ແຈ້ງຜູ້ເສຍຫາຍ: ນາງບົວໃສ ສຸລິຍະເຕັນ (ຊື່ຫລິ້ນ ປິກ)

ຊື່ ພໍ່ ປົບ ສຸລິຍະເຕັນ, ຊື່ ແມ່ ຈຸກ ສຸລິຍະເຕັນ

ບ້ານ ນາໄຊນອ້ຍ ເມືອງແຂວງສາລະວັນ ລັກສະນະເຄື່ອງແຕ່ງກາຍ ລົງເຮືອນ ໃສເສື້ອແຂນຍາວ ກາເບຍລາວ ສີເຫລືອງອ່ອນ ສົ້ງແຊມຂາຍາວ ຄວາມສູງເມັດ 150 ຊມ ໄດ້ອອກຈາກບ້ານວັນທີ27/09/2020​ເບີໂທຂອງບພໍ່ແມ່ 0309523660 ຖ້າໄຜພົບເຫັນລູກສາວຈະສົມມະນາຄຸນຕາມຄວາມເຫມາະສົມ

.

.

.

ໃນວັນທີ 02/10/2020 ເວລາ 03:29 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າມີລົດຈັກລົ້ມ ຢູ່ບ້ານ ຊຽງດາ ເມືອງ ໄຊເສດຖາ ນະຄອນຫຼວງວຽງຈັນ

ທີມກູ້ຊີບກູ້ໄພນະຄອນຫຼວງ (ສູນສັ່ງການ) ຈຶ່ງໄດ້ອອກກວດສອບເຫດພົບຜູ້ບາດເຈັບ 01 ຄົນເປັນເພດຊາຍອາການເບື້ອງຕົ້ນແມ່ນ: ໝົດສະຕິ (ຫົວໃຈຢຸດເຕັ້ນ), ກະທົບຄໍ,ກະທົບຫົວແລະ ມີບາດແຜຕາມຕົນຕົວ. ໃນເວລາຕໍ່ມາພວກເຮົາຈຶ່ງໄດ້ທຳການນວດຫົວໃຈ (CPR). ຄົນເຈັບທົນພິດບາດແຜບໍ່ໄຫວແລ້ວເສຍຊິວິດໃນເວລາຕໍ່ມາ

ດັ່ງນັ້ນຈຶງໄດ້ປະສານຫາເຈົ້າຫນ້າທີ່ຕຳຫລວດຈາລະຈອນແລະຍາດຕິພີ່ນ້ອງຂອງຜູ້ເສຍຊິວິດເພື່ອມອບສົບໄປເຮັດພິທີທາງສາດສະໜາ

ຂໍສະແດງຄວາມເສຍໃຈມາທາງຄອບຄົວຜູ້ເສຍຊິວິດດ້ວຍ

ກອງປະຊຸມໃຫຍ່ຜູ້ແທນກໍາມະບານ ກະຊວງຖະ ແຫລງຂ່າວ, ວັດທະນາທຳ ແລະ ທ່ອງທ່ຽວ (ຖວທ) ຈັດຂຶ້ນໃນວັນທີ 1 ຕຸລາ 2020 ທີ່ຫໍວັດທະນາທຳແຫ່ງຊາດ ໂດຍການເຂົ້າຮ່ວມຂອງທ່ານ ປ້ານ ນ້ອຍມະນີ, ກຳມະການສູນກາງພັກປະທານສູນກາງສະຫະພັນກຳມະບານລາວ, ທ່ານ ບົວເງິນ ຊາພູວົງ ຮອງເລຂາຄະນະບໍລິຫານງານພັກກະຊວງ, ຮອງລັດຖະມົນຕີກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວພ້ອມດ້ວຍຜູ້ແທນສົມບູນທັງໝົດ 181 ທ່ານ ຍິງ 51 ທ່ານ ຊື່ງເປັນຕົວແທນໃຫ້ແກ່ສະມາຊິກກຳມະບານທົ່ວກະຊວງຖະ ແຫລງຂ່າວ, ວັດທະນາທຳ ແລະ ທ່ອງທ່ຽວທັງໝົດ 1.542 ທ່ານ.

