ໃນວັນທີ 2 ຕຸລາ 2020 ນີ້ ກອງບັນຊາການທະຫານແຂວງສະຫວັນະເຂດ,ໄດ້ຈັດພິທີມອບເງິນອຸດໜູນໃຫ້ພະນັກງານພັກຜ່ອນຮັບບຳນານຈຳນວນ 6 ສະຫາຍ ຈຳນວນເງິນ 37.000.000 ກີບ ໂດຍເປັນກຽດເຂົ້າຮ່ວມຂອງພັນເອກ ສີ ທະວີໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ,ມີພັນເອກ ຄຳເພັດ ສຸລິຍະວົງ ຮອງເລຂາຄະນະພັກຫົວໜ້າການທະຫານກອງບັນຊາການທະຫານແຂວງ,ມີຄະນະພັກກອງບັນຊາການທະຫານແຂວງ,ພ້ອມດ້ວຍພະແນກການທີ່ກ່ຽວຂ້ອງເຂົ້າຮ່ວມ.

ໃນໂອກາດດັ່ງກ່າວນີ້ ພັນເອກ ຄຳເພັດ ສຸລິຍະວົງ ຫົວໜ້າການທະຫານກອງບັນຊາການທະຫານແຂວງ,ກໍ່ໄດ້ຕາງໜ້າໃຫ້ຄະນະພັກ – ຄະນະບັນຊາກອງບັນຊາການທະຫານແຂວງ ມີຄໍາໂອ້ລົມຕໍ່ພະນັກງານທີ່ພັກຜ່ອນບຳນານຄັ້ງນີ້ ເຊິ່ງສະຫາຍໄດ້ສະແດງຄຳຍ້ອງຍໍຊົມເຊີຍຕໍ່ຜົນງານທີ່ບັນດາສະຫາຍໄດ້ປະກອບສ່ວນສ້າງຄຸນງາມຄວາມດີຜົນງານດ້ານຕ່າງໆໃຫ້ແກ່ປະເທດຊາດໃນໄລຍະຜ່ານມາໂດຍບໍ່ຮູ້ອິດຮູ້ເມື່ອຍ,ມີຜົນສຳເລັດທຸກດ້ານທີ່ປະເທດຊາດກໍ່ຄືປະຊາຊົນມອບໝາຍໃຫ້ແຕ່ຕົ້ນຕະຫຼອດປາຍ ພ້ອມທັງສະແດງຄວາມເຊື່ອໜັ້ນວ່າພາຍຫຼັງພັກຜ່ອນບຳນານແລ້ວແຕ່ລະສະຫາຍຈະໄດ້ສືບຕໍ່ປະກອບສ່ວນຊ່ວຍເຫຼືອອຳນາດການປົກຄອງກໍ່ຄືຊ່ວຍເຫຼືອສືກສາອົບຮົມລູກຫຼານ ແລະ ພໍ່ແມ່ປະຊາຊົນໃຫ້ປະຕິບັດລະບຽບກົດໝາຍບ້ານເມືອງ ເພື່ອໃຫ້ເຂົາເຈົ້າກາຍເປັນຄົນດີຂອງສັງຄົມ ແລະ ເປັນກຳລັງແຮງອັນສຳຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງຂື້ນໄປເລື້ອຍໆ

ພາບ – ຂ່າວ ພານິດ ພິລາວົງ

ທະຫານແຂວງ

ເຈົ້າໜ້າທີ່ພະແນກຕໍາຫຼວດ ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຄວາມຈາກ ນາງ ບຸນເລືອງ ຢູ່ບ້ານໃໝ່ ເມືອງສີໂຄດຕະບອງ ນວ ວັນທີ 13 ກັນຍາ 2020 ວ່າ: ມີຄົນຮ້າຍມາລັກລົດຈັກຂອງຜູ້ກ່ຽວ ເລກທະບຽນ ດຕ 9039 ກໍາແພງນະຄອນ, ທີ່ຈອດໄວ້ໜ້າເຮືອນຂອງຕົນ ເຈົ້າໜ້າທີ່ກໍ່ຮີບຮ້ອນຕິດຕາມນຳຈັບຜູ້ລົງມືກໍ່ເຫດໄດ້ 1 ຄົນ ພ້ອມເກັບກູ້ຂອງກາງມາໄດ້ພາຍໃນ 5 ວັນຄື: ທ້າວ ໄຊມັອນ ອາຍຸ 31 ປີ, ອາຊີບວ່າງງານ, ຢູ່ບ້ານໃໝ່ ເມືອງສີໂຄດຕະບອງ ນະຄອນຫຼວງວຽງຈັນ.

