ຊົມເຊີຍ! ພະນະທ່ານ ຮສ. ດຣ. ບຸນກອງ ສີຫາວົງ ໄດ້ຮັບຫຼຽນກຽດຕິຄຸນ

ພະນະທ່ານ ຮສ. ດຣ. ບຸນກອງ ສີຫາວົງ, ອະດີດລັດຖະມົນຕີກະຊວງສາທາລະນະສຸກ ແຫ່ງ ສປປ ລາວ ໄດ້ຮັບການປະດັບຫຼຽນກຽດຕິຄຸນ The Order of the Rising Sun, Gold and Silver Star, ເຊິ່ງເປັນໜຶ່ງໃນຫຼຽນກຽດຕິຄຸນອັນຊົງກຽດທີ່ສຸດຂອງພົນລະເມືອງຍີ່ປຸ່ນ.

ຫຼຽນກຽດຕິຄຸນອັນຊົງກຽດທີ່ມອບໃຫ້ໂດຍລັດຖະບານຍີ່ປຸ່ນນີ້ ແມ່ນທ່ານ ໂຄບະຢະຊິ ເຄັນອິຈິ, ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ໄດ້ຕາງໜ້າປະດັບໃຫ້ຢ່າງເປັນທາງການ ໃນພິທີປະດັບຫຼຽນກຽດຕິຄຸນທີ່ຖືກຈັດຂຶ້ນໃນວັນທີ 15 ກໍລະກົດ 2022 ຢູ່ທີ່ບ້ານຂອງເອກອັກຄະຣາຊະທູດຍີ່ປຸ່ນ ໃນນະຄອນຫຼວງວຽງຈັນ.

ໃນພິທີດັ່ງກ່າວ, ທ່ານທູດ ໂຄບະຢະຊິ ໄດ້ສະແດງຄວາມຍິນດີກັບພະນະທ່ານ ດຣ. ບຸນກອງ ແລະ ໄດ້ສະແດງຄວາມຂອບອົກຂອບໃຈຕໍ່ກັບການປະກອບສ່ວນທີ່ສໍາຄັນຂອງທ່ານ ໃນການສົ່ງເສີມສາຍພົວພັນມິດຕະພາບລະຫວ່າງຍີ່ປຸ່ນ ແລະ ສປປ ລາວ ໃນຂະແໜງການສາທາລະນະສຸກ ເປັນເວລາຍາວນານຫຼາຍປີ.

ຂ່າວ: ສະຖານທູດຍີ່ປຸ່ນປະຈຳລາວ