ກອງປະຊຸມໄດ້ສັງເກດຕີລາຄາຄືນ ແລະຮັບຮອງເອົາບົດລາຍງານການເມືອງກອງປະຊຸມໃຫ່ຍຄັ້ງທີ VIII ຂອງສະ ຫະພັນກຳມະບານກະຊວງ ຖວທ ແລະທິດທາງແຜນການໃນ 5 ປີຕໍ່ໜ້າ ໂດຍໄດ້ຍົກໃຫ້ເຫັນເຖິງຄວາມພະຍາຍາມ ແລະ ຕັດສິນໃຈສູງ ເພື່ອຜ່ານຜ່າຄວາມຫຍຸ້ງຍາກພ້ອມທັງເສີມຂະ ຫຍາຍມູນເຊື້ອຄວາມສາມັກຄີເປັນເອກະພາບໃນການຈັດຕັ້ງປະຕິບັດໜ້າທີ່ຂອງຕົນໃຫ້ສຳເລັດຕາມແຜນ ການທີ່ວາງໄວ້ ໂດຍສະເພາະການເປີດບັນແຂ່ງຂັນ ແລະຊຸກຍູ້ຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ, ຕິດພັນກັບຂະບວນການຮັກຊາດ ແລະ ພັດທະນາ ເຮັດໃຫ້ສະຫະພັນກຳມະບານກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ໄດ້ຮັບການຮັບຮອງ ເປັນສະຫະພັນກຳມະບານ 5 ເປັນເຈົ້າ, ໄດ້ຮັບທຸງໄຊ ແລະ ປະດັບຫລຽນກາກຳມະ ບານລາວ ເປັນເຈົ້າສະໄໝທີ 7 ຂອງສະຫະພັນກຳມະບານລາວ; ນອກຈາກນີ້ສະມາຊິກກຳມະບານຈຳນວນໜຶ່ງຍັງໄດ້ຮັບການປະດັບຫລຽນກາກຳມະບານ ແລະ ໜ່ວຍກຳມະບານຮາກຖານອ້ອມາຂ້າງກະຊວງຈຳນວນໜຶ່ງກໍໄດ້ຮັບໃບຍ້ອງຍໍເຊັ່ນດຽວກັນ.

ກອງປະຊຸມໃຫ່ຍຍັງໄດ້ພ້ອມກັນໃຊ້ສິດປະຊາທິປະໄຕປ່ອນບັດເລືອກຕັ້ງເອົາຄະນະບໍລິຫານງານສະຫະພັນກຳມະບານກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວ ຊຸດທີ 8 ຈໍານວນ 13 ທ່ານ ໃນຈຳນວນຜູ້ສະໝັກເລືອກຕັ້ງທັງໝົດ 19 ທ່ານ ຍິງ 3 ທ່ານ. ກອງປະຊຸມຄັ້ງປະຖົມມະລຶກຂອງຄະນະບໍລິຫານງານສະຫະພັນກຳມະບານກະຊວງຖະແຫລງຂ່າວ,ວັດທະນາທຳ ແລະ ທ່ອງທ່ຽວຄັ້ງທີ 8 ໄດ້ເປັນເອກະສັນເລືອກຕັ້ງເອົາ ທ່ານ ຄຳຫລ້າ ຍອຍສາຍຄໍາ ເປັນປະທານຄະນະບໍລິຫານງານສະຫະພັນກຳມະບານກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ, ທ່ານ ຄູນສະຫວັດ ຊຸ່ມມະນີວົງ, ທ່ານ ວຽງວັດທະນາ ຊະນະພານ ແລະ ທ່ານ ໄຊສົມບັດ ບູນນະຜົນ ເປັນຮອງປະທານ, ໃນນີ້ ເລືອກເອົາທ່ານ ຄູນສະຫວັດ ຊຸ່ມມະນີວົງ ເປັນປະທານກວດການອກຈາກນີ້ກອງປະຊຸມຍັງເລືອກເອົາຕົວແທນເຂົ້າຮ່ວມກອງປະຊຸມໃຫ່ຍສະຫະພັນກຳມະບານລາວ ຈຳນວນ 3 ທ່ານ, ສໍາຮອງ 2 ທ່ານ.

ກອງປະຊຸມຍັງໄດ້ຮັບຟັງການໂອ້ລົມຈາກ ທ່ານ ປ້ານ ນ້ອຍມະນີ, ກຳມະການສູນກາງພັກປະທານສູນກາງສະຫະພັນກຳມະບານລາວ ໂດຍທ່ານເນັ້ນໜັກຫລາຍບັນຫາສຳຄັນເພື່ອເປັນທິດຊີ້ນໍາໃຫ້ຄະນະສະຫະພັນກຳມະບານກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວສືບຕໍ່ຈັດຕັ້ງປະຕິບັດໃນຕໍ່ໜ້າ ແນໃສ່ເຮັດຈັດຕັ້ງຜັນຂະຫຍາຍມະຕິກອງປະຊຸມຄັ້ງນີ້ໃຫ້ປະກົດຜົນເປັນຈິງ ແລະ ຍາດໄດ້ຜົນສຳເລັດໃໝ່.