ທ້າວ ໄຊມັອນ ໃຫ້ການຍອມຮັບສາລະພາບກັບເຈົ້າໜ້າທີ່ວ່າ: ວັນທີ 13 ກັນຍາ 2020 ຕົນເອງໄດ້ໄປລັກເອົາລົດຈັກ KOLAO ສີຂຽວ ທະບຽນ ດຕ 9039 ກໍາແພງນະຄອນ (ລູກກະແຈສຽບຄາປະໄວ້ລົດ) ທີ່ຈອດປະໄວ້ຢູ່ເຮືອນຂອງນາງ ບຸນເລືອງ ເຊິ່ງຕິດກັບເຮືອນຂອງຕົນ ຢູ່ບ້ານ

ໃໝ່ ເມືອງສີໂຄດຕະບອງ ນວ. ຫຼັງຈາກນັ້ນ ຕົນເອງກະໄດ້ເຂົ້າໄປລັກເອົາລົດ ແລະ ໄດ້ຂີ່ລົດໄປຂໍເງິນນໍາພໍ່ຢູ່ບ້ານຕາດທອງ ແຕ່ພໍ່ບໍ່ຢູ່ເຮືອນ ແລ້ວຕົນເອງຈຶ່ງໄດ້ຂີ່ລົດຈັກຄັນດັ່ງກ່າວໄປຈໍານໍາ ທ້າວ ອາຕີ ຢູ່ບ້ານໜອງດາ ເມືອງສີໂຄດຕະບອງ ໃນລາຄາ 1 ແສນຫ້າສິບພັນ (ແຕ່ຍັງບໍ່ທັນໄດ້ເງິນ) ມາຮອດວັນທີ 17 ກັນຍາ 2020 ຈຶ່ງຖືກເຈົ້າໜ້າທີ່ກັກຕົວພ້ອມຂອງກາງ.

ສໍາລັບຂອງກາງຄະດີ ລົດຈັກ KOLAO ສີຂຽວ ທະບຽນ ດຕ 9039 ກໍາແພງນະຄອນ ໄດ້ມອບຄືນໃຫ້ເຈົ້າຂອງເດີມ ໃນວັນທີ 13 ກັນຍາ 2020 ຢູ່ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ, ຮັບໂດຍ ນາງ ບຸນເລືອງ ເຈົ້າຂອງລົດ.

ນະຄອນຫຼວງວຽງຈັນ: ຈາກກໍລະນີ ພໍ່ຕູ້ພວງ ອາຍຸ 95 ປີ ໄດ້ຫາຍໄປ ໃນເວລາ 14:00 ວັນທີ່ 3/10/2020 ທີ່ແຫ່ງທ່ອງທ່ຽວ ນໍ້າປ່ຽນຢໍລະປາ ເມືອງໄຊທານີ ນະຄອນຫຼວງວຽງຈັນ.

ທາງພີ່ນ້ອງ ແລະ ເຈົ້າໜ້າທີ່ກ່ຽວຂ້ອງ ຫຼາຍກວ່າ 200 ຄົນ ໄດ້ອອກຄົ້ນຫາ ພໍ່ຕູ້ຕາມປ່າດົງ. ຈົນຮອດແລງ ວັນທີ່ 4/10/2020 ກໍ່ຍັງບໍ່ພົບ.

ມີຂໍ້ມູນເພີ່ມເຕີມຈາກປະຊາຊົນວ່າ ພໍ່ຕູ້ ມານັ່ງລັດຂຶ້ນລົດແຖວປ່າກ້ວຍ ຂ້າງນໍ້າປຽນຢໍລະປາ.

ວອນທຸກຄົນເປັນກະບອກສຽງຊ່ວຍເຫຼືອ ພ້ອມເປັນຫູເປັນຕາຊ່ວຍກັນ ຫາກພົບເບາະແສ ຫຼື ມີຂໍ້ມູນກ່ຽວຂ້ອງກັບພໍ່ຕູ້ ໃຫ້ແຈ້ງ 2 ເບີນີ້ໂດຍໄວ 020 7774 5678;  020 5470 0555.

