ແຂວງຫຼວງພະບາງ ເປີດຂະບວນການວັນສັກຢາແຫ່ງຊາດ ແລະ ໃຫ້ວັກຊີນປ້ອງກັນພະຍາດໂຄວິດ-19 ໃຫ້ແກ່ກຸ່ມເປົ້າໝາຍແຕ່ອາຍຸ 6 ປີ ຂຶ້ນໄປ.

ໃນຕອນເຊົ້າຂອງວັນທີ 4 ມີນາ 2022 ນີ້, ຫ້ອງການສາທາລະນະສຸກນະຄອນ-ຫຼວງພະບາງຮ່ວມກັບຄະນະສະເພາະກິດຂັ້ນແຂວງ ແລະຄະນະກໍາມະການຮັກສາສຸຂະພາບຂັ້ນນະຄອນ-ຫຼວງພະບາງໄດ້ລົງເປີດຂະບວນການວັນສັກຢາແຫ່ງຊາດ ແລະໃຫ້ວັກຊີນປ້ອງກັນພະຍາດໂຄວິດ-19 ໃຫ້ແກ່ກຸ່ມເປົ້າໝາຍແຕ່ອາຍຸ 6 ປີຂື້ນໄປ ຢູ່ທີ່ໂຮງຮຽນປະຖົມສົມບູນຫຼວງພະບາງ.

ໂດຍການເຂົ້າຮ່ວມຂອງທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ຫົວໜ້າຄະນະສະເພາະກິດ ຄວບຄຸມໂຄວິດ 19 ຂັ້ນແຂວງ, ດຣ ຫຸມພັນ ຈີລະສັກ ຮອງຫົວໜ້າພະແນກສາທາລະນະສຸກ ແຂວງ, ມີຄະນະສະເພາະກິດຂັ້ນແຂວງ, ຂັ້ນນະຄອນ-ຫຼວງພະບາງ,ພະນັກງານ ພະແນກສາທາລະ ນະສຸກແຂວງ, ຄູ-ອາຈານ, ພໍ່ແມ່ປະຊາຊົນ ແລະນ້ອງນັກຮຽນເຂົ້າຮ່ວມ.

ແຫຼ່ງຂ່າວ: ຂ່າວສານຫລວງພະບາງ Luangprabang News

ກອງບັນຊາການທະຫານເມືອງ ຕົ້ນເຜິ້ງ ສະຫຼຸບວຽກງານຮອບດ້ານ ປະຈໍາປີ 2021 ແລະ ວາງທິດທາງແຜນການປີ 2022.

ກອງປະຊຸມສະຫຼຸບວຽກງານປ້ອງກັນຊາດຮອບດ້ານ ປະຈໍາປີ 2021 ແລະ ວາງທິດທາງແຜນການປີ 2022 ຂອງກອງບັນຊາການທະຫານເມືອງ ຕົ້ນເຜິ້ງ ໄດ້ຈັດຂຶ້ນໃນ ຕອນເຊົ້າ ວັນທີ 3 ມີນາ 2022 ນີ້ ຢູ່ທີ່ສະໂມສອນກອງບັນຊາການ ໂດຍການເປັນປະທານຂອງ ທ່ານ ພັທ ສູນທອນ ວັນທອງ ກຳມະການພັກເມືອງ ຫົວໜ້າການເມືອງກອງບັນຊາການທະການເມືອງ, ໃຫ້ກຽດເຂົ້າຮ່ວມມີ ທ່ານ ຄຳແຍງ ຄອນໄຊຍະກີດ ເຈົ້າເມືອງໆ ຕົ້ນເຜິ້ງ ປະທານປ້ອງ ປກຊ – ປກສ ເມືອງ, ມີຄະນະພັກ – ຄະນະບັນຊາ, ພະນັກງານນັກຮົບພາຍໃນກົມກອງ, ແຂກຖືກເຊີນຈາກກົມກອງເພື່ອນ ແລະ ຈາກຫ້ອງການກ່ຽວຂ້ອງ ເຂົ້າຮ່ວມ.

ກອງປະຊຸມ ໄດ້ຜ່ານຮ່າງບົດສະຫຼຸບວຽກງານຮອບດ້ານຂອງກອງບັນຊາການ ປະຈໍາປີ 2021 ແລະ ທິດທາງແຜນການປີ 2022 ເຊິ່ງໄດ້ຍົກໃຫ້ເຫັນສະພາບລວມຂອງເມືອງ ຕົ້ນເຜິ້ງ ເປັນຕົ້ນ:

