ເຈົ້າໜ້າທີ່ທະຫານຊາຍແດນ 324 ກອງບັນຊາການທະຫານແຂວງສະຫວັນນະເຂດ ໄດ້ປະຕິບັດໜ້າທີ່ອອກເຄື່ອນໄຫວກວດກາລາດຕະເວນໃນ ວັນທີ 25 ມັງກອນ 2021, ຢູ່ ຂອບເຂດບ້ານຫ້ວຍໄຜ່ ນະຄອນໄກສອນພົມວິຫານ ແຂວງສະຫວັນນະເຂດ ພົບເຫັນເປົາສີຂາວ ຈໍານວນ 7 ເປົາ ຊຸກເຊື່ອງໄວ້ໃນປ່າກ້ອງກົກໄຄ້ ແຄມນ້ຳຂອງ ) ຈຶ່ງໄດ້ທໍາການກວດຄົ້ນ ພົບເຫັນ ຢ າເ ສ ບ ຕິ ດປະເພດ ຢ າ ບ້ າ ຈໍານວນ 788 ມັ ດ ມີ 1.500.000 ກວ່າ ເ ມັ ດ ແລະ ຢ າ ໄ ອ ສ໌ 9 ຖົງ.

ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ ໃຫ້ຮູ້ ວ່າ: ໃນວັນທີ 25 ມັງກອນ 2021, ໃນເວລາ 8:00 ໂມງ ທະຫານຊາຍແດນ 324 ກອງ ບັນຊາການທະຫານ ແຂວງສະຫວັນນະເຂດ ໄດ້ອອກກວດກາລາດຕະເວນປະຕິບັດໜ້າທີ່ໃນຂອບເຂດຄວາມຮັບຜິດຊອບ, ເຊິ່ງໃນຂະນະລາດຕະເວນຮອດຂອບເຂດບ້ານຫ້ວຍໄຜ່ ນະຄອນໄກສອນພົມວິຫານ ພົົບເຫັນກະເປົາສີຂາວ ຈໍານວນ 7 ເປົາ ຊຸກເຊື່ອງໄວ້ ໃນກ້ອງກົກໄຄ້ ຫ່າງຈາກແຄມນ້ຳຂອງປະມານ 5 ແມັດ. ຜ່ານການກວດກາ ພົບເຫັນ ຢ າ ບ້ າ ຈໍານວນ 788 ມັດ ເທົ່າກັບ 1. 576.000 ເ ມັ ດ ແລະ ຢ າ ໄ ອ ສ໌ ຈໍານວນ 9 ຖົງ ນ້ອຍ, ຈຶ່ງໄດ້ນໍາເອົາ ຢ າເ ສ ບ ຕິ ດ ຈໍານວນດັ່ງກ່າວ ມາທີ່ກອງບັນຊາການທະຫານແຂວງ ພ້ອມທັງປະສານຫາພາກ ສ່ວນກ່ຽວຂ້ອງມາກວດກາສະຖານທີ່ດັ່ງກ່າວ.

ໃນວັນດຽວກັນ, ພົຈວ ສີ ທະວີໄຊ ຫົວໜ້າການເມືອງກອງບັນຊາການທະຫານແຂວງ ສະ ຫວັນນະເຂດ ໄດ້ນໍາເອົາຢາຈໍານວນດັ່ງກ່າວມອບໃຫ້ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປ ກ ສ ແຂວງ, ມີຫົວໜ້າກົມຊາຍແດນ, ຄະນະຫ້ອງ ປ ກ ຊ – ປ ກ ສ ແຂວງ, ພະແນກຕຳຫຼວດສະກັດກັ້ນ ແລະ ຕ້ານ ຢ າເ ສ ບ ຕິ ດ, ເຈົ້າໜ້າທີ່ທະຫານຊາຍແດນ 324 ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ພັອ ສົມໝາຍ ພົມມະຈັນ ໃຫ້ຮູ້ຕື່ມວ່າ: ພາຍຫຼັງທີ່ໄດ້ຮັບລາຍຈາກທະຫານຊາຍແດນທີ່ ພົບເຫັນ ຢ າ ເ ສ ບ ຕິ ດ ຈໍານວນດັ່ງກ່າວ, ປ ກ ສ ແຂວງ ຈຶ່ງໄດ້ຈັດກໍາລັງວິຊາສະເພາະລົງປະສານສົມທົບກັບເຈົ້າໜ້າທີ່ທະຫານຊາຍ ແດນ ເພື່ອສືບຄົ້ນຫາທີ່ມາ ແລະ ເຈົ້າຂອງ ຢ າ ເ ສ ບ ຕິ ດ ມາ ຮັ ບໂ ທ ດ ຕາມລະບຽບກົດໝາຍ.

ລາຍງານໂດຍ: ກົດໝາຍ ລົ ງ ໂ ທ ດ

ພົນເອກ ຈັນສະຫມອນ ຈັນຍາລາດ ເຄື່ອນໄຫວກວດກາ ແລະ ຊີ້ນໍາການຫ້າງຫາກະກຽມເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ຢູ່ແຂວງຫົວພັນ.