ຂ່າວກ່ອນໜ້ານີ້

ພໍ່ເຖົ້າຂອງພວກຂ້າພະເຈົ້າຊື່ ພໍ່ຕູ້ພວງ ອາຍຸ 95 ປີ ລູກຫລານພາໄປທ່ຽວນ້ຳປ່ຽນຢໍລະປາ ໄດ້ຫລົງຍ່າງໄປທາງໃດບໍ່ຮູ້,​ບໍ່ເຫັນ ແຕ່ 2 ໂມງແລງຂອງວັນທີ 3/10/2020 ມມາເຖີງດຽວນີ້ຍັງບໍ່ພົບເຫັນ

ຖ້າທ່ານໃດພົບເຫັນ ຂໍຄວາມກະລູຸນາ ຕິດຕໍ່ຫາເບີຂອງຂ້າພະເຈົ້າດ້ວຍ🙏 020 55696948,

.

.

ຫຼວງພະບາງ: ໃນວັນທີ່ 04.10.2020 ເວລາ 19:47 ນາທີ ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າ​ມີ ອຸບັດຕິເຫດ​ຂັບ​ຂີ່ລົດຮຸນໄດເສຍຫລັກປີ້ນລົງຂ້າງທາງ ຢູ່ເສັ້ນທາງບ້ານ​ ດອນໃຫມ່ ນະຄອນ ຫລວງພະບາງ ແຂວງຫຼວງພະບາງ, ເມື່ອຫນ່ວຍກູ້ຊີບອົງການກາແດງລາວກວດສອບພົບຜູ້ບາດເຈັບ​ເພດຊາຍ​01​ຄົນ​.​

ອາການບາດເຈັບເບື້ອງຕົ້ນ: ມີບາດແຜຈີກຢູ່ເທິງຄິ້ວເບື້ອງຂວາດັ່ງນັ້ນ​ຫນ່ວຍ​ກູ້​ຊີບ​ອົງການ​ກາ​ແດງ​ລາວ​ຫຼວງ​ພະ​ບາງ​ຈຶ່ງທຳການປະຖົມພະຍາບານເບື້ອງຕົ້ນແລ້ວ​ນຳສົ່ງ​ໂຮງໝໍ​ບໍລິເວນ​ 107

ພົບເຫັນອຸບັດຕິເຫດ,​ເຈັບ- ປ່ວຍ ສຸກເສີນໂທແຈ້ງ ☎️071 1625 ; 030 9211625 . ບໍລິການຟີ ຕະຫຼອດ​24 ຊົ່ວໂມງ.​🚑🚑ທ່ານໃດຢາກຊ່ວຍເຫລືອຫນ່ວຍງານ ສາມາດ​ບໍ​ລິຈາກເຄື່ອງອຸປະຖຳຕ່າງໆເຊັ່ນ: ເຂົ້າ​ສານ,​ອາຫານການກິນ,​ນ້ຳມັນລົດ ຫລື ອຸປະກອນ​ການແພດຕ່າງໆສາມາດຕິດຕໍ່ເຂົ້າເບີ 0309211625.

ທ້າຍອາທິດຜ່ານມານີ້, ປະຊາຊົນ 400 ກວ່າຄົນພາຍໃນ 2 ບ້ານຂອງເມືອງເລົາງາມ, ແຂວງສາລະວັນ ຄື: ບ້ານດະເຊ້ຍໂພນຫີນ ແລະ ບ້ານດະເຊ້ຍນ້ອຍ ສາມັກ ຄີກັນສ້າງຂະບວນການອອກແຮງງານສ້ອມແປງເສັ້ນທາງທີ່ຢູ່ຂອບເຂດ 2 ບ້ານດັ່ງກ່າວ. ໜ້າທວຽກທີ່ປະຕິບັດແມ່ນການສ້ອມແປງເສັ້ນທາງທີ່ເປ່ເພ, ຂຸດຮ່ອງລະ ບາຍນໍ້າ ພ້ອມນໍາເອົາຫີນ, ດີນມາຖົມທາງບາງບ່ອນທີ່ເປັນຂຸມ ແລະ ຖາງຫຍ້າອະນາໄມຂອບເຂດ 2 ແຄມທາງ ເພື່ອເຮັດໃຫ້ການສັນຈອນໄປມາຂອງປະຊາຊົນພາຍໃນ 2 ບ້ານ ແລະ ບ້ານອອ້ມຂ້າງມີຄວາມສະດວກສະບາຍຂື້ນກ່ວາເກົ່າ.

ການສ້ອມແປງທາງຄັ້ງນີ້ ນໍາໃຊ້ງົບປະມານທັງໝົດ 1,2 ລ້ານກີບ ໂດຍໄດ້ຈາກການປະກອບສ່ວນຂອງຫຼາຍພາກສ່ວນພາຍໃນບ້ານ.