ການເຄື່ອນໄຫວຂອງກຸ່ມຄົນບໍ່ດີ; ສະພາບຊາຍແດນ ແລະ ສະພາບປະຊາຊົນ ເຊິ່ງໄລຍະຜ່ານມາ ປະຊາຊົນພາຍໃນເມືອງ ຕົ້ນເຜີ້ງ ແມ່ນມີຄວາມເຊື່ອໝັ້ນຕໍ່ການນໍາພາຂອງພັກ – ລັດ ປະຕິບັດລະບຽບກົດໝາຍຂອງບ້ານເມືອງ, ມິຄວາມຕື່ນຕົວເປັນເຈົ້າການປົກປັກຮັກສາ ແລະ ສ້າງສາພັດທະນາເສດຖະກິດ – ສັງຄົມ ແລະ ໄດ້ປະກອບສ່ວນເຂົ້າໃນວຽກງານ ປກຊ – ປກສ, ສະພາບຕາມຊາຍແດນມີຄວາມສະຫງົບ ແຕ່ເຖິງຢ່າງໃດກໍ່ຕາມ ພວກອິດທິກຳລັງປໍລະປັກເວລາໃດກໍ່ບໍ່ໄດ້ລົດລະຫວັງມ້າງເພທຳລາຍລະບອບໃໝ່ຂອງພວກເຮົາໂດຍນໍາໃຊ້ກົນອຸບາຍຍຸດທະສາດຫັນປ່ຽນໂດຍສັນຕິ ດ້ວຍການໂຄສະນາໃສ່ຮ້າຍປ້າຍສີ ທັບຖົມໂຈມຕີບົດບາດການນໍາພາຂອງພັກ – ລັດ ດ້ວຍຫຼາຍຮູບການ, ປະຊາຊົນຈໍານວນໜຶ່ງ ຍັງບໍ່ທັນເຂົ້າໃຈຕໍ່ແນວທາງນະໂຍບາຍຂອງພັກ – ລັດ ເຊິ່ງສະແດງອອກໃນປາກົດການຫຍໍ້ທໍ້ຕ່າງໆ ເຊັ່ນ:

ການຄ້າຂາຍຢາເສບຕິດ, ຫຼິ້ນການພະນັນ, ຄ້າຂາຍເຖື່ອນ, ລັກລອບນໍາເຂົ້າສິນຄ້າທີ່ບໍ່ຖືກຕ້ອງ, ຂີ້ລັກງັດແງະ ແລະ ອຸບັດຕິເຫດຕາມທ້ອງຖະໜົນ, ຍັງມີກູ່ມຄົນຈໍານວນໜຶ່ງລັກລອບເຂົ້າ – ອອກເມືອງ ໂດຍບໍ່ຖືກຕ້ອງຈາມລະບຽບການທີ່ຂັ້ນເທິງກຳນົດໄວ້. ໃນໄລຍະ 1 ປີ ຜ່ານມາ ຄະນະພັກ – ຄະນະບັນຊາ ໄດ້ເອົາໃຈໃສ່ນໍາພາພະນັກງານພາຍໃນກົມກອງປິ່ນອ້ອມຕາມ 04 ໜ້າທີ່ໃຫຍ່ ແລະ 26 ແຜນງານ ເປັນຕົ້ນ: ວຽກງານເຮັດໃຫ້ສະພາບມີຄວາມສະຫງົບ; ວຽກງານປັບປຸງກໍ່ສ້າງກຳລັງ; ວຽກງານຮັບປະກັນພະລາທິການ – ເຕັກນິກ; ວຽກງານພົວພັນ ແລະ ການຮ່ວມມືຕ່າງປະເທດ ເຮັດໃຫ້ເມືອງມີຄວາມສະຫງົບ ມີສະຖຽນລະພາບ, ກຳລັງມິຄວາມເຂັ້ມແຂງ, ຊີວິດການເປັນຢູ່ຂອງນາຍ ແລະ ພົນທະຫານໄດ້ຮັບການພັດທະນາດີຂຶ້ນ. ຈາກນັ້ນ ຄະນະປະທານ, ຄະນະພັກ – ຄະນະບັນຊາ, ນາຍ ແລະ ພົນທະຫານພາຍໃນກົມກອງ ກໍ່ໄດ້ປະກອບຄຳຄິດຄໍາເຫັນຕໍ່ບົດສະຫຼຸບ ແລະ ທິດທາງແຜນການດັ່ງກ່າວ ເພື່ອເຮັດໃຫ້ເນື້ອໃນຄົບຖ້ວນສົມບູນ ແລະ ເປັນແນວທາງໃນການຈັດຕັ້ງປະຕິບັດໃນຕໍ່ໜ້າ.

ໃນໂອກາດດັ່ງກ່າວ ຍັງໄດ້ມີການເລື່ອນຊັ້ນນາຍສິບໃຫ້ແກ່ພະນັກງານນັກຮົບພາຍໃນກົມກອງ ຈໍານວນ 01 ຫາຍ ຄື ເລື່ອນຊັ້ນ ສະຫາຍ ສົມຈິດ ອຸປະເສີດ ຈາກຊັ້ນສິບໂທ ຂຶ້ນເປັນສິບເອກ ແລະ ໄດ້ມີການມອບໃບຍ້ອງຍໍໃຫ້ແກ່ກົມກອງ ແລະ ບຸກຄົນທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານໃນໄລຍະ 1 ປີ ຜ່ານມາ ໃຫ້ກຽດປະດັບຊັ້ນ ແລະ ມອບໃບຍ້ອງຍໍໂດຍ ທ່ານ ຄຳແຍງ ຄອນໄຊຍະກິດ ແລະ ທ່ານ ພັທ ສູນທອນ ວັນທອງ.

