ອີງຕາມການຖະແຫຼງຂ່າວ ຂອງ ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ຕາງໜ້າ ຄະນະສະເພາະກິດ, ວັນທີ 3/06/21 ໄດ້ກວດວິເຄາະທັງໝົດ 1920 ຕົວຢ່າງ ໃນນັ້ນ ກວດພົບເຊື້ອ 9 ຕົວຢ່າງ, ຢູ່ນະຄອນຫຼວງວຽງຈັນ 7 ຄົນ, ຈໍາປາສັກ 1 ຄົນ ( ນໍາເຂົ້າ), ສະຫວັນນະເຂດ 1 ຄົນ (ນໍາເຂົ້າ).
ກໍລະນີຕິດເຊື້້ອໃໝ່ 9 ຄົນ ເຊິິ່ງມີເນື້ອໃນດັ່ງນີ້: 7 ຄົນ ທີ່ຕິດເຊື້ອໃນ ນະຄອນຫຼວງວຽງຈັນ ທັງໝົດແມ່ນໄດ້ສຳຜັດໃກ້ຊິດ ກັບຜູ້ຕິດເຊື້ອເກົ່າທີ່ຕິດເຊືອ ໃນຊຸມຊົນຜ່ານມາ. ສ່ວນສະຫວັັນນະເຂດ 1 ຄົນ ແລະ ຈຳປາສັກ 1 ຄົນ ແມ່ນກໍລະນີນຳເຂົ້າ ເຊິ່ງກວດເຊື້ອໃນແຮງງານລາວທີ່ເດີນທາງກັບຈາກປະເທດໄທ ຖືກຕ້ອງຕາມກົດໝາຍ.
-ເຂດສ່ຽງ/ສະຖານທີ່ ທີ່ຜູ້ຕິດເຊື້ອໄດ້ເດີນທາງໄປມີຄືດັ່ງນີ້:
- ວັນທີ 30/05/2021 ໄປຕະຫຼາດຊັ່ງຈຽງ (ຢູ່ແຕ່ຮ້ານບໍລິເວນດ້ານນອກ) ແລະ ໄປຫານ້ອງຮັກຢູ່ ບ້ານ ຕານມີໄຊ
- ວັນທີ 03/06/2021 ໄປຊື້ຢາ ຢູ່ ໃສສະອາດ ສາຂາ ໜອງດ້ວງ
- 01 ຄັ້ງ ຕໍ່ ອາທິດ ແມ່ນໄປຕະຫຼາດສີເກີດ ເພື່ອຊື້ອາຫານ
- ວັນທີ 22/05/2021 ໄປຫ້ອງແຖວ ບ້ານ ໂພນສະອາດ
ມາຮອດວັນທີ 4 ມິຖຸນາ 2021 ສປປ ລາວ ມີຜູ້ຕິດເຊື້ອໂຄວິດ-19 ສະສົມທັງໝົດ 1952 ແລະ ເສຍຊີວິດສະສົມທັງໝົດ 3 ຄົນ.
