ຈໍາປາສັກ: ໜ່ວຍກູ້ໄພ 1623 ຈໍາປາສັກ ລາຍງານໃຫ້ຮູ້ວ່າ ເກີດເຫດ ລົດໃຫຍ່ຕໍາກັບລົດຈັກ ວັນທີ 12/10/2020 ເວລາ 15:50 ນາທີ ໄດ້ຮັບແຈ້ງເຫດ ຜ່ານເບີໂທ 1623 ວ່າມີລົດຈັກລົ້ມເອງຈຸດເກີດເຫດ ຫລັກ 28 ທາງປະທຸມພອນ ແຂວງ ຈໍາປາສັກ.

ພໍໜ່ວຍກູ້ໄພມູນນິທິຮອດຈຸດເກີດເຫດພົບຜູ້ບາດເຈັບຈຳນວນ 1 ຄົນ ເພດຊາຍ ອາຍຸ 35 ປີ ອາຊີບ ຊາວນາ ປັດຈຸບັນຢູ່ ບ້ານໜອງປາແຮດ ເມືອງ ປະທຸມພອນ ແຂວງ ຈໍາປາສັກ.

ໂດຍມີອາການກະທົບຫົວຢ່າງຮຸນແຮງ ແລະ ກະທົບຫນ້າເອິກ (ເສຍຊີວິດຄາທີ່).

ດັ່ງນັ້ນໜ່ວຍກູ້ໄພມູນນິທິ ຈຶ່ງໄດ້ມ້ຽນຄາບສົບແລ້ວນຳສົ່ງຜູ້ເສຍຊີວິດກັບບ້ານເພື່ອເຮັດພິທີທາງສາດສະຫນາ.

ສ່ວນການສືບສວນຕົ້ນເຫດຂອງອຸບັດຕິເຫດຄັ້ງນີ້ເຈົ້າໜ້າທີ່ກ່ຽວຂ້ອງຈະສືບສວນຕໍ່ໄປ.

ອຸປະຕິເຫດສຸກເສີນໂທ 1623 ຫຼື 0304912876

ວັນທີ 8 – 9 ຕຸລານີ້ ຢູ່ທີ່ໂຮງຮຽນ ມຕ ຈຽງຕອງ ແລະ ມຕ ຫ້ວຍແສດ ເມືອງປາກທາ ແຂວງບໍ່ແກ້ວ ໄດ້ຈັດພິທີ ສະເຫຼີມສະຫຼອງ ວັນເດັກຍິງສາກົນ ແລະ ວັນຄູແຫ່ງຊາດຂື້ນ ໂດຍການເຂົ້າຮວມ ແລະ ໃຫ້ກຽດປາຖະກະຖາຂອງທ່ານ ທອງຈັນ ອິນທະພອນ ຄະນະປະຈຳພັກເມືອງ ປະທານແນວລາວສ້າງຊາດ ເມືອງປາກທາ ມີບັນດາຄະນະພັກຮາກຖານ ອຳນາດການປົກຄອງບ້ານ ຄູອາຈານ ຕະຫຼອດຮອດນ້ອງນັກຮຽນເຂົ້າຮວມຢ່າງຫຼວງຫຼາຍ.

ເພື່ອສະທ້ອນໃຫ້ເຫັນເຖິງການເກີດຂື້ນຂອງເດັກຜູ້ຍິງ ແລະ ເຍົາວະຊົນຍິງທີ່ປະສົບຜົນສຳເລັດໃນຖານະກຸ່ມທີ່ແຕກຕ່າງກັນໃນນະໂຍບາຍການພັດທະນາຂອງເດັັກຍິງ ແລະ ເຮັດໃຫ້ພໍ່ແມ່ປະຊາຊົນໄດ້ຮັບຮູ້ເຂົ້າໃຈເຖິງຄວາມໝາຍຄວາມສຳຄັນຂອງວັນດັ້ງກ່າວ ເພື່ອປຸກຈິດສຳນຶກ, ສົ່ງເສີມການຕ້ານສະກັດກັ້ນ ແລະ ລຶບລ້າງການໃຊ້ຄວາມຮຸ່ນແຮງທຸກຮູບແບບ ພ້ອມທັງສ້າງຄວາມເຂັ້ມແຂງໃຫ້ແກ່ເດັກຍິງ, ຍົກສູງຄຸນນະພາບຊີວິດການເປັນຢູ່ໃຫ້ດີຂື້ນ ດັ່ງນັ້ນສະມັດຊາໃຫ່ຍແຫ່ງອົງການສະຫະປະຊາຊາດ ໄດ້ຕົກລົງເຫັນດີຮັບຮອງເອົາວັນທີ 11 ຕຸລາ ຂອງທຸກໆປີ ເປັນວັນສະເຫຼີມສະຫຼອງວັນເດັກຍິງສາກົນ ຕາມມະຕິ 66/170 ລົງວັນທີ 19 ທັນວາ 2011 ນັບແຕ່ນັ້ນມາໄດ້ມີການສະເຫຼີມສະຫຼອງວັນເດັກຍິງສາກົນ ວັນທີ 11 ຕຸລາຂອງທຸກໆປີ ເພື່ອຮັບຮູ້ເຖີງບັນຫາ ສິງທ້າທາຍທີ່ເດັກຍິງປະເຊີນຢູ່ໃນຂອບເຂດທົ່ວໂລກ ວັນເດັກສາກົນ ເປັນວັນທີປະຕິບັດຕາມສາກົນທີ່ປະກາດໂດຍສະຫະປະຊາຊາດ ເອີ້ນອີກຢ່າງໜຶງວ່າ ວັນເດັກຜູ້ຍິງ ແລະ ວັນເດັກຜູ້ຍິງສາກົນ ວັນທີ 11 ຕຸລາ 2012 ເປັນວັນທຳອິດຂອງເດັກຜູ້ຍິງ ການສັງເກດດັ່ງກ່າວໄດ້ມີການສະໜັບສະໜູນໂອກາດສຳລັບຜູ້ຍິງຫຼາຍຂື້ນ ພິທີຍັງໄດ້ຮັບຟັງການເລົ່າມູນເຊື້ອວັນຄູແຫ່ງຊາດ ແລະ ຊົມການສະແດງລະຄອນ, ວັນນະຄະດີ ຕອບຄຳຖາມຂອງນ້ອງນັກຮຽນທັງສອງແຫ່ງ ພ້ອມທັງມອບຂອງຂັວນລາງວັນຢ່າງເປັນຂະບວນການຟົດຝື້ນ.