ກອງປະຊຸມ ທ່ານ ຄຳແຍງ ຄອນໄຊຍະກິດ ເຈົ້າເມືອງໆ ຕົ້ນເຜິ້ງ ກໍ່ໄດ້ມີຄໍາເຫັນໂອລົມຫຼາຍບັນຫາ ກ່ອນອື່ນໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ – ຄະນະບັນຊາ ແລະ ນັກງານນັກຮົບພາຍໃນກົມກອງທີ່ຍາດມາໄດ້ຜົນງານຫຼາຍດ້ານໃນໄລຍະ 1 ປີ ຜ່ານມາ ພ້ອມທັງໄດ້ເນັ້ນໜັກໃຫ້ຄະນະພັກ – ຄະນະບັນຊາ ສືບຕໍ່ເອົາໃຈໃສ່ສຶກສາອົບທາງດ້ານການເມືອງແນວຄິດ, ຝຶກແອບດ້ານການທະຫານໃຫ້ແກ່ພະນັກງານນັກຮົບພາຍໃນກົມກອງ, ສືບຕໍ່ປະຕິບັດແຜນຝຶກແອບວຽກງານປ້ອງກັນຊາດ – ປ້ອງກັນຄວາມສະຫງົບໃຫ້ກຳລັງກອງຫຼອນ ບ້ານ ແລະ ນ້ອງນັກຮຽນແຕ່ລະໂຮງຮຽນພາຍໃນເມືອງ, ເອົາໃຈໃສ່ກວດກາລາດຕະເວນ ເພື່ອຕິດຕາມສະພາບພາຍໃນເມືອງ ແລະ ສະພາບຕາມຊາຍແດນ, ເອົາໃຈໃສ່ປະຕິບັດຕາມ 7 ລະບອບ 18 ວຽກ ຂອງກອງທັບ, ເອົາໃຈໃສ່ໃນການປັບປຸງຊີວິດການເປັນຢູ່ຂອງນາຍ ແລະ ພົນທະຫານໃຫ້ນັບມື້ນັບດີຂຶ້ນ.

ພາບ – ຂ່າວ:

ແຂວງສະຫວັນນະເຂດ ກຽມຄວາມພ້ອມທີ່ຈະນຳຮູບຈຳລອງພໍ່ກະດວດຂຶ້ນແຖ່ນປະດິດສະຖານຢ່າງເປັນທາງການ.

ໃນຕອນເຊົ້າວັນທີ 1 ມີນາ 2022 ຢູ່ທີ່ສະຖານທີ່ປະດິດສະ ຖານຮູບຫຼໍ່ຈໍາລອງພໍ່ກະດວດ (ຕໍ່ໜ້າໂຮງໝໍແຂວງສະຫວັນນະເຂດ) ທ່ານ ບຸນສະໜອງ ສີຫາລາດ ຫົວໜ້າກົມວິຈິດສິນ, ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ, ມີທ່ານ ນາງ ຄໍາສີ ບູລົມ ຮອງຫົວໜ້າ ພະແນກ ໂຍທາທິການ ແລະຂົນສົ່ງແຂວງ, ທ່ານ ນໍລະເດດ ນັນທະວົງ ຫົວ ໜ້າຫ້ອງການບໍລິຫານພະແນກ ຖວທ ແຂວງ ແລະບໍລິສັດທິບພະຈັນກໍ່ສ້າງ ເຊິ່ງເປັນຜູ້ຮັບເໝົາໃນ ການກໍ່ສ້າງແຖ່ນຕັ້ງຮູບຫຼໍ່ພໍ່ກະດວດ ໄດ້ລົງຕິດຕາມກວດກາສະ ຖານທີ່ດັ່ງກ່າວ ເພື່ອກຽມຄວາມ ພ້ອມໃນການນໍາຮູບຫຼໍ່ພໍ່ກະດວດ ມາປະດິດສະຖານທີ່ແຂວງສະຫວັນນະເຂດ.

ໂອກາດນີ້, ທ່ານ ບຸນສະໜອງ ສີຫາລາດ ໄດ້ໃຫ້ຮູ້ກ່ຽວກັບການ ຫຼໍ່ຮູບຈຳລອງພໍ່ກະດວດ ເພື່ອຈະ ນຳມາປະດິດສະຖານຢູ່ແຂວງສະ ຫວັນນະເຂດ, ສຳລັບການປັ້ນ ແບບຮູບຈຳລອງພໍ່ກະດວດແມ່ນ ໄດ້ເລີ່ມຈັດຕັ້ງປະຕິບັດແຕ່ເດືອນ ຕຸລາຫາ ເດືອນພະຈິກ ປີ 2021, ການປັ້ນຮູບຈໍາລອງພໍ່ກະດວດ ແມ່ນປະດິດດ້ວຍດິນດາກ ຫຼືດິນ ໜຽວ ທີ່ມີຄວາມສູງປະມານ 4 ແມັດເຄິ່ງ, ຫຼັງຈາກປັ້ນແລ້ວກ່ໍ ເອົາມາຫຼໍ່, ເຊິ່ງລວມນໍ້າໜັກຢູ່ປະ ມານ 2-3 ໂຕນ ໃນການປັ້ນຮູບ ຫຼໍ່ຈໍາລອງແມ່ນກຳນົດເອົາໄລຍະ ເວລາໜຶ່ງ ດືອນສຳເລັດ 100%, ຈາກນັ້ນ, ກໍ່ໄດ້ເຊີນທາງພະແນກ ຖວທ ຂອງແຂວງສະຫວັນນະເຂດ, ບັນດານັກວິຊາການຈຳນວນໜຶ່ງຂຶ້ນກວດຮູບຫຼໍ່ຢູ່ທາງ ກົມວິຈິດສິນຢູ່ນະຄອນຫຼວງວຽງ ຈັນຕາມເຊັນສັນຍາແມ່ນ 120 ວັນ, ຈົນມາຮອດ ປະຈຸບັນນີ້ການ ຫຼໍ່ຮູບຈຳລອງຂອງພໍ່ກະດວດຖື ວ່າສຳເລັດ 100% ແລ້ວ, ພຽງ ແຕ່ລໍຖ້າລົງສີ, ຫຼັງຈາກນັ້ນ, ກໍ່ຈະໄດ້ ເຄື່ອນຍ້າຍມາປະດິດສະຖານຢູ່ສະຫວັນນະເຂດ ຕາມແຜນຂອງ ແຂວງແມ່ນຈະໄດ້ນໍາຮູບຫຼໍ່ຈໍາລອງມາປະດິດສະຖານໃນຕົ້ນ ເດືອນເມສາ 2022 ນີ້ ໃນລະຫວ່າງ ວັນ ທີ 1-4 ແມ່ນຈະໄດ້ກະກຽມ ຫຼື ເຄື່ອນຍ້າຍແຮ່ລົງມາ ທີ່ແຂວງສະຫວັນນະເຂດ.

