6 ເດືອນ GDP ເມືອງດາກຈຶງ ບັນລຸ 370 ຕື້ກວ່າກີບ
ຕາມ ຂປລ ລາຍງານໃຫ້ຮູ້ວ່າ: ຕາມການລາຍງານຂອງ ທ່ານ ໄລສວນ ມິດສຸວັນ ເຈົ້າເມືອງດາກຈຶງ ເມື່ອບໍ່ດົນນີ້ວ່າ:
ໃນ 6 ເດືອນຕົ້ນປີ 2021 ການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມພາຍໃນເມືອງ ພົບບັນຫາທ້າທາຍຫລາຍປະການ ເປັນຕົ້ນ ແມ່ນສະພາບການລະບາດຂອງພະຍາດໂຄວິດ-19 ເຮັດໃຫ້ບາງຂະແໜງການບໍສາມາດປະຕິບັດໄດ້ຕາມແຜນການ.
ແຕ່ພາຍໃຕ້ການນໍາພາ-ຊີ້ນໍາຂອງຄະນະພັກ-ອົງການປົກຄອງເມືອງ ເຮັດໃຫ້ເສດຖະກິດຂະຫຍາຍຕົວ 4% ເທົ່າກັບ 57,14% ຂອງແຜນການປີ, ລວມຍອດຜະລິດຕະພັນພາຍໃນ (GDP) ບັນລຸ 377,2 ຕື້ກີບ, ສະເລ່ຍ 14 ລ້ານກີບຕໍ່ຄົນຕໍ່ປີ, ໃນນັ້ນຂະແໜງກະສິກໍາ-ປ່າໄມ້ກວມ 39,38%, ຂະແໜງອຸດສາຫະກໍາ 23,33% ແລະ ການບໍລິການກວມ 37,29%. ສ່ວນດ້ານງົບປະມານສາມາດເກັບລາຍຮັບໄດ້ 578 ລ້ານກີບ ເທົ່າກັບ 20% ຂອງແຜນປີ.
ສ່ວນແຜນການພັດທະນາໃນ 6 ເດືອນທ້າຍປີ, ຄະນະພັກ-ຄະນະນໍາຂອງເມືອງ ຕ້ອງເອົາໃຈໃສ່ນໍາພາ-ຊີ້ນໍາຊຸກຍູ້ສົ່ງເສີມ ການຜະລິດເປັນສິນຄ້າຂອງປະຊາຊົນໃຫ້ເປັນຂະ ບວນການກວ້າງຂວາງ, ພ້ອມທັງສ້າງເງື່ອນໄຂ, ສ້າງສິ່ງອໍານວຍຄວາມສະດວກ, ພັດທະ ນາພື້ນຖານໂຄງລ່າງ, ດຶງດູດການລົງທຶນເຂົ້າໃນການພັດທະນາຂົງເຂດວຽກງານຕ່າງໆພາຍໃນເມືອງ ເພື່ອເປັນທ່າແຮງໃນການພັດທະນາເສດຖະກິດໃ ຫ້ນັບມື້ຂະຫຍາຍຕົວເພີ່ມຂຶ້ນເປັນກ້າວໆ.