ພາບ-ຂ່າວ: ພອນສະຫວັນ ມະນີສີ.

ຕອນແລງຂອງວັນທີ 9 ຕຸລາ 2020 ຜ່ານມານີ້: ຢູ່ທີ່ກອງບັນຊາການ ປກສ ເມືອງ ບຸນເໜືອ ໄດ້ຈັດພິທີທຳລາຍສີ້ນສ່ວນສັດປ່າປະເພດຕີນໝີ.

.

ຂຶ້ນຢ່າງເປັນທາງການ ໂດຍການເຂົ້າຮ່ວມຂອງທ່ານ ຄຳສັນ ສຸບັນນະລາດ ກຳມະການປະຈຳພັກເມືອງ ຫົວໜ້າກອງບັນຊາການ ປກສ ເມືອງ, ມີບັນດາພາກສວ່ນທີ່ກ່ຽວຂ້ອງ, ຕະຫຼອດຮອດຄະນະພັກ – ຄະນະກອງບັນຊາການ ປກສ ເມືອງ ເຂົ້າຮ່ວມ.

.

ການຈັດພິທີທຳລາຍສີ້ນສ່ວນສັດປ່າປະເພດຕີນໝີ. ທີ່ຢືດໄດ້ໃນຄັ້ງນີ້ ລວມມີ 4 ຕີນ ນໍ້າໜັກ 8 ກິໂລກຼາມ ຄິດເປັນເງິນ ປະມານ 9 ລ້ານກ່ວາກີບ.

ໃນວັນທີ 12 ຕຸລາ 2020 ນີ້ ແຂວງອັດຕະປື ໄດ້ຈັດພິທີສະເຫລີມສະຫລອງ ວັນແຫ່ງຊາດຕ້ານຢາເສບຕິດ ຄົບຮອບ 19 ປີ ຄື: ວັນທີ 12/10/2001-12/10/2020, ພ້ອມທັງຈູດທຳລາຍຢາເສບຕິດຫລາຍຊະນິດເຊັ່ນ: ຢາບ້າ, ຢາໄອ, ກັນຊາແຫ້ງ ແລະ ອື່ນໆ.

ໂດຍມີທ່ານ ອຸ່ນຫລ້າ ໄຊຍະສິດ ຮອງເຈົ້າ ແຂວງ ປະທານ ກຄສ ແຂວງອັດຕະປື, ມີທ່ານ ພັນເອກ ສີເວີນ ແກ້ວສີວົງສາ ຫົວໜ້າກອງບັນຊາການ ປກສ ແຂວງອັດຕະປື ພ້ອມພະນັກງານອ້ອມຂ້າງແຂວງເຂົ້າຮ່ວມ.

ທ່ານ ພັນເອກ ບັນດິດ ສີວິໄລ ຮອງຫົວໜ້າກອງບັນຊາການ ປກສ ແຂວງອັດຕະປື ໄດ້ກ່າວວ່າ : ຢາເສບຕິດຍັງສືບຕໍ່ແຜ່ລະບາດຢ່າງຮ້າຍແຮງຢູ່ທຸກຂົງເຂດໃນທົ່ວໂລກ ນັບທັງພາກພື້ນ ອາຊີ-ອາຄະເນ ໃນນັ້ນຢາບ້າກວມເອົາເປີຊັນສູງກ່ວາໝູ່ ຂອງຢາເສບຕິດປະເພດຕ່າງໆໃນທົ່ວໂລກ ສະເພາະຢູ່ ສປປ ລາວ ກໍຄືພາຍໃນແຂວງອັດຕະປື ສະພາບການເສບ ແລະ ການຄ້າຂາຍຢາເສບຕິດແມ່ນບັນຫາທີ່ພົ້ນເດັ່ນ ແລະ ມີລັກສະນະເພີ່ມຂຶ້ນ ແລະ ແຜ່ລາມໄປທຸກພື້ນທີ່ ນັບທັງຕົວເມືອງ ແລະ ຊົນນະບົດ ເຊິ່ງໄດ້ສົ່ງຜົນກະທົບໂດຍກົງຕໍ່ຄວາມໝັ້ນຄົງຂອງຊາດ, ຄວາມສະຫງົບສຸກ-ຄວາມປອດໄພ ເປັນບັນຫາກົດໜ່ວງທ່ວງດຶງ ການພັດທະນາເສດຖະກິດ-ສັງຄົມ.