ສໍາລັບສະຖານທີ່ປະດິດສະ ຖານຮູບຫຼໍ່ຈໍາລອງພໍ່ກະດວດ ທ່ານ ນາງ ຄໍາສີ ບູລົມ ຮອງຫົວໜ້າພະ ແນກ ຍທຂ ແຂວງໃນນາມຄະນະ ຮັບຜິດຊອບສະຖານທີ່ໄດ້ໃຫ້ຮູ້ ວ່າ: ກ່ຽວກັບການກະກຽມຕ້ອນ ຮັບພິທີ ແລະສະຖານທີ່ປະດິດ ສະ ຖານຮູບຫຼໍ່ຈໍາລອງພໍ່ກະດວດທາງ ຄະນະກຳມະການກໍໄດ້ກະກຽມ ວຽກສືບຕໍ່ໃນການຈັດຕັ້ງປະຕິບັດ ຕາມໂຄງການ ສັນຍາກໍ່ສ້າງ ສະ ຖານທີ່ກ່ຽວກັບບ່ອນປະດິດສະ ຖານທີ່ແຫ່ງນີ້ ເຊິ່ງວຽກທີ່ ຍັງຄົງ ຄ້າງຈະຕ້ອງສືບຕໍ່ແຖ່ນຕັ້ງເພື່ອ ປະດິດສະຖານຮູບຫຼໍ່, ການປະດັບ ປະດາສະຖານທີ່ຄືນ, ກວດກາ ວຽກທີ່ໄດ້ສຳເລັດແລ້ວໃນເມື່ອກ່ອນ, ແຕ່ມາຮອດປະຈຸບັນນີ້ ກໍມີບາງອັນທີ່ໄດ້ເປ້ເພຈະຕ້ອງ ໄດ້ປັບປຸງ ແລະ ສ້ອມແປງຄືນຖືວ່າໄດ້ປະສານທາງກົມວິຈິດສິນ ກ່ຽວກັບຂໍ້ມູນລະອຽດ ເພື່ອໃຫ້ ມັນສຳເລັດຕາມຄາດໝາຍ.

ຂໍ້ມູນ: ສະຫວັນພັດທະນາ ຂ່າວ / Savanhphathana News

ຕາມການລາຍງານຈາກປ້ອງກັນຄວາມສະຫງົບນະຄອນຫຼວງຽງຈັນໃຫ້ຮູ້ວ່າ: ພັຕ ສຸນີ ໄຊຍະວົງ ຮອງຫົວໜ້າພະແນກຕໍາຫຼວດ ຜູ້ຊີ້ນໍາວຽກງານຈະລາຈອນ ເມືອງໄຊທານີ ໃຫ້ສໍາພາດ ໃນວັນທີ 2 ກຸມພາ 2022 ວ່າ: 3 ສາເຫດຫຼັກ ພາໃຫ້ເກີດບັນຫາອຸບັດຕິເຫດ ຢູ່ເມືອງໄຊທານີ

1. ເກີດຈາກຜູ້ຂັບຂີ່ດື່ມສິ່ງມຶນເມົາແລ້ວຂັບຂີ່ພາຫະນະ, ການຊີງແຊງຂຶ້ນໜ້າ ແລະ ການປ່ຽນທິດທາງການສັນຈອນກະທັນຫັນບໍ່ຮັບປະກັນ;

2. ຍ້ອນສະພາບເສັ້ນທາງ ດິນຟ້າອາກາດ ເສັ້ນທາງມື່ນ, ເສັ້ນທາງເປັນບວກ, ເປັນຂຸມ.

3. ເກີດຈາກສະພາບເຕັກນິກຂອງຍານພາຫະນະ ບໍ່ໄດ້ມາດຕະຖານ.

