ສະຫວັນນະເຂດ ຈະມີການເຮັດບຸນສົມໂພດຮູບເໝືອນພໍ່ກະດວດຮູບປັ້ນຫຼໍ່ຈໍາລອງ ພໍ່ກະດວດ ຈະມີການສົມໂພດ ທາງພຸດທະສາສະໜາຢ່າງຍິ່ງໃຫຍ່ ຊຶ່ງໃນວັນທີ 2 ເມສາ 2022, ການນໍາແຂວງສະຫວັນນະເຂດ ນໍາໂດຍທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ ພ້ອມຂະແໜງການທີ່ກ່ຽວຂ້ອງ ຂະບວນແຫ່ພໍ່ກະດວດ ອອກຈາກນະຄອນ ຫຼວງວຽງຈັນ ຊຶ່ງພາຍຫຼັງທີ່ມີການປັ້ນຫຼໍ່ດ້ວຍທອງເຫຼືອງໜັກປະມານ 3 ໂຕນກວ່າ ຊຶ່ງຈະຂົນສົ່ງທາງລົດ ໄປແຂວງສະຫວັນນະເຂດ ຊຶ່ງໃນວັນທີ 3 ເມສາ 2022 ເວລາ 14 ໂມງ ຈະມີການແຫ່ອ້ອມຕົວເມືອງ (ອ້ອມວົງວຽນໄດໂນເສົາ) ມາຕາມເສັ້ນທາງໄກສອນ ພົມວິຫານ, ໄປວົງວຽນກະບອງແລ້ວແຫ່ໄປຕາມເສັ້ນ ທາງພໍ່ກະດວດ, ລົງໃສ່ສະຖານທີ່ຕັ້ງ ອະນຸລາວະລີພໍ່ກະດວດໜ້າໂຮງໝໍແຂວງ ໂດຍມີຂະບວນມວນຊົນຕ້ອນຮັບ 2 ພາກທາງ ພ້ອມນີ້ ກໍມີທ່ານເຈົ້າແຂວງ, ຜູ້ຊົງຄຸນວຸດທິ ແລະ ອະດີດການນໍາແຂວງຈໍານວນໜຶ່ງໃຫ້ຕ້ອນຮັບ.
ຈາກນັ້ນ, ກໍມີພິທີທາງສາສະໜາແບບປະເພນີດັ່ງເດີມ. ພໍ່ກະດວດ ໄດ້ນຳພາຂະບວນການຕໍ່ສູ້ຕ້ານຈັກກະພັດຜູ້ຮຸກຮານໃນປີ 1901-1902 ພໍ່ກະດວດ ຊື່ແທ້ແມ່ນ ທ້າວ ອາຍີ່ ເກີດປີ 1849 ແລະ ເສຍຊີວິດໃນປີ 1902 ລວມອາຍຸໄດ້ 53 ປີ, ພໍ່ແມ່ຂອງທ້າວ ອາຍີ່ ຕັ້ງບ້ານເຮືອນຢູ່ເມືອງພີນ ແຂວງສະຫວັນນະເຂດ ພໍ່ຊື່ ທ້າວ ອາບັງ ຊົນເຜົ່າລາວເທິງ ທີ່ມີເຊື້ອສາຍເຂດດົງບໍລິເວນ, ຊື່ແມ່ ນາງ ບຸນທົມ ຄົນລາວລຸ່ມ. ພໍ່ ແລະ ແມ່ ເປັນຄົນຊາວນາສາມັນຊົນ. (ຂ່າວ-ພາບ: ສະຫວັນ)