ເຫດລົດໃຫຍ່ເສຍຫລັກຕຳເອົາເຫລັກກັ້ນທາງ ມີຄົນຕິດພາຍໃນລົດ 1 ຄົນ.ຫນ່ວຍກູ້ໄພສາຍພູເຂົາຄວາຍຂໍຄວາມຊ່ວຍເຫລືອອຸປະກອນຕັດງັດ.

ວັນທີ03/10/2020 ເວລາ 20:21 ໂມງ. ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ 1623 ໄດ້ຮັບແຈ້ງເຫດຂໍຄວາມຊ່ວຍເຫລືອທີມອຸປະກອນຕັດງັດ ຈາກຫນ່ວຍກູ້ໄພສາຍພູເຂົາຄວາຍເພື່ອເຂົ້າຊ່ວຍເຫລືອເຫດລົດໃຫຍ່ເສຍຫລັກຕຳເອົາເຫລັກກັ້ນຂອບທາງ.ຈຸດເກີດເຫດແມ່ນສົ້ນຂົວນໍ້າເຄັມ ບ້ານທ່າສະຫວ່າງ ເມືອງໄຊທານີ ນະຄອນຫລວງວຽງຈັນ.

ໜ່ວຍກູ້ໄພອອກກວດສອບເຫດພົບວ່າມີຄົນເຈັບຕິດພາຍໃນລົດ 1 ຄົນ. ດັ່ງນັ້ນໜ່ວຍກູ້ໄພມູນນິທິ 1623 ຈຶ່ງໄດ້ໃຊ້ທີມພ້ອມອຸປະກອນຕັດງັດເພື່ອຊ່ວຍເຫລືອຄົນເຈັບ ໃຊ້ເວລາປະມານ 7 ນາທີຈຶ່ງສາມາດນຳຜູ້ບາດເຈັບອອກມາໄດ້.

ຜູ້ບາດເຈັບເປັນເພດຍິງ ອາຍຸ 30 ປີ ອາຊີບປະຊາຊົນ ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ.ອາການເບື້ອງຕົ້ນແມ່ນ ກະທົບຂາທັງສອງເບື້ອງແລະກະທົບແຂນຊ້າຍ (ຫນ່ວຍກູ້ໄພສາຍພູເຂົາຄວາຍນຳສົ່ງຜູ້ບາດເຈັບສົ່ງໂຮງຫມໍມິດຕະພາບ 150 ຕຽງ).

ທ່ານໃດຢາກບໍລິຈາກກໍສາມາດບໍລິຈາກ ໂທ 1623.

ນະຄອນຫຼວງວຽງຈັນ: ລາຍງານຈາກປະຊາຊົນໃຫ້ຮູ້ວ່າ ເຊົ້າວັນທີ່ 4 ຕຸລາ 2020 ເກີດອຸບັດຕິເຫດ ລົດກະບະ ເສຍຫຼັກຕໍາເຂົ້າຮ້ານຂາຍເຄື່ອງແຄມທາງ.

ຈຸດເກີດເຫດແມ່ນ ທາງໂຄ້ງບ້ານຕານມີໄຊ ເມືອງໄຊທານີ ນະຄອນຫຼວງວຽງຈັນ.

ບໍ່ມີລາຍງານຜູ່ບາດເຈັບຈາກເຫດການຄັ້ງນີ້, ແຕ່ລົດ ແລະ ຮ້ານຂາຍເຄື່ອງໄດ້ຮັບຕາມເສຍຫາຍສົມຄວນ.

ຂໍໃຫ້ທຸກຄົນລະມັດລະວັງໃນການຂັບຂີ່

.

.

ຄໍາມ່ວນ: ລາຍງານຈາກປະຊາຊົນໃຫ້ຮູ້ວ່າ ໃນຄືນຜ່ານມາ ເວລາປະມານ 3-4 ໂມງເຊົ້າ ວັນທີ່ 4 ຕຸລາ 2020 ມີຄົນເຂົ້າມາເລາະລັກເອົາໂທລະສັບ ທີ່ບໍລິເວນໂຮງໝໍແຂວງຄໍາມ່ວນ.