ພັຕ ສຸນີ ໄຊຍະວົງ ຍັງໃຫ້ຮູ້ອີກວ່າ: ໄລຍະ 2 ເດືອນຕົ້ນປີ 2022, ຢູ່ເມືອງໄຊທານີ ມີອຸບັດຕິເຫດເກີດຂຶ້ນທັງໝົດ 27 ກໍລະນີ ມີຄົນໄດ້ຮັບບາດເຈັບ 74 ຄົນ, ຍິງ 15 ຄົນ, ໃນນີ້ ໄດ້ຮັບບາດເຈັບເລັກນ້ອຍ 31 ຄົນ, ສົມຄວນ 35 ຄົນ, ສາຫັດ 8 ຄົນ ແລະ ເສຍຊີວິດ 6 ຄົນ, ຍິງ 1 ຄົົນ; ພາຫະນະເປ່ເພທັງໝົດ 62 ຄັນ, ເປ່ເພເລັກນ້ອຍ 30 ຄັນ, ສົມຄວນ 31 ຄັນ ແລະ ໃຊ້ການບໍ່ໄດ້ 1 ຄັນ.

ເພື່ອຫຼຸດຜ່ອນບັນຫາອຸບັດຕິເຫດເກີດຂຶ້ນຢູ່ເມືອງໄຊທານີ ວຽກຈຸດສຸມໃນປີ 2022 ຈະລາຈອນເມືອງໄຊທານີ ຈະສຸມໃສ່ໂຄສະນາລະບຽບການສັນຈອນຕາມ 3 ແຍກ 4 ແຍກ, ເຂດຊຸມຊົນ, ໂຮງຮຽນ, ໂຮງຈັກໂຮງງານ ແລະ ອື່ນໆ ເພື່ອໃຫ້ຜູ້ຂັບຂີ່ໄດ້ຮັບຮູ້ ແລະ ເຂົ້າໃຈກົດລະບຽບຈະລາຈອນ ນໍາໃຊ້ພາຫະນະໃຫ້ປອດໄພ; ສຸມໃສ່ລະບາຍການສັນຈອນຕາມສາຍທາງສັບສົນ ແອອັດ ແລະ ປະຕິບັດລະບອບປະຈໍາການຄອຍເຫດຕະຫຼອດ 24 ຊົ່ວໂມງ ເພື່ອກຽມພ້ອມແກ້ໄຂບັນຫາອຸບັດຕິເຫດໃຫ້ທັນເວລາ.

ວັນທີ 4 ມີນາ 2022 ນີ້, ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ, ປະທານຄະນະກໍາມະການ ປກຊ-ປກສ ສູນກາງ ໄດ້ໃຫ້ທິດຊີ້ນຳຕໍ່ ກອງປະຊຸມວຽກງານການທະຫານທ້ອງຖິ່ນທົ່ວປະເທດຄັ້ງທີ 5 ໂດຍໄດ້ເນັ້ນບາງບັນຫາສຳຄັນ ໂດຍສະເພາະໃຫ້ເບິ່ງຄືນຄຳສັ່ງແນະນຳສະບັບເລກທີ 09/ກມສພ, ລົງວັນທີ 08 ມີນາ 2004 ວ່າດ້ວຍການສ້າງບ້ານ ແລະ ກຸ່ມບ້ານພັດທະນາ ມີຖືກຕ້ອງ ແລະ ສອດຄ່ອງແນວໃດ, ມີສ່ວນໃດຍັງໃຊ້ໄດ້, ສ່ວນໃດທີ່ຈະຕ້ອງປັບປຸງ, ເພາະນະໂຍບາຍວາງອອກມາໄດ້ 18 ປີແລ້ວ, ອາດມີຫລາຍຕົວຊີ້ວັດ ບໍ່ແທດກັບສະພາບຕົວຈິງ ໃນເງື່ອນໄຂປັດຈຸບັນ; ມະຕິຂອງກົມການເມືອງສູນກາງພັກ ສະບັບເລກທີ 25/ກມສພ, ລົງວັນທີ 22 ທັນວາ 2014 ວ່າດ້ວຍທິດທາງ, ເປົ້າໝາຍ ແລະ ມາດຕະ ການສ້າງແຂວງ ເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານ ເປັນຫົວໜ່ວຍພັດທະນາ (3 ສ້າງ).

ເພາະນະໂຍບາຍນີ້ ຕິດພັນກັບການສ້າງຮາກຖານ, ການສ້າງໂຄງປະກອບວຽກງານພັດທະນາການປົກຄອງ ຕິດພັນກັບການສ້າງກໍາລັງປ້ອງກັນຊາດ-ປ້ອງກັນຄວາມສະຫງົບ ຢູ່ທ້ອງຖິ່ນຮາກຖານໂດຍກົງ ຄື: “ສ້າງແຂວງໃຫ້ເປັນຫົວໜ້າຍຸດທະສາດ, ສ້າງເມືອງໃຫ້ເປັນຫົວໜ່ວຍເອກະລາດ, ສ້າງບ້ານໃຫ້ເປັນບ້ານປ້ອມໝັ້ນສູ້ລົບຕິດລ່ຽນ”.