ວັນທີ 4 ກຸມພາ 2021ນີ້, ພົນເອກ ຈັນສະຫມອນ ຈັນຍາລາດ ກໍາ ມະການກົມການເມືອງສູນກາງພັກ ລັດ ຖະມົນຕີກະຊວງປ້ອງກັນປະເທດ ຄະນະກໍາມະການເລືອກຕັ້ງລະດັບຊາດ ພ້ອມດ້ວຍຄະນະໄດ້ລົງເຄື່ອນໄຫວກວດກາ ແລະ ຊີ້ນໍາກ່ຽວກັບການຫ້າງຫາກະກຽມໃຫ້ແກ່ການດໍາເນີນການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະພາປະຊາຊົນຂັ້ນແຂວງ ຊຸດທີ 2 ຢູ່ແຂວງຫົວພັນ ໂດຍມີສະຫາຍ ວັນໄຊ ແພງຊຸມມາ ກໍາມະການສູນກາງງພັກ ເລຂາພັກແຂວງ ເຈົ້າແຂວງໆຫົວພັນ, ມີບັນດາສະຫາຍຄະນະປະຈໍາພັກແຂວງ, ຄະນະຮັບຜິດຊອບການປ່ອນບັດແຕ່ລະຂັ້ນ ແລະ ພະນັກງານຫຼັກແຫຼ່ງອ້ອມຂ້າງແຂວງເຂົ້າຮ່ວມ.

ໂອກາດນີ້, ທ່ານເຈົ້າແຂວງໆຫົວພັນໄດ້ລາຍງານຫຍໍ້ກ່ຽວກັບຜົນສໍາເລັດການຊີ້ນໍາໆພາຂອງອົງຄະນະພັກແຂວງຕໍ່ທຸກຂົງເຂດວຽກງານໂດຍສະເພາະແມ່ນຜົນສໍາເລັດໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງໃນໄລຍະທີ່ຜ່ານມາ, ຈາກນັ້ນ ທ່ານ ນາງ ອໍາໄພວອນ ລ້ອມບຸນແພງ ກໍາມະການສໍາຮອງສູນກາງພັກ, ຮອງເລຂາພັກແຂວງ ຮອງປະທານສະພາປະຊາຊົນແຂວງຫົວພັນກໍໄດ້ລາຍງານກ່ຽວກັບຄວາມພ້ອມໃນການກະກຽມປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນຢູ່ແຂວງຫົວພັນ ມີຫຼາຍໜ້າວຽກໄດ້ຮັບການຈັດຕັ້ງປະຕິບັດມີຜົນສໍາເລັດ ໂດຍສະເພາະແມ່ນໄດ້ສໍາເລັດການກະກຽມ ແລະ ດໍາເນີນກອງປະຊຸມຄັ້ງປະຖົມມະລືກ ຂອງຄະນະກໍາມະການເລືອກຕັ້ງຂັ້ນແຂວງ ເພື່ອແບ່ງວຽກງານ, ແບ່ງຄວາມຮັບຜິດຊອບພາຍໃນຄະນະ; ສໍາເລັດການຈັດເຝິກອົບຮົມ ໃຫ້ແກ່ການນໍາຂັ້ນແຂວງ ແລະ ຄະນະກໍາມະການເລືອກຕັ້ງຂັ້ນແຂວງ, ຫົວໜ້າ, ຄະນະພະແນກການຂັ້ນແຂວງ ແລະ ຄະນະກໍາມະການເລືອກຕັ້ງຂັ້ນເມືອງ ແລະ ລົງຊຸກຍູ້ການເຝິກອົບຮົມ ຫຼື ເຊື່ອມຊຶມເອກະສານ ຢູ່ບັນດາພະແນກການ, ສອງກອງບັນຊາການທະຫານ ແລະ ຕໍາຫຼວດແຂວງ ແລະ 10 ເມືອງທົ່ວແຂວງ, ສໍາເລັດການຄັດເລືອກເປົ້າໝາຍຈໍານວນ ຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 8 ( ຜູ້ສະໝັກຈາກທ້ອງຖິ່ນ ) ແລະ ຜູ້ສະໝັກຮັບເລືອກຕັ້ງ ເປັນສະມາຊິກສະພາປະຊາຊົນແຂວງ ຊຸດທີ II ພ້ອມທັງເກັບກໍາຮູບ, ປະຫວັດຫຍໍ້ ຂອງຜູ້ສະໝັກຮັບເລືອກຕັ້ງ ສົ່ງໃຫ້ຄະນະກໍາມະການເລືອກຕັ້ງລະດັບຊາດ ທັນກໍານົດເວລາ ແລະ ອອກແບບ ບັດລົງຄະແນນສຽງ, ບັດຕິດເອິກ ຂອງຄະນະກໍາມະການ ແລະ ອະນຸກໍາມະການຊ່ວຍວຽກ ພ້ອມທັງແຕ່ງຕັ້ງໜ່ວຍງານໄປຈັດພິມ – ຈັດຊື້ຢູ່ນະຄອນຫຼວງວຽງຈັນ; ສໍາເລັດການເກັບກໍາສະຖິຕິຈໍານວນພົນລະເມືອງທົ່ວ ແຂວງຫົວພັນ ເບື້ອງຕົ້ນມີທັງໝົດ 315.889 ຄົນ, ຍິງ 151,709 ຄົນ. ໃນນີ້, ຜູ້ມີສິດປ່ອນບັດເລືອກຕັ້ງທັງໝົດ 160.596 ຄົນ, ຍິງ 76.513 ຄົນ ແລະ ມີໜ່ວຍປ່ອນບັດເລືອກຕັ້ງທັງໝົດ 420 ໜ່ວຍ; ສໍາລັບວຽກງານ ປກຊ – ປກສ ກໍ່ໄດ້ວາງແຜນການປ້ອງກັນການເລືອກຕັ້ງຄັ້ງນີ້ ໃຫ້ມີຄວາມສະຫງົບ, ເປັນລະບຽບຮ້ອຍ ແລະ ແກ້ໄຂໜໍ່ແໜງປະກົດການຫຍໍ້ທ້ໍຕ່າງໆ ທີ່ເປັນປັດໃຈກໍ່ຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍ ທີ່ຫວັງທໍາລາຍການເລືອກຕັ້ງຢ່າງທັນການ ແລະ ມີຄວາມສະຫງົບໂດຍພື້ນຖານ.

