ຝົນຕົກທົ່ວທຸກພາກ 29 ສິງຫາ ຫາ 4 ກັນຍາ 2022

.

.

ໃນວັນທີ 28 ສິງຫາ 2022 ສະຫາຍ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ໄດ້ລົງຕິດຕາມ ກວດກາ ສະພາບຄວາມເສຍຫາຍຈາກນໍ້າຖ້ວມ ຄັ້ງວັນທີ 26 ສິງຫາ 2022 ຕາມເສັ້ນທາງເມືອງໄຊ ຫາ ເມືອງຫຼາ ແຂວງອຸດົມໄຊ ແລະ ໄດ້ລົງຊຸກຍູ້ຊີ້ນຳຂະບວນການຊາວໜຸ່ມຕະລຸມບອນແຂວງອຸດົມໄຊ ທີ່ມາຈາກຮາກຖານຊາວໜຸ່ມອ້ອມຂ້າງແຂວງ 17 ໜ່ວຍຮາກຖານ ແລະ ຮຮ ຫະຫານທ້ອງຖິ່ນ ມີຈໍານວນ 111 ສະຫາຍ ທີ່ໄດ້ລົງຊ່ວຍເຫຼືອປະຊາຊົນ ຢູ່ບ້ານໂພນໄຊ. ເຊີ່ງນຳພາໂດຍ ສະຫາຍ ສົມດີ ເຕັງເບຼຍຈື ເລຂາຄະນະບໍລິຫານງານຊາວໜຸ່ມແຂວງອຸດົມໄຊ ພ້ອມດ້ວຍ ຄະນະບໍລິຫານງານຊາວໜຸ່ມແຂວງ.

ເຈົ້າແຂວງອຸດົມໄຊ ລົງສືບຕໍ່ຕິດຕາມ ກວດກາ ຜົນເສຍຫາຍຈາກໄພນໍ້າຖ້ວມຢູ່ແຂວງອຸດົມໄຊ

ແສງອາທິດ ໃນວັນທີ 28 ສິງຫາ 2022 ສະຫາຍບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ໄດ້ລົງ ຕິດຕາມ ກວດກາ ສະພາບຄວາມເສຍຫາຍຈາກນໍ້າຖ້ວມ ຄັ້ງວັນທີ 26 ສິງຫາ 2022 ຕາມເສັ້ນທາງເມືອງໄຊ ຫາ ເມືອງຫຼາ ແຂວງອຸດົມໄຊ ແລະ ໄດ້ລົງຊຸກຍູ້ຊີ້ນຳຂະບວນການຊາວໜຸ່ມຕະລຸມບອນແຂວງອຸດົມໄຊ ທີ່ມາຈາກຮາກຖານຊາວໜຸ່ມອ້ອມຂ້າງແຂວງ 17 ໜ່ວຍຮາກຖານ ແລະ ຮຮ ຫະຫານທ້ອງຖິ່ນ ມີຈໍານວນ 111 ສະຫາຍ ທີ່ໄດ້ລົງຊ່ວຍເຫຼືອປະຊາຊົນ ຢູ່ບ້ານໂພນໄຊ. ເຊີ່ງນຳພາໂດຍ ສະຫາຍ ສົມດີ ເຕັງເບຼຍຈື ເລຂາຄະນະບໍລິຫານງານຊາວໜຸ່ມແຂວງອຸດົມໄຊ ພ້ອມດ້ວຍ ຄະນະບໍລິຫານງານຊາວໜຸ່ມແຂວງ.

