ຈາກເຫດການທີ່ໄດ້ເກີດຂຶ້ນໃນວັນທີ 3 ມີນາ ທີ່ຜ່ານມາ, ຈົນເຮັດໃຫ້ສັງຄົມໃຫ້ຄວາມສົນໃຈ ຕໍ່ກັບການເສຍຊີວິດຂອງ ນາງ ລິຕ້າ ວົງພະຈັນ ອາຍຸ 23 ປີ ຢູ່ບ້ານໂນນເເກ້ວ, ເມືອງສີໂຄດຕະບອງ, ນະຄອນຫຼວງວຽງຈັນ ທີ່ໄດ້ຖືກທ້າວດອນ ປີຍາເດດ ຫຼື ທ້າວຊ້າງ ຍິງເສຍຊີວິດ ເຊິ່ງເກີດເຫດທີ່ບ້ານສົມສະຫງ່າ, ເມືອງໄຊເສດຖາ ນະຄອນຫຼວງວຽງຈັນ. ຫຼັງຈາກກໍ່ເຫດ ຜູ້ກ່ຽວກໍໄດ້ເອົາໂຕຫຼົບໜີ.
ປັດຈຸບັນ, ວັນທີ 17 ມິຖຸນາ 2023 ເປັນເວລາກວ່າ 3 ເດືອນ ແຕ່ຜູ້ກໍ່ເຫດຍັງຫຼົບໜີ. ເຊິ່ງທາງຄອບຄົວ ຜູ້ເສຍຊີວິດກໍໄດ້ດຳເນີນການຕາມຂັ້ນຕອນ ພ້ອມຮຽກຮ້ອງຄວາມເປັນທຳໃຫ້ແກ່ຜູ້ເສຍຊີວິດ ແລະ ຫວັງວ່າຈະຈັບຜູ້ກໍ່ເຫດໄດ້ໂດຍໄວ.
ຂໍສະແດງຄວາມເສຍໃຈກັບເຫດການນີ້ອີກຄັ້ງ.