ໂອກາດດັ່ງກ່າວ, ພົນເອກ ຈັນສະຫມອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດກໍໄດ້ມີຄໍາເຫັນໂອ້ລົມບາງຕອນທ່ານກ່າວວ່າ: ການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະພາປະຊາຊົນຂັ້ນແຂວງ ຊຸດທີ 2 ນີ້ແມ່ນເຫດການການເມືອງ ແລະ ມີຄວາມສຳຄັນເປັນຢ່າງຍິ່ງ ເພາະວ່າເປັນການສືບຕໍ່ສ້າງ ແລະ ບູລະນະລະບອບປະຊາທິປະໄຕປະຊາຊົນ, ໂດຍສະເພາະແມ່ນການບູລະນະສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃນຖານະທີ່ເປັນອົງການອຳນາດລັດໜຶ່ງໃນລະບອບການເມືອງຂອງ ສປປ ລາວ ໃຫ້ນັບມື້ມີຄວາມເຂັ້ມແຂງໜັກແໜ້ນ, ດັ່ງນັ້ນ ການຄັດເລືອກເອົາຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າເຂົ້າໃນກົງຈັກຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງແມ່ນໜ້າທີ່ ແລະ ຄວາມຮັບຜິດຊອບຂອງທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນລາວທັງຊາດ.

ພົນເອກ ຈັນສະໝອນ ຈັນຍາລາດ ຍັງໄດ້ ຊີ້ນໍາຫຼາຍບັນຫາທີ່ສໍາຄັນຕໍ່ການນໍາຂອງແຂວງໃນການເສີມຂະຫຍາຍທ່າແຮງບົ່ມຊ້ອນເພື່ອສູ້ຊົນພັດທະນາແຂວງຫົວພັນໃຫ້ຈະເລີນຮຸ່ງເຮືອງ ແລະ ຮຽກຮ້ອງໃຫ້ຄະນະຮັບຜິດຊອບການປ່ອນບັດຢູ່ແຕ່ລະບ່ອນຈົ່ງຍົກສູງຄວາມຮັບຜິດຊອບຫຼາຍກວ່າເກົ່າ, ແຕ່ລະພາກສ່ວນເພີ່ມທະວີການໂຄສະນາ-ສຶກສາອົບຮົມປະຊາຊົນບັນດາເຜົ່າເຂົ້າຮ່ວມຂະບວນການດັ່ງກ່າວຢ່າງຟົດຟື້ນ, ຮັບປະກັນເຮັດໃຫ້ການປ່ອນບັດເລືອກຕັ້ງຄັ້ງນີ້ປະສົບຜົນສໍາເລັດ. ຈາກນັ້ນ, ພົນເອກ ຈັນສະໝອນ ຈັນຍາລາດ ຍັງໄດ້ພົບປະໂອ້ລົມຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງສອງກໍາລັງ ປກຊ-ປກສ ແຂວງ ໂດຍໄດ້ເນັ້ນໜັກໃຫ້ສອງກໍາລັງຈົ່ງພ້ອມກັນປະຕິບັດໜ້າທີ່ຂອງຕົນໃນການເປັນກໍາລັງຫຼັກແຫຼ່ງຮັກສາຄວາມສະຫງົບ, ຮັບປະກັນໃຫ້ການປ່ອນບັດເລືອກຕັ້ງຢູ່ແຕ່ລະຈຸດມີຄວາມສະຫງົບປອດໄພ 100% ແລະ ປະສົບຜົນສໍາເລັດຕາມແຜນການ.

Lao National Radio

ມອບ-ຮັບ ຫົວໜ້າຄະນະໂຄສະນາອົບຮົມສູນກາງພັກ ຜູ້ເກົ່າ-ຜູ້ໃໝ່

ພິທີມອບ-ຮັບໜ້າທີ່ຫົວ ໜ້າຄະນະໂຄສະນາອົບຮົມສູນກາງພັກ ຜູ້ເກົ່າ ແລະ ຜູ້ໃໝ່ ລະຫວ່າງ ສະຫາຍ ຄຳພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກ ຜູ້ເກົ່າ ແລະ ສະຫາຍ ຄຳພັນ ເຜີຍຍະວົງ ຫົວໜ້າຄະນະໂຄສະນາອົບຮົມສູນກາງພັກຜູ້ໃໝ່ ໄດ້ຈັດຂຶ້ນໃນວັນທີ 3 ກຸມພານີ້ ທີ່ຄະນະໂຄສະນາອົບຮົມສູນກາງພັກ ໂດຍໃຫ້ກຽດເຂົ້າຮ່ວມ ຂອງ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຜູ້ປະຈຳການຄະນະເລຂາທິການສູນກາງພັກ ສະໄໝທີ XI ຮອງນາຍົກລັດຖະມົນຕີ ປະທານອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງ, ມີບັນດາສະຫາຍການນຳພັກ-ລັດ ແລະ ສະ ມາຊິກພັກ, ພະນັກງານຄະນະໂຄສະນາອົບຮົມສູນກາງພັກເຂົ້າຮ່ວມ.

