Element Payment Solutions (EPS) ຜູ້ນຳດ້ານນະວັດຕະກຳໃນການຊຳລະເງິນ ເຂົ້າຮ່ວມງານ Lao Digital Week 2025 ສຳລັບງານນີ້ຈັດຂຶ້ນໃນວັນທີ 2 ເມສາ 2025 ທີ່ ຫໍປະຊຸມແຫ່ງຊາດ (National Convention Centre) ໂດຍເປັນໂອກາດສຳຄັນໃນການນຳສະເໜີນະວັດຕະກຳການຮັບຊຳລະເງິນແບບທັນສະໄໝເຂົ້າສູ່ຕະຫຼາດພາກພື້ນອາຊີປາຊິຟິກພ້ອມສະໜັບສະໜູນການພັດທະນາເຕັກໂນໂລຊີດິຈິຕອນໃນ ສປປ ລາວ
ພາຍໃນງານ EPS ຈະນຳສະເໜີການບໍລິການ ແລະ ແອັບພິເຄຊັ່ນ EPS wallet ກະເປົ໋າເງິນອິເລັກໂຕນິກ (E-wallet) ທີ່ຈະເປີດໂຕໄວໆນີ້ໃນ ສປປ ລາວ ເຊິ່ງແອັບພິເຄຊັ່ນດັ່ງກ່າວຈະເຜີຍຮູບແບບໃໝ່ໃນການຮັບຊຳລະເງິນດ້ວຍປະສົບການການຮັບຊຳລະເງິນດິຈິຕອນທີ່ສະດວກ, ປອດໄພ ແລະ ມີປະສິດທິພາບ ຮອງຮັບການໂອນເງິນຈາກປະເທດໄທເຂົ້າປະເທດລາວ ຍ້ຳໃຫ້ເຫັນເຖິງຄວາມມຸ່ງມັ້ນຂອງ EPS ໃນການຂັບເຄື່ອນການພັດທະນາລະບົບການຮັບຊຳລະເງິນດິຈິຕອນໃນອາຊີປາຊິຟິກ
ການເຂົ້າຮ່ວມງານຄັ້ງນີ້ມີຜູ້ບໍລິຫານລະດັບສູງຂອງ EPS ເຂົ້າຮ່ວມເພື່ອສະແດງເຖິງການສະໜັບສະໜູນໂດຍ ທ່ານ ເຊຍິດຣາຮັດ ອາມັດ ກຳມະການຜູ້ຈັດການ ເຊິ່ງເປັນຜູ້ທີ່ຜັກດັນກົນລະຍຸດການຂະຫຍາຍທຸລະກິດຂອງ EPS ໃນພາກພື້ນອາຊີປາຊິຟິກ ການເຂົ້າຮ່ວມງານຄັ້ງນີ້ຍ້ຳໃຫ້ເຫັນເຖິງຄວາມມຸ່ງມັ້ນຂອງບໍລິສັດທີ່ຈະຍົກລະດັບໃນການຮັບຊຳລະເງິນທີ່ທັນສະໄໝ ແລະ ສະໜັບສະໜູນໃນການໃຊ້ເຕັກໂນໂລຊີດິຈິຕອນໃນ ສປປ ລາວ
ນອກຈາກການເປີດໂຕແອັບພິເຄຊັ່ນ EPS wallet ພາຍໃນງານຍັງມີການນຳສະເໜີຜະລິດຕະພັນ ແລະ ການບໍລິການອື່ນໆຂອງ EPS ທີ່ຈະເຂົ້າມາຕອບໂຈດການຮັບຊຳລະເງິນດິຈິຕອນໃນອະນາຄົດ ລວມໄປເຖິງການສະແດງວິໄສທັດກ່ຽວກັບການພັດທະນາເຕັກໂນໂລຊີການຊຳລະເງິນ ເພື່ອຮອງຮັບການເຕີບໃຫຍ່ຂອງເສດຖະກິດດິຈິຕອນໃນ ສປປ ລາວ
ທ່ານ ເຊຍິດຣາຮັດ ອາມັດ ໄດ້ກ່າວເຖິງຄວາມສຳຄັນຂອງການເຂົ້າຮ່ວມງານຄັ້ງນີ້ວ່າ “ການເຂົ້າຮ່ວມງານ Lao Digital Week 2025 ຖືເປັນໂອກາດອັນດີໃນການສະແດງສັກກະຍະພາບຂອງ EPS ໃນຖານະຜູ້ນຳດ້ານນະວັດຕະກຳການຮັບຊຳລະເງິນ ແລະ ເປັນເວທີສຳຄັນໃນການສ້າງຄວາມຮ່ວມມືກັບພັນທະມິດທ້ອງຖິ່ນ ເຊິ່ງຈະເປັນພື້ນຖານໃນການຂັບເຄື່ອນການເຕີບໃຫຍ່ຂອງການຮັບຊຳລະເງິນດິຈິຕອນ ແລະ ການໃຊ້ເຕັກໂນໂລຊີໃນ ສປປ ລາວ ຢ່າງຍັ້ງຍືນ”
EPS ຍັງມຸ່ງມັ້ນໃນການຍົກລະດັບການຊຳລະເງິນທີ່ທັນສະໄໝ ແລະ ປອດໄພ ພ້ອມຮ່ວມມືກັບທຸກພາກສ່ວນ ເພື່ອຜັກດັນໃຫ້ເກີດການປ່ຽນແປງໃນລະບົບການຮັບຊຳລະເງິນດິຈິຕອນ ແລະ ການນຳໃຊ້ເຕັກໂນໂລໂຊໃນພາກພື້ນອາຊີປາຊິຟິກ
ຂໍ້ມູນເພິ່ມເຕີມກ່ຽວກັບ Element Payment Solutions ສາມາດຕິດຕາມທີ່ elementpay.io/th Facebook: https://www.facebook.com/elementpaymentsolutions ຫຼື ຕິດຕໍ່ [email protected]
