ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ອອກແຈ້ງການແນະນຳເພີ່ມເຕີມ ດັ່ງນີ້:

ຕາມການລາຍງານ ຂອງຄະນະສະເພາະກິດ ປະຈຳວັນທີ 20 ກັນຍາ 2021 ໃຫ້ຮູ້ວ່າ: ຊຽງຂວາງພົບຜູ້ຕິດເຊື້ອໃນຊຸມຊົນ 2 ຄົນ ເຊິ່ງມີລາຍລະອຽດດັ່ງນີ:

ທັງສອງຄົນເປັນເອື້ອຍນ້ອງກັນ (ເພດຍິງ, ອາຍຸ 42 ປີ ອາຊິບ: ກໍາມະກອນຕັດຫຍິບໂຮງງານອານປີລາວ ແລະ ເພດຍິງ, ອາຍຸ 34 ປີ, ອາຊີບ: ຄ້າຂາຍ)

ເຫດຜົນເດີນທາງໄປແຂວງຊຽງຂວາງ ຍ້ອນວ່າໄປສົ່ງສະການພໍ່ເສຍຊີວິດ ຢູ່ບ້ານຫໍສິມ, ເມືອງຜາໄຊ.

• ວັນທີ 14 ກັນຍາ 2021 ໄດ້ເດີນທາງຈາກນະຄອນຫລວງວຽງຈັນ ໄປຮອດແຂວງຊຽງຂວາງ
• ງານສົບຈັດແຕ່ວັນທີ 14-17 ກັນຍາ 2021
• ວັນທີ 17 ກັນຍາ 2021 ໄດ້ສົ່ງສະການພໍ່
• ທາງແຂວງຊຽງຂວາງ ໄດ້ປະກາດ ໃຫ້ພໍ່ແມ່ປະຊາຊົນ ຜູ້ໃດໄດ້ຮ່ວມງານສົບ ໃຫ້ໄປເກັບຕົວຢ່າງ ພ້ອມທັງຈຳກັດບໍລິເວນ

ໃນໂອກາດຖະແຫຼງຂ່າວຕໍ່ສື່ມວນຊົນ ທີ່ກະຊວງສາທາລະນະສຸກ, ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະສົ່ງເສີມສຸຂະພາບ ກະຊວງສາທາລະນະສຸກ ໃຫ້ຮູ້ວ່າ : ວັກຊີນທີ່ນຳເຂົ້າມາໃຊ້ ຢູ່ລາວປະຈຸບັນມີ 5 ຊະນິດ ປະກອບມີ ຊີໂນຟາມ, ອັດສະຕາຊີນີກາ, ສະປູກນິກ, ຟາຍເຊີ, ຈອນສັນ ແອນຈອນສັນ ລວມທັງໝົດ 5,567,490ໂດສ.

ເຊິ່ງວັກຊິນດັ່ງກ່າວ ໄດ້ແຈກຈ່າຍໄປໃຫ້ແຕ່ລະແຂວງ ໃນຂອບເຂດທົ່ວປະເທດ ເພື່ອສັກໃຫ້ກຸ່ມປະຊາກອນທີ່ມີອາຍຸ ແຕ່ 18 ປີ ຂື້ນໄປ ມາຮອດປະຈຸບັນ ສັກເຂັມທີ 1 ໄດ້ 2,788,830 ໂດສ ກວມເອົາ 38,01% ຂອງປະຊາກອນ ແລະເຂັມທີ 2 ສັກໄດ້ 1,907,657 ໂດສ ກວມເອົາ 26% ຂອງປະຊາກອນ.

ໃນນັ້ນແຂວງທີ່ກາຍ 50% ຂຶ້ນໄປແລ້ວ ມີນະຄອນຫຼວງວຽງຈັນ ແລະ ແຂວງບໍ່ແກ້ວ ສ່ວນແຂວງອື່ນໆ ກໍສະເລ່ຍຢູ່ໃນ 38% ຂອງເຂັມທີ 1.