ການມອບ-ຮັບໜ້າທີ່ຄັ້ງນີ້ ແມ່ນອີງຕາມມະຕິຕົກລົງຂອງກົມການເມືອງສູນກາງພັກ ວ່າດ້ວຍການແຕ່ງຕັ້ງ ເລຂາຄະນະບໍລິຫານງານພັກ ຫົວໜ້າຄະນະໂຄສະນາອົບຮົມສູນກາງພັກ, ອີງຕາມມະຕິຂອງກົມການເມືອງສູນກາງພັກ ສະບັບເລກທີ 031/ກມສພ, ລົງວັນທີ 3 ມັງກອນ 2018 ວ່າດ້ວຍວຽກງານຄຸ້ມຄອງພະນັກງານ, ອີງຕາມການຕົກລົງໃນກອງປະຊຸມກົມການເມືອງສູນກາງພັກ ແລະ ຄະນະເລຂາທິການສູນກາງພັກ ຄັ້ງວັນທີ 27 ມັງກອນ 2021, ອີງຕາມໜັງສືສະເໜີຂອງຄະນະຈັດຕັ້ງສູນກາງພັກ ສະບັບເລກທີ 11/ຄຈສພ, ລົງວັນທີ 28 ມັງກອນ 2021 ກົມການເມືອງສູນກາງພັກ ຕົກລົງແຕ່ງຕັ້ງ ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ ເປັນເລຂາຄະນະບໍລິຫານງານພັກ, ຫົວໜ້າຄະນະໂຄສະນາອົບຮົມສູນກາງພັກ.

ໃນພິທີດັ່ງກ່າວ, ສະຫາຍ ບຸນທອງ ຈິດມະນີ ກໍໄດ້ໃຫ້ກຽດໂອ້ລົມ ໂດຍຕາງໜ້າໃຫ້ກົມ ການເມືອງ ແລະ ຄະນະເລຂາ ທິການສູນກາງພັກສະແດງ ຄວາມ ຍ້ອງຍໍໍຊົມເຊີຍຕໍ່ຜົນງານອັນພົ້ນເດັ່ນ ກໍຄື ບັນດາຕໍ່າແໜ່ງທີ່ບັນດາສະຫາຍ ໄດ້ຮັບການເລືອກຕັ້ງ ມອບໝາຍ ຈາກການ ຈັດຕັ້ງພັກ ແລະ ໄດ້ສະເໜີບັນດາສະຫາຍ ໃຫ້ເອົາໃຈໃສ່ບາງບັນຫາດັ່ງນີ້: ໃຫ້ບັນດາສະຫາຍການນໍາທຸກຂັ້ນ ຕ້ອງເປັນເອກະພາບນໍາຂັ້ນເທິງ ບົນພື້ນຖານນັ້ນ ໃຫ້ບັນດາສະຫາຍເຮັດວຽກງານສຶກສາອົບຮົມນໍາພາແນວຄິດຂອງພະນັກງານ-ສະມາຊິກພັກ ຢູ່ແຕ່ລະກົມ, ພະແນກການ ເພື່ອໃຫ້ທຸກຄົນເຂົ້າໃຈ ແລະ ຮັບຮູ້ຢ່າງທົ່ວເຖິງ ຕໍ່ການສັບຊ້ອນຈັດວາງພະນັກງານການນໍາດັ່ງກ່າວ, ບໍ່ໃຫ້ມີການສວຍໂອກາດ ທັບຖົມ-ໂຈມຕີກັນ ໃນທາງບໍ່ດີ. ອັນໃດເປັນຜົນສໍາເລັດ ທີ່ພວກສະຫາຍພ້ອມກັນນໍາພາຈັດຕັ້ງປະຕິບັດຜ່ານມາ ກໍໃຫ້ພ້ອມກັນຮັກສາ ແລະ ເສີມຂະຫຍາຍໃຫ້ດີຂຶ້ນເລື້ອຍໆ, ອັນໃດຍັງອ່ອນ ແລະ ຄົງຄ້າງ ບັນດາສະຫາຍພ້ອມກັນປັບປຸງແກ້ໄຂ ເພື່ອພ້ອມກັນສືບຕໍ່ນໍາພາພະນັກງານ ແລະ ສະມາຊິກພັກ ໃນອົງການຂອງຕົນ ປະຕິບັດໜ້າທີ່ດ້ວຍຄວາມຮັບຜິດຊອບສູງ ແລະ ປະດິດສ້າງ ເພື່ອສ້າງການຫັນປ່ຽນທີ່ແຂງແຮງ ເລິກເຊິ່ງ ແລະ ຮອບດ້ານ ໃນວຽກງານຕົວຈິງ,ໃຫ້ບັນດາສະຫາຍ ສືບຕໍ່ປົກປັກຮັກສາມູນເຊື້ອອັນດີງາມ, ໂດຍສະເພາະ ພາຍໃນຄະນະພັກ-ຄະນະນໍາ ຕ້ອງສາມັກຄີກັນແໜ້ນ, ມີຄວາມເປັນເອກະພາບສູງ, ສືບຕໍ່ເປັນຫຼັກເປັນ ແຫຼ່ງ ເປັນຄັນທຸງ ແລະ ເປັນແກນນໍາ ໃນການເຕົ້າໂຮມຄວາມສາມັກຄີ ໃນຖັນແຖວພະ ນັກງານ ສະມາຊິກພັກ;

