ອີງຕາມລາຍງານແຫຼງຂ່າວປະຈຳວັນ ຂອງຄະນະສະເພາະກິດ ວັນທີ 21 ສິງຫາ 2021 ໃຫ້ຮູ້ວ່າ: ສປປ ລາວ ກວດພົບຜູ້ຕິດເຊື້ອໂຄວິດ-19 ກໍລະນີໃໝ່ 411 ຄົນ ເຊິ່ງມີ ຊຸມຊົນ 26 ຄົນ ແລະ ນຳເຂົ້າ 385 ຄົນ.
ສຳລັບ 26 ຄົນ ຕິດເຊື້ອພາຍໃນແຂວງ ຈາກ ນະຄອນຫຼວງວຽງຈັນ 2 ຄົນ, ບໍ່ແກ້ວ 18 ຄົນ, ສະຫວັນນະເຂດ 5 ຄົນ, ຈຳປາສັກ 1 ຄົນ.
ສຳລັບກໍລະນີນຳເຂົ້າ 385 ຄົນ ຈາກນະຄອນຫຼວງວຽງຈັນ 52 ຄົນ, ຈຳປາສັກ 158 ຄົນ, ສະຫວັນນະເຂດ 95 ຄົນ, ຄຳມ່ວນ 61 ຄົນ, ສາລະວັນ 9 ຄົນ, ໄຊຍະບູລີ 8 ຄົນ, ອຸດົມໄຊ 2 ຄົນ.
ຂໍ້ມູນເບື້ອງຕົ້ນຂອງຜູ້ຕິດເຊື້ອໃໝ່ພາຍໃນແຂວງ:
ນະຄອນຫຼວງວຽງຈັນ 2 ຄົນ:
ຜູ້ທີ 1 ແມ່ນ ເພດຊາຍ ອາຍຸ 31 ປີ ພະນັກງານ, ບ້ານນາທ່ອນ, ເມືອງນາຊາຍທອງ, ສັກວັກຊີນຄົບ 2 ເຂັມ, ຜູ້ກ່ຽວປະຈຳຢູ່ສູນຈຳກັດບໍລິເວັນ ໃນໄລຍະວັນທີ 7-16 ສິງຫາ 2021.
- 17/8/2021 ໄປບ້ານຫົວນາ ເມືອງໄຊທານີ
- 18/8/2021 ໄປຊື້ຕຳໝາກຮຸ່ງໃກ້ກັບຕະຫຼາດເຂດດົງໂດກ ແລະຮູ້ສຶກມີອາການ ເຈັບຄໍ ມີຂີ້ກະເທີ່
- 19/8/2021 ມີໄຂ້ ແລະ ເຈັບຫົວ
- 20/8/2021 ຜົນກວດເປັນບວກ ຕິດເຊື້້ອໂຄວິດ-19
ຜູ້ທີ 2 ເພດຊາຍ ອາຍຸ 31 ປີ ພະນັກງງາ, ບ້ານດົງໂດກ, ເມືອງໄຊທານີ, ນະຄອນຫຼວງວຽງຈັນ ສັກວັກຊີນຄົບ 2 ເຂັມ,
- 12-13/8/2021 ໄປຕະຫຼາດຊັງຈຽງ ແລະ ຕອນແລງໄປຕະຫຼາດເຂດດົງໂດກ.
- 14/8/2021 ມີໄຂ້ ໄປກວດຢູ່ຄຣິນິກ
- 17/8/2021 ໄປເກັບຕົວຢ່າງກວດຢູ່ສູນ ມຊ ດົງໂດກ
- 20/8/2021 ຜົນກວດພົບເຊື້ອໂຄວິດ-19
ສ່ວນແຂວງບໍ່ແກ້ວ 18 ຄົນ ແມ່ນຢູ່ບ້ານສີເມືອງງານ, ເມືອງຕົ້ນເຜິ້ງ
ສ່ວນແຂວງສະຫວັນນະເຂດ 5 ຄົນ : 3 ຄົນ ແມ່ນຄົນໃນຄອບຄົວຜູ້ຕິດເຊື້ອກ່ອນໜ້ານີ້, ອີກ 2 ຄົນ ແມ່ນທີມງງານກຳລັງສອບຖາມລາຍລະອຽດ
ສ່ວນຈຳປາສັກ 1 ຄົນ ແມ່ນ ທີມງງານກຳລັງສອບຖາມລາຍລະອຽດ,
ມາຮອດປັດຈຸບັນ, ສປປ ລາວ ມີຜູ້ຕິດເຊື້ອສະສົມລວມ 12,164 ຄົນ, ເສຍຊີວິດສະສົມ 11 ຄົນ ແລະ ກຳລັງປິ່ນປົວ 4,415 ຄົນ.