ປະທານສູນກາງສະຫະພັນກໍາມະບານລາວຍັງໄດ້ຮຽກຮ້ອງມາຍັງຄະນະສະຫະພັນກໍາມະບານຮາກຖານແຕ່ລະຂັ້ນ ພ້ອມດ້ວຍສະມາຊິກກຳມະບານກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວຈົ່ງຕັ້ງໜ້າເສີມຂະຫຍາຍບົດບາດຂອງຕົນ ເຕົ້າໂຮມຄວາມສາມັກຄີເປັນເອກະພາບ ໂດຍສົມທົບກັບບັນດາອົງການຈັດຕັ້ງພາຍໃຕ້ການນໍາພາຂອງອົງຄະນະພັກກະຊວງ ເພື່ອປະຕິບັດພາລະກິດປົກປັກຮັກສາ ແລະສ້າງສາພັດທະນາປະເທດຊາດ ປະກອບສ່ວນເຂົ້າໃນວຽກງານຖະແຫລງຂ່າວ, ວັດທະນາທຳ ແລະ ທ່ອງທ່ຽວໃຫ້ມີທ່າກ້າວຂື້ນ, ທັນສະໄໝ ແລະ ພັດທະນາໄປຢ່າງບໍ່ຢຸດຢັ້ງ.

Cr: ຈັນທະສອນ ສີຫານາດ

ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຈັດກອງປະຊຸມທົບທວນການຈັດຕັ້ງປະຕິບັດການປະເມີນຄວາມສ່ຽງຕໍ່ການເກີດລະບາດຂອງພະຍາດ COVID-19 ໂດຍນຳໃຊ້ຂໍ້ມູນຈາກຫຼາຍພາກສ່ວນທີ່ກ່ຽວຂ້ອງ ເພື່ອກວດສອບກໍລະນີສົງໃສ ແລະ ກຸ່ມຄົນທີ່ຕິດເຊື້ອ ໂຄວິດ-19 ຢ່າງວ່ອງໄວ

ເພື່ອປະເມີນການລະບາດ ເພື່ອເປັນແນວທາງໃນການວາງມາດຕະການໂຕ້ຕອບ ໃນລະດັບຕ່າງໆ, ເພື່ອຕິດຕາມຄວາມສາມາດໃນການບໍລິການສາທາລະນະສຸກ ແລະ ຕິດຕາມ ຕົວຊີ້ວັດທີ່ເປັນແນວທາງໃນການວາງມາດຕະການການປະເມີນທາງດ້ານ ສາທາລະນະສຸກ ແລະ ສັງຄົມ. 1 ຕຸລາ 2020, ທ່າລາດ, ແຂວງ ວຽງຈັນ.

ລາຍງານຈາກປະຊາຊົນໃຫ້ຮູ້ວ່າ: ໃນວັນທີ່ 30/09/2020 ຜ່ານມາເກີດເຫດລົດຕົກນ້ຳຍ້ອນບໍ່ລື້ງເສັ້ນທາງເພາະເສັ້ນທາງ ບວກກັບໄລຍະນີ້ລະດູຝົນ. ຈຸດເກີດເຫດເກີດແມ່ນເຂດນ້ຳງໍ ບ້ານແສນພັນ ເມືອງບົວລະພາ ແຂວງຄຳມ່ວນ .

ລົດທີ່ຕົກນໍ້າແມ່ນລົດກະບະ ພາຍຫຼັງຕົກລົງນໍ້າ ແລ້ວຖືກກະແສນໍ້າພັດໄປໄກສົມຄວນ.

ບໍ່ມີລາຍງານຜູ່ບາດເຈັບຈາກເຫດການຄັ້ງນີ້,

ຂໍໃຫ້ທຸກຄົນລະມັດລະວັງໃນການໄປມາ ໃນລະດູຝົນ.

