຂົ້າໃສ່ວຽກງານກະສິກຳປູກຝັງ ແລະ ລ້ຽງສັດ ພ້ອມມີວິໄສທັດ ທີ່ສຳຄັນແມ່ນຄວາມມັກຮັກທີ່ຈະພັດທະນາ ໂດຍສະເພາະການຕັດສິນໃຈນຳງົວພັນຊີ້ນສາຍເລືອດ 100% ເຂົ້າມາລ້ຽງ ແລະ ຂະຫຍາຍພັນພາຍໃນຟາມ, ພ້ອມນັ້ນ ທ່ານປະທານປະເທດໄດ້ເນັ້ນໃຫ້ທາງບໍລິສັດເອົາໃຈໃສ່ສົ່ງເສີມປະຊາຊົນທີ່ຢູ່ອ້ອມຂ້າງໃຫ້ມີສ່ວນຮ່ວມໃນການປູກຝັງເຊັ່ນ: ການປູກຫຍ້າ, ປູກສາລີ, ປູກຜັກປອດສານພິດ ແລະ ເມື່ອການລ້ຽງສັດຂະຫຍາຍຕົວດີ ໃນອະນາຄົດໃຫ້ທາງບໍລິສັດເອົາໃຈໃສ່ສົ່ງອອກຜະລິດຕະພັນຊີ້ນງົວເປັນຫຼາຍຮູບແບບເພື່ອສ້າງມູນຄ່າເພີ່ມ.

ຈາກນັ້ນ,​ ທ່ານ ທອງ​ລຸນ ສີ​ສຸ​ລິດ ພ້ອມຄະນະ ໄດ້ໄປຢ້ຽມຢາມຄອບຄົວຕົວແບບປູກໝາກແຕງເມລ້ອນ ຢູ່ບ້ານໄຮຢ່ອນ ຄຸ້ມສະຝື້ ເມືອງທຸລະຄົມ ແຂວງວຽງຈັນ ຊຶ່ງເປັນຄອບຄົວຂອງ ທ້າວ ວິໄລພອນ ອິນທະວົົງ ໄດ້ເລີ່ມທົດລອງປູກມາແຕ່ຕົ້ນປີ 2018 ດ້ວຍທຶນຕົນເອງ ເບື້ອງ​ຕົ້ນໃຊ້ເງິນ 2 ລ້ານກີບ ແລະ ທົດລອງປູກແບບໃຊ້ໄມ້ໄຜ່ເປັນໂຄງປູກ ແລະ ມາຮອດ ປີ 2021 ໄດ້ຂະຫຍາຍໂຮງເຮືອນ ອອກເປັນ 15 ຫຼັງ ສະເລ່ຍຫຼັງໜຶ່ງມີມູນຄ່າປະມານ 35 ລ້ານກີບ, ສ່ວນການຂາຍຜົນຜະລິດສະເລ່ຍ ເດືອນລະ 2 ພັນກິໂລກຣາມ ຂາຍສົ່ງກິໂລລະ 20.000 ກີບ, ປັດຈຸບັນໄດ້ມີ 3 ຄອບຄົວພາຍໃນເມືອງມາຖອດຖອນບົດຮຽນໃນການປູກໝາກແຕງເມລ້ອນ, ຈາກນັ້ນກໍໄດ້ໄປຢ້ຽມຢາມຊຸກຍູ້ ແລະ ໃຫ້ກຳລັງໃຈຜູ້ປະກອບການທຸລະກິດການປູກຝັງ-ລ້ຽງສັດ ທີ່ພູເພັດຟາມ, ຢ້ຽມຢາມສາງພັກສິນຄ້າ ແລະ ສະຖານີບໍລິການຂົນສົ່ງສິນຄ້າທາງລົດໄຟລາວ-ຈີນ ແລະ ຢ້ຽມຢາມສະຖານທີ່ທ່ອງທ່ຽວຕາມເສັ້ນທາງວົງແຫວນ ເມືອງວັງວຽງ ແຂວງວຽງຈັນ.ໃນໂອກາດຢ້ຽມຢາມ, ພື້ນຖານການຜະລິດ ຂອງຜູ້ປະກອບການ ແລະ ປະຊາຊົນ ຢູ່ເມືອງທຸລະຄົມ ແລະ ເມືອງວັງວຽງ ຄັ້ງ​ນີ້ ທ່ານ ທອງລຸນ ສີສຸລິດ ໄດ້ເນັ້ນການສ້າງຄວາມເຂັ້ມແຂງ ໃຫ້ແກ່ການຜະລິດພາຍໃນ, ເພື່ອຕອບສະໜອງການຊົມໃຊ້ ຢູ່ພາຍໃນ ແລະ ເປັນສິນຄ້າສົ່ງອອກ ໂດຍສະເພາະແມ່ນດ້ານສະບຽງອາຫານ ກໍຄືການຮັບໃຊ້ການທ່ອງທ່ຽວ ໃນເງື່ອນໄຂເປີດປະເທດ ປະກອບສ່ວນສໍາຄັນ ເຂົ້າໃນການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ-ເງິນຕາ ໃນປັດຈຸບັນ ແລະ ສ້າງຄວາມເຂັ້ມແຂງໃຫ້ແກ່ລະບົບເສດຖະກິດແຫ່ງຊາດໃນຕໍ່ໜ້າ. ພ້ອມ​ທັງຍັງໄດ້ຮຽກຮ້ອງໃຫ້ອົງການປົດຄອງແຂວງວຽງຈັນ ສືບຕໍ່ຍູ້ແຮງການພັດທະນາເສດຖະກິດ-ສັງຄົມ ທີ່ມີທ່າແຮງຂອງແຂວງ ໃຫ້ຂະຫຍາຍຕົວຢ່າງຕໍ່ເນື່ອງ, ຕ້ອງຂະຫຍາຍການຜະລິດ ເຮັດໃຫ້ທ່າແຮງບົ່ມຊ້ອນດ້ານດິນ, ແຫຼ່ງນໍ້າ ໃຫ້ກາຍເປັນຜະລິດຕະພັນຂອງຕົນ; ສ້າງເງື່ອນໄຂ, ອຳນວຍຄວາມສະດວກ ໃນການຜະລິດທຸລະກິດ, ການສະໜອງເຕັກນິກ, ທຶນຮອນ ແລະ ຕະຫຼາດ ທີ່ໝັ້ນຄົງ ເພື່ອຍົກລະດັບລາຍໄດ້ ແລະ ຄຸນນະພາບຊີວິດ ຂອງປະຊາຊົນຊາວແຂວງວຽງຈັນໃຫ້ສູງຂຶ້ນ;

ຕ້ອງເອົາໃຈໃສ່ໃຫ້ຜູ້ປະກອບການ ແລະ ປະຊາຊົນ ຮ່ວມສໍາພັນກັນ ເປັນຕ່ອງໂສ້ ໃນຂະບວນການຜະລິດ-ທຸລະກິດ ຂອງແຂວງວຽງຈັນ ໃຫ້ມີຄວາມໜັກແໜ້ນ, ເຂັ້ມແຂງ ຂຶ້ນຢ່າງບໍ່ຢຸດຢັ້ງ.

ແຫຼ່ງຂ່າວ: ປະຊາຊົນ