ພ້ອມນັ້ນ ບັນດາສະຫາຍ ຈະຕ້ອງໄດ້ຊ່ວຍເຫຼືອ ແລະ ໃຫ້ການຮ່ວມມືກັບສະຫາຍ ຄໍາພັນ ເຜີຍຍະວົງ ທີ່ມາເຮັດໜ້າທີ່ເປັນຫົວໜ້າຜູ້ໃໝ່. ເຖິງວ່າສະຫາຍ ຈະເຄີຍເຮັດວຽກຢູ່ສູນກາງ ແລະ ທ້ອງຖິ່ນແລ້ວກໍຕາມ, ແຕ່ອາດຍັງມີຫຼາຍໜ້າວຽກທີ່ເປັນວຽກໃໝ່ ອາດກໍາບໍ່ທັນໄດ້ໝົດທຸກບັນຫາ; ໃຫ້ເອົາໃຈໃສ່ ແລະ ຖືສໍາຄັນ ລະບອບ, ແບບແຜນ ວິທີເຮັດວຽກ, ລະບອບປະຊຸມປຶກສາຫາລື ສ່ອງແສງລາຍງານ ເພື່ອສືບຕໍ່ນໍາພາພະນັກງານ-ສະມາຊິກພັກ ຈັດຕັ້ງ ປະຕິບັດວຽກງານເປັນເສນາທິການໃຫ້ສູນກາງພັກ ກໍຄືກົມການເມືອງ, ຄະນະເລຂາທິການສູນກາງພັກ ນັບມື້ໄດ້ຮັບການປັບປຸງດີຂຶ້ນເລື້ອຍໆ.ໃນຜ່ານມາ ຫຼື ປັດຈຸບັນ, ສັງຄົມເບິ່ງຄະນະໂຄສະນາອົບຮົມ ຫຼື ວຽກງານໂຄສະນາອົບຮົມ ໃນແງ່ມູມໃດກໍຕາມ, ຄະນະໂຄສະນາອົບຮົມ ຕ້ອງໄດ້ຕັດສິນໃຈບືນຕົວພັດທະນາຕົນເອງໃຫ້ຫຼາຍຂຶ້ນ, ໂດຍສຸມໃສ່ສືບຕໍ່ປັບປຸງລະບົບກົງຈັກການຈັດຕັ້ງຂອງຄະນະໂຄສະນາອົບຮົມ ແຕ່ສູນກາງລົງເຖິງທ້ອງຖິ່ນ ໃຫ້ມີຄວາມໜັກແໜ້ນ, ເຂັ້ມແຂງ ສົມຄູ່ກັບພາລະບົດບາດ ແລະ ຄວາມສໍາຄັນ ຂອງວຽກງານນີ້.

ເອົາໃຈໃສ່ສ້າງ-ຍົກລະດັບຖັນແຖວພະນັກງານ ທີ່ເຮັດວຽກງານໂຄສະນາອົບຮົມຂອງພັກ ຢ່າງເປັນລະບົບ, ຕໍ່ເນື່ອງ ເປັນຕົ້ນ ນັກຄົ້ນຄວ້າຂີດຂຽນ, ນັກໂຄສະນາ-ປາຖະກະຖາ. ພ້ອມນັ້ນ ກໍຕ້ອງປັບປຸງເນື້ອໃນ, ຮູບການ, ວິທີການ ຂອງວຽກງານໂຄສະນາອົບຮົມ ໃຫ້ສອດຄ່ອງ, ຕິດແທດກັບສະພາບ ແລະ ຄວາມຮຽກ ຮ້ອງຕ້ອງການຕົວຈິງ ຂອງໜ້າທີ່ການເມືອງ, ແທດກັບແຕ່ລະເປົ້າໝາຍ, ມີຄຸນນະພາບ ແລະ ມີປະສິດທິຜົນສູງຂຶ້ນກວ່າເກົ່າ,ປັບປຸງລະບົບກົນໄກປະສານງານ ລະຫວ່າງ ຄະນະໂຄສະນາອົບຮົມສູນກາງພັກ ກັບຄະນະພັກຂອງກະຊວງ, ອົງການຕ່າງໆ ຢູ່ສູນກາງ ແລະ ກັບຄະນະພັກ ກໍຄື ຄະນະໂຄສະນາອົບຮົມຂັ້ນທ້ອງຖິ່ນ ໃຫ້ກົມກຽວ ແລະ ວ່ອງໄວ ເພື່ອກໍາສະພາບການຫັນປ່ຽນ ຂອງສະພາບການ ແລະ ດ້ານແນວຄິດຈິດຕະສາດ ຂອງພະນັກງານ, ສະມາຊິກພັກ ກໍຄື ຂອງສັງຄົມ, ເອກະພາບດ້ານການເຄື່ອນໄຫວໂຄສະນາອົບຮົມ ແຕ່ເທິງລົງລຸ່ມ.