ໃນວັນທີ 30 ກັນຍາ 2020 ທີ່ຫ້ອງການປົກຄອງ ເມືອງຈັນທະບູລີ ໄດ້ມີພິທີຈັບສະຫຼາກແບ່ງສາຍຂຶ້ນຢ່າງເປັນທາງການ

ໂດຍຜົນການຈັບສະຫຼາກແບ່ງສາຍມີດັ່ງນີ້:

ສາຍ ກ: ເທບພະບຸດເຕົ່າທອງ, ໂນແກ໋ດ ແລະ ພະຍາສີສຸດທໍາ ( ລໍາມໍເຕີ )

ສາຍ ຂ: ທິດາສາຍແວວ, ເມືອງຈັນທະບູລີ ແລະ ເພັດມີໄຊ

ສາຍ ຄ: ເທບນາຄາ, ນາວາສັກສິດ ແລະ ບີເຄ ຮອນດ້າ

ສາຍ ງ: ບ້ານຫ້ອມ ( ທິດາພາໂລ ), ປາໂຍກນໍາໂຊກ ແລະ ບ້ານແສນດິນ

ສໍາລັບ ການແຂ່ງຂັນເຮືອກີລາ 12 ສີພາຍປີນີ້ຈະມີພຽງ 12 ລໍາເຂົ້າຮ່ວມແຂ່ງຂັນ ເຊິ່ງຈະແຂ່ງຂັນພາຍໃນມື້ດຽວຈົບໃນວັນທີ 3 ຕຸລາ 2020, ສ່ວນເງິນລາງວັນແມ່ນເພີ່ມຂຶ້ນຈາກປີກາຍໄດ້ 5 ລ້ານກີບຂຶ້ນເປັນ 10 ລ້ານກີບ
-ຊະນະເລີດ ໄດ້ 10 ລ້ານກີບພ້ອມຂັນ 1 ໜ່ວຍ
-ຮອງຊະນະເລີດ 8 ລ້ານກີບພ້ອມຂັນ 1 ໜ່ວຍ

-ອັນດັບ 3 ໄດ້ 6 ລ້ານກີບ ພ້ອມຂັນ 1 ໜ່ວຍ
-ອັນດັບ 4 ໄດ້ 4 ລ້ານກີບ.

ດ່ວນທີ່ສຸດພີ່ນ້ອງ! ອອກມາແລ້ວ ມາດຕະການຜ່ອນຜັນໃຫມ່ ແຕ່ວັນທີ 01-31 ຕຸລາ 2020

ແຈ້ງການ

.