ການລົງເຄື່ອນໄຫວຊ່ວຍເຫຼືອປະຊາຊົນໃນຄັ້ງນີ້ ຍັງມີສະຫາຍ ປອ ສຸລິຍາ ສຸພິທັກ ຫົວໜ້າພະແນກ ການເງີນແຂວງ ພ້ອມດ້ວຍພະນັກງານ ໄດ້ລົງສົມທົບໃນການມອບເຄື່ອງບໍລິໂພກທີ່ຈຳເປັນຈຳນວນໜຶ່ງໃຫ້ແກ່ຄອບຄົວທີ່ຖືກນໍ້າພັດເຮືອນໄຫຼຈຳນວນ 12 ຄອບຄົວ. ໂດຍສືບຕໍ່ປະຕິບັດຕາມທິດຊີ້ນຳຂອງສະຫາຍ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ມູນຄ່າ 2.500.000 ກີບ. ເຊີ່ງການລົງຊ່ວຍເຫຼືອປະຊາຊົນໃນຄັ້ງນີ້ແມ່ນເພື່ອແກ້ໄຂສຸກເສີນໃນເບື້ອງຕົ້ນໃຫ້ຜູ້ປະສົບໄພນໍ້າຖ້ວມໃນຄັ້ງນີ້ ໃຫ້ເຂົ້າສູ່ສະພາບປົກກະຕິ.

ກວດແກ້ໂດຍ: ດາວອນ ສີວິໄລ

ຄະນະວິຊາການ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ສືບຕໍ່ປະສານງານກັບ ກະຊວງພະລັງງານ ແລະ ບໍ່ແຮ່ ຂໍອະນຸຍາດລາຍງານກ່ຽວກັບ ສະພາບບໍລິຫານນ້ໍາໃນອ່າງເກັບນ້ໍາຂອງເຂື່ອນ ໃນທົ່ວປະເທດ ປະຈໍາວັນທີ 26 ສິງຫາ 2022 ດັ່ງລາຍລະອຽດລຸ່ມນີ້:

1. ບັນດາເຂື່ອນໄຟຟ້າທີ່ບໍລິຫານນ້ໍາທີ່ຢູ່ໃນສະພາບປົກກະຕິ: ໂດຍລວມການບໍລິຫານນ້ໍາຂອງ ເຂື່ອນທີ່ມີອ່າງເກັບນ້ໍາຫຼາຍແຫ່ງຍັງຢູ່ໃນເກນປົກກະຕິ. ສໍາລັບເຂື່ອນທີ່ເປັນຝ່າຍນ້ໍາລົ້ນ ຫຼາຍແຫ່ງກໍ່ໄດ້ຢູ່ ໃນສະພາບປົກກະຕິເຊັ່ນດຽວກັນ ແຕ່ກໍ່ມີບາງເຂື່ອນກໍ່ຍັງປ່ອຍນ້ໍາຜ່ານທາງລະບາຍນ້ໍາລົ້ນ ເຊັ່ນເຂື່ອນ ໄຟຟ້ານ້ໍາຄານ 3, ເຂື່ອນໄຟຟ້າເຊກະຫມານ, ເຂື່ອນໄຟຟ້ານໍ້າມັງ 1 ແລະ ເຂື່ອນໄຟຟ້ານໍ້າຊັນ 3B ເຊີ່ງ ການປ່ອຍນ້ໍາໄຫຼລົ້ນສັນເຂື່ອນຖືເປັນເລື່ອງປົກກະຕິ ເນື່ອງຈາກເຂື່ອນປະເພດດັ່ງກ່າວອະນຸຍາດໃຫ້ນ້ໍາ ໄຫຼຜ່ານສັນເຂື່ອນໃນເວລາທີ່ເຕັມອ່າງ ເຊີ່ງອາດຈະເຮັດໃຫ້ປະລິມານນ້ໍາຢູ່ທ້າຍເຂື່ອນເພີ່ມຂຶ້ນເລັກ ນ້ອຍ ຫຼື ປະລິມານນ້ໍາຫນ້າ ແລະ ທ້າຍເຂື່ອນເທົ່າກັນ ເຊິ່ງບໍ່ມີຜົນກະທົບ;

2. ບັນດາເຂື່ອນໄຟຟ້າທີ່ມີການປ່ອຍນ້ໍາອອກຜ່ານປະຕູນ້ໍາລົ້ນ (ເຝົ້າລະວັງ)

