12/8/2022 ການນຳຂອງແຂວງ ມອບເຄື່ອງຊ່ວຍເຫຼືອໃຫ້ເມືອງທ່າປາງທອງເພື່ອນຳໄປມອບໃຫ້ປະຊາຊົນຜູ້ທີໄດ້ຮັບຜົນກະທົບຈາກໄພນ້ຳຖ້ວມ.
ໃນຕອນເຊົ້າຂອງວັນທີ 11 ສິງຫາ 2022 ນີ້ ການນຳຂັ້ນແຂວງສະຫວັນນະເຂດ ນໍາໂດຍທ່ານ ຄຳຜັນ ຄູນສະຫວັນ ກຳມະການປະຈຳພັກແຂວງ ຮອງປະທານສະພາປະຊາຊົນແຂວງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ພ້ອມຄະນະ ໄດ້ນຳເອົາເຄື່ອງຊ່ວຍເຫຼືອມາມອບໃຫ້ເມືອງທ່າປາງທອງ ເພື່ອນຳໄປມອບໃຫ້ຄອບ ຜູ້ທີ່ໄດ້ຮັບຜົນກະທົບຈາກໄພນ້ຳຖ້ວມ ໂດຍການຕ້ອນຮັບຂອງທ່ານ ຄຳປະສົງ ຂົງຄຳ ເຈົ້າເມືອງທ່າປາງທອງ ພ້ອມຄະນະກຳມະການຕ້ານໄພພິບັດຂັ້ນເມືອງ ໃຫ້ການຕ້ອນຮັບ ຢ່າງອົບອຸ່ນ ສຳລັບເຄື່ອງທີ່ນຳມາມອບຄັ້ງນີ້ປະກອບມີ ນ້ຳດື່ມ 100 ແພັກ.
ປາກະປ໋ອງ 4 ແກັດ ແລະ ໝີໄວ 5 ແກັດໃຫຍ່ ລວມມູນຄ່າທັງໝົດ 5800.000 ກີບ. ໂດຍໃຫ້ກຽດມອບຂອງທ່ານ ທ່ານ ຄຳຜັນ ຄູນສະຫວັນ ຮອງປະທານສະພາປະຊາຊົນແຂວງ ແລະ ຕາງໜ້າຮັບ ຂອງທ່ານ ທ່ານ ຄຳປະສົງ ຂົງຄຳ ເຈົ້າເມືອງທ່າປງທອງ ຈາກນັ້ນກໍໄດ້ລົງເບິ່ງສະຖານທີ່ ໄດ້ຮັບຜົນກະທົບ ຈາກໄພນ້ຳຖ້ວມ ໃນຄັ້ງນີ້ອີກດ້ວຍ.