ຄລິບຖະແຫຼງຂ່າວ

ກອງບັນຊາການທະຫານ ແຂວງຫຼວງນໍ້າທາ ໄດ້ຮັບກຽດ ເປັນເຈົ້າພາບຈັດກອງປະຊຸມປັບປຸງແບບແຜນວິທີເຮັດວຽກ ຂອງວຽກງານການທະຫານ ທ້ອງຖິ່ນ 6 ແຂວງພາກເໜືອ ຂຶ້ນໃນລະຫວ່າງວັນທີ 29-30 ກັນຍາ 2020 ນີ້ ເຊິ່ງໄດ້ດໍາເນີນ ມາເປັນເວລາ 2 ວັນ, ໂດຍເປັນ ປະທານຮ່ວມຂອງ ສະຫາຍ ຄໍາ ໄຫຼ ສີປະເສີດ ເລຂາພັກແຂວງ ເຈົ້າແຂວງໆຫຼວງນໍ້າທາ, ເປັນ ກຽດເຂົ້າຮ່ວມຂອງສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຮອງຫົວ ໜ້າກົມໃຫຍ່ເສນາທິການກອງທັບ, ສະຫາຍ ພົນຈັດຕະວາຄໍາແດງ ແພງວິໄລ ຮອງຫົວ ໜ້າກົມໃຫຍ່ພະລາທິການກອງ ທັບ, ມີຄະນະນໍາມາຈາກກະຊວງ, ເຈົ້າເມືອງໆຫຼວງນໍ້າທາ, ຄະນະພັກ-ຄະນະບັນຊາກົມກອງທະຫານທ້ອງຖິ່ນ 6 ແຂວງພາກເໜືອ ຄື: ກອງບັນຊາການທະຫານແຂວງຜົ້ງສາລີ, ອຸດົມໄຊ, ຫຼວງພະບາງ, ໄຊຍະບູລີ, ລັດວິ ສາຫະກີດໄຟຟ້າລາວປະຈໍາພາກເໜືອ, ລັດວິສາຫະກິດ ພັດທະນາກະສິກໍາ-ອຸດສາຫະກໍາ, ໂຮງງານຊີມັງ ແຂວງບໍ່ແກ້ວ ແລະ ກອງບັນຊາການທະຫານແຂວງຫຼວງນໍ້າທາ ແລະ 5 ກອງບັນຊາການທະຫານເມືອງເຂົ້າຮ່ວມ. ກອງປະຊຸມສະຫາຍ ພົນຈັດ ຕະວາ ຄໍາສະເຫວີຍ ສີນທະນຸໄຊ ຫົວໜ້າກົມການທະຫານທ້ອງຖີ່ນກົມໃຫຍ່ເສນາທິການກອງທັບໄດ້ຂຶ້ນຜ່ານບົດລາຍງານການເຄື່ອນໄຫວທີ່ພົ້ນເດັ່ນໃນການຈັດຕັ້ງປະຕິບັດວຽກງານການທະຫານທ້ອງຖິ່ນຜ່ານມາພ້ອມ ທັງຍົກໃຫ້ເຫັນສະພາບການລວມ, ສະພາບປະກົດການຫຍໍ້ທໍ້ດ້ານຕ່າງໆ, ສະພາບປະຊາຊົນ, ສະພາບບັນດາກົມກອງທ້ອງຖິ່ນເຊິ່ງຕິດພັນກັບການຄົ້ນຄວ້າ ແລະ ວິທີປັບປຸງແບບແຜນວິທີເຮັດວຽກຂອງພະນັກງານອົງການຈັດຕັ້ງພັກ-ລັດ ແລະ ການນໍາແຕ່ ລະຂັ້ນ, ເຊິ່ງໄດ້ເປັນເຈົ້າການໃນ ການຈັດຕັ້ງປະຕິບັດວຽກງານ ການ ທະຫານທ້ອງຖິ່ນ ໃຫ້ຖືກ ຕ້ອງກັບການກໍ່ສ້າງທ່າສະໜາມ 3 ຂັ້ນ, ກໍຄືມະຕິ 3 ສ້າງຂອງພັກ ໃນໄລຍະຜ່ານມາ, ກອງປະຊຸມໄດ້ຄົ້ນຄວ້າປະກອບຄໍາຄິດ-ຄໍາເຫັນຂອງບັນດາກອງບັນຊາການທະຫານແຂວງ ໃນການຈັດຕັ້ງປະຕິບັດວຽກງານຕົວຈິງຜ່ານມາແລກປ່ຽນບົດຮຽນເຊິ່ງກັນ ແລະ ກັນເພື່ອນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ໄປໝູນໃຊ້ເຂົ້າໃນການນໍາພາ-ບັນ ຊາຂັ້ນຂອງຕົນໃຫ້ສອດຄ່ອງກັບແບບແຜນວິທີເຮັດວຽກທີ່ ກອງບັນຊາການທະຫານທ້ອງຖິ່ນໄດ້ກໍານົດໄວ້, ຮັບປະກັນເຮັດ ໃຫ້ການອົບຮົມ ແລະ ສ້າງບັນ ດາເປົ້າໜາຍໃຫ້ໄດ້ຕາມເງື່ອນໄຂ ແລະ ມີຄຸນນະພາບສູງ.

