ຕອນເຊົ້າວັນທີ 30 ກັນຍາ 2022 ນີ້, ຫ້ອງການພະລັງງານ ແລະ ບໍ່ເເຮ່ ເມືອງໝື່ນ ແຂວງວຽງຈັນ, ໃນນາມເຈົ້າຂອງໂຄງການ, ມີທ່ານ ພອນເທີດ ສຸຫວັດດີ ເລຂາພັກເມືອງ, ເຈົ້າເມືອງໆໝື່ນ, ມີທ່ານ ບົວເເກ້ວ ພອນໄຊສະຫວັດ ຮອງເລຂາພັກເມືອງ, ປະທານກວດກາເມືອງ, ສສຂ ປະຈຳເຂດເລືອກຕັ້ງເມືອງໝື່ນ ,ມີປະທານບໍລິສັດ ລັກຄະນະພັດທະນາການໄຟຟ້າຈຳກັດຜູ້ດຽວ ແລະ ຄະນະກຳມະການ ຈາກຫ້ອງການທີ່ກ່ຽວຂ້ອງຂັ້ນເມືອງ ໄດ້ຮ່ວມກັນລົງກວດກາໜ້າວຽກ 100% ຢູ່ສະໜາມໂຄງການກໍ່ສ້າງ ໂຄງການກໍ່ສ້າງຕາຂ່າຍແຮງກາງ,ເເຮງຕໍ່າ ແລະ ຕິດຕັ້ງໝໍ້ແປງເຂົ້າຫາບ້ານເຮືອນປະຊາຊົນບ້ານເມືອງໝື່ນ ແລະ ໂຮງຮຽນມັດທະຍົມສົມບູນບ້ານເມືອງໝື່ນ.
ຜ່ານການລົງກວດກາຕົວຈິງ ໂຄງການກໍ່ສ້າງຕາຂ່າຍແຮງກາງ 22 ກວ,ເເຮງຕໍ່າ 0,4 ກວ ແລະ ຕິດຕັ້ງໝໍ້ແປງ 50 ກວອ, ເຂົ້າຫາບ້ານເຮືອນປະຊາຊົນບ້ານເມືອງໝື່ນ ແລະ ໂຮງຮຽນມັດທະຍົມສົມບູນບ້ານເມືອງໝື່ນ ເຫັນວ່າສຳເລັດຕາມສັນຍາການຮັບເໝົາກໍ່ສ້າງ ພາຍຫຼັງເລີ່ມກໍ່ສ້າງ ມາເເຕ່ວັນທີ 9 ກັນຍາ 2022 ຫາ ວັນທີ 30 ກັນຍາ 2022 ສຳເລັດ 100%, ໂຄງການດັ່ງກ່າວມີມູນຄ່າການກໍ່ສ້າງທັງໝົດ: 912,998,857ກີບ ( ເກົ້າຮ້ອຍສິບສອງລ້ານ ເກົ້າເເສນເກົ້າສິບເເປດພັນ ແປດຮ້ອຍຫ້າສິບເຈັດກີບ) ໂອກາດດຽວກັນນີ້ ບໍລິສັດ ລັກຄະນະພັດທະນາການໄຟຟ້າຈຳກັດຜູ້ດຽວ ກໍ່ໄດ້ມອບໂຄງການດັ່ງກ່າວນີ້ ໃຫ້ຫ້ອງການພະລັງງານ ແລະ ບໍ່ແຮ່ ເປັນຜູ້ນຳໃຊ້ ແລະ ປົກປັກຮັກສາ ຢ່າງເປັນທາງການ ໂດຍຊ່ອງໜ້າ ທ່ານ ເຈົ້າເມືອງໆໝື່ນ ແລະ ຄະນະກຳມະການ ຮ່ວມເປັນສັກຂີພິຍານ.
ພາຍຫຼັງໂຄງການດັ່ງກ່າວນີ້ສຳເລັດ100% ກໍ່ສາມາດສະໜອງກະເເສໄຟຟ້າ ໃຫ້ກັບພໍ່ແມ່ປະຊາຊົນໃນເຂດໂຄງການກໍ່ຄືບ້ານເມືອງໝື່ນ ໄດ້ທັນທີ ເພື່ອປະກອບເຂົ້າໃນການດຳລົງຊີວິດ,ປູກຝັງ-ລ້ຽງສັດ ແລະ ບໍດີການອື່ນໆ ໃນຕໍ່ໜ້າຕື່ມອີກ.
