ຮ່ອງຄວມດັນອາກາດຕໍ່າ ຍັງພາດຜ່ານພາກເໜືອ ຂອງປະເທດລາວ, ສົມທົບກັບລົມມໍລະສຸມ ຕາເວັນຕົກສ່ຽງໃຕ້ ພັດປົກຄຸມພາກກາງ ຫາ ພາກໃຕ້ດ້ວຍກຳລັງແຮງ, ເຊິ່ງຈະເຮັດໃຫ້ ມີຝົນຕົກຟ້າຮ້ອງເຫຼື້ອມໃນລະດັບຄ່ອຍ ຫາ ພາກກາງ ຢູ່ເກືອບທົ່ວປະເທດຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.
ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນ ບັນດາເຜົ່າ ຈົ່ງມີສະຕິ ຕໍ່ສະພາບຝົນຕົກໜັກ ທີ່ຈະເຮັດໃຫ້ເກີດນໍ້າຖ້ວມກະທັນຫັນ, ນໍ້າຖ້ວມຊຸ ແລະ ດິນເຈື່ອນ. ສຳລັບຜູ້ອາໃສຢູ່ ແຂວງຫຼວງນໍ້າທາ, ລະດັບນໍ້າ ແມ່ນ ຍັງຢູ່ໃນເຂດອັນຕະລາຍ, ຂໍໃຫ້ປະຊາຊົນສືບຕໍ່ເກັບມ້ຽນວັດຖຸສິ່ງຂອງ, ສິິ່ງທີ່ມີຄ່າ ແລະ ສັດລ້ຽງໄປໄວ້ບ່ອນສູງ ແລະ ປອດໄພ, ພ້ອມຕິດຕາມການລາຍງານສະພາບພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.