ຕອນທ້າຍກອງປະຊຸມ ບັນດາ ສະຫາຍແຂກ, ຜູ້ແທນກອງປະຊຸມ ໄດ້ຮັບຟັງການໂອ້ລົມ ຂອງສະ ຫາຍ ຄໍາໄຫຼ ສີປະເສີດ ເຊິ່ງສະ ຫາຍກໍໄດ້ສະແດງຄວາມຍ້ອງ ຍໍຊົມເຊີຍ ຕໍ່ກໍາລັງປະກອບອາ ວຸດທ້ອງຖິ່ນ 6 ແຂວງພາກເໜືອ ທີ່ໄດ້ເປັນເຈົ້າການປະຕິບັດໜ້າ ວຽກງານໃນໄລຍະຜ່ານມາພ້ອມທັງໄດ້ຍົກໃຫ້ເຫັນສະພາບການ ຂອງໂລກ, ພາກພື້ນ ແລະ ສາກົນ ທີ່ມີການຜັນແປໄປດ້ວຍຫຼາຍ ຮູບການ, ກອງປະຊຸມວຽກງານການທະຫານທ້ອງຖີ່ນໃນຄັ້ງນີ້ແມ່ນມີຄວາມໝາຍສໍາຄັນຢ່າງຍິ່ງ ຂໍຮຽກຮ້ອງມາຍັງການນໍາກົມກອງທ້ອງຖິ່ນ ຈົ່ງພ້ອມກັນ ເປັນເຈົ້າການໃນການຈັດຕັ້ງປະຕິບັດວຽກງານປ້ອງກັນຊາດ- ປ້ອງກັນຄວາມສະຫງົບທົ່ວປວງຊົນຮອບດ້ານ, ຕີຖອຍທຸກ ປະກົດການຫຍໍ້ທໍ້ດ້ານຕ່າງໆທີ່ຈະເກີດຂຶ້ນກັບປະຊາຊົນ ແລະ ພະນັກງານ-ນັກຮົບບັນດາ ກົມກອງທ້ອງຖິ່ນ ເຊິ່ງຕິດພັນກັບການຄົ້ນຄ້ວາ ແລະ ປັບປຸງ ແບບແຜນວິທີເຮັດວຽກຂອງພະນັກງານໃນອົງການຈັດຕັ້ງ ພັກ-ລັດ ແລະ ການນໍາແຕ່ລະຂັ້ນລວມທັງຂອດການຈັດຕັ້ງປະຕິ ບັດ ວຽກງານການທະຫານທ້ອງຖິ່ນໃຫ້ຖືກຕ້ອງກັບການກໍ່ສ້າງ ທ່າ ສະໜາມ 3 ຂັ້ນ, ກໍຄືມະຕິ 3 ສ້າງຂອງພັກໃນໄຍລະຜ່ານມາ, ໂດຍຖືເອົາການສ້າງແຂວງເປັນ ຫົວໜ່ວຍຍຸດທະສາດ, ສ້າງເມືອງ ເປັນຫົວໜ່ວຍເຂັ້ມແຂງຮອບ ດ້ານ, ການສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນ ຕິດພັນກັບການພັດທະນາຊົນນາບົດຮອບ ດ້ານ, ເພື່ອສ້າງໃຫ້ຄະນະນໍາຂັ້ນ ແຂວງ, ຂັ້ນເມືອງ, ອົງການຈັດ ຕັ້ງພັກ-ລັດ ແລະ ທະຫານທ້ອງຖິ່ນ ມີແນວຄິດການເມືອງໜັກແໜ້ນ, ມີລະບຽບວິໄນເຂັ້ມງວດ, ຮັບປະ ກັນເຮັດໃຫ້ສະພາບມີຄວາມສະຫງົບ, ປະຊາຊົນບັນດາເຜົ່າມີ ຊີວິດການເປັນຢູ່ດີຂຶ້ນ ແລະ ມີຄວາມສາມັກຄີປອງດອງ ເປັນ ປຶກແຜ່ນແໜ້ນໜາ ພ້ອມກັນເຮັດສໍາເລັດໜ້າທີ່ການເມືອງ ທີ່ພັກ, ລັດ ແລະ ປະຊາຊົນມອບໝາຍໃຫ້.

ໃນໂອກາດບຸນອອກພັນສາ ປະວໍລະນາ ປະຈຳປີ ຄສ 2020 ທີ່ທ່າວັດຈັນ, ເມືອງຈັນທະບູລີ, ນະຄອນຫລວງວຽງຈັນ ເຊີ່ງຈັດຂຶ້ນຢ່າງເປັນທາງການໃນລະຫວ່າງວັນທີ 1-3 ຕຸລາ 2020 ຈະບໍ່ມີການປະກວດເຮືອໄຟງາມຄືທຸກປີຜ່ານມາ, ສ່ວນເຮືອທີ່ຈະເຂົ້າຮ່ວມແຂ່ງຂັນມີແຕ່ເຮືອກິລາຈຳນວນ 12 ລໍາ ເທົ່ານັ້ນ.

