ອີງຕາມທາງລົດໄຟລາວ-ຈີນ ອອກແຈ້ງການ: ເພີ່ມຖ້ຽວລົດໄຟສຳລັບເທດສະການປີໃໝ່ລາວ.
ເພື່ອເປັນການໃຫ້ຜູ້ໂດຍສານມີລົດໄຟໃຊ້ພຽງພໍໃນຊ່ວງເທດສະການປີໃໝ່ລາວທີ່ຈະມາເຖິງນີ້, ບໍລິສັດທາງລົດໄຟລາວ-ຈີນ ຈິ່ງໄດ້ເພີ່ມຖ້ຽວລົດໄຟອີກຂະບວນໜຶ່ງ ເຊິ່ງກໍຄືລົດໄຟ EMU ຂະບວນທີ 3 ທີ່ກຳລັງເດີນທາງມານະຄອນຫຼວງວຽງຈັນ, ເພື່ອຕອບສະໜອງຄວາມຕ້ອງການໃນການເດີນທາງຂອງຜູ້ໂດຍສານ, ລາຍລະອຽດມີຄືດັ່ງນີ້:
ເພີ່ມຂະບວນລົດໄຟໄປ-ກັບ ຖ້ຽວ C86/5 1 ຄູ່ ລະຫວ່າງສະຖານີນະຄອນຫຼວງວຽງຈັນ ແລະ ສະຖານີເມືອງໄຊ ໃນລະຫວ່າງວັນທີ 12 ຫາວັນທີ 17 ເມສາ.
ລົດໄຟຖ້ຽວ C86/5ດຳເນີນການຂົນສົ່ງຜູ້ໂດຍສານຢູ່ 5 ສະຖານີຄື:
- ສະຖານີນະຄອນຫຼວງວຽງຈັນ
- ສະຖານີໂພນໂຮງ
- ສະຖານີວັງວຽງ
- ສະຖານີຫຼວງພະບາງ
- ສະຖານີເມືອງໄຊ.
ຂໍ້ມູນ ແລະ ຮູບພາບຈາກ: Laos – China Railway Company Limited