ຂ່າວ: ສຳນານ – ປະຊາຊົນ

ວັນທີ 2 ກຸມພາ 2021 ນີ້ ໂຄງການກອງທຶນຫຼຸດຜ່ອນຄວາມທຸກຍາກ (ທລຍ) ແຂວງ ສາລະວັນ ໄດ້ຈັດກອງປະຊຸມຝຶກອົບຮົມຖອດຖອນບົດຮຽນກ່ຽວກັບການຈັດຕັ້ງປະຕິບັດໂຄງ ການຊຸມຊົນຈັດຕັ້ງປະຕິບັດເອງ ແລະ ໂຄງການກຸ່ມບົວລະບັດຮັກສາເສັ້ນທາງກັບ ທລຍ 4 ແຂວງຄື: ແຂວງອຸດົມໄຊ, ຜົ້ງສາລີ, ຫົວພັນ ແລະ ແຂວງຊຽງຂວາງ ເປັນກຽດເຂົ້າຮ່ວມໂດຍທ່ານ ຈິດ ທະ ວິໃສ ຜູ້ອຳນວຍການ ທລຍ ພ້ອມຄະນະ ແລະ ທ່ານ ກິພະຈັນ ໂພສາລີ ຫົວໜ້າ ທລຍ ແຂວງສາ ລະວັນ ແລະ ພະນັກງານວິຊາການເຂົ້າຮ່ວມ.

ຜູ້ເຂົ້າຮ່ວມກໍໄດ້ຮັບຟັງກ່ຽວກັບຈຸດປະສົງ, ທີ່ມາໂຄງການຍ່ອຍຮູບແບບຊຸມ ຊົນຈັດ ຕັ້ງປະຕິບັດເອງ ແລະ ໂຄງການກຸ່ມບົວລະບັດຮັກສາເສັ້ນທາງ, ພ້ອມນັ້ນທີມງານວິຊາ ການຈາກ ທລຍ ແຂວງສາລະວັນກໍໄດ້ຜັດປ່ຽນກັນຂຶ້ນລາຍງານວິທີການຂັ້ນຕອນໃນການຈັດຕັ້ງປະ ຕິບັດຂອງໂຄງການ ເປັນຕົ້ນກໍແມ່ນນັບແຕ່ການຄັດເລືອກທີມງານ, ນາຍຊ່າງ, ກຳມະກອນ ແລະ ວິຊາການຊຸມຊົນ, ການສຳຫຼວດ, ການປະເມີນຕ່າງໆກ່ອນການຈັດຕັ້ງປະຕິບັດ, ການປະເມີນ ສິ່ງແວດລ້ອມ, ການປະເມີນຄວາມສ່ຽງໄພພິບັດ, ການຄິດໄລ່ບໍລິມານ, ການຂຶ້ນແຜນຕ່າງໆ, ການອອກແບບຂອງໂຄງການ, ການກຳນົດຄ່າແຮງງານ, ວິທີການຈັດຕັ້ງປະຕິບັດ, ຮູບແບບ ການສັນຍາ, ຂໍ້ກຳນົດຕ່າງໆໃນການຈັດຊື້ວັດສະດຸອຸປະກອນການກໍ່ສ້າງ, ການເກັບມ້ຽນເອກະ ສານກ່ຽວກັບໂຄງການທີ່ຈັດຕັ້ງປະຕິບັດລວມທັງການເບີກຈ່າຍ, ການກວດສອບທາງດ້ານການເງິນ, ທັງນີ້ກໍເພື່ອເປັນການຮັບປະກັັນ ແລະ ເຮັດໃຫ້ໜ້າວຽກໃນການຈັດຕັ້ງປະຕິບັດມີຄວາມຮັດກຸ່ມ, ຖືກຕ້ອງຕາມຂັ້ນຕອນ, ສາມາດກວດສອບໄດ້ໃນການຈັດຕັ້ງປະຕິບັດວຽກງານ, ການວາງແຜນ ແລະ ທັງເປັນການເຮັດໃຫ້ບັນດາໜ້າວຽກໄດ້ສຳເລັດຕາມລະດັັບຄາດໝາຍທີ່ວາງໄວ້

ຈາກນັ້ນຜູ້ເຂົ້າຮ່ວມກໍຈະໄດ້ລົງພາກສະໜາມຕົວຈິງຢ້ຽມຢາມເບິ່ງໂຄງການຍ່ອຍຊຸມຊົນຈັດຕັ້ງປະຕິບັດເອງຢູ່ໃນ 3 ເມືອງ ຂອງແຂວງສາລະວັນ ທີ່ ທລຍ ແຂວງໄດ້ຈັດຕັ້ງປະຕິບັດເປັນຕົ້ນກໍ ແມ່ນເມືອງຕຸ້ມລານ, ເມືອງຕະໂອ້ຍ ແລະ ເມືອງສະໝ້ວຍ, ພ້ອມທັງສຳພາດທີມງານບ້ານ, ນາຍ ຊ່າງ, ກຳມະກອນ, ວິຊາການຊຸມຊົນ ແລະ ພະນັກງານ ທລຍ ທີ່ປະຈຳຢູ່ໃນແຕ່ລະເມືອງ, ທັງ ນີ້ກໍເພື່ອເປັນຄວາມຮູ້ ແລະ ຂໍ້ມູນເພື່ອນຳໄປຈັດຕັ້ງປະຕິບັດໃຫ້ເກີດດອກຜົນຢູ່ໃນທ່ອງຖິ່ນ ແລະ ບ້ານຂອງຕົນເອງທີ່ຕົນຮັບຜຜິດຊອບ.