ພ້ອມນີ້, ຄະນະພັກ, ອຳນາດການປົກຄອງ, ຄະນະປ້ອງກັນຊາດ, ປ້ອງກັນຄວາມສະຫງົບຂັ້ນຕ່າງໆ ຕ້ອງໄດ້ຊີ້ນໍາຢ່າງໃກ້ຊິດ, ແທດເຖິງ, ໂດຍກົງຮອບດ້ານ, ຮູ້ນໍາໃຊ້ໂອ ກາດ ແລະ ກາລະເທສະ; ການສ້າງກໍາລັງທະຫານທ້ອງຖິ່ນ ແມ່ນສ້າງສາມດ້ານໄປພ້ອມໆກັນ ຄື: ສ້າງ, ຝຶກຝົນດ້ານການເມືອງແນວຄິດປະຕິວັດ ບວກກັບຄຸນສົມບັດສິນທຳ, ນໍ້າໃຈຮັກຊາດ; ສ້າງໃຫ້ກຳລັງເຮົາຮູ້ໜ້າທີ່ຂອງຕົນ, ຮູ້ເຮັດວຽກເພື່ອຊາດ ເພື່ອປະຊາ ຊົນ ແລະ ສ້າງໃຫ້ມີດ້ານສິນລະປະຍຸດ-ຍຸດທະວີທີ, ສ້າງໃຫ້ທະຫານທ້ອງຖິ່ນ ປະກອບມີຄວາມຮູ້ໃໝ່ທາງດ້ານການພັດທະນາ, ຮັບເອົາວິທະຍາສາດມາພັດທະນາກຳລັງ ໃຫ້ມີຄວາມສາມາດຮອບດ້ານ, ທັງນີ້ ກໍເພື່ອເປັນກຳລັງແຮງສ້າງກົມກອງ, ຊ່ວຍປະຊາຊົນສ້າງທ້ອງຖິ່ນ, ສ້າງຄອບຄົວຕົວແບບ ແລະ ທະຫານທ້ອງຖິ່ນ ຕ້ອງຮູ້ຕິດພັນກັບຮາກຖານ ແລະ ຕິດພັນກັບປະຊາຊົນ.

ໂອກາດນີ້, ສະຫາຍ ທອງລຸນ ສີສຸລິດ ຍັງໄດ້ຍົກໃຫ້ເຫັນເຖິງມູນເຊື້ອ ແລະ ຄວາມໝາຍສຳຄັນຂອງກຳລັງທະຫານທ້ອງຖິ່ນວ່າ: ນັບແຕ່ມີກອງທັບປະຊາຊົນ ເກີດຂຶ້ນ, ພັກເຮົາ ໄດ້ວາງແນວທາງສ້າງຂະບວນການສົງຄາມປະຊາຊົນ, ໂດຍສ້າງຕັ້ງໜ່ວຍໂຄສະ ນາປະກອບອາວຸດ ຢູ່ແຕ່ລະທ້ອງຖິ່ນຂຶ້ນນັບແຕ່ນ້ອຍໄປຫາໃຫຍ່, ສ້າງໄດ້ໜ່ວຍໃດກໍຂະ ຫຍາຍອອກໃຫ້ກວ້າງຂວາງ, ເປົ້າໝາຍເວລານັ້ນ ແມ່ນລຸກຂຶ້ນຈັບອາວຸດຕໍ່ສູ້ກັບຜູ້ຮຸກຮານ ແລະ ສູ້ກັບອຳນາດການປົກຄອງ ທີ່ເປັນຕີນມືຂອງພວກເຂົາ ເພື່ອເອກະລາດແຫ່ງຊາດ, ເພື່ອຄວາມຍຸຕິທຳຂອງສັງຄົມ ເພື່ອປົດປ່ອຍປະຊາຊົນອອກຈາກຄວາມມືດມົນໃນລະບອບການປົກຄອງທີ່ຫລ້າຫລັງ, ກົດຂີ່ຂູດຮີດປະຊາຊົນ ເປັນເປົ້າໝາຍຫລັກ, ພັກເຮົາເອົາແນວ ທາງນະໂຍບາຍນີ້ລົງສູ່ປະຊາຊົນ ຜ່ານການຈັດຕັ້ງທີ່ເປີດເຜີຍ ເຊັ່ນ: ຜ່ານແນວລາວອິດສະຫລະ, ແນວລາວຮັກຊາດ. ຜ່ານການປຸກລະດົມຈາກແນວທາງດັ່ງກ່າວ, ຈຶ່ງສາມາດຂະ ຫຍາຍ ເປັນຂະບວນປະຕິວັດທີ່ກວ້າງໃຫຍ່ອອກ, ສາມາດຕໍ່ສູ້ຕ້ານສັດຕູ ທີ່ມີກໍາລັງແຮງ ເໜືອກວ່າ ຈາກໄຊຊະນະນີ້ ໄປສູ່ໄຊຊະນະໃໝ່ ໃຫຍ່ຫລວງຂຶ້ນເລື້ອຍໆ ຈົນສາມາດສ້າງໄດ້ເຂດປົດປ່ອຍ ກ້າວມາເຖິງປົດປ່ອຍປະເທດໄດ້ຢ່າງສົມບູນ, ສະຖາປະນາໄດ້ ສປປ ລາວ ຂຶ້ນ ຢ່າງສະຫງ່າອົງອາດ ແລະ ດຳເນີນການພັດທະນາມາໄດ້ 46 ປີ ເທົ່າທຸກວັນນີ້.