ຕະຫລອດໄລຍະ 1 ປີ ຜ່ານ ພະແນກສະກັດກັ້ນ ແລະ ປາບປາມຢາເສບຕິດ ປກສ ແຂວງອັດຕະປື ໄດ້ມີການເຄ່ື່ອນໄຫວ ສະກັດກັ້ນ ຕ້ານກັບກຸ່ມບໍ່ຫັວງດີຫັວງມ້າງເພທຳລາຍອຳນາດພັກ-ລັດ ຂອງພວກເຮົາ ເຊິ່ງໄດ້ທັບມ້າງຄະດີຢາເສບຕິດ ທັງໝົດ 165 ເລື່ອງ, ກັກຕົວຜູ້ຕ້ອງຫາໄດ້ 217 ລາຍ, ຍິງ 58 ລາຍ, ຄົນຕ່າງປະເທດ (ສັນຊາດຫວຽດນາມ) 5 ລາຍ, ໂຈະຄະດີ 2 ເລື່ອງ ຜູ້ຕ້ອງຫາ 3 ລາຍ,ຍິງ 2 ລາຍ,ຊັດມ້ຽນ 2 ເລື່ອງ, ຜູ້ຕ້ອງຫາ 2 ລາຍ, ຄະດີພວມດຳເນີນມີ 25 ເລື່ອງ, ຜູ້ຕ້ອງຫາ 54 ລາຍ,ຍິງ 10 ລາຍ, ຄະດີສານຕິດແລ້ວມີ 84 ເລື່ອງ, ຜູ້ຕ້ອງຫາ 110 ລາຍ, ຍິງ 32 ລາຍ, ຢຶດຢາບ້າໄດ້ທັງໝົດຈຳນວນ 176.133 ເມັດ, ນ້ຳໜັກ 16,116 ກິໂລກຣາມ.

ຢາໄອ 38 ຖົງ ນ້ຳໜັກ 38 ກິໂລກຣາມ. ກັນຊາແຫ້ງ 2 ແພັກ, ຢຶດຂອງກາງ ປະເພດເງິນກີບ 32.810.000 ກີບ, ສະກຸນເງິນຫວຽດນາມ 300.000 ດົ້ງ, ລົດກະບະ 1 ຄັນ, ລົດເກັງ 1 ຄັນ, ລົດຮຸນໄດ 1 ຄັນ, ລົດຈັກ 19 ຄັນ, ໂທລະສັບ 141 ເຄື່ອງ, ໂມງ 2 ໜ່ວຍ, ປືນສັ້ນ 1 ກະບອກ, ປືນ CKC 1 ກະບອກ.

ປກສແຂວງອັດຕະປື

ຂ່າວ:ສຸດໃຈ ໄຊຍະບຸນຮາຍ

ເຫດການເກີດຂຶ້ນໃນວັນທີ 12.10.2020 ເວລາ 02:00ນາທີ ໜວ່ຍກູ້ຊີບອົງການກາແດງແຂວງວຽງຈັນໄດ້ຮັບແຈ້ງເຫດຜ່ານເບີ 023 1625 ວ່າມີອຸບັດຕິເຫດລົດຈັກລົ້ມເອງ ຢູ່ບ້ານທ່າໂພໄຊ ເມືອງວຽງຄໍາ ແຂວງວຽງຈັນ.

.

ເມື່ອຫນວ່ຍກູ້ຊີບອອກກວດສອບເຫດພົບເຫັນຜູ້ບາດເຈັບຈຳນວນ 01 ຄົນ,ເຊິງເປັນເພດຊາຍ, ອາຍຸ 25 ປີ.

ອາການເບື້ອງຕົ້ນແມ່ນ: ນອນໝົດສະຕິ ( ບໍ່ຫາຍໃຈ ).

ດັ່ງນັ້ນ, ໜ່ວຍກູ້ຊີບອົງການກາແດງແຂວງວຽງຈັນ ຈື່ງໄດ້ປະຖົມພະຍາບານໂດຍການເຮັດ (CPR) ແຕ່ບໍ່ມີການຕອບສະໜອງ ທາງໜ່ວຍກູ້ຊີບອົງການກະແດງແຂວງວຽງຈັນຈື່ງໄດ້ທຳການຫໍ່-ມ້ຽນສົບຜູ້ເສຍຊີວິດ ແລະ ນຳສົ່ງສົບໄປທີ່ ບ້ານຄອນເລືອງ ເມືອງເຟືອງ ແຂວງວຽງຈັນ ເພື່ອມອບໃຫ້ຍາດພີ່ນ້ອງປະກອບພິທີທາງສາສະໜາ.