ສະນັ້ນປະຈຸບັນ ຢູ່ໃນແຕ່ລະແຂວງ ກໍພວມເລັງໃສ່ການສັກເຂັມທີສອງ ຂອງຊີໂນຟາມ ແລະ ອັດສະຕາຊີນິກາ ຂໍໃຫ້ພໍ່ແມ່ປະຊາຊົນບັນດາເຜົ່າຈົ່ງຮິບຮ້ອນເຂົ້າໄປບໍລິການເພື່ອສ້າງພູມຕ້ານທານໃຫ້ຕົນເອງ.ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະສົ່ງເສີມສຸຂະພາບ ກະຊວງສາທາລະນະສຸກ ຍັງແຈ້ງໃຫ້ນັກຮຽນ ທີ່ຮຽນຈົບ ມ ປາຍ ປີນີ້ ທີ່ມີອາຍຸ 17 ປີ ຈົ່ງໄປສັກວັກຊີນກັນພະຍາດໂຄວິດ-19 ເພື່ອຄວາມສະດວກໃນການເດີນທາງ ແລະເຂົ້າຫ້ອງສອບເສັງເຂົ້າມະຫາວິທະຍາໄລ, ພ້ອມນັ້ນແມ່ຍິງຖືພາ ທີ່ມີອາຍຸຂອງການຕັ້ງຄັນ 12 ອາທິດຂື້ນໄປກໍສາມາດສັກໄດ້ ເພາະກອງປະຊຸມທາງດ້ານວິຊາການຂອງອົງການອະນາໄມໂລກ ປະຈຳລາວ ແລະ ຄະນະກຳມະການແຫ່ງຊາດ ທາງດ້ານວິຊາການກ່ຽວກັບການສ້າງພູມຄຸ້ມກັນ NITAC ໄດ້ຄົ້ນຄົ້ວ ແລະເຫັນດີເປັນເອກະພາບ ແລະຍັງບໍ່ອະນຸຍາດໃຫ້ມີການສັກເຂັມທີ 3 ຊຶ່ງເອີ້ນວ່າ ບຸດສະເຕີ. ເຫດຜົນກໍຍ້ອນຍັງບໍ່ມີການວິໄຈທີ່ມາອ້າງອີງໄດ້ເທື່ອ ແລະວັກຊິນຢູ່ປະເທດເຮົາກໍຍັງມີຢູ່ໃນຂອບເຂດຈຳກັດ ສະນັ້ນຂໍໃຫ້ທຸກຄົນໄດ້ເຂົ້າເຖິງຢ່າງທົ່ວເຖິງກ່ອນ.

ສະເພາະໄຕມາດທີ 4 ປີ ນີ້ ສປປ ລາວ ຈະໄດ້ຮັບວັກຊີນຕື່ມອີກ 2.434.580 ໂດສ ໃນນັ້ນຈະໄດ້ຮັບຈາກລັດຖະບານ ສປຈີນ, ອົດສະຕາລີ, ກາແດງຈີນ ແລະການລະດົມທືນຈັດຊື້ຈາກພາກສ່ວນເອກະຊົນ. ຍ້ອນວ່າໃນທ້າຍປີນີ້ ທາງລັດຖະບານມີແຜນຈະເປີດເສັ້ນທາງລົດໄຟຄວາມໄວສູງ ຈາກຈີນສູ່ລາວ -ລາວສູ່ຈີນ ສະນັ້ນ, ມາດຕະການສັກວັກຊີນຄົບ 2ເຂັມຈະເປັນເງື່ອນໄຂໜຶ່ງທີ່ຈະຕ້ອງໄດ້ມີການກວດສອບ ຄືກັນກັບການເດີນທາງຢູ່ພາຍໃນປະເທດຂອງເຮົາ ສະນັ້ນບັນດາທ່ານກໍຈະຕ້ອງກຽມພ້ອມໃຫ້ໄດ້ສັກວັກຊີນໃຫ້ຄົບ 2ເຂັມເຊັ່ນດຽວກັນ.

ຂໍ້ມູນ: Lao National Radio

ເຖິງແມ່ນວ່າ ແຂວງຫົວພັນຍັງບໍ່ມີລາຍງານຜູ້ຕິດເຊື້ອ ຕັ້ງແຕ່ມີການລະບາດຂອງໂຄວິດ-19 ເປັນຕົ້ນມາ, ແຕ່ແຂວງຫົວພັນຍັງສືບຕໍ່ເຄື່ອນໄຫວວຽກງານຕ້ານ ແລະສະກັດກັ້ນເຊື້ອພະຍາດໂຄວິດ-19 ຢູ່ພາຍໃນແຂວງຢ່າງດີ.