• ເຂື່ອນໄຟຟ້ານ້ໍາລີກ 1-2 ຍັງສືບຕໍ່ລະບາຍນ້ໍາຜ່ານປະຕູນ້ໍາລົ້ນ (Spillway) ສະເລ່ຍ 70,00 ແມັດກ້ອນຕໍ່ວິນາທີ ແລະ ຜ່ານເຮືອນຈັກ (Power house) ສະເລ່ຍ 111,70 ແມັດກ້ອນຕໍ່ວິນາທີ ລວມ ທັງຫມົດ 181,70 ແມັດກ້ອນຕໍ່ວິນາທີ ເຮັດໃຫ້ລະດັບນ້ໍາ ສະຖານີບ້ານສາມຜືນ ເມືອງເຟືອງ ເພີ່ມ ຂຶ້ນ 0,14 ແມັດ ຈາກລະດັບ 2,02 ແມັດ ໃນມື້ຜ່ານມາ ມາເປັນ 2,16 ແມັດໃນມື້ນີ້ ເຊິ່ງທຽບ ກັບລະດັບນ້ໍາເຕືອນໄພ 8,00 ແມັດ ແລະ ລະດັບນ້ໍາອັດຕະລາຍ 9,00 ແມັດ ຖືວ່າຍັງຕໍ່າຫຼາຍ ເຊິ່ງ ເຫັນວ່າລະດັບນ້ໍາບໍ່ມີການເຫນັງຕີງຫລາຍ ແລະ ບໍ່ມີຜົນກະທົບຕໍ່ ປະຊາຊົນທີ່ອາໃສຢູ່ຕອນລຸ່ມຂອງ ເຂື່ອນໄຟຟ້າ;
• ເຂື່ອນໄຟຟ້ານ້ໍາຄານ 2 ຍັງສືບຕໍ່ລະບາຍນ້ໍາຜ່ານປະຕູນ້ໍາລົ້ນ (Spillway) ສະເລ່ຍ 27,95 ແມັດ ກ້ອນຕໍ່ວິນາທີ ແລະ ຜ່ານເຮືອນຈັກ (Power house) ສະເລ່ຍ 47,15 ແມັດກ້ອນຕໍ່ວິນາທີ ລວມ ທັງຫມົດ 75,10 ແມັດກ້ອນຕໍ່ວິນາທີ ເຊີ່ງໄຫຼລົງໃສ່ ອ່າງເກັບນ້ໍາເຂື່ອນນ້ໍາຄານ 3. ເມື່ອທຽບກັບຂໍ້ ມູນໃນມື້ຜ່ານມາ ເຫັນໄດ້ວ່າ ການປ່ອຍນ້ໍາຜ່ານປະຕູນ້ໍາລົ້ນຫຼຸດລົງ;
• ເຂື່ອນໄຟຟ້ານ້ໍາຄານ 3 ຍັງສືບຕໍ່ລະບາຍນ້ໍາຜ່ານປະຕູນ້ໍາລົ້ນ (Spillway) ສະເລ່ຍ 46,65 ແມັດ ກ້ອນຕໍ່ວິນາທີ ແລະ ຜ່ານເຮືອນຈັກ (Power house) ສະເລ່ຍ 81,46 ແມັດກ້ອນຕໍ່ວິນາທີ ລວມ ທັງຫມົດ 128,06 ແມັດກ້ອນຕໍ່ວິນາທີ ເຊີ່ງ ລະດັບນ້ໍາຢູ່ກ້ອງເຂື່ອນ ຢູ່ສະຖານີແທກນ້ໍາຢູ່ ບ້ານມີໄຊ ຫຼຸດລົງ 0,357 ແມັດ ຈາກລະດັບ 0,437 ແມັດ ໃນມິຜ່ານມາ ມາເປັນ 0,794 ແມັດ ໃນມື້ນີ້ ເຊີ່ງທຽບກັບລະດັບນ້ໍາເຕືອນໄພ 9 ແມັດ ແລະ ລະດັບນ້ໍາອັດຕະລາຍ 9,30 ແມັດ ຖືວ່າຍັງຕໍ່າຫຼາຍ ເຊິ່ງ ເຫັນວ່າລະດັບນ້ໍາບໍ່ມີການເຫນັງຕີງຫລາຍ ແລະ ບໍ່ມີຜົນກະທົບຕໍ່ ປະຊາຊົນທີ່ອາໃສຢູ່ຕອນລຸ່ມຂອງເຂື່ອນໄຟຟ້າ;
• ເຂື່ອນໄຟຟ້ານ້ໍາກົງ 1 ຍັງສືບຕໍ່ລະບາຍນ້ໍາຜ່ານປະຕູນໍ້າລົ້ນ (Spillway) ສະເລ່ຍ 55,00 ແມັດກ້ອນຕໍ່ວິນາທີ ແລະ ຜ່ານເຮືອນຈັກ (Power house) ສະເລ່ຍ 86,18 ແມັດກ້ອນຕໍ່ວິນາທີ ລວມ ທັງຫມົດ 62,87 ແມັດກ້ອນຕໍ່ວິນາທີ ເຊີ່ງປະລິມານນ້ໍາດັ່ງກ່າວໄຫຼໄປປ່ອງໃສ່ແມ່ນ້ໍາເຊກອງ ເຊີ່ງບໍ່ມີຜົນກະທົບຕໍ່ພື້ນທີ່ຕອນລຸ່ມ.
• ເຂື່ອນນ້ໍາເທີນ 1 ໄດ້ລະບາຍນໍ້າຜ່ານປະຕູນໍ້າລົ້ນ (Spillway) 173,43 ແມັດກ້ອນຕໍ່ວິນາທີ ແລະ ຜ່ານເຮືອນຈັກ (Power house) ສະເລ່ຍ 428,10 ແມັດກ້ອນຕໍ່ວິນາທີ ລວມທັງຫມົດ 601,53 ແມັດກ້ອນຕໍ່ວິນາທີ ເຮັດໃຫ້ ລະດັບນ້ໍາ ສະຖານີບ້ານປາກກະດິງ ເມືອງປາກກະດິງ ເພີ່ມຂຶ້ນ 0,10 ແມັດ ຈາກລະດັບ 7,36 ແມັດ ໃນມື້ຜ່ານມາເປັນ 7,46 ແມັດໃນມື້ນີ້ ເຊິ່ງທຽບກັບລະດັບນ້ໍາ ເຕືອນໄພ 13,75 ແມັດ ແລະ ລະດັບນ້ໍາອັນຕະລາຍ 14,75 ແມັດ ຖືວ່າຍັງຕໍ່າຫຼາຍ ເຊິ່ງເຫັນວ່າ ລະດັບນ້ໍາບໍ່ມີການເຫນັງຕີງຫລາຍ ແລະ ບໍ່ມີຜົນກະທົບຕໍ່ ປະຊາຊົນທີ່ອາໃສຢູ່ຕອນລຸ່ມຂອງເຂື່ອນໄຟຟ້າ;