ເນື່ອງໃນໂອກາດ ສະເຫຼີມສະຫຼອງວັນແຫ່ງຊາດຕ້ານຢາເສບຕິດ ຄົບຮອບ 19 ປີ (12 ຕຸລາ 2001-12 ຕຸລາ 2020) ກອງບັນຊາການ ປກສ ແຂວງບໍ່ແກ້ວ ພະແນກສະກັດກັ້ນ ແລະຕ້ານຢາເສບຕິດ ພ້ອມດ້ວຍພາກສ່ວນທີ່ກ່ຽວຂ້ອງ ໄດ້ຈັດພິທີ ທໍາລາຍຢາເສບຕິດຂື້ນ ຢູ່ທີ່ເດີນສະໜາມບິນແຂວງ ໃນວັນຕອນເຊົ້າຂອງ ວັນທີ 12 ຕຸລາ 2020 ນີ້.

ໃຫ້ກຽດເຂົ້າຮ່ວມຂອງທ່ານ ຈອມສີ ລັດຕະນະປັນ ຮອງເລຂາພັກແຂວງ, ປະທານ ກຄສ ແຂວງ, ມີບັນດາຄະນະປະຈໍາພັກແຂວງ, ສອງກອງບັນຊາການທະຫານຕໍາຫຼວດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ພັອ ອິນສົມ ທໍາລະສິນ ເລຂາຄະນະພັກ ຫົວໜ້າກອງບັນຊາການ ປກສ ແຂວງ, ຄະນະກໍາມະການກວດກາ, ຄຸ້ມຄອງ ແລະທໍາລາຍຢາເສບຕິດແຂວງ ກໍ່ໄດ້ຂື້ນມີຄໍເຫັນຕໍ່ພິທີສະເຫຼີມສະຫຼອງວັນແຫ່ງຊາດຕ້ານຢາເສບຕິດ ຄົບຮອບ 19 ປີ. ປະຈຸບັນນີ້ ສັງຄົມໃນທົ່ວໂລກມີຄວາມ ສັບສົນ ວຸ້ນວາຍເຮັດໃຫ້ປະເທດຕ່າງໆໃນທົ່ວໂລກລວມທັງ ສປປ ລາວ ເວົ້າລວມ, ເວົ້າສະເພາະພາຍໃນແຂວງ ບໍ່ແກ້ວ ຂອງພວກເຮົາກຳລັງພົບພໍ້ກັບ ບັນຫາສິ່ງເສບຕິດເຂົ້າມາຄອບງໍາ ກໍ່ໃຫ້ເກີດມີຜູ້ຊື້, ຜູ້ຂາຍ, ຜູ້ ຊົມໃຊ້ເສບຢາຕິດ ແລະ ເປັນບັນຫາໜຶ່ງທີ່ພາໃຫ້ເກີດມີປະກົດການຫຍໍ້ທໍ້ ທີ່ເປັນບັນຫາທີ່ພົ້ນເດັ່ນໃນສັງຄົມ , ມີທ່າອ່ຽງຂະຫຍາຍຕົວຢ່າງໄວວາ ແລະ ແຜ່ລະບາດເປັນວົງກ້ວາງ,

ໃນໄລຍະ 01 ປີຜ່ານມາພວກເຮົາສາມາດມ້າງຄະດີຢາເສບຕິດໄດ້ຈຳນວນ: 165 ເລື່ອງ; ກັກຜູ້ຕ້ອງຫາຈໍານວນ: 235 ຄົນ, ຍີງ: 32 ຄົນ, ຕ່າງປະເທດ 38 ຄົນ ແລະ ຍືດເຄື່ອງຂອງກາງໄດ້ຢາບ້າຈໍານວນ: 1.242.042 ເມັດ. ເຮໂລອິນຈໍານວນ: 82 ແທ່ງ. ຢາໄອສ໌ຈໍານວນ: 622 ຫໍ່. ຢາຝິ່ນຈໍານວນ: 2 kg. ສານເຄມີ ຈໍານວນ: 30 ໂຕນ. ປະເພດແປ້ງຝຸ່ນຕ່າງໆ ຈໍານວນ: 07 ຖົງ. ລົດໃຫຍ່ ຈໍານວນ: 14 ຄັນ,ຝຸ່ນແປ້ງສີຂາວ ຈໍານວນ 400 ເປົ່າ, ໜັກ: 10 ໂຕນ, ລົດຈັກ 46 ຄັນ.

ໄດ້ລົງທໍາລາຍໄຮຝົນຈຳນວນ: 32 ເຮັກຕາ, ພ້ອມທັງໄດ້ລົງໂຄສະນາເຜີຍແຜ່ຜົນຮ້າຍໄພອັນຕະລາຍ ຂອງຢາເສບຕິດຢູ່ບັນດາບ້ານ ແລະ ໂຮງຮຽນຈໍານວນ: 02 ຄັ້ງ, ມີ 46 ບ້ານ ແລະ 15 ໂຮງຮຽນ, ມີຜູ້ເຂົ້າ ຮ່ວມທັງໝົດ ຈໍານວນ: 6.159 ຄົນ, ຍິງ: 2.494 ຄົນ ແລະ ຍັງໄດ້ບໍາບັດປິ່ນປົວ ແລະ ຟື້ນຟູສຸຂະພາບ ຂອງຜູ້ຕິດຢາເສບຕິດ ປະເພດ: ຢາບ້າຈໍານວນ: 160 ຄົນ, ຍິງ 03 ຄົນ.

