ໄລຍະ 1 ອາທິດ ທີ່ຜ່ານມານີ້, ຈະສັງເກດເຫັນວ່າຫຼາຍເຫດການເກີດຂຶ້ນໃນແຕ່ລະວັນ ພົ້ນເດັ່ນສຸດກໍຄື ຂີ້ລັກງັດແງະ, ເຫດຄາຕະກຳ ທີ່ສັງຄົມໃຫ້ຄວາມສົນໃຈ ແລະ ເປັນຫວ່ງໃນການດຳລົງຊີວິດໃນແຕ່ວັນ.
ມື້ນີ້ ກໍເກີດເຫດການທີ່ເຮັດໃຫ້ຫຼາຍຄົນຕົກໃຈ ໂດຍສະເພາະແມ່ຍິງ ຮູ້ສຶກປອດໄພເຖິງວ່າຈະແມ່ນຕອນເວັນ ແລະ ຢູ່ບ່ອນທີ່ມີຄົນຫຼາຍ, ເຫດການຕໍ່ໄປນີ້ເກີດຂຶ້ນໃນວັນທີ 03/10/2022 ເຊິ່ງເກີດຂຶ້ນກັບຜູ້ໃຊ້ເຟສບຸກທ່ານໜຶ່ງ ແລະ ເພິ່ນກໍໄດ້ອອກມາແບ່ງປັນໃນເຟສບຸກ ເຊິ່ງມີເນື້ອໃນວ່າ:
ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ .ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ ດີແຕ່ມັນບໍ່ໄດ້ຖືຂອງມີຄົມມາ ຖ້າມີບໍ່ຢາກຄິດສະພາບໂຕເອງເລີຍ.
ຂໍຂອບໃຈທີ່ທ່ານອອກມາແບ່ງປັນ ແລະ ຂໍເປັນກຳລັງໃຈໃຫ້ທ່ານ!