46 ປີ ຜ່ານມາ, ພັກເຮົາ ໄດ້ສືບຕໍ່ມູນເຊື້ອຂອງພັກ, ຂອງກອງທັບເຮົາ, ປົກປັກຮັກສາ ແລະ ເສີມຂະຫຍາຍໝາກຜົນຂອງການປະຕິວັດ, ສືບຕໍ່ວາງແນວທາງປ້ອງກັນ ຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ; ພັກຊີ້ນໍາແທດເຖິງ, ເດັດຂາດຮອບ ດ້ານຕໍ່ກຳລັງປະກອບອາວຸດ ຂອງທົ່ວປະເທດ, ໃນນັ້ນ ເອົາໃຈໃສ່ເປັນພິເສດ ໃນການສ້າງກໍາລັງປະກອບອາວຸດ ຫລື ກຳລັງປ້ອງກັນຕົນເອງຂອງທ້ອງຖິ່ນ (ທີ່ວ່າທະຫານທ້ອງ ຖິ່ນ) ຖ້າຈະເວົ້າຢ່າງກວມລວມແມ່ນ ກໍາລັງປ້ອງກັນຊາດ, ປ້ອງກັນຄວາມສະຫງົບ ຢູ່ທ້ອງຖິ່ນຮາກຖານ; ພັກເຮົາຮັບຮູ້ຢ່າງເລິກເຊິ່ງເຖິງທິດສະດີ ແລະ ພຶດຕິກໍາຜ່ານຂະບວນການປະຕິວັດປົດປ່ອຍຊາດ ແລະ ພຶດຕິກໍາການປົກປັກຮັກສາປະເທດຊາດວ່າ: “ການຕໍ່ສູ້ປົດປ່ອຍຊາດນັ້ນຍາກທີ່ສຸດ, ດຸເດືອດຂ້ຽວ ຂາດທີ່ສຸດ, ມີຄວາມເສຍສະຫລະອັນໃຫຍ່ຫລວງທີ່ສຸດ…”, ແຕ່ກໍສາມາດເອົາຊະນະໄດ້, ເອົາອຳນາດມາມືໄດ້. ແຕ່ການປົກປັກຮັກສາອໍານາດທີ່ໄດ້ມາແລ້ວນັ້ນ, ຍິ່ງມີຄວາມທ້າທາຍ ແລະ ຫຍຸ້ງຍາກກວ່ານັ້ນອີກ, ແຕ່ເຖິງຈະມີຄວາມຫຍຸ້ງຍາກ, ທ້າທາຍປານໃດກໍຕາມ, ພວກເຮົາກໍສາມາດຮັກສາອຳນາດໄວ້ໄດ້ ຈົນເທົ່າທຸກວັນນີ້ ດ້ວຍຄວາມໝັ້ນທ່ຽງ ແລະ ນັບມື້ນັບໜັກແໜ້ນ.

ນີ້ສະແດງໃຫ້ເຫັນວ່າ: ຮາກຖານຂອງພວກເຮົາໜັກແໜ້ນ, ການທີ່ມີຮາກຖານໄດ້ນັ້ນ ກໍປະກອບດ້ວຍຫລາຍປັດໄຈ, ແຕ່ປັດໄຈສຳຄັນອັນໜຶ່ງ ກໍຍ້ອນວ່າ: ພັກເຮົາໄດ້ມີຄວາມສະດຸ້ງ ຕໍ່ທຸກໆສະຖານະການ ທີ່ຈະເກີດຂຶ້ນ ໃນຂະບວນວິວັດແຫ່ງການປະຕິບັດ 2 ໜ້າທີ່ຍຸດທະສາດ ຄື: ຍຸດທະສາດ ແຫ່ງການປົກປັກຮັກສາ ແລະ ພັດທະນາປະເທດເຮົາ, ໃນນັ້ນ ໄດ້ນໍາເອົາບົດຮຽນ ແລະ ມູນເຊື້ອຂອງການວາງແນວທາງສົງຄາມປະຊາຊົນ ໃນເມື່ອກ່ອນມາເປັນແນວທາງປ້ອງກັນ ຊາດທົ່ວປວງຊົນຮອບດ້ານໃນໄລຍະຕໍ່ມາ ໃນນັ້ນ ແມ່ນແນວທາງການສ້າງ ແລະ ພັດທະ ນາທະຫານທ້ອງຖິ່ນ ໃຫ້ເປັນກຳລັງຄ້ຳປະກັນ ໃຫ້ແກ່ການປົກປັກຮັກສາໝາກຜົນຂອງການປະຕິວັດ, ສ້າງກຳລັງແຮງຢູ່ຮາກຖານ ເພື່ອໃຫ້ປະຊາຊົນໄດ້ມີໂອກາດ, ໄດ້ເຂົ້າຮ່ວມການປົກປັກຮັກສາ ແລະ ພັດທະນາບ້ານຊ່ອງ ແລະ ທ້ອງຖິ່ນຂອງຕົນ ດ້ວຍຄວາມຕື່ນຕົວປະຕິວັດ.

ແຫຼ່ງຂ່າວ: ຂປລ

ອົງການ ໄຈກ້າ (JICA) ປະຈໍາ ສປປ ລາວ ໄດ້ສໍາພາດທາງໄກຄະນະວິຊາການອົງການໄອຍະການປະຊາຊົນສູງສຸດ ກ່ຽວກັບການຕ້ານການຄ້າມະນຸດ.

ໃນວັນທີ 24 ກຸມພາ 2022 ຜ່ານມາ, ທີ່ອົງການໄອຍະການປະຊາຊົນສູງສຸດ ອົງການ ໄຈກ້າ (JICA) ປະຈໍາ ສປປ ລາວ ໄດ້ສໍາພາດທາງໄກຄະນະວິຊາການອົງການໄອຍະການປະຊາຊົນສູງສຸດ ກ່ຽວກັບການຕ້ານການຄ້າມະນຸດ ຊຶ່ງນຳໂດຍ ທ່ານ ວິລະສິດ ສິງກາວົງໄຊ ຮອງຫົວໜ້າກົມ ຕິດຕາມກວດກາການດຳເນີນຄະດີອາຍາ.