ຢາເສບຕິດທີ່ນໍາມາຈູດທໍາລາຍໃນມື້ນີ້ ແມ່ນໄດ້ດໍາເນີນຄະດີຕາມຂັ້ນຕອນຖືກຕ້ອງຕາມລະບຽບກົດໝາຍ ແລະ ຖືກສານປະຊາຊົນແຂວງບໍ່ແກ້ວຕັດສິນຢ່າງເດັດຂາດມີ ຢາເສບຕິດທີ່ມີເຈົ້າກໍາ ປະກອບມີ: ຢາບ້າຈໍານວນ: 6.579.131 ເມັດ, ເຮໂລອິນຈໍານວນ: 260 ແທ່ງ ແລະ 12 ຖົງນ້ອຍ, ຢາໄອສ໌ 362 ຫໍ່ ແລະ 25 ຫຼອດນ້ອຍ, ເຄຕາມິນຈໍານວນ: 11 ຖົງນ້ອຍ, ຢາເສບຕິດທີ່ບໍ່ມີເຈົ້າກໍາປະກອບມີ: ຢາບ້າຈໍານວນ 4.982.845 ເມັດ, ຢາໄອສ໌ຈໍານວນ: 643 ຫໍ່ ແລະ 01 ຖົງນ້ອຍ, ເຮໂລອີນຈໍານວນ: 04 ແທ່ງ, ຝຸ່ນແປ້ງສີຂາວ ຈໍານວນ 400 ເປົ່າ, ໜັກ: 10 ໂຕນ.

ລວມທັງໝົດ: ຢາບ້າ ຈໍານວນ: 11,561,975 ເມັດ, ເຮໂລອິນ 264 ແທ່ງ, ຢາໄອສ 1,005 ຫໍ່ ແລະເຄຕາມີນ 11 ຖົງນ້ອຍ. ໃນນາມກອງບັນຊາການ ປກສ ແຂວງ ແລະ ຕ່າງໜ້າໃຫ້ແກ່ອໍານາດການ ປົກຄອງແຂວງ ຈຶ່ງຂໍຮຽກຮ້ອງ ແລະ ເຊີນຊວນບັນດາທ່ານພະນັກງານ, ທະຫານ, ຕໍາຫຼວດ, ພໍ່ແມ່ປະຊາຊົນ ບັນດາເຜົ່າ ຕະຫຼອດຮອດ ພໍ່ຄ້າຊາວຂາຍ, ນັກທຸລະກິດ ຈົ່ງໄດ້ເພີ້ມທະວີຄວາມມີສະຕິລະວັງຕົວ, ພ້ອມທັງ ພະຍາຍາມສຶກສາອົບຮົມລູກຫຼານ, ຄອບຄົວຂອງຕົນ ເພື່ອບໍ່ໃຫ້ຕົກເປັນທາດຂອງຢາເສບຕິດ ແລະ

ພ້ອມ ກັນເປັນເຈົ້າການໃນການສະກັດກັ້ນການແຜ່ລະບາດຂອງຢາເສບຕິດ, ບໍ່ໃຫ້ເຂົ້າມາຄອບງຳ, ເຮັດໃຫ້ບັນຫາ ຢາເສບຕິດໝົດໄປຈາກສັງຄົມລາວກໍ່ຄືແຂວງບໍ່ແກ້ວພວກເຮົາ, ເພີ່ມທະວີຄວາມເປັນເຈົ້າການຍົກສູງຄວາມ ຮັບຜິດຊອບ, ຊຸກຍູ້, ປຸກລະດົມຂົນຂວາຍບັນດາຊາວໜຸ່ມ, ໄວໜຸ່ມ, ນັກຮຽນ, ນັກສຶກສາ ຕະຫຼອດຮອດ ລູກຫຼານໄດ້ຮູ້ ແລະ ເຫັນໄດ້ໄພອັນຕະລາຍຂອງຢາເສບຕິດ ທີ່ເປັນພິດໄພຕໍ່ຮ່າງກາຍ, ຕໍ່ຄອບຄົວ, ສັງຄົມ ແລະ ຕໍ່ຊັບສິນວັດຖຸສິ່ງຂອງຕ່າງໆ ເພື່ອເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ, ສະຫງົບສຸກ ແລະສີວິໄລ

ປກສ ແຂວງບໍ່ແກ້ວ

ໃນວັນທີ 11 ຕຸລາ 2020 ເຈົ້າຫນ້າທີ່ ຕຳຫລວດຈາກ ກອງບັນຊາການ ປກສ ເມືອງສອງຄອນ ໄດ້ສົ່ງກຳລັງ ລົງພື້ນທີ່ຊ່ວຍເຫລືອ ພ່ໍແມ່ປະຊາຊົນ ບ້ານລະຫານ້ຳ ໃນການເກັບກູ້ຜົນຜະລິດ ເນື້ອທີ່ນາເຂົ້າ ທີ່ສຸກແລ້ວ ໄປໄວ້ໃນເຂດທີ່ແຫ້ງ ແລະ ປອດໄພ.

