ອີງຕາມການແຈ້ງການ ຈາກແຟນເພສ Lao Airlines ການບິນລາວ ໃຫ້ຮູ້ວ່າ: ເລີ່ມວັນທີ 25 ມິຖຸນາ 2021 ນີ້, ລັດວິສາຫະກິດການບິນລາວ ພ້ອມກັບມາໃຫ້ບໍລິການຖ້ຽວບິນພາຍໃນປະເທດ ໂດຍພາຍໃຕ້ມາດຕະການຄວາມປອດໄພ ຕາມທີ່ຄະນະສະເພາະກິດປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ໄດ້ວາງອອກຢ່າງເຂັ້ມງວດ.
ເລີ່ມບິນ ວັນທີ 25 ມິຖຸນາ 2021 ໄດ້ແກ່ ຫຼວງພະບາງ, ປາກເຊ, ອຸດົມໄຊ, ຫຼວງນໍ້າທາ ແລະ ຊຽງຂວາງ. ເລີ່ມບິນ ວັນທີ 02 ກໍລະກົດ ແມ່ນ ສະຫວັນນະເຂດ.
ດັ່ງນັ້ນ, ຂໍແຈ້ງມາຍັງບັນດາທ່ານທີ່ມີຄວາມຕ້ອງການຈະເດີນທາງໃຫ້ຊາບ ແລະ ຂໍໃຫ້ທຸກທ່ານປະຕິບັດຕາມມາດຕະການທີ່ຄະນະສະເພາະກິດໄດ້ວາງອອກຢ່າງເຂັ້ມງວດ.