ໃນວາລະດັ່ງກ່າວ ອົງການໄຈກາ ໄດ້ຊີ້ໃຫ້ເຫັນວ່າ ການຄ້າມະນຸດ ເປັນບັນຫາອັນລວມ ແລະ ບັນຫາຮ້າຍແຮງ ສໍາລັບ ທຸກປະເທດໃນລຸ່ມແມ່ນໍ້າຂອງ ເນື່ອງຈາກວ່າ ເສດຖະກິດ, ຂໍ້ມູນການເຄື່ອນຍ້າຍຖິ່ນຖານຂອງຄົນເຮົາ ວ່ອງໄວ ແລະ ການລະບາດຂອງພະຍາດໂຄວິດ 19 ເຮັດໃຫ້ຄົນຈຳນວນໜຶ່ງ ຕົກເປັນເຫຍື່ອຂອງການຄ້າມະນຸດ; ອາຊະຍາກໍາເທິງ​ອິນ​ເຕີ​ເນັດ ເພີ່ມຂຶ້ນ, ແຕ່ການຈັບກຸມຜູ້ກະທຳຜິດ ກ່ຽວກັບການຄ້າມະນຸດ ແມ່ນຫຍຸ້ງຍາກ, ສະຫຼັບສັບຊ້ອນ ແລະ ພົບກັບບັນຫາ.

ສະນັ້ນ ​ເພື່ອປະກອບສ່ວນໃນການຕ້ານການຄ້າມະນຸດ ອົງການໄຈກາ ຈຶ່ງດໍາເນີນການວິເຄາະ, ວິໄຈຂັ້ນພື້ນຖານ ໂດຍ​ໄດ້​ເລີ່ມ​ໃນເດືອນ ກຸມພາ 2022 ແຕ່​ກໍ​ພົບ​ກັບ​ບັນ​ຫາໃນການວິເຄາະ, ວິໄຈ ພາກສະໜາມ ຍ້ອນການແຜ່ລະບາດຂອງພະຍາດໂຄວິດ-19.

ໃນໂອກາດດັ່ງກ່າວ ທ່ານ ວິລະສິດ ສິງກາວົງໄຊ ຮອງຫົວໜ້າກົມ ຕິດຕາມກວດກາການດຳເນີນຄະດີອາຍາ ໄດ້ອະທິບາຍກ່ຽວກັບພາລະບົດບາດ, ສິດ ແລະ ໜ້າທີ່ເຮັດໜ້າທີ່ໃນການຕິດຕາມກວດກາການເຄົາລົບ, ປະຕິບັດກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານໃນຄະດີຄ້າມະນຸດຂອງ​ອົງ​ການ​ໄອ​ຍະ​ການ​ປະ​ຊາ​ຊົນ, ເປົ້າໝາຍ ແລະ ຄວາມ​ຕ້ອງ​ການທີ່ຈະຕ້ອງໃຫ້ການສະໜັບສະໜູນຢ່າງມີປະສິດທິພາບໃນ​ບັນ​ດາປະເທດ ​ຊຶ່ງ​ໃນ​ນັ້​ນ ລວມ​ທັງ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ຂອງ ສ​ປ​ປ ລາວ ເປັນ​ຕົ້ນ ການ​ສ້າງ​ຄວາມ​ເຂັ້ມ​ແຂງ​ໃຫ້​ອົງ​ການ​ໄອ​ຍະ​ການ​ປະ​ຊາ​ຊົນ ກ່ຽວ​ກັບ​ການ​ຕິດ​ຕາມກວດ​ກາ​ການ​ດຳ​ເນີນ​ຄະ​ດີ​ຄ້າ​ມະ​ນຸດ ດ້ວຍ​ການ​ຝຶກ​ອົບ​ຮົມ, ການ​ສຳ​ມະ​ນາ, ການ​ແລກ​ປ່ຽນ​ບົດ​ຮຽນ​ທີ່​ດີ ກ່ຽວ​ກັບ​ວຽກ​ງານ​ຕ້ານ​ການ​ຄ້າ​ມະ​ນຸດ, ​ ໃຫ້ການຊ່ວຍເຫຼືອຜູ້ຕົກເຫຍື່ອຂອງການຄ້າມະນຸດ, ຜູ້ຖືກເສຍຫາຍ; ການ​ຮ່ວມ​ມື​ຍຸ​ຕິ​ທຳ​ກັບ​ຕ່າງ​ປະ​ເທດ, ເພີ່ມ​ທະ​ວີ​ການຮ່ວມມື ລະ​ຫວ່າງ ສ​ປ​ປ ລາວ ກັບ ປະເທດ ຍີ່ປຸ່ນ ​ໃນ​ການສະກັດກັ້ນຕ້ານການຄ້າມະນຸດ, ນຳເອົາຜູ້ກະທຳຜິດມາລົງໂທດຕາມກົດໝາຍ, ຕ້ານອາຊະຍາກຳ​ຂ້າມ​ຊາດ ດ້ວຍຜົນສຳເລັດ ຢ່າງບໍ່ຢຸດຢັ້ງ.

ແຫຼ່ງຂ່າວ: ອົງການໄອຍະການປະຊາຊົນສູງສຸດ