ໃນວັນທີ 27 ມິຖຸນາ 2022 ຜ່ານມາ, ໄດ້ເກີດອຸບັດຕິເຫດຢູ່ເສັ້ນທາງ 13 ໃຕ້ ສາມແຍກເຂດບ້ານລໍາມະລາດ ເມືອງທ່າແຂກ ແຂວງຄໍາມ່ວນ, ຈາກນັ້ນ, ເຈົ້າຫນ້າທີ່ ໄດ້ລົງສະຖານທີ່ ແລະ ພົບວ່າມີລົດຕູ້ຕໍາ ລົດຈັກ ເຮັດໃຫ້ມີຄົນເສຍຊິວິດຄາທີ່ 1 ຄົນ.
ດັ່ງນັ້ນ, ຈຶ່ງໄດ້ກັກຕົວ ທ້າວ ເຄນຫມັ້ນ ອາຍຸ 27 ປີ ຢູ່ບ້ານໂພນແພງ ເມືອງຄໍາເກີດ ແຂວງບໍລິຄໍາໄຊ ຜູ້ຂັບຂີ່ລົດຕູ້ຫມາຍເລກທະບຽນ ກບ 5912 ກໍາແພງນະຄອນ ພ້ອມທັງກວດລົດພົບກັນຊາ 100 ກວ່າກິໂລກຼາມ.
ເຈົ້າຫນ້າທີ່ ປກສ ແຂວງຄໍາມ່ວນ ໃຫ້ຮູ້ວ່າ: ກ່ອນເກີດເຫດ ທ້າວ ເຄນຫມັ້ນ ໄດ້ຂັບລົດຕູ້ອອກຈາກ ບ້ານທົ່ງຈະເລີນ ເມືອງຄໍາເກີດ ແຂວງບໍລິຄໍາໄຊ ຈະມຸ່ງຫນ້າໄປທາງເຊໂນ ແຂວງສະຫວັນນະເຂດ ໂດຍໃຊ້ ຄວາມໄວປະມານ 80-90 ກິໂລແມັດຕໍ່ຊົ່ວໂມງ, ພໍຮອດຈຸດເກີດເຫດ ໄດ້ຕໍາກັບລົດຈັກທີ່ກໍາລັງຈະຂ້າມ ທາງ ເຮັດໃຫ້ ທ້າວ ສາລີ ອາຍຸ 32 ປີ ບ້ານນ້ໍາສ້າງ ເມືອງວິລບູລີ ແຂວງສະຫວັນນະເຂດ ເສຍຊີວິດຄາທີ່.
ພາຍຫຼັງເກີດເຫດ ເຈົ້າາທີ່ຕໍາຫຼວດຈະລາຈອນ ໄດ້ກັກຕົວຜູ້ຂັບຂີ່ລົດໃຫຍ່ ພ້ອມທັງກວດຄົ້ນລົດຕູ້ ໄດ້ ພົບເຫັນກັນຊາອັດແທ່ງ ຈໍານວນ 5 ເປົ້າ, ນ້ໍາຫນັກ 101 ກິໂລກຼາມ.
ແຫຼ່ງຂ່າວ: ຄວາມສະຫງົບ