ຫມາຍເຫດ: ເຂື່ອນໄຟຟ້າທີ່ເປັນອ່າງເກັບນ້ໍາ ນ້ໍາງື່ມ 1, ນ້ໍາຄານ 2, ຫ້ວຍລໍາພັນໃຫຍ່, ນ້ໍາເລີກ, ນ້ໍາງື່ມ 2, ນ້ໍາງື່ມ 5, ນ້ໍາງື່ມ 1-2, ນ້ໍາຍ່ວງ, ນ້ໍາເທີນ 2, ຫ້ວຍ ເຫາະ, ນ້ໍາອູ 5, ນ້ໍາອູ 6, ນ້ໍາອູ 7, ນ້ໍາທາ 1, ນ້ໍາງຽບ 2, ນ້ໍາໃຜ່, ນ້ໍາກົງ 1, ນ້ໍາກົງ 3, ເຊປ່ຽນ-ເຊນ້ໍານ້ອຍ, ເຊກະ

ຫມານ 1, ເຊກະຫມານ 3, ເຊລະນອງ 1, ນ້ໍາງຽບ 1, ນ້ໍາເທີນ 1. ເຂື່ອນໄຟຟ້າທີ່ເປັນຝາຍນ້ໍາລົ້ນ ນ້ໍາຄານ 3, ນ້ໍາມັງ 3, ນ້ໍາຊານາ, ນ້ໍາຊອງ, ເຊເຊັດ 1, ເຊເຊັດ 2, ເຊເຊັດ 3, ເຊລະບໍາ, ນ້ໍາລີກ 1, ນ້ໍາເທີນ ຫີນບູນ , ນ້ໍາອູ 1, ນ້ໍາອູ 2, ນ້ໍາອູ 3, ນ້ໍາອູ 4, ນ້ໍາງາ 2, ນ້ໍາງຽບ 2, ນ້ໍາງຽບ 2B, ນ້ໍາງຽບ 20, ນ້ໍາງຽບ 3A, ນ້ໍາມັງ 1, ນ້ໍາ ແບງ, ນ້ໍາຊັນ 3A, ນ້ໍາຊັນ 3B, ນ້ໍາເປີນ 1, ນ້ໍາເປີນ 2, ນ້ໍາກົງ 2, ເຊນ້ໍານ້ອຍ 1, ໄຊຍະບູລີ, ນ້ໍາງຽບ 1, ນ້ໍາຈຽນ 1, ນ້ໍາຜາໃຫຍ່, ຫ້ວຍປໍ, ດອນສະໂຮງ, ເຊນ້ໍານ້ອຍ 6, ຕາດຈຽດ, ນ້ໍາໂຊ, ນ້ໍາກາບ, ຕາດສະເລີຍ, ເຊນ້ໍານ້ອຍ 2, ນ້ໍາກົງຕອນລຸ່ມ, ນ້ໍາເທ

ບຸນຊ່ວງເຮືອທີ່ນະຄອນ ຫຼວງພະບາງ ເມືອງມໍລະດົກໂລກ ປີນີ້ ໄດ້ຈັດຂື້ນຢ່າງຄຶກຄື້ນ ພາຍຫຼັງມິດງຽບໄປ 2 ປີ.

ວັນທີ 26 ສີງຫາ 2022 ນີ້ ນະຄອນ ຫຼວງພະບາງ ໄດ້ຈັດບຸນຊ່ວງເຮືອປະເພນີປະຈໍາປີ 2022 ໃຫ້ກຽດເຂົ້າຊົມ ມີ ທ່ານ ພັນຄຳ ວິພາວັນ ນາຍົກລັດຖະມົນຕີ, ພ້ອມດ້ວຍການນຳຂັ້ນແຂວງ, ຂັ້ນນະ ຄອນ-ເມືອງ, ມວນຊົນທັງພາຍໃນ ແລະຕ່າງປະເທດ ຕາມແຄມຟັ່ງນ້ຳຄານ. ພິທີ ເລີ້ມແຕ່ຕອນເຊົ້າໄດ້ເຕົ້າໂຮມການນໍາພັກ-ລັດ ຊາວພຸດທະສາສະນິກະຊົນ, ແຂກ ທັງພາຍໃນ ແລະຕ່າງປະເທດ, ຕະຫຼອດຮອດປະຊາຊົນບັນດາເຜົ່າທຸກຖ້ວນໜ້າ ພ້ອມກັນໃສ່ບາດຢາດນ້ຳ ແລະປະກອບພິທີທາງສາສະໜາ, ຈາກນັ້ນ ໄດ້ມີການເຕົ້າໂຮມບັນດາເຮືອຊ່ວງທີ່ເຂົ້າແຂ່ງຂັນ ຢູ່ສາຍນ້ຳຄານເຂດທ່າປ່າເຝືອນ ຫາປາກນ້ຳຄານ ເພື່ອດຳເນີນການແຂ່ງ ຂັນຢ່າງເປັນທາງການ, ທ່ານ ວຽງທອງ ຫັດສະຈັນ ເຈົ້ານະຄອນ ຫຼວງພະບາງ ກ່າວເປີດພິທີຢ່າງເປັນທາງການວ່າ:

ເປັນປະຈຳທຸກປີ ພໍຮອດມື້ແຮມ 14 ຄໍ່າເດືອນ 9 ທີ່ຊາວຫຼວງພະບາງ ເມືອງມໍລະດົກໂລກ ໄດ້ຈັດໃຫ້ມີການຊ່ວງເຮືອປະເພນີ ໂອກາດບຸນຫໍ່ເຂົ້າປະດັບດີນ, ອັນເປັນປາງບຸນໜື່ງ ທີ່ໄດ້ ສືບທອດກັນມາແຕ່ ສັດຕະວັດທີ່ 19 ໂດຍແມ່ນເຈົ້າມັນທາຕຸລາດ ກະສັດປົກຄອງອານາຈັກລາວລ້ານຊ້າງຫລວງພະບາງ ເປັນຜູ້ລິເລີ່ມ ແລະໄດ້ຮັບການສືບທອດມາເຖີງປັດຈຸ ບັນ ເປັນການສະແດງເຖີງ ພາລະກຳລັງ ຄວາມສາມັກຄີ ແລະບົດຮຽນ- ປະສົບ ການ ພ້ອມທັງເປັນການບູຊາພະຍານາກ ຕາມຮີດຄອງປະເພນີອັນດີງາມ ເພື່ອປົກປັກຮັກສາບ້ານເມືອງ ໃຫ້ມີຄວາມຈະເລີນຮຸ້ງເຮືອງ ແລະຢູ່ເຢັນເປັນສຸກຕະຫລອດໄປ.

ທ່ານກ່າວຕື່ມວ່າ: ບຸນຊ່ວງເຮືອທີ່ນະຄອນ ຫຼວງພະບາງ ເມືອງມໍລະດົກໂລກ ບໍ່ໄດ້ຈັດຂື້ນ 2 ປີຜ່ານມາ ເນື່ອງຈາກສະພາບການແຜ່ລະບາດ ຂອງພະຍາດໂຄວິດ 19 ສະເພາະປີນີ້ ອົງການປົກຄອງນະຄອນ ໄດ້ຮັບການອານຸຍາດຈາກອົງການປົກຄອງແຂວງ ໃຫ້ຈັດຂື້ນອີກຄັ້ງ ໂດຍມີເຮືອຊ່ວງຈາກບັນດາບ້ານພາຍໃນນະຄອນ ຫຼວງພະບາງ, ຕາງໜ້າຈາກເມືອງອ້ອມຂ້າງ, ພິເສດ ມີເຮືອຊ່ວງຈາກນະຄອນຫຼວງວຽງຈັນ ແລະແຂວງໄຊຍະບູລີ ເຂົ້າຮ່ວມແຂ່ງຂັນລວມທັງໝົດ 23 ລໍາ.ພາຍຫຼັງສຳເລັດການເປີດພິທີຢ່າງເປັນທາງການ ໄດ້ເລີ້ມການຕາມຕາຕະລາຄາດຄູ່ ໂດຍເລີ້ມຈາກເຮືອຊ່ວງນາງດຳ ນາງດ່ອນ ເປັນການເປີດສາກການແຂ່ງຂັນຕາມຮີດຄອງປະເພນີ, ສ່ວນການແຂ່ງຂັນຈະປະຕິບັດໃນຮູບແບບ ເສຍສອງຄັ້ງແລ້ວຂັດອອກ ພ້ອມທັງຈັດອັນດັບທີ່ ສ່ວນເຮືອທີ່ເສຍຄັ້ງໜື່ງ ແມ່ນສາມາດຊີງຂື້ນໄປເຖີງຮອບຊີງຊະນະເລີດ ໂດຍຈະດຳເນີນເປັນເວາ 1 ວັນຈືງຈະສຳເລັດ.

ແຫຼ່ງຂ່າວ: Lao National Radio