ພາບ-ຂ່າວ: ສິດຕາ ເພັດວົງສາ

ໄຊສົມບູນ: ມາຮອດປັດຈຸບັນ ຈຳນວນຄອບຄົວທຸກຍາກຢູ່ແຂວງໄຊສົມບູນ ຖ້າປະເມີນຕາມດໍາລັດເລກທີ 309/ນຍ ວ່າດ້ວຍມາດຕະຖານຄວາມທຸກຍາກ ແລະ ມາດຕະຖານການພັດທະນາ ຍັງເຫລືອຈໍານວນ 1.800 ກວ່າຄອບຄົວ, ແຕ່ຖ້າປະເມີນຕາມດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ຍັງເຫລືອຈໍານວນ 4.391 ຄອບຄົວ, ເທົ່າກັບເກືອບ 30% ຂອງຈຳນວນຄອບຄົວທັງໝົດ, ຂະນະທີ່ບ້ານທຸກຍາກຍັງເຫລືອ 10 ກວ່າບ້ານໃນຈຳນວນ 89 ບ້ານທີ່ມີພາຍໃນແຂວງ.

ທ່ານ ຄໍາລຽງ ອຸທະໄກສອນ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງໄຊສົມບູນ ໃຫ້ສໍາພາດຕໍ່ນັກຂ່າວວິທະຍຸກະຈາຍສຽງແຫ່ງຊາດລາວ ວ່າ: ເພື່ອແກ້ໄຂຄອບຄົວທຸກຍາກທີ່ຍັງເຫລືອໃຫ້ໄດ້ ຄະນະພັກ-ອົງ ການປົກຄອງແຂວງ ໄດ້ແຕ່ງຕັ້ງຄະນະສະເພາະກິດຂັ້ນແຂວງຂຶ້ນ ເພື່ອແກ້ ໄຂຄວາມທຸກຍາກຂອງປະຊາຊົນ ເພາະຖືເປັນບັນຫາສໍາຄັນທີ່ສຸດ ເຊີ່ງເລີ່ມຈາກການລົງເກັບກຳຂໍ້ມູນຄືນໃໝ່ເພື່ອໃຫ້ໄດ້ຂໍ້ມູນທີ່ລະອຽດຊັດເຈນກ່ຽວ ກັບສາເຫດທີ່ເຮັດໃຫ້ຄອບຄົວຍັງທຸກຍາກ ແລະ ໄດ້ເກັບກໍາຂໍ້ມູນສໍາເລັດແລ້ວ, ພ້ອມນີ້ ໄດ້ກໍານົດເອົາແກ້ໄຂຄວາມທຸກຍາກຂອງປະຊາຊົນເຂົ້າໃນມະຕິກອງປະຊຸມໃຫຍ່ອົງຄະນະພັກແຂວງໄຊສົມບູນ ຄັ້ງທີ I ໂດຍໄດ້ວາງຄາດ ໝາຍໄວ້ວ່າ ຮອດປີ 2025 ຈໍານວນຄອບຄົວທຸກຍາກຕ້ອງຫລຸດລົງໃຫ້ຍັງເຫລືອບໍ່ເກີນ 185 ຄອບຄົວ ຫລື ປະມານ 1,97% ຂອງຈໍານວນຄອບ ຄົວທີ່ມີພາຍໃນແຂວງ.

ເຈົ້າແຂວງໄຊສົມບູນ ໃຫ້ຮູ້ຕື່ມວ່າ: ສໍາລັບມາດຕະການ ຫລື ວິທີແກ້ ໄຂຄວາມທຸກຂອງປະຊາຊົນ, ຄະນະພັກ-ອົງການປົກຄອງແຂວງ ໄດ້ວາງແຜນການໄວ້ລະອຽດແລ້ວ, ລວມເຖີງໄດ້ການກະກຽມທຶນຮອນ ແລະ ເນື້ອທີ່ດິນໃຫ້ແຕ່ລະຄອບຄົວທີ່ຍັງທຸກຍາກນໍາໃຊ້ເຂົ້າໃນການຜະລິດ ຫລື ປະ ກອບອາຊີບຕາມຄວາມສາມາດຕົວຈິງ ເພື່ອເຮັດໃຫ້ມີອາຊີບ ແລະ ມີລາຍຮັບຄົງ ແລ້ວກ້າວໄປເຖີງການຫລຸດພົ້ນອອກຈາກຄວາມທຸກຍາກແບບຍືນຍົງ ໝາຍຄວາມວ່າ: ເມື່ອພົ້ນຈາກຄວາມທຸກຍາກໄປແລ້ວ ບໍ່ກັບຄືນມາທຸກຍາກອີກ. ເຊັ່ນດຽວກັບບ້ານທຸກຍາກທີ່ຍັງເຫລືອ 10 ກວ່າບ້ານນັ້ນ ໄດ້ວາງແຜນການ ແລະ ມາດຕະການແກ້ໄຂໃນແຕ່ລະປີຢ່າງລະອຽດແລ້ວ. ຢ່າງໃດກໍ່ຕາມ ທ່ານຢືນຢັນວ່າ ຖ້າຢາກແກ້ໄຂບ້ານທຸກຍາກໃຫ້ໄດ້ ກ່ອນອື່ນໝົດຕ້ອງສຸມໃສ່ແກ້ໄຂຈຳນວນຄອບຄົວທຸກຍາກທີ່ຍັງເຫລືອໃຫ້ໄດ້ເສຍກ່ອນ ຈິ່ງຈະກ້າວໄປເຖີງການແກ້ໄຂບ້ານທຸກຍາກທີ່ຍັງເຫລືອໃຫ້ໝົດໄປ ເຊີ່ງຄະນະພັກ-ອົງການປົກຄອງແຂວງເຊື່ອໝັ້ນວ່າ ຈາກທ່າແຮງດ້ານການພັດທະນາທີ່ມີ ຈະເຮັດໃຫ້ການແກ້ໄຂຄອບຄົວ ແລະ ບ້ານທຸກ ຍາກຂອງແຂວງໄຊສົມບູນທີ່ຍັງເຫລືອບັນລຸຜົນເປັນຈິງຕາມຄາດຫມາຍທີ່ວາງໄວ້.

