ຈີນ ຊ່ວຍເຫຼືອບໍລິສັດດ້ານວັດທະນະທຳ-ການທ່ອງທ່ຽວ ກະທົບຈາກໂຄວິດ-19.
ດັ່ງທີ່ທຸກຄົນຮູ້ການລະບາດຂອງໂຄວິດ-19 ນຳມາດ້ວຍຜົນກະທົບຫຼາຍອັນ, ໜຶ່ງໃນນັ້ນແມ່ນ ທຸລະກິດດ້ານການທ່ອງທ່ຽວ,
ອີງຕາມການລາຍງານຂ່າວຈາກ ຊິນຮວາ ໃນວັນທີ25 ກໍລະກົດນີ້ີ້ ໃຫ້ຮູ້ວ່: ສປ ຈີນ ໄດ້ປະກາດການອອກມາດຕະການ ສະໜັບສະໜູນທາງດ້ານການເງິນເພີ່ມຕື່ມ ເພື່ອຊ່ວຍເຫຼືອ ບັນກາບໍລິສັດທີ່ກ່ຽວກັບວຽກງານ ດ້ານວັດທະນະທຳ ແລະ ການທ່ອງທ່ຽວ ທີ່ໄດ້ຮັບຜົນກະທົບ ຈາກການລະບາດ ໂຄວິດ-19 ສາຍພັນໃໝ່ ພາຍຫຼັງທະນາຄານ ປະຊາຊົນຈີນ (PBOC) ແລະ ກະຊວງວັດທະນະທຳ ແລະ ການທ່ອງທ່ຽວຈີນ ເປີດເຜີຍວ່າ: ຈະຍົກລະດັບການບໍລິການ ດ້ານສິນເຊື່ອ ໃຫ້ແກ່ກຸ່ມທຸລະກິດ ຕະຫຼາດ, ວັດທະນະທຳ ແລະ ການທ່ອງທ່ຽວ ຜ່ານເຄື່ອງມືນະໂຍບາຍ ທາງການເງິນ ເຊັ່ນ: ການປ່ອຍ ເງິນກູ້ໃໝ່ ແລະ ການປັບອັດຕາດອກເບ້ຍ ຫຼຸດລົງ.
ຂະນະດຽວກັນ ຍັງໄດ້ກະຕຸ້ນ ໜ່ວຍງານ ທ້ອງຖິ່ນ ແລະ ສະຖາບັນ ການເງິນ ສະໜອງ ການບໍລິການ ການເງິນ ຕາມເປົ້າໝາຍ ໃຫ້ແກ່ ບັນດາ ບໍລິສັດ ທີ່ເຫັນວ່າ ຍັງຜະເຊີນກັບ ຄວາມຫຍຸ້ງຍາກ ໃນການ ດຳເນີນງານ ເປັນປົກກະຕິ.
ຂະນະທີ່ ຈີນ ມີຍອດການເດີນທາງທ່ອງທ່ຽວ ພາຍໃນປະເທດຫຼາຍກວ່າ 1.455ຕື້ເທື່ອຄົນ ແລະ ສ້າງລາຍຮັບ ການທ່ອງທ່ຽວ ພາຍໃນປະເທດ ທັງໝົດ 1,17ພັນຕື້ຢວນ ໃນໄລຍະ6 ເດືອນ ທຳອິດ ປີນີ້ີ້.
ແຫຼ່ງຂ່າວຈາກ: ປະເທດລາວ