ຕາມການລາຍງານ ຂອງຄະນະສະເພາະກິດ ວັນທີ 19 ກັນຍາ 2021 ໃຫ້ຮູ້ວ່າ: ໄດ້ກວດວິເຄາະທັງຫມົດ 5,318 ຄົນ, ໃນນັ້ນ ກວດພົບຜູ້ຕິດເຊື້ອໃຫມ່ ທັງຫມົດ 371 ຄົນ:

– ກໍລະນີນໍາເຂົ້າ ມີ 68 ຄົນ ຈາກ ແຂວງ ສະຫວັນນະເຂດ 42 ຄົນ, ສາລະວັນ 13 ຄົນ,ຈໍາປາສັກ 10 ຄົນ, ນະຄອນຫຼວງວຽງຈັນ 2 ຄົນ ແລະ ຄໍາມ່ວນ 1 ຄົນ ເຊິ່ງກວດພົບຈາກ ແຮງງານລາວ ຫຼື ຜູ້ທີ່ເດີນທາງມາຈາກຕ່າງປະເທດ ເຂົ້າມາຕາມຈຸດຜ່ານແດນສາກົນ.

-ສໍາລັບ ການຕິດເຊື້ອໃນຊຸມຊົນ ມີ 303 ຄົນ ລາຍລະອຽດ ດັ່ງຕໍ່ໄປນີ້:

• ນະຄອນຫຼວງ 225 ຄົນ ລາຍລະອຽດຄື:

1). ກຸ່ມ ໂຮງງານ ອານພີ ລາວ (ເກັບຕົວຢ່າງໃນໂຮງງານ) ໃຫ້ຜົນບວກ 179,

2). ໂຄງການສຶກສາ LACOMISS: ມີ 07 ຄົນ

-ຈາກ ບ້ານ ຫນອງທາເຫນືອ, ເມືອງ ຈັນທະບູລີ 03 ຄົນ ຊື່ງ ເປັນສະມາຊິກຄອບຄົວ

ດຽວກັນ ທີ່ຕິດເຊື້ອຊີ້ງໄດ້ລາຍງານ ວານນີ້. – ຈາກບ້ານ ຫນອງຈັນ, ເມືອງ ສີສັດຕະນາກ 03 ຄົນເປັນສະມາຊິກຄອບຄົວດຽວກັນ

ທີ່ຕິດເຊື້ອ ຊື່ງໄດ້ລາຍງານ ວານນີ. – ບ້ານ ຫນອງແຕ່ງ 01 ຄົນ (ພະນັກງານ)

3). ຈຸດເກັບ ຕົວຢ່າງ ຈາກບືງຂະຫຍອງ : ໃຫ້ຜົນບວກ 15 ຄົນ – ອານພີ ລາວ 04 ຄົນ

– ກົມແຜນທີ່ທະຫານ 01 ຄົນ – ຄະນະ ພົວພັນຕ່າງປະເທດ 01 ຄົນ – ໂຮງງານ ຊີເຄແອວ 02 ຄົນ – ຕະຫລາດ ດົງຫມາກຄາຍ 02 – ຕະຫລາດ ສີ ເກີດ 01 ແລະ ລັດວິສະຫະກິດ ການບິນລາວ 01

4). ກຸ່ມໄປກວດຢູ່ ໂຮງຫມໍເສດຖາ: ມີ 07 ກໍລະນີ;ຊີ່ງມາຈາກ :

– ບ້ານ ໂນນຄໍ້ 04 ຄົນ (ເປັນຄອບຄົວດຽວກັນ) – ບ້ານ ທາດຫລວງໃຕ້ 04 ຄົນ – ບ້ານ ດົງຄໍາຊ້າງ 01 ຄົນ

5). ກຸ່ມໄປກວດຢູ່ໂຮງຫມໍ 103 : ມີ 03 ຄົນ ( ຈາກດອນຫນູນ 01 ແລະ ຫນອງດ້ວງ 02)

– ຈາກຂໍ້ມູນ ຂ້າງເທີງ ຂອງການລາຍມື້ນີ້ ມີຜູ້ຕິດເຊື້ອຈາກ ໂຮງງານຕັດຫຍິບ ອານພີ ລາວ ທັງຫມົດ 182 ຄົນ, ມາຮອດປະຈຸບັນ ຕົວເລກສະສົມຜູ້ຕິດເຊື້ອທັງຫມົດ 436 ຄົນ (ໃນຈໍານວນຕົວຢ່າງ 1275 ຕົວຢ່າງ ທີ່ເກັບ).

• ຄໍາມ່ວນ 27 ຄົນ:

• ຈໍາປາສັກ 26 ຄົນ

• ຫຼວງພະບາງ 14 ຄົນ

• ບໍ່ແກ້ວ 8 ຄົນ:

• ສະຫວັນນະເຂດ 3 ຄົນ:

ປະຈຸບັນ ຜູ້ຕິດເຊື້ອໃຫມ່ທັງຫມົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກໍານົດໄວ້.

ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງຫມົດ 19,185 ຄົນ, ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວ ທັງຫມົດ 4,184 ຄົນ.