ທ່ານ ບຸນໜາ ຜາທຸມມະວົງ, ເຈົ້າເມືອງຈັນທະບູລີ, ໃຫ້ສໍາພາດວ່າ: ເພື່ອສືບຈັດຕັ້ງປະຕິບັດຕາມມາດຕະການປ້ອງກັນພະຍາດໂຄວິດ-19 ທີ່ລັດຖະບານວາງອອກ. ການຈັດງານບຸນອອກພັນສາ ປະວໍລະນາ ທີ່ທ່າວັດຈັນ ປີນີ້ ແຕກຕ່າງຈາກທຸກປີຜ່ານມາ ເພາະປີນີ້ເນັ້ນຈັດເພື່ອຮັກສາຮີດຄອງປະເພນີ ແລະ ວັດທະນະທໍາອັນດີງາມຕາມທີ່ເຄີຍປະຕິບັດສືບທອດກັນມາເທົ່ານັ້ນ ເຮັດໃຫ້ກິດຈະກໍາພາຍ ໃນງານແມ່ນໜ້ອຍກ່ວາທຸກປີຜ່ານມາ ເພາະໄດ້ຕັດຫລາຍກິດຈະກໍາອອກ ເປັນຕົ້ນ: ຈະບໍ່ມີການປະກວດເຮືອໄຟງາມ ເພາະຈະມີເຮືອໄຟພຽງລໍາດຽວທີ່ຄະນະກໍາມະການຈັດງານສ້າງຂຶ້ນເທົ່ານັ້ນ. ສໍາລັບເຮືອທີ່ຈະເຂົ້າຮ່ວມແຂ່ງ ຂັນໃນມື້ສຸດທ້າຍ ຄື ວັນທີ 3 ຕຸລາ ຈະມີແຕ່ເຮືອກິລາ ຈຳນວນ 12 ລໍາເທົ່ານັ້ນ. ສ່ວນບັນດາຫ້າງຮ້ານທີ່ເຂົ້າຮ່ວມວາງສະແດງສິນຄ້າ ແລະ ຜະລິດຕະພັນຕ່າງຯ ລວມເຖີງອີກຫລາຍກິດຈະກໍາ ແມ່ນໜ້ອຍກ່ວາທຸກປີຜ່ານມາເຊັ່ນດຽວກັນ.

ເຈົ້າເມືອງຈັນທະບູລີ ໃຫ້ຮູ້ຕື່ມວ່າ: ໃນງານຄັ້ງນີ້ ໄດ້ກະ ກຽມແພດໝໍ ແລະ ເຈົ້າໜ້າທີ່ກ່ຽວຂ້ອງໄວ້ພຽງພໍແລ້ວ ພ້ອມນີ້ ໄດ້ແນະນໍາໃຫ້ບັນດາຫ້າງຮ້າງພາຍໃນງານກະກຽມນໍ້າຢາ ຫລື ເຈວລ້າງມືປະຈຳທຸກຮ້ານ.

ຢ່າງໃດກໍຕາມ ທ່ານໄດ້ຮຽກຮ້ອງໃຫ້ຜູ້ທີ່ຈະເດີນທາງເຂົ້າມາທ່ອງທ່ຽວໃນໂອ ກາດບຸນອອກພັນສາທີ່ທ່າວັດຈັນ, ນະຄອນຫລວງວຽງ ຈັນ ປີນີ້ ຈົ່ງມີສະຕິ ແລະ ນໍາຜ້າອັດປາກ-ດັງມາພ້ອມ ແລະ ຫລີກຫລ່ຽງການເຂົ້າໄປບ່ອນທີ່ມີຄົນແອອັດເກີນໄປ ເພື່ອປ້ອງກັນພະຍາດໂຄວິດ-19 ແລະ ຄວາມປອດໄພດ້ານຊີ ວິດ ແລະ ຊັບສິນຂອງຕົນເອງ ຕື່ມອີກ.

ໂດຍ: ບຸນຕຽງ ຈັນທະວົງ

ພິທີປະກາດບົ່ງຕົວແຕ່ງຕັ້ງຄະນະພັກຮາກຖານເລຂາ-ຮອງ ເລຂາ, ຄະນະພັກ, ທົ່ວຄະນະພັກກອງພັນໃຫຍ່ 644 ໄດ້ຈັດ ຂຶ້ນໃນວັນທີ 29 ກັນຍານີ້, ໂດຍການເປັນປະທານຂອງ ສະຫາຍ ພັນເອກ ຄຳສີ ພົມມະຈັນ ເລຂາຄະນະພັກ-ຫົວໜ້າການ ເມືອງກອງພັນໃຫຍ່ 644 ມີບັນ ດາສະຫາຍໃນຄະນະພັກ-ຄະ ນະບັນຊາ, ພະນັກງານຫຼັກແຫຼ່ງ, ຂັ້ນນຳພາ – ບັນຊາ, ຈາກພະແນກ ການ, ກົມກອງອ້ອມຂ້າງທົ່ວກອງພັນໃຫຍ່ 644 ເຂົ້າຮ່ວມ.

