ຕາມການລາຍງານຂອງ ສຳນັກຂ່າວ CRI-FM93 ຜ່ານແຟນເພສໃຫ້ຮູ້ວ່າ: ທິວທັດລຽບຕາມທາງລົດໄຟລາວ-ຈີນແຕ່ວຽງຈັນ-ບໍ່ເຕັນ 20 ຕຸລາ 2021 ນີ້, ໃນຂະນະທີ່ທາງລົດໄຟລາວ-ຈີນ ໄດ້ເຮັດການທົດລອງເຕັກນິກລົດໄຟເຄື່ອນທີ່ຕົວຢ່າງ ເພື່ອປະເມີນຜົນ ແລະກວດກາທຸກລະບົບຂອງກ່ຽວກັບລົດໄຟ ແລະລາງ ເພື່ອຮັບປະກັນຄວາມປອດໄພທຸກສະຖານະການ.
ທີມງານນັກຂ່າວ CRI ນອກຈາກ ໄດ້ເກັບພາບການເຮັດວຽກການກວດກາເຕັກນິກເຄື່ອນທີ່ລົດໄຟຢ່າງຮອບດ້ານແລ້ວ, ພວກເຮົາຍັງໄດ້ເກັບພາບບັນຍາກາດດ້ານໃນ ແລະວິວດ້ານນອກຂອງລົດໄຟ ເພື່ອມາໃຫ້ທຸກທ່ານໄດ້ເຫັນເຖິງທິວທັດຄວາມສວຍສົດງົດງາມຂອງທໍາມະຊາດ ທີ່ອອ້ອມຮອບເຕັມໄປດ້ວຍພູຜາປ່າໄມ້, ແມ່ນໍ້າລໍາເຊ, ການດໍາລົງຊີວິດຂອງປະຊາຊົນລາວບັນດາເຜົ່ານັບແຕ່ນະຄອນຫຼວງວຽງຈັນຈົນຮອດບໍ່ເຕັນແຂວງຫຼວງນໍ້າທາທີ່ເປັນຊາຍແດນຕິດຈອດກັບ ສປ ຈີນ.
ພາບງາມໆຈາກ: ສອນປະເສີດ.