.

.

.

.

ມາຮອດຕອນເຊົ້າວັນທີ 12 ຕຸລາ 2020 ກຳລັງທະຫານເມືອງສອງຄອນ ແລະ ກອງພັນທີ 5 ໄດ້ລົງພື້ນທີ່ໃຫ້ການຊ່ວຍເຫລືອພ່ໍແມ່ປະຊາຊົນເຂດບ້ານສອງຄອນ ໃນການຂົນຍ້າຍສິ່ງຂອງ ແລະເຂົ້າທີ່ພວມສຸກ ໄປໃວ້ໃນເຂດທີ່ແຫ້ງ ແລະ ປອດໄພ.

.

.

.

ຂໍຊົມເຊີຍເຈົ້າໜ້າທີ່ທຸກໆພາກສ່ວນຄົນລາວຮັກແພງກັນຊ່ວຍເຫຼືອກັນເດີ້ພີ່ນ້ອງ

ຂ້ໍມູນພາບ-ຂ່າວ: ກອງບັນຊາການ ປກສ ເມືອງສອງຄອນ.

ຂ້ໍມູນ ພາບ-ຂ່າວ: ກອງບັນຊາການ ທະຫານເມືອງ

ວັນທີ 12 ຕຸລາ 2020 ຢູ່ເດີ່ນກິລາໃນຮົ່ມ ບ້ານນາສ້າງເຫວີຍ ນະຄອນຫລວງພະບາງອົງການປົກຄອງແຂວງຫລວງພະບາງ ຈັດພິທີສະເຫຼີມສະຫຼອງວັນແຫ່ງຊາດຕ້ານຢາເສບຕິດ ວັນທີ່ 12 ຕຸລາຄົບຮອບ 19 ປີ ໂດຍການເຂົ້າຮ່ວມຂອງ ທ່ານ ວົງສະຫວັນ ເທບພະຈັນຮອງເຈົ້າແຂວງຫລວງພະບາງ.

ທ່ານ ວົງສະຫວັນ ເທບພະຈັນ ມີຄຳເຫັນວ່າ: ໃນໄລ ຍະຜ່ານມາ, ພັກ ແລະລັດຖະບານ, ກໍ່ຄືອົງການປົກຄອງທຸກຂັ້ນໃນທົ່ວແຂວງ ໄດ້ຖືເອົາວຽກງານສະກັດກັ້ນຕ້ານ ແລະ ແກ້ໄຂບັນຫາຢາເສບຕິດ ເປັນບູລິມະສິດໜຶ່ງທີ່ສໍາຄັນໃນການແກ້ໄຂປະກົດການຫຍໍ້ທໍ້ໃນສັງຄົມ, ໃນນັ້ນໄດ້ຖືເອົາການສຶກສາອົບຮົມໃຫ້ປະຊາຊົນບັນດາເຜົ່າຮັບຮູ້, ເຂົ້າໃຈຢ່າງຖືກຕ້ອງກ່ຽວກັບຜົນຮ້າຍຂອງຢາເສບຕິດ, ລວມທັງແນວທາງນະໂຍບາຍຂອງພັກ, ກົດ ໝາຍຂອງລັດກ່ຽວກັບບັນຫາຢາເສບຕິດ, ທັງໄດ້ຊຸກຍູ້ໃຫ້ປະຊາຊົນບັນດາເຜົ່າຫັນໄປປະກອບອາຊີບອື່ນທີ່ໝັ້ນຄົງ, ທົດແທນການປູກຝິ່ນ, ພ້ອມທັງໄດ້ປິ່ນປົວ, ຟື້ນຟູສຸຂະພາບ ແລະ ຝຶກວິຊາຊີບຜູ້ຖືກເຄາະຮ້າຍຈາກຢາເສບຕິດ, ເອົາໃຈໃສ່ສ້າງບ້ານ, ສະຖາບັນການສຶກສາ, ກົມກອງ, ຫົວໜ່ວຍທຸລະກິດໃຫ້ປອດຈາກຢາເສບຕິດ, ແຕ່ປະກົດການຫຍໍ້ທໍ້ດ້ານຢາເສບຕິດພາຍໃນແຂວງຍັງມີທ່າອ່ຽງເພີ່ມຂື້ນ ຍ້ອນທຸກພາກສ່ວນໃນສັງຄົມຍັງບໍ່ມີສ່ວນຮ່ວມໃນການຕ້ານ ແລະສະກັດກັ້ນໄດ້ດີເທົ່າທີ່ຄວນ.