ຂ່າວ: ບຸນຕຽງ ຈັນທະວົງ – Lao National Radio

ຄໍາມ່ວນ: ພິທີສະຫຼຸບຂະບວນການແຂ່ງຂັນ“ຮັກຊາດ ແລະພັດທະນາ”ຂອງກອງກວດກາປ່າໄມ້ທີ່ຂຶ້ນກັບພະແນກກະສິກຳ ແລະປ່າໄມ້ແຂວງຄຳມ່ວນຈັດຂຶ້ນໃນວັນທີ 29 ມັງ ກອນ 2021 ໂດຍເຂົ້າຮ່ວມຂອງທ່ານ ສຸກັນ ອິນທະນູຮັກ ຮອງຫົວໜ້າພະແນກກະສິກຳ ແລະປ່າໄມ້,ທ່ານ ສອນໄຊ ພົມຫຼວງສີ ຫົວໜ້າກອງກວດກາປ່າໄມ້,ມີບັນດາຂະແໜງການອ້ອມຂ້າງ ແລະພະນັກງານວິຊາການເຂົ້າຮ່ວມ.

ກອງປະຊຸມແມ່ນໄດ້ສະຫຼຸບຜົນການເຄື່ອນໄຫວວຽກງານແຂ່ງຂັນ“ຮັກຊາດ ແລະພັດທະນາ”ປະຈຳປີ 2020 ຊຶ່ງໄດ້ຕີລາຄາໃຫ້ເຫັນເຖິງວຽກງານທີ່ພົ້ນເດັ່ນໃນແຕ່ ລະດ້ານຂອງຂະບວນການແຂ່ງຂັນເປັນຕົ້ນແມ່ນດ້ານແບບແຜນວິທີນຳພາ-ວິທີເຮັດວຽກ,ດ້ານວຽກງານວິຊາສະເພາະ,ດ້ານວຽກງານປ້ອງກັນ ແລະດ້ານຂະບວນການ, ຊຶ່ງໃນປີ 2020 ກອງກວດກາປ່າໄມ້ໄດ້ຈັດຕັ້ງປະຕິບັດວຽກງານກວດກາລາດຕະເວນສະກັດກັ້ນການລັກລອບເຄື່ອນຍ້າຍໄມ້, ເຄື່ອງປ່າຂອງດົງແລະສັດນໍ້າ-ສັດປ່າ ທີ່ຜິດຕໍ່ລະບຽບກົດໝາຍສາມາດຢຶດໄມ້ໄດ້ທັງໝົດ 7.012 ທ່ອນ, ລວມບໍລິມາດ 371 ແມັດກ້ອນ, ໃນນີ້ກອງກວດກາປ່າໄມ້ ແຂວງຍຶດໄດ້ 150 ແມັດກ້ອນ, ກວດກາປ່າໄມ້ເມືອງບົວລະພາຢຶດໄດ້ 201 ແມັດກ້ອນ, ປກສ ແຂວງຢຶດໄດ້ 2 ແມັດກ້ອນ ແລະ ສະເພາະກິດແຂວງຢຶດໄດ້ 18 ແມັດກ້ອນ ຊຶ່ງເປັນປະເພດໄມ້ຫວງຫ້າມຈຳນວນ 85 ແມັດກ້ອນ ແລະປະເພດໄມ້ຄຸ້ມຄອງ 286 ແມັດກ້ອນ.

ນອກນີ້ ຍັງໄດ້ລົງເຄື່ອນໄຫວສະກັດກັ້ນ ແລະຕ້ານການລັກລອບຄ້າ-ຂາຍ ສັດນໍ້າ-ສັດປ່າ ຢູ່ແຕ່ລະເມືອງຕາມສາຍທາງ ແລະຈຸດຫຼໍ່ແຫຼມຕ່າງໆຊຶ່ງພົບເຫັນປະເພດສັດຫວງຫ້າມ ແລະສັດຄຸ້ມຄອງລວມມີນໍ້າໜັກ 241 ກິໂລກຣາມ ໃນນີ້ສັດທີ່ຍັງມີຊີວິດແມ່ນໄດ້ນຳໄປປ່ອຍຄືນສູ່ທຳມະຊາດສ່ວນປະເພດຊິ້ນສ່ວນຂອງສັດ ແລະສັດທີ່ຕາຍແລ້ວແມ່ນໄດ້ນຳໄປທຳລາຍດ້ວຍການຝັງດິນ.

ທັງໝົດນັ້ນໃນປີຜ່ານມາລວມເປັນຄະດີເກີດຂຶ້ນທັງໝົດ 49 ຄະດີໃນນີ້ຄະດີກ່ຽວກັບໄມ້ 42 ຄະດີ, ໄກ່ເກ່ຍສຳເລັດແລ້ວ 16 ຄະດີ, ຄະດີເຄື່ອງປ່າຂອງດົງ 5 ຄະດີ, ໄກ່ເກ່ຍສຳເລັດ 4 ຄະດີ ແລະຄະດີກ່ຽວກັບສັດນໍ້າ-ສັດປ່າ 2 ຄະດີ, ໄກ່ເກ່ຍສຳເລັດ 1 ຄະດີ.

ລາຍງານໂດຍ: ນັກຂ່າວແຂວງຄໍາມ່ວນ | ເສດຖະກິດ-ສັງຄົມ