ຂໍ້ຄວາມຈາກຜູ່ເສຍຫາຍບອກວ່າ: “ເບິ່ງໄວ້ເດີ້ໜ້າຕາບຸກຄົນອັນຕະລາຍມາລັກໂທລະຊັບຢູ່ໂຮງໝໍມີໜ້າທີ່ການງານຈົບເຈືອເປັນອາຈານອີກລະດ້ວຍມາຫາລັກໂທລະຊັບລາວຊື່ທ້າວຄຳປອງຢູ່ບ້ານຈອມເພັດເວລາທີ່ເພີ່ນມາລັກແມ່ນ3ໂມງເປັນວັນທີ່4/10/20ຂ້ອຍກະເປັນຜູ້ເສຍຫາຍອີກຄົນ1ແຕ່ຕອນນີ້ໄດ້ຄືນແລ້ວປລ:ຊ່ວຍແຊຕໍ່ໆແນ່ເດີ້ຕາຢ້ານເດບ້ານເຮົາເລີມຢູ່ຍາກຂື່ນທຸກມື້ແລ້ວ”

ທີ່ມາ

ຕອນເຊົ້າຂອງວັນທີ 04 ຕຸລາ 2020 ນີ້ ການນຳ ພັກ – ລັດ ແຂວງບໍ່ແກ້ວ ຊັກກາລະບູຊາຫໍຫຼັກເມືອງ, ວາງພວງມະລາ ຢູ່ສຸສານນັກປະຕິວັດຄາຍປາໄລ ແລະ ວາງກະຕ່າດອກໄມ້ ຢູ່ອານຸສາວະລີ ປະທານ ໄກສອນ ພົມວິຫານ ເນື່ອງໃນໂອກາດຈະເປີດກອງກອງປະຊຸມໃຫຍ່ອົງຄະນະພັກແຂວງ ຄັ້ງທີ VI

ໃນລະຫວ່າງວັນທີ 5-6 ຕຸລາ2020ນີ້ ນຳໂດຍ ສະຫາຍ ປອ ບົວຄົງ ນາມມະວົງ ກຳມະການສຳ ຮອງສູນກາງພັກເລຂາພັກແຂວງ ເຈົ້າແຂວງໆບໍ່ແກ້ວ ໄດ້ພ້ອມກັນຊັກກະລະບູຊາ, ມາໄຫວອາໄລ ແລະ ລະນຶກເຖີງຄຸນງາມຄວາມດີ ອາໄລຮັກຕໍ່ຄຸນງາມຄວາມດີ ຕໍ່ປະທານໄກສອນ ພົມວິຫານ ທີ່ແສນເຄົາລົບຮັກ ແລະ ລະນຶກເຖີງຄຸນງາມຄວາມດີຂອງບັນດາສະຫາຍນັກຮົບປະຕິວັດ ທີ່ໄດ້ອຸທິດຕົນເຂົ້າໃນການປະຕິວັດຊາດ ຍາດເອົາເອກະລາດອຳນາດອະທິປະໄຕ ແລະ ຝືນແຜນດີນອັນຄົບຖ້ວນມາສູ່ປວງຊົນລາວທັງຊາດ

ນຳພາປະເທດຊາດກ້າວຂື້ນສູ່ສັງກາດໃຫມ່ ແຫ່ງການພັດທະນາທີມີຄວາມຮຸງເຮືອງສີວິໄລ ແລະ ຍຸຕິທຳ, ປະທານໄກສອນ ພົມວິຫານ ແລະ ບັນດາສະຫາຍນັກຮົບປະຕິວັດ ໄດ້ສ້າງວິລະກຳອັນລ້ຳເລີດ ທີມີຊື່ສຽງຮຽງນາມ ແລະ ຄຸນງາມຄວາມດີ ຂອງບັນດາສະຫາຍ ຍືນຍົງໃນພາລະກິດຂອງການປະຕິວັດຂອງພວກເຮົາຕະຫຼອດໄປ.

Cr: ຄຳພັນ ແກ້ວມະນີ

ພໍ່ເຖົ້າຂອງພວກຂ້າພະເຈົ້າຊື່ ພໍ່ຕູ້ພວງ ອາຍຸ 95 ປີ ລູກຫລານພາໄປທ່ຽວນ້ຳປ່ຽນຢໍລະປາ ໄດ້ຫລົງຍ່າງໄປທາງໃດບໍ່ຮູ້,​ບໍ່ເຫັນ ແຕ່ 2 ໂມງແລງຂອງວັນທີ 3/10/2020 ມມາເຖີງດຽວນີ້ຍັງບໍ່ພົບເຫັນ

ຖ້າທ່ານໃດພົບເຫັນ ຂໍຄວາມກະລູຸນາ ຕິດຕໍ່ຫາເບີຂອງຂ້າພະເຈົ້າດ້ວຍ🙏 020 55696948,

.

.