ໃນສົກ 2019-2020 ອົງການໄອຍາການປະຊາຊົນແຂວງ ໄດ້ຖະແຫລງສັ່ງຟ້ອງຄະດີຢາເສບຕິດຂື້ນສານມີ 244 ເລື່ອງ, ມີຜູ້ຖືກຫາ 247 ຄົນ, ຍີງ 23 ຄົນ, ໃນນັ້ນສານປະຊາຊົນແຂວງໄດ້ທຳການຕັດສີນໃຊ້ໄດ້ຢ່າງເດັດຂາດແລ້ວ ມີ 161 ເລື່ອງ, ມີນັກໂທດ 182 ຄົນ, ຍີງ 15 ຄົນ, ໃນນີ້ ຕັດສິນປະຫານຊີວິດ 4 ຄົນ, ຕັດສີນຕະຫລອດຊີວິດມີ 9 ຄົນ, ມີຂອງກາງປະເພດຢາບ້າ 103.125 ເມັດ, ເຮໂລອີນ 400 ກຣາມ, ຢາໄອສ໌ 320,3 ກຣາມ, ກັນຊາແຫ້ງ 138,4 ກຣາມ, ຄາເຟອີນ 418,65 ກຣາມ, ສານເຄມີ 1,3 ກຣາມ, ແປ້ງຟຸ່ນສີຂາວ 6,41 ກຣາມ, ແປ້ງຟຸ່ນສີແດງ 0,90 ກຣາມ, ຢາຟີ່ນ 679,61 ກຣາມ, ແກ່ນຟີ່ນ 400 ກຣາມ, ລວມທັງອຸປະກອນການເສບຢາ ແລະ ສິ່ງຫຸ້ມຫໍ່ເຊີ່ງໄດ້ນຳມາທຳລາຍໃນພິທີສະເຫລີມສະຫລອງຍົກເວັ້ນຢາຟີ່ນເພາະຈະນຳໃຊ້ເຂົ້າທາງວິທະຍາສາດການແພດໃນຂັ້ນຕໍ່ໄປ.

ຫລັງຈາກນັ້ນ ຜູ້ເຂົ້າຮ່ວມໄດ້ພ້ອມກັນຈູດທຳລາຍຢ່າງເປັນທາງການ.

Cr: ອາພຸດເດດ ບຸບຜາ

ພະແນກກະສິກໍາ ແລະ ປ່າໄມ້ແຂວງສະຫວັນນະເຂດ ພ້ອມວິຊາການຈາກຂະແໜງລ້ຽງສັດ ແລະການປະມົງນໍາໂດຍທ່ານ ຄໍາຈັນ ສີດາວົງ ຮອງຫົວໜ້າພະແນກກະສິກໍາ ແລະ ປ່າໄມ້ແຂວງ ໄດ້ລົງຊຸກຍູ້ການລ້ຽງສັດເປັນສິນຄ້າທີ່ເຮັດໃຫ້ມີລາຍໄດ້ຢ່າງເປັນກອບເປັນກໍາສາມາດປົດທຸກກາຍເປັນຄົນທີ່ມີກິນມີຢູ່ຢ່າງອີ່ມໜໍາສໍາລານສະດວກສະບາຍເປັນຕົ້ນແມ່ນ: ການລ້ຽງງົວເປັນຟາມຂອງຄອບຄົວທ້າວສໍາລານຄໍາມຸງ ຄຸນປະຊາຊົນບ້ານທ່າໂພ ແລະ ຄອບຄົວທ້າວກໍ່າປະຊາຊົນ ບ້ານຫົວຫາດ ເມືອງໄຊພູທອງ ຊຶ່ງເຫັນວ່າທັງສອງຄອບຄົວປະສົບຜົນສໍາເລັດເປັນທີ່ໜ້າ ຊື່ນຊົມ ອັນໄດ້ເຮັດໃຫ້ຄົນທ້ອງຖິ່ນພາຍໃນເມືອງ ແລະ ຕ່າງ ເມືອງຢາກຈະເອົາບົດຮຽນຂອງການລ້ຽງສັດນີ້ມາເປັນ ບົດຮຽນເພື່ອຄົ້ນຄິດໃນ ການຢາກລ້ຽງສັດ.

ໃນການລົງຊຸກຍູ້ການຜະລິດຂອງປະຊາຊົນໃນຄັ້ງນີ້ແມ່ນເພື່ອເປັນການກະຕຸ້ນໃຫ້ຄອບຄົວປະຊາຊົນຫລືກຸ່ມລ້ຽງສັດໃນເຂດທ້ອງຖິ່ນດັ່ງກ່າວໄດ້ ເພີ່ມຄວາມເອົາໃນໃສ່ຕໍ່ກັບການບົວລະບັດຮັກສາສັດລ້ຽງສໍາຄັນແມ່ນຮັບປະກັນບໍ່ໃຫ້ສັດຕິດພະຍາດ ຊຶ່ງຕ້ອງໄດ້ມີການສັກຢາຕາມ ລະດູການ ຈາກນີ້ກໍ່ໃຫ້ອາຫານ ຢ່າງພຽງພໍອັນສໍາຄັນກໍ່ແມ່ນໃຫ້ເຈົ້າຂອງຟາມມີການຕິດຕັ້ງ ແລະພົ່ນຢາຂ້າເຊື້ອພະຍາດໃນເວລາລົດຂົນ ສົ່ງເຂົ້າມາຮັບຊື້ເອົາສັດໄປ ບ່ອນອື່ນໃນນີ້ພະແນກກະສິກໍາ ແລະ ປ່າໄມ້ແຂວງຈະໃຫ້ຄໍາປຶກ ສາດ້ານເຕັກນິກ ແລະ ສະໜອງນໍ້າຢາໃຫ້ເບື້ອງອຸປະກອນ ແມ່ນໃຫ້ຜູ້ປະກອບການຊື້ເອງ.

