UNITEL ນຳສະພາລະບົບນິເວດດິຈິຕອນ ສູ່ງານ LAO DIGITAL WEEK 2026
ຈາກພື້ນຖານໂຄງລ່າງໂທລະຄົມ, ການເງິນດິຈິຕອນ ແລະ ໂລຈິສຕິກ ໄປຈົນເຖິງບັນດາໂຊລູຊັນທີ່ຕອບໂຈດພາກລັດ, ພາກທຸລະກິດ ແລະ ວິຖີຊີວິດຂອງປະຊາຊົນ, Unitel ນຳສະເໜີທິດທາງການພັດທະນາລະບົບນິເວດດິຈິຕອນ ທີ່ເຊື່ອມໂຍງກັບຄວາມຕ້ອງການຕົວຈິງໃນ ສປປ ລາວ.
ໃນສະຖານະການ ທີ່ການຫັນປ່ຽນສູ່ດິຈິຕອນ ກຳລັງຂະຫຍາຍຕົວຢ່າງຕໍ່ເນື່ອງ ໃນຫຼາຍຂະແໜງການຂອງເສດຖະກິດ-ສັງຄົມ, ແຕ່ເຕັກໂນໂລຊີ ບໍ່ໄດ້ຈຳກັດຢູ່ພຽງການເຊື່ອມຕໍ່ເທົ່ານັ້ນ ທັງຍັງເປີດໂອກາດໃໝ່ໆ ໃຫ້ປະຊາຊົນເຂົ້າເຖິງບໍລິການ ໄດ້ສະດວກຫຼາຍຂຶ້ນ, ຊ່ວຍໃຫ້ພາກທຸລະກິດເພີ່ມປະສິດທິພາບ ໃນການດຳເນີນງານ ແລະ ຊ່ວຍໃຫ້ພາກລັດຄ່ອຍໆ ທັນສະໄໝຂຶ້ນໃນການຄຸ້ມຄອງ ແລະ ບໍລິຫານງານ.
.
ໃນລະຫວ່າງ ວັນທີ 21 ຫາ 25 ຕຸລາ 2026 ທີ່ສູນການຄ້າລາວໄອເຕັກ (ITECC), ນະຄອນຫຼວງວຽງຈັນ, Unitel ຈະໄດ້ເຂົ້າຮ່ວມງານ Lao Digital Week 2026 ພ້ອມນຳສະເໜີພື້ນທີ່ ສຳລັບການສຳຜັດປະສົບການ ແລະ ຄົ້ນພົບບັນດາໂຊລູຊັນເຕັກໂນໂລຊີ ພາຍໃນລະບົບນິເວດດິຈິຕອນຂອງບໍລິສັດ.
.
ຈາກໂຄງລ່າງການເຊື່ອມຕໍ່ ສູ່ລະບົບນິເວດໂຊລູຊັນດິຈິຕອນບົນພື້ນຖານໂຄງລ່າງໂທລະຄົມ, ລະບົບນິເວດດິຈິຕອນຂອງ Unitel ກຳລັງຂະຫຍາຍຕົວຄອບຄຸມຫຼາຍຂະແໜງການ ແລະ ບໍລິການທີ່ຫຼາກຫຼາຍ. ນອກຈາກໂຄງລ່າງການເຊື່ອມຕໍ່ ແລະ ເຕັກໂນໂລຊີ 5G ແລ້ວ, Unitel ຍັງພັດທະນາໂຊລູຊັນ ດ້ານການເງິນດິຈິຕອນຜ່ານ Umoney, ບໍລິການໂລຈິສຕິກ ພ້ອມທັງບັນດາແອັບພລິເຄຊັນ ແລະ ໂຊລູຊັນເຕັກໂນໂລຊີ ທີ່ມຸ່ງເນັ້ນການຄຸ້ມຄອງພາກລັດ, ການສຶກສາ, ສາທາລະນະສຸກ ແລະ ຄວາມບັນເທີງດິຈິຕອນ.
.
ແຕ່ລະຂະແໜງການມີບົດບາດສະເພາະຂອງຕົນ ໂດຍມີເປົ້າໝາຍຮ່ວມກັນໃນການນຳເອົາເຕັກໂນໂລຊີ ມາຕອບສະໜອງຄວາມຕ້ອງການໃນຊີວິດປະຈຳວັນ ເຊັ່ນ: ການອຳນວຍຄວາມສະດວກດ້ານການຊຳລະເງິນ ແລະ ທຸລະກຳ, ເຊື່ອມໂຍງການຂົນສົ່ງສິນຄ້າ, ຂະຫຍາຍໂອກາດໃນການເຂົ້າເຖິງອົງຄວາມຮູ້ ລວມທັງຄ່ອຍໆ ນຳໃຊ້ເຕັກໂນໂລຊີເຂົ້າໃນການ ໃຫ້ບໍລິການພາກລັດ ແລະ ການດູແລສຸຂະພາບ.
.
ຜ່ານການຂະຫຍາຍຈາກພື້ນຖານໂຄງລ່າງໂທລະຄົມໄປສູ່ບໍລິການ ແລະ ໂຊລູຊັນດິຈິຕອນ, Unitel ມຸ່ງໝັ້ນຢືນຢັນບົດບາດ ໃນການເປັນຄູ່ຮ່ວມດ້ານເຕັກໂນໂລຊີ ທີ່ພ້ອມຮ່ວມກ້າວໄປກັບປະຊາຊົນ, ພາກທຸລະກິດ ແລະ ລັດຖະບານລາວ ໃນເສັ້ນທາງການຫັນປ່ຽນສູ່ດິຈິຕອນ.
.
ພາຍໃນງານ Lao Digital Week 2026, ຜູ້ເຂົ້າຮ່ວມງານ ຈະມີໂອກາດໄດ້ຮຽນຮູ້ທິດທາງການພັດທະນາລະບົບນິເວດດິຈິຕອນຂອງ Unitel, ຄົ້ນພົບການນຳໃຊ້ເຕັກໂນໂລຊີ ທີ່ເຊື່ອມໂຍງກັບຊີວິດປະຈຳວັນ ພ້ອມຮ່ວມກິດຈະກຳຕ່າງໆ ແບບໂຕ້ຕອບຢູ່ພາຍໃນພື້ນທີ່ວາງສະແດງຂອງບໍລິສັດ ໄລຍະເວລາ: ວັນທີ 21–25 ຕຸລາ 2026 ສະຖານທີ່ ສູນການຄ້າລາວ-ໄອເຕັກ ຕຶກເກົ່າ (ITECC), ນະຄອນຫຼວງວຽງຈັນ, ສປປ ລາ.