ສະຫາຍ ພັນໂທ ບຸນລົ້ນ ໄຊ ຍະລາດ ປະທານກວດກາພັກ- ຫົວໜ້າພະແນກການເມືອງໄດ້ ຜ່ານມະຕິຕົກລົງຂອງຄະນະ ພັກກອງພັນໃຫຍ່ 644 ວ່າດ້ວຍ ການບົ່ງຕົວແຕ່ງຕັ້ງເລຂາ-ຮອງ ເລຂາໜ່ວຍພັກພະແນກການ, ກົມກອງອ້ອມຂ້າງກອງພັນໃຫຍ່ 644 ຕາມລະບຽບພັກປະຊາຊົນ ປະຕິວັດລາວ ສະໄໝທີ X ໝວດ ທີ II ມາດຕາ 13 ວ່າດ້ວຍການ ບົ່ງ ຕົວແຕ່ງຕັ້ງ ແລະ ຍົກຍ້າຍ, ຕາມຄວາມຕ້ອງການໜ້າຂອງທີ່ການເມືອງ ແລະ ຕາມການ ຄົ້ນຄວ້າຂອງຄະນະພັກກອງພັນໃຫຍ່ 644 ເຫັນວ່າມີຄວາມຮູ້- ຄວາມສາມາດໃນການຈັດຕັ້ງຜັນຂະຫຍາຍແນວທາງແຜນນະໂຍບາຍຂອງພັກຄະນະພັກກອງພັນ ໃຫຍ່ 644 ຕົກລົງ ບົ່ງຕົວແຕ່ງຕັ້ງ ສະຫາຍ ພັນໂທ ວິໄລພົງ ມະນີ ບົດ ຫົວໜ້າພະແນກເຕັກນິກເປັນເລຂາໜ່ວຍພັກ , ສະຫາຍ ພັນໂທ ສີພັນ ແກ້ວໄຊຄຳ ເປັນຮອງເລຂາໜ່ວຍພັກ, ສະຫາຍ ພັນໂທ ຄຳພຸດ ພັນຜິວ ຫົວໜ້າພະແນກ ບໍລິຫານ ເປັນເລຂາໜ່ວຍພັກ, ສະຫາຍ ພັນໂທ ສົມຄວນ ສິດທິ ເດດ ເປັນຮອງເລຂາ, ສະຫາຍ ພັນຕີ ບົວພັນ ພິມພາວົງ ຫົວໜ້າ ຂະແໜງປະຫວັດສາດເປັນກຳ ມະການ , ສະຫາຍ ພັນຕີ ຕຸອິນແກ້ວ ບັນທະວົງ ຫົວໜ້າຂະ ແໜງບໍລິຫານເປັນກຳມະການ, ສະຫາຍ ພັນຕີ ໄຊສະຫວາດ ສໍສຸກັນ ເປັນຮອງເລຂາໜ່ວຍ ພັກພະແນກພະລາທິການ, ສະຫາຍ ຮ້ອຍເອກ ສົມພູວັນ ພົມພັກດີ ຫົວໜ້າຂະແໜງອຸປະ ໂພກເປັນກຳມະການຄະນະພັກ ຮາກຖານກອງພັນ 604 ສະຫາຍ ພັນຕີ ສີອຳໄພ ວົງພັກດີ ຮອງ ການທະຫານເປັນກຳມະການ, ສະຫາຍ ພັນຕີ ກິ່ວຄຳ ສິດຕິພົນ ເປັນກຳມະການ, ສະ ຫາຍ ພັນຕີ ແກ້ວ ວິໄລສັກ ນັນທະວົງ ເປັນ ກຳມະການໜ່ວຍພັກ ພະແນກ ເສນາທິການ, ສະຫາຍ ພັນໂທ ຄຳກິ່ງ ສີພັນເຄືອ ເປັນກຳມະ ການ. ຄະນະພັກຮາກຖານ ກອງພັນ 606 ສະຫາຍ ພັນຕີ ຄອງມາ ແກ້ວຄຳດີ ເປັນກຳມະ ການ, ສະຫາຍ ພັນຕີ ສີສຸກ ມະ ຫາວົງ ເປັນກຳມະກາ, ສະຫາຍ ຮ້ອຍເອກ ສຸວັນ ສີສຸລາດ ເປັນ ກຳມະການ ແລະ ບັນດາຄະນະ ພັກກອງຮ້ອຍຂຶ້ນກັບຄະນະ ພັກຮາກຖານຈຳນວນໜຶ່ງ .

ໂດຍ: ສົມສັກ ແກ້ວດວງດີ