ທ່ານ ສໍາລານ ຄໍາມຸງຄຸນ ເຈົ້າຂອງຫລ້ານ້ອຍຟາມໃຫ້ສໍາພາດວ່າ: ຕົນ ແລະ ຄອບຄົວໄດ້ສົນໃຈທໍາການລ້ຽງງົວແຕ່ປີ 2005 ເປັນຕົ້ນມາເວລານັ້ນ, ແມ່ນລ້ຽງແບບທໍາມະຊາດ ຊຶ່ງ ພາຍຫລັງທີ່ໄດ້ງົວຈາກຍາດພີ່ນ້ອງມອບໃຫ້ລ້ຽງໃນເມື່ອລ້ຽງໃຫຍ່ແລ້ວກໍ່ຂາຍ ແລະ ຕົກມາຮອດປີ 2017 ກໍ່ທໍາການຊື້ງົວເຂົ້າມາຕື່ມເປັນ 32 ໂຕເວລານັ້ນກໍ່ຮູ້ສືກສາມີຄວາມຫຍຸ້ງຍາກດ້ານຫຍ້າໃຫ້ງົວກິນ ກໍ່ເລີຍຈໍາຕ້ອງຂະຫຍາຍເນື້ອທີ່ທໍາການປູກຫຍ້າ, ຊື້ເຟືອງ ໃຫ້ສັດລ້ຽງກິນພໍດໍາເນີນກິດຈະການໄດ້ໄລຍະໜຶ່ງກໍ່ເຫັນ ວ່າ: ການລ້ຽງສັດກໍ່ມີຜູ້ສົນໃຈຫລາຍກໍ່ເລີຍຕັດສິນໃຈອອກ ທຶນຂອງຕົນເອງດໍາເນີນການປຸກສ້າງຟາມລ້ຽງກໍ່ເລີຍຊື້ງົວ ຈ່ອຍເຂົ້າມາລ້ຽງໃນຟາມຊຶ່ງຊື້ມາລ້ຽງໄດ້ 4-5 ເດືອນກໍ່ຂາຍ ອອກເຫນວ່າໄດ້ຈັບບາຍເງິນ ເປັນກໍາກໍ່ເລີຍເພີ່ມຄວາມ ຫ້າວ ເຫັນຂຶ້ນຕື່ມ.

ປະຈຸບັນນີ້ພາຍໃນຟາມ ມີງົວທັງໝົດ 150 ໃນນັ້ນເປັນ ງົວລາດ 120 ໂຕ ແລະງົວພັນປະສົມ 30 ໂຕ ໂດຍຮູບແບບ ຂອງການລ້ຽງພາຍໃນຟາມແມ່ນຊື້ງົວເຂົ້າມາທອມໃນເມື່ອ ງົວພີແລ້ວກໍ່ຂາຍອອກຊຶ່ງໃນເດືອນໜຶ່ງສາມາດຂາຍງົວອອກປະມານ 40-50 ຖ້າ ເປັນງົວໃຫຍ່ຂະໜາດນໍ້າໜັກ 400 ກິໂລຂຶ້ນໄປແມ່ນຂາຍກິ ໂລລະ 30 ພັນກວ່າກີບແຕ່ໂຕງົວຫາກມີນໍ້າໜັກຫລຸດ 400 ກິໂລ ແມ່ນຂາຍກິໂລລະເກືອບ 30 ພັນກີບຊຶ່ງເຫັນວ່າລູກຄ້າມີຄວາມອາດສາມາດຊື້ໄດ້ ແລະ ໂຕງົວກໍ່ຂາຍໄດ້ຕະຫລອດ.

ແຈ້ງການຂອງກະຊວງການຕ່າງປະເທດໂດຍຕອບສະໜອງຕາມການເຊື້ອເຊີນ ຂອງສະຫາຍ ສະເຫລີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງສາທາລະນະລັດປະຊາທິປະໄຕປະຊາຊົນລາວ ແລະເພື່ອເປັນການສືບຕໍ່ຜັນຂະຫຍາຍສາຍພົວພັນຮ່ວມມືຍຸດທະສາດຮອບດ້ານ ໝັ້ນຄົງຍາວນານຕາມທິດ 4 ດີ ກໍຄືການເປັນຄູ່ຮ່ວມຊາຕາກໍາ ລາວ-ຈີນ,

ຈີນ-ລາວ ໃຫ້ແໜ້ນແຟ້ນ ແລະເຂົ້າສູ່ລວງເລິກຍິ່ງໆຂຶ້ນ, ສະຫາຍຫວາງ ອີ້ , ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງສາທາລະນະລັດປະຊາຊົນຈີນ ຈະເດີນທາງມາຢ້ຽມຢາມ ສາທາລະນະລັດປະຊາທິປະໄຕປະຊາຊົນລາວ ຢ່າງເປັນທາງການ ໃນລະຫວ່າງວັນທີ 13- 14 ຕຸລາ 2020

.